مشاهدة النسخة كاملة : سؤال بخصوص الدبلومة الخاصة-طنطا
بنت الأزهـر 18-07-2012, 04:51 AM السلام عليكم
كل رمضان وحضراتكم بخير.
عاوزة أسأل عن الدبلومة الخاصة في كلية التربية جامعة طنطا. انا حصلت على دبلوم مهني تخصص علم نفس مدرسي بتقدير جيد جدا الحمد لله. فكيف أكمل دبلومة خاصة؟
ويا ريت كل المعلومات عنها موعد التقديم؟ والمصاريف؟ بداية الدراسة وأين أجد الجدول؟ لأني بصراحة تعبت جدا في البحث عن اجدول أيام الدبلوم المهني.
وهل في امتحان قبول؟ وبيكون عن ايه؟
ودراسة الدبلومة الخاصة هل هي مواد محددة؟ هل فيها اختياري؟
وسؤال أخير إذا تكرمتم. تخصصي لغة إنجليزية ودخولي دبلوم مهني علم نفس مدرسي كان قدرا لأنني لم أفهم الأقسام جيدا. فهل يمكنني اختيار ما شئت في الدبلومة الخاصة ولا كدا خلاص لازم أكمل بعلم النفس المدرسي؟
وجزاكم الله كل خير.
Mr_Ahmed Ghanem 20-07-2012, 03:34 PM انا بستفسر عن الدبلومة برضه لكن قسم تدريس مادة اكاديمية ياريت حد يفيدنا
MAYSAKASSEM 04-08-2012, 01:19 AM عند فتح باب القبول للدبلومة حضرتك تذهب للكلية وتسحب ملف وتقدم عادي مثل الدبلوم المهني بس في الدبلوم الخاص الا بيروح بدري بيختار الاقسام السهلة الا عاوزها وخاصة في المواد الاختيارية الدبلوم الخاص 8 مواد في ثلاث مواد مشتركة للجميع وهي مناهج بحث وبيعطيها 3 دكاترة - وقراءات بالللغة الانجليزية ويعيها 2 دكاترة واحصاء وصفي واتدلالي وبيعطيها 3 دكاترة
شريف حموده 04-08-2012, 08:59 PM لتصحيح المعلومه الدبلوم الخاص 8 مواد
4 اساسى وهم
مناهج بحث
حلقه بحث
احصاء وصفى واستدلالى
قراءات باللغه الانجليزيه
2 ماده تخصصى حسب التخصص
2 ماده اختيارى(اى مادتين من الاقسام الاخرى عدا القسم الذى اخترته)
المصاريف حوالى 900 جنيه والتقديم تقريبا بعد العيد
والدراسه صعبه شويه
وبالتوفيق ان شاء الله
bakkar101 06-08-2012, 09:28 PM أرجو الرد من الزملاء الافاضل للضرورة . السلام عليكم ورحمة الله وبركاته . كل عام وانتم بخير . أستأذنكم فى سؤال . أنا أخدت الدبلومة المهنية قسم إدارة مدرسية سنة 2009 بتقدير جيد جداً من جامعة سوهاج وبصراحة حسيت ان اللى اقدر اكمل فيه هو التربية المقارنة ولكن لظروف خاصة منعتنى انى اكمل وأنا مقيم الآن فى سوهاج وعايز آخد الدبلومة الخاصة فى جامعة طنطا لأنى بعد سنة ان شاء الله ممكن أنقل السكن هناك لأنى معلم مساعد وفى انتظار التثبيت . لكن السؤال هل ينفع أقدم وانا ساكن فى سوهاج بدون تغيير محل إقامة ؟ وهل الحضور مهم لأنى طبعاً مش حقدر أحضر غير على الامتحانات ؟ ومصاريف التقديم كام والدبلومة الخاصة كلها ممكن تكلف كام بالمذكرات والكتب ؟ وهل ينفع انى أتخصص فى الدبلومة الخاصة فى قسم التربية المقارنة ولا بتبقى دراسة عامة والتخصص فى الماجيستير ؟ وانا جبت جيد جداً فى الدبلومة المهنية ححتاج تقدير ايه فى الخاصة عشان أكمل ماجيستير ؟ . وأعتذر عن كثرة الأسئلة . وشكراً لكم
بنت الأزهـر 12-08-2012, 08:08 AM انا بستفسر عن الدبلومة برضه لكن قسم تدريس مادة اكاديمية ياريت حد يفيدنا
ربنا يوفق حضرتك وييسرلك كل خير.
