انهارده عايزه اتكلم معاكوافى موضوع من وجهه نظرى مهم جدا مواقف بتحصل فى حياتنا مقصدش بالمواقف دى ان الكل كده بس المعظم كده:bosyht9:


ندخل فى الموضوع على طول انا عايزه اتكلم عن الزوج اللى مش شايل مسئوليه عياله مع زوجته


اقصد يعنى انه يقولها بصريح العباره انامش هشيل مسئوليه
عيال:d


هما مش بياكلوا ويشربوا عايزه ايه تانى هيه الحياه اكل وشرب وبس واللى يحرق الدم اكتر انه يقولها عايز اخلف تانى ياعم شيل مسئوليه اولانى وبعدين فكر فى التانى;)


ليه الازواج بيعملوا فى زوجتهم كده؟ ليه الزوج
مش عايز يصدق ان حياه وهوه زوج متنفعش تبقا زى اوحتى شبه حياه وهوه شاب كتيرمن الازواج كده عايز يخرج ويروح ويجى مع اصحابه ويرجع البيت عشان ياكل وينام :bosyht9:


والام هيه اللى تشيل هم كل حاجه ليه كتيرمن الاباء مبيشركوش زوجتهم فى تربيه الابناء وبجد فى اطفال ربنا بيبقا مديهم طاقه ملهاش حدود يعنى طفل شقى بدرجه غبيه ممكن يجنن اللى حوليه من الشقاوه:028ja7:


والاب غايب عن كل ده تماما وممكن مشكله زى دى تهد
بيت:giljotiiniug3:

لأن الام اكيد بتتعب من تحمل المسئوليه لوحدها بتقول لجوزها تانى وتالت شيل معايا مسئوليه العيال وبيبقا رده زى ما هوه وفى الاخر ممكن توصل لدرجه انه ممكن يقولها روحى عند ابوكى وخدى عفشك وهيوصلك 300 جنيه اول كل شهر ومين واحده فى الدنيا تسمع كلام زى ده ومتسيبش بيتها وتتطور المشكله وتروح عند ابوها ويبدأ اللى حوليها بعضهم يقولها متروحيش الا لما يجى يخدك والبعض الاخر يقولها يا عبيطه سيبتيله الشقه ده حقك وحق عيالك ارجعى بيتك وتبدأ الحيره والتفكير اروح ولا مروحش ما انا لو روحت هيقول ابوها مستحملش يومين ولو مروحتش ممكن يتجوز واحده ويجيبها فى الشقه والله بتوصل لكده صدقونى وده واقع فى كتير من البيوت البيوت مليانه مشاكل فى زوجات كتير بتضرب وبتتهان عشان عيالهاوبتصبر بعضهم فى قتره الخطوبه بيبقا هيموت من الفرحه فى فتره الخطوبه وخطيبته دى كل حاجه فى حياته انما بعد الجواز بيتحول ليه انا معرفش وهموت واعرف وشكلى هموت قبل ما اعرف عارفه ان موضوعى كله هجوم على الزوج واعلم ان هناك زوجات عايزين الحرق صحيح موضوعى متعد الجهات والنواحى بس مستنيه اعرف ارائكم

استعملى مسطر المسافات للفصل بين الكلمات

عشان نعرف نقرأ

والله عندك حق ودا واقع كلنا عايشين فيه! وبجد زي ماقلتي كل الشباب بيروح الشغل وبيرجع ياكل ويخرج تاني وخلاص مابيعرفش حاجه عن ولاده غير لما يبقي فيهم حد تعبان وأمهم تزهق من المحايله عليه عشان يروح معاها بالأبن التعبان للدكتور .. واللي يجي يتكلم ولا يفتح بؤه يقولوا دا الراجل تعبان وشقيان عايزينه يعمل إيه يعني!!
و 90% من الأزواج طريقتهم بتتغير مع زوجاتهم بعد الجواز ليه مش عارفه...؟!

