اسباب ضرب الزوج لزوجته وماذا تفعل هى؟



موضوع عن ضرب الزوج لزوجته ظاهرة نفسية ام اجتماعية...

وأردت هنا أن أوجه سؤال للنساء زوجات بإعتبار ماكان او عازبات

بإعتبار ماسيكون- اقصد زواجهن بإذن الله تعالى- وسؤالي هو والذي

اتمنى من الجميع المشاركة وحتى نفيد ونستفيد....

ماذا لو زوجكِ المحب الطيب...ووالد ابنائك.. ونتيجة بعض الضغوط.....

تهور مرة وبعد نقاشات او حتى من دونها قام يضربك...

صفعك أو دفعك أوشتمك شتيمة قاسية....

حقيقي ماذا تفعلين وأنت التي لم تعتادي منه مثل ذلك

تسكتي...؟؟

تغضبي..؟؟

تسامحي؟؟

تطلبي الطلاق ؟؟!

تردي عليه بالمثل؟؟!

أو أمر أخر ستفعلينه.....

أرجوا المشاركة وبكل مصداقية....من الاخوات الفاضلات...

وللرجال ماهو الموقف الذى اذا فعلته زوجتك
يجعلك تتهور وتضربها وبكل صراحه من الجميع
حتى نتمكن من ايجاد حلول لهذه المشكله

اذا ضرب الرجل امرأة لا تصلح كزوجه مره ثانيه او البقاء معه

بص هو اكيد انا مش هرد عليه بالمثل اكيد هسامحه لو مش عشانه يبقى اكيد عشان اولادى انا صحيح مش متجوزه بس ده راى واللى بيغضب الزوج ويوصله انه يضرب زوجته اكيد لما هى تعلى صوتها عليه او تشتمه مفيش حاجه ممكن توصل الزوج لضرب زوجته غير كده والزوجه المفروض تقف جمب زوجها واهم حاجه تختار الوقت المناسب اللى تحكيله فيه عن مشاكلها والمهم انها متخرجش مشاكلهم بره بيتهم لان ده بيزود المشاكل وممكن توصل للطلاق حتى لو كانت بتحكى مشاكلها لاهلها برده مينفعش ومرسى جدا ع الموضوع ده

لو فى حاله انهم عندهم اولاد يبقى لازم هى تستحمل وهو كمان عشان اولادهم لو ف حاله معندهمش اولاد يبقى لازم الطلاق بس السؤال هنا ايه اللى وصلهم لكده اكيد مش متجوزين عن تفاهم او جواز صالونات زى اما بيقولوا ده راى

طبعاً أنا ضد فكرة الضرب دى نهائياً أياً كان
إلا فى بعض الأسباب التى تجعل الرجل يخرج عن شعوره
وهو للأسف فى هذه الحالة لا يريد ضربها
ولكن من كثرة استفزازه من موقف معين يجعله يتهور ويقوم بالضرب ، وفى الآخر أكيد بيحس إنه عمل حاجة غلط لأنه كان متهور لا يدرى بنفسه
زى إن الزوجه تشتمه أو تعلى صوتها عليه أو تزعقله بطريقة مستفزة
يجب أن يتجنب الزوجات هذه المواقف حتى لا يدخل الشيطان بينهما ويجعل الرجل يقوم بهذا التصرف
ويجب على المرأة أن تسامحه لأن أكيد هى السبب فى كده
يعنى مش هيقوم من نفسه ويضربها ;)
أكيد فى سبب معين فعلته الزوجة حتى قام الزوج بهذا الفعل
ده رأيى الشخصى اللى أنا شايفه
ياريت المشاركة من باقى الأعضاء عشان رأيكم مهم فى الموضوع ده
شكراً على مواضيعك الجميلة والهادفة ( عاشقة الطفولة )
تحياتى

بصى هو اول حاجة الراجل اللى يضرب امرأة مش يبقى راجل

* سورى * :)

ان المرأة مخلوق ضعيف فى الاول وفى الاخر يعنى عايزة بس شويه

حنان مش اكتر وكلمة طيبة :bosyht9:

عارفة لو كانت شايله جبل وتقيل وكدة وبس سمعت كلمة

شكرااا خلااااص ولا كأنها شالت حاجة

عارفة هى عايزة حد يحتضنها مش اكتر


يعنى كل حاجة هتبقى كويسة لو فى الفه وتآلف بين الزوج

والزوجة وكمان الود والتراحم

اكيد ما فى بيت يخلو من الخنقات والاختلاف فى جهات النظر

بس انتى قولى بس منين تيجى الخنقات :

اقول الاسباب * احدى الاسباب *

* بصى هو بيكون راجع من الشغل اوك واكيد ممكن تكون

حاجة مضايقاه صح اوكيه بس احنا بس عايزين عدم الخلط بين

الحياتين

حياة الشغل وحياة العادية انا عارفة انها صعبة شوية بس

ممكن يحاول علشان البيت مش يكون علطل ولعه وحريقة

يعنى اول ما يدخل يحاول يتمالك نفسه انه داخل على حياة

تانية يعنى خلاااص الشغل ينساه

عارفة لو حابب يحكى على حاجة هيلاقى صدر رحب :d

وهى كمان تخف عليه شوية مش لو داخل من البيت تقول على

المصايب كلها اللى حصلت فى البيت هههههههههههههههه :)

وكمان احلى حاجة انه يكون فى فاصل من القت يعنى ايه

يعنى يكون فى فسحة للاتنين يعنى كل واحد فى حته يوم فى

الاسبوع ولآ حاجة :d

علشان بس الخنقة علشان يجددوا الحياة مش اكتر

بصى انا خرجت عن الموضوع بس انا بس بفضفض يا عاشقة

الطفولة

بصى انا بالنسبة للرد الفعل

اول حاجة هعيط هههههههههههههه :d


ومش هتكلم معاه غير لما يجى يصالحنى هو ههههههههههه لو هو

اللى غلطان :p

وغالبا هيكون هو اللى غلطان هههههههههههه


وبعدين مش اتكلم تقريبا مش عارف اصل انامش اتحطيط فى

الموقف

بس اكيد هيكون فى تمالك اعصاب يعنى مش يبقى خراب بيوت فى

الاخر

شوفى الكلام دة كدة :

في ليلة زواجهما .. همس في أذنها

حبيبتـــــي
.
.
....

.
.
مهمتي الأولى : أن أسعدكِ
...
ومهمتي الثانية: أن أدلّلكِ
...
ومهمتي الثالثة: ان... اسهر لاشتاق إليكِ
...
ومهمتي الرابعة: أن ابدّد هموم حياتكِ
...
وأروع مهامي: أن أحبّك ثم أحبّك ثم أحبّك
...
ومهمتكِ الوحيدة

هذا القلب ♥ الذي احتواكِ .. حافظي عليه :d


وشكراااا على الموضوع الاكثر من رائع

ومنتظرين جديدك دائمااا :049gc0:

أكيد هى مستفزة وتستاهل

أعتقد إن الإستفزاز والتطاول والتقصير بيكون أكتر الأسباب اللي بتوصل للضرب بس بصراحه في رجاله عمرها ماضربت زوجاتها مهما غلطت وبرده في رجاله بتضرب زوجاتها عمال علي بطال يعني بسبب من غير .... وكده
ولما الزوج يضرب زوجته يقدر يصالحها بسهوله أوي لإن إحنا من النوع اللي بينضحك عليه بكلمه ...‏
بس أنا عن نفسي لما أتجوز لو جوزي ضربني هاضربه عشان هو مش أحسن مني وكمان هاطرده بره البيت لحد مايجي يعتذر ويبوس الإيدين كمان...‏

موضوع رائع
تحياتي‎ ‎

انا كمان ضد فكرة الضرب دى تماما لانه مهما كان مينفعش يضربها لانها زوجته يعنى روح
لكن فى حالة الضرب فان افضل شىء انها تتحمل علشان اولادها ولو مفيش اولاد تحاول تتحمل وتصلح الخطأ ومينفعش تزعل ولا تتطلق لان ببساطه اللى زوجها بيغضب عليها ربنا مش بيبارك لها المفروض اللى الزوج يهده الزوجه تبنيه والعكس

