السلام عليكم ورحمة الله وبركاته

معروف عن الشعب المصري حبه الشديد لممارسة شيء يسمى " الفتي فكل شيء ، اعرفه او لاء المهم افتي وخلاص ..! " :cool:

ولأن دلوقتي السياسة بقت شغلانة من لا شغل له :cool:
ماتفتحش قناة الا وتلاقي كم واحد ظريفين كدا قاعدين
وبيتناقشوا فحال البلد ..! :028ja7:
ومش مهم على فكرة انت فاتح قناة تخصصها ايه
لأن دا مش مهم ، المهم انهم يتكلموا وخلاص
والكل عمال يفتي اشمعنى هما يعني ؟؟؟؟!

مثلاً يعني دلوقتي كل ماييجي بابا يفتح قناة من القنوات ال بيُقال انها " رياضية "
الاقي " فلان " او " فلان " او حتى " فلان "
مابحبش اجيب فسيرة حد :p:p
قاعدين قعدة حلوة كدا وال بيتكلموا فسياسة البلد :039uw8:
وكلو كلام مش عارفة اصنفه تحت اي مسمى
الا انه كلام فاضي لا مؤاخذة يعني .. :blush:

فالبداية استغربت قولت ياربي هو ايه ال حصل
مش دول كانوا زمان بيقولوا جوزيه نزّل وحسن شحاتة بدّل و غالي اتطرد و 4 ، 4 ، 2 و كورنر و اوف سايد :av4056bb7jp3:
ايه ال قلب حالهم كدا ؟؟؟!

اكتشفت بعديها ان الدوري وقف :o:o
معنى كدا ان لا فيه 4 ، 4 ، 2 ولا حتى 5 ، 3 ، 2
فمش معقولة يعني يفضلوا من غير شغل
فيعملوا ايه ؟؟؟ :rolleyes:

اكيد يتكلموا فالسياسة .. :006et4:

دي حاجة :bosyht9:

الحاجة التانية وال غيظاني اوي
اني كل مافتح قناة الاقيهم بيتكلموا فالسياسة
مافيش جديد انا عارفة :d:d
بس انا بصراحة مستغربة
هي السياسة دي مش بتخلص خالص
او يعني هو مافيش حاجة غيرها نتكلم فيها حالياً مثلاً ..

اقولكم على حاجة هتفهموا اناقصدي ايه

من يومين كدا على قناة الحياة كانت لبنى عسل
مستضيفة شباب زي الورد كدا :friendsxs3:
من مختلف التخصصات ، ال لحقت اشوفهم بصراحة وركزت معاهم
واحد مهندس مش اكتشف لكن قادر على تصنيع الطيارات ال بتطير من غير طيار:av4056bb7jp3:
بدل خيبتنا التقيلة فستيراد كل حاجة :angry2::angry2:
فكان حواره جميل اوي بيتلخص فاننا حتى لمابنستورد بتبقى الحاجة مش اخر موديل الى جانب انها بيبقى فيها عيوب تجبرك انك تفضل اسير للمصدر بتاعها :romarioxp6:
لأنك ببساطة مش عارف تركيبها ايه وماشية ازاي ..
فهو توصل لكيفية التصنيع بتاعتها .. :022yb4:
حلو مش كدا ؟

التاني كان الدكتور امين محمود صبري
لو حد عارفه او سمع عنه ;)
مؤسس علم الديناتولوجي
كان بيدي نبذة عن العلم دا وكيفية الاستفادة منه
وازاي انه بواسطته قدر ان يلخص منهج الفيزيا ث ع في 10 صفحات
دا اهم حاجة :d

المهم يعني اكيد هتقولوا طيب ايه المشكلة :bosyht9:
انا اقولكو المشكلة

تعرفوا الوقت ال اتكلم فيه الشباب دا اد ايه ؟؟؟
او سؤال تاني / اي برنامج توك شو من بتوع الاخبار والكلام ال مالهوش لازمة بياخد اد ايه ؟

مش عاوزة اقولكو ان حتى الشباب ماحدش منهم قدر يعبر عن فكرته بالشكل ال يقدر يوصلها للمشاهد
وال ايه وقتنا خلص ..! :angry2:
فانا قولت يعني عندهم وقت للرغي الفاضي
ومش عندنا وقت اننا نشوف الشباب دا وال هما امل البلد دي