للاسف دى مشكلة وخيمة فعلا بتهدد معظم البيوت المصرية
وبقا فى رجالة كتير مش شايلين مسؤلية البيت
مش بس حكاية الاولاد والتربية لا حكاية تحمل مسؤلية البيت وانه يصرف على اولاده
وزوجات كتير بتكون مضطرة انها تنزل تشتغل عشان تقدر على المصاريف وتقدر على كسل واهمال زوجها
انا بشوف دايما ان الجواز ده عملية مشتركة ومتبادلة ولازم كل واحد فينا يقوم بدوره عشان الحياه تستمر
ونعرف نقدم مهمتنا على أكمل وجه وهو اعداد جيل واعى وناضج

تحياتى موضوع جميل وهادف

انا اعتقد ان دي اقلية صغيرة جدا ده اولا ثانيا الحياة بين الزوجين مشركة يعني هو بره البيت و هي جوة البيت و يعني هو مساوليته انه يوفر لهم الحياة الكريمة و المستوي الا جتماعي الجيد >>>يعني بالبلدي يجيب فلوس و يصرف عليهم و هي مساوليتها انها تاخد بالها من الاولاد و تريبهم ...........و ده طبعا ميمنعش ان الاب يكون ليه دور كبير في حيات اولاده و يكون مثلهم الاعلي في كل حاجة

استعملى مسطر المسافات للفصل بين الكلمات

عشان نعرف نقرأ
متأسفه جدا:blush:
انا فعلا كنت بستعمله بس مش عارفه لما الموضوع نزل
ايه اللى حصله:o
على العموم مستنيه حضرتك تنورى الموضوع تانى
وتقوليلنا رأيك:)

والله عندك حق ودا واقع كلنا عايشين فيه! وبجد زي ماقلتي كل الشباب بيروح الشغل وبيرجع ياكل ويخرج تاني وخلاص مابيعرفش حاجه عن ولاده غير لما يبقي فيهم حد تعبان وأمهم تزهق من المحايله عليه عشان يروح معاها بالأبن التعبان للدكتور .. واللي يجي يتكلم ولا يفتح بؤه يقولوا دا الراجل تعبان وشقيان عايزينه يعمل إيه يعني!!
و 90% من الأزواج طريقتهم بتتغير مع زوجاتهم بعد الجواز ليه مش عارفه...؟!
يمكن بتتغير عشان الزوجه بتفضل اودام زوجها
24ساعه:d
طب المطلوب منها ايه;)
والله فعلا حاجه تحير:bosyht9:
شكرا لمرورك ياقمر
نورتى الموضوع:)

للاسف دى مشكلة وخيمة فعلا بتهدد معظم البيوت المصرية
وبقا فى رجالة كتير مش شايلين مسؤلية البيت
مش بس حكاية الاولاد والتربية لا حكاية تحمل مسؤلية البيت وانه يصرف على اولاده
وزوجات كتير بتكون مضطرة انها تنزل تشتغل عشان تقدر على المصاريف وتقدر على كسل واهمال زوجها
انا بشوف دايما ان الجواز ده عملية مشتركة ومتبادلة ولازم كل واحد فينا يقوم بدوره عشان الحياه تستمر
ونعرف نقدم مهمتنا على أكمل وجه وهو اعداد جيل واعى وناضج

تحياتى موضوع جميل وهادف
فعلا معاكى حق..
انا مش عارفه احنا رايحيين على فين..
لما كمان زوج ميصرفش على بيته وعياله
دى تبقا مصيبه..
فعلا تربيه الاولاد مش سهله لازم الزوج يشارك الزوجه
بذات الجيل ده..
جيل عفاريت:028ja7:
شكرا ليكى ياقمر
مرورك الأجمل..

شوفى يا مرمور الزواج له مقدمات ومن خلال فترة الخطوبه بنقدر نعرف انه يقدر يتحمل مسئوليه بيت ام لا

يعنى اللى يقوم بتكاليف الزواج بعيد عن الام والاب ده بيتحمل المسئوليه

لكن الشاب اللى ابوه هو اللى يقدمه كل حاجه على طبق من فضه ازاى هيعرف مسئوليه بيت وزجه واطفال

والمفروض الزوجه تعوده على تحمل المسئوليه قبل انجاب الاطفال

مثال لو هي بتشتغل وتساعد فى مصروف البيت فلازم هو يساعدها فى عمل البيت

لان الحياة مشاركه والا تقعد فى البيت وهو يصرف عليها الشرع بيقول كده الست مسئوله من زوجها

