مشاهدة النسخة كاملة : لطلاب جامعة القاهره عاوزه مساعده ضروري اوي
nurahn 02-10-2011, 03:26 PM يا جماعه لو في حد الجروب بتاعه
بياخد mangement and organization
يوم سبت او اربع يقولي عشان دكتور
هناء الي بتدهولي صوتها مش بسمع
منه اي حاجه فعاوزه احضرهم في
جروب تاني او يا حبذا بقي لو كان يوم
الاحد او الثلاثاء بعد 12.30 او يوم
الاثنين او الخميس بعد 11 يا ريت حد
يقدر يقولي
Darkness Boy 02-10-2011, 04:46 PM انا فى جروب B وعندى management and organizing السبت 11 -12.30 و الاربعاء 9.30-11
Darkness Boy 02-10-2011, 04:47 PM بس الدكتور مجاش يوم السبت اسمه جمال عبد العزيز
nurahn 02-10-2011, 04:49 PM تمام شكرا جدااا طب معلش الدكتور بتاعكم شرحلكم حاجه ولا يوم الاربعاء هتبقي اول مره يشرح ؟؟
nurahn 02-10-2011, 04:50 PM تماام اوي كده متشكره اوي بجد ربنا يكرمك
Darkness Boy 02-10-2011, 04:51 PM لأ الاربعاء هيبقى اول مرة يشرح انشاء الله
nurahn 02-10-2011, 04:54 PM الحمد لله ,,,,,,,,, متشكره جدا
usernamo 02-10-2011, 07:51 PM الدكتور قلنا مقدمات عن المادة بس السبت يانورهان ^^ انا فى جروب b بردو .. و خدنا فوق فى روم 25 فى شعبة جورجيا ..
و فعلاً فيه بنتين من عندك نفس الجروب واحده اسمها نورهان و التانية اسمها ندى جم يسالوا عشان نفس المشكلة بردو :)
و قلنالهم ع المواعيد اللى عندنا و بردو فى جروبات تانية بتاخد مع دكتور جمال .. بس النطق بتاعه فظيع يا نورهان .. عشان متقليش انك اخدت محاضرة ع الفاضى .. يعنى بينطق كلام كله غلط .. تعالى و جربى :)
, المواعيد زى ما وضح زميلى و الامر ليكى بردو و اسالى فى باقى الجروبات عشان دى مادة تقيلة و مفيهاش هزار :)
nurahn 02-10-2011, 08:33 PM والله يا user واضح انه مرض عند كل الدكاتره لانهم كلهم الانجليزي بتاعهم زي ابله ميرفت بالظبط ^ ^ بس المهم يكون صوته واضح وانا هحاول اجمع لان الدكتور عندنا مش بنسمع صوتها اصلا انا طلبت منها تجيب مايك فلو مجبتهوش يوم الثلاثاء يبقي يوم الاربعاء تجيبوا كراسي لان الجروب كله هيجي يحضر عندكم
usernamo 02-10-2011, 09:09 PM كراسى مين :) احنا بنقعد فوق بعض .. عشان كده بقولك دورى كويس :) و يا سيتى عمتاً تنورينا (( و للمرة المليون و 11 اسمى امجد )) اسم يوز ده بيعصبنى :d
Darkness Boy 03-10-2011, 11:05 AM ايه ده يعنى راحت عليا المحاضره ساعتها !! يعنى خدنا فى room 19 بدل 24 بعد كده رجعوا تانى room 25 ايه التسويح ده
Darkness Boy 03-10-2011, 11:08 AM طب يا ريت يا أمجد نبقى نتعرف لحسن انا مخنوق قوى أنى مش عارف حد
usernamo 03-10-2011, 11:21 AM طب يا ريت يا أمجد نبقى نتعرف لحسن انا مخنوق قوى أنى مش عارف حد
يا سيدى انا تحت امرك :) انت اسمك ايه؟
Darkness Boy 03-10-2011, 11:32 AM الامر لله :] انا اسلام و ده الفيس بتاعى http://www.facebook.com/islam.cenation
usernamo 03-10-2011, 12:29 PM طيب انا بعتلك طلب صداقة ^^ دور كده و شوف
Darkness Boy 03-10-2011, 12:53 PM تمام وصلت :)
nurahn 03-10-2011, 01:55 PM ماشي احنا اسفين يا امجد :p
طب يا جماعه بما اننا من جروبين مختلفين احنا ممكن لما نبدا ندخل في المحاضرات الي بجد نبقي نصور المحاضرات لبعض بحيث انكم تستفيدوا من الدكاتره بتوعنا واحنا نستفاد من الدكاتره بتعتكم برده
