.اتعرض للظلم المستمر من التوجيه وانا اعمل منذ عام 2009 وتم تعيينى فى 1|7|2011
كل عام يتم النقل لى من مدرسة لاخرى وبعد امضاء الدفاتر واستلام الجدول وكل شىء
يتم مفاجئتى بنشرة نقل مرة من اجل مدرستين يعملون فى الاعدادى
ولكى لا يتم ندب واحده منهما تم نقلى انا بالرغم من انى مدرسة ابتدائى .. وكانت مدرسة تعليم اساسى وفى المرة الاولى جائت النشرة لمدرسة بعيده جدا
وعندما ذهبت للمدرسة فوجئت بانه لا يوجد عجز بها وان بها مدرسة اخرى
يريدون نقلها ..وفى كل مرة يوعدونى يدخلونى مدينتى وان كفاية عليا كدهوفى العام الماضى صدقوا بذلك وتم دخولى مدينتى اساسى وغير كلى وتم ندبى للريف فوجئت اليوم بالتوجيه يقول لى سيتم نقلى للريف مرة اخرى وفوجئت بنشرة لمعلمه اخرى الاساسى بتاعها فى المدينه وايضا ندبها بالرغم من وجود الاقدم منها ومازالوا فى الريف
ماذا افعل عند اتيان النشرة للمدرسة انا مصممه ان مش هنفذها وهقدم شكوى لان هذه المعلمه هناك اقدم منها وتعمل اساسى وندب بالمدينه

دى النشرة اعتقد التاسعه منذ عام 2009
هذا ملخص من افعالهم معى.


.اين اقوم بالشكوى وماهى الاجراءات
الله يكرمكم انا فى ضيق شديد ياريت تفيدونى ...

السلام عليكم
فيه حاجات في عرضك لمشكلتك مش واضحة و أتمنى التوضيح
أولا هل أنتى أحدث واحدة بمدرستك؟
هل يوجد بمدرستك زيادة في المدرسين؟
هل يتم ندب لكي أم نقل؟
هل يتم داخل الادارة أم خارج الادارة؟
عند الاجابة علي هذه الأسئلة باذن الله ربنا يوفقنى لايجاد حل لكي

انا احدث واحده فى مدرستى لكن يوجد دائما عجز فى تخصصى .. ولذلك يتم نقلى..

لا يوجد زيادة بالمدرسين بمدرستى وتم الاتيان بالمعلمه الجديدة المنتدبه لكى ينتدبها فى المدينه ولا تخرج للريف ويوجد اقدم منها ويوجد ايضا اقدم منى فى الريف ..

لكن التوجيه لا يراعى الاقدميه ويراعى الوساطه ..

يريد نقلى وليس ندبى .انا انتدب عندما تعود المعلمه زميلتى وهى فى اجازة وضع

يتم نقلى داخل الادارة

انا بس مضايقه علشان فيه وساطه فى كل شىء عندهم .. ولو كانوا ماشيين بقانون الاقدميه كنت هسكت..

