مشاهدة النسخة كاملة : فى بيتنا محمية طبيعية!
راجى طاعة الرحمن 16-08-2011, 04:26 PM السلام عليكم ورحمة الله وبركاته
دة أول موضوع ليا فى قسم النقاش الهادف وأتمنى يعجبكم
نبدأ بقى....
كل واحد منكم يتخيل معايا إن وهو قاعد كدة فى أمان ربنا لقى بومة داخلة عليه هايعمل إيه ساعتها؟
أنا بقى حصل لى الموقف دة أحكيلكم الحكاية ولاهأطول عليكم؟
أحكيها بالمرة وخلاص
أصل وإحنا قاعدين بنفطر فى يوم كنا سايبين الباب مفتوح(البيت بتاعنا لوحدنا) فسمعنا صوت خبط ورزع جااااامد كنا نحسبها قطة نازلة من فوق ولاحاجة أصل القطط قاعدة عندنا فوق ونفاجأ ببومة داخلة علينا وشها استغفر الله العظيم يارب طبعاً أنا اتلبشت فى بعضيا وخفت منها أول مرة تدخل عليا بومة!:o وبرغم إن البومة كانت بيضة إلا إن بياضها مخفاش كآبة وشها (استغفر الله العظيم يارب)
وطبعاً مقدرتش أمسك نفسى من التشاؤم ومقدرتش أمسك مشاعرى وخاصةً إن أنا دلوقتى مصدوم مع إنى شفت بومة قبل كدة بس أنا ساعتها اللى رحت لمكانها آخر ماكنت أتوقع إن البومة هى اللى تنزلى من فوق:excl:
وباينها كدة كانت نعسانة أو مش شايفة بسبب النور اللى كنا مشغلينه علشان كدة كانت بتدور على مكان عتمة وماارتاحتش غير لما حطينا عليها طبق كبير وبعد كدة طلعناها برة بعد عناء طويل:bosyht9:
وطبعاً بعد اللى حصل دة حسيت لوهلة إن أنا عايش فى محمية طبيعية مش فى بيت وخاصةً إن بعديها دخلت علينا اليمامة اللى معششة عندنا من الباب برده فالواحد حس إنه لازم يكون معاه بندقية صيد تحسباً للظروف ليلاقى أسد داخل عليه ولا غراب يلبس فى وشه ولا خفاش يلزق فيه:d
المهم بعد المحمية اللى دخلنا فيها دى ودخلتكوا معايا قعدنا نتساهر فحكينا عن الناس ومعتقداتها الخرافية واستغربت لما سمعت الحاجات اللى هاقولها لكم دى
1- يقول لك طائر أبوقردان دة كان إنسان واتوضأ بلبن فربنا سخطه طائر!!!!!:p
2_ يقول لك إن السلحفاة دى كانت ست عندها طاحونة قمح فجت ست تستعير منها الطاحونة فالست رفضت فربنا سخطها سلحفاة واتحشرت الست دى بين قرصين الطاحونة فبقت بكدة سلحفاة:006et4:
3_ يقول لك إن البومة دى كانت ست عينيها وحشة فربنا سخطها بومة ويقول لك لو دققت النظر فى وش البومة هاتلاحظ وش ست:bosyht9: علشان كدة اللى بيحسد بنقول عليه بومة!
يعنى شفت خيالهم الواسع كان عامل إزاى!!!!!
