هــــــــــام جـدا لكل اللى عاوز يدخل اعلام [الأرشيف]

askar elnegm

22-07-2012, 03:02 AM

السلام عليكم

انا محمد اشرف طالب فى تانية اعلام القاهرة وعضو اتحاد طلاب كلية الاعلام .. وبما ان التنسيق بدا فاانا عاوز اقولكم انى مستعد اجاوب على استفسارتكوا فى اى حاجة تخصكوا علشان انا عارف ان اللى بيخلص الثانوية بيبقى تيه وفى حاجات كتير بيحب يعرفها عن الكلية قبل ما يدخلها زى ما حصل معانا بالظبط :)

فاللى عاوز يستفسر عن اى حاجة انا تحت امره :)

[size=4]
وربنا معاكوا ويوفقكوا :)

dr:esraa

22-07-2012, 03:29 PM

isfree

22-07-2012, 06:54 PM

انا من اسكندرية وجايب 90 % ممكن اقدم اعلام القاهرة وهل لو قبلت لازم اقعد فى القاهرة علشان الدراسة

askar elnegm

22-07-2012, 07:27 PM

انا عاوزه استفسر عن اعلام انجلش ... انا جايبه 96.8 %$ و فى الانجلش 43 ... هل ممكن اقبل .. و عندى استفسار تانى اعرف امته انى قبلت انجلش ولا لا ؟؟؟ ... و كمان حاجه لو سمحت انا كاتبه اول رغبه سياسه و اقتصاد و عاوزه ادخلها انجلش ... فهل لو مقبلتش ممكن احول عن طريق الجامعه لاعلام انجلش على الرغم ان معاد التحوييل الكترونيا هيكون قفل ؟؟؟

اولا الف مبروووووك :) .. ثانيا انتى بسم الله ماشاء الله مجموعك حلو وقسم الانجلش عندنا بياخد المجموع + درجة الانجلش فباذن الله تدخليها :) .. هتعرفى انك دخلتى بعد التنسيق لما تروحى الكلية وتختارى قسم الانجلش حسب درجاتك .. ولو ماقبلتيش فى اقتصاد وعلوم سياسية ممكن تحولى لاعلام عادى بس تحويل ورقى مش الكترونى علشان هيبقى قفل فعادى يعنى مش صعبة :) وربنا معاكى :) ومصاريف اعلام انجلش بتبقى حوالى من 6 :7 الاف جنيه .ومصاريف العربى بتبقى 250 جنيه :)

askar elnegm

22-07-2012, 07:31 PM

انا من اسكندرية وجايب 90 % ممكن اقدم اعلام القاهرة وهل لو قبلت لازم اقعد فى القاهرة علشان الدراسة

بص هو فى الغالب كلية الاعلام مش بتقبل اقل من 92.5 ودة كان اقل تنسيق السنة اللى فاتت فكون انك جايب 90 مااظنش انها ممكن بس مين يعلم حسب التنسيق .. ومن حيث الدراسة دى حاجة ترجعلك عاوز تقعد فى الاسكندرية وتروح وتيجى كل يوم براحتك بس دى هتبقى صعبة اوى خصوصا ان الحضور عندنا عليه درجات .. او ممكن تقدم فى المدينة الجامعية جنب الجامعة على طول .. وربنا معاك :)

هونرى

23-07-2012, 02:07 AM

طيب انا جايب 91.8% ممكن الحق اعلام القاهرة

askar elnegm

23-07-2012, 02:38 AM

طيب انا جايب 91.8% ممكن الحق اعلام القاهرة

حسب النصيب بس هو صعب شوية :( .. ممكن تدخل اثار او تلحق السن :)

meto_6120

23-07-2012, 02:47 AM

انا جايب 94.8 علمى هل ممكن الحق اعلام

mero_pink_flower

23-07-2012, 04:41 AM

انا جايب 94.8 علمى هل ممكن الحق اعلام

ah isaaa tel7a2
enta 3elmy wala adby ?

meto_6120

23-07-2012, 06:44 AM

علمممممممممممممممممممممممممممممممممممممممممممممممم ممممممى

askar elnegm

23-07-2012, 08:17 AM

انا جايب 94.8 علمى هل ممكن الحق اعلام

انت ونصيبك بس هى السنة اللى فاتت كانت واخدة من العلمى فوق ال 95 والتنسيق كان قليل فمش عارف السنة دى ممكن ياخد من كام :/

ali yusuf

23-07-2012, 03:09 PM

Nehal Samir Faraj

23-07-2012, 08:11 PM

شكرا لحضرتك جدا على المساعده

طيب حضرتك تعرف حاجا بالنسبه للقبول المغتربين الي برا مصر وله ايه ..؟

askar elnegm

24-07-2012, 03:25 AM

أنا بشكر حضرتك بصدق على روحك الإيجابية..وكل سنة وحضرتك طيب وربنا يتقبل منا ومنكم..
وسؤالي لو تسمح خارج الموضوع الى حد ما..أنا عايز اقدم اعلام تعليم مفتوح وعايز أعرف هل فعلا لا يوجد فيها أقسام؟والسؤال الأهم هل المقابلة الشخصية التي تجرى قبل القبول في برنامج التعليم المفتوح صعبة؟وما هو موضوع الأسئلة بصفة عامة؟يعني ماذا اقرأ لها وكيف أستعد؟
آسف للإطالة ولكن انا عايز آخد فكرة قبل ما اسافر للجامعة لأني في مكان بعيد وبشتغل ولا اريد ان اذهب بدون فائدة..
تقبل شكري وتمنياتي لك وللجميع هنا بالتوفيق