عند فتح باب القبول للدبلومة حضرتك تذهب للكلية وتسحب ملف وتقدم عادي مثل الدبلوم المهني بس في الدبلوم الخاص الا بيروح بدري بيختار الاقسام السهلة الا عاوزها وخاصة في المواد الاختيارية الدبلوم الخاص 8 مواد في ثلاث مواد مشتركة للجميع وهي مناهج بحث وبيعطيها 3 دكاترة - وقراءات بالللغة الانجليزية ويعيها 2 دكاترة واحصاء وصفي واتدلالي وبيعطيها 3 دكاترة
يعني أروح بدري أفضل. جزاك الله كل خير. طيب وايه هي الأقسام السهلة دي؟
لتصحيح المعلومه الدبلوم الخاص 8 مواد
4 اساسى وهم
مناهج بحث
حلقه بحث
احصاء وصفى واستدلالى
قراءات باللغه الانجليزيه
2 ماده تخصصى حسب التخصص
2 ماده اختيارى(اى مادتين من الاقسام الاخرى عدا القسم الذى اخترته)
المصاريف حوالى 900 جنيه والتقديم تقريبا بعد العيد
والدراسه صعبه شويه
وبالتوفيق ان شاء الله
شكرا جزيلا. وربنا يوفق الجميع.
2 مادة تخصص اللي هو أخذته في الدبلوم المهني علم النفس المدرسي؟ ولا تخصص جديد أختاره لما أقدم الدبلومة الخاصة؟
والدراسة صعبة من ناحية ماذا؟ تشديد في الحضور أم كثيرة المواد أم صعوبتها؟ وياترى الدراسة بعد الظهر ولا زي الدبلوم المهني كانت من الصباح وبالتالي لم أحضر كل المحاضرات الصباحية التي كانت في غير يوم السبت لأنها فترة عمل.
بنت الأزهـر 12-08-2012, 08:10 AM أرجو الرد من الزملاء الافاضل للضرورة . السلام عليكم ورحمة الله وبركاته . كل عام وانتم بخير . أستأذنكم فى سؤال . أنا أخدت الدبلومة المهنية قسم إدارة مدرسية سنة 2009 بتقدير جيد جداً من جامعة سوهاج وبصراحة حسيت ان اللى اقدر اكمل فيه هو التربية المقارنة ولكن لظروف خاصة منعتنى انى اكمل وأنا مقيم الآن فى سوهاج وعايز آخد الدبلومة الخاصة فى جامعة طنطا لأنى بعد سنة ان شاء الله ممكن أنقل السكن هناك لأنى معلم مساعد وفى انتظار التثبيت . لكن السؤال هل ينفع أقدم وانا ساكن فى سوهاج بدون تغيير محل إقامة ؟ وهل الحضور مهم لأنى طبعاً مش حقدر أحضر غير على الامتحانات ؟ ومصاريف التقديم كام والدبلومة الخاصة كلها ممكن تكلف كام بالمذكرات والكتب ؟ وهل ينفع انى أتخصص فى الدبلومة الخاصة فى قسم التربية المقارنة ولا بتبقى دراسة عامة والتخصص فى الماجيستير ؟ وانا جبت جيد جداً فى الدبلومة المهنية ححتاج تقدير ايه فى الخاصة عشان أكمل ماجيستير ؟ . وأعتذر عن كثرة الأسئلة . وشكراً لكم
وعليكم السلام ورحمة الله وبركاته
ربنا يوفق حضرتك. لا أعرف إجابة لتساؤلات حضرتك غير اني اذكر كان معنا بالدبلوم المهني ناس من البحيرة والإسكندرية ولم يحضروا طوال العام إلا محاضرات تعد على الأصابع. لكن لا أدري هل يسير الوضع مع الدبلومة الخاصة أم يشترط الحضور.
وفقك الله ويسر أمرك.
صدفه المنتديات 19-08-2012, 06:01 PM بصي اختى
اولا - التقديم هيبدء الاسبوع الجى 25/8
وهينتهى على اخر 10 تمام
والمصاريف الف جنيه بالتمام مع حذف 180 جنيه بتوع icdl
الدراسه بتبدء اول 11
--------------------------------
عاوزة تجيبي الجدول بصي انا حصل معايا الموقف دا بس الحل - ان اصلا الجدول بيتظبط في الحضور
يعنى أحضري من اول يوم مع زمايلك وهتظبطوا الجدول وتنسقوا مع رئيسه القسم
----------------------------
لا مافيش امتحانات قبول عادى - مش خلصتى مهنى واتقبلتى خاص خلاص احضري بقه زى السنه ال قبلها عادى
-------------------------------------
ام موضوع المواد المحدده او الاختيارى - بصراحه معرفش عنها شئ - لانى لسه هقدم خاص بعد اسبوع
بس اللى اعرفه والله اعلم ان المواد الاختياري دى هتبقه في الماجستير ام الدبلوم الخاص لا
---------------------------------
وبالنسبه للتخصص ال عاوزة تغيريه - بصراحه معرفش بس اعتقد بردوا انه مينفعش
واى خدمه يا قمر - ادعيلي بصلاح الاحوال
بنت الأزهـر 19-08-2012, 10:38 PM شكرا جزيلا أختي صدفة المنتديات وكل عيد وانت بخيرعافية وصحة وسعادة.
يسر لله أمرك وأصلح أحوالك.
