Dr NoOda
27-09-2011, 03:13 AM
السلام عليكم ورحمة الله
بالله عليكو ياجماعة
ساعدوني
أنا جالي صيدلة الزقازيق
وعايزة أدرس ف عين شمس
فهل ينفع ادخل أول سنة اكلنكال الزقازيق و بعدين أحول عين شمس؟
ولو فرضا ماينفعش هل ممكن أحول عادي تاني سنة؟
بالله عليكو اللي عنده معلومات يفدني ضروري
عشان ألحق أقدم اكلنكال لو ينفع التحويل تاني سنة..وشكرا جدا
homs tareek
27-09-2011, 07:09 PM
بصي يا دكتورة أنا مقدم في كلينيكال المستوي الأول وهاقولك علي معلومة أنا مسؤل عنها
لو إنتي قدمتي في كلينيكال وعدت سنة وعايزة تحولي عادي ترجعي من الأول تاني يعني تبقي في إعدادي
ولو عدت سنتين وإنتي في كلينيكال وعايزة تحولي ترجعي إعدادي برضو لإن دراسة الكلينيكال مرتبطة ببعضها ومتقدريش تدرسي مادة غير لما تنجحي في الفرع المتصل بيها
Dr\3beer
27-09-2011, 07:12 PM
وعليكم السلام ورحمه الله وبركاته
لو حولتى من صيدله كلينيكال لصيدله عاديه لازم تعيدى سنه الاعدادى من جديد زى بالضبط اللى بيحول مثلا من طب لصيدله مفروض بيعيد السنه تانى
Dr NoOda
27-09-2011, 08:25 PM
homs tarek ... dr/3abeer
شكرا جدا جزاكم الله كل خير يارب
بس معلش ي اجماعة استحمولني ف سؤال كمان
انا اقصد ان الدراسة ف عين شمس كلنيكال م الاول
وانا اصلا عايزة ادرس فيها
فخايفة ادخل عادي واحول تاني سنة ما ينفعش
فهل لازم ادخل كلنيكال الاول عشان اعرف احول لعين شمس
ولا عادي لو دخلت صيدلة عادية اعرف احولها ؟؟
واسفة علي الاطالة وبجد ربنا يخليكوا وجزاكم الله كل خير
Dr\3beer
28-09-2011, 10:47 AM
انا هوضحلك نقطه
الدراسه فى عين شمس زى الدراسه فى المنصوره زى الدراسه فى طنطا زى اى كليه تانيه
الاختلاف بس ان برنامج الصيدله بكليه الصيدله جامعه عين شمس اسمه صيدله كلينيكال لكنه بيدرس نفس المواد تقريبا اللى بيدرسها الطلبه فى الكليات الاخرى
الفرق فقط فى مسمى البرنامج مش فى محتواه
وخريج صيدله عين شمس بيبقى حاصل ع بكالوريوس العلوم الصيدلانيه زى خريج المنصوره ( ده كلام دكتور بكليه المنصوره)
وبالنسبه لسؤالك بقى هبقى اسال عليه ولو عرفت الاجابه هجاوب عليكى لان مش عندى خلفيه عنه
Dr NoOda
28-09-2011, 12:03 PM
بجد شكرا جدا علي اهتمامك جزاكم الله الفردوس الاعلى
ولو عرفتي عن موضوع التحويل ده بالله عليكي وضحيهولي
وشـــكرا جــــدا جــــدا
Bent 3bdo
03-10-2011, 02:38 AM
بصى يا دكتورة
معرفش ان كان الرد هينفعك دلوقتى ولا الوقت اتأخر
انتى لو عايزة تحولى عين شمس م تانى سنه مش لازم تبقى كلينكال عادى
كلينكال احنا بناخده ف 3 و 4
لازم بس تبقى جايبه تقدير كويس
والمواد الزياده عندنا عن اعدادى اللى انتى هتاخديها بتاخديها معاكى سنه اولى