الو الو مين معايا !! [الأرشيف] - بوابة الثانوية العامة المصرية

مشاهدة النسخة كاملة : الو الو مين معايا !!

وردة امل

26-07-2012, 01:46 AM

السلام عليكم ورحمه الله وبركاته

كل سنة وانتو طيبين

ورمضان كريم ع كل الموجودين ومش الموجودين :av4056bb7jp3:

بما أن بقالى كتير مكتبتش مواضيع لأنى مشغولة دايما
انتوا عارفين بئا المسؤليات كتير ربنا يكون فى عوننا :d ..

بس حبيت أشارك بموضوع تقريبا دلوقتى بقى منتشر جامد جدا وبقى شئ عادى ف اى وقت :romarioxp6: ..

وهى المعاكسات :excl: ..

بس المرة ديه عن معكاسات التلفون :confused: ..
وكمان الكلام ف موضوع المعاكسات مش بيخلص لأنه بقى حاجة أساسية ف الحياة :blush:..

المهم ندخل ف صلب الموضوع :006et4:

الشئ الأساسى اللى بيخلى الظاهرة ديه تحصل الفراغ ..
تحس أن البنئ آدمين دى فااااضية .. عالم ف الطراوة :romarioxp6:
والطريقة سهلة كل اللى عليك أنك تجيب الموبايل و تكون عامل عرض الدقايق المجانية سعادتك ..
وتضرب أرقام ف بعض وأنت وحظك :028ja7:
يطلعلك شيماء .. سعاد .. هريدى .. حسانين .. شرين .. عباس لو مين مش مشكلة مهو رصيد مجانى
تحت شعار ابو بلاش كتر منه :p

بس الحاجة الغريبة ف الموضوع ده أن الموضوع مبقاش مقتصر ع أن الولد هو اللى بيعاكس ..
لا البنات كمان بقى عندها فراغ ودخلت ف الحكاية :eek::eek:
ونص الناس اللى بتعمل كدا بتبقى من المناطق الأستوائية اللى مش ع الخريطة ;)
زى الـ نجوع من مراكز وأحيانا بتبقى بنات رايقة مدلعة وتربية فلة شمعة منورة :d
وبيبقى بالنسبالهم شئ عادى زبادى كرمب زبادى :d

موضوع معاكسات الموبيل دى زادت اوى وخاصة بعد عرض الدقايق المجانية اللى بيكسبوها
ف غطا ازازة كوكاكولا :blush:

..

المعاكسات ليها أنواع كتييرة أوى ..

يعنى مثلآ تلاقى رقم غريب أتصل بيك وترد عليه وتقعد تقول ألو ألو وتتكلم ..
لحد ماتحس نفسك ف ستار ميكر .. سمعنى صوتك :stickjo4:
وياااه لو كان رخم يقعد يتصل ويكرر فيك الحركة ديه كل شوية
ماهو فاضى بئا وابو بلاش كتير منه :d

وفيه بقى اللى يرن ويفصل ولما تتصل بيه يقعد يكنسل عليك ..
يكنسل يكنسل وشوية وتلاقيه يرن ويفصل تتصل بيه تانى يكنسل يكنسل
وكأنك بتلعبوا حلق حوش :cool:
بتبقى نفسك تشوفه ولا تعرفه مين بس ..
بتحس أنك لو شفته قدامك هتسيب علامة ف وشه :slap1qk6:

وفيه بقى اللى يتصل بيك ويعيشك معاك فيلم هندى ..
تلاقى واحد أتصل بيك أيوه يابنى أنت فين .. مجتش ليه ..
أنت لسه ملبستش .. بتبقى عاوز تقوله أنت مين ياعم
بس بتبقى مش ملاحق ما من كتر ماهو بيتكلم ..
وبعد ما بيخلص رغى بتقوله جمله واحدة لا النمرة غلط ..
يقولك لا يراجل تقوله أه .. يقولك مش تقول ..
ع أساس أنه أداك فرصة تتكلم :angry2::angry2:

