فى رد وزارة المالية على إضرابات المعلمين للمطالبة بعدد من المطالب الفئوية، أكد ممتاز السعيد وزير المالية، أن الموازنة العامة للدولة لا يمكنها تحمل أية أعباء جديدة، مطالباً كل الجهات العامة المدرجة بالموازنة بالالتزام بالاعتمادات المالية المخصصة لها وعدم تجاوزها بأية صورة وتحت أى ظرف.


الكلام اللي فوق ده كلام وزير المالية ويقول ان مطالب المعلمين مطالب فئوية وده منقول من اليوم السابع .
ايعني مسمعنهوش قال حاجة عن المضيفين ولا قال ولا كلمة عن كل اللي اعتصمو واتظاهرو ولسه بيعتصمو ويتظاهرو ........ هو المعلم ده كائن غير البني ادمين اللي عايشين في مصر .
هو ملوش حق يرتاح بعد شغله من غير الجري في البيوت
هو ملوش حق يتعامل زي اللي معاه دبلوم وشغال في الكهربا او البترول
هو في وزير محترم للتربية والتعليم في اي مكان في العالم يتكلم عن المعلمين اللي في وزارته بالشكل ده
هو ي نقيب اي حاجة في الكون كله يبقا صوت الحكومة جوة نقابته بدل ما يكون صوت اعضاء النقابة عند الحكومة
هو بنطلع لقدام ولا بنرجع لورا
كلمة اخيرة لمعلمين القاهرة والجيزة والقليوبية بالاخص لانهم اقرب ناس لمجلس الوزراء ياريت ولا واحد فيكم يتخلف ده مصيرنا وحقنا

كلام الحكومة كلها دلوقتي اصبح فى اتجاه واحد الكل ضد المعلمين والسبب سيطرة الاخوان الكاملة على النقابة والانفراد بالقرارات حتى ولو ضد مصلحة المعلمين أنفسهم