ما الجميل في الصيدلة ؟ [الأرشيف] - بوابة الثانوية العامة المصرية

مشاهدة النسخة كاملة : ما الجميل في الصيدلة ؟

sayed7ea

14-08-2011, 06:16 AM

eleslamn

14-08-2011, 11:00 AM

انا مجموعى يجيب طب لكنى دخلت اسنان وعملت من يومين طلب تحويل لصيدله بس مش عارفه ليه والله بس مرتحالها المهم ربنا يوفقنا جميعا

أم عبدة

14-08-2011, 02:38 PM

السلام عليكم
فعلا كلية الصيدلة بيقال عليها كلام مش كويس ويحرق الدم اقربها انا كنت عند واحده بزورها متجوزة جديد ( عقبالكم ) فحماتها ست مثقفه ومحترمه فبعدين عرفت اني صيدلة قالتلي ايه عايزة تطلعي بياعه والله انا اتصدمت المفروض ان الي يقول الكلام ده حد جاهل ملوش غير في المظاهر على العموم انا كان ممكن اقنعها بس مش رضيت عشان طالما هي ماشية ورا المظهر عمرها مهيه مغيره رايها
انا بقول كده ليه لانك لما تدخل موضوع وفيه تحدي كبير هيبقى ليه طعم تاني
اه ممكن حد يقول صيدلة مش كويسه خلاص احنا الي نخليها كويسه لازم احنا الي نصلح ونبدا بنفسنا
هما بيقول ان الي يقف في الصيدلية ممكن يكون دبلوم خلاص اما تفتح الصيدلية بتاعك مش تعقد فيها غير دكتور ويكون لابس البلطو وعليه كارنيه يعرف بيه . غير كده في مجالات للصيدلة حلوه زي الاكلينيكي والتصنيع الدوائي .
عذرا على الاطالة بس بجد الي يدخل الكلية لازم يحط في دماغه ان لازم ينتصر على كل الاقوال التي تسيء لهذه المهنة.

mido $tar

14-08-2011, 03:26 PM

انا جايب 99.5 و داخل صيدلة لانى حاببه و بعدين اللى بيقولك حتطلع بياع ابقى اقوله طاب انت معرفتش تدخله ليه و بعدين لاتجعل طموحك فى انك تفتح صيدلية و خلاص ممكن تتفوق و تصل الى اعلى المراتب فى البحث العلمى و المتفوق بيثبت نفسه فى كل مكان