اولا انا ضد فكرة الضرب دي تماما وبعدين للرجالة اللي بتقول ان الرجل بيوصل لحالة استفزاز معلش يعني أمال على إيه بقى الرجل أفضل من المرأة بدرجة في التحمل والجلد وبعدين أتذكر قصة عمر بن الخطاب رضي الله عنه يروى عن سيدنا عمر بن الخطاب رضي الله عنه /

أن رجل ذهب لعمر بن الخطاب يشتكيه من زوجته التي تخاصمه و ترفع صوتها عليه
فلم يجد خيرا من أمير المؤمنين الذي عرف بالقوة في الحق ، وعندما وصل إلى بيت أمير المؤمنين عمر بن الخطاب رضي الله عنه وإذ به يسمع زوجته وهي ترفع صوتها في وجهه وتخاصمه فعندما وجد الأمر كذلك هم بالإنصراف
وإذ بأمير المؤمنين يخرج من بيته صدفة فقال للرجل ما الذي أوقفك ببابي يا رجل ؟
قال جئت أشتكيك زوجتي يا أمير المؤمنين فسمعت زوجتك تخاصمك فقلت في نفسي هذا أمير المؤمنين تفعل معه زوجته هكذا فكيف بي أنا ،،


فقال سيدنا عمر رضي الله عنه يارجل
والله لقد بسطت منامي و طهت طعامي وتحملت أوزاري أولا أحتملها أنا كذلك إذا رفعت صوتها في وجهي .

وبصراحة انا من رأيي إن الحياة مع رجل بيضرب زوجته باستمرار مستحيلة حتى لو في اولاد لان ده بيأثر على شخصيتهم وبتخزن في عقولهم *** ضد المجتمع يبقى ايه الفايدة

بصى بقا انا شايفه ان فى ناس
بتقول اكيد مش هيضربها كده;)
والله مهما كان الضرب مش هيحل حاجه
وبعدين صحيح فى ستات عايزين الحرق:d
بس انت اخترت يبقا اتحمل نتيجه اختيارك:giljotiiniug3:
انما فى زوجات ملهمش يا عينى فى اى حاجه
بتضرب وتتهان وتسكت عشان العيال:bosyht9:
وياريت هوه بيقدر لو زعلت وراحت عند بيت ابوها
يقولك مش هروح اجيبها ما انا طول عمرى بشتمها
وبضربها اشمعنا المره دى
يعنى جزتها انها استحملتك وسكتت:excl:
رجاله مفتريه:d
وفى نظرى ان اللى يمد ايده على مراته
يبقا عنده نقص فى الشخصيه
عايز يثبت رجولته:excl:
تقبلى مرورى..

انا بصراحه لو حصل معايا كده طبعا هضايق جدا وهبكى لكن مش هرد عليه هكتفى بالصمت

لكن طبعا مش هكلمه تانى الا لما يعمل المستحيل واعرفه انى مش هسامحه بالساهل

لان الاولاد بعد كده مش هيتلاقوا احترام ليه فى البيت يعنى لازم يبقى فيه احترام متبادل
اصل الواحده لو عدتها مره هياخد عليها وكل مره هيهزئها وبعدين يصالحها بكلمتين حلوين

زى ما انا بحترمه ومش برد عليه لازم هو يحترمنى ويبقى حريص على انه ميزعلنيش

اما لو انا زعلته فعلا انا اللى هروح اطلب منه انه يسامحنى واصالحه


وعلى فكره الستات بيسامحوا لكن مبينسوش

موضوع راااااااااااائع

انا ضد ان الرجل يضرب زوجته اساسا

الضرب في حد ذاته
امر جائز وقد يكون مستوجباً

بس الضرب عندنا مفهومه غلط

الضرب عندنا بيكون ضرب مبرح
ولا يوصل فكرة العقاب
ولكنه يسبب ضرراً وألماً جسدياَ
يتحكم بشكل سلبي في افعال الشخص
واللى اكيد مش حتأدي لنتيجة ايجابية
كالاصرار عالخطأ والعصيان والتمرد

وده عامة سواء كان التعامل مع الاطفال ، الطلبة ، المتدربين

لكن الضرب عالايد بشكل رمزي
(كدا كخة :d )
فهو عقاب بشكل معنوي لا جسدي
وبالتالي سيوصل معنى العقاب للشخص
بطريقة لائقة ومحببة

وهكذا يجب ان يحدث بين الرجل وزوجته
فهي ليست طفلة يربيها
وانما هو فقط يعطيها تحذيراً او ارشاداً
وبطريقة توصل لها معنى عدم رضاه عن ذلك
ولكن باسلوب محبب

وانا نتيجة نفس الضغوط هل يمكننى حتى أن اهينه بالقول !!

انا شخصيا لا يمكننى ان اسامح فى هذا

سمى هذا تهور صغر طيش لكن هذا هو رأيى

أنا شايف الموضوع عادي جدا جدا ولا الراجل عنده نقص في الشخصية ولا مش راجل ولا حاجة من دا خالص بالعكس ممكن يكون راجل محترم وطيب وخلوق ومتراحم وحبوب ويضرب بس لمن هي تستفزه او يكون متضايق وهي تزيد الطين بلة ومتسمعش كلامه او تعانده فيقوم يلطشها بكام كف فالموضوع عادي من رأيي انها تزعل او تبكي بس الافضل متحسسش أهلها ومتكبرش الموضوع خالص ممكن تزعل ومتكلمهوش لمن يحن عليها ويعتذرلها ويجيب لها هدية عشان ميكررش الغلط تاني وسلامتك

أنا شايف الموضوع عادي جدا جدا ولا الراجل عنده نقص في الشخصية ولا مش راجل ولا حاجة من دا خالص بالعكس ممكن يكون راجل محترم وطيب وخلوق ومتراحم وحبوب ويضرب بس لمن هي تستفزه او يكون متضايق وهي تزيد الطين بلة ومتسمعش كلامه او تعانده فيقوم يلطشها بكام كف فالموضوع عادي من رأيي انها تزعل او تبكي بس الافضل متحسسش أهلها ومتكبرش الموضوع خالص ممكن تزعل ومتكلمهوش لمن يحن عليها ويعتذرلها ويجيب لها هدية عشان ميكررش الغلط تاني وسلامتك

لا طبعا ما ينفعشي

على كده هي لما تكون مخنوقة ومضيقة تضربه ؟؟؟؟؟؟؟؟؟؟؟

ولا هي عشان ست لا طبعا ما ينفعشي

يعني ربنا قال الضرب ماشي في حالة عدم الطاعة في امر مهم او عصيان او مخالفة لشريعته

مش لما يكون مخنوق يضربها وبعدين يجبلها هدية
واكيد ها يتعود مرة ورا مرة

لا توجد اى مشكلة تدفع شخص ليضرب شخص اخرى الا البعض يعنى
وكمان زوجته طب مفيش غير الضرب فى مليون حل غير الضرب
بس لو هى اتعودت خلاص اضرب بس شوف سلك عارين كده وكهربها
و دلوقتى اى اتنين مجوزين لازم عندهم ثلاثة غرفة و الرابعة غرفة *****
ده لازم اماال هتضرب مراتك فين .....:p
ربنا يهدى الشخص الذى يلجا لحل اى مشكلة غير يدوية فى الاساسا بيده
و اقول له انك يا اخى العزيز قد فقد الكثير من مقومات شخصيتك
فاذا كان الكلام لا ينفع فال*** اهون :d

موضوع جميل جداا
بس
موضوع مثير لمشكلات :p
شكرا

لو هى اتعودت خلاص اضرب بس شوف سلك عارين كده وكهربها
و دلوقتى اى اتنين مجوزين لازم عندهم ثلاثة غرفة و الرابعة غرفة *****
ده لازم اماال هتضرب مراتك فين .....:p



ههههههههه
اكتر رد ضحكنى :d

انا كنت اعرف واحد بيضرب خطيبته بعنى كانوا لسة متجوزوش وهى كانت راضية عادى _مفيش كرامة يعنى _
انا رأيي ميتفعش راجل يضرب مراته عمال على بطال كدا
هو متجوز حمارة عشان يضربها:slap1qk6: !!!