صدفه المنتديات 19-08-2012, 11:27 PM اهلا بيكى ف اى وقت بنت الازهر
بصي حبيبتى في تعديل بسيط ف ال قلتهولك
بالنسبه للمواد الاجباريه والاختياريه
الجدول هيكون كالتالى لاى قسم
مناهج بحث - احصاء تربوي - قراءات في التخصص باللغه الانجليزيه
حلقه بحث في التخصص
مقرر تخصصي (1 ) - مقرر تخصصي (2 ) - مقرر تخصصي (3 )
مقرر اختيارى (1 ) - مقرر اختيارى (2 )
وفيه ملحوظه قرتها في الكتيب الارشادى للدبلوم الخاص
بتقول انه يجرى امتحان تحريري للغه الانجليزيه للقبول بالدبلوم الخاص
بس بصراحه مش عارفه دا حقيقي ولاه روتين وخلاص - اصلا فعلا فيه ماده هتخديها باللغه الانجليزيه في تخصصك
وربنا يوفق الجميع
بنت الأزهـر 20-08-2012, 07:20 PM آمين يا رب.
وياريت لما تقدمي تقولي الخطوات عمليابقى. وجزاك الله كل خير ويسر لنا جميعا.
سعداوى ثابت 21-08-2012, 06:50 AM السلام عيكم لو سمحتم انا عايزة حد يرد عليا
انا عايزة اقدم فى الدبلومة التربوية وعايزة اخدها فى سنتين
بس قالولى علشان تاخديها فى سنتين لازم اكون بشتغل
وانا لسة مشتغلتش قولولى اعمل اية
وعايزة اعرف ميعاد التقديم وامتى ينتهى
ولكم جزيل الشكر
صدفه المنتديات 21-08-2012, 01:24 PM آمين يا رب.
وياريت لما تقدمي تقولي الخطوات عمليابقى. وجزاك الله كل خير ويسر لنا جميعا.
بالتوفيق حبيبتى
ان شاء الله هروح الكليه الاتنين الجى واسحب مظروف واعرف الخطوات
وباذن الله اعرفك
كل عام وانتى بكل خير
بنت الأزهـر 21-08-2012, 03:23 PM السلام عيكم لو سمحتم انا عايزة حد يرد عليا
انا عايزة اقدم فى الدبلومة التربوية وعايزة اخدها فى سنتين
بس قالولى علشان تاخديها فى سنتين لازم اكون بشتغل
وانا لسة مشتغلتش قولولى اعمل اية
وعايزة اعرف ميعاد التقديم وامتى ينتهى
ولكم جزيل الشكر
وعليكم السلام ورحمة الله
أختنا صدفة المنتدى كتبت التقديم بعد العيد
اما الدبلومة لسنتين لمن يعمل لاادري من اخترعها!
انا اخدتها اثناءعملي واحضرت موافقة خدتها سنة واحدة بس.
وليه تاخديها سنتين؟ حاولي تنجزي كل سنة تمر المشاغل بتزيد والوقت بيضيع
وفقك الله
بالتوفيق حبيبتى
ان شاء الله هروح الكليه الاتنين الجى واسحب مظروف واعرف الخطوات
وباذن الله اعرفك
كل عام وانتى بكل خير
وانت بالف صحة وهناء
أنتظرك بإذن الله وبالتوفيق
مهندس رضا 22-08-2012, 11:03 PM بصي اختى
اولا - التقديم هيبدء الاسبوع الجى 25/8
وهينتهى على اخر 10 تمام
والمصاريف الف جنيه بالتمام مع حذف 180 جنيه بتوع icdl
الدراسه بتبدء اول 11
--------------------------------
عاوزة تجيبي الجدول بصي انا حصل معايا الموقف دا بس الحل - ان اصلا الجدول بيتظبط في الحضور
يعنى أحضري من اول يوم مع زمايلك وهتظبطوا الجدول وتنسقوا مع رئيسه القسم
----------------------------
لا مافيش امتحانات قبول عادى - مش خلصتى مهنى واتقبلتى خاص خلاص احضري بقه زى السنه ال قبلها عادى
-------------------------------------
ام موضوع المواد المحدده او الاختيارى - بصراحه معرفش عنها شئ - لانى لسه هقدم خاص بعد اسبوع
بس اللى اعرفه والله اعلم ان المواد الاختياري دى هتبقه في الماجستير ام الدبلوم الخاص لا
---------------------------------
وبالنسبه للتخصص ال عاوزة تغيريه - بصراحه معرفش بس اعتقد بردوا انه مينفعش
واى خدمه يا قمر - ادعيلي بصلاح الاحوال
هل يمكن التقديم بإفادة النجاح في الدبلوم العام ولا لازم الشهادة الاصلية مع العلم بأن لسة شهر لحين طلوع الشهادة ..
violet.flower 24-08-2012, 02:14 AM انا كمان بقدم خاص هذا العام وفق الله الجميع ^-^
بنت الأزهـر 24-08-2012, 11:15 PM يا رب يوفق اجميع.
بانتظار أي حد يقدم يحكيلنا التفصيل .
بارك الله فيكم.
