مشاهدة النسخة كاملة : هل الصراحة راحة ؟؟
السلام عليكم
هل الصراحه راحه..... أم وصلت بنا الى الوقاحة ؟؟
التعامل مع الناس شي لانستطيع تجنبه .....فهوا شي لابد ان نتعلمه غصبا عنا
والناس اشكال وانواع ...فمنهم صعب التعامل معهم ومنهم سهل التعامل معهم ....
والصراحة احدى الطرق الذي نتعامل بها مع الناس .... حتى ولم نشعر ....
ولكن هل الصراحه راحه كما اشتهر بها ؟؟؟
ام انها تتحول بعض الاحيان إلى وقاحة ؟؟؟؟؟
وهل خلطت الناس بين مفهوم الصراحه والوقاحه ؟:blush::blush:
فكون الشخص صريح دائما يقال له وقح نسبة الى جرئته وصدقه بالحديث
ونجد من يتكلم بوقاحة
ويقول عن نفسه أنا صريح ولا أستطيع ان أخفي مافي قلبي
ولكنه نسي بأنه تجاوز حدود الأدب
وبذلك تجاوز حدود الصراحة ودخل في حدود الوقاحة
ولكن يوجد اشخاص تناسبهم الصراحة وناس تناسبهم المجاملة .....
وهل تفضلون الصراحةام المجاملة ؟؟؟؟
highlight 16-09-2011, 04:41 AM لا ..........
اولا...
انا مش بفضل واحدة عن التانية
لكل مقام مقال
يعنى لو واحد بياخد راى فى حاجة ومش عايزة احرجة
روحت ازور خالتى والاكل معجبنيش مش هقولها وحش و طعمه مش حلو.........طبعا لا...هقولها
بس تسلم ايديك.......
ثانيا
وانا بجد بحب الصراحة فى بعض الاحيان
لو حد قالى انت اللى عملتى كذا وانا اللى عملت
هقول عشان ارتاح لانى من النوع اللى بجد ضميره يؤنبه جامد واقعد ايام افكر
وبحب اللى قدامى والله انه يقولى الحقيقة حتى لو ............يعنى ممكن تكون مؤلمة او ممكن تعمل مشكلة
فا انا ادى 70% للصراحة و30% للمجاملة.......
موضوع راائع يا استاذة مروة تقبلى مرورى :)
الأستاذة / أم أمل 16-09-2011, 06:26 AM الصراحه راحه بس بشرط متجرحيش حد ويكون فى حدود الذوق
الرسول عليه الصلاة والسلام صرح لنا الكذب فى بعض الاحيان
الصلح بين اثنين او لو واحدة سألت زوجها هل يحبها؟
هنا لو قال لها الصراحة يبقى هيهدم بيته ويعيش فى جحيم
اذن الصراحه لها حدود وفيه كلام كتير مينفعشى فيه الصراحه
لانك هتعرضى نفسك وغيرك لمواقف محرجه
يعنى لوحدة جابت فستان جديد وفرحانه بيه وممكن الوانه مش عجباكى
لكن عجبها هى مش معقول تقولى ليها انه الوانه وحشه او زوقك مش حلو
موضوع جميل تقبلى مرورى
منار على 16-09-2011, 08:23 AM فعلا الصراحع راحه لكن مش فى كل الاحوال
Gi!DO 16-09-2011, 09:03 AM هي راحه بس في معظم الأحيان مش بتبقي راحه خالص ..
يعني أحيانا بتجيب مشاكل .
scream angle 16-09-2011, 02:35 PM الصراحة عمرها ما كانت راحة عشان كده بريح نفسى ومش بقول رايي فى حاجة الشئ الحلو اقوله والوحش اسكت احسن
اما المجاملة ساعات بتكون واجبة مع ناس معينة
اما الوقاحة بجد انتشرت اوى كل وقح بيسمى نفسه صريح
بس انا رايي ان الوقح تجنبه راحة وغنيمة كمان
تقبل مرورى
Free Love 16-09-2011, 05:41 PM موضوع جميل
بس علي فكره قليل لما حد يقول الصراحه لو في اي موضوع يتكلم اي شخص فيه يكون فيه شويه فبركه
لان بطبعتنا مش بنتميز بالصراحه
ولو فيها تخطي حدود الادب ^ كثيرا مايفعلوا هذا ^
marmora alamora 16-09-2011, 06:02 PM انا من رايى ان الصراحه راحه فعلا وعمرها ما كانت وقاحه
الوقاحه دى ناتجه من اسلوب الشخص نفسه يعنى هو اسلوبه كده اصلا
انما الناس المؤدبين بيصرحوا بأدب وذوق
وكمان الناس دائما بيفضلوا الناس الصريحه معاهم
شكرا على الموضوع الاكثر من راااااااااائع :022yb4:
psychology 16-09-2011, 11:08 PM اولا احب اشكرك على الموضوع النقاشى الهادف
طبعا الصراحة او الصدق بمعنى أدق منجاة وأفضل فى كل الاحوال بس المشكلة ان فى ناس بتفهم الصراحة غلط
بمعنى انها لاتفرق بين تجريح الاخرين بالقول أو بالفعل وبين الصراحة فهى لاتعنى الغلظة فى القول او اهانة الاخرين ولنا فى رسول الله (صل الله عليه وسلم) قدوة فقد كان لايجامل فى الحق ومع ذلك لم يغضب منه احد .