اميرة النور

14-08-2011, 03:33 PM

الصيدله ليها امتيازات كتييير

Dr/amal

14-08-2011, 03:39 PM

بصى ياقمر
انا مجموعى جايب طب والحمد لله
وكان قدامى ادخله او ادخل اسنان
بس تعالى نبص للمستقبل اللى ان شاء الله مش بعيد اوى
دلوقتى انتى الحمد لله دخلتى صيدله
تمام الدراسه فيها صعبه على فكره (وماله) اصعب من طب (وفيها ايه)
منتى اتعبى 5 سنين تمام وذاكرى وبعديها ارتاحى العمر كله
بصى ياقمر
تعالى نقول مثلا انى دخلت طب
دراسه من ناااااار 7 سنين (ليه) علشان اجيب تقدير (ليه برده) علشان ندخل قسم يريحنا زى الجلديه (لان ده مش بيدخله الا تقديره امتيااااز ) يعنى اوائل الكليه
ماااااااشى قولنا هنذاكر ونطحن نفسنا ويضيع النظر 7 سنين
وماله اهو العلم عايز جهاااااااد طب وبعدين
عايزه بعد السنه الامتياز سنتين ماجستير
ده علشان تتعينى ف اى حته
مش علشان تفتحى عياده
والله يابنتى كلامى مظبووووط اقسملك بالله والتجارب العملى قدامى قرايبنا وجرانا وكتير
لو من حلاوة الروح بقى عايزه تفتحى عياده لالالالالالالالالالازم 4 دوكتوراه (اربع سنين مذاكره )
احسبى الحسبه معايا كده
7+2+4= 13 سنه واحنا عندنا 18 سنه
يعنى يبقى عندك 31 سنه عقبال ماتقدرى تخدى نفسك وتشتغلى تمااااام
طيب قوليلى
اكيد ان شاء الله هتتجوزى قبل 31 دى
وولادك يابنتى وبيتك
احنا كبنات مش ينفعلنا المهنه دى ابداااا
هتسيبى ولادك وتقعدى تزاكرى والا تسيبهم ف البيت وتنزلى العياده ؟
والا هتخديهم معاكى ؟
والا هتجيبلهم واحده تربيهم هى وتقعد معاهم
فكرى شويه يا بنتى
حتى لو كنتى عايزه اسنان
ماهى اسنان عياده برده وحيره ف شغل بيتك وولادك
واكيد هتقصرى فى حاجه
يافى حق بيتك يا فى حق ولادك وجوزك يافى حق نفسك
هتهلكى نفسك
انما بقى صيدله والحمد لله كويسه جداااا ان شاء الله
دولقتى انتى تتخرجى وتفتحى صيدلية
وتاخدى بالك من بيتك وولادك وحياتك
يابنتى الصيدلى مش بيااااااع يا اخوانا عيب الكلمه دى
هو لو كلنا بقينا اطباء
مين هيوفر الادويه اللى بتعالج
لو كل الصيادله زعلوا من الكلمه دى وقالوا مش شغالين وقفلوا صيدلياتهم
هيعمل ايه المريض؟؟
يروح يكشف عند الدكتور وميلاقيش صيدلى يديله العلاج
او يركبله التركيبه
كلنا مهمين فى اماكنا وانا شايفه ان مهنتنا مهنه جميله وساميه ولازم تحسى بده
وبعدين ياقمر والله الصيادله مش واخدين حقهم ف البلد دى
المفروض الطبيب يشخص المرض ويعرض التشخيص على الصيدلى وهو اللى يوصف العلاج والجرعات وكله مش الطبيب اللى يكتب الروشته
دا كلام فارغ والله
المفروض احنا اللى ناخد مكانتنا ونحس بيها علشان الناس تحترمنا
ولما حد يسالك دخلتى ايه
تقولى صيدله وبكل فخر وتكونى مقتنعه بمهنتك
مش يمكن انتى فى يوم من الايام تكتشفلنا علاج للسرطان او الايدز او اى مرض خطير
يمكن
مفيش حاجه بعيده عن ربنا
المهم انا اسفه ع الاطاله بس كان نفسى اتكلم ف الموضوع ده
يارب اكون اقنعتك وافدت
دمتى بكل خير
كل سنه وانتى طيبه

دارسة العقاقير

14-08-2011, 03:54 PM

الله ينور عليكى يا دكتوره امل انتى قولتى كل اللى فى نفسى

Dr\3beer

14-08-2011, 06:23 PM

الحمد لله جالي كلية صيدلة ( ومش مهم فين )
طبعا أنا بقول كده من باب الرضا بقضاء الله والقناعة مش فرح ولا سعادة
أنا نفسي اسمع كلمة حلوة عن كلية صيدلة وما بعدها
ياريت لو حد عنده ميزة أو أي حاجة حلوة يكتبها

لأن أكيد كل الناس متضايقة من الكلام عنها ولو في حد مش مضايق يقول شاف الأمل ده فين

اولا مبروك صيدله
اكيد انتى داخله صيدله بسبب التنسيق بس
مش هقولك اكتر من ان اللى ربنا كاتبهولك اكيد افضل من اللى تتمنيه
انا الحمد لله مجموعى يقبل طب لكنى فضلت صيدله مع انها ماكنتش فى بالى قبل كده ولما وقع اختيارى عليها حسيت ان ربنا هو اللى هدانى لها
بالنسبه لجزئيه كلام الناس , هى الناس اللى هتدخل الكليه ولا انتى ؟ لازم تكونى مقتنعه بالكليه عشان تنجحى فيها