مش تسيبه لا يتحمل مسئوليه فى الاول وبعد ما تنجب أطفال تقول له اتحمل

شكرا على الموضوع الجميل

انا اعتقد ان دي اقلية صغيرة جدا ده اولا ثانيا الحياة بين الزوجين مشركة يعني هو بره البيت و هي جوة البيت و يعني هو مساوليته انه يوفر لهم الحياة الكريمة و المستوي الا جتماعي الجيد >>>يعني بالبلدي يجيب فلوس و يصرف عليهم و هي مساوليتها انها تاخد بالها من الاولاد و تريبهم ...........و ده طبعا ميمنعش ان الاب يكون ليه دور كبير في حيات اولاده و يكون مثلهم الاعلي في كل حاجة
يعنى هوه هيفضل طول عمره بره البيت:d
الحياه مش فلوس ومستوى اجتماعى..
لازم الزوج يشارك الزوجه فى تربيه اولاده..
والا بقا يستحمل اللى هيشوفه منهم..
لما ام مثلا يكون عندها ولدين..
وتربيه الاولاد اصعب ميه مره من تربيه البنات..
ازاى تقدر تربيهم لوحدها..
وبعدين كمان مش مسأله بنات ولا ولاد..
الام مخلفتش العيال لوحدها..
يعنى لازم يكون فى مشاركه..
على الاقل يكون فى طرف من الطرفين الطفل
بيخاف منه وبيعمله حساب لكن طول ما الطفل
الام مش قادره عليه والاب مغيب تماما..
يبقا ليها حق تتكلم..
وتقوله يتحمل المسئوليه معاها..
شكرا لمرور حضرتك:)

شوفى يا مرمور الزواج له مقدمات ومن خلال فترة الخطوبه بنقدر نعرف انه يقدر يتحمل مسئوليه بيت ام لا

يعنى اللى يقوم بتكاليف الزواج بعيد عن الام والاب ده بيتحمل المسئوليه

لكن الشاب اللى ابوه هو اللى يقدمه كل حاجه على طبق من فضه ازاى هيعرف مسئوليه بيت وزجه واطفال

والمفروض الزوجه تعوده على تحمل المسئوليه قبل انجاب الاطفال

مثال لو هي بتشتغل وتساعد فى مصروف البيت فلازم هو يساعدها فى عمل البيت

لان الحياة مشاركه والا تقعد فى البيت وهو يصرف عليها الشرع بيقول كده الست مسئوله من زوجها

مش تسيبه لا يتحمل مسئوليه فى الاول وبعد ما تنجب أطفال تقول له اتحمل

شكرا على الموضوع الجميل

انا مع حضرتك فى النقطه دى
وفى النهايه هيه مسأله تعود
وبردو الزوجه جزء من المشكله
انها موقفتش من الاول وقالتله كده
بس دول عياله كمان محتاجه انها تعوده
ازاى يتحمل مسئوليتهم:d
مرورك حضرتك الاجمل:)

الزوج فى أول الزواج بيكون مش متحمل للمسئوليه اطلاقا لانه بيكون مش متعود
انما بعد كام سنه يا حرام جوزى ربنا يدديه الصحه ويوسع رزقه تعبان معانا جدا
واحنا اللى مش راحمينه بصراحه لدرجه انه ساعات يقول للولاد انتوا ومامتكم اشتريتونى بكام
عشان ارجعلكوا الفلوس واروح لحالى

الزوج فى أول الزواج بيكون مش متحمل للمسئوليه اطلاقا لانه بيكون مش متعود
انما بعد كام سنه يا حرام جوزى ربنا يدديه الصحه ويوسع رزقه تعبان معانا جدا
واحنا اللى مش راحمينه بصراحه لدرجه انه ساعات يقول للولاد انتوا ومامتكم اشتريتونى بكام
عشان ارجعلكوا الفلوس واروح لحالى
اولا انا مبسوطه جدا ان حضرتك اول واحد
من الجنس الآخر تنور الموضوع..
ثانيا انا مع حضرتك ان فى زوجات كده..
عايزين الحرق زى ما قولت فى موضوعى..
بس انا اقصد هنا الزوجه اللى فعلا تعبت
ومش قادره تربى عيالها لوحدها..
محتاجه من جوزها يشاركها صبرت عليه
وطلبت منه اكثر من مره يشيل معاها المسئوليه
وهوه مش هنا عايز يسافر ويخرج مع اصحابه وبس:d

مشكلة لابد لها من حل

شكراً على الموضوع

دا كويس انه بيوكلهم ويشربهم دا زاد عليه بصراحة
يكفيه قرف الشغل وبالذات لو كان كمان بيشتغل مدرس فبصراحة العيال مطفشينه في المدرسة وكمان عايزينه يطفش من البيت كفاية الهم اللي في المدرسة هههه وإذا كان الزوج هيشيل مسئولية في الشغل وكمان في البيت يبقى بلاها زواج:p

دى اسمها ندااااااااااااااااااالة نداااااااااااااااااااااااااااالة مش اى كلام

مشكلة لابد لها من حل

شكراً على الموضوع


هيه فعلا مشكله..
وانا جايه عشان ندور مع بعض على حل
يمكن..:d
شكرا لمرور حضرتك..

