meroadel
28-09-2011, 08:50 PM
لو سمحتم انا عايزة اعرف انهى احسن جرافيك ولا ديكور من ناحيه الشغل فى الاخر بعد ان شاء الله منخلص الكليه . ارجو بجد حد يفدنى لاتى محتارة
|
مشاهدة النسخة كاملة : ديكور ولا جرافيك meroadel 28-09-2011, 08:50 PM لو سمحتم انا عايزة اعرف انهى احسن جرافيك ولا ديكور من ناحيه الشغل فى الاخر بعد ان شاء الله منخلص الكليه . ارجو بجد حد يفدنى لاتى محتارة bahaaeldeen 29-09-2011, 04:19 PM الجرافيك مش مجرد انه كومبيوتر وبرامج جرافيك وبس وفوتوشوب الجرافيك داخل فيه رسم بالسيراميك ورسم بالتطبيقيات شغله حلو فى مجالات كتير بس شرط اساسى موهبة بيرفكت فى الرسم والتخيل مع الجرافيك تكون موهبة قوية عشان فرص العمل الديكور يعتبر جزء من قسم عمارة دة حتى اسمه عمارة داخلية بيدرس كيميا وفيزياء وحاجات علمية ودراسة زى هندسة بالظبط بيكون فنان ومهندس ومش شرط موهبة كتيرة اوى بس مش يتبع نقابة المهندسين لاسباب مجهولة لكن هيتم فى وقت قريب باذن الله ديكور مجالاته كتيرة جدا اكتر من جرافيك وخصوصا برة مصر فى اى بلد ويعتبر زى هندسة بس جرافيك يبقى زى ديكور او احسن بس عايز موهبة جداااااااااااااا وشكراا meroadel 29-09-2011, 10:36 PM شكرا كتير بجد استفدت .يعنى لوعندى موهبه الرسم ادخل جرافيك. bahaaeldeen 30-09-2011, 10:03 AM شكرا كتير بجد استفدت .يعنى لوعندى موهبه الرسم ادخل جرافيك. مظبوط انما لو الموهبة عندك مش بيرفكت فى الرسم يبقى فرص العمل ليها اقل بس نسيت اقول حاجة معلش انك لو حابة المجال دة حاسة انك هتجتهدى علشانه يبقى شوفى جرافيك لانك لسة هتتعلمى بس وقتها هتحتاجى جهد اكبر وموهبة اضافية وتعب خصوصا لو موهبة الرسم والتخيل مش كاملة انما ديكور مش محتاج موهبة اوى يعنى هتبدأى من الصفر لانهم هيشرحولك ازاى تنمى الروح الفنية بطريقة هندسية بس من بعد اعدادى هتاخدى كورسات اوتوكاد وفوتوشوب وثرى دى ماكس علشان المرتب بيتبنى على الامكانيات دى وكمان ممكن تشتغلى فى اى مكتب هندسى معمارى وبالكورسات تقدرى تشتغلى مهندسة معمارى باذن الله لان ديكور شامل كل الهندسة ووظيفته الاساسية توظيف المبنى يعنى بتستلمي المبنى الهندسى زى المكعب وانتى اللى بتخليه مبنى حكومى او صالة العاب مثلا ف بالتالى بتدرسى جوانب هندسة وفن معاها بحيث تبقى شاملة كل جوانب هندسة مدنى ومعمارى وكهرباء وكله بس مش صعبة واكتر مادة عليها درجات هى تصميم وهى كويسة وكل مواد ديكور جميلة بس مش عايزة تتركن او لا مبالااة انما الجرافيك هتبصى تلاقى شرح لحاجات عايزة خيال من البداية زى رسم بالسيراميك وتطبيقات فنية بادوات ورسم علشان تقدرى تتعودى فيه لو انتى حابة جرافيك ادخليه بس حاولى من دلوقتى تنمى موهبة الرسم لاقصى درجة وهتتعبى وهيتطلب منك جهد اكبر يعنى يعتبر ديكور فرصه احسن وافضل وجرافيك يتنافس معاه او يبقى احسن لو معاكى موهبة 100% وربنا يوفقك باذن الله ولو محتارة مثلا ممكن تبعتى الرسومات واشوف ايه التقييم الرسم meroadel 08-10-2011, 11:50 PM شكرا كتير بجد كلامك فهمنى حجات كتير بس انا منفعش ادخل ديكور فدخلت فنون عام واحتمال مينفعش ادخل جرافيك لانها هتاخد اللى جايب امتياز فى اعدادى.فلو سمحت ممكن نصيحه علشان اجيب امتياز ان شاء الله او حتى جيد جدا. bahaaeldeen 09-10-2011, 01:21 AM شكرا كتير بجد كلامك فهمنى حجات كتير بس انا منفعش ادخل ديكور فدخلت فنون عام واحتمال مينفعش ادخل جرافيك لانها هتاخد اللى جايب امتياز فى اعدادى.