بنت الأزهـر 28-08-2012, 06:47 PM أختنا صدفة المنتديات قدمتي ولا ايه؟
violet.flower 29-08-2012, 02:17 PM انا ربنا وفقني وقدمت بقسم الصحه النفسيه
انتم قدمتوا في ايه؟؟؟؟؟
بنت الأزهـر 29-08-2012, 02:38 PM انا ربنا وفقني وقدمت بقسم الصحه النفسيه
انتم قدمتوا في ايه؟؟؟؟؟
ربنا يوفقك يا رب.
انا لسه مقدمتش لاني مش فاهمة حاجة!ممكن تقوليلي الخطوات لو ممكن
وهو انت بتختاري القسم براحتك؟ وعلى أي أساس؟ ولو تأخرت في التقدم اسبوع مثلا هتقل فرصتي في الاختيار؟
ولو ممكن تشوفي في المظروف بعد إذنك لو حد بيشتغل لازم يقدم إفادة من مكان عمله؟
وجزاك الله كل خير.
hamdyzky 01-09-2012, 03:01 PM الاخوة الافاضل انا حصلت على الدبلومة المهنية عام2006 هل يمكن التقدم للدبلومة الخاص هذا العام
بنت الأزهـر 01-09-2012, 03:57 PM الاخوة الافاضل انا حصلت على الدبلومة المهنية عام2006 هل يمكن التقدم للدبلومة الخاص هذا العام
اظن ينفع انا رحت قلتلهم اني اخدتها من سنتين قالوا عادي والشروط مش محددين سنوات لكن التقدير في المهني لازم جيد.
بالتوفيق ان شاء الله.
violet.flower 01-09-2012, 06:11 PM ربنا يوفقك يا رب.
انا لسه مقدمتش لاني مش فاهمة حاجة!ممكن تقوليلي الخطوات لو ممكن
وهو انت بتختاري القسم براحتك؟ وعلى أي أساس؟ ولو تأخرت في التقدم اسبوع مثلا هتقل فرصتي في الاختيار؟
ولو ممكن تشوفي في المظروف بعد إذنك لو حد بيشتغل لازم يقدم إفادة من مكان عمله؟
وجزاك الله كل خير.
اخر موعد للتقديم 9/10
انا قدمت قسم الصحه النفسيه لاني كنت بالمهني قسم تربيه خاصه يعني تخصص تبع الصحه النفسيه مش عارفه بقي لو ينفع اي تخصص يقدم للقسم ده ولا لأ
لا يشترط المهنه او شئ زي المهني
المطلوب بس صوره البطاقه
صور شخصيه
800 جنيه
صوره الاي سي دي ال
شهاده الميلاد الاصليه
مؤهل البكالوريوس
مؤهل المهني
والله يوفقك وابقي قوليلي قدمتي ايه ؟؟؟؟؟
بنت الأزهـر 01-09-2012, 10:51 PM اخر موعد للتقديم 9/10
انا قدمت قسم الصحه النفسيه لاني كنت بالمهني قسم تربيه خاصه يعني تخصص تبع الصحه النفسيه مش عارفه بقي لو ينفع اي تخصص يقدم للقسم ده ولا لأ
لا يشترط المهنه او شئ زي المهني
المطلوب بس صوره البطاقه
صور شخصيه
800 جنيه
صوره الاي سي دي ال
شهاده الميلاد الاصليه
مؤهل البكالوريوس
مؤهل المهني
والله يوفقك وابقي قوليلي قدمتي ايه ؟؟؟؟؟
حاضر أختي. بس انت متأكدة من المصاريف دي؟
انا رحت سالت لقيت ورقة متعلقة مكتوب الف جنيه
واذن الصرف مكتوب فيه 746 وكام قرش مش فاكرة وتحت كدا مكتوب 250 انا مش فاهمة دا ايه؟
بالنسبة لمؤهل البكالريوس عندهم هناك معرفش بقى اسحبه ولا يشوفوه ولا نظامهم ايه هبقى أسأل بإذن الله.
violet.flower 02-09-2012, 12:02 AM سيبك من المصاريف المكتوبه انا دفعت فعلا 746 ولسه هروح يوم الاتنين ان شاء الله اقدم الورق مش عارفه هيطلبوا مصاريف تاني ولا ايه وعن الشهاده اطلبي سحبها لو انتي من الكليه نفسها وابقي قوليلي لو قدمتي قدمتي في ايه ربي يوفقك
بنت الأزهـر 02-09-2012, 06:53 AM سيبك من المصاريف المكتوبه انا دفعت فعلا 746 ولسه هروح يوم الاتنين ان شاء الله اقدم الورق مش عارفه هيطلبوا مصاريف تاني ولا ايه وعن الشهاده اطلبي سحبها لو انتي من الكليه نفسها وابقي قوليلي لو قدمتي قدمتي في ايه ربي يوفقك
طيب طمنتيني يارب يكرمك وييسر أمرك. بس سؤال أخير بقى:
وكمان انت امتحنتي انجليزي ومقابلة ولا مفيش الكلام دا في طنطا؟
ربنا يكرمك ويبارك فيك يارب.
violet.flower 03-09-2012, 08:21 PM مش قالولي علي اي مقابله او اي اختبار انا خلاص قدمت ورقي اليوم ونهيتهوانتي عملتي ايه؟
بنت الأزهـر 03-09-2012, 09:56 PM مش قالولي علي اي مقابله او اي اختبار انا خلاص قدمت ورقي اليوم ونهيته وانتي عملتي ايه؟
ألف مبروك عليك التقديم ويارب تبقى سنة سهلة يسيرة علينا جميعا.