دا كويس انه بيوكلهم ويشربهم دا زاد عليه بصراحة
يكفيه قرف الشغل وبالذات لو كان كمان بيشتغل مدرس فبصراحة العيال مطفشينه في المدرسة وكمان عايزينه يطفش من البيت كفاية الهم اللي في المدرسة هههه وإذا كان الزوج هيشيل مسئولية في الشغل وكمان في البيت يبقى بلاها زواج:p

خلاص نبقا نعرفه من الاول انه هيشيل الهم بره وجوه
قبل ما يتجوز:d
وان كان مش عايز يشيل مسئوليه يبقا بلاها جواز على رأي حضرتك:)
شكرا لمرور حضرتك..

دى اسمها ندااااااااااااااااااالة نداااااااااااااااااااااااااااالة مش اى كلام

شكرا على المرور..:d

شكرا يا مرمور على الموضوع ده ودى جرأة تحسدين عليها لانه موضوع هيزعل ناس كتير
اولا: تحمل المسؤلية بصراحة من خبرتى واحتكاكى بالناس فيه شباب كتير بيتحملوا المسؤلية بعد الجواز
ولكن لما الضغوط بتزيد عليهم بيفضلوا يشتغلوا ويسافروا ويتغربوا علشان يوفروا لاولادهم الاكل والشرب واللبس اللى اختلف كتير عن زمان بس غربة الرجل بيدفع تمنها الاولاد والله فيه قصتين حصلوا مع اتنين من اصحابى
الاولى لاب سافر ليبيا بقاله 15 سنة نزل وشاف اولاده 5 مرات بس كان بينزل شهرين كل 3 سنوات وللاسف كان معلم يعنى بيعلم اولاده الناس القيم ولا يعلم اولاده وبصراحة مراته قالت له الاولاد كبروا وابنك الكبير فى ثانوية عامة وماشى مع عيال مش كويسين انزل وشوفه واحنا ماديا عندنا اللى مكفينا لكنه رفض
النتيجة ان الولد ادمن الحشيش ولان الفلوس مش بتكفى الحشيش الولد سرق دهب مرات خاله وسرق ناس كتير وقبضوا عليه وهوه بيبيع الدهب واعترف بكل شيء واتسجن وما خدش الثانوية العامة
عارفين الزوج عمل ايه اتجوز على مراته وساب الاولاد ضايعين
والله الجواز مسؤلية مشتركة وتربية الاولاد فى هذه الايام صعبة وحتاجة تعاون الاتنين وان كنت افضل وجود الاب خصوصا لتربية الاولاد لانهم محتاجين الشدة والحسم اما البنات فممكن الام تعلمهم الى جانب الاب يا رب الكل يكون على قدر من المسؤلية

شكرا يا مرمور على الموضوع ده ودى جرأة تحسدين عليها لانه موضوع هيزعل ناس كتير
اولا: تحمل المسؤلية بصراحة من خبرتى واحتكاكى بالناس فيه شباب كتير بيتحملوا المسؤلية بعد الجواز
ولكن لما الضغوط بتزيد عليهم بيفضلوا يشتغلوا ويسافروا ويتغربوا علشان يوفروا لاولادهم الاكل والشرب واللبس اللى اختلف كتير عن زمان بس غربة الرجل بيدفع تمنها الاولاد والله فيه قصتين حصلوا مع اتنين من اصحابى
الاولى لاب سافر ليبيا بقاله 15 سنة نزل وشاف اولاده 5 مرات بس كان بينزل شهرين كل 3 سنوات وللاسف كان معلم يعنى بيعلم اولاده الناس القيم ولا يعلم اولاده وبصراحة مراته قالت له الاولاد كبروا وابنك الكبير فى ثانوية عامة وماشى مع عيال مش كويسين انزل وشوفه واحنا ماديا عندنا اللى مكفينا لكنه رفض
النتيجة ان الولد ادمن الحشيش ولان الفلوس مش بتكفى الحشيش الولد سرق دهب مرات خاله وسرق ناس كتير وقبضوا عليه وهوه بيبيع الدهب واعترف بكل شيء واتسجن وما خدش الثانوية العامة
عارفين الزوج عمل ايه اتجوز على مراته وساب الاولاد ضايعين
والله الجواز مسؤلية مشتركة وتربية الاولاد فى هذه الايام صعبة وحتاجة تعاون الاتنين وان كنت افضل وجود الاب خصوصا لتربية الاولاد لانهم محتاجين الشدة والحسم اما البنات فممكن الام تعلمهم الى جانب الاب يا رب الكل يكون على قدر من المسؤلية
والله انا مكسوفه من كلام حضرتك:blush:
انا امتلك الجرأه:blush:
واللى حضرتك قولتيه ده مثال لأب دمر ابنه بأيده
وبدل ما يساعده سابه وراح اتجوز على امه
لا حول ولا قوه الا بالله
ربنا يسترها علينا
شكرا لمروك ياقمر