ياريت لو تقرئى التوبيك ده
http://www.thanwya.com/vb/showthread.php?t=349851

malk sami

14-08-2011, 09:43 PM

انا بقى مجموعي جاب طب وعندي بنت عمتي دكتورة بشري متجوزة وعندها عيلين وخدت الماجستير و لما سألتها قالت رغم التعب الطويل ادخلي طب من غير تفكير
وبعدين الواحد حياته لو من غير هدف وكفاح يبقى مش ليها لازمة خالص و أبسط مثال الملل اللي كلنا بنحسه في الأجازة طول النهار يا بنشتغل في البيت يا بنتفرج على التلفيزيون ونقضي ساعتين قدام الكومبيوتر ولو حبيتي تخرجي فين الهدف.؟؟؟؟؟
حضرتك لما ان شاء الله تتخرجي هتفتحي صيدلية وتديها لغيرك يقعد فيها وتقعدي انتي في البيت تعملي ايه يبقى ؟مش تفرقي عن أي ربة بيت زميلتك خدت دبلوم.
الزواج مش نهاية الحياة ولا محتاج وقتك كله علشان تفكري ازاي تتفرغي من دلوقتي علشان الأولاد ليه ما تكونيش مختلفة وتعملي أكتر من اللي أي واحدة ممكن تعمله.

طبعا مع احترام جميع وجهات النظر بتاعة حضراتكوا ومع احترامي الشديد للي دخل كلية الصيدلة علشان حابب الدراسة فيها واللي بيفكر بطريقة مختلفة عني.
اللي خلاني مش أدخل صيدلة مع انها كانت على طول حلمي اني لاقيت نفسي مش حابة الكيمياء وميالة للأحياء خاصة الأجزاء الخاصة بالانسان
فربنا يوفق كل واحد في التخصص اللي اختاره
سلام يا دكاترة.

dr /nada

14-08-2011, 09:55 PM

DR_MOHAMED_97

14-08-2011, 10:28 PM

الحمد لله جالي كلية صيدلة ( ومش مهم فين )
طبعا أنا بقول كده من باب الرضا بقضاء الله والقناعة مش فرح ولا سعادة
أنا نفسي اسمع كلمة حلوة عن كلية صيدلة وما بعدها
ياريت لو حد عنده ميزة أو أي حاجة حلوة يكتبها

لأن أكيد كل الناس متضايقة من الكلام عنها ولو في حد مش مضايق يقول شاف الأمل ده فين

معلش ممكن رايي
انا كنت اكتر واحد علي مستوى العالم كان بيحلم بطب
ولكن يشاء الله انى مدخلش لسبب ما
وربنا كتبلي انى ادخل صيدلة وبعيد عن اهلي كمان
اما بالنسبة للي بيقول علينا بياعين
فالكل بيعمل عشان رضا ربنا
وصدقونى والله والله في ناس كتير دخلت كليات كانت بتحلم باكبر منها والناس دى ان شاء الله هتثبت وجودها في مجال عملها
استعينوا بالله وان شاء الله ربنا مش هيخيب ظنكم

بالتوفيق لاجمل طلبة عرفتهم في حياتى

dr /nada

14-08-2011, 10:42 PM

ربنا يبارك فيك يا دوك

malk sami

14-08-2011, 11:39 PM

ميت اللي قالك ان احنا هنفتح صيدليه ونديها لغيرنا يقعد فيها امال احنا هنشتغل ايه
طبعا أنا أتمنى من كل قلبي ان الصيادلة يقوموا بدورهم وياخدوا حقهم في مصر تمام لكن فعلا مش عجبتني معظم الردود اللي معظمها بيقول انهم دخلوا صيدلة علشان يرتاحوا مفروض الهدف يكون أكبر من كدة امال احنا طلع عينا في الثانوي ليه؟؟؟؟
عن نفسي جنب بيتي 10 صيدليات وكلهم لدكاترة ولاد وكلهم بلا استثناء بيشغلوا بنت فيها فترة صباحية عبال لما يجوا بالليل ومن لسان دكتور صيدلى بيقول أعرف دكتورة صيدلانية قاعدة في بيتها مش بتطلع لشغل و أنا بأودي ليها مرتبها على طول
فيا ريت تغيروا النظرة دي ونشوف بنات دكاترة صيدلة جامدين كدة
كل التوفيق

