انا دلوقتى قبلت فى تجاره عين شمس و سألتهم قالولى علشان اكون تجاره انجليش لازم تنسيق داخلى و مش دلوقتى بعد العيد
انا عايزه اعرف نظام الكليه فى الجامعه دى بالذات و هى افضل ولا جامعه القاهره
نظام الدراسه - الدكاتره - الامتحانات - الانشطه - الاقسام - مجال عمل كل قسم
كل حاجه
معلش انا زنانه شويه بس قلقانه و كل ما اتكلم مع حد يقولى بتوع تجاره بقوا كتير اوى و مش هتلاقى شغل و كلام كتير كده

اولا موضوع تجارة بقوا كتير و مش هتلاقى شغل الكلام دة محدش يتكلم فيه عشان دية حاجة بتاعت ربنا :) و محدش يقدر يقولك انك هتشتغلى 100% بس ربنا قال لكل مجتهد نصييب حتى بتوع هندسة و طب مش بيلاقوا شغل ساعات :)
التنسيق الداخلى فعلا بعد العيد و انا فى سنة رابعة بنزل عشان اساعد الناس الجديدة فى التنسيق من Friendz Club
الكلية احسن من القاهرة من حيث المناهج و الصعوبة بس افضل فى ناحية الشغل و الصراحة الدكترة مقرفين شوية فى الامتحانات بس دة بردو يعتمد على حضور الواحد الى حاضر و تمام مفيش حاجة بتخرج من ايدة و على الاقل بى الميت بيبقى جيد و ممكن لو اجتهد شوية يبقى جيد جدا و دول قليلين الى فى الجامعة بتجبها مش سهلة اوى بس مش صعبة :)
الامتحانات على حسب المادة و بردو زى ما قلت على حسب حضور كل دة بيتحدد و مش حضور فى سكشين و خلاص لا المهم الدكتور الى هتحضرى معاه نظامة و نسبة الاستيعاب و كدة ^^
الانشطة مالية الكلية و انا عضو فى Friendz Club و تقريبا بيتعمل فيها كل الانشطة اجتماعية ثقافية و غيرها
الاقسام حاليا مفيش الا محاسبة و ادارة و فية كلام انهم هيفتحوا قسم اقتصاد بس الموضوع عليه شوية ياعنى :D على ما ياخدوا موافقات و كدة
مجال كل قسم على حسب البنوك كدة كدة بتاخود المحاسبة و الادارة مش بتفرق و 2 بيعملوا نفس الشغل لكن بتفرق لو هتشتغلى فى شركة او مكتب محاسبة فى العادى بيحبوا بتوع المحاسبة لكن ممكن ياخدوا ادارة لو عاوزين تسويق او مبيعات او IT
لو احتاجتى تسالى فى اى حاجة تانية انا تحت امرك :) و هبعتلك جروب Club و هتلاقينا موجودين ان شاء الله يوم ما تيجى تقدمى نساعدك فى التقديم و اى حاجة هتسالى عليها فى الكلية هتلاقى كل الدفعات قدامك من تانية لى رابعة :)

مش قادر احط الرابط تقدرى تلاقية على الفيس بوك
Friendz Club - ASU

انا برده رحت عين شمس وقالولي كدة بس ممكن اعرف انتي علمي ولا ادبي ومجموعك كام

انا علمى رياضه جبت 91.8%
و الانجليزى 46.5 و المستوى 8.5
و كنت مدرسه لغات لما سألت قالولى انا ليا اولويه مع انى مرحله تانيه كنت فالتنسيق

سيتم فتح باب الترشح لكلية التجارة شعبة اللغة الانجليزية من يوم الأثنين القادم وحتي يوم 30/8 علي أن يكون حاصل علي 42 درجة ونصف في اللغة الانجليزية للعامين
اصل شهادة و صورة منها
ترشح للكلية
صورة البطاقة الشخصية :) و اى معلومات زيادة Friendz Club هنبقى موجودين من الساعة 7 فى الكلية ان شاء الله انا محمد طه لو حبيتوا تسالوا زيادة ^^

الكلام ده هيحصل في عين شمس اكيد

انا جايب 90,4 وجايب في النجليزي 42,5 وجاتلي تجارة عين شمس حد يقولي لو سمحتم انا هقبل تجارة انجليزي ولا لأ

وانا لو رحت يوم الاتنين هيبقي ايه الاوراق والمصاريف المطلوبة مني ارجوووووووووووووكم حد يردددددددددد علياااااااااااا

momken tektebli ellink bta3 elgroup ??

انا علمى علوم وعاوزه احول من كلية اثار لكلية تجارة وجايبه 45 فى الانجليزى ومجموع 93.5 هل لى فرصة انى ادخل تجارة انجليزى لانى بصراحة خايفه احول تجارة واقعد فى تجارة عربى ارجوا الرد ضرورى وبسرعة لانى خايفه وباب التحويل حيقفل خلاص

هو بكره اخر يوم للتقديم للانجليزى ؟؟؟