اعضاء المنتدى الكرام
الحقيقة انا عندى مشكلة ومحتاجه منكم النصح والافادة انا خريجة كلية التربية قسم علوم بيولوجية وجيولوجية دفعة 2007 جامعة اسكندرية
بشتغل حاليا فى مدرسة خاصة فى وظيفة امينة معمل علوم لقسم الثانوى والاعدادى بنات من حوالى تلات سنين بسعى انى اتجه للتدريس بس للاسف كل المحاولات حتى الان لم تنجح والسنة الدراسية على وشك البدء والمفروض انى على وشك التثبيت انا حسه ان فرصتى انى ابقى مدرسة قربت تنتهى وكمان احساسى بالياس خلق جوايا احساس انى حتى لو اشتغلت بالتدريس حفشل وان المدة الى قضتها بعيد عن التدريس (حوالى خمس سنين من وقت متخرجت ) خلتنى اقل من زميلى دفعتى الى مجرد متخرجوا اتشتغلوا بالتدريس انا حزينه جدا وبفكر اسيب الشغل بس المشكلة انى مش لقيه شغل تانى فى اى مدرسة تخصصى محدود جدا وكل المدراس الى ممكن الاقى فيها بعيده جدا على سكنى , انا حلمى ابقى مدرسة احياء متميزه انا بعشق الاحياء والعلوم ومطلعه جدا وبحاول اذاكر المناهج بس بصراحة مش لقيه فايده ومش عارفه احضر دروس بشكل صح يخلينى متميزه وكفاءة لانى للاسف معنديش خبرة عشان احضر الدروس بشكل يساعدنى افهمها معنديش خبرة الفصل وده مخلينى مهما اذاكر مناهج بحس انه مجهود من غير فايدة ياريت اهل الخبرة يساعدونى بنصايح فى مشكلتى ولكم جزيل الشكر ,
اسف على الاطالة وشكرا

الاخت الفاضلة انتى اخترتى من البداية بامينة معمل وهذه وظيفة لاتقل عن التدريس فى الاهمية ولكن كان الافضل ان يكون فيها خريج قسم كمياء وممكن ان يكون فيه تغيير فى المسمى الوظيفى عند التثبيت
اما عن كونكى لاتعرفين طريقة التحضير هذه سهلة جدا اول نقرا الموضوع ثم نعنصره وتسبعد الحشو الكثير وندقق فى المعلومات والاستدلال للطالب يكون على قدر فهمه وسنه ودائما يكون الاستدلال عندنا باالرسم على السبورة او لوحة مصورة او اجراء التجربة عمليا فى المعمل ولكن فى الاحياء الرسم يكون اكثر والتدريس ب الممارسة فكل سنة ياتى تكونين احسن من السابقة وحاولى ان تدخلى حصص الاحتياط فى المدرسة وان كان هناك عجز فى مدريسين العلوم ادخلى انتى مكانهم واشعرى الاداراة اتكى تاجحة وقوية فى المادة واظهرى حبكى لمرستكى ب المجهود وعند الاحتياج لمدرس يمكن ان يتم تثبيتك مدرسة او انقلى الى مدرسة اخرى ومش مهم بعد المسافة وعلى مر الايام يمكن ان تنقلى الى مكان قريب والله الموفق