فلو سمحت ممكن نصيحه علشان اجيب امتياز ان شاء الله او حتى جيد جدا. اهم حاجة تركزى وتستغلى الدكاترة طول الوقت وتحاولى ترشحى نفسك مسيو الدفعة علشان تعرفى الدكاترة كلهم ويعرفوكى جدا ومتضيعيش ولا محاضرة ونظامالثانوى انسيه لان الدراسة هتكون بفهم مش حفظ نهائى وهتكون جميلة ومفيهاش ضغط امتياز بيبدأ من مجموع 85% مش من 90% وجيد جدا اقل من كدة وهى مش صعبة تجيبى امتياز وربنا يوفقك انتى حلوان؟؟ سورية حرة 20-11-2011, 09:48 PM الديكور والجرافيك التنين ينفع فيهم الشغل الحر والديكور بشوفه اكتر ومربح خصوصا بالخليج Mohamed.Helmy 25-11-2011, 09:09 AM انا رأيي لو موهبتك عالية اوي يبقى خليكي فى جرافيك لانه ممكن برضه تشتغلي فى الديكورات و كده و كمان جرافيك مجالاته كتير اوي بس بشرط الموهبة و الفكر ^^ انا لسه اعدادي فنون عام و ان شاء الله ناوي على جرافيك :) بالتوفيق ان شاء الله ^_^" posyyy 25-11-2011, 06:44 PM انا في تالته ثانوي ادبي السنه دي و كنت جايبه 87% و عايزه اعرف المفروض اجيب كام عشان اقدر ادخل فنون جميله؟ و اعلي تنسيق ممكن يبقي لكليه فنون كام؟ nour_kh 03-02-2012, 05:02 PM طيب هو قسم ديكور بيقبل من كام الله يخليكوا mana77 26-02-2012, 11:36 PM طب انا حاسه اني حابه الجرافيكس بس مش بعرف ارسم : bahaaeldeen 19-03-2012, 07:57 PM طب انا حاسه اني حابه الجرافيكس بس مش بعرف ارسم : مادام كدة يبقى عندك استعداد تتعلمى كل حاجة وتستحملى كل صعاب وبعدين لو بتحبى جرافيك يبقى هتتعلميه وكدة كدة الكلية بيعلموكى كل حاجة من البداية خالص يعنى مش بتمتحنوا كفنانين من الاول donatila 23-03-2012, 10:10 PM شكرا على المعلومات morsymai 29-08-2012, 02:25 PM طب انا كمان دلوقتي في نفس الموقف ومش عارفة اعمل اية...........كتير حسسوني ان جرافيك ممكن بسهولة اشتغل في المجال بتاعه حتي لو دخلت ديكور...بس العكس صعب.......اعمل اية ؟ :( bahaaeldeen 30-08-2012, 03:18 PM طب انا كمان دلوقتي في نفس الموقف ومش عارفة اعمل اية...........كتير حسسوني ان جرافيك ممكن بسهولة اشتغل في المجال بتاعه حتي لو دخلت ديكور...بس العكس صعب.......اعمل اية ؟ :( مفيش مشكلة بتاع جرافيك بيشتغل ديكور والعكس صحيح :) nourhan mohamed2020 02-09-2012, 05:41 PM يعنى انا لو دخلت ديكور هيبقى فى فرص عمل كويسه علطول؟ عشان فى بيقولى انها مجال شغلها قليل اوى ومش متوافر bahaaeldeen 03-09-2012, 09:45 PM يعنى انا لو دخلت ديكور هيبقى فى فرص عمل كويسه علطول؟ عشان فى بيقولى انها مجال شغلها قليل اوى ومش متوافر سيبك من اللى يقولك مجالها مش متوفر لان دة كلام غلط كليات الفنون هما 4 كليات وبتخرج فى الديكور 400 واحد وعندك 100 واحد تطبيقية ديكور وعندك 200 هندسة ديكور خاصة شوفى بقى مقارنة باى كليات تانية مع احترامى دة غير ان الخليج مفيهوش فنون جميلة ولاديكور اصلا فين اللى بيقول بقى ملوش شغل؟؟؟؟؟؟؟؟؟؟؟؟؟؟؟؟؟؟؟؟؟ nourhan mohamed2020 16-09-2012, 07:13 PM طيب انا عملت الملف وقدمت هعرف منين انى اتقبلت ديكور ؟ pt for ever 17-09-2012, 02:52 AM وعندك 200 هندسة ديكور خاصة حضرتك مفيش هندسة خاصة ولا حكومى فيها تخصص ديكور اساسا الى بتخرج مهندسين ديكور هما كلية فنون تطلبقبة وفنون جميلة بس ahmed rashad 1991 27-09-2012, 10:59 AM جزاك الله خير bahaaeldeen 24-10-2012, 12:06 PM وعندك 200 هندسة ديكور خاصة حضرتك مفيش هندسة خاصة ولا حكومى فيها تخصص ديكور اساسا الى بتخرج مهندسين ديكور هما كلية فنون تطلبقبة وفنون جميلة بس لا مفيش ديكور او عمارة داخلية فى هندسة the_sad_eyes 18-11-2012, 01:01 AM يا جماعه معلشى انا عايزه اعرف انا بحب الجرافيك شغل على الكمبيوتر و الفوتوشوب و كدا بس مش حابه الرسم على السراميك و الحاجات دى ينفع بردوا ادخل جرافيك ؟ و انا جايبه فى تانيه ثانوى 88% هل من الممكن اقدر اجيب مجموع ف 3 ثانوى يدخلى ديكور ولا صعب ؟ |