خلاص فضينا للحب ؟ [الأرشيف] - بوابة الثانوية العامة المصرية

BaNZeR

19-07-2012, 06:17 PM

منذ فترة قريبة

اتعرفت عليا واحدة برازيلية عالفيس
هي من عشاق مصر والمصريين
ومعرفش هي وصلت لجروب كليتنا ازاي :d

المهم اتعرفنا واتكلمنا مع بعض شوية
وفتحنا مواضيع سياسية واتكلمنا عن الثورات
وازاي الحال في بلدهم قريب كتير من حالنا
وانهم عملو زي ثورة بردو وغيرو نظامهم بس كان قبلينا بشوية
طبعاً انا كنت مش فاهم اي حاجة في السياسة وحاطط جوجل جنبي :d

بس انا مش داخل عشان احكي الشات كان عن ايه
دخلت عشان اتكلم على اسلوبها معايا في الكلام
شخصية عادية جداً الكلام نفسه مكنش حيفرق في حاجة لو كان من ولد
ممكن في النص تبدي اعجابها بيك وباسلوبك بمنتهى الحرية
من غير ما افهمها غلط ولا تفهمني غلط
الكلام كله بيبقى بتلقائية ومش بتركب اي نوع من الماسكات
والكلام كله بسيط جداً كأني بكلم واحد صاحبي واعرفه من زمان !

بغض النظر عن المقدمة اللى زمانكو فسرتوها بمليون تفسير :d

الناس دول في الدول الاجنبية
الولاد هناك احلى بكتير
والبنات هناك اجمل مليون مرة
واللبس بتاعهم ... قصدي اللالبس بتاعهم على قدهم :d

ومع ذلك علاقاتهم - في نظرهم - بريئة لحد كبير
متحولوش لكائنات شهوانية او اصبح كل همهم هو الحب والاعجاب

بل حتلاقي معظمهم متفوقين دراسياً وعلمياً وسياسياً
وعاملين اختراعات وكل حاجة

تقريباً عندنا الانجاز الوحيد اللى ممكن اتنين يعملوه مع بعض
انه الاتنين ينتحروا :d

......

بتفرج عالمنتديات وع النت وع الفيس

وبدايق فعلاً لما الاقي انه كل مشاكلنا اصبحت تدور بين البنت والولد

ياما عن المعاكسات ياما عن التحرش ياما عن العلاقات الوهمية
الاقي البنت تقولك بحبه ومش قادرة انساه
وتطلع 15 سنة في الاخر وساعات اقل !

كلمة حب عندنا بقت مرتبطة بس بالعلاقة بين الولد والبنت

خلاص مات حب الله وحب الناس وحب الخير وحب الاطفال

بقت كل نظرتنا نظرة شهوانية وكل واحد فيها بيلقي اللوم عالتاني
هو احنا ليه مركزين في الموضوع ده اصلاً !!!!

ليه اعتبرنا انه مشاكلنا الباقية كلها اتحلت ؟

المعاكسات مش بس من الولاد ... والله معاكسات البنات زادت دلوقتي
مبقتش المشكلة مشكلة ولاد بس
والمشكلة انها متنفعش تبقى مشكلة لبس الولاد بردو :d

لكن احنا عندنا ازمة اخلاقية من الدرجة الاولى

دايماً بقينا باصين لبعض بنفس النظرة الشهوانية
دايماً بنظن في بعض ظن سوء
كلنا بقينا حاطين ماسك التدين
ودلوقتي بقى في مصاحبات متدينة وقعدات محترمة !
على اساس خلاص بقينا فاضيين مورناش غير نحب في بعض

محنا ممكن نحب بعض في الله
نبص لبعض بنظرة اننا خايفين على اهل بلدنا
عيب اوي لما نبدى بلد متدين ومن اعلى التحرشات على المستوى الدولي

في حاجات تانية اكبر بكتير من انه يشغلك لبس البنت المستفز قدامك
في حاجات تانية اكبر بكتير من انك عايزة تتحبي وتعيشي جو كريم وفاطمة ده

في حاجات اكبر منكو انتو الاتنين لازم تفكروا فيها
تفكروا في دينكو وعلاقاتكو المنسية بربكو
تفكرو في بلدكو اللى كل الناس حاطة عينها عليها
واحنا عايزين نهرب منها
تفكروا في الصورة السيئة اللى رسمناها لسمعتنا وبلدنا وديننا
وخلت اللى يسوى واللى ميسواش يستحقرنا ويتكلم علينا

عايز اشوف كلام جديد
عايز اشوف اقتراحات جديدة
عايز اشوف ناس مهتمة ببلدها
اكتر ماهي مهتمة بنوعية اللبس اللى في الشارع

واهم حاجة نفسي اوصيكم عليها

كفاية المسلسلات التركي وحياة ابوكو :lol:

ربنا يجعل رمضان بداية خير وصلاح لينا كلنا يارب
ونكمل بعد رمضان زي ما حنكون في رمضان بالظبط
او عالاقل نهار رمضان يبقى زي ليله
مش قرآن بالنهار وحب بالليل :d
وربنا يهدي الحال ويهدينا كلنا بإذن الله

وكل عام وأنتم بخير ،،،

BaNZeR

**تسابيح**

19-07-2012, 06:31 PM

love ur life

20-07-2012, 12:53 AM

عاشق البلانكو الابيض

20-07-2012, 01:02 AM

memooooo1234

20-07-2012, 01:03 AM

مع احترامي لرأيك ... للاسف اللي جعلنا نتخلف ونبقى من ابناء دول العالم هو فقدنا للوعي الانساني العام وابتعادنا عن اهم الاشياء التي يجب ان نتمسك بها وهي الدين الاسلامي لان بنظرني هو ليس عبادة او عادة او مجرد علاقة بين الفرد وربه بل هو سلوك وقيم تعود على الفرد والمجتمع ككل .....للاسف ايضا انجرافنا وراء التوافه وعدم وضوح الهدف لدى البعض يؤدي لضياع الانسان على الرغم من ان تقدر تقول اني بشجع العقول الغربية والتقدم العلمي الذي فيه لكني انعت حال ابنائنا واحزن على نفسي وعالمنا العربي الذي يزداد للخلف يوما بعد يوم ولكني سأظل متفائلة لكون هناك من أمثال الدكتور احمد زويل وغيرهم في عالمنا ...وللاسف الخزي اللي احنا فيه هو من استيراد الافكار الغربية التي دفنت معها عقول شبابنا ولكني اخالف ايضا في الراي فتقدمم تلك الشعوب هو من تقدما الذي عاف عليه الزمن وبقى اثره في الكتب وبعض العقول !!!!!