بصراحة مش عارفة احنا بنفكر ازاي او امتى ربنا هيمنّ علينا ونعمل حاجة صح :blush:

يعني بدل ما كلنا عمّالين نفتي وخلاص وبنضيع وقتنا ووقت الناس
ليه مش ندور ونكتشف المواهب دي
ليه مش كل واحد يركز فتخصصه ويسكت عن الحاجة ال مش بتاعته
ليهات كتير بصراحة :lol:

بس انا تعبت من الكتابة :d

اتمنى اسمع رأيكو

ان الانسان يعرف اختصاصه ده هيفيدها علشان يؤدي عمله بشكل سليم
موضوع جميل
شكرا لك

والله احنا مشكلتنا فى الناس دى
اللى ما تعرفش ليهم رائ ولا مبدا
المهم يتكلم اى كلمتين عن البلد ومصلحة البلد
ويهاجم الناس الوحشة التانية اللى بتهدد استقرار البلد
نفسى والله ما اشوفش الناس دى تانى
فى الاعلام لانهم غير مؤهلين اصلا
ده غير انهم السبب فى اشياء كتير بتحصل فى البلد
ربنا يرحمنا من شلبلب وامثاله:d
واكيد طبعا الناس اللى زى كده هتبقى ليها
مساحة اكبر علشان الاعلانات والفلوس
لكن ناس معاها مشروعات مفيدة
هيعملوا بيها ايه
البلد مش محتاجة الناس دى البلد محتاجة كلام فاضى وخلاص:blush:
شكررا على الموضوع الجميل

انا كنت هعمل نفس التوبيك .. لان بجد الاعلام الرياضى حاجة تغيظ ,,
انا اصلا مقاطع الاعلام المصرى .. واى حاجة مصرية تخص هؤلاء والاعلام المنافق ..
يعنى الواحد فى الاول كان يقلب على برنامج رياضى اذا كان لشلبوكا او شوبير او الغندور تلاقيهم بيتكلموا فى اى حاجة مش السياسة بس ,, :angry2:
مرة الاقيهم بيقولوا نكت ولا فى مرة لقيتهم بيتكلموا على صورة واحدة فى ماتش وده يقولوا ده تخينة والتانى يقولوا ياعم ده رفيعة وكلام ماينفعش يتقال على تلفزيون بيشوفه مصريين واسر ملتزمة ومحترمة .. :(
وكانوا بشتموا بعض فى البرامج زى شوبير ومرتضى وحوار السيديهات الشهير وحوار مدحت شلبى وعلاء صادق ويسيب الرياضة خالص ويدافعوا عن نفسهم ويبقى البرنامج المفروض اسمه للدفاع عن مذيعه !!
ولاكان ده قناة رياضية ولابرنامج رياضى .. :excl:
نقطة تانية غير كده ,, هما اصلا غير مؤهلين لانهم يتكلموا فى الرياضة اصلا ..!!
اللى هو البرنامج ده الاساس بتاعه ..
ليه بقى ..
لانهم اصلا لم يدخلوا اى مجال فى الرياضة غير ان 90 فى المية منهم كانوا لاعبين فقط ..
والباقى مالوش دور فى اى حاجة .. يعنى مفيش متخصص ولما بيتكلموا فى الكورة انا نفسى بطلع اخطاء ليهم وزملائى واصدقائى ,,
مفيش غير واحد بس بتفرج عليه اسمه خالد بيومى فقط دلوقتى ..
وغير كده انا نفسى اسالهم ,,يعنى انا لما بقلب على اى قناة رياضية .. انا لو عاوز اسمع سياسة كنت قلبت من الاول على قناة او برنامج سياسى ,,:)
انما انا عاوز اتفرج على رياضة.. الا قيكم برضه بتتكلموا فى السياسة !! :bosyht9:
زى ماقولت فى توبيك سابق اللى كنت هكمله بنفس فكرة التوبيك ده على الافلام التافهة والاغانى التافهة انها محتاجة ثورة ..
الاعلام المصرى كله محتاجة ثورة .. لان للاسف الحاجة اللى بتدخل فى الجذور محتاجة قطع من الجذر نفسه ..
شكرا على التوبيك الجميل جداااااااا .. جزيتى خيرا أ \ نقاء

ان الانسان يعرف اختصاصه ده هيفيدها علشان يؤدي عمله بشكل سليم
موضوع جميل
شكرا لك

اكيد .. عشان كل واحد هيركز فحاجة واحدة
بدل الفوضوية ال احنا عايشينها دي ..
الاجمل مرور حضرتك ،
جزاك الله خيراً ..

