السلام عليكم ورحمة الله وبركاته
أنا محمد من القاهرة
جبت 403 ....
والحمد لله جالى التنسيق على طب القاهرة
أنا عمرى دلوقتى 20 سنة إلا 4 أشهر ((عشان دخلت مدرسة تجريبى أخذت أولى وتانية حضانة ودخلت أولى إبتدائى 8 سنين وأول دفعة تاخد سنة 6))
المهم...
أنا دلوقتى هيبقى قدامى 7 سنين دراسة و4 ماجيستير ودكتوراه وبعد كده ربنا يمن عليا وأفتح عيادة وأعمل أسم ...يعنى أبتدى حياتى على 40 سنة كده
لكن أنا بموت فى حاجة أسمها طب وده حلمى من وأنا صغير ...
إيه المشكلة بقى...!!
المشكلة إن الحمد لله نصيبى كويس
كان فى منحة أسمها منحة لوتس التلعيمية
المنحة دى للى جايبين فوق ال85% ..
أنا أتقدكت لها بحيث إنى لو مجبتش طب ...ربنا يكرمنى فى المنحة دى
المنحة إيه مميزاتها..
بتخلى كل حاجة على حسابها...الإقامة فى المدينة الجامعية((وده شرط حتى لو أنت فى نفس المحافظة عشان تمارس الأنشطة)) وراتب شهرى للأكل وراتب شهرى للبس وكمان وأنت داخل بيدولك لاب توب أمريكى dell وأول 45واحد بيسافروا سنة لأمريكا
وكمان الدراسة بتكون فى جامعات خاصة...وبيكون فى فريق إستشارى لكل طالب...يعنى مكون من مستشار نفسى وتانى إجتماعى وحاجات كده
أتصلوا بيا النهاردة وقالوا لى إنى فزت فى المنحة ...من ضمن 1000 واحد...ربنا وفقنى
وإنى أترشحت لجامعة 6 أكتوبر.... biotechnology تكنولوجيا حيوية...((علما إن المنحة لا تضم كليات الطب))
للى ميعرفش التكنولوجيا الحيوية...يعنى كلام الDNA والجينات
النعجة دولى والإستنساخ وإنتاج الأنسولين ولو فى مسرح جريمة ولقيت ضافر تعرف مين اللى كان هنا...يعنى شغل مخابرات وطب شرعى...
الدراسة 4 سنين وبتخرج تتشفط على شغل على طول
إيه رأيكوا...أضحى بالطب ولا إيه..؟؟؟

السلام عليكم
اولا الف مبروك على التفوق واحب اشارك الراى ان هذة المنحة ممتازة واهم شىء فيها ضمان العمل بعد التخرج ان شاء الله والتعليم فيها بطريقة متطورة تجارى التطور المستمر فى العالم توكل على الله واستخيره والحياة العملية هى اساس التفوق
ولى سوءال انا ابنى داخل 3 ثانوى رياضة والحمد لله حصل فى تانية على 99% عايز اعرف بعض المعلومات عن طريقة التقدم لهذة المنحة واين يكون التقدم ومتى ولك الشكر والتوفيق الى ما يحبة الله لك ويرضاه

انا راى ان هو موضوع محير فانت عليك انك تستخير ربنا اولا ثانيا تشوف انت عايز اية هى بصراحة المنحة دى مميزاتها كتير ومين عارف يمكن تكون من المحظوظين اللى هتجلهم المنحة لامريكا وسعتها حياتك كلها هتتغير للاحسن ربنا يوفقك ويوفقنا ا

يا معلم فيها طب اسنان وصيدلة حاول معاهم كده ومبرووووووووووووووووووووك يا واد يا جامد بس من رايى

اسالهم ينفع اسنان او صيدلة تبقى ضربه معلم لكن لو مفيش يبقى طب طبعا

طب طب طب مش فكره منحه او مش منحه بس بردو تقدر تثبت نفسك فيه وتسافر

انا عارف ان الطب مشواره صعب اوووووى وطويل .. يعنى انا بترول قدامى 5 سنين وقول سنه يعنى يبقى 6 عمال ما شتغل و ربنا يسهل بجد