مع اجمل امنياتي ليس بعالم وردي كما في خيالي بل بعالم افضل مما نحن فيه اليوم !!!

وكل عام وانتم بخير

آسر الصمت

20-07-2012, 03:08 AM

أنت في مجتمع النصف السلفي من الجسد الإنساني .. ماذا تنتظر ؟؟!

"(شروق) "sh*m

21-07-2012, 04:23 AM

طـرح اكثر من رائع

واتفق معك بس مش عارفه !!!!!!!!!!!!!!!!!!!

BaNZeR

21-07-2012, 04:59 AM

حاسة الكلام مثالي شوية ...
بانزر بيفكر كدا ..طيب غيرك ..!!
ملايين مش بيفكروا غير كداا..
في كل مكان الحلو والوحش..
وبعدين مش عارفة حاسة بحكاية الاجنبية دي..
دي واحدة من ملايين...
مش عايزة أقولك اننا كويسين عنهم كثير يعني...
صحيح احنا عندنا عقد وكثير عندهم انفصام ف الشخصية
بس دا مش يمنع ...اننا فيه دين وحدود
الصبح صحيح دراسة عندهم ...
والليل ايه ؟الخمر والميسر والنساء...!!
فالناس دي معندهمش مشكلة
عندنا فيه بئا فراغ عاطفي ...والتركي جنن الناس
ياتري لما اتخرج هعرف اشتغل امته اتجوز
والبنت يالهوي يالهوي دا انا ..مش هلحق قطر الجواز
طيب لما اوافق ع العريس دا بئا ...
الموضوع معقد..
صحيح ممكن العلاقة تكون بريء وتحطلها ضوابط ف الكلام
مع الطرف الآخر
بس تعمل ايه بئا لو طرف انحرف ...!!

الصبح دراسة والليل خمر وميسر ؟؟؟
تصدقي وتآمني بالله
انا ممكن اقولك الكلام ده عندنا احنا اكتر ماهو عندهم اصلا :d

دين ايه وحدود ايه ؟
على فكرة هما عندهم دين بردو وفي منهم ناس متدينيين كتير
وفي منهم ناس كتير بترفض الكثير من التصرفات الموجودة
مش بتكلم على مسلمين على فكرة

تعالي اتفرجي بقى على المسلمين اللى عندنا

على فكرة احنا انطباعنا عنهم بناخده من الافلام
اللى فيها عالاقل مشهدين الناس نايميين عالسرير :d
وده بردو نفس الانطباع اللى واخدينه الاجانب نفسهم عننا
لما بيشوفو افلامنا المصرية اللى بنتفوق فيها احياناً عن المشهدين :d
وده طبيعي لما اقرب العرب لينا شايفين نفس النظرة !

لو جربتي تعيشي بينهم او تتفرجي على فيديوهات ليهم عاليوتيوب
حتحسي انهم طبيعيين جداً في منهم ناس زيينا على فكرة :d

مش عارف ليه حاسس انك بعدتي بالموضوع قليلاً
بس والله اللى عندهم 15 سنة وبيحبو دول
لسه موصلوش لمرحلة انهم يقلقو من الكلية اللى داخلينها
عشان يقلقو على مستقبلهم
عشان يقلقو على قطر الجواز :d

BaNZeR

21-07-2012, 05:15 AM

كــــــلام متزن ومعقول ..
وأتفق معك
من زمان وأنا نفسي ف مجتمع يهتم بالأهم
..

مشكور ع التوبيك
ياريت كل الشباب يعيدو تفكرهم ف حاجات كتير
ومخلصتش المشاكل يعني علشان نبص ع اللبس الضيق والشاب اللي مش محترم
لو كل واحد أتبع هدفه بجد .. متهيألي هنتغير
...
بس الحاجات دي بتحصل لأننا بجد بعدنا عن الكتاب والسنه ..
وبرده منه لله مبارك غفلنا عن الأهم .. بالكوره والمسلسلات وحاجات كتير مده 30 واكتر
وشباب كتير إتغفلت لسه محتاجه تفوق .. انا مش بلومهم
انا بلوم اللي عارف ومش عايز يعمل ب اللي عارفه !

انا متفق معاكي بردو
هو فعلاً في الفترة الاخيرة
ربنا يخليهم .. كان ليهم الفضل اننا ننشغل بحاجات تانية كتير
بس ياريت بننشغل بحاجة مفيدة
نتعلم ازاي نقتحم بنك من فيلم اجنبي
نتعلم ازاي نعمل صاروخ فضائي من فيلم روسي
لكن ملقناش غير التركي ونتعلم منه
اقول ايه بقى :d

BaNZeR

21-07-2012, 05:25 AM

ما تنفعش المقارنة بحال من الاحوال
بص انت هنا فى مجتمع اسلامى
والمفروض الناس متدينة ده المفروض يعنى
يعنى حرام الولد يكلم البنات صح ولا غلط
طبعا وبالنسبة لظروف البلد والشباب
اللى عاطل اللى مش لاقى شغل
و لاقى شقة ولا لاقى زوجة
فطبيعى هيدور على ده فى اى علاقة
مع اى بنت وخلاص ويسموا ده حب
اما حضرتك بتتكلم عن مجتمع تانى خالص
ناس بتنشئ وتتربى مفيش فرق بين الولد والبنت
مع بعض على طول البنت توصل 15 او 16 سنة
وتبقى مش عذراء يعنى من الناحية
دى مفيش مشاكل عندهم خالص
ولا عاوزين شقة ولا عاوزين جواز
فالكلام ده مش فى بالهم لانه شئ مفروغ منه
وبالتالى بيكون عندهم الناحية العلمية والثقافية
وكل شئ تانى ممكن يعملوه
شكررا على الموضوع

يعني نقضيها من 16 سنة ونعمل اللى نفسنا فيه
عشان يبقى عندنا الناحية العلمية والثقافية ومنحتجش شقة :d

انت قلبت الموضوع 180 درجة
انا اصلاً مش بقارن بين مجتمعنا الاسلامي ومجتمعهم -اللى يقال عليه- منحل
مفيش وجه مقارنة اصلاً
دنا بقولك اللى معندهمش دين محترمين عننا
وتقولي مجتمع اسلامي !