الحمد لله ربنا كرمني وقريت التوبيك كله
:d
أكيد كلامك مظبوط نقاء
وأتمني صوتك يوصل للإعلاميين
:)

مشكوره ع التوبيك يا قمر اللي محتاجينه يتنفذ ف الوقت الراهن

وفعلاً حالياً سمك لبن تمر هندي ولوز وفزدق ومهلبيه :d

والله احنا مشكلتنا فى الناس دى

اللى ما تعرفش ليهم رائ ولا مبدا
المهم يتكلم اى كلمتين عن البلد ومصلحة البلد
ويهاجم الناس الوحشة التانية اللى بتهدد استقرار البلد
نفسى والله ما اشوفش الناس دى تانى
فى الاعلام لانهم غير مؤهلين اصلا
ده غير انهم السبب فى اشياء كتير بتحصل فى البلد
ربنا يرحمنا من شلبلب وامثاله:d
واكيد طبعا الناس اللى زى كده هتبقى ليها
مساحة اكبر علشان الاعلانات والفلوس
لكن ناس معاها مشروعات مفيدة
هيعملوا بيها ايه
البلد مش محتاجة الناس دى البلد محتاجة كلام فاضى وخلاص:blush:

شكررا على الموضوع الجميل


ايوة دا كل يوم الاقيهم يقولوا كلام شكل
مش عارفة مش بيتكسفوا دول ولا ايه :blush:
وبيفضلوا يعيدوا ويزيدوا فحاجات مالهاش لازمة
هههههه ياريت تيجي على شلبوكة
دا فيه زي كتير :d:d
وكمان ياريت بيعرفوا يتكلموا فالرياضة عشان يتكلموا فالسياسة
ربنا يتوب علينا :rolleyes:
اه والله ..
بدل ماندور عالناس ال هتبني المستقبل وتصلح البلد
بندور عالناس الفاضية .. :romarioxp6:
ربنا يهدي ..

جزاك الله خيراً عالمرور ..

اكتشفت بعديها ان الدوري وقف :o:o
معنى كدا ان لا فيه 4 ، 4 ، 2 ولا حتى 5 ، 3 ، 2
فمش معقولة يعني يفضلوا من غير شغل
فيعملوا ايه ؟؟؟ :rolleyes:


هههههههههههههههههههههههه
تسلم ايدك

موضوع جميل نقاء فعلا أنا والله مستغربة جدا
دا أنا كنت معتقدة إن متحاملة عليهم وكأني أنا اللي ملحظة كدا لوحدي
الحمد لله طلع لي أقران مثلي شكرا قرينتي وشقيقتي :d

كل أما أشاهد الحاجات دي أقعد أكلم نفسي إيه دا هي السياسة بقت إيه ؟!!!!!!!!!!!!!!
اللي مكنش حد يجرؤ أنه يتكلم فيها .
وكل اما احب اشوف حاجة مفيدة الاقي صورة طبق الأصل لكل البرامج ولا يوجد جديييييييييد !!!!!!!!!
وبالليل مباشر والنهار إعادة !
لدرجة إن والله اتعقدت واقعد بالفترة لا أفتح التلفزيون نهائي
بلاش ضغط

تصدقي أنا كمان بستغرب لما بكون عند واحد قريبي وهو مقيم أدام القنوات الرياضية :d
وتلاقي القنوات بتكلم ف السياسة ...!!
بس انت عارفة ليه بيعملوا كداا
لأن الشعب المصري دلوقتي اتجه اتجاه نحو السياسة..
وهما بئا عايزين يكسبوا فلوس وخلاص
وإعلانات فجاري الموقف عشان برنامجك يستمر
يابنتي لو انت فهمتي المصطلحات العلمية
وليه اهتمامات علمية غيره ملهوش
أو بمعني أصح
البرنامج ياحبيبتي قايم ع حاجة معروفة ف الإعلام
هي الإعلانات..
البرنامج هيجيب لنا إعلانات أد ايه
مش مهم أي حاجة تانية بئا

