السلام عليكم ورحمة الله وبركاته
انا كنت عاوز اشوف رأى الناس فى المناهج اللى احنا بنديها للطلبة
خاصة منهج الصف الأول الإعدادى لأنى شايف انه كتير اوى على الطالب خاصة الدش النظرى اللى الطالب يا حرام مطالب انه يحفظه ده ان عرف ولو حفظه ينساه قبل مايخرج من لجنة الامتحان
وتانى حاجة توزيع المنهج
اللى كل سنة ينزلوا درسين فى يناير يعنى اسبوعين مع ان احنا اول ناس بنمتحن وغالبا محافظتنا تمتحن فى اول اسبوع من يناير
نفس الانتقادات كل سنة ولاشئ بيتغير مش ده يبقى حرام؟؟؟؟
اتمنى اسمع رأيكم
وشكرا

والله يا أخي مهما يكون احسن من المهزلة اللي موجوده في الحاسب الالي في المرحلة الابتدائية اللي لو اتلغي خالص يبقى احسن من العار اللي موجود دلوقتي
لكن في المرحلة الاعدادية فقط تحتاج إلى شيء من اعادة الهيكلة يعني المنهج بتاع سنة اولى اعدادي لو مثلا أخذ الولد اول اربع فصول مع جزء الويندوز والفصلين الخامس والسادس مع برنامج الورد هتلاقي الموضوع بقى مقبول

انا مش عاجبنى جزء الويندوز فى الصف الاول الاعدادى .... وياريت كان يتم التعمق فى الباب الاول ....

بالاضافة الى الجزء المضاف من موقع الوزارة ...... كان هايبقى المنهج مميز جدا ..... ..واتمنى ان لا يعتقد

الجميع ان منهج الحاسب وتكنولوجيا المعلومات ما هوا الا منهج عملى ..نريد التطوير والزيادة من المناهج

النظرية ..خاصة ان المادة اسمها الكمبيوتر و ( تكنولوجيا المعلومااااااااااااااااااااااااااااااات )

اله امنهج فى إعددى أرحم من الغم اللى فى إبتدائى إحنا بندى سمك بن تمر هندى منهج من كل موضوع جزء ياعم ده أنا بادى برمجة فى خامسة وفى ربعة بعرف سطح المكتب يعنى مفيش حتى لتدرج كله هب والله ده عار كفاية إن لكل بيعتبر الحاسب ماده على ماتفرج إحنا لازم نتحرك عشن نتساوى بباقى لمواد إحنا أهم من مواد كتير إحنا لغة لعصر حرام كده

والله انا فى راى ان منهج اولى اعاداى نظرى وغير متوافق مع سن الطلاب ومنهج تانية اعادية حلو جدا بس لو فى نت فى المدارس كان المنهج هيكون مميز اما منهج اعداداى فمعلش مالوش لازمة لو يدوا اكسس يكون افضل عل الاقل يبقوا اخدوا مجموعة الاوفس كلها وفى المرحلة الثانوية بردوا يعطوا الاوفيس تانى فى الثانوى بس بتوسع اكبر