BaNZeR

21-07-2012, 05:44 AM

NeVeR CoMe BacK

21-07-2012, 06:02 AM

بشمهندس بانزر ........... كلامك رائع وفعلا الناس عادت فاضية او من وجهة نظرى احنا اتعودنا علا كده فى ظل 30 سنة تعتيم سياسى واللى بيتكلم فى السياسة كأنو هيخش النار ..... النظام الفاشل اللى ف عهد حسنى مبارك هو اللى كان عايز كده ...............ز دايما عايزين الناس مغفلين جهلة ....... عشان محدش يعرف ايه اللى بيحصل فى البلد ............. بتتسرق وبتخرب وبتفسد وكأن الناس عايشة فى ملكوت تانى .... مهو ده من ايه !!!
بس ان شاء الله العهد الجديد لازم الكل يعرف ...لازم الكل يفهم .... لازم نعرف اللى لينا واللى علينا .....
وكمان الآعلام المصري كان عايز كده مسلاسلات بالنهار .... افلام بالليل ...... نظام اشغل تفكيرهم والهيهم عن بلدهم .......
عندى أمل ف الرئيس الجديد وان شاء الله مصر هتتعدل وناسها لازم يتعدلو ...
أنا مكنتش فاهمة اوى الاحوال السياسسية لأنى فى ثانوية عامة ولكن متفائلة وان شاء الله مصر هترجع تانى زى زمان قبل الحكم الفاشل واحسن كمان ...
تقبل مرورى ...

سيف العدل البتار

21-07-2012, 06:20 AM

التقليد العبيط
هو السبب بنقلد اى حد غيرنا :d
فلان حب فلانة / ازاى ما احبش :d
تقليد بعبط
فلان صايع / ازاى ما اصعش:d
تقليد بعبط
حتى اللبس عبط فى عبط واختراعات وقليلا ما تجد
شئ منظم :d
واسمها موضه وهى تقليد بعبط
التركيين عندهم تقدم ومتطورين اوووى :d
علشان المسلسلات منحرفها :d
وحتى الناس مش فاهم احنا المسلسلات بتاعتنا كانت فى كل الدول العربية
وكانت تجارة ضخمة دلوقتى تركية ضربتها وبنافسنا :d
دا حتى الهند و كوريا نزلوا مسلسلات وده غزو لثقافة
شعب والاستفاد اللى حصلت لتركية ان السياح العرب تضاعفوا من المسلسلات
:d
وطبعا الناس دى كانت بتيجى تسيح كل سنة عندنا شوفت المسلسل التركى ضرب
السياحه وضرب صناعة المسلسلات والناس فرحنا :d:d
والناس فاهما وشئ رائع :cool:
الناس بتعتقد دلوقتى ان الانحراف هو طريق التطور
الشباب اصبحت قدوتهم منحرفين الاخرين
وتقليد بعبط
اما البرازيلين معرفش عنهم غيرى فى الكورة
ربنا يحفظنا من التقليدى الغير مدرك العواقب
شكرا
موضوع جميل

أسطورة الأحزان

21-07-2012, 09:34 PM

*تائبة فى رحاب الله*

21-07-2012, 09:54 PM

الاستاذة نجلاء علي

21-07-2012, 11:23 PM

مريم السباعى.

22-07-2012, 12:16 PM

لا اقو ل غير ما قال الرفاعى
زرت الغرب فوجد اسلام بلا مسلمين
وبلاد اشرق مسلمين بلا اسلام

بس من ناحية انهم شافين الحياة ايزى وبرئية لان الحاجات دى اكتر من الهم على اقلب يعنى الىعايز ينحرف بينحرف وايزى خالص ليه محتااج انه يعاكس او يحدث ****** مدام دة متوفر بنسباله بكل سهولة اسفة على الكلام بس دة الحقيقة
وبرغم من ذللك اعلى نسبة ****** توجد فى امريكا ودة مش كلامى دى احصائيات

وهناك مبيسرقوش او مبيعملو شحاجة غلط لان فى دولة قانون حدى لحضرتك مثال بسيط
ان لما قبل كدة النور اتقطع فى مدينة من ولاية كالفورنيا تسم سرق اكثر من 25 متجر يعنى مش هما مبيسرقوش علشان اخلاقهم فله لا علشان فى قانون وصارم وبيطبق على الكل

ربنا يعيفنا جميعا

BaNZeR

22-07-2012, 03:42 PM

أنت في مجتمع النصف السلفي من الجسد الإنساني .. ماذا تنتظر ؟؟!

مين ؟؟ :d

طـرح اكثر من رائع

واتفق معك بس مش عارفه !!!!!!!!!!!!!!!!!!!

شكراً جزيلاً لمشاركتك
بس مش عارفة تتفقي في ايه ولا مش عارفة متفقة ولا لأ اساساً

BaNZeR

22-07-2012, 03:46 PM

BaNZeR

22-07-2012, 04:05 PM

BaNZeR

22-07-2012, 04:09 PM

من غير كلام كتير بجد جميل الموضوع وياريت الكل يفكر زيك يابانزر بجد انتا نعم الاخ والصديق وبجد انتا من الناس الكويسين جدا اللى هنا فى المنتدى واظن الكل عارف مش انا لوحدى ودايما
أحلى حاجه لما نخلى النيه صافيه ...والدنيا ربيع ....والجو بديع....
شكرا على الموضوع الجميل

الله يخليكي يا آية بس احنا معملناش حاجة نستاهل كدا يعني :d

وبغض النظر عن اننا طلعنا بره الموضوع
بس احنا فعلاً عايزين نصفي النية - مش اوي بردو :d - ونبدأ نتعامل مع بعض صح

Sofia El-behairy

22-07-2012, 04:16 PM

اقدر اقولك ان سبب الرئيسى هو الفراغ يعنى بقى نص البنات و ولد بقى مش عندهم هدف يسعوا له فبقى مخهم شبه فاضى خالص فطبعا مش بيفكروا غير يا ترى فستان سمر ده كان بكام و عربيه مهند تهبل و شايفين كريم ازاى حونين على فاطمه

بقى عندهم فراغ كبير ناتج على عدم اشغال حياتهم بما يفيدهم فطبعا بيلجاول لملأ الفراغ ده من ناحيه العاطفيه