انا كنت هعمل نفس التوبيك .. لان بجد الاعلام الرياضى حاجة تغيظ ,,
انا اصلا مقاطع الاعلام المصرى .. واى حاجة مصرية تخص هؤلاء والاعلام المنافق ..
يعنى الواحد فى الاول كان يقلب على برنامج رياضى اذا كان لشلبوكا او شوبير او الغندور تلاقيهم بيتكلموا فى اى حاجة مش السياسة بس ,, :angry2:
مرة الاقيهم بيقولوا نكت ولا فى مرة لقيتهم بيتكلموا على صورة واحدة فى ماتش وده يقولوا ده تخينة والتانى يقولوا ياعم ده رفيعة وكلام ماينفعش يتقال على تلفزيون بيشوفه مصريين واسر ملتزمة ومحترمة .. :(
وكانوا بشتموا بعض فى البرامج زى شوبير ومرتضى وحوار السيديهات الشهير وحوار مدحت شلبى وعلاء صادق ويسيب الرياضة خالص ويدافعوا عن نفسهم ويبقى البرنامج المفروض اسمه للدفاع عن مذيعه !!
ولاكان ده قناة رياضية ولابرنامج رياضى .. :excl:
نقطة تانية غير كده ,, هما اصلا غير مؤهلين لانهم يتكلموا فى الرياضة اصلا ..!!
اللى هو البرنامج ده الاساس بتاعه ..
ليه بقى ..
لانهم اصلا لم يدخلوا اى مجال فى الرياضة غير ان 90 فى المية منهم كانوا لاعبين فقط ..
والباقى مالوش دور فى اى حاجة .. يعنى مفيش متخصص ولما بيتكلموا فى الكورة انا نفسى بطلع اخطاء ليهم وزملائى واصدقائى ,,
مفيش غير واحد بس بتفرج عليه اسمه خالد بيومى فقط دلوقتى ..
وغير كده انا نفسى اسالهم ,,يعنى انا لما بقلب على اى قناة رياضية .. انا لو عاوز اسمع سياسة كنت قلبت من الاول على قناة او برنامج سياسى ,,:)
انما انا عاوز اتفرج على رياضة.. الا قيكم برضه بتتكلموا فى السياسة !! :bosyht9:
زى ماقولت فى توبيك سابق اللى كنت هكمله بنفس فكرة التوبيك ده على الافلام التافهة والاغانى التافهة انها محتاجة ثورة ..
الاعلام المصرى كله محتاجة ثورة .. لان للاسف الحاجة اللى بتدخل فى الجذور محتاجة قطع من الجذر نفسه ..
شكرا على التوبيك الجميل جداااااااا .. جزيتى خيرا أ \ نقاء

سبقتك يعني :p
اه والله البرامج دي كل حاجة نلاقيها فيها
واكتر الاوقات كانت مواضيعها بعيدة عن الرياضة
فعلاً والله معاك حق .. اما انا يلي ماعرفش فالكورة
احياناً بحسهم بيعكوا ..! :006et4:
وغير الكلام ال بيدّعوا فيه انهم مش عاوزين تعصب
وهما اساس الدعوة للتعصب فالبلد ،
و قلة هي ال يتسمع ليها
ايووووة خالد بيومي دا كووويس اوي
وبحب اسمع تحليله بالرغم انه اسمعلاوي
بس شخصية محترمة جداً وكلامه منطقي وانسان فاهم فعلاً ..
على رأيك والله :) ..
محتاجين ثورات كتيرة وحاجات كتير تتغير
الطريق طويل لسة قدامنا ..
لكن الاهم انه زي ماقلت يكون التغيير من الجذور
عشان الدنيا تتبني بجذور صحيحة فتكون النتايج بردو صح ..

الاجمل مرور حضرتك الرائع
جزاك الله خيراً

الحمد لله ربنا كرمني وقريت التوبيك كله

:d
أكيد كلامك مظبوط نقاء
وأتمني صوتك يوصل للإعلاميين
:)

مشكوره ع التوبيك يا قمر اللي محتاجينه يتنفذ ف الوقت الراهن

وفعلاً حالياً سمك لبن تمر هندي ولوز وفزدق ومهلبيه :d



ههههههههه الحمدلله :d
ياريت ياسمر والله ..
عاوزين نشوف اعلام واعي مثقف
مش مجرد ترهات بتتعرض وتملى عقول الناس بحاجات فارغة
العفوو حبيبة قلبي ،
هههههههههههههه شكلك جعانة ياقمر :d
جزاكِ الله خيراً عالمرور الطيب ..