السلام عليكم
فيه حاجات قانونية لا بد تعرفيها
- أولا لا يتم نقل مدرس من مدرسة لأخري الا بناء عن طلب مقدم من المدرس يطلب فيه النقل و اذا لم يقدم طلب نقل و الموجه عوز يوديه مدرسة ثانية يعمل له انتداب ( جزئي ينتهي في شهر يوليو تلقائيا من نفسه أو كلي و لا تستطيع العودة لمدرستك الكلية الا عن طريق خطاب من التوجيه بالغء الندب) و في كلي الحالات سواء الندب او النقل بدون رغبة المدرس لا بد له من شروط :
-أولا أن تكون أحدث واحد بمدرستك
ثانيا أن يكون هناك زيادة في المدرسين في تخصصك بمدرستك
ثالثا ما ينفعش يعمل لمدرس انتداب أو نقل من مدرسته بدون رغبته و بعد كده يجيب مدرس مكانه يعني بعد ما أترك المدرسة محدش يجي مكانى
رابعا ما أنتدبش مدرس لمدرسة فيها زيادة (بس الموجه شاطر بيجمع مدرسة فيها عجز و مش حيغلب )
=لكن تذكري انه عشان ينقل مدرس من مدرسة لأخري لا بد أن المدرس يقدم طلب نقل غير كده غير قانونى أما بدون طلب بيعمل انتداب و يوم ما يكون في مدرستي الأصلية عجز أنا الأصلي الأحق بالرجوع لمدرستي و ما يقدرش يجيب حد مكانى
= ما ينفعش يتعمل ندب لمدرس مرتين في سنة واحدة
= في محافظتى سوهاج و في ادارتى لا نتعامل الا قانونى
المدرسين و الموجه بنكون بنعرفه معرفه شخصية و ساكن جنبك و لما تقول له شفوي انقلي الي مدرسة أخري يقلك قدم طلب كتابي لأنه بيخاف ينقلك و انت بعد كده تغير رأيك و تشتكيه في الشئون القانونية
=هذه قانونيات النقل و الانتداب
لو الكلام اللي ذكرته غير منطبق عليكي ما تنفذيش
لا تمضي علي النشرة و لا الجواب و لا اخلاء
و كمان بمجرد تشوفي النشرة صدرت تقدمى شكوي في الشئون القانونية بالأشياء المخالفة حتى يتم وقف النقل و معاكي كمان نقيب المعلمين
أنا من أجابتك علي اسئلتى نقلك من مدرستك غير قانونى
بس ما فهمتش الجزء ده ( وتم الاتيان بالمعلمه الجديدة المنتدبه لكى ينتدبها فى المدينه ولا تخرج للريف ويوجد اقدم منها ويوجد ايضا اقدم منى فى الريف ..)
لو فيه أي استفسار انا تحت امرك

جزاك الله خيرا بجد استفدت جدا وانا فعلا هقدم شكوى للشئون القانونيه بعد اصدار النشرة..

الجزء اللى حضرتك مفهمتوش من كلامى ان مفيش عجز فى مدرستى وجايب معلمه تانيه وانا موجودة فى المدرسة وانا اللى اخرج منها وهى تمسك مكانى فى المدرسة .. اللى اعرفه انها لها وساطه معاهم ومستحيل تنتدب للريف وبالتالى كان الحل انه يجيبها ويخرجنى انا ..

انا متشكرة جدا لرد حضرتك

يا أبله قدم شكوي في الشئون القانونية و اياكى تمضي علي خطاب النقل او الندب و كمان اشتكيه لنقيب المعلمين في ادارتك
و الله عندنا نفس موضوعك في ادارتنا حدث مع اتنين مدرسين واحد فيهم اشتكي في الشئون القانونية فألغت انتدابه (النشرة بتاعت الندب) لأنه لم يوافق يمضي علي النشرة أو خطاب
واحد تانى الموجه عمل له أنتداب بعد أخذ موافقة شفوية من المدرس و بعد كده الموجه عمل طلب باسم المدرس ووقع مكانه و عمله انتداب فالمدرس رفض و اشتكي للموجه الاول فكتب موجه الاول للغة الانجليزية فى السجل الفنى باللغة العربية ان هذا الندب غير قانونى و لا يتم ندب هذا المدرس و الا سوف يحول الموجه للشئون القانونية
انتى معاكى كل الحق و القانون و تقدري ما تنفذيش بكل سهولة
و لو عوزة نصيحتى تقف قصاد الموجه لأنه طول ما انتدبك كتير و فيه وساطة عرفي الموجه حجمه و وقفيه عند حده
و بعدين أغلب نقيبين المعلمين كلهم أخوان و أكيد مش حيوافقوا بهذه المهزلة و المحسوبية و فيه معلومه انه أصبح القيادات مديري المدارس و الموجهيين بالكفاءة في قانون الكادر الحالي يعنى بسهولة الموجه ممكن يلاقي نفسه رجع يدرس تانى
أخير ربنا يعينك و يساعدك في اتخاذ القرار المناسب و لو فيه اي شيء او استشارة انا تحت امرك

الله يكرمك ..جزاك الله خيرا

يا ست الكل اوعى تسيبى حقك