مش بيكون حب بجد و لكنه احتياج للحب

ولد مش بتفرق معاه البنت الى مصاحبها على قد ما تفرق معه انه اهو مصاحب و انه رااااااااجل و حاسس ان فيه بنت يقولها رايحه فين و جايه منين و يمارس سلطته و يطلع عرق رجوله عليها شويه

البنت بقى برده مش تفرق معاه حتى لو الولد يكون شبه حزلقوم المهم انه اهو يسمى راجل بيقول بحبك حتى لو هى تاكده مليون فى الميه انها بتستهبل و هو بستعبط و بيتسلوا و يقضوا وقت و خلاص

ما هو من كتر فراغ نفسهم يضيعوا وقت بقى ..خد بقى رسايل حب و غرام و هيام بلا مشاعر اصلا

تلاقى ولد يغير من البنت و التانيه على انه بيشترى جراب موبيل

و البنت تغير من ولد لتانى على انها سيتى سنتر حضرتها ده لو مش تكون مظبطه نفسها و بتكلمهم كلهم فى نفس الوقت

الخلاصه يعنى من الاخر كدا لانى رغيت ....لو كل واحد حط لنفسه هدف بجد يسعى له و اشتغل عليه بجد و ملئ فراغه دراسه و شغل و هوايات و حافظ على مشاعره للى يستحقها بجد عشان تظهر لشخص واحد يستهل فى الوقت مناسب و كمان يبقى حب بجد و نستمع بلذته مش يبقى مجرد كلام خالى مش المشاعر

لو ده حصل و شبابنا عقل احتمال مصر تتغير

كل واحد بقى مش يدى حكم و مواعظ للناس و ينسى نفسه

كل واحد يبدا من نفسه ..ان الله لا يغير من قوم حتى يغيروا من انفسهم

موضوع عجبنى جدا ..اتمنى اكون فهمت الزيتونه بتاعه الموضوع الى انت تقصدها :p

روووووز

22-07-2012, 04:24 PM

بجد اسوب جميل جدااا وفى نفس الوقت فيه روح الفكاهه

وعندك حق فى كل كلامك انا لما بتكلم مع حد اجنبى بتختلف 180 درجة لما بكلم حد عربى او مصرى :(

بس عارفه انا برتاح معاهم اكتر لسبب انهم متفهمين اكتر من العرب وبيتقبلوا كلامك بصدر رحب :d اما طبعا العرب لو اتكلمت معاهم ودخلت معاهم فى اى نقاش بتقلب :stickjo4:

على فكرة احنا بنفسر كل حاجة بالعكس المقياس بتاعنا الوقتى بقى ده بدقن ولا مش بدقن دى بنقاب ودى سايبة شعرها ده يعنى بنفكر بتفكير راجعى خالص فى الوقت اللى الدول بتبنى وبتشتغل وتصنع واحنا لسه بنفكر فى مواضيع غريبة هى سبب تأخرنا

اما بالنسبة للمشاكل عندنا زى التحرش والمعاكسات وغيره وغيره ده مش بسبب اللبس او بمعنى اصح مش العامل الاساسى اللبس السبب هو غياب الاخلاق ومش نقول ان السبب البنت لانها لابسه كذا وكذا لان اللبس عندى مش مقياس للاخلاق بس مش لدرجة كبيرة

وموضوع الحب ده والله الواحدة بتشوف بلاوى وبضحك اكتر من قناة الفراعين :d
تلاقى بنت لسه طالعة من البيضة :006et4: وتقول كلام غريب تحسسك ان عندنا قوق 20 سنة ونفس الموضوع بالنسبة للولاد
وفعلا اعظم حب هو حب الله ورسوله اللهم ثبتنا على ايمانه

وفى النهاية التركى انا بكرة كرة العمى اعوذ بالله انا مش عارفه تركيا دى فضتلنا بالمسلسلات دى اكلت عقل البنات وللاسف فى ولاد متابعين

عليه العوض

BaNZeR

22-07-2012, 04:31 PM

اللى معنهدمش دين محترمين اكتر من المجتمع الاسلامى؟؟!!
ازاى حضرتك .........دى وجهة نظر ولا ايه؟؟
يعنــــى معتش فى مسلمين ولا ايه؟ ولاعاد حد مهتم بالدين
حضرتك شايف كدة بس فى العكس امال الشيوخ والدعاة دول يبقى ايه؟؟
حضرتك ممكن أى حد على غير الاسلام يقرأ الموضوع وياخد فكرة وحشة عن المسلمين
كلام حضرتك يحترم........ولكن السبب فى ان حال اغلب شباب المسلمين دلوقتى
هم الغرب عاوزين اغانى اجنبية وافلام خدوا عاوزين نت وفيس وغيره خدوا.......!!
هــــــم السبب فى تدمير حال الامــــــــة يعنـى حضرتك بتمدح فى أعداء الاسلام
وتذم فى المسلمين.........فى حاجة غلط؟؟!!
ليك حق تعترض على حال المسلمين دلوقتــــى بس تنصح مش تفضح
وهقول زى مالاخ(عاشق البلانكو الابيض) قال مينفعش تقارننا بهم ممكن تقارنا بهم فى المستوى العلمى
انما الدينـــــى مينفعش......
(انما الدين عند الله الاسلام).............
أما بالنسبة للافلام والمسلسلات فكل واحد فى ايده الريموت ...ويعرف يتحكم كويس
وليه اصلا نخلى القنوات دى عندنا
اهم حاجة قنوات دينية واخبار وقنوات علمية زى ناشونال جوغرافيك او الجزيرة الوثائقية
واحنا هنفضل دايما كدة وبالتفكير ده لحد منرجع للشرب الاول من الدين
جزاكم الله خيرا

في علم اللغة العربية
المقارنة ليس بالضرورة مدحاً او ذماً

فلو قلتلك إنه الغزال أبطأ من الفهد
لا يعني ان الفهد بطيء
ولو قلتلك النخلة اطول الشجرة
لا يعني ان الشجرة قصيرة

ولو قلتلك "حاليا" المجتمعات الغربية "اكثر" احتراماً منا
لا يعني انهم محترمين ايضاً
ولكن اقصد اننا تخطيناهم

ولم امدح فيهم قط
بل استخدمهم كنوع من المبالغة في الذم بالنسبة لنا !

