السلام عليكم ورحمة الله

كل عام وانتم بخير

عنوان الموضوع يفسره خريجة تربية بتقدير مقبول وتريد اكمال دراسات عليا

الطريق يبدا بالدبلوم المهني ثم الخاص هل استطيع ان اكمل ؟؟ وأين؟؟

فجامعه حلون تقبل المقبول في الدبلوم بشرط انه غير مسموح له ان يكمل

معهد الدراسات التربوية اقبال شديد لدرجة لا يردوا ان ياخذوا مقبول في الدبلومة علا الرغم انهم يسمحون للوافدين الحلصلين علا مقبول ان يكملوا !!!!!!!!!!!!

اكيد عين شمس لن تقبل لانها متعصبه :angry2:

هل هناك خيارات اخرى ؟؟؟ ارجو المساعده

جزاكم الله خيرا

معقووول يا جماعه مفيش رد

ارجو الافادة والمساعده

قانون الجامعات أن الدراسات العليا لازم يكون جايب جيد

طيب الاستثناء لمين ؟

لمن يعمل بالتدريس

يبقى حضرتك هتجيبي ورقة من المدرسة وخلاص تقدري تعملي دبلومة

أما الماجستير فلسة لغاية دلوقت ملهاش حل

السلام عليكم ورحمة الله وبركاته
حضرتك تقدري تكملي دراسات عليا في اي جامعة خاصة (هما مش بيشترطوا التقدير) وطبعا الجامعات الخاصة كلها مش زي بعض من ناحية الفلوس ففيه غالية اوي وفيه متوسطة فانتي دوري هناك لغاية اما تلاقي جامعة خاصة بسعر يناسبك يا أما تشوفي الجامعات التانية الحكومية اللي في المحافظات التانية اللي مش بشترطوا التقدير وشوفي اذا كنتي تقدري تسافري ولا لأ؟
اللهم انك عفو كريم تحب العفو فأعفو عنا

شكرا علي فتح الموضوع
ايضا بعاني من نفس المشكله
ودورت في كل جامعات مصر الي في شمال مصر كلها (دمياط بنها المنصورة طنطا دمنهور عين شمس القاهرة وغيرهم)
لقيت في طنطا بياخدوا مقبول في دبلومة المهنية بس علشان الخاصة لازم جيد في المهنية
وبعد كدة علي الماجستير لازم يكون جيد في الخاصة دي الشروط الي بيص عليها
او ممكن تروحي في معهد الدرسات لو اشتغلتي مدرسة قبل كدة لازم تجيبي شهادة خيرة سنتين ولازم جيد في الدبلومة الخاصة
اتمني لو حد لاقي حاجة يقول عليها

بصي اختى انا هجبلك المفيد

مافيش في مصر الا جامعتين فقط ال بيقبلوا تقدير مقبول في اكمال الدرسات العليا

جامعه بنها - جامعه طنطا
ودا كلام اكيد باذن الله عشان انا مقبول وكملت في جامعه طنطا


اختى العزيزة - مين ال قال انه يشترط لاستكمال دبلوم خاص انك تجيبي في المهنى تقدير - لا المهنى مرحله انتقاليه
بس مش شرط تقدير - المهم عشان تعملى ماجستير - تكونى ف الدبلوم الخاص جيد جدا
ام المهنى مش شرط تقدير


وبالتوفيق

طيب يا جماعة وتقدير المؤهل الاصلى لخريجى الآداب .... هل له اهمية؟
بمعنى انا خريج آداب بتقدير مقبول وعملت دبلوم تربوى ومهنى وخاص .. ينفع اكمل ماجستير؟؟؟؟

شكرا ليكم جميعا

انا لقيت انه بنها في شكوى منها في حكاية النجاح سمعت ان الدكاترة بيتلكوو وده مخوفني الواحد عاوز يخلص

في كلية البنات بتقبل من مقبول لاكن لايوجد تخصص تربية خاصة بها

هل التقديم مفتوح ببنها الان ؟؟

وسمعت ان شبين كويسة بس هل بتقبل من مقبول ؟ وهل التقديم مفتوح