اولا يا مرموور بحييكي على فكرة الموضوع.....مهمة جداااااااا;)

ثانيا ...انتي عندك حق في الكلام اللي قولتيه وده ببساطة سببه ان احنا في مجتمع بيحمل ويرمي على المراة

المسئولية كلها...هي المفروض تطبخ وتكنس وتمسح وتقوم بكل شغل البيت وفي نفس الوقت تربي وتعلم :006et4:و

المبرر لكده ان الزوج مش بيبقى فاضي عشان شغله....انا طبعا عارفة ان الزوج بيشتغل وبيتعب بس هي كمان

بتشتغل ويتتعب يمكن اكتر منه.......والمصيبة بقى ان في حالات كمان لما يحصل اي حاجة للاولاد يقولها

اتفرجي مش ابنك ده؟؟؟؟؟؟ على اساس ان هو ابن خاله يعني......:d


وعلى العموم طبعا منقدرش نعمم في حالات كده وفي امثلة كويسة برده.......:)

سبب كل المشاكل بما فيها مشاكل البيوت بين الزوج والزوجة هو البعد عن ربنا وترك الدين وعدم تربية الاولاد على مبادىء الاسلام المعروفة ياريت الناس تعرف كده وتجرب تبنى بيت اسلامى وتشوف الاختلاف والنتيجة

سبب كل المشاكل بما فيها مشاكل البيوت بين الزوج والزوجة هو البعد عن ربنا وترك الدين وعدم تربية الاولاد على مبادىء الاسلام المعروفة ياريت الناس تعرف كده وتجرب تبنى بيت اسلامى وتشوف الاختلاف والنتيجة
انا بشكر حضرتك على الرد ده جدا
وفعلا ده سبب المشاكل كلها
شكرا لمرور حضرتك

اولا يا مرموور بحييكي على فكرة الموضوع.....مهمة جداااااااا;)

ثانيا ...انتي عندك حق في الكلام اللي قولتيه وده ببساطة سببه ان احنا في مجتمع بيحمل ويرمي على المراة

المسئولية كلها...هي المفروض تطبخ وتكنس وتمسح وتقوم بكل شغل البيت وفي نفس الوقت تربي وتعلم :006et4:و

المبرر لكده ان الزوج مش بيبقى فاضي عشان شغله....انا طبعا عارفة ان الزوج بيشتغل وبيتعب بس هي كمان

بتشتغل ويتتعب يمكن اكتر منه.......والمصيبة بقى ان في حالات كمان لما يحصل اي حاجة للاولاد يقولها

اتفرجي مش ابنك ده؟؟؟؟؟؟ على اساس ان هو ابن خاله يعني......:d


وعلى العموم طبعا منقدرش نعمم في حالات كده وفي امثلة كويسة برده.......:)
حلوه اوى ابن خاله دى..:d
دايما الاب بيعمل جى من بنها:romarioxp6:
صحيح فى امثله كويسه
بس للأسف قليله:confused:
شكرا لمرورك ياقمر

عايزه تعرفى السبب اكيد السبب التربيه ان اهلوا عودوه ع عدم المسؤليه وبالتالى لما بيكبر متعود ان كل حاجه بتيجى لحد عنده وكانت المفروض الزوجه تعرفه اكتر قبل اما تتجوزه وطبعا مفيش حل للمشكله لان خلاص باه قيها اولاد ومثال بسيط اوى واحهد اعرفها كانت ليها اختها مخطوبه وقربوا يتجوزا المفروض ان الراجل هو اللى بينزل يشترى العفش ويوصله للبيت لا ده العكس هى الراجل هى اللى نزلت وصلته للبيت وكانت بتشيل ع كتفها الحاجه وتوصلها وتقف مع العمال ومع ذلك متمسكه بيه اكيد ده عبط لان ده هيطلع عليها بعد الجواز مرسى جدا ع الموضوع