الضرب ده لما تكون اجرمت فى حقه وساعتها اعتقد خسارة فيها الضرب اصلا متيألى يطلقها احسن يعنى

وحكاية تعلية الصوت مثلا لو علت صوتها عليه او اتعصبت الحاجات ديه يعنى
احسن انه ممكن يزعل منها كام يوم كده ديه بالنسبالى انا حاجة كبيرة جدا
يعنى يعاملها زى الكرسي فى البيت لحد ما تعرف غلطها

وعلى فكرة فى نوعيات من النساء يحبوا الضرب والله :d زى المثال اللى ذكرته فوق وده حصل حقيقي بجد
لما يضربها تحس انها متجوزة سي السيد مثلا او دراكولا بطل من الابطال يعنى:bosyht9:
كفاية كده عشان رغيت كتير
بشكرك عاشقة الطفولة على موضوعك:)

موضوع حلو اوى يا بسمه
تسلم ايدك
طبعآُ انتى عارفه قد ايه البنات والستات مستفزين اساساً
انا عن نفسى بحب اعصب اللى قدامى اوى
بس لما كل واحد مراته عصبته ضربها ،
يبقى كل واحده جوزها يعصبها تضربه ،
لا طبعآً ده مش حل منطقى
هما ممكن يعملوا ايه؟
لما الصنف المستفز يعصب الصنف الهادى الرايق;):o:006et4:
يقوم الرجل متكلم مع الست ويتفهموا بالعقل
مره واتنين و3 و4 و5 و10
بعد الـــ 10 بقى لو لسه مستفزه يطلقها بقى ويستريح
هما ناقصين وجع قلب :excl:
هو ده الحل المنطقى

:d:d:d:d:d:d:d

{ان الله لا يغير بقوم حتى يغيروا مافي انفسهم}

شكرآً ع الموضوع

الضرب مرحلة من مراحل التأديب
ال شرعها ربنا للزوج
لكن امتى وازاي دي ال ماحدش عارفها ،
او ماحدش بيطبقها يعني ،

فالضرب فحد ذاته مش وحش
لكن الراجل الحكيم ال يعرف طريقته ووقته الصحيحين

وطبعاً من الافضل ان الامور مش توصل للضرب
والتفاهم يحل المشكلة
والزوجة من البداية مش توصل الزوج لمرحلة انه يفكر يضرب
ويكتفوا بالزعل يومين كدا لحد ماالجو يصفى :d

لكن فيه بعض الازواج ربنا يهديهم بيبقوا وخدنها من منظور تاني
فدول لازم وقفة معاه عشان مش يتعود على كدا

موضوع جميل ،
تسلمي ياعاشقة

حقيقى موضوع جميل وبيناقش قضية هامة .. موجودة وبتحصل يوميا للبعض ..
طبعا المبدأ مرفوض تماما .. واعتقد ان فيه اهانة جسيمة للزوجة . وطبعا لو
فعلها الزوج مرة ستحدث التانية .. انا ضد المبدأ هناك وسائل كثيرة يمكن بها
معاقبة الزوجة الا ان تعامل بطريقة غير ادمية .. والمشكلة ان بعض الازواج
فاهمين ان الدين محلل لهم الضرب ده طبعا نتيجة عدم وعيهم الدينى .. فعلا
حلل الدين الضرب ولكن بحدود معينة ولشروط معينة .. اما عن نفسى لا اعتقد
انى يوما ساقوم بما يؤدى الى حدوث هذا الامر .. وان حدث يوما لن استمر معه
وساهدم المعبد كما يقال .. فلن انسى انه اهان كرامتى وعاملنى بقسوة وبالتالى
سيكون هناك حاجز او شرخ فى حياتنا .. لكن خلينا نقول ان المرأة مسئولة
عن اى رد فعل من الرجل ..لازم الذكاء فى معاملة الزوج حتى تستمر الحياة
بنجاح وتكون فيها سعيدة مش عيشة وخلاص ..شكرا على الموضوع ..
تقبلى تحياتى ..

بص هو اكيد انا مش هرد عليه بالمثل اكيد هسامحه لو مش عشانه يبقى اكيد عشان اولادى انا صحيح مش متجوزه بس ده راى واللى بيغضب الزوج ويوصله انه يضرب زوجته اكيد لما هى تعلى صوتها عليه او تشتمه مفيش حاجه ممكن توصل الزوج لضرب زوجته غير كده والزوجه المفروض تقف جمب زوجها واهم حاجه تختار الوقت المناسب اللى تحكيله فيه عن مشاكلها والمهم انها متخرجش مشاكلهم بره بيتهم لان ده بيزود المشاكل وممكن توصل للطلاق حتى لو كانت بتحكى مشاكلها لاهلها برده مينفعش ومرسى جدا ع الموضوع ده


هو ده كلام العاقلين
انت مثال جيد لمشروع أم مصرية أصيلة

وازاي دي ال ماحدش عارفها ،


مين قال ازاي دي اللي محدش عارفها طبعا ربنا جلا وعلا وضح كيفية الضرب حيث قيدها بضرب غير مبرح ولم يكن الضرب على إطلاقه
جاء في تفسير هذه الآية في التفسير الميسر الذي صدر عن مجمع الملك فهد لطباعة المصحف الشريف ما يلي :

[ الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ وَاللاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلا إِنَّ اللَّهَ كَانَ عَلِيًّا كَبِيرًا (34) ]

الرجال قوَّامون على توجيه النساء ورعايتهن, بما خصهم الله به من خصائص القِوامَة والتفضيل, وبما أعطوهن من المهور والنفقات.

فالصالحات المستقيمات على شرع الله منهن, مطيعات لله تعالى ولأزواجهن, حافظات لكل ما غاب عن علم أزواجهن بما اؤتمنَّ عليه بحفظ الله وتوفيقه, واللاتي تخشون منهن ترفُّعهن عن طاعتكم, فانصحوهن بالكلمة الطيبة, فإن لم تثمر معهن الكلمة الطيبة, فاهجروهن في الفراش, ولا تقربوهن, فإن لم يؤثر فعل الهِجْران فيهن, فاضربوهن ضربًا لا ضرر فيه, فإن أطعنكم فاحذروا ظلمهن, فإن الله العليَّ الكبير وليُّهن, وهو منتقم ممَّن ظلمهنَّ وبغى عليهن.

مين قال ازاي دي اللي محدش عارفها طبعا ربنا جلا وعلا وضح كيفية الضرب حيث قيدها بضرب غير مبرح ولم يكن الضرب على إطلاقه
جاء في تفسير هذه الآية في التفسير الميسر الذي صدر عن مجمع الملك فهد لطباعة المصحف الشريف ما يلي :

[ الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ وَاللاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلا إِنَّ اللَّهَ كَانَ عَلِيًّا كَبِيرًا (34) ]

الرجال قوَّامون على توجيه النساء ورعايتهن, بما خصهم الله به من خصائص القِوامَة والتفضيل, وبما أعطوهن من المهور والنفقات.

فالصالحات المستقيمات على شرع الله منهن, مطيعات لله تعالى ولأزواجهن, حافظات لكل ما غاب عن علم أزواجهن بما اؤتمنَّ عليه بحفظ الله وتوفيقه, واللاتي تخشون منهن ترفُّعهن عن طاعتكم, فانصحوهن بالكلمة الطيبة, فإن لم تثمر معهن الكلمة الطيبة, فاهجروهن في الفراش, ولا تقربوهن, فإن لم يؤثر فعل الهِجْران فيهن, فاضربوهن ضربًا لا ضرر فيه, فإن أطعنكم فاحذروا ظلمهن, فإن الله العليَّ الكبير وليُّهن, وهو منتقم ممَّن ظلمهنَّ وبغى عليهن.


لاء يامستر مش قصدي ..
لم اقصد انها غير معروفة ان المولى عز وجل لم يوضحها
لكن قصدت ان الناس والرجال لا يعرفونها
او زي مالجملة ال بعدها وضحت
ان ماحدش بيطبقها ،

الضرب عندنا بيبقى بضمير :d

واتمنى قصدي وضح ..

لاء يامستر مش قصدي ..

لم اقصد انها غير معروفة ان المولى عز وجل لم يوضحها
لكن قصدت ان الناس والرجال لا يعرفونها
او زي مالجملة ال بعدها وضحت
ان ماحدش بيطبقها ،

الضرب عندنا بيبقى بضمير :d


واتمنى قصدي وضح ..