أتمنى إن الموضوع يعجبكم
LoOoLy El Treikawya 16-08-2011, 06:02 PM ههههههههههههههه اقوال تموت من الضحك
ازاى ممكن حد يصدق كدة
بس بجد حضرتك حسستنى انى كنت بفطر معاكو وانت بتحكى
بس انا عن نفسى لو لقيت بومة وقعت عندى هفرح وهجرى اتفرج عليها وممكن اخدها اربيها
حرام عليكو متقلوش عليها شؤم دة دة طائر مسكين
انا شفت البومة مرة فى الحديقة كانت بيضة بردو بس كانت بصالنا علطول كدة من فوق الشجرة كأنها بتراقبنا فخفت شوية بس انا مع ذلك بحب الكائنات اللى مش مؤذية
واليمامة غلبانة بقى محدش ييجى عند العش بتاعها
بس يا ريت حضرتك لو تعرف خرافات تانى بتتقال قوللنا عليها:d
هو يظهر ان كل الكائنات الحية كانت بنى آديمن وكل بعمله اتسخط زى الحدوتة بتاعت الامير اللى اتسخط ضفدع لانه كان مزعل الساحرة الشريييييرة اللى بتطلع بالليل
والحصان نعمان اللى كان انسان ((والله وحشنى السندباد))
شكرا على التوبيك :d
ومحدش ييجى عن اليمامة
راجى طاعة الرحمن 16-08-2011, 11:22 PM ههههههههههههههه اقوال تموت من الضحك
ازاى ممكن حد يصدق كدة
بس بجد حضرتك حسستنى انى كنت بفطر معاكو وانت بتحكى
بس انا عن نفسى لو لقيت بومة وقعت عندى هفرح وهجرى اتفرج عليها وممكن اخدها اربيها
حرام عليكو متقلوش عليها شؤم دة دة طائر مسكين
انا شفت البومة مرة فى الحديقة كانت بيضة بردو بس كانت بصالنا علطول كدة من فوق الشجرة كأنها بتراقبنا فخفت شوية بس انا مع ذلك بحب الكائنات اللى مش مؤذية
واليمامة غلبانة بقى محدش ييجى عند العش بتاعها
بس يا ريت حضرتك لو تعرف خرافات تانى بتتقال قوللنا عليها:d
هو يظهر ان كل الكائنات الحية كانت بنى آديمن وكل بعمله اتسخط زى الحدوتة بتاعت الامير اللى اتسخط ضفدع لانه كان مزعل الساحرة الشريييييرة اللى بتطلع بالليل
والحصان نعمان اللى كان انسان ((والله وحشنى السندباد))
شكرا على التوبيك :d
ومحدش ييجى عن اليمامة
إيه دة يادكتورة أنتى بقيتى من جمعية الرفق بالحيوان ولاإيه؟:d
أصل أنتى مشوفتيش البومة دى كانت ضخمة وعينيها كبيرة وريحتها وحشة ومخالبها طويلة زى ماتكون كانت عايشة فى غابة مع إنها كانت ساكنة فى البيت اللى جنبنا:d
واليمامة إحنا مجيناش عندها بس حرقنا العش بتاعها أصله بيجيب حشرات غريبة صغيرة اسمها الطيار لما تدخل فى حد لازم يستحمى وتبقى كارثة لو دخلت فى شعره بتبقى أسوأ من القمل
وبأدعوكى لزيارة المحمية الطبيعية اللى أنا ساكن فيها دى:d
وإن شاء الله هادور لك على خرافات تانى كانوا بيقولوها
شكراً على مرورك المعطر
Sofia El-behairy 17-08-2011, 05:54 AM ايه كميه الحيونات ديه ؟؟
ديه دخلت البيت ازاى ؟؟
احنا من سنه كان بيتنا قيه خمس قطط و ما ادارك انك تعيش فى بيت فى خمس قطط و كلهم شلقين جدا و عالطول بيجروا ورا بعض و بيضربوا بعض و يهزروا مع بعض و احتمال تكون قاعد فى امان الله و تلاقى اذ فجاه قط فى رجلك و تانى بيجرى ورا حواليك ...
احنا كنا لما نجتمع على سفره و عندنا ضيوف كانت قطط و انت قاعد تاكل تنزل تحت السفره و تلعب فى رجلين الضيوف و تجرى و طبعا محدش بيعرف ياكل
و لما قط يدخل يستخبى فى اوضتك و تكون فاكر الاوضه فاضيه و تدخل تنام و فجاه تلاقى القط جنبك على سرير ده احساس بجد وحش اوى و فظيع و كنت ساعتها بتخض جدا
ديه اقل ذكريات ممكن اقولها مع القطط و ده غير بقى الى كانت ايدى على طول متعورة بسبب سيمبا معرفش ليه مش كان بيحبنى ,,,تقريبا عشان كنت بدلع ميشو و هو لا
حتى الحقد بقى بين القطط
بس حاليا البيت مش فيه و لا قط و لما خالى راح اشترى قط و قالى انا الى اربيه ماما قالت لى لو دخل البيت حكرشك بره البيت ههههه اظن ماما بتعشق حاجه اسمها قطط و الله بس احنا اتبهدنا جدا فى موضوع القطط ده و صالون يبوظ بسبب الخربشه و حاجات تجنن فعلا
بس محمد اخويا صغير ماما وعدته فى عيد ميلاده حتجيب قطه
ايه رايك بقى فى محميه الطبيعه الى كنت انا عايشه فيها ؟؟
*sondos* 17-08-2011, 06:05 AM ههههههههههههههههههههه
والله فكرتني بالبيت عندنا
وحلوة أوي الحكايات الخرافية أول مرة أسمعها
بس إنتوا رحمة بكتييييييييييييييير عننا
ده إحنا عندنا قنافذ وقدامي دلوقتي 2 بيتعرفوا على بعض :d
ولا القطط بقى والكلاب والسلاحف والذي منه
بس العطف حلو بردو وكله بثوابه :d
تسلم إيدك على الموضوع الجميل
عبد الله الرفاعي 17-08-2011, 09:30 AM موضوع رائع على فكرة معظم الحكايات الخرافية دى جدتى حكتهالى قبل كده والظاهر إن دا موروث شعبى لأنه منتشر بنفس الطريقة .