Dr.M!DO

15-08-2011, 02:25 AM

اهلا بيك يا دكتور سيد
اولا انت ليه زعلان ؟
كلية الصيدله هى الكليه الثالثه
فى كليات القمه بعد بشرى واسنان
ُثانيا انت داخل صيدله يعنى متفوق . يعنى
اكيد عارف ان الناس عندهم معتقدات خطأ
ومنها قدر الصيدلى فى المجتمع
ثالثا حتى ولو كانت صيدله كليه عاديه زى اداب و ده مستحيل
فمش مهم خالص الأهم انك تتميز فى مجالك متكونش حد عادى
وبكده هتكون افضل من الطبيب العادى فى مجاله
واكيد انت تقدر تكون متميز لانك دايما كده

sayed7ea

15-08-2011, 05:12 AM

أولا أنا بشكر كل الردود بس للأسف معظم الردود لم تفدني
لأنه إما يقول انه في صيدلة مع انه جايب مجموع الطب
أو يكون في طب و بيتعاطف مع صيدلة
بس كنت عاوز حقائق حلوة في صيدلة أو شغلها

سيد قرقر

15-08-2011, 10:44 AM

نحن في مجتمع متخلف معلش يعني بس د الحقيقه بجد والله يعني في دكاتره كتيييييييييييييير جدا مش بيفهمو حاجه و ناس كتييييييييير جدا دخلو كليه الطب و فشلو و مش عارفين يمشو فيها خالص و معظم اللي دخلو كليه الطب عشان المجموع بتاعم خساره يضيعوه في حاجه تانيه و ان كانت الصيدليات كتير جدا فالعيادات بتاعة الدكاتره مش شويه برده و في الاخير اللي يمشي ورا كلام الناس يبقو هدفه الوحيد الناس و بالتالي انه مش هيعمل اي حاجه لربنا ولا لبلده لا هيعمل بس عشان يرضي الناس و للاسف الشديد الناس عمرهم م هيرضو - علي الاقل في المجتمعات العربيه المتخلفه - واصلا كل واحد عايز ابنه دكتور ملوش دعوه بقي هو عايز ايه لا عشان كده احنا العرب والمصريين فاشلين في كل حاجه في الدنيا عشان احنا مش بنعمل اللي احنا بنحبه .
لو تلاحظو انا متكلمتش عن مميزات الصيدله خالص لان دي مش محتاجه كلام و كل واحد لازم يستغل الفرصه اللي معاه و كتير اوي شوفنا ناس ربنا اداهم كل شي لكن هم معرفوش يستغلوه و التاريخ شاهد
يا جماعه مش موضوع طب و صيدله الموضوع هو انت و انتي انتو فين من الحياه دي كل واحد يحط هدف قدام عينه لازم و اكيد هيحققه و بعديها خلي الناس تسكت خالص والله عندي كلام كتييييييييير في الحاجات دي و تجارب اكتر فعلا مش عارف انظمهم و مش عايز اطول عليكم
وفي الختام سلام

نسمه يسرى

15-08-2011, 12:25 PM

ربناااااااااااا يباركلك يادكتوره امل كل ده كان نفسى اقوله
والصيدله ليهاااااااااا مجالات كتير
مش فتح صيدليه وبس

وبالذات هى انسب كليه قمه للبنت

Dr/amal

15-08-2011, 03:10 PM

ربناااااااااااا يباركلك يادكتوره امل كل ده كان نفسى اقوله
والصيدله ليهاااااااااا مجالات كتير
مش فتح صيدليه وبس

وبالذات هى انسب كليه قمه للبنت

ويبارك لك ياقمر ربنا يوفقنا كلنا يارب ونفيد البلد دى البلد محتاجه مجهود كل واحد فى مكانه انا عن نفسى اعشق الكيميا وده بفضل الله ثم مجهود مدرس كيميا رائع عبقرىىىىىى وحابه المجال جدااااا وان شاء الله ربنا يجعله سهل يسير علينا ونبدع فيه انا محبتش انى ادخل طب ويبقى فى رقبتى حياة ناس بالشكل ده ماقدرش ودى مسئوليه عليا جدا انا عن نفسى ماقدرش ع المسؤليه دى ممكن حد تانى يقدر بس برده باقول لحضراتكم الطب مهنه حلوه جدااا بس هى افضل للولاد اكتر من البنات لان الطبيب بيبقى متفرغ جدا عن الطبيبة اللى بتبقى مسؤله قدام زوجها واولادها علشان كده انجح الاطباء (رجال) من غير مبالغه وفيه ناس كتير بتفضل الطبيب عن الطبيبة ربنا يوفقنا جميعا كل سنه وحضراتكم طيبين دمتم بكل خير سلام عليكم