أيوه الضرب عندنا صار مطلقا يعني بدل ماكان المفروض غير مبرح صار الضرب مبرحا ويكسر الضلوع :)وأحيانا يوصل لل*** الخاطئ:( عموما اللي بيوصل الزوج للنقطة دي هي الزوجة المتعوسة غير الحكيمة التي لاتعرف كيفية التعامل مع زوجها نظرًا لعدم فهم طبيعة زوجها وفهم عقليته!!

بس بعض الاحيان الزوج باه بيكون عايز يثبت رجولته بكده

وحتى وان الزوجة كان فيها اخطاء المفروض بالنقاش مش الضرب ولا الزعيق والخناق

لو فى حاله انهم عندهم اولاد يبقى لازم هى تستحمل وهو كمان عشان اولادهم لو ف حاله معندهمش اولاد يبقى لازم الطلاق بس السؤال هنا ايه اللى وصلهم لكده اكيد مش متجوزين عن تفاهم او جواز صالونات زى اما بيقولوا ده راى



شكرا على رايك

بس ف بعض الاحيان الزوج بيضرب زوجته بدون اي سبب او مبرر

وهو ده اللي انا بسال عنه

ها يكون الموقف ايه:cool:

في مجال العلاقات الأسرية لحياة الحبيب محمد ـ صلى الله عليه وسلم ـ يجد أن هناك معاني كثيرة نحن بأمس الحاجة لها في واقعنا المعاصر

بس بعض الاحيان الزوج باه بيكون عايز يثبت رجولته بكده

وحتى وان الزوجة كان فيها اخطاء المفروض بالنقاش مش الضرب ولا الزعيق والخناق
نعم البعض من الرجال يفعل ذلك ولكن هذا إثبات نقص وليس إثبات رجولة
وللحقيقة : العاقل لا يلجأ للضرب مطلقاً
وإن دفعته زوجته لذلك دفعاً
ولكن أنا أيضاً أتساءل :
فبعض النسوة لا يجدى معهن حوار أو نقاش ههههه ولا حتى التهديد بالطلاق
مما يسد على الرجل دون الضرب أى باب
فماذا يفعل الرجل فى هذه المعضلة ؟
فإما ضرباً .. وإما طلاقاً
ألم أقل لكِ أن الضرب يعنى عجزاً

نعم البعض من الرجال يفعل ذلك ولكن هذا إثبات نقص وليس إثبات رجولة
وللحقيقة : العاقل لا يلجأ للضرب مطلقاً
وإن دفعته زوجته لذلك دفعاً
ولكن أنا أيضاً أتساءل :
فبعض النسوة لا يجدى معهن حوار أو نقاش ههههه ولا حتى يمين الطلاق
مما يسد على الرجل دون الضرب أى باب
فماذا يفعل الرجل فى هذه المعضلة ؟
فإما ضرباً .. وإما طلاقاً
ألم أقل لكِ أن الضرب يعنى عجزاً



اكيد بيكون ف اسلوب تفاهم

يعني باه الست اللي مش بنفع معاها الحوار وجوزها خلاص غلب منها

بقى اكيد حتى الضرب مش ها يحوق فيها

يبقى ايه النظام

الطلاق ؟؟؟؟؟؟؟؟؟؟؟؟

شكرا على رايك

بس ف بعض الاحيان الزوج بيضرب زوجته بدون اي سبب او مبرر

وهو ده اللي انا بسال عنه

ها يكون الموقف ايه:cool:



بصى يا حبيتى ده بيرجع لمدى علاقتهم ببعض
وهل الضرب ده فعلاً من غير سبب؟
وهل دى أول مرة ولا متعود على كدة
وهل هى باقية على العشرة وعلى البيت وممكن تتحمل خطأ مرة لن تتكرر
ولا هى كمان متربية فى بيت كانت دى طريقته يعنى شافت أمها بتنضرب ومش جديد عليها الموضوع
الموضوع بيختلف من بيئة لتانية ومن طريقة تربية لطريقة تانية
يعنى فى الأوساط الشعبية شوية أو زى ما تسمى العشوائيات
ضرب الزوج لزوجته عادى ومش بيكون مشكلة

لكن فى أوساط المتعلمين أو زى ما بنقول عليهم الغالبية العظمى بتكون نتيجة ظروف مؤقتة
ضغط عصبى شديد على الزوج (وساعتها مؤكد الزوجة بتسامح لأنها بتكون عارفة ان ده مش طبعه وأنها مرة وتعدى )
أو تهور فى اختيار اللفظ منها مثلاً فى ساعة مشاحنة


وزى ما قلت لك تاريخهم مع بعض بيكون هو السبب فى الغفران أو تصعيد الموقف



والزوجة الباقية على بيتها وزوجها تتجنب وقت الضغط العصبى على الزوج وتصبر عليه


ونصيحة صريحة مريحة

ضع نفسك مكان الطرف الآخر واحكم


لو الرجل وافق أن أخته تنضرب ويوم ما تيجى تبكى له يقولها وفيها ايه ساعة شيطان يبقى من حه ان زوجته تغفر له لأنه رضى على تفسه ما رضاه لها


لكن لو قال :ليه هو فاكر نفسه مين يمد ايده عليكى ازاى ده أنا اقطعها له


وقتها مش حيكون من حقه أن يتهور ويعمل كدة


أتمنى أكون قدرت أوصل فكرتى

موضوع حلو جداً وتسلم ايدك

اكيد بيكون ف اسلوب تفاهم

يعني باه الست اللي مش بنفع معاها الحوار وجوزها خلاص غلب منها

بقى اكيد حتى الضرب مش ها يحوق فيها

يبقى ايه النظام

الطلاق ؟؟؟؟؟؟؟؟؟؟؟؟

شوفى :
الحيرة فى الأمر مش جديدة
وسوف يتضح لكِ ذلك بعد قراءة الحديث
وسبب الحديث أنَّ الرسول صلى الله عليه وسلم نهى عن الضرب أولا :

في سنن أبي داود
أن النبي صلى الله عليه وسلم نهى عن ضرب النساء،
فجاء عمر وقال:
(يا رسول الله! زئرن النساء على أزاواجهن)،
زئرن: أي: استأسدن،
فعندما أمن النساء أنهن لن يضربن،
استأسدن،
فرخص النبي في الضرب مرة أخرى،
فما بقي أحد إلا ضرب زوجته،
عوضوا عن المدة الماضية،
فطاف ببيت النبي سبعون امرأة،
كلهن يشتكين أزواجهن،
فقال :
( لقد طاف بآل محمد سبعون امرأة كلهن يشكي زوجه، ليس أولئك بخياركم )

وكما قرأتِ :
الرسول صلى الله عليه وسلم صرح بالضرب فى نهاية الأمر
ووصف الذين يلجأون للضرب بأنهم ليس من خيار الرجال
وطبعاً الرسول صلى الله عليه وسلم حدد - فى موضع آخر - أن الضرب لا يكون مبرحاً .
الموضوع رائع .. نسأل الله صلاح بيوتنا
وجزاكِ الله خيراً