عايزه تعرفى السبب اكيد السبب التربيه ان اهلوا عودوه ع عدم المسؤليه وبالتالى لما بيكبر متعود ان كل حاجه بتيجى لحد عنده وكانت المفروض الزوجه تعرفه اكتر قبل اما تتجوزه وطبعا مفيش حل للمشكله لان خلاص باه قيها اولاد ومثال بسيط اوى واحهد اعرفها كانت ليها اختها مخطوبه وقربوا يتجوزا المفروض ان الراجل هو اللى بينزل يشترى العفش ويوصله للبيت لا ده العكس هى الراجل هى اللى نزلت وصلته للبيت وكانت بتشيل ع كتفها الحاجه وتوصلها وتقف مع العمال ومع ذلك متمسكه بيه اكيد ده عبط لان ده هيطلع عليها بعد الجواز مرسى جدا ع الموضوع
يا نهار ابيض
بتشيل العفش وتقف مع العمال:o
ستات آخر زمن:slap1qk6:
مش عارفه ايه اللى غصبها على كده:confused:
ربنا يستر علينا:bosyht9:
شكرا لمرورك:)

الاولى لاب سافر ليبيا بقاله 15 سنة نزل وشاف اولاده 5 مرات بس كان بينزل شهرين كل 3 سنوات وللاسف كان معلم يعنى بيعلم اولاده الناس القيم ولا يعلم اولاده وبصراحة مراته قالت له الاولاد كبروا وابنك الكبير فى ثانوية عامة وماشى مع عيال مش كويسين انزل وشوفه واحنا ماديا عندنا اللى مكفينا لكنه رفض
النتيجة ان الولد ادمن الحشيش ولان الفلوس مش بتكفى الحشيش الولد سرق دهب مرات خاله وسرق ناس كتير وقبضوا عليه وهوه بيبيع الدهب واعترف بكل شيء واتسجن وما خدش الثانوية العامة
عارفين الزوج عمل ايه اتجوز على مراته وساب الاولاد ضايعين

المشكلة اللي وقع فيه الولد ده سببها امه وليس ابوه اللي سافر عشان يأمن لهم مستقبلهم ويوسع عليهم ويتبهدل في الغربة عشان يعيشهم عيشة محترمة كريمة وحتى الزوجة دي معرفتش تربي الأولاد طيب مهو لو الاب كان لاقي فلوس مكانش هيسافر وكمان مكانش مسافر عشان يتفسح ولاعشان يلعب كورة ولا عشان حاجة تاني دا الراجل كان مسافر عشان يطفح السم ويوفر لهم عيشة كريمة والسفر قطعة من العذاب كما قال صلى الله عليه وسلم
ثانيا بالنسبة للحل اللي عمله ده اجمل حل ولو انا مكانه برضو كنت هعمل زي ماهو عمل لأنه انا مسافر عشان المفروض وراي في البيت انسانة تسد وتعرف تربي أولادها
مش تخليهم بتوع حشيش وبانجو!!

المشكلة اللي وقع فيه الولد ده سببها امه وليس ابوه اللي سافر عشان يأمن لهم مستقبلهم ويوسع عليهم ويتبهدل في الغربة عشان يعيشهم عيشة محترمة كريمة وحتى الزوجة دي معرفتش تربي الأولاد طيب مهو لو الاب كان لاقي فلوس مكانش هيسافر وكمان مكانش مسافر عشان يتفسح ولاعشان يلعب كورة ولا عشان حاجة تاني دا الراجل كان مسافر عشان يطفح السم ويوفر لهم عيشة كريمة والسفر قطعة من العذاب كما قال صلى الله عليه وسلم
ثانيا بالنسبة للحل اللي عمله ده اجمل حل ولو انا مكانه برضو كنت هعمل زي ماهو عمل لأنه انا مسافر عشان المفروض وراي في البيت انسانة تسد وتعرف تربي أولادها
مش تخليهم بتوع حشيش وبانجو!!
انا شايفه ان رد حضرتك قاسى جدا
ازاى حضرتك تحمل الام المسئوليه كامله؟
هوه الاب ملوش اى دور فى تربيه اولاده؟!
دوره يتغرب ويجيب فلوس؟َ!
يا استاذى الفاضل عارفين ان الاب بيتعب وبيتغرب
بس اولاده اللى خلفهم دول لازم يشارك فى تربيتهم
والا مكنش خلفهم!!
وشايفه ان الام والاب هما سبب المشكله دى وليس الام وحدها
بس بردو الاب المفروض يقف جنب ابنه!
مش يسيبه ويروح يتجوز ويعيش حياته!:mad:

خوفتوني من الجواز والخلفه

السلام عليكم
كل سنة وانتم طيبين
بالنسبة لموضوعك كلو كوم ورد مدرس اللغة العربية كوم
الله المستعان