Shamy shemo

15-08-2011, 03:17 PM

الصيدله من ارقى الكليات ( ولولاك ولا الطبيب هيقدر يكمل علاجه انت اللى بتعمل الدواء ) وبالدواء بتاعك بيشوف الوجع فين وبيعالج مش اكتر )

Dr/amal

15-08-2011, 03:21 PM

انا اسفه بجد
انا مش اخدت بالى ان اللى اكتب الموضوع (ولد) انا اتكلمت فى اول رد على اساس انه (بنت)
بس برده مميزات الصيدله كتير
وفيه موضوع ف المنتدى اسمه مجالات عمل الصيدله
شوف قد ايه المجالات

محدش له دعوه

15-08-2011, 03:22 PM

ولاااااااااااد ايه وبناااااات ايه
عايزه اعرف بس انتو بتتعلمو ليه
لازم يكون عندنا هدف اسمي من الكلام الي انتو بتقولوه

DR_MOHAMED_97

15-08-2011, 06:09 PM

فوضت امري الي الله
يا جماعة قولوا لا اله الا الله

REEMoOo

15-08-2011, 07:54 PM

الحمد لله جالي كلية صيدلة ( ومش مهم فين )
طبعا أنا بقول كده من باب الرضا بقضاء الله والقناعة مش فرح ولا سعادة
أنا نفسي اسمع كلمة حلوة عن كلية صيدلة وما بعدها
ياريت لو حد عنده ميزة أو أي حاجة حلوة يكتبها
لأن أكيد كل الناس متضايقة من الكلام عنها ولو في حد مش مضايق يقول شاف الأمل ده فين

والله حضرتك نفس ماسااااتي
انا كان حلمي ادخل اسنان بس فرقت معايا على 2 من عشرة بس يلا الحمد لله
والله انا كنت مقدمة في جامعة خاصة اسنان ولغاية امبارح فكرة صيدلة دي كنت رافضاها تماما
بس صليت استخاااارة وحسيت ان ربنا كاتبلي فيها الخير .. فالحمد لله على كل شئ
حاول تتاقلم مع الوضع وترضى باللي ربنا قاسمهولك وبص للجانب المشرق ان احنـــــــــــــا خلصنا ثانوووووووية عااااااااامة اخيراااااااااااااااااااااااااااااااااااااااااااااا هههههههه ربنا اكيد كاتبلك الخير فيها ...
ربنا يوفقك يا دكتور

sayed7ea

16-08-2011, 04:56 AM

انا اسفه بجد
انا مش اخدت بالى ان اللى اكتب الموضوع (ولد) انا اتكلمت فى اول رد على اساس انه (بنت)

مفيش مشكلة المهم الكلام بتاع حضرتك وباقي الزملاء وصل

Dr/amal

16-08-2011, 11:19 AM

فوضت امري الي الله
يا جماعة قولوا لا اله الا الله

لا اله الا الله محمد رسول الله

Dr/amal

16-08-2011, 11:33 AM

مفيش مشكلة المهم الكلام بتاع حضرتك وباقي الزملاء وصل

اوكى يا دكتور
ربنا يوفقك ويوفقنا جميعا

شروق مسعد

17-08-2011, 12:31 AM

على فكرة الحلم والتفوق ملوش مكان محدد كل مكان ممكن يبقى قمة بس مش كل واحد يقدر يطلع للقمة ...............طبيب صيدلى ياخد جائزة نوبل على اختراع دواء لمرض مزمن زى السرطان احسن من طبيب بشرى .............طبيب صيدلى اكلينيكى اهم من الطبيب البشرى بالنسبة لمريض عنده تداخلات بين الامراض........ما عندناش نقص ف الدكاترة البشرى لكن اعتقد عندنا تدهور واضح ف مجالات التصنيع الدوائى .................................مع احترامى لكل دكاترة بشرى وتقديرى الشديد لمكانتهم واهميتهم بس يا دوك لو قعدت تفكر فى اللى ضاع منك مش هتشوف اللى منتظرك وبقول الكلام ده لنفسى قبلك لانى ف نفس حالتك
................د|شروق مسعد

sayed7ea

17-08-2011, 02:41 AM

أحسن حاجة ما نروحش ورا كلام الناس و خصوصا في مصر
لأن مافيش مكان مش عليه كلام
وبالتوفيق للجميع