Darkness Boy 03-10-2011, 02:02 PM ممكن نبقى نشوف لو قدرنا بس اللى هيصعبها ان صوت الدكاترة واطى بطريقه غريبة >.>
nurahn 03-10-2011, 02:06 PM انتو كمان :* انا افتكرت الدكاتره الي عندنا بس عالعموم انا طلبت من دكتور محمد حسن بتاع المحاسبه انه يجيب مايكات وقلي ان في اجتماع النهارده هينقشوا فيه كل حاجه وانه احتمال كمان يضموا الموجموعات علي بعض وناخد في مكان واحد كبير عشان الاعداد مش مكفيه في الرووم فربنا يسهل لما نشوف بكره عمله ايه
rehamelnagar 03-10-2011, 03:08 PM انا بقى مخنوقة منهم كلهم واساسا عايزة احول
usernamo 03-10-2011, 03:15 PM ماشي احنا اسفين يا امجد :p
طب يا جماعه بما اننا من جروبين مختلفين احنا ممكن لما نبدا ندخل في المحاضرات الي بجد نبقي نصور المحاضرات لبعض بحيث انكم تستفيدوا من الدكاتره بتوعنا واحنا نستفاد من الدكاتره بتعتكم برده
ماشى يا سيتى تنورينا فى اى وقت فى الجروب :) انتى k صح ^^ ..
rehamelnagar 03-10-2011, 03:28 PM هو ينفع احضر فى جروب تانى ؟؟؟ طب الامتحانات مش بتختلف على حسب كل دكتور
Darkness Boy 03-10-2011, 03:55 PM مظنش ينفع الحضور فى جروب غير اللى الشخص متسجل فيه عشان نظام الحضور و الغياب
rehamelnagar 03-10-2011, 04:01 PM اوكى ربنا يستر ميرسى
usernamo 03-10-2011, 04:12 PM بس ممكن لو مش فاهمة تروحى تجربى دكتور تانى كده فى اول اسبوع :)
rehamelnagar 03-10-2011, 04:15 PM انا فاهمة بس بصراحة خايفة جدا من الامتحانات والا ختبارات وقلقانة وعايزة احول
usernamo 03-10-2011, 04:33 PM اسالى و شوفى :) و لو الدنيا عقدت خالص .. مثلاً نورهان او اى زميلة ليكى فى المبنى ممكن تصورلكم المحاضرات لو مش عرفنا نوصل لبعض هناك سواء ليكى او لزمايلى بردو اللى بيشتكوا زيك و لنورهان .. يبقى مكنا هنا المنتدى .. احاول ارفعها يعنى و كده :) و الحل الاقرب انى ارفعها طبعاً :)
لو مقدرتش بقى و كده .. يبقى نشوف كلنا حل يعنى ملازم من مكتبات و كده بس المشكلة ان الدكاترة بتجيب الملازم دى و يعكسوا الكلام فى الامتحانات ! فانا مش عارف بقى ..
الموضوع اسهل شوية من الثانوية العامة :)
nurahn 03-10-2011, 04:54 PM ليه بس يا ريهام بصي هما اول اسبوعين اعتقد كلنا هنكون متلخبطين فيهم بس الكليه مستقبلها حلو حاولي تحبيها وشوفي صحبه حلوه كده بلاش البنات المتشائمه دول عشان يخلوكي تحبي الكلية ولو حبتيها هتفهمي كل حاجه ان شاء الله
nurahn 03-10-2011, 04:56 PM لا يا اسلام انت ممكن تحضر في اي جروب يعجبك بس المهم تحضر للدكتور بتاعك دايما عشان نسبه غيابك معاه لكن اي ماده مش فاهمها روح لاي دكتور تاني عادي
nurahn 03-10-2011, 04:58 PM اها انا جروب k يا امجد
usernamo 03-10-2011, 04:59 PM لا يا اسلام انت ممكن تحضر في اي جروب يعجبك بس المهم تحضر للدكتور بتاعك دايما عشان نسبه غيابك معاه لكن اي ماده مش فاهمها روح لاي دكتور تاني عادي
احنا عندنا احسن دكتورة Math :D
nurahn 03-10-2011, 05:01 PM احنا عندنا احسن دكتورة Math :D
ايه ده انتم كمان بتديكم دكتور رويده ؟ انا لسه مختش math فمعرفش ايه نظامها بس كده تفائلت خير ان شاء الله :022yb4::022yb4::022yb4::022yb4:
usernamo 03-10-2011, 05:08 PM دى روعه هى وقت الجد جد .. بس شرحها روعة و زى العسل عسولة اوى و الله ..