الشكر لله ربنا يخليك :) .. بالنسبة للتعليم المفتوح كلية الاعلام مش بتقبل اقل من 85 % عالاقل ومفيهاش اقسام تخصص بيبقى طول الاربع سنين قسم عام على عكس الانتظام بيبقى فيها 3 اقسام التخصص فيهم من سنة تانية .. المقابلة بتبقى لطلاب الدبلومات اللى لازم يعدى عليهم 5 سنين علشان يقدموا فيها لكن اللى داخلها بثانوية عامة تبع التنسيق مش بيبقى ليه مقابله وفى الغالب بتبقى سهله وبيسالوك انت عاوز تدخل اعلام ليه وبعض الاسئلة عن الاعلام والاعلاميين والصحف والبرامج التليفزيونية وكدة :) .. وربنا معاك ويوفقك :)

askar elnegm

24-07-2012, 03:28 AM

شكرا لحضرتك جدا على المساعده

طيب حضرتك تعرف حاجا بالنسبه للقبول المغتربين الي برا مصر وله ايه ..؟

الشكر لله :) .. للاسف انا معرفش حاجة عن المغتربين غير ان مصاريفهم اكتر مننا بتبقى حوالى 3 الاف جنيه :) .. شوفى انتى عاوزة تستفسرى عن ايه بالظبط بالنسبة للمغتربين وانا اسالك زمايلى المغتربين مفيش مشكلة :)

ali yusuf

24-07-2012, 03:02 PM

سارة عبودة

24-07-2012, 03:17 PM

انا حصلت على 94.51 فهل لى نصيب عندكم

mero_pink_flower

24-07-2012, 08:00 PM

انا حصلت على 94.51 فهل لى نصيب عندكم

isaa tel7a2y
ma3tkdsh hat**** a3laa mn kdaa

m_hilal

24-07-2012, 08:49 PM

koko2222

25-07-2012, 03:25 AM

اناادبى وجايبة 92.8%ممكن الحق اعلام ياريت حد يرد عليا لانى بجد قلقانة اوى اوى

askar elnegm

25-07-2012, 06:53 AM

السلام عليكمـ ، مشكوور جدا عالمجهود الكبير دهـ و ربنا يوفقكـ

انا جايب 94.5 % ادبـى

و كتبت فى الرغبات رغبـه اولى سـياسه واقتصـاد و رغبه تانيه الـسن و تالته إعـلام

بس بصراحه انا عايز اخلى الاعلام رغبه تاانيه ، هل ممكن الحق سياسه و اقتصاد ولا صعـبه شويهـ ؟

و انت شاايف إن اعلام فرصها اكبرر ولا الـسن من حيث الدراسه و فرص العمل و تكافئ الفرص .

هو التنسيق عالى شوية فممكن مش تلحقى سياسة لكن ممكن تلحقى باذن الله اعلام او السن :) .. حكاية الشغل دى حاجة بتاعت ربنا بس الاهم اختارى مجال تكونى انتى بتحبيه وتبقى كويسة فيه .. وعلى فكرة السن اصعب من اعلام بكتير واعلام سهلة اوى دى حقيقة مش علشان انا فيها :)

askar elnegm

25-07-2012, 06:55 AM

اناادبى وجايبة 92.8%ممكن الحق اعلام ياريت حد يرد عليا لانى بجد قلقانة اوى اوى

باذن الله خير ممكن تلحقى :)

askar elnegm

25-07-2012, 06:56 AM

جزاكم الله خيرا..وألف ألف شكر على الإهتمام..وعلى فكرة انا ثانوية عامة دفعة 2001 مجموع 91% علمي علوم..لكن أكيد الثانوية ملهاش مقابلة شخصية؟ولو لها مقابلة استعد لها بايه؟ومشكور ما قصرت..

اكيد ملهاش مقابلة ولو ليها بتعرف اهم حاجة الاحداث الجارية ورؤساء التحرير ومقدمى البرامج وكدة... وبالنسبة لمجموعك دة صعب اوى للكلية لان هى بتقبل فوق ال 95% من العلمى :)

bebba.smile

25-07-2012, 11:34 AM

ali yusuf

25-07-2012, 11:40 AM

اكيد ملهاش مقابلة ولو ليها بتعرف اهم حاجة الاحداث الجارية ورؤساء التحرير ومقدمى البرامج وكدة... وبالنسبة لمجموعك دة صعب اوى للكلية لان هى بتقبل فوق ال 95% من العلمى :)
أستاذ أحمد انا كلامي عن إعلام تعليم مفتوح..هل نفس التنسيق العادي؟
أنا قرأت شروط الدخول على الموقع ومنها:
شروط الالتحاق
ببرامج التعليم المفتوح بجامعة القاهرة

1. الحصول على الثانوية العامة أو ما يعادلها، أو الدبلومات الفنية، أو الحصول على مؤهل عالى دون التقيد بسنة الحصول عليه، وبشرط مضى فترة خمس سنوات على الأقل على تاريخ الحصول على الثانوية العامة أو الدبلوم المتوسط، وبشرط ألا يقل المجموع فيها عن نسبة 50%.
يا ريت توضح لي..انا بتكلم عن التعليم المفتوح مش الإنتظام

احمد الكسار

25-07-2012, 01:21 PM

انا جايبه 94.6 ممكن الحق اعلام ولا ؟؟؟؟

askar elnegm

25-07-2012, 03:59 PM

السلام عليكم انا 2 ثانوى وجبت 80 % هو ينفع انشاء الله لو شدديت حيلى جامد اوى وموت نفسى من المذاكرة انى اجيب مجموع اعلام والا افقد الامل انا كان نفسى فيها جدا وحباها اوى اقدر والا محدش بيزيد فى 3 كدة والا ممكن لو شدديت جامد وهو المفروض اجيب كام فى 3 عشان لما يتجمع على 2 يجيب مجموع اعلام ارجوك تفدنى