وكنت عايز اسالك هى المنحه دى بتاخد كام طالب يعنى واحد بس ولا انا مش فاهم ؟؟

وتانى مره طب احسن لو منفعش معاهم صيدلة او اسنان

لا يا برنس انت كد هتندم فى الاخر

يا معلم فيها طب اسنان وصيدلة حاول معاهم كده ومبرووووووووووووووووووووك يا واد يا جامد بس من رايى

اسالهم ينفع اسنان او صيدلة تبقى ضربه معلم لكن لو مفيش يبقى طب طبعا

طب طب طب مش فكره منحه او مش منحه بس بردو تقدر تثبت نفسك فيه وتسافر

انا عارف ان الطب مشواره صعب اوووووى وطويل .. يعنى انا بترول قدامى 5 سنين وقول سنه يعنى يبقى 6 عمال ما شتغل و ربنا يسهل بجد

وكنت عايز اسالك هى المنحه دى بتاخد كام طالب يعنى واحد بس ولا انا مش فاهم ؟؟

وتانى مره طب احسن لو منفعش معاهم صيدلة او اسنان




ممكن كلامك يكون صح

انا عارفة انه قرار صعب ... اعمل استخارة وشوف ... بس رأيي المنحة دي ممتازة بجد

والله المنحة دى زى ما انت بتقول انها حاجة مميزة لكن الطب برده حاجة ممتازة فعشان تقدر تحدد استخير ربنا وان شاء الله ييسرلك الاصلح ليك .

انا من رأى المنحة طبعا

دى فرصة متتعوضش

وبعدين طب شوف كل سنة بطلع كام الف والكام الف دول ياترى كلهم بيلاقو شغل

فكر فى مستقبلك المهنى برضة انت ولد يعنى بعد كدا هتبقى متحمل بيت واسرة

وبعدين المنحة انا مش شيفاها اقل من طب ف حاجة وشوف انت ميال لاية اكتر اكيدد

انت صاحب الاختيار ف الاخر

ولو حتى 1% زايدة ف واحدة اختارها

ومبروك للمنحة

وصلى صلاة استخارة زى ماقالولك

مبرووووك التفوق يا أستاذ محمد وربنا يوفقك في الباقي وتبقى متفوق دايما إن شاء الله
رأيي الخاص ومن نصيحة مجرب والله كلية الطب كلية صعبة جدا وبتاكل من عمر البني آدم.. أنا في الحقيقة لما دخلت طب مكنتش عايزة أدخل يعني حالي مختلف عنك بس من تجربتي الشخصية ومن تجربة أصدقائي اللي كانوا عايزين يدخلوا طب طول عمرهم... والله دلوقتي كتير منهم بيقولوا لو رجعنا تاني عمرنا ماهندخل طب... والله نصيحة مني المنحة دي ممتازة وشغلها حلو وكفاية إنك هتتخرج وعمرك 24 سنة لكن الطب : خد عندك 6 سنين دراسة (والسنة أطول من أي سنة في أي كلية تانية) وسنة امتياز يبقوا 7 وسنتين تكليف يبقى 9 وبعدين تتخرج ممارس عام يعني لو اشتغلت في الوحد الصحية يبقى كتر خير الدنيا وعشان تبقى دكتور بجد لازم تعمل ماجستير ودكتوراه وحلني بقى... يمكن أنا نظرتي سلبية شوية لإني في سنة خامسة (يعني استويت) وعندي امتحانات آخر السنة بعد العيد
عموما ممكن تسأل حد تعرفه يكون في آخر الطب
وكفاية إن المنحة هتخليك متميز بين الناس لكن كلية الطب فيها آلاف الطلبة (دفعتنا لوحدها مقربة على ألف)
نصيحة والله من واحدة كرهت حياتها بسبب الطب
وأخيرا يارب ماتدعوش عليا أصل أنا مكتئبة والإكتئاب طلع فيكم..ز وادعولي بقى عشان الامتحانات وربنا يوفقك يا أستاذ محمد ومتنساش طبعا صلاة الاستخارة