بس دكتور المحاسبة المالية Financial Accounting دى خنيق اوى اوى .. اللى هو دكتور اللى هو سبعاوى (( سباعى )) و ده شبه متوفى
و دكتور Human زى العسل جداً :) اسمه محمود فؤاد
و دكتور ال Management كويس نسبياً بس الانجليزى بتاعه مضروب بالجزمة سورى يعنى :) هو بيشرح حلو و بيخلى الطلبة تشارك و كده و بيدى فرصة و لما بنغلط بيبتسم و يعيد ^^ اسمه جمال عبد العزيز
و معندناش مع اى دكتور مشكلة الصوت الواطى الحمد لله :)
ده جروب B فى شكل مختصر
Darkness Boy 03-10-2011, 05:22 PM اه فهمت يا nurahn ده كده يبقى الموضوع سهل شكرا على المعلومة
nurahn 03-10-2011, 05:34 PM يا بختكم انا بحقد عليكم علي فكره :) احنا الحياة عندنا حلوة برده بتاعت ال human عسوله اوي
وال economy كويس اوي برده بيشغل الطلبه معاه
المحاسبه عندنا اسمه محمد حسن بس عسول فعلا شرحه حلو اوي هو مبيتكلمش ولا كلمة عربي بس الانجلش بتاعه بيتفهم كويس اوي
ال math بقي لسه مدخلتش اما بقي ال mangement فبعيد عن السامعين احنا المحاضره كلها مسمعناش غير كلمة واحده الي هي alright وبس :D
nurahn 03-10-2011, 05:35 PM اه فهمت يا nurahn ده كده يبقى الموضوع سهل شكرا على المعلومة
ألعفو يا اسلام بس هو الاسم نورهان انا كتبتها كده لان كل مسجل باسم يقولي ان في حد مسجل بيه فكتبته غلط قلت اكيد محدش هيكتب اسمه غلط يعني :d:d
rehamelnagar 03-10-2011, 05:50 PM المشكلة يا نورهان اساسا معرفش اى حد خالص وحاسة انه محدش بيساعد حد ومش عارفة انا اول يوم كنت حاسة انى غريبة وتايهة وكمان انا خايفة لانى كنت مدرسة عربى
محمود محسن مصطفى 03-10-2011, 06:19 PM بجد انا مخنوق بردة من الكلية وبفكر احول اعلام
rehamelnagar 03-10-2011, 06:30 PM والله وانا عايزة احول تعبانة جدا لو كنت اخدت مستوى كنت لحقيت ألسن مش ققدامى غير اثار او اتجارة عربى بس بصراحة خايفة اندم لانها كلية كويسة جدا بس ضغط جامد اوووى
Darkness Boy 03-10-2011, 06:57 PM بصراحة الموضوع مش مستاهل اول اسبوعين و هناخد على كل حاجه و ربنا هيكرمنا لو تعبنا عشان مستقبلنا
و بصراحة حكاية التحويل عايزة تفكير زياده و الكليه مش بالصعوبة اللى احنا متصورينها
و انا برده يا ريهام كنت مدرسه عربى و شايف ان مش هتمثل اى مشكله خالص لأنى أعرف أخت واحد صاحبى أتخرجت منها و كانت مدرسه عربى و شغاله فى مكان كويس جدا و مشيت عادى خالص فيها
Darkness Boy 03-10-2011, 07:04 PM ألعفو يا اسلام بس هو الاسم نورهان انا كتبتها كده لان كل مسجل باسم يقولي ان في حد مسجل بيه فكتبته غلط قلت اكيد محدش هيكتب اسمه غلط يعني :d:d
ههههههههه ماشى أحنا أسفيييين يا نورهان :d
rehamelnagar 03-10-2011, 07:35 PM المشكلة انا مش لاقية اى حد يشجعنى على الكلية او على المذاكرة انا معرفش اى حد فى جروبى او الجروبات التانية حاسة انى لوحدى غير بردوا ان اول دكتورة دخلت قعدت تقول فى كويزز وامتحانات وواجبات ده غير الميد تيرم والفينال تيرم