امممممم للاسف صعبة دى لانك حتى لو جبت فى تالتة 100 % مجموعك كله هيبقى 90 % ومااظنش ان اعلام تنزل لغاية 90 % اقل سنة نزلت فيها كانت 92.6 % وكمان السنة اللى جاية التنسيق هيبقى عالى لان معظم المجاميع عالية .. انت شد حيلك وبان الله ممكن تلحق تجارة انجلش :)

askar elnegm

25-07-2012, 04:01 PM

أستاذ أحمد انا كلامي عن إعلام تعليم مفتوح..هل نفس التنسيق العادي؟
أنا قرأت شروط الدخول على الموقع ومنها:
شروط الالتحاق

ببرامج التعليم المفتوح بجامعة القاهرة

1. الحصول على الثانوية العامة أو ما يعادلها، أو الدبلومات الفنية، أو الحصول على مؤهل عالى دون التقيد بسنة الحصول عليه، وبشرط مضى فترة خمس سنوات على الأقل على تاريخ الحصول على الثانوية العامة أو الدبلوم المتوسط، وبشرط ألا يقل المجموع فيها عن نسبة 50%.
يا ريت توضح لي..انا بتكلم عن التعليم المفتوح مش الإنتظام

اه معلش انا فهمتك غلط .. لا بالنسبة للتعليم المفتوح طالما عدى عليك 5 سنوات يبقى ممكن تقدم عادى بشرط انك تكون معدى فى المجموع 50 % واكيد حضرتك معديهم :) .. وهتدخل المقابلة عادى وباذن الله تتقبل :) ... لكن خطوات التقديم انا معرفهاش بصراحة لانتى انتظام لكن اللى اعرفه انك تروح مركز التعليم المفتوه وتسال هناك :)

ali yusuf

25-07-2012, 04:57 PM

ألف ألف شكر أستاذ أحمد..جزاك الله خيرا..
أسعدت قلوبنا بتعاونك..
ربنا يتقبل منك وكل سنة وحضرتك طيب

star 1

25-07-2012, 05:54 PM

star 1

25-07-2012, 05:57 PM

بالنسبة بقى لاتحاد الطلبة فى شرط للاشتراك ولا انتخابات عادى وكنت عاوزة اعرف الانتخابات دى اول لما السنة تبدأ لاايه ؟
وسؤال فضولى حضرتك قسم اية ؟

Noha Reda

25-07-2012, 08:08 PM

فداء فلسطين

26-07-2012, 05:17 AM

أول حاجة بالنسبة للمغتربين انا جايبة 95.7 وجايو من السعودية هل ممكن ألحق اعلام ؟؟
وبالنسبة للمواد اللي بدرسها ايه هيا ؟؟؟؟

askar elnegm

26-07-2012, 05:45 AM

ألف ألف شكر أستاذ أحمد..جزاك الله خيرا..
أسعدت قلوبنا بتعاونك..
ربنا يتقبل منك وكل سنة وحضرتك طيب

الشكر لله :) .. بس انا اسمى محمد مش احمد :d

askar elnegm

26-07-2012, 05:49 AM

السلام عليكم ورحمة الله وبركاتة
انا الحمدلله جبت 99.27% اناعاوزة أسأل انا محتارة بين اعلام وسياسة واقتصاد اية الافضل ؟
انا كتبت اعلام فى الاول وبعدين سياسة واقتصاد بس انا قلقانة من اعلام اوووووووى لانى عرفت ان بيبقى فى interviewفى سنة تانية وانا اصلا ثقافة مفيش مش متابعة حتى الاحداث الجارية انا قلقانة اوووووووى انى مدخلش قسم صحافة وخايفة انى اندم انى دخلت اعلام ....
شكرا جزيلا

اولا الف مبروووك مجموعك حلو اوى ماشاء الله :) ... شوفى الاختيار دة يرجعلك انتى حسب انتى مرتاحة لانهى كلية بس اعلام اسهل ومجالها احسن اعتقد كدة :) .. اه بيبقى فى انترفيو فى اجازة سنة اولى علشان تخصص تانية بس ماتقلقيش طالما عاوزة صحافة لان الانترفيو بتاعها بيبقى سهل واسئلته خفيفة لكن انترفيو الاذاعة هو اللى صعب .. يعنى احنا السنة دى كل اللى كاتب رغبة اولى صحافة نجحوا حتى اللى ماعرفوش يجابوا :) .. فماتقلقيش ادخلى وخليها على الله واحنا معاكى فى حاجة تحتاجيها واى استفسار تحت امرك وباذن الله تدخلى صحافة وعلى فكرة حتى لو انتى اى قسم تانى غير صحافة ممكن تشتغلى فى مجال الصحافة عادى جدا المهم انك فى اعلام بس ان شاء الله تدخلى صحافة بسهولة ماتقلقيش :)

askar elnegm

26-07-2012, 05:53 AM

بالنسبة بقى لاتحاد الطلبة فى شرط للاشتراك ولا انتخابات عادى وكنت عاوزة اعرف الانتخابات دى اول لما السنة تبدأ لاايه ؟
وسؤال فضولى حضرتك قسم اية ؟

