مشاهدة النسخة كاملة : في زمان المكسورين مات ياسين


اسماءفريد
15-10-2005, 10:01 PM
في زمان المكسورين

مات ياسين

أيوه مات

راح وخلَّف بين ولادنا كتير حاجات

إنَّما حتَّى العواصف في هبوبها

والجبال ويَّا شموخها

والنجوم هيَّ وقمرها

والبحار موجها وهدوءها

والنفوس كل النفوس

في بلاد المظلومين

وف بلاد الظالمين

حسُّوا إنو السوط بيضرب ظهر إنسان السلام

سوط بيقول للناس اصحوا

مش تعبتوا من المنام

شوفوا انسان الحقيقه اللي ارتفع فوق الكلام

أسمو أحمد

وهوَّ فعلاً كان بخلقه زيِّ أحمد

خلقه فيه العزِّ قوه

والرجولة العالية نخوه

والبطولة السامية راية

والشهادة عنده غاية

والكرامة نظرة غاليه

في عيون الشيخ ياسين

هوَّ فعلاً كان قعيد

إنَّما بالعزم كان زيِّ الحديد

بعمرو ما ف يوم لان لغاصب

أو لحاكم في سبيل صيد المكاسب

هوَّ راجل يعني راجل

والرِّجال خير المعاقل

إنَّما ياحسره إحنا

بعد منو جتنا محنة

والسراب غطى البلاد بالضباب

والعدو رفع الحجاب

وجب جدار الفصل يحجب عن قلوبنا

أي نسمة حب جايه من بلادنا

أه ياأرض المظلومين

ابكي جيل المحرومين

عليِّ صوتك بالبكا

واطلبي الرَّحمة خلاص

من إله العالمين

شعر

بنت البحر

يكفيكم فخراً فأحمد منكم***وكفى به نسباً لعزِّ المؤمن

بورسعيدى
16-10-2005, 02:29 AM
جميل جدا موضوعك يا اسماء
ورحم الله الشهيد وليس الميت

الامير عبده
16-10-2005, 09:26 AM
ايه الجمال ده ياسوما
بجد رائعه رائعه رائعه
اللهم ارحم شهيدنا

(النجم)
16-10-2005, 09:54 AM
ان لله وان اليه راجعون :huh: :huh: :huh: :huh: بس على فكره يا سوما متزعليش على يا سين علشان هو شهيد يعنى حئ :( :( :( :( :(
شكرا سوماااااا على مواضيعك اجميله جدااااااااااااا ;) ;) ;) ;)

اسماءفريد
16-10-2005, 08:37 PM
شكرا جدا ليكوا ولردك الطيب
والشهيد في الجنه ان شاء الله

msamido
16-10-2005, 08:43 PM
انا لله وانا اليه راجعون

شكراااا يا سوما

نرجوا مواضلة التميز

وده لينك لموضوع ليا في نفس الفكره والاطار

الرمز والصمت والظلام (http://www.thanwya.com/forums/index.php?showtopic=3402&hl=)

شكرا ليكي

اسماءفريد
16-10-2005, 09:01 PM
الشكر لله يا محمد
وشكرا لمتابعتك

علمي علوم
19-10-2005, 06:16 PM
مهما شكرتك يا سوما على القصيدة الجمييييييييلة اوى اوى دى مش هوفى

بس مش بايدى غير انى اقولك شكرررررررررررررررررررررا

ورحم الله شهيدنا الغالى (الشيخ أحمد ياسين)

اسماءفريد
21-10-2005, 12:45 PM
شكرا لردك يا اميره
وجزاكي الله خيرا

علمي علوم
22-10-2005, 10:50 PM
العفو يا اسماء وجزانا وإياكى

.. Mysterious ..
11-02-2009, 10:59 PM
إنا لله وإنا إليه راجعون
حقيقي ربنا يرحمه ويدخله فسيح جناته
جزاك الله خيرا يا فندم

hend ere
16-02-2009, 04:44 PM
حقيقى موضوع جميل اوى مرسى كثير ليك
ومرسى ليك يا احمد على تنشيط الموضوع الجميل ده لينا