nurahn 03-10-2011, 08:38 PM والله يا ريهام واضح انها مشكله بتقابلنا كلنا موضوع التعارف علي حد ده طب انا عندي فكره احنا ممكن نتقابل في مكان ونتعرف علي بعض كلنا :d واهو نبقي صحبه كويسه نساعد بعض حتي لو كنا جروبات مختلفه ممكن لو فعلا الجداول اتغيرت او اتضمينا زي مدكتور حسن قال نبقي مع بعض وحتي لو مبقناش مع بعض مش شيفاها مشكله ممكن نبقي في سكشن بعد كده او حتي في كورس وعلي اسوأ الظروف هنبقي في كلية واحده بالعكس انا شيفاها ميزه اننا هنقدر نغير محاضراتنا مع بعض ونساعد بعض اكتر وعلي الاقل مش هنكون صحبة مصالح زي الي بيعرفوا بعض عشان هما في جروب واحد وبعد الجامعه ينسوا بعض لو موافقين حددوا المكان وانا اول واحده هاجي عشان انا عندي نفس المشكله دي
rehamelnagar 03-10-2011, 09:02 PM ياريت يا نورهان والله تبقى حاجة كويسة انا نفسى حد يشجعنى جدا اللى مشجعنى صحابى من خارج الكلية بس وانا موافقة طبعا انا جورب e وانا عندى محاضرات بكرة من 8
nurahn 03-10-2011, 09:24 PM طب تمام وانا جروب k وبرده عندي محاضرات من 8 الصبح هبعتلك رساله دلوقتي شوفيها
rehamelnagar 03-10-2011, 09:31 PM انا رديت عليكى وصلت المسج ولا لا لانى اقل من 50 مشاركة ممكن متوصلش
nurahn 03-10-2011, 09:33 PM لا تمام وصلت
nurahn 03-10-2011, 09:34 PM ههههههههه ماشى أحنا أسفيييين يا نورهان :d
هههههههه ماشي
nurahn 03-10-2011, 09:35 PM بجد انا مخنوق بردة من الكلية وبفكر احول اعلام
اصبر شويه احنا مكملناش اسبوع الكلية بتاعتنا مستقبلها احسن بكتير اتحمل اسبوعين وارتاح باقي حياتك بلاش القفله دي من اول سنه
usernamo 04-10-2011, 01:35 AM ان شاء الله تبقى سنة حلوة علينا كلنا :)
nurahn 04-10-2011, 05:13 AM يااااااااااااا رب
Darkness Boy 04-10-2011, 05:52 PM انشاء الله هتبقى سنة حلوة
وعندك حق يا نورهان نبقى نتفق نتقابل كلنا
nurahn 04-10-2011, 06:40 PM ان شاء الله حددوا امتي وقولولي بس ميعاد نكون كلنا فاضين فيه
hazenhazen 04-10-2011, 09:32 PM معقول جامعه القاهرة مفهاش مايك والصوت مش واضحاحنا عندنا فى جامعه بنها الصوت بيخرم ودانى عااااااااااالى جدا بس مخدناش غير مادة واحدة لغاية دلوقتى الى هىeconomic resources
nurahn 04-10-2011, 09:49 PM اه والله ياحزين في دكاتره بيتكلموا لجوه بعيد عنك
usernamo 05-10-2011, 12:59 AM ان شاء الله حددوا امتي وقولولي بس ميعاد نكون كلنا فاضين فيه
انا جدولى سبت و حد و تلات و اربع و اسلام بردو .. فشوفى تقدرى تيجى الجروب عندنا و تنورينا و ابقى قولى هنا الاول قبل ما تيجى ^^ و لو مفيهاش رزالة تجيبى الكشكول بتاعك عشان انا مش فهمت ولا كلمة من الدكتور بتاع المحاسبة بتاعنا و احتمال اجرب المحاسبة بتاعكم :)
nurahn 05-10-2011, 05:23 AM المحاسبه لسه مخدناش فيها حاجه الدكتور دخل ربع ساعه التعارف بس يعني عالعموم انا احتمال كبير احضر معاكم لدكتور داليا يوم الثلاثاء عشان دكتور عاطف تقريبا مبيتكلمش في المنهج فلسه كده اشوف ريهام موافقه ولا لا