ههههههههه انتى داخلة سخنة كدة ليه على اتحاد الطلاب :d .. بصى هو بيبقى انتخابات بتقدمى فيها وطبعا علشان تنجحى لازم تبقى مشهورة فى الكلية بين زمايلك اللى فى الفرقة بتاعتك وتكونى محبوبة بين الناس علشان تاخدى اصواتهم والمفروض انه يبقى فى اول السنة او اواخر الترم الاول مش عارف ميعاده السنة دى امتى لما يبقى يخلص الاتحاد بتاعنا احنا ونلحق نساعدكوا فى التقديم وفى اى حاجة انتو عاوزينها ولو عاوزينا نمشى من دلوقتى تحت امركوا :d

انا قسم علاقات عامة واعلان اخترت القسم دة لانى حابه وحاسس ان مستقبله كويس مع انى كان ممكن ادخل صحافة وبسهولة لو كنت كاتبها رغبة اولى بس انا مش عاوزها وليا اصحاب كتير فى اذاعة و صحافة :)

askar elnegm

26-07-2012, 05:58 AM

أول حاجة بالنسبة للمغتربين انا جايبة 95.7 وجايو من السعودية هل ممكن ألحق اعلام ؟؟
وبالنسبة للمواد اللي بدرسها ايه هيا ؟؟؟؟

باذن الله تلحقى :) .. المواد بتبقى سهلة جدا على فكرة والترم بتاخدى 6 مواد

العربى والانجلش ثابتين للترمين
وترم بتاخدى صحافة واعلان / والترم التانى اذاعة وتليفزيون و علاقات عامة
وفى مادتين بتختاريهم كل تيرم من اصل حوالى 5 مواد كل تيرم زى ( تاريخ مصر الحديث والمعاصر - تاريخ العالم المعاصر - علم النفس الاعلامى - علم الاجتماع الاعلامى - الجغرافيا السياسية - مبادئ علم السياسة - مبادى الاقتصاد - اسس الادارة - القانون الدولى -الاعلام العلمى ) بينزل منهم 5 كل تيرم وبتختارى 2 واحنا هنبقى نتابع معاكوا ونقولكوا على الاسهل منهم لما تدخلوا الكلية ان شاء الله وقبل مايفتح باب التسجيل للمواد علشان الكلية فيها نظام وحش اوى اللى هو باللى يلحق يسجل الاول :d لكن معظمهم ماود سهلة والكلية التقدير الشعبى فيها جيد جدا دة لو مجبتيش امتياز اصلا :)

askar elnegm

26-07-2012, 06:04 AM

لو سمحت أنا جبت 90% أدبى
و كده مش هلحق اعلام
بفكر فى اعلام تعليم مفتوح .. بس مش عارفة هى فعلا زى اعلام العادى من حيث قوة الشهادة و التعليم و فرص العمل ولا لأ؟ و نظامها ايه بالظبط؟ و هل ممكن لو جبت تقدير فى سنة 1 أحول اعلام عادى؟؟

و عندى سؤال تانى .. اعلام خاص فرصه فى العمل بتبقى زى اعلام عادى ولا لأ؟؟ و ايه أحسن جامعة خاصة فى الاعلام؟

و شكرا مقدما :)

اكيد طبعا اعلام تعليم مفتوح مش زى العادى هما بيحضروا يومى الجمعة والسبت اللى احنا بنبقى اجازة فيهم وكمان محاضرتهم فى كلية دار العلوم مش كلية الاعلام وكمان مفيهاش تخصص بتفضلى طول ال 4 سنين قسم عام يعنى بتدرسى كله والشهادة برضو اكيد الانتظام فرصته اقوى لكن كل حاجة بتاعت ربنا وحسب الكفاءات برضو حطى دى فى دماغك قوى انه مش شرط الشهادة اوى زى الكفاءة :) ..وماينفعش تحولى من تعليم مفتوح الى انتظام لانه نظام تعليم مفتوح مش انتساب فى فرق وكليتنا مفيهاش نظام الانتساب .. وموضوع الاعلام الخاص معرفش عنه حاجة للاسف وربنا معاكى ويوفقك :)

Noha Reda

26-07-2012, 10:11 AM

اكيد طبعا اعلام تعليم مفتوح مش زى العادى هما بيحضروا يومى الجمعة والسبت اللى احنا بنبقى اجازة فيهم وكمان محاضرتهم فى كلية دار العلوم مش كلية الاعلام وكمان مفيهاش تخصص بتفضلى طول ال 4 سنين قسم عام يعنى بتدرسى كله والشهادة برضو اكيد الانتظام فرصته اقوى لكن كل حاجة بتاعت ربنا وحسب الكفاءات برضو حطى دى فى دماغك قوى انه مش شرط الشهادة اوى زى الكفاءة :) ..وماينفعش تحولى من تعليم مفتوح الى انتظام لانه نظام تعليم مفتوح مش انتساب فى فرق وكليتنا مفيهاش نظام الانتساب .. وموضوع الاعلام الخاص معرفش عنه حاجة للاسف وربنا معاكى ويوفقك :)

شكرااااااااااااااااااا :)

ali yusuf

26-07-2012, 10:56 AM

الشكر لله :) .. بس انا اسمى محمد مش احمد :d
اعذرني استاذ محمد انا أحيانا ببعت المشاركات بالنهار وانا صايم:)..وبعدين محمد وأحمد كلها أسماء روعة..دمت بخير:)

askar elnegm

26-07-2012, 03:55 PM

اعذرني استاذ محمد انا أحيانا ببعت المشاركات بالنهار وانا صايم:)..وبعدين محمد وأحمد كلها أسماء روعة..دمت بخير:)

ههههههههه عادى ولا يهمك :)

Nehal Samir Faraj

29-07-2012, 05:35 AM

الشكر لله :) .. للاسف انا معرفش حاجة عن المغتربين غير ان مصاريفهم اكتر مننا بتبقى حوالى 3 الاف جنيه :) .. شوفى انتى عاوزة تستفسرى عن ايه بالظبط بالنسبة للمغتربين وانا اسالك زمايلى المغتربين مفيش مشكلة :)

متشكره جدا ..

