haybra
17-08-2011, 04:49 PM
السلام عليكم
انا طالبة خريجة ثانوية عامة 2010 شهادة معادلة
مجموعي جايب هندسة وعلاج طبيعي في ذات الوقت
بعد مادرست سنة في هندسة انا مش عارفه اتأقلم مع الكلية ولا مع المواد
وسألت عن التحويل وقالولي ينفع
لكن هل الافضل اكمل في هندسة ولااحول للعلاج الطبيعي؟
انا كلام الناس خوفني جدا من علاج طبيعي
ياريت تفيدوني
DR.NANCY
17-08-2011, 08:29 PM
اول حاجة لازم تسالى نفسك انتى حابة اية المجالين مختلفين تماما عن بعض يعني انتى عاوزة تبقي مهندسة ولادكتورة؟؟
ثانيا:سيبك من كلام الناس انتى جربتى هندسة وقضيتى فيها سنة ومش مرتاحة فيها وعلاج طبيعى ميخوفش بالعكس دة 4 سنين وسنة امتياز
مجالاته كتير وشغله كتير لان عدد الخريجين اقل من اى كلية تانية وكمان له تكليف ودراسنة هتحبيها جدا لو بتحبى الاحيااء
الناس مش بيعجبها حاجة نصهم يقول دة الصيدلى بقال ودكتور العلاج الطبيعى مدلكاتى مع احترامى طبعا للصيادلة ودكترة
العلاج الطبيعى دة بس عشان اوضحلك انك متخديش بكلام الناس وخدى الى انتى شايفة انه هيريحك وهتمشي فية لان دة
مستقبلك وعلاج طبيعى اقري عنه هتلاقى دراسته مفيدة وجميله جدا واقسامة كتيرة وبيدرسوا كل حاجة عظام بطنة اعصاب
اطفال وغيرة يعني مش مدلكاتى ولا حاجة سورى علي الاطاله اتمنى اكون افدتك وربنا يوفقك
haybra
18-08-2011, 05:39 AM
انا مش بحب دراسة الفيزياء ولا الرياضيات
بحب الاحياء اكتر
قرأت عن علاج طبيعي وعجبني مجالاها وشغلها ودراستها
بس هل دراستها صعبه اوي؟
والمشكلة كمان انها الكلية الوحيدة في مصر ودا مشكلة اكبر وخصوصا للطلبة الي هيتغربوا زيي
ومشكلة ليا بالمدينة لاني مش حابه اسكن فيها ابدا وصعب الاقي سكن خارجي قريب