اولا احى حضرتك اختى عاشقة الطفولة على طرحك للموضوع
وهو حقيقى يستحق النقاش لانى شايف ان فى ناس كتير فعلا بتتبع هذا الاسلوب
راى هنا ان مسئلة ضرب الزوج لزوجتة امر غير مقبول ومرفوض تماما الا فى احوال
ولا تاتى هذة المسئلة الا اذا استنفذت جميع الوسائل المتاحة وبقا لك هذا الخيار
لان اسلامنا كرم المراة وقراننا ورسولنا مامرناش اننا نضرب المراة او نهنها لاء بالعكس دة الرسول قال "استوصو بالنساء خيرا"
وقال ايضا " لايجلد أحدكم امراته جلد العبد ثم يضاجعها"
اذا هذة وصية سيد البرية فى كيفية تعاملنا مع المراة
واذا كان القران قد اباح لنا ضرب المراة فلا يكون ربنا ولا اسلامنا ارحم بها منا
فهو الرحيم الغفور وهو الخالق وارحم على عبادة منا
ولكنة اباح لنا ضرب المراة كا نوع من انواع العقاب قد يكون العقاب دة نفسى ودة اقسى عقاب او كان جسديا وهو ايضا قاسيا ولكنة اهون من النفسى
وقد يكون جسديا ونفسايا معا فهذا اشد الاشد وايضا تاتى حسب شخصية المراة ومدى فاعلية هذا العقاب معها
فى الجاهلية كلنا يعلم ماذا كانت المراة وما كان دورها وماذا يفعل بها اما الاسلام السمح الكريم جاء محافظا على كرامة المراة
وحريص على اسعادها ورفعة شئنها
انا شايف ان ضرب المراء هى اهانة ليها تستحقها اذا استنفذت معاها سبل الرضا والاقناع واذا كانت مصرة على موقفها العنادى او غير ذالك
فانا اضع هذا الامر فى المرتبة الاخيرة جداا كما فعل اسلامنا فقبل ان يبيح لنا الضرب قال فعظوهن ثم فهجروهن فى المضاجع طب واذا يا ربى لم يستجيبو فى الحالة دى فلك الخيار الاخير واضربوهن وشوف بردة رسولنا الكريم بيقول فى حجة الوداع " ولكم عليهن ألا يوطئن فرشكم أحداً تكرهونه فإنفعلن ذلك فاضربوهن ضرباً غير مُبَرِّح "
يا الله حتى لو ضربتها فلا تضربها ضربا مبرحا اى شديدا لاء كن معها رحيما حتى اثناء ضربك ليها لانة عقاب والرسالة وصلت!!
وكمان حاجة بردة فى الحديث انا استشفها ان ضربك للمراة ليس ضرب اكراة على معيشة او اهانة ليها او انتقام ليك لاء بالعكس بل هو ضرب تاديب ضرب للحاجة فلا تكون قاسيا عليها حتى اثناء ضربك ليها اضربها على انك اب بيادب ابنة يبقا قلبك بينقطع وانت بتضرب ابنك بس لازم تضربة علشان تعلمة وتربية وتادية وتزرع فى نفسة الاحترام والتقدير هو دة دينا وهى دى تعاملاتة مش تقول لاء انا الراجل يبقا لازم اضرب وافرض سطرتى كدة هتخسر صدقنى كتييييير
يا جماعة الرجولية ليست فى الضرب وانما فى المعاملة وفى الاسلوب وفى الشخصية ازاى اخلى زوجتى شريكة حياتى وام اولادى تحافظ عليا ومتخلنيش اتجة لهذا الاسلوب ..
وبردة عايز اقول ان مسئلة الضرب دى بتبقا حسب شخصية المراة نفسها
لان هناك نساء اعوذ بالله منهن لا ياتو الا بالضرب ولا ينعدلو الا بالضرب لاء وتلاقيها هى الى بتدفعك لكدة
ومش هينصلح حالها ولا تنعدل الا الذا ضربتها ومديد ايدك عليها ولسانك كمان لان شخصيتها كدة
وطبعا فية نساء ماشاء الله عمرها متوصل زوجها لهذة الدرجة وتقدر تستوعبة وتفهم هو عايز اية من غير ميتكلم حتى
اما انا كا شخصية لا افضل هذا الاسلوب رغم انة متاح لي ولكن عقابها النفسى باسلوبى وبكلامى وايضا بعملتى معاها ولو حصلت انى اهجرها
اعتقد بانها سوف تراجع نفسها وتاتى هى لكى تتاسف لى بدون ان امد يدى عليها او اتطاول عليها
بارك الله فيكى اختى على طرحك للموضوع واسف لو كنت اطلت فى الرد

فى امان الله

أوصى النبي عليه الصلاة والسلام بالنساء في آخر ما تكلم به قبل موته فقال :
( استوصوا بالنساء خيراً فإنهن عوان عندكم ) أي أسيرات عند الرجال
فهى لن تستطيع أن تتزوج غيره إلا إذا أفرج عنها، وإلا فستبقى في أسره
ولابد للرجل أن يجعل من مكان الأسر جنة دنيا , حتى تطيقه , ولا تنفر منه
وفى حال ضربها إفتراءً , ستنقطع المودة , وستنفر منه نفسها وتبغضه
وربما تجاسرت عليه
وسيكون فى كل الأحوال هو الخاسر من كرامته بقدر خسارتها من ***ه
وهذا لا ينفى ما قلته من قبل
ولكنى كنت أتحدث عن شريحة هى الأقل من المشاكسات المعاندات من النساء
ونحمد الله , فجلَّ نساء المسلمين ليسوا كذلك
وكما وضح رسول الله صلى الله عليه وسلم
حين سئل عن المقصود من حسنة الدنيا فى الدعاء القرآنى :
" ربنا آتنا فى الدنيا حسنة "
فقال : المرأة الصالحة

أوصى النبي عليه الصلاة والسلام بالنساء في آخر ما تكلم به قبل موته فقال :
( استوصوا بالنساء خيراً فإنهن عوان عندكم ) أي أسيرات عند الرجال
فهى لن تستطيع أن تتزوج غيره إلا إذا أفرج عنها، وإلا فستبقى في أسره
ولابد للرجل أن يجعل من مكان الأسر جنة دنيا , حتى تطيقه , ولا تنفر منه
وفى حال ضربها إفتراءً , ستنقطع المودة , وستنفر منه نفسها وتبغضه
وربما تجاسرت عليه
وسيكون فى كل الأحوال هو الخاسر من كرامته بقدر خسارتها من ***ه
وهذا لا ينفى ما قلته من قبل
ولكنى كنت أتحدث عن شريحة هى الأقل من المشاكسات المعاندات من النساء
ونحمد الله , فجلَّ نساء المسلمين ليسوا كذلك
وكما وضح رسول الله صلى الله عليه وسلم
حين سئل عن المقصود من حسنة الدنيا فى الدعاء القرآنى :
" ربنا آتنا فى الدنيا حسنة "
فقال : المرأة الصالحة





عليه افضل الصلاة والسلام


فعلا كلام جميل جداااا

جزاك الله كل خير

اولا احى حضرتك اختى عاشقة الطفولة على طرحك للموضوع
وهو حقيقى يستحق النقاش لانى شايف ان فى ناس كتير فعلا بتتبع هذا الاسلوب
راى هنا ان مسئلة ضرب الزوج لزوجتة امر غير مقبول ومرفوض تماما الا فى احوال
ولا تاتى هذة المسئلة الا اذا استنفذت جميع الوسائل المتاحة وبقا لك هذا الخيار
لان اسلامنا كرم المراة وقراننا ورسولنا مامرناش اننا نضرب المراة او نهنها لاء بالعكس دة الرسول قال "استوصو بالنساء خيرا"
وقال ايضا " لايجلد أحدكم امراته جلد العبد ثم يضاجعها"
اذا هذة وصية سيد البرية فى كيفية تعاملنا مع المراة
واذا كان القران قد اباح لنا ضرب المراة فلا يكون ربنا ولا اسلامنا ارحم بها منا
فهو الرحيم الغفور وهو الخالق وارحم على عبادة منا
ولكنة اباح لنا ضرب المراة كا نوع من انواع العقاب قد يكون العقاب دة نفسى ودة اقسى عقاب او كان جسديا وهو ايضا قاسيا ولكنة اهون من النفسى
وقد يكون جسديا ونفسايا معا فهذا اشد الاشد وايضا تاتى حسب شخصية المراة ومدى فاعلية هذا العقاب معها
فى الجاهلية كلنا يعلم ماذا كانت المراة وما كان دورها وماذا يفعل بها اما الاسلام السمح الكريم جاء محافظا على كرامة المراة
وحريص على اسعادها ورفعة شئنها
انا شايف ان ضرب المراء هى اهانة ليها تستحقها اذا استنفذت معاها سبل الرضا والاقناع واذا كانت مصرة على موقفها العنادى او غير ذالك
فانا اضع هذا الامر فى المرتبة الاخيرة جداا كما فعل اسلامنا فقبل ان يبيح لنا الضرب قال فعظوهن ثم فهجروهن فى المضاجع طب واذا يا ربى لم يستجيبو فى الحالة دى فلك الخيار الاخير واضربوهن وشوف بردة رسولنا الكريم بيقول فى حجة الوداع " ولكم عليهن ألا يوطئن فرشكم أحداً تكرهونه فإنفعلن ذلك فاضربوهن ضرباً غير مُبَرِّح "
يا الله حتى لو ضربتها فلا تضربها ضربا مبرحا اى شديدا لاء كن معها رحيما حتى اثناء ضربك ليها لانة عقاب والرسالة وصلت!!
وكمان حاجة بردة فى الحديث انا استشفها ان ضربك للمراة ليس ضرب اكراة على معيشة او اهانة ليها او انتقام ليك لاء بالعكس بل هو ضرب تاديب ضرب للحاجة فلا تكون قاسيا عليها حتى اثناء ضربك ليها اضربها على انك اب بيادب ابنة يبقا قلبك بينقطع وانت بتضرب ابنك بس لازم تضربة علشان تعلمة وتربية وتادية وتزرع فى نفسة الاحترام والتقدير هو دة دينا وهى دى تعاملاتة مش تقول لاء انا الراجل يبقا لازم اضرب وافرض سطرتى كدة هتخسر صدقنى كتييييير
يا جماعة الرجولية ليست فى الضرب وانما فى المعاملة وفى الاسلوب وفى الشخصية ازاى اخلى زوجتى شريكة حياتى وام اولادى تحافظ عليا ومتخلنيش اتجة لهذا الاسلوب ..
وبردة عايز اقول ان مسئلة الضرب دى بتبقا حسب شخصية المراة نفسها
لان هناك نساء اعوذ بالله منهن لا ياتو الا بالضرب ولا ينعدلو الا بالضرب لاء وتلاقيها هى الى بتدفعك لكدة
ومش هينصلح حالها ولا تنعدل الا الذا ضربتها ومديد ايدك عليها ولسانك كمان لان شخصيتها كدة
وطبعا فية نساء ماشاء الله عمرها متوصل زوجها لهذة الدرجة وتقدر تستوعبة وتفهم هو عايز اية من غير ميتكلم حتى
اما انا كا شخصية لا افضل هذا الاسلوب رغم انة متاح لي ولكن عقابها النفسى باسلوبى وبكلامى وايضا بعملتى معاها ولو حصلت انى اهجرها
اعتقد بانها سوف تراجع نفسها وتاتى هى لكى تتاسف لى بدون ان امد يدى عليها او اتطاول عليها
بارك الله فيكى اختى على طرحك للموضوع واسف لو كنت اطلت فى الرد