طيب النسبه الي الكليه بتقبلها ياعني كام في الميه ؟؟

والمصاريف بتفضل كدا وله هيا اول سنه بس زي باقي الكليات ...؟؟

وسوال لحضرتك .. انتا قسم ايه .. وايه رئيك في الكليه .. هشتغل يعني ؟ انا الناس بتحبطني مع اني حبا الكليه جدا وحبا قسم صحافه جدا جدا ...

بس كدا وتسلم متعبينك ..:)

الـشـيـمـ ء ـا

29-07-2012, 03:14 PM

انا جايبه 390 و بكدة مش هدخل اعلام على نص درجة و اتقبلت السن عين شمس:(
وفى ناس اتقبلت فى الكلية و مش هيقدموا
كده هيسيبوا مكان
ينفع بقى ابقى بدالهم وازاى؟

mero_pink_flower

29-07-2012, 07:23 PM

انا جايبه 390 و بكدة مش هدخل اعلام على نص درجة و اتقبلت السن عين شمس:(
وفى ناس اتقبلت فى الكلية و مش هيقدموا
كده هيسيبوا مكان
ينفع بقى ابقى بدالهم وازاى؟

قدر الله وما شاء فعل
aked daa el 5eer leky matz3alesh
bs ma3tkdsh enek yenfa3 ta7wly wenty msh ***baa magmo3haa

nourmandy

29-07-2012, 08:48 PM

انا علوم و جبت 97.2 و جالى السن عين شمس
بس بفكر احول اعلام القاهره
ممكن تكلمنا عن مميزات الكليه و نظام الدراسه
انا اعرف ان ليها 3 اقسام و قرأت عن المواد بتاعتها بس معرفش حاجه تانيه

askar elnegm

30-07-2012, 07:06 AM

انا علوم و جبت 97.2 و جالى السن عين شمس
بس بفكر احول اعلام القاهره
ممكن تكلمنا عن مميزات الكليه و نظام الدراسه
انا اعرف ان ليها 3 اقسام و قرأت عن المواد بتاعتها بس معرفش حاجه تانيه

الف مبرووووووك :) ... المهم انك تكونى حابة المجال دة بتاع الاعلام او غيره وبالنسبة للدراسة فهى سهله جدا والمواد كلها عادية والتقدير الشعبى فيها جيد جدا والاقسام هى صحافة , اذاعة وتليفزيون , علاقات عامة واعلان .. وحكاية الشغل دى بتاعت ربنا بس هو قسم الاذاعة اللى ممكن يبقى محتاج واسطة علشان تشتغلى فى قناه وكدة .. لكن الفرق بقى زى ماقولتلك انتى حابى انهى مجال اعلام ولا اللغات ؟؟ :)

الكولونيل

30-07-2012, 11:05 AM

أولا : جزاك الله خيرا وبارك فيك علي هذا الكم الهائل من هذه المعلومات المفيدة منك

ثانيا : أريد أن اعرف منك تفاصيل الكلية ((أقسامها&موادها&فرص العمل&.......الخ))

شكرا جزيلااااااااااااااااااااااااا

مستر أحمد دعبس

30-07-2012, 02:18 PM

مستر أحمد دعبس

30-07-2012, 03:29 PM

معلش سؤال اخير
الاعلام في القاهره بس :(؟؟؟

Ahmed.mod

30-07-2012, 05:03 PM

لو سمحت من فضلك انا نفسى اعرف اسعار جامعة بيرووت وخصوصا الاعلام و بتاخد من كام فيها من فضلك ؟؟

askar elnegm

30-07-2012, 07:13 PM

لو سمحت من فضلك انا نفسى اعرف اسعار جامعة بيرووت وخصوصا الاعلام و بتاخد من كام فيها من فضلك ؟؟

الصراحة انا مش عارف :)

askar elnegm

30-07-2012, 07:17 PM

معلش سؤال اخير
الاعلام في القاهره بس :(؟؟؟
اه موجودة فى القاهرة وبس :)

askar elnegm

30-07-2012, 07:20 PM

انا جالي علوم ومش حباها :( ومش قدامي خيار غير تربيه
وكل ده مش بحبه فيا ريت يا استاذ محمد تفاصيل اكتر عن اعلام
مثلا فرص العمل بعد الكليه ؟؟؟
الجهد المبذول اثناء الدراسه ؟؟
ويا تري اعلام بتعتمد على ايه خبرات ؟؟؟ ولا متابعه ؟؟ ولا زي اي كليه هندخل ونذاكر والسلام ؟؟
ثانيا قسم علاقات عامه واعلان ممكن تفسير عنه اكتر ؟؟؟