اما من حيث المجاملة ايضا فى ناس بتخلط بينها وبين النفاق فالانسان بطبيعته يحب سماع عبارات الاعجاب والثناء من الاخرين لأن هذا يشعره بسعادة وتقة فى النفس وهى مفتاح من مفاتيح كسب قلوب الاخرين ولكن هذا لا يعنى ان أمدح الاخرين عندما يخطئون والا تحول المدح لنفاق ولكن يجب هنا قول النصيحة (الصراحة) ولكن باسلوب مهذب وعلى قدر عقل من يستمع النصيحة
ختاما اقول للأسف هناك اشخاص لايحسنون فن المجاملة ومنخفضى الذكاء الاجتماعى مما يجعلهم يفشلون فى اقامة علاقات اجتماعية ناجحة مع الاخرين (مثل الصداقة) ويبررون فشلهم بأنهم بيقولوا اللى فى قلبهم وانهم يقولون الصراحة. زى لما صحبتك تقول ليكى هل انا شكلى حلو ولا وحش فلو هى فى نظرك مش جميلة هتقولى لها ايه...........؟ هل هتجريحها وتقولى لها بصى لنفسك فى المرايه لأنك مش حلوة ولا فى الحالة دى المجاملة ضروية ؟ وهتقولى لها ان شكلها حلو.. لأن ربنا خلق الانسان فى احسن تقويم.....
كذلك الزوج اللى بيقول لزوجته انها اجمل ست فى الدنيا الدين هنا لم يحرم هذا النوع من المجاملة.
فياريت نتعلم نقول الصراحة بشكل يقبله الاخرين ونتعلم المجاملة الصحيحة البعيدة عن النفاق
لا ..........
اولا...
انا مش بفضل واحدة عن التانية
لكل مقام مقال
يعنى لو واحد بياخد راى فى حاجة ومش عايزة احرجة
روحت ازور خالتى والاكل معجبنيش مش هقولها وحش و طعمه مش حلو.........طبعا لا...هقولها
بس تسلم ايديك.......
دى بسيطه :d:d
أنا أقصد إن فيه ناس بطبيعتها مجامله ... متعرفش تقول الصراحه ...أو بمعنى تانى إن إنسان ميقلش الصراحه أو الحقيقة مجاملة لشخص أخر يعنى كلامه إما كذب أو نفاق :angry2::angry2:
ثانيا
وانا بجد بحب الصراحة فى بعض الاحيان
لو حد قالى انت اللى عملتى كذا وانا اللى عملت
هقول عشان ارتاح لانى من النوع اللى بجد ضميره يؤنبه جامد واقعد ايام افكر
وبحب اللى قدامى والله انه يقولى الحقيقة حتى لو ............يعنى ممكن تكون مؤلمة او ممكن تعمل مشكلة
فا انا ادى 70% للصراحة و30% للمجاملة.......
موضوع راائع يا مروة تقبلى مرورى :)
نورتى التوبيك هاى لايت :):)
الصراحه راحه بس بشرط متجرحيش حد ويكون فى حدود الذوق
متفقه مع حضرتك جداااااااااااا
الرسول عليه الصلاة والسلام صرح لنا الكذب فى بعض الاحيان
الصلح بين اثنين او لو واحدة سألت زوجها هل يحبها؟
هنا لو قال لها الصراحة يبقى هيهدم بيته ويعيش فى جحيم
اذن الصراحه لها حدود وفيه كلام كتير مينفعشى فيه الصراحه
لانك هتعرضى نفسك وغيرك لمواقف محرجه
يعنى لوحدة جابت فستان جديد وفرحانه بيه وممكن الوانه مش عجباكى
لكن عجبها هى مش معقول تقولى ليها انه الوانه وحشه او زوقك مش حلو
أنا مش قصدى مواقف المجامله البسيطه دى
نفس ردى على هاى لايت :blush:
موضوع جميل تقبلى مرورى
مرورك أجمل أستاذه / أم أمل
نورتى التوبيك بجد
فعلا الصراحع راحه لكن مش فى كل الاحوال
خير الكلام ما قل ودل :d:d
ميرسى يا منار على المرور
هي راحه بس في معظم الأحيان مش بتبقي راحه خالص ..