بكرة أو بعده هقدم بإذن الله بس يارب أعرف أسلك في الزحمة لان اول مرة كان هيغمى عليّ من الشمس والزحمة والوقفة كتير.
هسألهم لو ينفع أغير القسم ولا لا ولو لقتهم مش عارفين هقرا في الدليل اللي بنستلمه مع المظروف دا وربنا ييسر الحال.
تسلمي اختي على تعاونك معايا. ربنا يكرمك ويبارك لك.
violet.flower 04-09-2012, 08:21 PM هو انتي كنتي قسم ايه؟
مفيش دليل مع مظروف الدبلومه الخاصه
بس مكتوب بورقه المواد ايلي علينا وايلي هي بالمظروف
ان ايلي كان بتخصص بالمهني هيكمل فيه بالخاص
اسألي وربي يوفقك وابقي طمنيني
لا تنسي ابقي اختاري المواد الاختياريه
تربيه مقارنه- والعاب تربويه
هتلاقيهم بالورقه بتاعه المواد بيخيروكي بين مواد كتيره لتختاري مادتين بس بشرط يكونوا في غير تخصصك
فاختاري تربيه مقارنه والعاب تربويه لانهم اولا اسهل مادتين وثانيا لنكون مع بعض حتي لو اختلف تخصصنا
fady2007 04-09-2012, 10:27 PM طيب لو سمحتوا يا اخواتى انا عايزة اقدم فى الدبلومة المهنى بس محتارة وخايفة ليكون فى ضرورة الحضور نظرا لانى اعمل ؟
وكمان عايزة حد يفيدنى لو هقدم باذن الله اقدم دبلوم مهنى طنطا ولا المنصورة نظرا بانى حاصلة على الليسانس من المنصورة والدبلوم التربوى جامعة المنصورة ايضا
ارجو الرد سريعا
وشكرا لكم
بنت الأزهـر 06-09-2012, 02:11 PM هو انتي كنتي قسم ايه؟
مفيش دليل مع مظروف الدبلومه الخاصه
بس مكتوب بورقه المواد ايلي علينا وايلي هي بالمظروف
ان ايلي كان بتخصص بالمهني هيكمل فيه بالخاص
اسألي وربي يوفقك وابقي طمنيني
لا تنسي ابقي اختاري المواد الاختياريه
تربيه مقارنه- والعاب تربويه
هتلاقيهم بالورقه بتاعه المواد بيخيروكي بين مواد كتيره لتختاري مادتين بس بشرط يكونوا في غير تخصصك
فاختاري تربيه مقارنه والعاب تربويه لانهم اولا اسهل مادتين وثانيا لنكون مع بعض حتي لو اختلف تخصصنا
الله يكرمك ويبارك لك
انا سحبت المظروف انهاردة بس على فكرة في حاسب الي ب 180 جنيه يعني غالبا هيتصلوا بكم ترجعوا تكملوا الورق.