mariomaa_miro 05-10-2011, 11:13 PM يا جماااااااااااااااااااااااااااااااااعة ارجوكوا تساعدونى انا محتاجة اعرف تجارة انجلش بتاعت القاهرة خدت من مجموووع كام فى الانجليزى السنادى
يعنى الى جايب 42 يقدر يدخولها ولا لا ؟؟؟
بلز تجوبونى ضرورى
Darkness Boy 05-10-2011, 11:57 PM عموما انا شوفت كذا مرة ان اقل حاجه 40 للقاهره
mariomaa_miro 06-10-2011, 01:45 AM طيب يعنى ممكن ولا لا ؟؟؟
بلز حد يقولى التنسيق
و عايزة استفسر عن حاجة كمان؟؟
هو انا واخدة مستوى رفيع انجلش
و جايبة فى 10 من 10
هيتضاف لى مجموع الانجلش بتاعى و يزودة ولا ملوش علاقة؟؟
Darkness Boy 06-10-2011, 02:20 AM ايوه المستوى الانجليش هيضاف اه للمجموع الاعتبارى يعنى هيفيد برده
Darkness Boy 06-10-2011, 02:23 AM أظن أكيد 42 معديه لأانها معروفه فى القاهره من 40 ل 50 لازم يكون الانجليش
mariomaa_miro 06-10-2011, 02:30 AM بجد انت متاكد من ان هو هيتضاف ؟؟؟
متاكد من دى ؟؟؟؟؟
طب لو هتضاف هتضاف ازاى؟
هيضاف 5 درجات يعنى؟؟؟
مش شرط اقبل لانى معايا بنات جايبين 40 و مقبلوووش
Darkness Boy 06-10-2011, 02:27 PM أحسن حاجة أنك تروحى تسألى فى الجامعه عشان تتأكدى أكتر و تكون المعلومات أكيدة.
usernamo 07-10-2011, 01:22 AM المحاسبه لسه مخدناش فيها حاجه الدكتور دخل ربع ساعه التعارف بس يعني عالعموم انا احتمال كبير احضر معاكم لدكتور داليا يوم الثلاثاء عشان دكتور عاطف تقريبا مبيتكلمش في المنهج فلسه كده اشوف ريهام موافقه ولا لا
بلاااااااااااااااااااش اللى ممكن اقولك عليه حلو هو دكتور جمال بتاع Management انما داليا دى عايزة طلقة فى دماغها و الله مش نافعة خالص !!
nurahn 07-10-2011, 02:51 AM والله يا امجد انا عرفت الموضوع ده فعلا ففاكس بقي واضح ان دكاترة الماده دي كلهم هوبا اوي :d فخلاص ربنا يكرم بقي لما تيجي الكتب ربنا يسهل ونفهمللنا اي كلمتين
usernamo 07-10-2011, 04:14 AM والله يا امجد انا عرفت الموضوع ده فعلا ففاكس بقي واضح ان دكاترة الماده دي كلهم هوبا اوي :d فخلاص ربنا يكرم بقي لما تيجي الكتب ربنا يسهل ونفهمللنا اي كلمتين
دى بتقول جمع بوتفيور = بوتيفورز ! مع انها كلمة فرنسية تقريباً و اصلاً جمع !
دى ضايعة ^^ ده عاطف بالنسبة لها رائع انا هاجى احضر معاكم مرة :)
nurahn 07-10-2011, 12:56 PM ههههههههه ( اوعي الشاكيت ) بالنسبه ل د/ عاطف فهو تقريبا مبيقولش ولا كلمة في الادة بس هتستفيد معلومات عامه كتير الصراحه عالعموم تنور بس افتكر اني قلتلك بلاش :d :d
usernamo 07-10-2011, 01:16 PM ههههههههه ( اوعي الشاكيت ) بالنسبه ل د/ عاطف فهو تقريبا مبيقولش ولا كلمة في الادة بس هتستفيد معلومات عامه كتير الصراحه عالعموم تنور بس افتكر اني قلتلك بلاش :d :d
اخدها من قاصرها و اسقط ولا ايه :d تفائلى خير ان شاء الله افهم منه لانى لو مش فهمت منه هشيل المادة :d و كده خطر ^^
و بخصوص الشاكيت .. دى بتقول كيلاس بردو و الله !