وفيه بقى اللى يتصل بيك يكون عاوز يعمل أشتغالة عليك ..
يقولك أنا لقيت مقبرة دهب وأنا عارفك راجل تمام وأمين وهتساعدنا أننا نوصل الأمانة ديه بخير :d:d
وهما قالولى أتصل بيك ياباشا أنت راجل مش فلول وبتااع كدا..
بتلاقى كلام كتير وتعظيم سلام وبتحس نفسك أنك عظيم ف البلد دى :cool::cool::cool:

وفيه بقى اللى يتصل بيك ويقولك الرقم دا رن عليا ..
وأصلا أنت طبعا أستحالة تتصل برقم تلقائى ولو حصلت بتعتذر بأنك قاصد رقم غلط ..
بس النوع دا يحلفلك ويقنعك أنك أنت أتصلت بيه .. لدرحة أنك ممكن خليك تشك ف نفسك :confused:
مع أن ممكن يكون مش معاك رصيد من الأساس :blush:

..

الكلام كتير أوى ف الموضوع دا ..
بس الموضوع من كتر مابيحصل قلت اتكلم معاكم فيه :blush:
بس بيبقى رخامة وانا بحب أوى جو الرخامة ده :p:p
بتحس نفسك عايش ف فيلم وبتأخد دور بطولة :d

وردة امل

مريم السباعى.

26-07-2012, 01:58 AM

BaNZeR

26-07-2012, 02:05 PM

انا تقريباً عديت على كل الانواع دي

رغم اني اصلاً مش من هواة التليفون ولا بتكلم كتير

حتى موضوع الدهب ده افتكر جاتلي رسالة بردو
واحد بيقولي ابوك بيقولك شوفلنا واحد ينقلنا اثار باين ولا ايه

مكنتش اعرف انه ابويا واصل كدا الصراحة
وبيهرب اثار من بره مصر كمان :d

أسطورة الأحزان

28-07-2012, 01:16 AM

هههههههههههههههههههههه عسل والله فعلا كل اللى قولتيه صح بيحصل وحكاية الدهب دى حصلت معايا ومع اخويا واللى يغيظك انهم بعد ما تحطى الرقم فى البلاك ليست تلاقيه بيبعت مسدج يقولك ليه بتعملى كدا فيا حرام عليكى(والله ما اعرفه) بيشككنى فى نفسى ابن اللذينه هههههههههههه
الحكايه بقت سمك لبن تمر هندى

**تسابيح**

28-07-2012, 08:55 PM

هههههههههه
انا بئا حصل لي موضوع الرقم دا رن عليه
وكان خط لسه جايبه جديد ومحدش معاه الرقم ...
وكل شوية يرن ...حاجة ترفع الضغط

إليزابيث

28-07-2012, 09:09 PM

صح والله المعاكسات دي بقت حاجة عادية واكتر من عادية الناس دي بتبأى زباااااااااالة بجد و معندهمش الاحمر خالص وايه تقعد ترن عليك الصبح خالص وبالليل خالص وانت ايه تقوم تكتم صوت الموبايل كأنك عامل عاملة ؟!!!!!!!!!!!!!!! الناس دي مش بيبأى عندهم والله اي خوف من ربنا قال يعني انت مش هتقدر تعملهم حاجة ورا الموبايل لانك كده كده مش شايفهم ؟!!!!!؟!!! نسيو ان ربنا موجوووووووووود والله وبيشوفهم وربنا يمهل ولا يهمل وعاجلا ام آآجلا هيترد فيهم سواء ف اخواتهم البنات او بناتهم بعدييييييين ربنا عليهم والله

moon light2012

28-07-2012, 09:11 PM

ههههههههههههههههههههههههه
موضوع جميل جدا
جزاكى الله خير

A Muslim Girl

29-07-2012, 02:37 AM

ههههههههههههه أنا لو حصل معايا بفتح عليه وأسيبه ع الخط عاادي خالص

Nihal !