البنات اللي كانوا معايا قالولي الحاسب دا لسه نازل امبارح بس
طبعا ملحقتش ادفعه فمضطرة اروح الاسبوع الجاي تاني ويمكن تالت يا رب ييسر كل عسير
طيب لو سمحتوا يا اخواتى انا عايزة اقدم فى الدبلومة المهنى بس محتارة وخايفة ليكون فى ضرورة الحضور نظرا لانى اعمل ؟
وكمان عايزة حد يفيدنى لو هقدم باذن الله اقدم دبلوم مهنى طنطا ولا المنصورة نظرا بانى حاصلة على الليسانس من المنصورة والدبلوم التربوى جامعة المنصورة ايضا
ارجو الرد سريعا
وشكرا لكم
ربنا يوفقك لكل خير
انا معرفش نظام الحضور وياريت اي حد يفيدنا لان انا كمان بشتغل ومش هقدر احضر كل الايام
لو انت من المنصورة وعارفة نظام كليتك قدمي هناك توفري جهد ومواصلات
ما لو مش هتفرق وانت ساكنة بعيد صلي استخارة واسلي ناس قدمت هنا وهنا
بالتوفيق
violet.flower 06-09-2012, 11:34 PM الحاسب الالي ايلي ما اخد اي سي دي ال بيدفع 180 غير المصاريف وياخدها تبع الكليه
اما ايلي اخد شهاده انه اخدها من بره بيسترد نصف الفلوس بعد شهرين من بدء الدراسه
الكلام ده كله في الدبلوم المهني
اما في الدبلوم الخاص بتقدمي وصل انك اخدتيه بالمهني وبالتالي مش بضطري تدفعي فلوس تخص الحاسب مره تانيه
الا لو انتي من جامعه تانيه ومكنتيش اخدتيه بالدبلوم المهني
يعني انا بورقي طلبوا الوصل قدمته مع الورق وخلص الموضوع وانتهي الحمد لله
مقلتيش بردو قدمتي ايه؟؟؟؟؟
وياتري هتختاري مواد اختياري ايه؟
وربي يوفقك
بنت الأزهـر 07-09-2012, 04:44 AM الحاسب الالي ايلي ما اخد اي سي دي ال بيدفع 180 غير المصاريف وياخدها تبع الكليه
اما ايلي اخد شهاده انه اخدها من بره بيسترد نصف الفلوس بعد شهرين من بدء الدراسه
الكلام ده كله في الدبلوم المهني
اما في الدبلوم الخاص بتقدمي وصل انك اخدتيه بالمهني وبالتالي مش بضطري تدفعي فلوس تخص الحاسب مره تانيه
الا لو انتي من جامعه تانيه ومكنتيش اخدتيه بالدبلوم المهني
يعني انا بورقي طلبوا الوصل قدمته مع الورق وخلص الموضوع وانتهي الحمد لله
مقلتيش بردو قدمتي ايه؟؟؟؟؟
وياتري هتختاري مواد اختياري ايه؟
وربي يوفقك
محدش قال الكلام دا خالص وقالك حتى لو واخدة الدورة هتدفعي. ومش عارفة وصل ايه القديم يعني بتاع دورة الحاسب الالي؟ ودا نجيبه منين؟ هحاول ابحث عنه بإذن الله!
انا كاتبة بالموضوع لو كنت قرأتيه علم نفس مدرسي ولسه مش اخترت مواد انا مقدمتش يدوب سحبت المظروف بس
وربنا ييسر الحال
بنت الأزهـر 07-09-2012, 05:33 AM أختي أجمل إحساس انت بتشتغلي مدرسة ولا لا؟
يوجد إقرار بعدم العمل داخل الورق معنى كدا اني لازم احضر افادة من الشغل
تاني حاجة بالورق برضه مكتوب رقم قسيمة سداد رسوم الحاسب والانترنت هل انت اخبرتيهم انك اخدتيها العام الماضي واعطتيهم الوصل وقالوا خلاص؟
عشان لو كدا هصمم ومش هدفع ال 180 جنيه بس انا عندي مشكلة لم أجد إيصال الدفع لكن معايا الشهادة بتاعتهم وشهادة الـ icdl هشوف الموضوع دا وربنا ييسر.
violet.flower 08-09-2012, 09:19 PM مشكله لو مش معاكي شهاده لاي سي دي ال او وصل بتاع المهني انك اخدتي الاي سي دي ال لو انتي فعلا كنت اخدتيه العام الماضي
اهم شئ عرفيهم انك دبلوم خاص وقدملهم شهاده او صوره شهاده الاي سي دي ال
اما في رقم القسيمه ده بتكتب بيانات وصل المصروفات ايلي هو 749
اقرار القيام بالعمل ده للمهني او البلوم العام عشان يوم التربيه العملي
انما بالدبلوم الخاص مفيش تربيه عملي فبالتالي مفيش اقرار بالقيام بالعمل ولو لقيتي بالمظروف امليه وخلاص مش مهم واكتبي فيه انك مش بتشتغلي لانه مش مهم اصلا
لان كده كده حتي لو كتبتي بشتغل البلوم الخاص علي عام واحد وليس علي عامين زي البلوم العام
ايوة انا بشتغل اخصائيه نفسيه بمدرسه ابتدائي
وخساره اننا مش هنكون بتخخص واحد بس ما علينا ان شاء الله نتلاقي بالمواد الاختياريه لو انتي اخترتيها زيي
بنت الأزهـر 09-09-2012, 06:05 AM معايا الشهادات لكن مش معايا أي وصل. عموما خير إن شاء الله هعمل زي ما قلتيلي أعرفهم اني دبلومة خاصة وها هي الشهادات هلتحق ليه بقى بدورات لمرة الثالثة؟ وربنا ييسر وميحصلش مشاكل.
المواد بقى الاختيارية كتبت تربية مقارنة مثلك والمادة الثانية اتجاهات معاصرة في المناهج. وربنا يوفقنا ويجعلها سنة هينة وسهلة.
هروح الكلية انهاردة بإذن الله واشوف هيعملوا ايه.
بالمناسبة سألت بنت كانت معايا في الطابور على موعد بداية الدراسة بتقولي على اول شهر 10 معقولة بدري كدا؟
وعموما لو سمعت حاجة عن الجدول وخلافه هكتب هنا بالمنتدى وانت كذلك لو حصل جديد أخبرينا وربنا يكرمك ويبارك لك.
