يا جماعه عاوز احول من صيدلة لاسنان فى نفس الجامعه ومجموعى يقبل والتحويل على النت قفل اعمل ايه ؟

انا خلاص هنتحر انا مكنتش اعرف ان الموقع بيفتح يومين ويقفل والجرايد بتقول ان التحويل ممتد لاخر الشهر بس الموقع قفل وفى الجامعه قالولى التحويل من على النت اعمل ايه بس؟؟

يعنى ادخل كليه انا مش عاوزها انا غلط فى كتابه الرغبات

هو ايه اللى مش عاوزها ؟؟ ده انت كنت عمال بترفع فيديو وحاجات لصيدله وكنت حاببها أوى ؟؟!!

فعلا..حاجه غريبه

بس طالما في مجموعك ممكن تحول من داخل الجامعه وبتدفع 2000 جنيه علي ما اعتقد

يا جماعه ساعدوني بجد بلاش الكلام ده وماتخافوش هكملكم الكورس باذن الله . شكلي كده هضيع سنه كامله بسبب روتين التحويل بجد انا تعبت

بجد والله ازاى كنت الفترة دى حابب الصيدله اوى كدة ودلوقتى هتتجنن عشان تدخل اسنان ؟؟ عامة هسألك بس كلنا مستغربين

يا جماعة الصيدلة حلوه اووووووووووووووووى بس الاسنان احلى

بص صلي علي النبي يا دكتور أنا ليا إصحاب كتير والله العظيم مجموعهم يجيب أعلي طب وبيدخلوا صيدلة
تعال نتكلم بمنطق الكلية :
أسنان أسهل وأحلي من صيدلة .والدفعة أصغر من الصيدلة والكلام دا كله
تعال نتكلم بمنطق المستقبل في مصر:
مجالات عمل الصيدلة أكتر بكتير من الأسنان وفرص العمل أكتر وأكيد كل الناس بتعترف بده وممكن تشوف مجالات العمل وأكيد شوفتها علي الصفحة بإسم """""مجالات عمل الصيدلي""""" إنما عشان تبقي دكتور أسنان سنين عبال أما تتشهر ويبقي ليك إسم حتي لو كنت حرررررررررررريف أوي و فين وفين عبال ما الناس تثق فيك يكفي إن كل واحد ليه دكنور الأسنان بتاعته ومبيغيروووش إلا لو مات مثلاً حتي أقسم بالله لو كان قرييبك هيفضل يروح لدكتور اللي متعود عليه ومش هيجيلك
وأقسم بالله في واحد أنا أعرفه دكتورر أسنان والله العظيم العيادة ما بتشتغلش بقالها 10 سنين يعني دلوقتي بدأت تشد حيلها عبال ما أم اللوحة اللي معلقها بدأت الناس تاخد بالها منها
تعال نتكلم بمنطق العمل خارج مصر:""""دول الخليج""""
الأسنان والصيدلة زي الفل بس طبعاً الأسنان بتبقي أحسن شوية في الفلوس إنما إنت تقدر تخلي أجرك في الصيدلة عالي برة عن طريق الكلينيكال
وأهم حاجة صلي صلاة الإستخارة وليك مطلق الحرية والتحويل سهل جداً بدام تجيب الحد الأدني ليها لا تقلق
أنا بإذن الله زميلك إعدادي صيدلة طنطا

شكرا ليك يا homs tareek ‎