فى امان الله



جزاك الله كل خير

وفعلا المفروض هو ده اللي يحصل وان الناس تعرف ان العقاب النفسي اكتر لكن شايفين خلاص بالقوة والضرب الامور

ها تتحل وهما مش عارفين ان الامور بتزداد سوءا

شوفى :
الحيرة فى الأمر مش جديدة
وسوف يتضح لكِ ذلك بعد قراءة الحديث
وسبب الحديث أنَّ الرسول صلى الله عليه وسلم نهى عن الضرب أولا :

في سنن أبي داود
أن النبي صلى الله عليه وسلم نهى عن ضرب النساء،
فجاء عمر وقال:
(يا رسول الله! زئرن النساء على أزاواجهن)،
زئرن: أي: استأسدن،
فعندما أمن النساء أنهن لن يضربن،
استأسدن،
فرخص النبي في الضرب مرة أخرى،
فما بقي أحد إلا ضرب زوجته،
عوضوا عن المدة الماضية،
فطاف ببيت النبي سبعون امرأة،
كلهن يشتكين أزواجهن،
فقال :
( لقد طاف بآل محمد سبعون امرأة كلهن يشكي زوجه، ليس أولئك بخياركم )

وكما قرأتِ :
الرسول صلى الله عليه وسلم صرح بالضرب فى نهاية الأمر
ووصف الذين يلجأون للضرب بأنهم ليس من خيار الرجال
وطبعاً الرسول صلى الله عليه وسلم حدد - فى موضع آخر - أن الضرب لا يكون مبرحاً .
الموضوع رائع .. نسأل الله صلاح بيوتنا
وجزاكِ الله خيراً




اهي الجملة دي عجبتني

الضرب لا يكون مبرحا

يعني مش على الفاضي والمليان يضرب

سواء اكانت غلطانة في امر ما ام لا تغلط


الذين يلجاون الى الضرب ليس من خيار الرجال:)

بصى يا حبيتى ده بيرجع لمدى علاقتهم ببعض
وهل الضرب ده فعلاً من غير سبب؟
وهل دى أول مرة ولا متعود على كدة
وهل هى باقية على العشرة وعلى البيت وممكن تتحمل خطأ مرة لن تتكرر
ولا هى كمان متربية فى بيت كانت دى طريقته يعنى شافت أمها بتنضرب ومش جديد عليها الموضوع
الموضوع بيختلف من بيئة لتانية ومن طريقة تربية لطريقة تانية
يعنى فى الأوساط الشعبية شوية أو زى ما تسمى العشوائيات
ضرب الزوج لزوجته عادى ومش بيكون مشكلة

لكن فى أوساط المتعلمين أو زى ما بنقول عليهم الغالبية العظمى بتكون نتيجة ظروف مؤقتة
ضغط عصبى شديد على الزوج (وساعتها مؤكد الزوجة بتسامح لأنها بتكون عارفة ان ده مش طبعه وأنها مرة وتعدى )
أو تهور فى اختيار اللفظ منها مثلاً فى ساعة مشاحنة


وزى ما قلت لك تاريخهم مع بعض بيكون هو السبب فى الغفران أو تصعيد الموقف



والزوجة الباقية على بيتها وزوجها تتجنب وقت الضغط العصبى على الزوج وتصبر عليه


ونصيحة صريحة مريحة

ضع نفسك مكان الطرف الآخر واحكم


لو الرجل وافق أن أخته تنضرب ويوم ما تيجى تبكى له يقولها وفيها ايه ساعة شيطان يبقى من حه ان زوجته تغفر له لأنه رضى على تفسه ما رضاه لها


لكن لو قال :ليه هو فاكر نفسه مين يمد ايده عليكى ازاى ده أنا اقطعها له


وقتها مش حيكون من حقه أن يتهور ويعمل كدة


أتمنى أكون قدرت أوصل فكرتى

موضوع حلو جداً وتسلم ايدك



ده حضرتك اللي كلامك جميل

يا ريت باه الناس تتعظ

شكرا على المرور:)

موضوع فعلا جميل ويستاهل النقاش

اولا يرجع الامر للبيئة التى يعيشها الفرد

فهناك من لم تضرب تشعر انه امر غريب

واليكى ان تتخيلى ان هناك من تنفصل عن زوجها لمجردكلمة جرخت مشاعرها

فالامر يعود الى البيئة المحيطة

اما عن رأى

الضرب مرفوض جملة وتفصيلا

الا فى حدود

من الرجل الهزار اوماشكل من المداعبات

اما ان يكون وسيلة لتأديب
فلا اعتقد انه ينفع

خاصة اننا جيل يختلف كليا

عما سبقونا

فانا اجد اختلافا فكريا فى جميع النوااحى بين جيلنا والجيل الذى سبقنا

اولا يرجع الامر للبيئة التى يعيشها الفرد

فهناك من لم تضرب تشعر انه امر غريب

واليكى ان تتخيلى ان هناك من تنفصل عن زوجها لمجردكلمة جرخت مشاعرها

فالامر يعود الى البيئة المحيطة

اما عن رأى

الضرب مرفوض جملة وتفصيلا

الا فى حدود

من الرجل الهزار اوماشكل من المداعبات

اما ان يكون وسيلة لتأديب
فلا اعتقد انه ينفع

خاصة اننا جيل يختلف كليا

عما سبقونا

فانا اجد اختلافا فكريا فى جميع النوااحى بين جيلنا والجيل الذى سبقنا



جزاك الله كل خير على المرور

موضوع فعلا جميل ويستاهل النقاش

مرورك الاجمل:av4056bb7jp3:

اكيد بيكون فى دافع لكد وعلى المراة انا تتحمل

المرأة العاقلة قادرة علي أن تحفظ كرامتها في جميع المواقف و لا تصل الأمور الي مرحلة الضرب علي الاطلاق فهي التي ستحتوي زوجها في جميع مواقفه و تقف بجانبه و اذا حدث و أن تعصب عليها لأي أمر فهذا شيئ وارد جدا ستنتظر حتي يهدأ ثم تحاوره لأن وقت الغضب و العصبية يذهب العقل فلا تلوم إلا نفسها اذا وقفت أمامه في وقت عصبيته

هو أمر نفسى تربوى بالدرجة الأولى
مجتمعى بالدرجة الثانية نتيجة للضغوط
تسكتي...؟؟
لا مش اسكت طبعا