Dr\3beer

17-08-2011, 06:08 PM

طبعا أنا أتمنى من كل قلبي ان الصيادلة يقوموا بدورهم وياخدوا حقهم في مصر تمام لكن فعلا مش عجبتني معظم الردود اللي معظمها بيقول انهم دخلوا صيدلة علشان يرتاحوا مفروض الهدف يكون أكبر من كدة امال احنا طلع عينا في الثانوي ليه؟؟؟؟
عن نفسي جنب بيتي 10 صيدليات وكلهم لدكاترة ولاد وكلهم بلا استثناء بيشغلوا بنت فيها فترة صباحية عبال لما يجوا بالليل ومن لسان دكتور صيدلى بيقول أعرف دكتورة صيدلانية قاعدة في بيتها مش بتطلع لشغل و أنا بأودي ليها مرتبها على طول
فيا ريت تغيروا النظرة دي ونشوف بنات دكاترة صيدلة جامدين كدة
كل التوفيق

مبروك كليه الطب وربنا يوفقك فيها
فعلا فيه بعض الطلبه حابين يدخلوا صيدله واسنان عشان يرتاحوا ( البعض وليس المعظم )
وفيه بردو طلبه عاوزين يدخلوا طب من باب التفاخر بانهم دخلوا اعلى كليه قمه حتى ولو مش حابين المجال
وباذن الله دفعتنا تكون دفعه الاطباء والصيادله والمهندسين والمدرسين الجامدين جدا لان دفعتنا غير اى دفعه

dr.mohamedreyad

17-08-2011, 07:21 PM

على كل واحد ان يحب العمل الى هيشتغله علشان ربنا يوفقه فيه والصيدله مهنه حلوة وان شاء الله مستقبلها مضمون

D\SHEREEN

18-08-2011, 03:46 AM

اولا السلام عليكم و رحمة الله و بركاتة والله يا Dr\amal انا فعلا موافقة على رايك 100% لان المدرسة بتاعتى لما سالتنى انتى عايزة تدخلى اية وقلت لها صيدلة قالت لى يعنى بقالة وطبعا ماهمنيش رايها لانى واثقة من مستقبلى فى كلية الصيدلة وان شاء الله اكون معيدة فى الكلية

aah2006

18-08-2011, 06:06 AM

انا طالب فى صيدلة القاهرة
اهم حاجة ان كل واجد يرضى بما كتبه الله له علشان ربنا يوفقنا

~ آية ~

18-08-2011, 03:52 PM

كل كلية فيها الصعب وفيها السهل..فيها مميزات وفيها عيوب..ان شاء الله انا داخلة صيدلة وبحاول اعرف عنها حاجات جديدة كل يوم من النت او من ناس كانوا فيها ومفيش حد بيقول ايه الجميل وبس لأه لازم نعرف الكويس والوحش علشان منتصدمش بعد كده..وطالما ربنا كاتب لنا الكلية دي يبقي نثق انها الكلية الخير لنا وان شاء الله جميلة
وعلي حد علمي ان الصيدلة ليها فرص عمل كويسة والكلية ممتعة في دراستها والطلبة بيحبوها ده من التجارب اللي قدامي..وبيقولوا انها سهلة الي حد ما..جايز محتاجة جهد اكبر لو عايزين نكون من الاوائل ان شاء الله..
وشكرا علي الموضوع والردود استفدت من وجهات النظر الاخري واسفه علي الاطالة

shereen ss

18-08-2011, 04:34 PM

انا الحمد لله جالي طب بشري ومبسوطة
بس بجد الصيدلة مش وحشة خالص !!!! أى نعم ناس كتير مش فاهمة
بس انت مش ضروري تقف ف صيدلية ممكن تعمل حاجات تانية يعني تشتغل مثلا ف شركة أدوية