انا قريت في موضوع تاني ان في جزء بنتعلمه خاص بالدعايه الالكترونيه ده صحيح ؟؟؟

ومعلش طولنا عليك

بالنسبة للشغل كله بايد ربنا فى الاول والاخر بس فرص الاذاعة عندنا صعبة شوية لكن العلاقات شغله حلو الشركات والفنادق والبنوك واى مؤسسة وبرضو الصحافة شغلها متوفر .. والكلية محتاجة متابعة للاحداث وثقافة علشان دى وظيفتنا فى الاخر .. ومن ناحية الدراسة فهى سهله جدا ومن اسهل الكليات والتقدير الشعبى عندنا جيد جدا .. موضوع قسم العلاقات دة والتفسير بتاعه مش هقدر افيدك فيه اوى بصراحة لانى لسة جديد عالقسم برضو واول سنة ليا فيه بس هو شغله زى ماقولت فى الفنادق والشركات وكدة :)

nourmandy

30-07-2012, 11:05 PM

الف مبرووووووك :) ... المهم انك تكونى حابة المجال دة بتاع الاعلام او غيره وبالنسبة للدراسة فهى سهله جدا والمواد كلها عادية والتقدير الشعبى فيها جيد جدا والاقسام هى صحافة , اذاعة وتليفزيون , علاقات عامة واعلان .. وحكاية الشغل دى بتاعت ربنا بس هو قسم الاذاعة اللى ممكن يبقى محتاج واسطة علشان تشتغلى فى قناه وكدة .. لكن الفرق بقى زى ماقولتلك انتى حابى انهى مجال اعلام ولا اللغات ؟؟ :)

الله يبارك فيك :)
و شكرا اوى على رد حضرتك
أنا بصراحه ماكنتش حاطه اعلام ف دماغى تماماااااااا
انا كنت معتقده ان مجموعى هيدخلنى وش صيدله أو على أقل تقدير علاج طبيعى
و فوجئت ان جالى ألسن
بعدين فى البيت اقترحو اعلام لانها واخده نفس مجموع ألسن و لانى مش حابه بيطرى
فلما قارنت بين السن و اعلام لقيت ان اعلام احسن على اقل تقدير لان ليهم نقابه
و لان ليها شغل محدد
انا بحب اتعلم لغات بس دى ممكن تتحل بكورس لغه و على حد علمى ان اعلام بتدرسو لغه برضو
اما بقى اعلام فأنا عاجبنى فيها قسم صحافه و علاقات عامه و اعلان
بس يا رب يتقبل التحويل
معلش بقى رغيت كتير :)

askar elnegm

02-08-2012, 12:12 PM

مجموع اعلام زى ألسن بالنسبه لعلمى علوم واخده من 396.5 لكن طبعا بتختلف لأدبى
و ان شاء الله اول ما يتقبل التحويل هنضم للجروب:)

تنورى باذن الله :)

مينا12

02-08-2012, 10:48 PM

شكرا على المجهود

askar elnegm

03-08-2012, 03:46 AM

شكرا على المجهود

الشكر لله :)

samyadly

04-08-2012, 10:16 PM

كنت عاوز اعرف بس ماهي المواد التي تدرس

askar elnegm

05-08-2012, 03:42 AM

كنت عاوز اعرف بس ماهي المواد التي تدرس

فى ستة اولى بتاخد كل التخصصات والتخصص يبدا من سنة تانية

الترم بيبقى فيه 6 مواد

فى سنة اولى .. العربى والانجلش ثابتين الترمين وبتاخد مادتين من مواد التخصص ( علاقات عامة واذاعة وتليفوين , او صحافة واعلان ) وبتاخد مادتين اختيارى من اصل كذا مادة زى التاريخ وعلم النفس وعلم الاجتماع والادارة وهكذا :)

Bent el pope

05-08-2012, 05:11 AM

معلش سؤال اخير
الاعلام في القاهره بس :(؟؟؟

معلش انا هتدخل هنا
انا سمعت ان فى كليه اعلام فتحت فى سوهاج فانا مش عارفه حضرتك من اى بلد علشان اقدر اساعدك اكتر

Bent el pope

05-08-2012, 05:15 AM

ممكن لو سمحت اعرف تفاصيل كليه الاعلام وسياسه واقتصاد وايهما افضل بس طبعا بعيد عن ان حضرتك فى كليه اعلام ومهنتهم ايه بعد الخروج من الكليه ومن الاخر كده انا كنت داخله علمى وكنت ناويه لى هندسه لكن بعد النظام الجديده ده وسنه واحده فاانا مش ضامنه الكليه على كده فانا علشان كده قولت احول ادبى من الاول ممكن اعرف اول حاجه تفكيرى صح والا غلط ده طبعا بعيد عن الموضوع خالص
فانا علشان كده انا قلت لو دخلت ادبى يا ما سياسه واقتصاد او اعلام علشان سمعت انهم اعلى كليتين فى الادبى فانا عايزه اعرف عنهم كل حاجه وهما بيقبلو من كام فى الميه

سورى للاطاله

Bent el pope

05-08-2012, 04:16 PM

ايه فين الرد ايها لاخوه الاعزاء

askar elnegm

06-08-2012, 04:01 AM

بصى هو التحويل من علمى لادبى يتوقف على انك هتمشى فى الادبى ولا لا بس هو فعلا الادبى بقى احسن بالنسبة لتنسيق العلمى اللى بقى فى السما دة .. بصى انا معرفش حاجات كتير عن سياسة واقتصاد بس اعرف ان فرصتها فى الشغل اضعف من اعلام وبتحتاج واسطة كبيرة خصوصا شعبة العلوم السياسية عن شعبة الاقتصاد والاحصاء وكمان الدراسة بتاعتها صعبة لكن اعلام الدراسة فيها سهله جدا والتقديرات حلوة اوى وليها فرصة فى الشغل فى قسم الصحافة والعلاقات العامة والاعلان لكن قسم الاذاعة ممكن بيحتاج لواسطة شوية .. والمهم انك تكونى حابة المجال دة .. والكلية واخدة السنة دى من 95,2 % للادبى و 97 علمى .. وسياسة واقتصاد بتبقى اعلى منها ب 1 % :)