تغضبي..؟؟
أغضب بدون ما اجرحة او اهين انوثتى

تسامحي؟؟
لو اعتذر وممكن ندوخة حبتين

تطلبي الطلاق ؟؟!
دا اخر المطاف ولا احبذه ولا احبذ تدخل الاهل

تردي عليه بالمثل؟؟!
لو تكرر اكتر من مرة ارد عشان يفوق كدا
والبادى اظلم

قال رسول الله صلى الله عليه وسلم
رفقاً بالقوارير
وقال ايضاً ما اكرمهن الا كل كريم وما اهانهن الا كل لئيم
ما سألتوش نفسكم عن نوع الضرب فيه ازواج اعرفهم ما يضربوش غير بالحذاء على دماغ زوجاتهم مع انها بنت ناس ومحترمة لكنه عصبى جدا ويثور لاتفه الاسباب
وفيه زوج احدى صاحباتى بيضربها بالقلم على وجهها وبيسيب اثر ولما تروح الشغل تقول وقعت من على السلم

قال رسول الله صلى الله عليه وسلم
رفقاً بالقوارير
وقال ايضاً ما اكرمهن الا كل كريم وما اهانهن الا كل لئيم
ما سألتوش نفسكم عن نوع الضرب فيه ازواج اعرفهم ما يضربوش غير بالحذاء على دماغ زوجاتهم مع انها بنت ناس ومحترمة لكنه عصبى جدا ويثور لاتفه الاسباب
وفيه زوج احدى صاحباتى بيضربها بالقلم على وجهها وبيسيب اثر ولما تروح الشغل تقول وقعت من على السلم


جزاك الله كل خير ع المرور

دلوقتي بقيت الست مش بنت ناس خالص من اهانة من الزوج

ومش كل الازواج كده ربنا يهديهم بجد

هو أمر نفسى تربوى بالدرجة الأولى
مجتمعى بالدرجة الثانية نتيجة للضغوط
تسكتي...؟؟
لا مش اسكت طبعا

تغضبي..؟؟
أغضب بدون ما اجرحة او اهين انوثتى

تسامحي؟؟
لو اعتذر وممكن ندوخة حبتين

تطلبي الطلاق ؟؟!
دا اخر المطاف ولا احبذه ولا احبذ تدخل الاهل

تردي عليه بالمثل؟؟!
لو تكرر اكتر من مرة ارد عشان يفوق كدا
والبادى اظلم



اخيرا حد رد بالمشاركة اللي انا عايزاها

جزاكي الله كل خير

وتقريبا انا معاكي في كل الاجابات:d

المرأة العاقلة قادرة علي أن تحفظ كرامتها في جميع المواقف و لا تصل الأمور الي مرحلة الضرب علي الاطلاق فهي التي ستحتوي زوجها في جميع مواقفه و تقف بجانبه و اذا حدث و أن تعصب عليها لأي أمر فهذا شيئ وارد جدا ستنتظر حتي يهدأ ثم تحاوره لأن وقت الغضب و العصبية يذهب العقل فلا تلوم إلا نفسها اذا وقفت أمامه في وقت عصبيته



جزاكي الله كل خير على المرور ومتفقة معاكي في اللي قولتي

بس انا عايزة اعرف اجابات حضرتك ع الاسئلة :rolleyes:

الراجل اللى يضرب مراته او بنته أو اخته .. يبقى موش راجل أصلا
وبيعانى من نقص حاد فى الشخصية ...

الراجل اللى يضرب الست بيفقد رجولته وده من وجهه نظري

الراجل اللى يضرب الست بيفقد رجولته وده من وجهه نظري

شكرا على مرورك

الراجل اللى يضرب مراته او بنته أو اخته .. يبقى موش راجل أصلا
وبيعانى من نقص حاد فى الشخصية ...

فعلا

شكرا على مرورك

شكرا على الوضوع الهادف

ربنا يحفظنى ويحفظ اى وحدة من حاجة زى كدة
لو ضربنى عمرى ما اعيش معاه لانى لو سامحت مرة ممكن يكررها تانى
اسيبه بكرامتى احسن
وممن اتغاضى واسامحه لو اتاسفلى
بكل ما يملك من قوة ساعتها بس هحاول هحاول اسامحه

السلام عليكم

موضوعك جميل اختى الفاضلة ....~

حقيقة مش هسكت لكـــــــن هعرف ايه السبب للضرب اولا

لانه لازم نعرف انه مش من الشرع ان الزوج يضرب زوجته الا اذا غلطت غلط كبير كمان

جزاكِ الله خيرا

السلام عليكم

موضوعك جميل اختى الفاضلة ....~

حقيقة مش هسكت لكـــــــن هعرف ايه السبب للضرب اولا

لانه لازم نعرف انه مش من الشرع ان الزوج يضرب زوجته الا اذا غلطت غلط كبير كمان

جزاكِ الله خيرا


بارك الله فيكي واحسن اليكي

شكرا ع المرور العطر:)

ربنا يحفظنى ويحفظ اى وحدة من حاجة زى كدة
لو ضربنى عمرى ما اعيش معاه لانى لو سامحت مرة ممكن يكررها تانى
اسيبه بكرامتى احسن
وممن اتغاضى واسامحه لو اتاسفلى
بكل ما يملك من قوة ساعتها بس هحاول هحاول اسامحه

امين يا رب

جزاكي الله كل خير وفعلا ده لازم يتعمل

شكرا ع مرورك الرائع:)