اخبار التقديرات عندكو في طنطا ايه ؟؟ محتارة اقدم فين ؟
بنت الأزهـر 09-09-2012, 06:18 AM اخبار التقديرات عندكو في طنطا ايه ؟؟ محتارة اقدم فين ؟
قصدك في الدبلومة الخاصة؟
مكتوب في الورقة اصحاب الدبلوم المهني يكملوا في تخصصهم بأي تقدير.
عشان التقديم في المهني ؟ ومفتوح لحد امته؟
بنت الأزهـر 09-09-2012, 06:28 AM عشان التقديم في المهني ؟ ومفتوح لحد امته؟
مهني يعني لسه اول سنة دبلومة أظن مش شرط تقدير كلية حسب ما قرأت على الانترنت ان جامعة طنطا لا تشترط تقدير.
التقديم مفتوح لحد 13-9 بإذن الله.
أحيانا يمتد لو العدد مش كتير وأحيانا يقف لو استكفوا.
ربنا يوفقك يا رب.
بنت الأزهـر 09-09-2012, 01:10 PM أختي أجمل إحساس لازم وصل دورة الحاسب حتى للدبلوم الخاص هي قالتلي كدا حتى بعد لما ورتها الشهادات
كمان للأسف بعض المواد اكتفت فاضطريت اختار مواد تانية: أصول التربية وصحة نفسية
بما انك تخصص صحة نفسية قوليلي المادة عبارة عن ايه كدا؟ ولو تعرفي أصول التربية مختصة بايه؟
وجزاك الله كل خير.
violet.flower 09-09-2012, 04:01 PM مرحبا عزيزتي
حظك للاسف في حكايه الحاسب دي بيطبقوا الشغل بشكل غبي مش عندهم استعداد يفهموا رغم انك مقدمه الشهاده ال لازم الوصل عقل حجري معلش بقي حظك
بخصوص المواد الاختياريه خساره كان نفسي تجمعنا اي ماده
معلش حصل خير وان شاء الله بتتعوض بشئ تاني
عن قسم الصحه النفسيه الدكاتره صحيح عندهم كلكيع هههه وعقد نفسيه كتيره بس بتبقي ماده جميله
وهتفيدك جدا بحياتك من حتي عنوانها صحه نفسيه
اما ماده اصول تربيه كنت باخدها بالاندر كانت ماده عقيمه لعلهم يكونوا غيروها وتكون افضل عندك مما كانت عندي
اما عن الحضور ايوة بتبقي باول 10 لان العام ده الامتحانات هتبقي بدري عشان رمضان علي ما اعتقد
والجدول يا ريت لو وصلك تنزليه وانا كمان اذا وصلني فورا بنزله للاقسام المختلفه
والله يوفقنا ^-^
بنت الأزهـر 09-09-2012, 04:13 PM تسلمي اختي
وانا سالت احد الدكاترة في علم النفس عن بداية العام قالي اول 11
عموما هنتابع من أول 10 كدا ونشوف بإذن الله
عارفة لو مدوا فترة التقديم زي ما سمعت ل 30-9 يبقى استحالة تكون البداية اول 10
وربنا يوفقنا جميعا
واحنا صحيح هنتقابل بإذن الله. ناسية ان في 3 مواد مشتركة إجبارية على الجميع.
يلا كل سنة وانت طيبة وعام دراسي سعيد بإذن الله.
violet.flower 09-09-2012, 04:22 PM وانتي طيبه يا جميله
اذا حضرتي او سمعتي عن حضور ابقي ابعتيلي او اكتبي هنا
وكويس لو هتبقي متأخره شويه ^-^
بنت الأزهـر 09-09-2012, 05:32 PM حاضر بإذن الله.
نور الحياة2020 10-09-2012, 01:49 PM السلام عليكم
عندى سؤال بس ...
هل فى جامعة طنطا عشان نقدم للدبلومة الخاصة لازم يكون معانا المهنبة ولا تنفع العامة فقط انا خريجة علوم مش تربية وعايزة احضر خاصة علطول مش مهنية وقريت ع النت فى موقع الكلية انهم عاوزين شهاة العامة او المهنية ياريت اللى من الناس اللى قدمت يجاوبنى
http://rssnews.tanta.edu.eg/Technical_Institute_Full_Desc.aspx?id=fd6b9c7e-6544-45e3-bf77-3a80588b791a
بنت الأزهـر 10-09-2012, 02:23 PM السلام عليكم
عندى سؤال بس ...
هل فى جامعة طنطا عشان نقدم للدبلومة الخاصة لازم يكون معانا المهنبة ولا تنفع العامة فقط انا خريجة علوم مش تربية وعايزة احضر خاصة علطول مش مهنية وقريت ع النت فى موقع الكلية انهم عاوزين شهاة العامة او المهنية ياريت اللى من الناس اللى قدمت يجاوبنى
http://rssnews.tanta.edu.eg/technical_institute_full_desc.aspx?id=fd6b9c7e-6544-45e3-bf77-3a80588b791a
وعليكم السلام ورحمة الله وبركاته
مينفعش دبلومة خاصة على طول
خريجي التربية أو ما يعادلها يلتحق بالمهنية
خريج غير التربية يلتحق بالعامة
الاثنين بعد اما يخلصوا السنة يلتحقوا بالخاصة
وربنا يوفقك يارب.