29-07-2012, 06:27 AM

والله كلام مظبوط.............. عند حضرتك حق تمااااااااام :)
المشكله اننا بنلاقي ناس بتصدق وخصوصا في موضوع الاثار ده هههههههههههههههههههههههههه
اما المعاكسات دي بقي مشكله انا حاولت اعرف سببها والاقيلها حل .... مش لاقيه ...
تعرفي حضرتك في اوروبا وامريكا لو ولد عاكس بنت في الشارع من حقها تتخانق وتضربه كماان ههههههههههههههههههههههه ... قال يعني الستات هناك عندهم دم ومحترمين هههههههههههههههههههههههههههههههه.... بس هاقول حاجه غريبه قريتها في الجورنال والله اعلم ..
كان في واحده اسرائيله مقيمه في مصر وبتدرس لغه عربيه .. سالوها عن مصر ورايها فيها ... قالت انا في مصر حسيت بامان عمري ما حسيته في اي منطقه سافرت فيها وخاصه المعاكسات دي .. مش بخاف وانا في مصر زي ما كنت خايفه في الولايات المتحده !!
الولايات المتحده ......!!!! o.O ياليله زي الفل ههههههههههه
شوفتوا بقا *!!! نسيت اقول صبااااااااااااح الخيييييييييييييير :)

yara attia

29-07-2012, 11:51 PM

هههههههههههههههههههههههههههههههه والله كلهم حصلت قبل كده
بس انا اي رقم غريب بشوفه عندي ع الحاج ع طول :d

وهو بيصرف بقي مع الاشكال دي بقي ^_^

بس موضوع حلو جدااااااااااا ي فروحتي :d

هـمسة

30-07-2012, 03:06 AM

الموضوع ده زااد فعلا بعد موضوع الدقايق المجانية الكتيييييييييييرة دى
-----------
--------
----
ثانكس على الموضوع

Heartbeat

02-08-2012, 03:12 PM

موضووع جامد يافرح بجد
وفعلا حكاية المعكاسات بقيت حاجة قرف والله
وخصوصــا من بعد نظام الدقايق المفتوحة دا
يعنى شباب فاضى عايز يضيع وقته فبيتسلى عالناس بدل مايضيع الدقايق اللى عنده..!:d
وأنا حصل معايا كل الانواع دى وجربت معاهم كل الطرق علشان اخلص منهم:bosyht9:
كمان دلوقتى حكاية انك تفتحى عليهم وتسيبى التليفون مبقتش تجيب نتيجة نهائى للاسف :angry2:

ربنا يهدى..

love ur life

02-08-2012, 10:39 PM

بس بيبقى رخامة وانا بحب أوى جو الرخامة ده :p:p

وميـــــــــــن مش بيحب جو الرخامه :d ..
تصدقي أنا مش كتير بيحصل معايا كدا
بس أنا بعمل كدا , ف صحابي :d:d:d
ياااه بيبقا جو رخم رخم يعني
مره رخمت رخامه لا أحد يصدقها :p
البت صحبتي كانت شويه ويجلها الضغط مني :d
بموت ف جو الرخامه
وخصوصا ف المحاضرات
:d
واما يتطردوا بقا
واو
:d

....
دا طبعاً اما تكوني جايبه خط جديد وعايزه ربنا يفتحها ف وشك
:d:d

....

تسلمى ع التوبيك وردتى ^_^

مريم عمر عادل

04-08-2012, 02:02 PM

نايس تبويك وردتي

بصراحة ده بقت حاجة تقفع المراره ........و خصوصا حكاية ان حد يتصل بيكي و تفضل تقول الو لغاية

ما نفسك يتقطع و محدش بيرد ....... طب انت حتستفيد ايه يارخم :( ....ببقا نفسي اجيبة من قفاه بجد...

وانزل فيه ضرب لغاية ما يبانله صاحب :).......و في ارخم من كده بيحصل ..... انا بيبقا نفسي بس امسك

واجد فيهم واساله حتستفيد ايه حتستفيد ايه قولي ......

masryaa

04-08-2012, 10:28 PM

موضوع اكثر من رائع
جزاك الله خيرا

Omnia mony

04-08-2012, 10:41 PM

يعنى مثلآ تلاقى رقم غريب أتصل بيك وترد عليه وتقعد تقول ألو ألو وتتكلم ..
لحد ماتحس نفسك ف ستار ميكر .. سمعنى صوتك :stickjo4:
وياااه لو كان رخم يقعد يتصل ويكرر فيك الحركة ديه كل شوية
ماهو فاضى بئا وابو بلاش كتير منه :d

