[CENTER]بسم الله الرحمن الرحيم
بعد ان من الله علينا وتم تغير منهج اللغة الفرنسة العقيم الذى استمر لاكثر من 20 عام فكرت ان نقوم فى هذا الموضوع بمناقشة جميع اجزاء المنهج الجديد فالمفترض ان يحدث تدريب للمنهج الجديد على يد دار النشر المنتجة كما يحدث مع مناهج الانجليزى ولكن ذلك لم يحدث وسوف نقوم هنا جميعنا بمناقشة افكار المنهج وطرق تدريسه وبعض الجمل التى بها لبس او سؤ فهم باختصار "نريد هنا تفصيص جميع اجزاء المنهج"
نقاشات مقترحة:
1 - كم حصة سيدرس المنهج؟
2- كيف سنقسمم الدرس كم عدد sequence ?
3- كم عدد دروس الترم الاول؟
4- هل سيتناول الامتحان اجزاء صوتية وذلك لان المنهج الجديد يفرد اجزاء كبيرة لها؟
اتمنى ان يشارك العديد ويقوموا بطرح الاسئلة

c'est une bonne idee m. Tameret bon courage.

اتمنى ان يشارك الجميع ويقوموا بطرح الاسئلة و نريد نشرة من المستشارة بطريقة الامتحانات

ممكن نفهم ما يدور عنه كل درس على حد ونجد له مخرج من بعض الدروس الموجوده فى المنهج السابق
لكن المنهج الجديد محير فى كم الكلمات الموجوده فيه
بالاضافه الى :هل هذا المنهج مقرر بنفش الطريقه كلغة ثانية على الالمانى وايطالى وهكذا ام فرنساوى ام هذا الشكل من المنهج فرنساوى فقط؟وده تبقى كارثة لان اللغات الاخرى ستخفف منهجها لكى تجد قبول.ارجو الرد للاهمية

لاحظت فى المنهج الجديد انه ( لم يتم تمصيره ) اى لم يتدخل به احد ليواكب الدارسين فى مصر على غرار كتب اللغات الاخرى كالاسماء و الرموز الوطنية و الاثار المصرية ...............الخ فهل فعلا سوف يتم تدريسه بصورته الحالية دون تغيير ام لا .....................؟

المشكلة والمفاجاة الكبرى هو ان الاستاذ رامى هوى قام بالاتصال بالمستشارة امس واندهشت انه هنام بعض النسخ المطروحة للكتاب وقالت انه لم ياتيها الكتاب بعد وذلك لانها طلبعت بعض التغيرات اى انها نفسها تعجبت كيف ستنشر الكتب الخارجية الكتاب يوم 15/7

ومشكلة تامنهج ده فعلا كم هائل من الكلمات

ممكن افهم يا جماعة الخير لما لا نجيب على استفسارات بعضنا البعض بما لدى كل واحد منا من معلومات عن هذا المنهج الذى لا تعرف مستشارة المادة ان الكتاب بتاعه خرج الى النور

بالذمة ده كلام يبقى كتر خيرنا احنا فى الغموض اللى احنا فيه لهذا المنهج الجديد


من وجهة نظرى فليدلى كلا بدلوه عما يعرفه فلدينا جميعا كم هائل من الاستفسارات ولا مجيب فهل نذهب الى فرنسا لكى تحدثنا عن هذا المنهج


ارجو ابداء الراى من الاىخوة الزملاء الافاضل فى هذا المقترح

واتمنى من الله ان يوفق الجميع الى ما فيه الخير والسلام عليكم ورحمة الله وبركاته

اللهما لا اسالك رد القضاء ولكنى اسالك اللطف فيه

فعلا كما ذكر مسيو تامر : أخبرني مسيو رامي في اتصال انه باتصاله بالمستشارة انها نفت اقرار المنهج الجديد او اعتماده من اللجنة الفنية قائلة انه قد يكون هو او لا يكون وعن الكتب الخارجية اوضحت انها لم تدلي بتصريحات بهذا الخصوص ولا تعلم عنه شيئا هذا ما ذكره لي مسيو رامي
لكن حتى لو كان المنهج فبالطبع لن يكون بتلك الصورة وانما سوف يتوافق مع الطالب المصري مثل المنهج القديم

لو كان هذا هو المنهج الجديد دي كارثة هو احنا بنبسط المنهج ولا نصعبه ؟ هو احنا بنحب الطالب في اللغة ولا نكره فيها ؟

يعنى ايه المنهج لم يقرر من اللجنة الفنية الى الان


يعنى نستنى ولا ان شاء الله يبقى فيه انفراجة فى القريب العاجل؟

لو بحثت فى اليو تيوب ستجد فديو باسم مؤتمر مدرسى اللغة الفرنسية لمناقشة مشكلة الغاء الفرنسية من الاعدادى وكان بحضور المستشارة وبحضور مدير دار النشر هوريزون والذى اكد فوز دار النشر بحق طباعة كتاب اولى ثانوى وان هم شغالين يعنى فى كلام متناقض بين كلام المستشارة على لسان مسيو رامى لو حد يعرف رقم المدير بتاع هوريزون اكيد بتوزع اعدادى عارفينه لان هم اللى دعوه للاجتماع او لو حد ساكن فى القاهرة يروح دار النشر يعرف الحقائق الكاملة