دي اول نقطة

تاني نقطة .. مفيش مجتمع كله منحل
ومفيش مجتمع كله مثالي
واكيد احنا موصلناش لمرحلة انه ميبقاش عندنا شيوخ او دعاة محترمين

لكن لا ينبغي لنا ان ان ننكر حقيقة الاغلبية من الشباب ولم أقل الكل

يندرجون الآن تحت هذا المصطلح

-------

اما ثالثاً .. فالنصيحة على الملأ فضيحة اي نعم
لكن نصيحة الملأ نفسه دون تخصيص لا اعتقد انه يندرج تحت نفس القاعدة

والله يا جماعة الموضوع مش بقارن بيننا وبين الغرب اصلاً
واكيد طبعاً مش بمدح دينهم عن ديننا
اتمنى انه تكون المعلومة موصلتش لحضرتك بالشكل اللى وصلتلك بيه
واللى حاسس انه تقريبا موصلش لحد اوي :d

أسطورة الأحزان

22-07-2012, 06:06 PM

الله يخليكي يا آية بس احنا معملناش حاجة نستاهل كدا يعني :d

وبغض النظر عن اننا طلعنا بره الموضوع
بس احنا فعلاً عايزين نصفي النية - مش اوي بردو :d - ونبدأ نتعامل مع بعض صح

لا اصل لما دخلت لقيت الاعضاء بسم الله ماشاء الله قايمين بالواجب وزياده فقول ايه بقى خلاص :p

BaNZeR

23-07-2012, 01:02 AM

يمكن لأن البعض يعاني من الفراغ و عدم العمل و غير محدد لأهدافه و بعدين الشيطان هيشتغل عندنا و لا عندهم ربنا يهدينا و يحمينا آمين يارب العالمين و يمكن لأن الممنوع مرغوب
و لكن هل تتصور حضرتك أن هذا الموضوع سبب عدم تقدمنا أم أن هناك أسباب أخري كثيرة
منها 1- الغش في المدارس
2-عدم الحصول علي الوظيفة المناسبة و اذا حصل عليها يكون الدخل غير ملائم
3-عدم اتقان العمل
4- عدم تبني الكفاءات العلمية و الأبحاث الجديدة فكم من الأبحاث و الرسائل تجري للحصول فقط علي الدرجة العلمية ثم توضع في الأدراج فمن الذي يتبني هذه الأبحاث لكي تنفذ علي أرض الواقع فهناك أسباب كثيرة و متداخلة
جزاك الله خيرا و بارك الله فيكم

هما اول سطرين كانوا كويسين
وبعدين دخلنا في الغش وعدم وجود وظايف وعدم تبني الكفاءات
انا بصراحة نسيت موضوعي كان عن ايه اصلاً :d

لكن بصفة عامة هو فعلاً الفراغ عامل مهم في الموضوع
وهو سبب لجوء الشباب للكلام ده يضيعو بيه وقتهم
ويعملو فيه اي حاجة وخلاص

شكراً لمشاركة حضرتك

BaNZeR

23-07-2012, 01:15 AM

لا اقو ل غير ما قال الرفاعى
زرت الغرب فوجد اسلام بلا مسلمين
وبلاد اشرق مسلمين بلا اسلام

جبتي انسب جملة تتقال في الرد على الموضوع

وهناك مبيسرقوش او مبيعملو شحاجة غلط لان فى دولة قانون حدى لحضرتك مثال بسيط
ان لما قبل كدة النور اتقطع فى مدينة من ولاية كالفورنيا تسم سرق اكثر من 25 متجر يعنى مش هما مبيسرقوش علشان اخلاقهم فله لا علشان فى قانون وصارم وبيطبق على الكل

في دكتور عندنا كان اسمه دكتور خالد بيحكيلنا في احد المحاضرات
وهو في امريكا ايام الدكتوراه ولا الماجستير ايا كانت

راح سحب مبلغ من البنك عشان كان حيقدمه في جهة تانية
وراح ودالهم الفلوس وخلص مصلحته ومشي
بعدها لقاهم متصلين بيه بيقولوله المبلغ اللى دفعته كان زايد 500$
تعالى خدهم ورجعهم للمكان اللى خدتهم منه

وبالفعل راح وخد المبلغ وراح مرجعه للبنك
ولو هو كان عايز يسرقه كان سرقه
ولو الجهة التانية كانت عايزة تسرقه كانت سرقته
وولا البنك كان حيقدر يتكلم او يحس بحاجة

الشرطة والقانون موجودين عشان مخالفي القانون
الحرامية موجودين في كل مكان
ايام الثورة لما الامن اختفى يوم واحد
القاهرة كلها اتقلبت تقريباً :d
دي بتبقى ناس محترفة شغلتها السرقة والنهب
لكن الناس الطبيعية والله انتو فاهمينهم غلط
الناس دي بدون قانون عندها ضمير احسن مننا الفين مرة

وعلى فكرة الانحلال اللى عندهم مش زي اللى احنا شايفينه في التلفزيون خالص
ارض الواقع مختلفة تماماً

BaNZeR

23-07-2012, 01:30 AM

مش بيكون حب بجد و لكنه احتياج للحب

ولد مش بتفرق معاه البنت الى مصاحبها على قد ما تفرق معه انه اهو مصاحب و انه رااااااااجل و حاسس ان فيه بنت يقولها رايحه فين و جايه منين و يمارس سلطته و يطلع عرق رجوله عليها شويه

البنت بقى برده مش تفرق معاه حتى لو الولد يكون شبه حزلقوم المهم انه اهو يسمى راجل بيقول بحبك حتى لو هى تاكده مليون فى الميه انها بتستهبل و هو بستعبط و بيتسلوا و يقضوا وقت و خلاص

ما هو من كتر فراغ نفسهم يضيعوا وقت بقى ..خد بقى رسايل حب و غرام و هيام بلا مشاعر اصلا

انتي لخصتي الموضوع بالظبط في الجملتين دول
هو عايز يعيش دور سي السيد ويعمل عالبنت راجل
وهي عايزة تعيش دور المحبوبة وجو الرومانسية
والمشكلة انه في ناس بتعيش الدور وبتصدقه
وتفضل تعيط بعدين :d

تلاقى ولد يغير من البنت و التانيه على انه بيشترى جراب موبيل

و البنت تغير من ولد لتانى على انها سيتى سنتر حضرتها ده لو مش تكون مظبطه نفسها و بتكلمهم كلهم فى نفس الوقت