أنا بقى دخل عليا قبل كده البيت خفاش ودخلت أنا وابن عمتى علشان نموته ، فما كان من ابن عمتى الا انه بمجرد دخولى الأوضه اللى الخفاش عمال يلف ويطير فيها .... وراح قافل عليا الباب من بره وقالى اتعامل يانجم أنا بخاف من الخفاش وسبنى أنا والخفاش فى معركة دامية انتصرت فيها بضربة نجلاء من المقشة اللى فى إيدى .
راجى طاعة الرحمن 17-08-2011, 06:16 PM ههههههههههههههه
شكراً على مرورك:d
راجى طاعة الرحمن 17-08-2011, 06:19 PM ايه كميه الحيونات ديه ؟؟
ديه دخلت البيت ازاى ؟؟
احنا من سنه كان بيتنا قيه خمس قطط و ما ادارك انك تعيش فى بيت فى خمس قطط و كلهم شلقين جدا و عالطول بيجروا ورا بعض و بيضربوا بعض و يهزروا مع بعض و احتمال تكون قاعد فى امان الله و تلاقى اذ فجاه قط فى رجلك و تانى بيجرى ورا حواليك ...
احنا كنا لما نجتمع على سفره و عندنا ضيوف كانت قطط و انت قاعد تاكل تنزل تحت السفره و تلعب فى رجلين الضيوف و تجرى و طبعا محدش بيعرف ياكل
و لما قط يدخل يستخبى فى اوضتك و تكون فاكر الاوضه فاضيه و تدخل تنام و فجاه تلاقى القط جنبك على سرير ده احساس بجد وحش اوى و فظيع و كنت ساعتها بتخض جدا
ديه اقل ذكريات ممكن اقولها مع القطط و ده غير بقى الى كانت ايدى على طول متعورة بسبب سيمبا معرفش ليه مش كان بيحبنى ,,,تقريبا عشان كنت بدلع ميشو و هو لا
حتى الحقد بقى بين القطط
بس حاليا البيت مش فيه و لا قط و لما خالى راح اشترى قط و قالى انا الى اربيه ماما قالت لى لو دخل البيت حكرشك بره البيت ههههه اظن ماما بتعشق حاجه اسمها قطط و الله بس احنا اتبهدنا جدا فى موضوع القطط ده و صالون يبوظ بسبب الخربشه و حاجات تجنن فعلا
بس محمد اخويا صغير ماما وعدته فى عيد ميلاده حتجيب قطه
ايه رايك بقى فى محميه الطبيعه الى كنت انا عايشه فيها ؟؟
فعلاً القطط بتبقى مشكلة فى البيوت وخاصة إن القطة لما بادخل بيت بتاخد عليه وبتفضل رايحة جاية عليه:bosyht9:
شكراً على مرورك الكريم:d
راجى طاعة الرحمن 17-08-2011, 06:21 PM ههههههههههههههههههههه
والله فكرتني بالبيت عندنا
وحلوة أوي الحكايات الخرافية أول مرة أسمعها
بس إنتوا رحمة بكتييييييييييييييير عننا
ده إحنا عندنا قنافذ وقدامي دلوقتي 2 بيتعرفوا على بعض :d
ولا القطط بقى والكلاب والسلاحف والذي منه
بس العطف حلو بردو وكله بثوابه :d
تسلم إيدك على الموضوع الجميل
يانهار أبيض قنافذ مرة واحدة:giljotiiniug3:
دة إحنا كدة فعلاً أرحم بكتييرر من عندكم
شكراً على المرور الكريم
راجى طاعة الرحمن 17-08-2011, 06:25 PM موضوع رائع على فكرة معظم الحكايات الخرافية دى جدتى حكتهالى قبل كده والظاهر إن دا موروث شعبى لأنه منتشر بنفس الطريقة .
أنا بقى دخل عليا قبل كده البيت خفاش ودخلت أنا وابن عمتى علشان نموته ، فما كان من ابن عمتى الا انه بمجرد دخولى الأوضه اللى الخفاش عمال يلف ويطير فيها .... وراح قافل عليا الباب من بره وقالى اتعامل يانجم أنا بخاف من الخفاش وسبنى أنا والخفاش فى معركة دامية انتصرت فيها بضربة نجلاء من المقشة اللى فى إيدى .