ربنا شرع الزواج لعدة مقاصد من ضمنها اخراج الولد الصالح اللى بيكون فى ميزان حسنات العبد يوم القيامة
طيب دا محتاج تعاون بين الزوجين فى التربية زى ما انجبوا الطفل دا ودى مبادئ بتبان قبل الزواج من خلال التعرف على فكر الشخص اللى هرتبط بيه
وكتير انبه على دور الام فى تذكير الاب لانه فعلا احيانا ينسى وينشغل بالعمل وربما امور اخرى وطبعا باسلوب لطيف وليس امر ونهى وعتاب
وطبعا ارفض تماما فكرة ان الاب يشتغل بنك ونبقى عايشين زى المخلوقات التى ليس لها عقل بدون توجيه او وجود دور الاب فى التربية والتوجيه من خلال انه يكون قدوة
يعنى عمليا نجرب نقول للطفل مثلا رتب غرفتك سيرفض ويبكى ولن يعمل شيئا
ونجرب ان نقول له هيا نرتب غرفتك سويا لتصبح غرفتك جميلة ورائحتها طيبة سيستجيب وربما بعد عدة مرات
لكن المقصود القدوة هى العامل الاساسى فى التربية سواء من الاب او الام
وهناااك فرق كبيير جدا بين الرجال اللى بيتحملوا المسؤلية وبين من هم مجرد ذكور
شكرا ليكى موضوع مهم فعلا

خوفتوني من الجواز والخلفه

تخافى من ايه بس؟!;)
الجواز ده عامل زى البطيخه:d
يا تطلع ارعه يا تطلع حمرا:p
شكرا لمرورك
الموضوع نور..:)

السلام عليكم
كل سنة وانتم طيبين
بالنسبة لموضوعك كلو كوم ورد مدرس اللغة العربية كوم
الله المستعان

ربنا شرع الزواج لعدة مقاصد من ضمنها اخراج الولد الصالح اللى بيكون فى ميزان حسنات العبد يوم القيامة
طيب دا محتاج تعاون بين الزوجين فى التربية زى ما انجبوا الطفل دا ودى مبادئ بتبان قبل الزواج من خلال التعرف على فكر الشخص اللى هرتبط بيه
وكتير انبه على دور الام فى تذكير الاب لانه فعلا احيانا ينسى وينشغل بالعمل وربما امور اخرى وطبعا باسلوب لطيف وليس امر ونهى وعتاب
وطبعا ارفض تماما فكرة ان الاب يشتغل بنك ونبقى عايشين زى المخلوقات التى ليس لها عقل بدون توجيه او وجود دور الاب فى التربية والتوجيه من خلال انه يكون قدوة
يعنى عمليا نجرب نقول للطفل مثلا رتب غرفتك سيرفض ويبكى ولن يعمل شيئا
ونجرب ان نقول له هيا نرتب غرفتك سويا لتصبح غرفتك جميلة ورائحتها طيبة سيستجيب وربما بعد عدة مرات
لكن المقصود القدوة هى العامل الاساسى فى التربية سواء من الاب او الام
وهناااك فرق كبيير جدا بين الرجال اللى بيتحملوا المسؤلية وبين من هم مجرد ذكور
شكرا ليكى موضوع مهم فعلا
اولا انا بشكرك على الرد الاكثر من رائع
وبجد نورتى الموضوع
اما عن استاذ اللغه العربيه;)
فله نظره غريبه عن الجواز والعيال والدنيا انا مش قادره افهمها:rolleyes:
شكرا لمرورك

السلام عليكم
كل سنة وانتم طيبين
بالنسبة لموضوعك كلو كوم ورد مدرس اللغة العربية كوم
الله المستعان



يعني ليه بس كدا هو مدرس اللغة العربية مالو:rolleyes::rolleyes:
طيب هو ايه مسئولية الزوجة غير انها ربة منزل لأني مش مع عمل المرأة بتاتا ومع ذلك لو تزوجت لو لو يعني حصل وزوجتي كاااااااااانت عايزة تشتغل هوافق بس بشروط طبعا!!
أما بالنسبة لمسؤولية البيت فدي طبعا طالما الشقة من حق الزوجة يبقى كل اللي في الشقة من حق الزوجة يعني الطبخ والغسيل والتنظيف وتربية الأولاد ومذاكرتهم:dوكل حاجة في الشقة من حق الزوجة ولا انتو مش معااااااااي:)
وكفاية على الراجل الشغل والعمل وتوفير معيشة كريمة إلا طبعا لو هو وارث عن جدوده ميراث كويس يبقى خلاص بقى ميفكرش في الشغل:blush: ويساعد في تربية الأولاد
أو اختيار تالت ممكن يرضيكم أنه الزوجة هي اللي تشتغل والزوج يقعد في البيت يربي الاولاد ويذااكر ليهم ويطبخ ويغسل ونقلب الموازين :(

اما عن استاذ اللغه العربيه;)
فله نظره غريبه عن الجواز والعيال والدنيا انا مش قادره افهمها:rolleyes:




هههههههه نظرتي ساهلة جدا فهمها هي كالمعادلة التالية
زوجة=تربية أولاد+خدمة البيت+مرعاة حقوق الزوج+جميع مسئوليات البيت والأولاد داخل البيت - عمل المرأة إن لم تستطع القيام بعمل البيت بالإضافة لهذا العمل.

