السلام عليكم
ان شاء الله انا ناوية ادخل صيدلة طنطا
وحابة ادخل صيدلة كلينيكى
بتمنى من اى حد هنا ف صيدل كلينيكى يفدنى بمعلومات عنها
وخصوصا المتاح للخريجين ف سوق العمل :)
وهل هى افضل ام الصيدلة العادية

انا زيك بالظبط وعايز معلومات عنها علشان لو هاخش هتبقى كلينيكال طنطا يعنى هانبقى زمل

بس انا مابحبش صيدلة عادى انا محتار بين كلنيكى واسنان وبيطرى

عايزين معلومات زى
1- عدد الطلاب فى كلنيكال طنطا
2-الفرق فى فرص العمل
3-السفر بره
4- امكانية ان اصبح معيد ودى اهم حاجة
5- مصروفات القسم انا سمعت ناس بعشرة وناس بتقول 16 الف

الطلبات شوية صغيريين محدش يشتم

أنا احمد طارق داخل سنة تانية صيدلة طنطا كلينيكال

اول حاجة احب اولهالكوا يااااااارب ربنا يكرمكوا وتخشوا الكلية اللي إنتوا حاابنها وتكون صيدلة :)
اول حاجة إني كنت محتار زيكوا بالظبط بين إني اخش صيدلة عادي او كلينيكال ويمكن حتي تشوف بوستاتي من السنة اللي فاتت علي نفس الموقع ده وتشوف الأسئلة بتاعتي تقريبا نفس الحيرة
والحمد لله ربنا كرمني ودخلت صيدلة وكلينيكال
أول ما دخلت لقيت الصراحة العدد اكبر من اللي كان متقااالي يعني الدفع الكلينيكال هما اولي وتانية وتالتة بس ((يعني لسه ماحدش إتخرج عندنا من كلينيكال)) في الدفع اللي اكبر مننا العدد فيها
تانية العدد فيها حوالي 44 واحد عشان طبعا كانت سنة فرااااغ وتالتة العدد فيها تقريبا 68
إحناااااابقي العدد وصل 100 معني كده إن فيه إقبال كبيييييييير واكيد السنة اللي جاية هتبقي أولي عددها أكبر
طبعا المصاريف عندنا بالنسبة لطنطا 10 آلاف في السنة ممكن تدفع 5 في ترم وخمسة في ترم تاني (((تقسط يعني )) شاملة طبعا مصااااريف الكتب والأدوات وعلي فكرة هو ده الشرط الوحيد لدخولها
طبعا الدكاترة معاملتهم لينا الصراحة جاااااامدة بتسألوا الدكاترة زي ما إنتوا عايزين بس في الآخر برضو بتروحوا تاخدوا كورسات وبرضو مثلا الدكتور بيمشي بنقعد نلعب في المدرج ولا أي حد بيقول اي حاااااجة يعني إنتوا داااافعيين معاملة الصراحة
وكمان بتوع صيدلة عادي مش طااااايقينكوا ههههههههه
طيب نيجي للمواد :::

بالنسبة للمواد نفس العدد طبعا ولكن المواد نفسها بتتختلف بعضها يختلف في المسميات وبعضها يختلف خاااااااااااالص ولكن اللي إنتوا هتدرسوه في أولي صيدلة عادي هيدرسوووه مثلا في ثالتة او غيره بس طبعا إنتوا بتدرسوا تقريبا كل مواد صيدلة لحد سنة تالتة وفي رابعة وخااااامسة بتدرسوا مواد طب

لاقدر الله لو شيلتوا مااااااادة مثلا في الترم الول لازم تشوفوا المادة دي هل بتفتح مادة تانية ولا لأ ((بمعني إنكوا مش ممكن تاخدوا المادة اللي مترتبة علي المادة اللي سقط فيها إلا لما تنجح فيها )) طيب لقيتهوا بتفتح طيب إنتوا قدام مشكلة كبييييييييرة هتلخبط الدنيا ممكن تاخدوها في الصيف ((احدي مزايا كلينيكال بس بفلوس طبعا ههههههه)) سمر كورس تدفع في الساعة 500 جنيه ولازم يكون في عدد معين ساااقط مايقلش عن العشرة لو زاد ماشي
عشاااااان طبعا هما بينزلوا دكاترة من الأول تاني وبيشرحوا من جديد وبيفتحوا معامل في الأجااااازة وحاااااجاااااات كده ممكن تكون المادة مثلا 3 ساعات او 2

طبعا في طنطا المشكلة بتاعتها إن المعامل زبااااااااااااااالة ونفس المعااااااامل اللي بياخد فيها العادي عشان كده إحنا حااااااااسيين إنهم إدونا خااااااااااااااااابور

وطبعا الفرق برضو بين الكلينيكال والعادي من حيث المواد درجااااااتها يعني مثلا مادة الأورجانك تلاقيها في صيدلة العادي الترم الول تلاقيها من 300 درجة إنما عندنا من 100 ونفس المادة دي الجزء التاني بتاعها في الترم التاني تلاقيها عندهم من 500 وعندنا برضو ب 100 مش عارف بقي مين الأحسن الدرجات الكتييير ولا القليلة بس ايام سودا ببنعيشها وخلاص هههههههههه

بس طبعا بقي بيتكتبلكوا في الشهادة إنكوا خريج صيدلة طنطا كلينيكال نظام الساعات المعتمدة
وبيقولوا طبعا إن مفيش فرص كويسة للإكلينيكيين في مصر وكده بس بتلاقي كويس في اوروبا وآسيا والخليج بقي
وطبعا بره الصيدلي الإكلينيكي مطلوب اكتر من العادي ((أكرر بالنسبة للخارج ))

.............................
طبعا لأي إستفسار تاني انا زي اخوكوا طبعا ده إسم الأكونت بتاعي علي الفيس
Ahmed Ayad

شكرا جزيلا على الرد

طيب ممكن المعامل دى تتغير؟ ولا لأ


تتوقع العدد يبقى كام السنة دى

معلش سؤال امكانية ان الواحد يصبح معيد؟

شكرا ع الرد بس فى حاجات تانية عايزة استفسر عنها
برده سؤال امكانية ان الواحد يصبح معيد؟
هل فى دراسة ف الصيف واللا لاء ؟
سمعت عن دبلومه ف الصيدلة الاكلينيكية ممكن ناخدها بعد الصيدلة العادية يا ترى فى معلومات عنها ؟
بيقولوا ان الصيدلة الاكلينيكية ف عين شمس مجانبة الكلام دا صحيح ؟
وبالنسبة لامكانية العمل ف مراكز الابحاث ؟

انا سمعت انها مجانية فى حلوان بس معرفش فى عين شمس

واه فى دبلومة كلنيكال بعد صيدلة ممكن الواحد ياخدها بس ماظنش انها تبقى زى اللى درس كلنيكال من ساعة مادخل

ده رأيى انا بس معرفش ياريت اللى خد الدورة يقول

انا سمعت برده ان عين شمس مجانى
برده لسه عايزين معلومات عن الدبلومة ياريت اللى يعرف يفيدنا

يا شباب انا سمعت ان صيدلة حلوان كلينكال عادى ومن غير فلوس يعنى الطلبة كلها بتدخل كلينكال بالرسوم العادية
الخبر ده صح

انا جايب 97.6 (400) ممكن ألحق صيدله ولا لأ أرجو إفادتى
لأانى فى غايه الرعب