نور الحياة2020 19-09-2012, 07:31 PM وعليكم السلام ورحمة الله وبركاته
مينفعش دبلومة خاصة على طول
خريجي التربية أو ما يعادلها يلتحق بالمهنية
خريج غير التربية يلتحق بالعامة
الاثنين بعد اما يخلصوا السنة يلتحقوا بالخاصة
وربنا يوفقك يارب.
الف شكر للرد ربنا يخليكى
انا فعلا معايا الدبلومة العامة وكنت عاوزة احضر بعدها الخاصة مش المهنية
بنت الأزهـر 19-09-2012, 08:42 PM الف شكر للرد ربنا يخليكى
انا فعلا معايا الدبلومة العامة وكنت عاوزة احضر بعدها الخاصة مش المهنية
أكيد طالما معاك العامة مش ينفع تدخلي مهنية.
بس حاولي تقدمي بقى لان مفيش وقت.ربنا يوفقك.
violet.flower 20-09-2012, 05:37 PM هو لسه فيه تقديم ده المفروض الدراسه هتبتدي
بنت الأزهـر 20-09-2012, 07:51 PM هو لسه فيه تقديم ده المفروض الدراسه هتبتدي
في جامعات تمتد لآخر شهر 9. ودراسة ايه دلوقتي لسه ما لا يقل عن اسبوعين.
مستعجلة ليه؟
دا أول اسبوع شغل هذا كان مرهقا جدا جدا جدا.
ربنا ييسر ونوفق بين الشغل والدراسة ويمر العام بسلام.
violet.flower 20-09-2012, 10:09 PM انتي بتشتغلي فين فين يا جميله ؟
بنت الأزهـر 20-09-2012, 11:54 PM انتي بتشتغلي فين فين يا جميله ؟
في معهد أزهري. وانت؟
violet.flower 21-09-2012, 01:16 PM انا اخصائيه نفسيه في مدرسه ابتدائي
بتشتغلي ايه بقي بالمعهد؟
بنت الأزهـر 21-09-2012, 01:52 PM انا اخصائيه نفسيه في مدرسه ابتدائي
بتشتغلي ايه بقي بالمعهد؟
ضحكتيني الله يسعدك. كل دا ومش عارفة انا ايه؟
مدرسة إنجليزي.
محمد العزيري الديب 03-10-2012, 07:35 PM السلام عليكم شباب
المتقدمين لدبلوم مهني هذا العام ياريت يبلغونا بميعاد بداية الدراسة والتربية العملية والجدول ان امكن ولكم جزيل الشكر m
violet.flower 03-10-2012, 07:49 PM ضحكتيني الله يسعدك. كل دا ومش عارفة انا ايه؟
مدرسة إنجليزي.
الله يوفقك يا جميله:)
violet.flower 03-10-2012, 07:50 PM السلام عليكم شباب
المتقدمين لدبلوم مهني هذا العام ياريت يبلغونا بميعاد بداية الدراسة والتربية العملية والجدول ان امكن ولكم جزيل الشكر m
الدبلوم المهني مفروض انه بيبدا اول 10
والاكيد كمان انه باول 10 التربيه العملي لازم تروح تسأل حتي لا يضيع عليك ايام التربيه العملي
والله يوفقك
fayek 03-10-2012, 09:20 PM انا رحت سالت امبارح قالو ان احتمال باب القبول يفتح تاني يوم 15 او 20 اكتوبر,
ياريت اي حد من طنطا يتابع معاهم ولو فيه جديد يقولنا,
وجزاكم الله خيرا
قطرالندى 23-08-2015, 12:27 AM السلام عليكم
ممكن تعرفينى يابنت الازهر
انا كمان قسم لغه انجليزية .. ومحتراة اختار اى قسم فالدبلومة الخاصه
بحيث يفيدنى بعد طدا
ياريت تعرفينى طبقا لتجربتك
بنت الأزهـر 27-08-2015, 11:48 AM السلام عليكم
ممكن تعرفينى يابنت الازهر
انا كمان قسم لغه انجليزية .. ومحتراة اختار اى قسم فالدبلومة الخاصه
بحيث يفيدنى بعد طدا
ياريت تعرفينى طبقا لتجربتك
وعليكم السلام ورحمة الله
اكيد الاسهل مناهج وطرق تدريس وهي تبع تدريس مادة اكادمية دا التخصص
لو حابة تغيري لتسهيل الدراسة مشغولة مثلا او عشان المطلوب للسفر يبقى تختاري حاجة من المطلوبة زي تربية خاصة بس هتدخلي مجال ذوي الاحتياجات الخاصة ويشبهها شوية علم نفس تربوي
بس كدا
لو عندك اي سؤال تفضلي وربنا يوفقك
|