يعني ليه بس كدا هو مدرس اللغة العربية مالو:rolleyes::rolleyes:
طيب هو ايه مسئولية الزوجة غير انها ربة منزل لأني مش مع عمل المرأة بتاتا ومع ذلك لو تزوجت لو لو يعني حصل وزوجتي كاااااااااانت عايزة تشتغل هوافق بس بشروط طبعا!!
أما بالنسبة لمسؤولية البيت فدي طبعا طالما الشقة من حق الزوجة يبقى كل اللي في الشقة من حق الزوجة يعني الطبخ والغسيل والتنظيف وتربية الأولاد ومذاكرتهم:dوكل حاجة في الشقة من حق الزوجة ولا انتو مش معااااااااي:)
وكفاية على الراجل الشغل والعمل وتوفير معيشة كريمة إلا طبعا لو هو وارث عن جدوده ميراث كويس يبقى خلاص بقى ميفكرش في الشغل:blush: ويساعد في تربية الأولاد
أو اختيار تالت ممكن يرضيكم أنه الزوجة هي اللي تشتغل والزوج يقعد في البيت يربي الاولاد ويذااكر ليهم ويطبخ ويغسل ونقلب الموازين :(

حضرتك لم اختلف على واجبات المراة وان عدم عملها افضل
لكنى اختلف فى ان يمحو الرجل نفسه من الحياة ويحصر نفسه كآلة صراف لتلبية مطالب الحياة ومشتهيات الزوجة والابناء
ربنا مخلقش الرجل ليكون دوره محصور هكذا ابدااااااااااااا

لكنى اختلف فى ان يمحو الرجل نفسه من الحياة ويحصر نفسه كآلة صراف لتلبية مطالب الحياة ومشتهيات الزوجة والابناء

ربنا مخلقش الرجل ليكون دوره محصور هكذا ابدااااااااااااا



مهو الرجل مسكين هيعمل ايه اذا كان وهو طالع رايح الشغل على الصبح ولسة بيقول يافتاح ياعليم يارزاق ياكريم والمدام تفتكر كل طلبات البيت في اللحظة دي :angry2: تخيلي لو انتي مكانه ايه هيكون موقفك؟!!
وكمان تخيلي لو الشيطان نساه طلب من طلبات المدام وهو راجع من الشغل أنا متهيأ لي انه هيبقى البيت زي ميدان التحرير:)

اولا الجواز مش حاجه وحشه ده ستر للبنت والحمد لله

ثانيا انا اختصر كل كلامي في مثل واحد

ابنك علي ماتربيه وجوزك علي ماتعوديه

هنا هنيجي لدور الست اللي لازم تعود جوزها علي انه يشيل المسؤليه

فالست لازم تفهم المثل ده كويس وتشتغل بيه

شكرا علي الموضوع

ولربما لي عوده

اولا الجواز مش حاجه وحشه ده ستر للبنت والحمد لله

ثانيا انا اختصر كل كلامي في مثل واحد

ابنك علي ماتربيه وجوزك علي ماتعوديه

هنا هنيجي لدور الست اللي لازم تعود جوزها علي انه يشيل المسؤليه

فالست لازم تفهم المثل ده كويس وتشتغل بيه

شكرا علي الموضوع

ولربما لي عوده
طب والزوجه كان حد عودها على حاجه:d
شكرا لمرورك ياقمر
وتنورى الموضوع فى اى وقت:)

اولا الجواز مش حاجه وحشه ده ستر للبنت والحمد لله

ثانيا انا اختصر كل كلامي في مثل واحد

ابنك علي ماتربيه وجوزك علي ماتعوديه

هنا هنيجي لدور الست اللي لازم تعود جوزها علي انه يشيل المسؤليه

فالست لازم تفهم المثل ده كويس وتشتغل بيه

شكرا علي الموضوع

ولربما لي عوده
ليه على ماتعوديه هو بهيمة ولا ايه:)
دا راجل من لحم ودم وله رأي وله حقوق وواجبات:)
في انتظار عودتك