الخلاصه يعنى من الاخر كدا لانى رغيت .... ياريتها يبقى فيه غيرة كنا قلنا حب بريء وصادق
لكن المعظم بيبقى اشتغالات
وفي ناس مش فاهمة ده ومش مصدقة ده
او بمعنى اصح مش عايزة تصدق ده

لو كل واحد حط لنفسه هدف بجد يسعى له و اشتغل عليه بجد و ملئ فراغه دراسه و شغل و هوايات و حافظ على مشاعره للى يستحقها بجد عشان تظهر لشخص واحد يستهل فى الوقت مناسب و كمان يبقى حب بجد و نستمع بلذته مش يبقى مجرد كلام خالى مش المشاعر

لو ده حصل و شبابنا عقل احتمال مصر تتغير
كل واحد بقى مش يدى حكم و مواعظ للناس و ينسى نفسه

كل واحد يبدا من نفسه ..ان الله لا يغير من قوم حتى يغيروا من انفسهم

فعلاً في حاجات كتير نقدر نشغل بيها وقتنا
وحاجات تانية اهم ومفيدة نقدر نعملها
حتى لو في الشارع نفسه

موضوع عجبنى جدا ..اتمنى اكون فهمت الزيتونه بتاعه الموضوع الى انت تقصدها :p
لا الحمد لله وصلتي لزتونة الموضوع وللكريزة كمان :d
وليكي الشرف اكيد انك تعدي على موضوعنا
اقصد لينا الشرف اكيد انه يعجبك موضوعنا :d
نورتي التوبيك

مريم السباعى.

23-07-2012, 02:06 AM

جبتي انسب جملة تتقال في الرد على الموضوع

في دكتور عندنا كان اسمه دكتور خالد بيحكيلنا في احد المحاضرات
وهو في امريكا ايام الدكتوراه ولا الماجستير ايا كانت

راح سحب مبلغ من البنك عشان كان حيقدمه في جهة تانية
وراح ودالهم الفلوس وخلص مصلحته ومشي
بعدها لقاهم متصلين بيه بيقولوله المبلغ اللى دفعته كان زايد 500$
تعالى خدهم ورجعهم للمكان اللى خدتهم منه

وبالفعل راح وخد المبلغ وراح مرجعه للبنك
ولو هو كان عايز يسرقه كان سرقه
ولو الجهة التانية كانت عايزة تسرقه كانت سرقته
وولا البنك كان حيقدر يتكلم او يحس بحاجة

الشرطة والقانون موجودين عشان مخالفي القانون
الحرامية موجودين في كل مكان
ايام الثورة لما الامن اختفى يوم واحد
القاهرة كلها اتقلبت تقريباً :d
دي بتبقى ناس محترفة شغلتها السرقة والنهب
لكن الناس الطبيعية والله انتو فاهمينهم غلط
الناس دي بدون قانون عندها ضمير احسن مننا الفين مرة

وعلى فكرة الانحلال اللى عندهم مش زي اللى احنا شايفينه في التلفزيون خالص
ارض الواقع مختلفة تماماً

بص انا متفقة معاك فعلا فى كلمة ان الناس هنتاك طبيعتهم غير الى احنا شيفينوة دة خااالص ودة فعلا واتفق معاك ان فى ناس كتيؤمنهم كويسن او يعنى كطباع وضمير ذينا وبرضه مش بقول اننا يعنى الى ملاك قوى انا بس بقول ان هناك حرية اكتر مش بيخليهوم عندهم كبت يدفعهم انهم يعملو افعال شنيعة او غلط ذى ميحصل هنا
وبرضه علفكرة بيختلف من شعب لشعب من الشعب البريطانى لاسبانى لالمانى كل منهم فى كم صفة كدة بتمزهم

modym2020

23-07-2012, 12:19 PM

الاجانب فى تعاملاتهم بيفصلوا بين كل حاجة يعنى لو وقت شغل يبقى شغل
لو فى أعياد او فسحة يبقى صعب جدا يتكلم معاك فى شغل
لو فى شات يبقى كلام هو عارف حدوده ايه
لكن كمان زى ما فى وقت لكل ده فى اوقات تانى يعملوا فيها اللى عايزينه دون اى شعور بالذنب
ده غير ان فى منهم ليس له دين اساسا يعنى البعض تسأله عن دينه يقولك nothing
يؤمن بالعقل وبس وده معناه ان مافيش اى رقابة على شهواته

وعلى كل حال ايا كان حال المسلمين فنحن أفضل منهم ولا مجال للمقارنة
اسأل سؤال ولنفسى اولا
مين مننا اتعلم دينه صح ؟ وفين ؟
فى المدارس ؟؟؟
ولا فى البيت ؟؟؟؟
عقيدة صحيحة وتوحيد وفقه و..................
سهل جدا اى حد يتكلم عن الاسلام مع اننا لانعلم عنه الا قليل
عشان كده احنا احسن منهم بكتير لو اتعلمنا وطبقنا صح
قال رسول الله صلى الله عليه وسلم " الخير فى وفى أمتى الى يوم القيامة "
ربنا يصلح حال المسلمين

الاستاذة نجلاء علي

23-07-2012, 01:14 PM

QUOTE=BaNZeR;4661079]

بل حتلاقي معظمهم متفوقين دراسياً وعلمياً وسياسياً
وعاملين اختراعات وكل حاجة

[/QUOTE]
هذا نص مشاركة حضرتك الأولي

يمكن لأن البعض يعاني من الفراغ و عدم العمل و غير محدد لأهدافه و بعدين الشيطان هيشتغل عندنا و لا عندهم ربنا يهدينا و يحمينا آمين يارب العالمين و يمكن لأن الممنوع مرغوب
و لكن هل تتصور حضرتك أن هذا الموضوع سبب عدم تقدمنا أم أن هناك أسباب أخري كثيرة
منها 1- الغش في المدارس
2-عدم الحصول علي الوظيفة المناسبة و اذا حصل عليها يكون الدخل غير ملائم
3-عدم اتقان العمل 4- عدم تبني الكفاءات العلمية و الأبحاث الجديدة فكم من الأبحاث و الرسائل تجري للحصول فقط علي الدرجة العلمية ثم توضع في الأدراج فمن الذي يتبني هذه الأبحاث لكي تنفذ علي أرض الواقع فهناك أسباب كثيرة و متداخلة جزاك الله خيرا و بارك الله فيكم