ههههههههههههههه حصــلت فيـا دي
وبجد حااجة تنرفز
يعنى بيسمعوا صوت شيـرين
تنرفز تنرفز
وبقفل السكة ويتصل
طب محدش بيرد لية ولا بينطق لييييييية
:stickjo4::stickjo4::stickjo4::stickjo4:
ولا اللى اتصل مرة فى نص الليل
قال اية عايز يعمل مكرونة بشمـيل
طب وانـا ماالى انا اصلا لسة مبتدئة
ومعرفش حاجة فى الطبيخ
اخر ما زهقـت من ان مفيش فايدة
روحت عاملة وضعية الطيران
لانى طبعا كنت عايزة الموب مفتوح

واللى اتـصل يقولى انا جاي تحت بلكونتكـم
ومعايا طلعـت زكـريا
ويا اااه
يا ااه
اية دة كمـان
:slap1qk6:
قفلت الموب فى دة بالذات
عشـان كنت موش طايقة نفسى اصلا
:mad:

وواحد غيرة صعيدى
كل يوم يتصل على نفس الشخص
والله ما انا والله ما انا مفـيش فايدة
خليت بابا كلمة علمة الادب

والا التانى اللى يقولى دة رقم كذا
هي فين
وبطلوا تداروهـا عنى
والخط دة بتاعى وانا كنت شارهولهـا
احول الله يارب
انا اعرفك واعرفها منين
وكلم تقريبا العيله كلهـا واستمر
ودة بقا المرة دي اتصرفت معاه
انى قفلت خطى شهرين

لا بجد فعلا الحـوار دة فية كلام كتير
وضحكـت اووى بجد فى كلامكـ
تسسسلمى يا قمرى

واتمنى مكنـش تقلت ولا حاجة
بس فعلا حاجة مستفزة
وبتمنى اشووف جديدكـ

الوصول للهدف

04-08-2012, 10:53 PM

الموضوع رائع جدا وموجود فعلا فى المجتمع اللى احنا عيشينه

Mr_Ahmed Ghanem

07-08-2012, 04:55 AM

هو الحل الوحيد ان شبكات المحمول تنزل خدمة اسمها " الابلاغ عن رقم مجهول"

وهية عبارة عن خدمة بتتيح لك ان لو فيه رقم غريب كل شوية يرن عليك او بيعاكسك

تتصل بالخدمة دى وتكون مجانية او برقم رمزى وبتدخل الرقم المجهول ده وتبعته وطبعا الشركة مش حتوقف او تعاقب الرقم ده على طول لان ممكن سيادتك تكون بتعمل كده فى حد مهم او بتهزر مثلا فلازم الشركة تراجع المكالمات الاخيرة الخاصة بالرقم المجهول ده ولو اتاكدت انه فعلا بيعاكس الارقام يتم ايقافه فوراااااااااااا

Bahy_Ahmed

07-08-2012, 05:18 AM

هههههههههههه بس عادي جداا علي فكرة انا لو حد رخخم عليا كده برد له الصاع صاعين ,,, تحت شعار مفيش احسن من الرخامة :)

Bahy_Ahmed

07-08-2012, 05:20 AM

احبكـ ربى

09-08-2012, 11:52 PM

موضوعكــ جميل اختى وردة أمل ,,
هقولكم على حاجة غالبا مش هتصدقوووهاا ,,
انا لحد شهرين فااتو ,, مكنش معايا موبايل اصلا ,,
واكتر حاجة كانت مخليانى ما افكرش اجيبه ,, هو الموضوع ده ,,
بس الحمد لله محصليش أى حاجة من كدة ,,
((الا على التليفون الارضى بصراحة ))
لكن بفضل الله مبقناش نستعمله اطلاقاااااااا
وبعدين بتبقى مكشوفة اصلا لو اى حد عملها فيكى ,,
بس لازم وخصوصا البنات ,, تاخد حذرها من الموضوع ده ,,
وجزاكــِ الله خيرا اختى ,,