خفاش؟! يعععععع;)
الحمدلله إن ربنا نصرك فى موقعة المقشة دى
على فكرة أحسن سلاح فى البيت المقشة يعنى لمادخلت البومة ضربناها بالمقشة لما كان بيدخل علينا فار كنا بنموتوا بالمقشة ومن الواضح كدة برده إن المقشة سلاح فعال مع الخفافيش:d
دة طلع المقشة ليها لزمة غير الكنس بيها:blush:
راجى طاعة الرحمن 17-08-2011, 06:28 PM إيه دة؟:o
دة طلع معظم البيوت فيها محميات طبيعية;)
كدة ممكن نعمل مشروع محمية فى كل بيت لحماية الحيوانات الضالة:p
شكراً على مروركم الكريييييم
مريم عمر عادل 17-08-2011, 08:33 PM حاسس انك في محمية طبيعية حاسس مش متاكد يعني !!!!!!!!!!!
انا ماشفتش بومه قبل كده و مش عايزه اشوف
لكن ربيت قطط كتير و عصفور بس مات ( الله يرحمه بقا)
هو العصفور مكانش عامل حاجة في البيت وكان هادي جدا
لكن القطط هي الي كانت شقية جدا و بتفجعنا عالطول انتوا فكرتوني لما ماتت القطه الي كنا مربينها عملت ايه
اعت اعيط لغاية الصبح ( كنت ضغنونه بقا)
نقاء الروح 18-08-2011, 02:43 AM هههههههههه دا ايه دا كلو ..
انا اخري اشوف قطة وكلب وشكراً :d
وطبعا العصافير دي حاجة اساسية
و كمان حمام بيحب يعشش عندنا
ونطيره ويرجع :d
اما بالنسبة للخرافات دي
اول مرة اسمعها بس جميلة جداً
ودي عادة بتبقى قصص ألفوها زمان
وفضلت تتنقل لحد ماوصلتلنا ،
والناس بتصدق اي حاجة كالعادة :d
و شكرا عالمحميات الرائعة دي :d
راجى طاعة الرحمن 18-08-2011, 05:32 PM حاسس انك في محمية طبيعية حاسس مش متاكد يعني !!!!!!!!!!!
انا ماشفتش بومه قبل كده و مش عايزه اشوف
لكن ربيت قطط كتير و عصفور بس مات ( الله يرحمه بقا)
هو العصفور مكانش عامل حاجة في البيت وكان هادي جدا
لكن القطط هي الي كانت شقية جدا و بتفجعنا عالطول انتوا فكرتوني لما ماتت القطه الي كنا مربينها عملت ايه
اعت اعيط لغاية الصبح ( كنت ضغنونه بقا)
أولاً الفاتحة على روح العصفور والقطة ربنا يرحمهم
القطط فعلاً مشكلة فى البيوت
وصدقينى لغاية دلوقتى مش مصدق إن بومة دخلت البيت كانت صدمة:o
البيوت اللى جنبنا فيها بوم لدرجة إن فى بيت فى 3بومات مرة واحدة أب وأم وابن أسرة واحدة يعنى:p بس مفيش ولاواحدة دخلت جوة الشقة بالمنظر دة:excl:
ربنا ياخد البوم كله:giljotiiniug3:
راجى طاعة الرحمن 18-08-2011, 05:34 PM هههههههههه دا ايه دا كلو ..