يعني أحيانا بتجيب مشاكل .
يعنى تفضل الصراحه حتى لو مكنتش راحه ؟؟:028ja7::028ja7:
هاوى إبداع 17-09-2011, 12:10 AM الصراحه اقرب طريق الي الكمال وليس هناك ماهو كامل غير حبيبنا المصطفي محمد صلي الله عليه وسلم
اه المجامله مطلوبه بس ليها اوقاتها ومتزدش عن حد معين
ممكن الصراحه تتفق مع المجامه ف ظروف
الانسان اللي مش صريح بتكون حاجه ف شخصيته نقصه او مهتزه
فبيحاول يعالج النقص اللي ف شخصيته بالكذب او بيتحول الي انسان منافق او مجامل
تقبل مروري ولو فيه كلام مش مظبوط فإني منتظر التصحيح
الصراحة عمرها ما كانت راحة عشان كده بريح نفسى ومش بقول رايي فى حاجة الشئ الحلو اقوله والوحش اسكت احسن
بس مش كل وحش ينفع يتسكت عليه ولا ايه ؟؟:(:(
اما المجاملة ساعات بتكون واجبة مع ناس معينة
اما الوقاحة بجد انتشرت اوى كل وقح بيسمى نفسه صريح
هى دى النقطه اللى بتنرفزنى ان شخص يتكلم بكل وقاحه وفى الأخر يعطى لنفسه لقب صريح :angry2::angry2:
بس انا رايي ان الوقح تجنبه راحة وغنيمة كمان
تقبل مرورى
نورتى التوبيك scream angle
موضوع جميل
بس علي فكره قليل لما حد يقول الصراحه لو في اي موضوع يتكلم اي شخص فيه يكون فيه شويه فبركه
لان بطبعتنا مش بنتميز بالصراحه
بطبيعتنا كبشر ولا بطبيعتنا كشعب مصرى؟؟
يمكن كشعب مصرى ممكن طبع المجامله سايد فيه شويه
ولو فيها تخطي حدود الادب ^ كثيرا مايفعلوا هذا ^
على العوم شكرا على رأيكFree Love
نورت التوبيك
انا من رايى ان الصراحه راحه فعلا وعمرها ما كانت وقاحه
الوقاحه دى ناتجه من اسلوب الشخص نفسه يعنى هو اسلوبه كده اصلا
انما الناس المؤدبين بيصرحوا بأدب وذوق
تماااااااااااااااااااااام
وكمان الناس دائما بيفضلوا الناس الصريحه معاهم
مش دايما والله يا مرموره:d:d
شكرا على الموضوع الاكثر من راااااااااائع :022yb4:
ميرسى يا جميل :)
نورتى الموضوع
azouzeg 22-09-2011, 12:55 PM شكرا علي الموضوع
Hopeful Girl 22-09-2011, 01:32 PM انا دائما افضل اسلوب الصراحة فى التعامل مع الناس
( حتى لا يكون فى نفاق )
ولكن احيانا يجب ان نلجأ الى المجاملة
حتى لانخسر الناس
ولانه كما قلتى قد يتعدى اسلوب الصراحة الى ما يسمى بالوقاحة
وهما يختلفان جدا عن بعض
وهذه الوقاحة ستجعل الناس تنفر منك ومن المعاملة معك
حسن عسلة 27-09-2011, 12:21 AM الموضوع جميل جداااا
ومفيش احسن من الصراحة وهذا عيب فية علشان الصراحة عاملة لية مشاكل كبيرة جداافى الحياة وفى الشغل
وانا بكرها المجاملة جداااااااااااااااااااااااااااااااااااااااااااااااا اااااااااااا
LoOoLy El Treikawya 27-09-2011, 01:54 AM بالنسبة للصراحة ناس احيانا بتشوفها بتزعل هى ممكن تزعل لحظيا لكن سيبقى الاحساس بمصداقية الشخص الصريح مهما كان
لكن الوقاحة لا علاقة بينها وبين الصراحة يمكن للانسان يوصل رايه الصريح بكل احترام
Observer 02-10-2011, 10:12 PM طبعا الصراحة راحة والكدب مالوش رجلين والكدب مش شجاعة على كل حال.
أ/رضا عطيه 06-10-2011, 10:31 PM الصراحة راحة والأرزا ق على الله
واللى يزعل من الصراحة يشرب من البحر المالح
فغالبا ماتكون المجامله ألد الأعداء للصدق والصراحة
وماضاعت البلاد وحق العباد إلا عندما تغلبت المجاملة على الحق والصدق والصراحة
شكرا على الموضوع الطيب
بارك الله فيكم
أحـمد قرنى 08-10-2011, 06:34 AM الصراحة ليست فى كل الاحوال
|