mark magdy
03-09-2011, 01:40 PM
بصوا يا جماعة انا داخل 3ث
جبت 99% الحمد للة و كنت محتار ادخل رياضة 2 ولا احياء بس الحمد للة الحيرة راحت لما رحت للاستاذ بتاع الرياضة و حكيت معاة شوية حسيت من كلامة ان الرياضة فعلا صعبة وانا بدات اصلا حصص الاحياء وحست انها اسهل بكتير من رياضة 2 و بصراحة انا مستريحلها فالحمد للة قررت
بس للاسف رجعت اترددت تاني لاني انا اصلا عاوز اسنان مش طب فخايف يعني تكون اسنان مش قد كدة قوي فعاوز اعرف رايكم في الكلية و الشغل وكدة
و شكرا جدا علي مساعدتكم
Dr.KaR!MaN
03-09-2011, 03:06 PM
لالالالالالالا
أسنان أفضل كليه في المجموعه الطبيه وفرص العمل بتاعتها كتيره جدا سواء في مصر أو برا مصر وكمان دراستها حلوه ومدتها 5سنين بس+ الإمتياز طبعا ..
أنا عن نفسي كان كله بيرشحلي أسنان بس أنا حابه علاج طبيعي عشان كده دخلت علاج طبيعي.
mark magdy
04-09-2011, 12:03 PM
شكرا علي الرد و فعلا كلية علاج طبيعي كلية حلوة ومجال الشغل بتاعها جميل عشان كدة هي اختياري التاني بعد اسنان ان شاء اللة
و ربنا يوفقك
Dr msh-tlba
27-09-2011, 02:45 PM
بص يا كوكو ,,,, الاسنان - من وجهة نظري - افضل كلية في المجموعة الطبية من حيث المستوي العلمي او العملي او المادي جوا و برا مصر
انا جبت مجموع البشري و رغم كدا دخلت الاسنان ,,, عشان حابب المجال في حد ذاته ,,,
بس برضة احب اقولك العيب الوحيد اللي بيتقال عن الاسنان انها زي ما بيتقال عنها في امريكا ( طب الاثرياء ) ,,, عشان دراستها هناك مكلفة شويتين عن فروع الطب البشري التانية ,,, لكن هنا في مصر لحد ما معقولة نشكر ربنا ,,, فمتقلقش يا معلم ,, دوس علمي علوم في الاحياء اللذيذة دي و باذن ربنا تنضم معانا كمان 9 شهور في القسم معانا هنا :)
loka hema
02-01-2012, 05:14 PM
مش عارفه اذا كنت هتقرا الرد اول لا
بس انا حبت اقلك ان اسنان دى احلى كليه ف الدنيا
انا بردو من صغرى وانا عايزه ادخل اسنان والحمد لله دخلتها مع انى جبت مجموع طب
والحمد لله لحد دلوقتى حاسه ان الكليه دى احسن حاجه حصلتلى ف حياتى
ربنا يستر ومكرهاش بقى
اياك ثم اياك انك تركن على مجموع تانيه انسى تانيه خالص وشد حيلك ع الاخر وان شاء الله ربنا هيكرمك
وبالتوفيق
ahmed_ali1
22-02-2012, 01:15 AM
انا كنت عايزة اعرف كنت بتزاكر ازاي وبتنظم وقتك ازاي عشان انا في تانية ونفسي ادخل طب اسنان اوي