انا اخري اشوف قطة وكلب وشكراً :d
وطبعا العصافير دي حاجة اساسية
و كمان حمام بيحب يعشش عندنا
ونطيره ويرجع :d
اما بالنسبة للخرافات دي
اول مرة اسمعها بس جميلة جداً
ودي عادة بتبقى قصص ألفوها زمان
وفضلت تتنقل لحد ماوصلتلنا ،
والناس بتصدق اي حاجة كالعادة :d
و شكرا عالمحميات الرائعة دي :d
أنا بقى عندى اللى أنتى قلتيه دة كله فى البيت
فعلاً البيت بتاعنا بقى عامل زى المأوى يأوى الحيوانات الضالة
شكراً على المرور الكريم:av4056bb7jp3:
lolotamerlovers 21-08-2011, 02:20 AM موضوعك حلو كتيرررررررر
راجى طاعة الرحمن 21-08-2011, 07:32 PM موضوعك حلو كتيرررررررر
الله يخليكى
شكراً على المرور:078111rg3:
راجى طاعة الرحمن 22-08-2011, 06:30 PM للرفع والتنشيط
راجى طاعة الرحمن 26-08-2011, 05:58 PM إيه رأيكم فى الموضوع؟؟؟؟
Dr. Hoda Ahmed 27-08-2011, 03:57 AM موضوع جميل اوى ومرح جدااااااااااا
بس انا عمرى ما سمعت المعتقدات دى ابدا
وربنا معاك ف المحمية دى
تقبل مرورى
راجى طاعة الرحمن 27-08-2011, 07:27 PM موضوع جميل اوى ومرح جدااااااااااا
بس انا عمرى ما سمعت المعتقدات دى ابدا
وربنا معاك ف المحمية دى
تقبل مرورى
شكراً على مرورك المعطر
أحمد علاء الدين راضي 09-09-2011, 04:08 PM هههههههههههه
موضوع رائع
amura8 10-09-2011, 12:08 AM ههههههه عن جد مضحكة
لديك خيال واسع
راجى طاعة الرحمن 10-09-2011, 03:07 PM ههههههه عن جد مضحكة
لديك خيال واسع
شكراً على المرور
Free Canary 10-09-2011, 08:06 PM بومة!!
هي حصلت معانا قبل كدة ... كنا قاعدين و سايبين البلكونة مفتوحة و لقينا بغبغان ملون و شكله تحفة دخل من البلكونة :D
و أول ما دخل قفلنا أبواب الأوض و البيت و قفلنا الشبابيك و البلكونات و قعدنا نجري وراه :D
و بعد عناء طويل جداً و بمرور الوقت قدرنا نمسكه الحمد لله :)
و حطيناه في البلكونة و غطيناه بشبكة من القماش و صحينا الصبح علشان نشوفه لقيناه طار .. مع اني و الله كنت بفكر أجيبله قفص و احتفظ بيه بس مالهوش في الطيب نصيب :p
لكن عامة عندنا حوالين البيت في فراغ تقدر تقول عليه جنينة من غير زرع بس على الأطراف في ورود و نباتات أكيد بتربي حشرات كتيرة في وسطها
ده غير بقى في الفضاء ده عندنا كلاب و قطط و عندنا كلبة كل شهرين تجيب 6 على الأقل و مش بيفضل منهم غير واحد :D
هو ممكن تتوقع دخول أي شيئ في البيت طالما سايبه مفتوح لكن بومة بصراحة غريبة أوي !! أنا عمري ما شفتها في الواقع و مش عايزة أشوفها :p
شكرا على الموضوع
بجد حلو أوي :)
راجى طاعة الرحمن 11-09-2011, 11:19 PM بومة!!
هي حصلت معانا قبل كدة ... كنا قاعدين و سايبين البلكونة مفتوحة و لقينا بغبغان ملون و شكله تحفة دخل من البلكونة :d
و أول ما دخل قفلنا أبواب الأوض و البيت و قفلنا الشبابيك و البلكونات و قعدنا نجري وراه :d
و بعد عناء طويل جداً و بمرور الوقت قدرنا نمسكه الحمد لله :)
و حطيناه في البلكونة و غطيناه بشبكة من القماش و صحينا الصبح علشان نشوفه لقيناه طار .. مع اني و الله كنت بفكر أجيبله قفص و احتفظ بيه بس مالهوش في الطيب نصيب :p
لكن عامة عندنا حوالين البيت في فراغ تقدر تقول عليه جنينة من غير زرع بس على الأطراف في ورود و نباتات أكيد بتربي حشرات كتيرة في وسطها
ده غير بقى في الفضاء ده عندنا كلاب و قطط و عندنا كلبة كل شهرين تجيب 6 على الأقل و مش بيفضل منهم غير واحد :d
هو ممكن تتوقع دخول أي شيئ في البيت طالما سايبه مفتوح لكن بومة بصراحة غريبة أوي !! أنا عمري ما شفتها في الواقع و مش عايزة أشوفها :p
شكرا على الموضوع
بجد حلو أوي :)
ربنا مايخليكى تشوف بومة أبداً فى حياتك
بس حلوة الجنينة اللى أنتى عايشة فيها دى
شكراً على مرورك
أحمد علي 11-09-2011, 11:31 PM موضوع رائع
تسلم أيدك علي الموضوع الجميل ده
تقبل مروري وتحياتي
راجى طاعة الرحمن 11-09-2011, 11:38 PM موضوع رائع
تسلم أيدك علي الموضوع الجميل ده
تقبل مروري وتحياتي
شكراً على مرورك المعطر
:028ja7::028ja7::028ja7:
|