Nehal Samir Faraj

06-08-2012, 10:37 PM

مممم حضرتك مردتش عليا ..؟؟

Ahmed Shedid

09-08-2012, 04:00 AM

لو سمحت انا سألت فى اعلام انجلش
قالولى هيبقا فيه امتحان بعد العيد علشان هما عايزين عدد معين بس
الكلام ده صحيح و لا لأ و ارجوكوه محدش يعرف نظام الأمتحان ده ايه ؟
شكرا جزيلا

askar elnegm

09-08-2012, 05:31 AM

اه باذن الله هيبقى فى امتحان واول مانعرف ميعاده بالظبط هنقولكوا .. احنا مانعرفش عنه حاجة لانه لسة نظام جديد بس بان الله هيبقى سهل المهم تكون جايب 47 فى الانجلش :)

Bent el pope

11-08-2012, 12:58 PM

Bent el pope

16-08-2012, 08:16 PM

لو سمحت فين الرد

askar elnegm

19-08-2012, 04:54 PM

اولا : ميرسى خالص لردك
ثانيا: بالنسبه لكليه الالسن
ممكن اعرف ايه هى كليه الالسن دى بالظبط انا بسمع عنها وبسمع انى اخد مواد بس انا مش عارفه ايه هى برضو ارجو الرد عليا ياريت تقولولى كل حاجه عنها بالتفصيل ممكن لو سمحتوا اللى يعرف ضرورى
*****************
ياريت حد يقولى كل حاجه عن المستوى الرفيع للادبى بس ياريت على النظام الجديد

بصى انا معرفش عن كلية الالسن كتير غير انك بتدرسى جواها اللغات وبيبقوا 3 لغات اللغة العرية اساسية وبتختارى لغتين لغة اولى ودى بتدرسيها بتعمق وبتعتمد يااما على مجموعك فى الانجليزوى فى ثانوى او فى اللغة التانية .. وبتدرسى لغة تانية برضو بتختاريها بس مش بتدرسيها بتعمق اوى وفى كل لغة بتدرسى الادب والشعر بتاعها وخريجها بيشتغل فى مجال السياحة او التدريس او الترجمة .. بس دة كل اللى اعرفه عنها واسف عالتاخير فى الرد :)

Abeer Ezzat

31-08-2012, 09:53 PM

فعلا انا استفدت كتير من كل المعلومات دى عن الكلية ويارب تكون الكلية الدراسة فيها لذيذة فعلا لان الواحد تعب بجد السنين اللى فاتت

Abeer Ezzat

31-08-2012, 10:01 PM

لو سمحت انا كنت عاوزة اعرف ايه المواد اللى بندرسها فى اعلام انجليزى وايه الفرق بينها وبين اعلام عربى

askar elnegm

01-09-2012, 02:17 PM

فعلا انا استفدت كتير من كل المعلومات دى عن الكلية ويارب تكون الكلية الدراسة فيها لذيذة فعلا لان الواحد تعب بجد السنين اللى فاتت

باذن الله وماتقلقيش الكلية سهله جدا جدا وهتعوض تعب السنين اللى فاتت :)

askar elnegm

01-09-2012, 02:25 PM

لو سمحت انا كنت عاوزة اعرف ايه المواد اللى بندرسها فى اعلام انجليزى وايه الفرق بينها وبين اعلام عربى

فى سنة اولى بيبقى يعتبر معظم المواد هى هى زى الاذاعة والصحافة والاعلان والعلاقات العامة والعربى والانجلش بس الفرقى ان الدراسة بالانجلش لكن بعد كدة مااعرفش ايه المواد سواء فى عربى او انجلش :d

فداء عمارة

10-09-2012, 06:37 PM

بالنسبة للمغتربيييين انا جايبة 95.7 من السعووودية هل ممكن يكون ليا القبول في الاعلام؟؟
لسة تنسيقنا مش باااااااان

محمد المصرى 96

07-10-2012, 12:51 PM

بالنسبة لكلية اعلام الازهر ممكن حد يدخل يرد على بعض استفساراتى عليها بالنسبة للمجموع والاقسام وكده يعنى

زهرة احمد

09-11-2012, 08:32 PM

مشكوووووووووووووووووووووووووووووووور

nourhan17

13-01-2013, 12:37 PM

انا كنت عايز اعرف ايه الفرق بين كلية اعلام و بين كلية اداب قسم اعلام؟
و مين فيهم احسن ؟
و لو دخلت الجامعة الامريكية كلية اداب قسم اعلام احسن ولا كلية اعلام الحكومة؟

soso121

02-02-2013, 06:45 PM

ده موضوع كنت عملاه قبل مااشوف الموضوع ده لو سمحت حضرتك ترد عليا بسرعه فيه :)

لوسمحتوا هو سؤال بسيط وياريت متبخلوش بالاجابه لاني محتاجه الفادة ضروووووري

الوقتي صحافة واعلام بتقبل من كام ادبي ومن كام علمي ؟
حسب مؤشرات تنسيقات السنين اللي فاتت يعني
وهل احسن ادخلها من ادبي ولا علمي؟
وهل هي في شغلها حلوة للبنات

ياااااااااريت تفيدوني

عمر ياسر عمر

15-02-2013, 11:01 PM

انا عايز اشتغل فى كتابة قصص وأفلام للأطفال
انا سمعت ان قسم صحافة وأفلام ممكن يفيدنى
هل ده صح

محررة فلسطين ~تسنيم ~

29-05-2013, 05:52 PM

السلام عليكم

لو سمحت انا كنت عايزه أسال سؤال ضرورى جداااا

انا قسم علمى علوم .. ونفسي ان شاء الله انى اخدل كلية اعلام القاهره .:)

كنت حابه اعرف التنسيق هيبقى عليا عالى ولا اصلا اعلام بتاخد من كام .... ؟!!!