اكتشفت بعديها ان الدوري وقف :o:o

معنى كدا ان لا فيه 4 ، 4 ، 2 ولا حتى 5 ، 3 ، 2
فمش معقولة يعني يفضلوا من غير شغل
فيعملوا ايه ؟؟؟ :rolleyes:


هههههههههههههههههههههههه
تسلم ايدك

جزاك الله خيراً عالمرور الطيب
شكراً جزيلاً ..

موضوع جميل نقاء فعلا أنا والله مستغربة جدا
دا أنا كنت معتقدة إن متحاملة عليهم وكأني أنا اللي ملحظة كدا لوحدي
الحمد لله طلع لي أقران مثلي شكرا قرينتي وشقيقتي :d

كل أما أشاهد الحاجات دي أقعد أكلم نفسي إيه دا هي السياسة بقت إيه ؟!!!!!!!!!!!!!!
اللي مكنش حد يجرؤ أنه يتكلم فيها .
وكل اما احب اشوف حاجة مفيدة الاقي صورة طبق الأصل لكل البرامج ولا يوجد جديييييييييد !!!!!!!!!
وبالليل مباشر والنهار إعادة !
لدرجة إن والله اتعقدت واقعد بالفترة لا أفتح التلفزيون نهائي
بلاش ضغط



هههههههههه لاء كلنا ملاحظين حبيبتي
ايوة شقيقتك بتلاحظ ال بتلاحظيه بالظبط :d..
مش المشكلة فالكلام فالسياسة
المشكلة مين ال بيتكلم وبيتكلم ازاي ..
الناس دلوقتي كلو بيفتي فكلو ..
عشان ال فاته حلقة يلحق يشوفها ومتفتوش :d
ربنا يهدي ونشوف اعلام كويس قريب ..
جزاكِ الله خيراً عالمرور العطر ياقمر

عادي
كل واحد دلوقتي بيتكلم ف السياسة وعامل نفسه سياسي مفيش منه اتنين :rolleyes:
يعني حتيجي ع الكورة وتقف :blush:
ع رأي واحد غالي عليا ( مقلتش حاجة اهو :( ) الموضة كانت تلهية الناس في الكورة
وعشان كده كان التحليل للمباراة بياخد ساعات عشان الناس تفضل متلهية ف الكورة وخلاص
ودلوقتي موضة السياسة والكورة اتوقفت خلاص
يبئا الاعلانات تيجي ازاي؟
اكيد عن طريق الحاجة ال الناس بتتكلم فيها وعنها :006et4: وهي دلوقتي السياسة

تحياتي واحترامي

تصدقي أنا كمان بستغرب لما بكون عند واحد قريبي وهو مقيم أدام القنوات الرياضية :d

وتلاقي القنوات بتكلم ف السياسة ...!!
بس انت عارفة ليه بيعملوا كداا
لأن الشعب المصري دلوقتي اتجه اتجاه نحو السياسة..
وهما بئا عايزين يكسبوا فلوس وخلاص
وإعلانات فجاري الموقف عشان برنامجك يستمر
يابنتي لو انت فهمتي المصطلحات العلمية
وليه اهتمامات علمية غيره ملهوش
أو بمعني أصح
البرنامج ياحبيبتي قايم ع حاجة معروفة ف الإعلام
هي الإعلانات..
البرنامج هيجيب لنا إعلانات أد ايه

مش مهم أي حاجة تانية بئا


هههههه الكل كدا والله :d
اه ، لاء وكمان الدوري واقف
يعني شغلهم الاساسي متوقف
فمش معقولة هيفضلوا ساكتين ومن غير شغل
فلازم يمشوا المواضيع ..
ماهو الناس مش هتفضل طول عمرها مش عارفة
وبدل مانتكلم فحااجات فاضية ، اللازم نوعي الناس
بالمصطلحات دي او غيرها ..
ومرة فمرة الناس هتفهم ..
بس على رأيك صاحب القناة مايهموش غير الفلوس
فبيعمل اي حاجة :romarioxp6:

جزاكِ الله خيراً عالمرور الرائع ياقمر ..

