مشاهدة النسخة كاملة : دكاترتنا.. سؤال صغير..(ايه الفرق بين طب طنطا وطب القاهرة او عين شمس ؟؟)


karimbar
02-07-2012, 01:42 PM
من فضلكوا ذوي الخبرة ممكن اعرف ايه الفرق الجوهري بين طب طنطا او اي طب اخرى في مصر .... وانا بخص طنطا لانها الاقرب لي ..وشكرا ً

Dr/Reem2011
04-07-2012, 03:29 PM
كان نفسي افيدك والله
بس انا معرفشي عن طنطا عموما في كليتها غير انها عقده
بس التعليم اكيد افضل في الققاهره وعين شمس

يااريت بقه حد بيفهم عني في الموضوع ده يرد

mohammed shady
12-07-2012, 06:44 AM
انا ف طب القاهرة واحب اقولك كليتنا احسن كلية ف مصر بجدارة ....

وده حتى من غير ما احتاج انى اعرف اى كلية تانية .... كفاية الدكاترة اللى فيها ...

دكاترة علماء بجد ..... بيحببوا الطالب ف المواد ...

هتتعب اه لكن هتحس من جواك بالفرحة والفخر بانك ف كلية زى دى وبتتعلم على ايد دكاترة زى دول ....

عين شمس ممكن تكون كويسة لكن صعبة وواحد صاحبى فيها بيقولى انها معقدة اوى والدكاترة بتتعامل وحش مع الطلاب

وكده لكن الله اعلم ..

لكن لو جاتلك الفرصة انك تدخل القصر العينى متتأخرش وهتلاقى اسر هناك كويسة اوى وهتلاقى المحاضرات متصورة فيديو

ودى الحاجة الجديدة اللى احنا مجهزينها لطلبة اولى ان شاء الله ...

وفى الاخر ربنا معاك .....^_^

عمرو.22
12-07-2012, 02:39 PM
اللي نفسو يكره حياته و يعيش طول السنة في شد عصبي و جحيم يدخل طب عموما و طب عين شمس خصوصا ( أصعب كلية طب على مستوى الجمهورية و بجدارة )

و الله يا جماعة أنا اتصدمت السنة اللي فاتت و مكنتش متوقع ان الدراسة فيها رخمة للدرجة دي و خصوصا كليتي مشكلتها في الامتحانات بتاعتها بتبقا رخمة أوي و كتيرة و المناهج كبيرة .. صحيح الدكاترة ممتازين و محترمين بس المناهج رخمة أوي

نصيحة لكل ضحية جديدة من ضحايا الطب : متفتكرش انك داخل على نعيم بالعكس أبسليوتلي انتا هتشوف اللي عمرك ما شفته في دراستك اللي قبل كدا كلها يكفي لما تيجي في آخر السنة و تلاقي قدامك أكتر من 2000 صفحة كلهم انجليزي طبعا و أكتر من تلتهم ملحقتش تذاكرو أثناء الدراسة ده لو انتا دحيح و على الاقل ربعهم انتا مش فاهم منه حاجة و لازم تبقا حافظهم زي اسمك و إلا هتتبهدل في الامتحانات

و الله الثانوية العامة أسهل من الدراسة في الطب عموما و عين شمس خصوصا

اللهم اني بلغت اللهم فاشهد

karimbar
17-07-2012, 10:59 AM
شكــــــــــــــرا ً جزيــــــــــــلا ً علـــــى الردود .. أتمنى التوفيق للجميع.

the brutal storm
20-07-2012, 09:42 AM
الله اعلم.....

Free angel
20-07-2012, 05:43 PM
اللي نفسو يكره حياته و يعيش طول السنة في شد عصبي و جحيم يدخل طب عموما و طب عين شمس خصوصا ( أصعب كلية طب على مستوى الجمهورية و بجدارة )

و الله يا جماعة أنا اتصدمت السنة اللي فاتت و مكنتش متوقع ان الدراسة فيها رخمة للدرجة دي و خصوصا كليتي مشكلتها في الامتحانات بتاعتها بتبقا رخمة أوي و كتيرة و المناهج كبيرة .. صحيح الدكاترة ممتازين و محترمين بس المناهج رخمة أوي

نصيحة لكل ضحية جديدة من ضحايا الطب : متفتكرش انك داخل على نعيم بالعكس أبسليوتلي انتا هتشوف اللي عمرك ما شفته في دراستك اللي قبل كدا كلها يكفي لما تيجي في آخر السنة و تلاقي قدامك أكتر من 2000 صفحة كلهم انجليزي طبعا و أكتر من تلتهم ملحقتش تذاكرو أثناء الدراسة ده لو انتا دحيح و على الاقل ربعهم انتا مش فاهم منه حاجة و لازم تبقا حافظهم زي اسمك و إلا هتتبهدل في الامتحانات

و الله الثانوية العامة أسهل من الدراسة في الطب عموما و عين شمس خصوصا

اللهم اني بلغت اللهم فاشهد


ايه كل ده بالراحة ع الشباب دول لسه جداد وفرحانين بالمجمووووووووع

هى صحيح الكلية صعبة ومقرفة بس ع الاقل ليها اسم وهيكون ليك مستوى بعد كده ان شاء الله
والكلام اللى بالاحمر ده معاك فيه بس ده الطبيعى مع كله مش ف عين شمس بس
انا ف اولى عين شمس
واكيد كل حاجة فيها مميزات وعيوب .......... يعنى مثلا النشاط الطلابى فيها جامد جدى