انا اطبق عليا نظام الثانويه الجديد . وانا دلوقتى خلصت 2 ثانوى . وعايه اعرف اكبر معلومه عن اعلام القاهره

وان شاء الله اذا ربنا قر الخير وخلت الكليه هدخل ان شاء الله اذاعة وتلفيون :)

ارجوا الر بأسرع وقت شكرا

AHMED REKABY

22-06-2013, 01:57 PM

ممكن اعرف ايه الفرق بين الاعلم واداب قسم اعلام وكمان ايه احسن لو مجبتش اعلام ادخل اداب ولا اعلام مفتوح

fairytale94

05-07-2013, 02:28 PM

استفسار لو سمحت :) هو اعلام جامعة القاهرة انجلش من 6:7 ألاف هو غالي كدة ليه ده زي الكليات الخاصة صح ؟

ApAcHe 3lI

17-07-2013, 07:11 AM

لو سمحت هو في مقابله شخصيه زي سياحه و فنادق كده ولا لأ
و انا جايب 96.1 % ممكن الحق اعلام و لا

ahmed H capo

17-07-2013, 10:43 PM

ApAcHe 3lI (http://www.thanwya.com/vb/member.php?u=622258)
تلحقها طبعا اذا كان السنه اللي فاتت المجاميع كانت نار واعلام كانت 95 وحتنزل السنادي اصلا

omnia_M

19-07-2013, 08:30 AM

طيب انا جأيبه 98% ادبى .. اعلام افضل ولا اقتصاد ؟

Nurhan Diab

19-07-2013, 05:39 PM

انا جبت 91.95% هل ممكن الحق اعلام ؟؟

momom2

19-07-2013, 06:01 PM

يعد اذنك انا جايب 91.22% ادبي 2013 ممكن الحق اعلام ولا لاء

mitomito

21-07-2013, 03:15 AM

لو سمحت انا جايب 93.6 وكنت عايز ادخل اعلام انجلش وجايب فى الانجليزى 45.5 ممكن ولا لا وكنت عايز اعرف انا هدرس مواد اية لو سمحت وكمان هتخرج منها اية ...
اسف على الاطالة

مذيعه

01-08-2013, 10:23 AM

انا طالبه بكليه الالسن الفرقه الاولى وكان مجموعى فى الثانويه 95.4 وبصراحه كنت متردده ما بين كليه الالسن والاعلام وجالى التنسيق على كليه الالسن ودلوقتى انا عاوزه احول من السن لاعلام ف السنه الدراسيه الجديده ايه الجرءات اللى ممكن اخدها علشان اعمل ده ؟؟؟ ومعاد التحويل امته مع بدايه السنه الدراسيه الجديده ولا وقت تنسيق طلاب الثانويه ولا ايه بالظبط؟اجو الرد ضروووووووووورى

Rana m ahmed

24-01-2014, 07:23 PM

انا فى كلية علوم حاليا كنت جايبة فى ثانوى 94.4 وبفكر احول انا اصلا علمى علوم هل ينفع ادخل اعلام بس عربى واية اللى المفروض اعملة

عاشق الريال

25-07-2014, 01:05 AM

انت بقى ايه رأيك ف اعلام وهى ولا الالسن اصلى انا مجموعى 95,6 وقدمت السن

حسن شاكر

29-07-2014, 07:53 PM

ما هى كلية اعلام

ميدو الشريف

04-08-2014, 10:39 AM

انا كنت عايز اعرف ايه الفرق بين كلية اعلام و بين كلية اداب قسم اعلام؟
و مين فيهم احسن ؟
و لو دخلت الجامعة الامريكية كلية اداب قسم اعلام احسن ولا كلية اعلام الحكومة؟
لو سمحت انا محتارة بين بيطرى واعلام بس انا حابة اعلام ممكن حضرتك تكلمنى اكتر عن طبيعة الكلية والدراسة فيها ولو هدخل قسم اذاعة وتلفزيون ايه المواد اللى هدرسها وطبيعة الانترفيو بتاعها ايه .لوسمحت محتاجة الرد ف اقرب فرصة ممكنة .وشكرا جزيلا

mohamed.abdo118

29-08-2014, 03:32 PM

السلام عليكم انا دلوقتى امامى سياسه واقتصاد واعلام ومش عارف مين اللى مستقبلها احسن وعرفت ان الكليتين بيحتاجوا واسطه علشان الوظيفه انا جايب95.2% وعرفت ان الاعلام اسهل بس السياسه والاقتصاد كليه مرموقه برده فممكن تنصحونى بعد اذنكوا
تانى حاجه السكن فى المدينه الجامعيه شكله ازاى النوم وكام واحد فى الحجره والاكل وكدااا على فكره انا من بنها وجايلى سياسه واقتصاد القاهره وسمعت ان اللى يشيل ماده اومادتين يحرم من السكن والمشوار وحش اوووي وصعب لو مفيش سكن افيدونى ولكم جزيل الشكررررر

هشام احمد صبحي احمد

13-08-2015, 01:59 AM

كنت عايز اسأل حضرتك هو انا لما بختار القسم في سنه تانيه بيبقي فيه شروط معينه ولا ايه ؟
وهل الكليه سهله ولا لازم ادح من اول السنه والكلام ده ؟
برئي حضرتك ، تفضل اي قسم ؟ وليه ؟

وشكراااااااا جدااا علي مساعده حضرتك