[/QUOTE]

[QUOTE=BaNZeR;4670551]
هما اول سطرين كانوا كويسين
وبعدين دخلنا في الغش وعدم وجود وظايف وعدم تبني الكفاءات
انا بصراحة نسيت موضوعي كان عن ايه اصلاً :d

لكن بصفة عامة هو فعلاً الفراغ عامل مهم في الموضوع
وهو سبب لجوء الشباب للكلام ده يضيعو بيه وقتهم
ويعملو فيه اي حاجة وخلاص

شكراً لمشاركة حضرتك

سبب تقدمهم هو أن التعليم عندهم صح و الشغل صح و هناك تبني و تشجيع للكفاءات العلمية و إن كنت تقصد أن المرأة تعمل مع الرجل عندهم فعلي فكرة عندنا أيضا المرأة تعمل مع الرجل في الأوساط العلمية و بخاصة الكليات العملية أو في الأوساط المحدده هدفها و لقد لاحظت ذلك بنفسي
شكرا لحضرتك

BaNZeR

23-07-2012, 05:20 PM

بجد اسوب جميل جدااا وفى نفس الوقت فيه روح الفكاهه

وعندك حق فى كل كلامك انا لما بتكلم مع حد اجنبى بتختلف 180 درجة لما بكلم حد عربى او مصرى :(

بس عارفه انا برتاح معاهم اكتر لسبب انهم متفهمين اكتر من العرب وبيتقبلوا كلامك بصدر رحب :d اما طبعا العرب لو اتكلمت معاهم ودخلت معاهم فى اى نقاش بتقلب :stickjo4:

على فكرة احنا بنفسر كل حاجة بالعكس المقياس بتاعنا الوقتى بقى ده بدقن ولا مش بدقن دى بنقاب ودى سايبة شعرها ده يعنى بنفكر بتفكير راجعى خالص فى الوقت اللى الدول بتبنى وبتشتغل وتصنع واحنا لسه بنفكر فى مواضيع غريبة هى سبب تأخرنا

اما بالنسبة للمشاكل عندنا زى التحرش والمعاكسات وغيره وغيره ده مش بسبب اللبس او بمعنى اصح مش العامل الاساسى اللبس السبب هو غياب الاخلاق ومش نقول ان السبب البنت لانها لابسه كذا وكذا لان اللبس عندى مش مقياس للاخلاق بس مش لدرجة كبيرة

اهو الحمد لله حد وصل تاني للفكرة وفهم كلامي
واللى اتعامل مع الاجانب حيفهم كلامي اكتر
هما مش ناس منحلة اوي زي محنا متصورين يعني

وفعلاً تفسيرنا دلوقتي للحاجة بقى شكلي فقط
حتى تديننا بقى شكلي واهم حاجة اني اربي لحية والبس نقاب
ومش مشكلة بعد كدا اعمل اي حاجة تاني

وموضوع الحب ده والله الواحدة بتشوف بلاوى وبضحك اكتر من قناة الفراعين :d
تلاقى بنت لسه طالعة من البيضة :006et4: وتقول كلام غريب تحسسك ان عندنا قوق 20 سنة ونفس الموضوع بالنسبة للولاد
وفعلا اعظم حب هو حب الله ورسوله اللهم ثبتنا على ايمانه

وفى النهاية التركى انا بكرة كرة العمى اعوذ بالله انا مش عارفه تركيا دى فضتلنا بالمسلسلات دى اكلت عقل البنات وللاسف فى ولاد متابعين

الحمد لله في ناس كتير مش من انصار التركي اهو :d

الولاد مش كتيير بيتابعوه الحمد لله

بس يارب يهديهم على اي حال :rolleyes:

BaNZeR

23-07-2012, 06:12 PM

بص انا متفقة معاك فعلا فى كلمة ان الناس هنتاك طبيعتهم غير الى احنا شيفينوة دة خااالص ودة فعلا واتفق معاك ان فى ناس كتيؤمنهم كويسن او يعنى كطباع وضمير ذينا وبرضه مش بقول اننا يعنى الى ملاك قوى انا بس بقول ان هناك حرية اكتر مش بيخليهوم عندهم كبت يدفعهم انهم يعملو افعال شنيعة او غلط ذى ميحصل هنا
وبرضه علفكرة بيختلف من شعب لشعب من الشعب البريطانى لاسبانى لالمانى كل منهم فى كم صفة كدة بتمزهم

يعني من الاخر عايزين نقول انه ديننا عاملنا كبت وبيدفعنا اننا نعمل الحاجات دي :d
انا مش عارف انتو ليه حولتو الموضوع لمقارنة بيننا وبين الغرب
انا غلطان اني استعنت بالموقف البريء ده لاثبات وجهة نظري :d

وردة امل

26-07-2012, 01:11 AM

مسالخير عليكم :p

BaNZeR

26-07-2012, 01:55 PM

الاجانب فى تعاملاتهم بيفصلوا بين كل حاجة يعنى لو وقت شغل يبقى شغل
لو فى أعياد او فسحة يبقى صعب جدا يتكلم معاك فى شغل
لو فى شات يبقى كلام هو عارف حدوده ايه

والشات عندهم حدوده ايه ؟
الشات بيبقى مفتوح ولا له علاقة بالشغل ولا بالفسحة
بنتكلم في اي حاجة

لكن كمان زى ما فى وقت لكل ده فى اوقات تانى يعملوا فيها اللى عايزينه دون اى شعور بالذنب
ده غير ان فى منهم ليس له دين اساسا يعنى البعض تسأله عن دينه يقولك nothing
يؤمن بالعقل وبس وده معناه ان مافيش اى رقابة على شهواته

أنا عن نفسي لا أحب صيغة التعميم
وأعلم جيداً ان هناك من لا دين لهم وان كانوا محسوبين على احد الاديان
فنحن ايضاً لدينا نفس هذا الصنف وفي هذا البلد الموقر !
وهذه الحالات هي خارج نقاشي وحساباتي