عادي


كل واحد دلوقتي بيتكلم ف السياسة وعامل نفسه سياسي مفيش منه اتنين :rolleyes:
يعني حتيجي ع الكورة وتقف :blush:
ع رأي واحد غالي عليا ( مقلتش حاجة اهو :( ) الموضة كانت تلهية الناس في الكورة
وعشان كده كان التحليل للمباراة بياخد ساعات عشان الناس تفضل متلهية ف الكورة وخلاص
ودلوقتي موضة السياسة والكورة اتوقفت خلاص
يبئا الاعلانات تيجي ازاي؟
اكيد عن طريق الحاجة ال الناس بتتكلم فيها وعنها :006et4: وهي دلوقتي السياسة

تحياتي واحترامي


ايوة اعلامنا ماشي عالموضة
اعلام اخر موديل :d
الرياضة موضتها قدمت فقلبوا عالسياسة
وكل ماتطلع حاجة يلهوا بيها الناس
يدخلوا فيها :mad:
يلا ربنا يهدي ..

جزاك الله خيراً عالمرور الكريم ..

التخصص ، هو ثقافة نفتقدها
والعلاقة بين التخصص والتقدم علاقة طردية
فكلاهما يدعم الآخر ويخدمه
ولكن هذا لا يمنع الأنسان من محاولة اكتساب معلومة من كل كل علم

حكى لنا أحد الأصدقاء عن بن خاله الذى سافر لأمريكا لعقد إحدى صفقاته
وهناك أراد أن يخلع أحد أضراس الفك العلوى فى عيادة الأسنان
حيث صرفه الطبيب قائلاً : أنا تخصصى أضراس الفك السفلى .
لا أعلم مدى صدق الرواية لكنى هكذا سمعتها
جزيل الشكر على الموضوع
جزاكم الله خيراً

التخصص ، هو ثقافة نفتقدها
والعلاقة بين التخصص والتقدم علاقة طردية
فكلاهما يدعم الآخر ويخدمه
ولكن هذا لا يمنع الأنسان من محاولة اكتساب معلومة من كل كل علم

حكى لنا أحد الأصدقاء عن بن خاله الذى سافر لأمريكا لعقد إحدى صفقاته
وهناك أراد أن يخلع أحد أضراس الفك العلوى فى عيادة الأسنان
حيث صرفه الطبيب قائلاً : أنا تخصصى أضراس الفك السفلى .
لا أعلم مدى صدق الرواية لكنى هكذا سمعتها
جزيل الشكر على الموضوع
جزاكم الله خيراً

تماام جداً كلام حضرتك
بس المشكلة عندنا اننا مش بنكتسب
احنا بنفتي ..
وياريت الثقافة دي نقدر نكتسبها مستقبلاً ان شاء الله ..

بالنسبة للقصة ال حضرتك ذكرتها
انابميل لتصديقها بشكل كبير
لأن دكتورة مرة قالتلنا ان حالياً في تخصصات
تحت التخصصات الكبيرة
زي في تخصص الرمد مثلاً مابقاش الدكتور تخصص رمد وبس
لاء دا تخصص رمد " جزء كذا فالعين "..

جزاك الله خيراً استاذي الفاضل عالمرور الرائع ..

الكل عامل مفكر سياسى عالم فى كل شىء هى دى المشكلة ، الكل أستاذ فى الكلام وفقط لكن أين الفعل والمبدأ الحقيقى الله أعلم ،الكل أصبح ثائر حتى رموز الفساد تحولو ا إلى دعاة على المنبر ،فربنا يسطر على البلد

الله يرحم ايام مبارك مكنش حد يستجرأ يتكلم ف السياسة :d

الله يرحم ايام مبارك مكنش حد يستجرأ يتكلم ف السياسة :d

:angry2::angry2::angry2:

ربنا يخده .. هو اللي وصلنا للمره دي

...

بس تصدقي مكنش حد يقدر ينطق ببنت شفه ف السياسه
كنا مغيبين أخر حاجه
:d:p

الكل عامل مفكر سياسى عالم فى كل شىء هى دى المشكلة ، الكل أستاذ فى الكلام وفقط لكن أين الفعل والمبدأ الحقيقى الله أعلم ،الكل أصبح ثائر حتى رموز الفساد تحولو ا إلى دعاة على المنبر ،فربنا يسطر على البلد

تماام جداً كلام حضرتك ..
يارب .. ونعدي الفترة دي ع خير
جزاك الله خيراً عالمرور الكريم ..

الله يرحم ايام مبارك مكنش حد يستجرأ يتكلم ف السياسة :d

هههههههه وهما يعني كانوا ساكتين
ماهم كانوا اكبر مطبلطية بردو :d
ربنا يهدي ،
تسلمي عالمرور الجميل ياقمر