لكل باحث عن سنوات أقدميته الضائعة بسبب كادر المعلمين الظالم - إليك الخطوات :


تقديم تظلم للسيد مدير عام الادارة التعليمية التابع لها متضرراً من ضياع سنوات أقدميتك ومطالباً بها .
بالطبع سوف يتم رفض التظلم - سوف تقوم بتقديم طلب فى صورة عريضة شاملة موضوحاً فيها اسباب تضررك وضياع سنوات الأقدمية ومبدياً الدفوع القانونية وذلك إلى (لجنة فض المنازعات ) فى مديرية التربية والتعليم التابع لها - وممكن السؤال عنها من خلال الشئون القانونية فى الادارة التعليمية .
بالطبع سوف يتم رفض طلبك - تأخذ رفض الادارة التعليمية + رفض لجنة فض المنازعات - وتقوم برفع قضية فى مجلس الدولة عن طريق محامى استئناف فى (محكمة القضاء الادارى لوزارة التربية والتعليم ) .

- ملاحظة : كل درجة وظيفية لها دائرة خاصة بها .

وللعلم القضية مضمونة 100% - وأنا واحد من الناس بدأت فى الاجراءات .


وبالتوفيق

برافو عليك

وصفة هايلة

لكن أسباب الرسوب متعددة

هاتلى دليل انها مضمونه
لان المحامى بتاعى قالى مش مضمونه وخوفنى منها
ارجو الاهتمام

اخى الفاضل اتمنى لك التوفيق وانا ممن من ضيع الكادر المزعوم اقدميتهم واضاع درجتهم برجاء التواصل لعل يكون هناك خيرا باذن الله تعالى

أنا سألت في موضوع القضية
القضية كان المفروض تترفع وقت الرسوب وسكوتك على الوضع دا يمثل رضاء ضمني
يعني احنا خلاص اتأخرنا على موضوع القضية
المفروض يكون فيه وقفه بجد

بصراحة انا معاكم وكانت ترقيتى للدرجة الثانبة فى 1/8/2003 يعنى المفروض اخد الاولى فى 1/8/2008 يعنى عندنا روسب وظيفى حوالى 4 سنوات .

اتمنى يكون الكلام ده بجد علشان ناخد حقنا.

يا إخوان بس مش الإخوان اللي احنا عارفنهم أنا عندي رسوب وظيفي 7 سنوات

البلد دى مش مضمون فيها حاجة وعلى فكرة القضاة هما الى بيضيعوا الحقوق و عن تجربة
اتمنى تطهير القضاء

الكادر لغى كل الكلام الى انتم بتقوله