لازم تحب اللي بتعمله عشان تنجح فيه ... الكليات مش طب بشري واسنان وبس لأ والله صيدلة ناس كتير اوي بتبقى داخلاها مش حاباها بس بعد كده بتحب الدراسة فيها جدا :) , مش مهم انت فين المهم تنجح فى اللى بتعمله ^^

sayed7ea

19-08-2011, 06:42 AM

كل كلية فيها الصعب وفيها السهل..فيها مميزات وفيها عيوب..ان شاء الله انا داخلة صيدلة وبحاول اعرف عنها حاجات جديدة كل يوم من النت او من ناس كانوا فيها ومفيش حد بيقول ايه الجميل وبس لأه لازم نعرف الكويس والوحش علشان منتصدمش بعد كده..وطالما ربنا كاتب لنا الكلية دي يبقي نثق انها الكلية الخير لنا وان شاء الله جميلة
وعلي حد علمي ان الصيدلة ليها فرص عمل كويسة والكلية ممتعة في دراستها والطلبة بيحبوها ده من التجارب اللي قدامي..وبيقولوا انها سهلة الي حد ما
طيب احنا عرفنا الوحش والعيوب
فين الحلو بقا ؟؟؟؟

Dr NoOda

21-08-2011, 06:57 AM

والله انا شايفة من وجهة نظري ان صيدلة احسن من الطب واسنان
الحمد لله انا مجموعي جايب طب ومرضتش ادخله
مش عشان حبا ف الصيدلة
كرها ف الطب واسنان ههههههه
يا جماعة اولا حكاية بياع دي كبروا منها اصلا
احنا لينا نشتغل في المستشفيات عادي
دكاترة ولينا نفتح 3 صيدليات
ونشتغل ف شركات ادوية
اقلها حاجة شغلنا نضيف
شغل كميا يعني
مش دم وجماجم وجثث
مش بقلل من شأن الطب بس بجد انا مابطقوش
يعن فشكلي متحاملة عليه زيادة شوية
عموما والله صيدلة اروق واحلي
ومبروك للكل

Dr\3beer

21-08-2011, 05:28 PM

ولاااااااااااد ايه وبناااااات ايه
عايزه اعرف بس انتو بتتعلمو ليه
لازم يكون عندنا هدف اسمي من الكلام الي انتو بتقولوه
فيه كليات بتبقى انسب للبنات اكتر وفيه كليات انسب للشباب اكتر
- التربيه الرياضيه , هندسه بترول , طب بيطرى ( انسب للولد )
- التمريض ( انسب للبنت)
الهدف موجود بس مفروض يبقى مناسب

Dr. Hoda Ahmed

24-08-2011, 02:10 AM

hippara

24-08-2011, 02:39 AM

اولا السلام عليكم و رحمة الله و بركاتة والله يا dr\amal انا فعلا موافقة على رايك 100% لان المدرسة بتاعتى لما سالتنى انتى عايزة تدخلى اية وقلت لها صيدلة قالت لى يعنى بقالة وطبعا ماهمنيش رايها لانى واثقة من مستقبلى فى كلية الصيدلة وان شاء الله اكون معيدة فى الكلية
نفس موقفي بس انا عمي لما سالني و قولت صيدله قالي يعني بياعه محستش بنفسي و انا برد علي لان انا حاسه اني مستقبلي في الكليه دي احسن من اي كليه تانيه

و مدام انا مقتنعه بيها مفيش حد هيقدر يغير وجهه نظري

Basma52

24-08-2011, 10:42 AM

انا متفقه جدا مع دكتور امل

انا في الاول كنت محتاره طب ولا صيدله ولحد دلوقتي لسه محتاره

بس نيجي بالعقل صيدله مستقبلها احسن واقصر =="

ونفس الكلام اللي اتقالي بالظبط هتبقى بياعه !!

انا ابن عمي قالي ادخلي طب انا مش بعترف بالصيدله !!

وقلتله طيب شوف مين هيديك الدوا ههههههه

يعني كل واحد بيشوف الموقف من وجهة نظره بس انت اللي هتدرس

وعارف قدراتك محدش هيساعدك في حاجه

:)

وفي الاخر والحمد لله اخترت صيدله

sayed7ea

28-08-2011, 12:41 AM

انا ابن عمي قالي ادخلي طب انا مش بعترف بالصيدله !!

هي دي المشكلة ان محدش معترف غير بكلية الطب