و اول امبارح كان معايا بردو بنتين من الجروب بتاعك اسمهم نورهان و ندى فى المحاضرة بتاعت داليا .. فنورهان قاعدة جمبى يعينى ميتة من الضحك و الله بتعيط من الضحك و مخليانى ميت من الضحك بردو بصراحة الدكتور م عارفة تفتح اللاب و جابت عم فتحى الفراش يفتحه و يفتح البروجيكتور !! محاضرة مسخرة و المشكلة بتتكلم عربى ساعه و بعدين تقول بوقين انجليزى و ترجع تانى عربى و تنطق عربى ع انجليزى عمرى ما شفت فرانكوا بيتطنق :d :d : D
فعلاً .. و يخلق مالا تعلمون .. و اراهنك انها مضروبة فى البيت قبل ما تيجى ^^
nurahn 07-10-2011, 03:54 PM هههههههههههه لا هما العيال مزعلنها شويه بس
وبعدين اهي احسن من الي بيقلونا اكتبولي اغنية سواح وايه هي الكونفوشوسيه
اعتقد الكيلاس والشاكيت ارحم من نوستلوجيا وبحث عن الماركسيه :d
usernamo 07-10-2011, 04:07 PM هههههههههههه لا هما العيال مزعلنها شويه بس
وبعدين اهي احسن من الي بيقلونا اكتبولي اغنية سواح وايه هي الكونفوشوسيه
اعتقد الكيلاس والشاكيت ارحم من نوستلوجيا وبحث عن الماركسيه :d
بحث عن مين .؟؟
و مين الكونفوشوسيه ده ؟
و نكتب اغنية سواح ؟
و ارحم من نوستلوجيا ؟
و لافاش كيرى كمان ؟
احنا اسفين يا صلاااااااااااااااح انا هحول تجارة عربى :d :d
nurahn 07-10-2011, 04:18 PM هههههههههههههه علي بركت الله وخد صلاح معاك :d :d
Darkness Boy 07-10-2011, 04:20 PM ربنا يعينا فى الماده اللى مش معروف لها معالم دى >.>
sherouk 2011 12-10-2011, 04:55 PM ازيكوا يا شباب انا معاكو تجارة انجليش بس جروب (F)
هو في دكتور كويس لل economic بدل دكتور عاطف؟؟
انا بتوه منه ومش بعرف فين المحاضرة وفين الsearch اللي بيطلبها
ياريت ول في دكتور تاني تقولولي احضر معاه
اه اللي بسال علي management انا مع دكتور حلو في شرحه بس صعب التعامل معاه اوي اسمه دكتور اشرف امام اللي يحب يحضر معانا
بس هو بيسال ونحضر المحاضرة قبل ما ناخدها ونتناقش معاه وكدا بس بيطرد وبيحرج اوي لو حد مش جاوب صح
ياريت اقدر اتعرف عليكو في الكليه حتي لو نقدر نفيد بعضنا ونتبادل المحاضرات ولو حد مش فاهم او كدا نساعد بعض ولا ايه رايكو؟؟
nurahn 12-10-2011, 07:25 PM شروق ان شاء الله نتعرف قريب ابعتيلي مسج كده ونزبط الحوار
sherouk 2011 13-10-2011, 02:18 AM اوك يا جميل
sherouk 2011 13-10-2011, 02:21 AM نورهان انا مش هينفع ابعت مسج علشان المشاركات عندي قليله
nurahn 13-10-2011, 01:36 PM مممم طيب بصي انا اجازة السبت فيوم الحد ان شاء الله نتقابل
بالنسبه بقي لهنتقابل ازاي وكده هكتبلك يوم السبت بالليل هنا انا هستناكي فين وامتي وهلبس ايه :d واهو لو ريهام كمان عاوزه تيجي نتعرف عليها احنا الاثنين :) تمام كده
sherouk 2011 14-10-2011, 03:22 AM تمام يا جميل وانا كمان يوم السبت اجازة وعندي محاضرات الحد من الساعه 8
mada boshey 14-10-2011, 05:37 AM يا جماعه انا اقدر اوفر لكم كل المحاضرات بتاعتكو فى كل المواد وكمان اقدر اجيب حلول ال(assign ment) واقدر اوفر ورق شرح وميكسات بين الكتب وبين المحاضره / وقريب جدا انشاء الله تابعو كل جديد ومفيد بخصوص المواد كلها عالبيدج دى(modern education) هى البيدج موجوده بس لسه ما رفعتش عليها اى محاضرات وانشاء الله من يوم الاحد هارفع جزء كبير من المحاضرات اللى فاتت وعلى فكره انا موجود معاكوا كل يوم فى الجامعه
nurahn 15-10-2011, 06:17 PM شروق معلش انا بكره هروح احضر في جروب h مع د احمد فهمي هكون في رووم 9 بعد مخلص نحضراتي عشان بعيد عنك الي بتديني واحده نايمه ننه هوه بنتجسس عليها وهي بتشرح :)
|