فهم مع ذلك فيهم العديد من المتديين الذين لا يقبلون هذا الانحلال وهم ليسو منا

وعلى كل حال ايا كان حال المسلمين فنحن أفضل منهم ولا مجال للمقارنة
اسأل سؤال ولنفسى اولا
مين مننا اتعلم دينه صح ؟ وفين ؟
فى المدارس ؟؟؟
ولا فى البيت ؟؟؟؟
عقيدة صحيحة وتوحيد وفقه و..................
سهل جدا اى حد يتكلم عن الاسلام مع اننا لانعلم عنه الا قليل
عشان كده احنا احسن منهم بكتير لو اتعلمنا وطبقنا صح
قال رسول الله صلى الله عليه وسلم " الخير فى وفى أمتى الى يوم القيامة "
ربنا يصلح حال المسلمين

مازلت أصر أنني لم أجعل الموضوع للمقارنة
وان كان الغرب بعضهم محترم ولم يتعلم تعاليم ديننا
فهم افضل من هؤلاء الذين تعلمو ديننا ولم يحترموه

طبعاً لو طبقنا ديننا احنا احسن الناس دي مفروغ منها
ولكن محور الموضوع ليس عن الدين او التدين هنا

BaNZeR

26-07-2012, 02:00 PM

quote=banzer;4661079]

بل حتلاقي معظمهم متفوقين دراسياً وعلمياً وسياسياً
وعاملين اختراعات وكل حاجة

هذا نص مشاركة حضرتك الأولي

يمكن لأن البعض يعاني من الفراغ و عدم العمل و غير محدد لأهدافه و بعدين الشيطان هيشتغل عندنا و لا عندهم ربنا يهدينا و يحمينا آمين يارب العالمين و يمكن لأن الممنوع مرغوب
و لكن هل تتصور حضرتك أن هذا الموضوع سبب عدم تقدمنا أم أن هناك أسباب أخري كثيرة
منها 1- الغش في المدارس
2-عدم الحصول علي الوظيفة المناسبة و اذا حصل عليها يكون الدخل غير ملائم
3-عدم اتقان العمل 4- عدم تبني الكفاءات العلمية و الأبحاث الجديدة فكم من الأبحاث و الرسائل تجري للحصول فقط علي الدرجة العلمية ثم توضع في الأدراج فمن الذي يتبني هذه الأبحاث لكي تنفذ علي أرض الواقع فهناك أسباب كثيرة و متداخلة جزاك الله خيرا و بارك الله فيكم

[/quote]

سبب تقدمهم هو أن التعليم عندهم صح و الشغل صح و هناك تبني و تشجيع للكفاءات العلمية و إن كنت تقصد أن المرأة تعمل مع الرجل عندهم فعلي فكرة عندنا أيضا المرأة تعمل مع الرجل في الأوساط العلمية و بخاصة الكليات العملية أو في الأوساط المحدده هدفها و لقد لاحظت ذلك بنفسي
شكرا لحضرتك

اجيبلك المصحف احلف عليه يعني
والله موضوعي ما عن التقدم والتعليم :d

وأكيد مش الجملتين دول هما محور الموضوع في كل اللى قلته !

still think of you

06-08-2012, 05:32 PM

ممممممممممم
موضوع جميل و الله كان ف دماااغى من زمان
بصراحه كدا يعنى اعتقد ان المسلسلات هيا السبب بتخلينااا نستعجل ع المواضيع دى
مع الاسف لو انت حتى بتتكلم مع الناس ببراءه بيفهموك غلط
اعتقد ان خطا فى التربيه من الاساس
كل واد طالع فاكر بنات الدنيا هتموووت عليه و العكس
عشان كدا ما بقاش فيه علاقات بريئه ابدا
حتى لو الموضوع مش ف دماااغك
بتلاقى الناس بيقولو فلان و فلانه بيتكلمو سوا ع جنب او ع الفيس اهااا يبقا اكيد بيحبو بعض
مجتمع اعذرنى يعنى متخلللللللللف

و السبب الرئيسى هوا المجتمع و التربيه اللى خلتنا بالشكل المقرف دا

كل ولد عاوز يكوش علا اكبر عدد من البنات و العكس

......... و الله الواحد زهق

تقبل مرورى

masryaa

06-08-2012, 10:09 PM

موضوع رائع
أكيد أننا مش مثالين فى كل حاجة ولكننا أفضل منهم بكتيييييييييييير
احنا عندنا دين وتعاليم . والتقليد هو اللى مودينا فى داهية كله عايز يبقى ع الموضة .
المسلسلات التركية لها تأثير كبيييير ع الناس أنا عن نفسى مليش فى التركى.
ياريت نلتزم بدينا احنا لو التزمنا بديننا هنبقى افضل من أميركاا.

اللهم احفظ مصر وأهلها.

Mr_Ahmed Ghanem

07-08-2012, 02:28 AM

اولا شكرا على الموضوع الجميل لكن خلينى اقول رأى فى الموضوع بكل صراحة

لازم يا جماعة لما نلاقى مشكلة او ظاهرة غريبة او سيئة او عادة مش عاجبانا او بتناقد الصحيح وبتناقد دينا وتقاليدنا لازم نبحث عن اسبابها ونسال نفسنا هما ليه بيعملوا كده ؟؟؟

المشكلة سيدى الفاضل تكمن فى قاعدة من كلمتين تقول : " الممنوع مرغوب "

بمعنى ان انت لو دلوقتى قاعد فى بيتك ممكن يكون حواليك حاجات كتير ما بتسخدمهاش وسايبها وناسيها خالص لكن تعرف لو جه حد له سلطة عليك وقالك متمسكش الحاجة دى او متقربش من الحاجة دى حتى لو انت مكونتش بتستخدمها ولا كنت اصلا بتفكر فيها حتبتدى انك تفكر فيها وتبقى عايز تجربها وعايز تمسكها... اكيد فاهم وجهة نظرى

هية المشكلة الوحيدة فى طريقة حكم المجتمع على الشباب وتحكمه فيه او بمعنى اخر خطأ فى تطبيق دينا وعاداتنا وتقاليدنا اللى قايمة برضه على دينا مش عارفين نطبقها صح على ارض الواقع عشان كده لما نلاقى ولد بيعاكس بنت او بنت بتحب ولد او فى علاقة مفتوحة معاه زى ما بيقولوا يبقى اكيد فى خلل فى تطبيق الدين او القواعد او العادات بتاعتنا لازم نراجع نفسنا لكن تعالى شوف احنا بنعمل ايه حتلاقينا بنتمسك بعادتنا اكتر من غير مراجعة ولا حساب باسلوب " هوة كده وخلاص"