بسم الله الرحمن الرحيم

ديننا الإسلامي الحنيف دين يحث على الألفة والمحبة والعشرة بالمعروف والآيات والأحاديث الواردة في ذلك كثيرة ، منها قوله تعالى : ((وَعَاشِرُوهُنَّ بِالمَعْرُوفِ فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللهُ فِيهِ خَيْرًا كَثِيرًا )) النساء
وقوله عز وجل :(( وَلَهُنَّ مِثْلُ الَّذِي عَلَيْهِنَّ بِالمَعْرُوفِ )) ( البقرة)
وقد أوصانا النبي صلى الله عليه وسلم بالرفق بالنساء والإحسان إليهن ، والصبر على عوجهن فقال في الحديث الذي رواه الشيخان عن أبي هُرَيْرَة رضي الله عنه : " اسْتَوْصُوا بِالنِّسَاءِ خَيْرًا فَإِنَّهُنَّ خُلِقْنَ من ضِلَعٍ وَإِنَّ أَعْوَجَ شَيْءٍ في الضِّلَعِ أَعْلَاهُ فَإِنْ ذَهَبْتَ تُقِيمُهُ كَسَرْتَهُ وَإِنْ تَرَكْتَهُ لم يَزَلْ أَعْوَجَ فَاسْتَوْصُوا بِالنِّسَاءِ خَيْرًا "
وروى مسلم عن أبي هُرَيْرَةَ رضي الله عنه قال : قال رسول اللَّهِ صلى الله عليه وسلم : " لَا يَفْرَكْ مُؤْمِنٌ مؤمنة إن كَرِهَ منها خُلُقًا رضي منها آخَرَ "
وفي حجة الوداع قال صلى الله عليه وسلم : " اتَّقُوا اللَّهَ في النِّسَاءِ فَإِنَّكُمْ أَخَذْتُمُوهُنَّ بِأَمَانِ اللَّهِ وَاسْتَحْلَلْتُمْ فُرُوجَهُنَّ بِكَلِمَةِ اللَّهِ وَلَكُمْ عَلَيْهِنَّ أَنْ لَا يُوطِئْنَ فُرُشَكُمْ أَحَدًا تَكْرَهُونَهُ فَإِنْ فَعَلْنَ ذلك فَاضْرِبُوهُنَّ ضَرْبًا غير مُبَرِّحٍ وَلَهُنَّ عَلَيْكُمْ رِزْقُهُنَّ وَكِسْوَتُهُنَّ بِالْمَعْرُوفِ "
وقال صلى الله عليه وسلم : " خيركم خيركم لأهله وأنا خيركم لأهلي".
وقال ابن عباس رضي الله عنهما " إني لأحب أن أتزين للمرأة كما أحب أن تزين لي لأن الله عز وجل يقول : (( وَلَهُنَّ مِثْلُ الَّذِي عَلَيْهِنَّ بِالمَعْرُوفِ )) وما أحب أن أستوفي جميع حقي عليها لأن الله عز وجل يقول : (( وَلِلرِّجَالِ عَلَيْهِنَّ دَرَجَةٌ )) " .
ولكن في ظل غياب التوجيهات الإسلامية عن واقع المسلمين ، وانتشار مفاهيم خاطئة عن معنى الرجولة والقوامة نسمع ونقرأ بين الفينة والأخرى عن ضرب الأزواج لزوجاتهم بل وضرب الزوجات لأزواجهن ، ولا حول ولا قوة إلا بالله .
لقد شرع الله سبحانه وتعالى للزوج أن يقوم بتأديب زوجته الناشز بوسائل تأديب محدودة ومحددة من أجل تهذيبها وإصلاحها، وقد سلك القرآن الكريم في علاج نشوز المرأة طريقًا حكيمًا مستورًا، فلم يكن ضرب الأزواج لزوجاتهم كل العلاج ولا أوله، وإنما كان واحدًا من طرق العلاج بل كان آخرها ، قال تعالى : (( واللاتي تخافون نشوزهن فعظوهن واهجروهن في المضاجع واضربوهن فإن أطعنكم فلا تبغوا عليهن سبيلا إن الله كان علياً كبيراً )) [النساء
ففي الآية الكريمة نص ٌصريح على أنه في حالة نُشُوز الزوجة وعدم طاعتها لزوجها وأداء حقوقه يحق للزوج تأديبها حتى تطيعه ، والتأديب كما حددته الآية الكريمة يتم على ثلاث مراحل :
الوعظ، ثم هجر المضجع، ثم الضرب ؛ فعلى الزوج أن يبدأ في وعظ زوجته بالرفق واللين وذلك بأن يذكرها بما أوجبه الله عليها من حقوق ، ويخوفها من عقاب الله تعالى في حالة أنها عصته ولم تؤد حقوقه ؛ فإن لم تستجب الزوجة فللزوج الحق في أن يعظها بشيء التعنيف والتهديد .
فإذا لن تستجب الزوجة ينتقل الزوج إلى المرحلة الثانية من مراحل التأديب ألا وهي : الهجر في المَضْجع ، وجدير بالذكر هنا أنه لا يجوز للزوج أن يهجر بيت الزوجية لحديث حَكِيمِ بن مُعَاوِيَةَ الْقُشَيْرِيِّ عن أبيه رضي الله عنه قال : قلت : يا رَسُولَ اللَّهِ ما حَقُّ زَوْجَةِ أَحَدِنَا عليه ؟ قال : " أَنْ تُطْعِمَهَا إذ طَعِمْتَ وَتَكْسُوَهَا إذا اكْتَسَيْتَ أو اكْتَسَبْتَ ولا تَضْرِبْ الْوَجْهَ ولا تُقَبِّحْ ولا تَهْجُرْ إلا في الْبَيْتِ ".
فإذا لن تستجب الزوجة ينتقل الزوج إلى المرحلة الثالثة ألا وهي : الضرب شريطة أن يكون قصد الزوج من ذلك هو تأديب زوجته وتقويمها لا التشفي والانتقام منها ، فليس المقصود بالضرب إلحاق الأذى بالزوجة كأن يكسر أسنانها أو يشوه وجهها أو أن يكسر ضلعها ، أو أن يسبب لها عاهة، وإنما المقصود بالضرب هو إصلاح حال المرأة ، فالضرب علاج لمرض ، فإذا ذهب المرض فلا حاجة للعلاج أصلاً ، وقد جعل القرآن الكريم الضربَ آخر الوسائل الإصلاحية التي يملكها الرجل وبذلك كان كالدواء الأخير الذي لا يلجأ إليه إلا عند الضرورة ، ويجب ألا يكون الضرب مبرحاً لقول النبي صلى الله عليه وسلم : " فاضربوهن إذا عصينكم في المعروف ضرباً غير مبرح"، وذلك بأن يضربها بسواك أو منديل أو نحوه ، وقد سُئل ابن عباس : ما الضرب غير المبرح ؟ قال : السواك وشبهه يضربها به
ويحرم عليه ضرب الوجه ولا يحل له أن يضربها أكثر من عشر ضربات بحال من الأحوال لحديث أَبَي بُرْدَةَ الْأَنْصَارِيِّ رضي الله عنه قال سمعت النبي صلى الله عليه وسلم يقول : " لَا تَجْلِدُوا فَوْقَ عَشْرَةِ أَسْوَاطٍ إلا في حَدٍّ من حُدُودِ اللَّهِ
ولا شك أن الترفع عن الضرب أفضل وأكمل إبقاء للمودة والألفة بين الزوجين ، فخيار الرجال لا يضربون نساءهم ، ويحضرني هنا قول شريح القاضي رحمه الله تعالى وقد تزوج من امرأة من بني تميم يقال لها زينب :
رأيت رجالا يضربون نساءهم --- فشلَّـت يميني حين أضرب زينبـا
أأضربها من غير ذنب أتت به فما العدل مني ضرب من ليس مذنبا


ولنا في رسول الله صلى الله عليه وسلم أسوة حسنة فإنه بأبي هو وأمي ما ضرب بيده شيئاً قط إلا أن يجاهد في سبيل الله ، وما ضرب امرأة ولا خادماً قط
بل إنه لما طلب نساؤه منه زيادة النفقة جلس صلى الله عليه وسلم مهموماً غاضباً ، فلما دخل عليه أبو بكر وعمر رضي الله عنهما ورأوه على هذا الحال وعرفا سبب غضبه صلى الله عليه وسلم قام أبو بكر رضي الله عنه إلى عائشة ليضربها، وقام عمر رضي الله عنه إلى حفصة، كلاهما يقولان: تسألان النبي صلى الله عليه وسلم ما ليس عنده. فنهاهما رسول الله صلى الله عليه وسلم عن ضربهما .
وقد روي أن رجلا جاء إلى عمر رضي الله عنه يشكو خلق زوجته فوقف على باب عمر ينتظر خروجه فسمع امرأة عمر تستطيل عليه بلسانها وتخاصمه وعمر ساكت لا يرد عليها فانصرف الرجل راجعا وقال : إن كان هذا حال عمر مع شدته وصلابته ـ وهو أمير المؤمنين ـ فكيف حالي ؟ فخرج عمر فرآه مولياً عن بابه فناداه وقال : ما حاجتك يا رجل ؟ فقال يا أمير المؤمنين جئت أشكو إليك سوء خلق امرأتي واستطالتها علي فسمعت زوجتك كذلك فرجعت وقلت : إذا كان حال أمير المؤمنين مع زوجته فكيف حالي ؟ فقال عمر : يا أخي إني احتملتها لحقوق لها علي : إنها طباخة لطعامي خبازة لخبزي غسالة لثيابي مرضعة لولدي وليس ذلك كله بواجب عليها ويسكن قلبي بها عن الحرام فأنا احتملتها لذلك ، فقال الرجل : يا أمير المؤمنين وكذلك زوجتي قال عمر : فاحتملها يا أخي فإنما هي مدة يسيرة .
فنصيحتي للأزواج : أن يتقوا الله في زوجاتهم ، ويرفقن بهن ، فإنهن شقائق الرجال ،وأمهات الأجيال ، ما أكرمهن إلا كريم ، وما أهانهن إلا لئيم ، فلنتغاضى ونتغافل أحياناً حتى تستمر الحياة في سعادة هانئة لا تكدرها صغائر الأمور ، ولله در القائل :
ليس الغبي بسيد في قومه --- لكن سيد قومه المتغابي
انا هرد عليكى نطق لو حصل معايا كده اكيييييد لو كنت بحبه زى حب مرتات الحاج فواز لمراتته اكيد هسامحه ولكن اكييييد لو كنت عامله عامله كبيره زى اللى عملوها مرتتاه فى المسلسل وممكن ارضى بضربه لكن غير كده مستحيل

بارك الله فيكى موضوع جميل
واظن موضوع الضرب ده لا يفعله الا الجهلاء

أولا موضوع جميل جزاكى الله خيرا
ثانيا الزوج اللى يضرب زوجته دا مش انسان أصلا وأكيد لو انا هيكون ليا رد فعل مختلف عن كل الاختيارات اللى انتى قولتيها وكمان الزوجة هى المخطئة انها سمحت له انه يمد ايده عليها.
وشكرا...........