رد مسئول داخل مكتب مستشارة اللغة الفرنسية
‏‎Abou Omar‎‏
أولا : أعتذر عن عدم الرد على الاستفسارات في الفترة السابقة لأني المسؤول عن الجروب وكنت في عمرة ولسه أول يوم أرجع العمل ... فاعذروني
ثانيا : منهج الصف الأول الثانوي لم يشارك فيه مكتب المستشار والذين قاموا بالاشتراك في اختيار المنهج اختيروا عن طريق مكتب الوزير بطريقة عشوائية لذلك لا دخل للمستشار ولا لأي أحد بالمكتب في هذا الشأن .
ثالثا : تجربة اللغة الفرنسية في المرحلة الإعدادية بذلت المستشارة فيها أكبر جهد وتم عقد لجان من أساتذة الجامعات وامتحانات بين الطلاب وأثبتت كل اللجان تجاح التجربة وكل عام نطالب بتعميمها لكن للأسف اختلاف السياسات كل عام بتغيير الوزراء كان له أبلغ الأثر في عدم التعميم وكل وزير يجي نطالبه بالتعميم لكن الخوف من تحكل مسؤولية الميزانية وبعض الاختلاف في التوجهات كان هذا هو سبب عدم التعميم

ارجو أن أكون قد أجبت عن بعض الاستفسارات

ان شاء الله سيتم القضاء على اللغة الفرنسية تماما فى المرحلة الثانوية اذا تم اقرار تدريس هذا المنهج !!

المنهج فيه كلمات غريبة اول مرة اسمعها

يتم الان فى وزارة التربية والتعليم مناقشة المنهج الجديد وتعديله حتى يتناسب مع مجتمعنا لأن به عبارات وأفكار وعادات غير متناسبة معنا (انواع الخمور - وما الى ذلك )
حتى أننى قرأت به جملة غريبة جداً وهى :-
Bougez les hanches de droite a gauche. h

انا طبعت كتاب التدريبات وشغال عليه بالفعل المنهج صعب وفيه ازمنة كتير في بدايته كمان النسخة اللي عندي من كتاب الشرح مش كويسة فيها حروف متلخبطة كدة وحجات غريبة ايه رأيكم يا جماعة عايزين نوصل لكلام مؤكد عشان نشوف شغلنا ونلحق الوقت

يا جماعة انا سمعت اخبار بتقول ان المنهج الجديد بتاع اولى ثانوي اسمه pour quoi pas A1 وده منهج مقرر على المدارس التجريبي كل الحكاية انه تم تغيير اسمه
ولا هوة فعلا منهج QUARTIER LIBRE بس هيعدلوا فيه حاجات

ابشرووووووووووووا يااخوه لو ده المنهج كل واحد يدورله على شغلانه تانيه لان الالمانى والايطالى هيكتسح وشكرررررررررررررررررررررررر

ابالانتظار هو افض حل من احد المشرفين التربوين بالوزارة المنهج مازال تحت التنقيح

هل المنهج الجديد احد اسرار الوزارة العلياحتى تترك السادة مدرسى اللغة الفرنسية فى حيرة من امرهم حتى الان

فى رأيى هذا الكتاب يحتاج الى مزيد من التدريبات حتى يستطيع المدرس فهمه لانه كتاب هايص قراته فلم استطبع أن أقسمه الى مراحل أضف الى ذلك أن كلمات الدروس صعبة لطالب يدرس الفرنسية لاول مرة - يحتاج الى مدرس نشيط فى الفصل والمجهود الاكبر سيكون على المدرس أين اذا مفهوم التعلم النشط
رمضان هاشم- معلم خبير - سوهاج - المنشاه ث بنين

مهتش حد فاضا

سمعت اشاعة باستمرار المنهج القديم هذا العام وعدم تغيره لضيق الوقت والله اعلم

المنهج زبالة

مفيش تغير للمنهج يجماعه انا كنت فى المكتبه النهاردة ولفيت لقيت نسخ كتب خارجية 2014 مفيش فيها تغير معتقدش كتب خارجيه زى جنيال وبراف ومرسى هتخاطر بدة

الكلام ده صحيح ولا ايه الناس دى حيرتنا

انا لما اتصلت بمؤلف كتاب ميرسي قال انه لسه شغال في المنهج الجديد

والله يا جماعه احنا داخلين على شهر 8 ولسه محدش رد علينا اخبار المهج الجديد كام درس ونظام امتحان اولى وتالته على العموم لو هوه فعلا المنهج الجديد quartier libre يبقى علينا العوض كمدرسين فرنش لازم نشوف شغلانه جديده بعد سنتين لانه منهج صعب على الطالب المبتدىء ولا يمشى مع المدرسين ومحتاج منهج جديد ينزلوه قبل سنه ويكون فيه تدريب كتييير وورش عمل طول السنه علشان نفهمه قبل الطالب لان فاقد الشىء لا يعطيه طيب حتى يطلع علينا مسئول وينور علينا علشان كده كتتييير ارجوكم اسمعوا صوتنا لازم يؤجل المنهج الطالب هوه الضحيه فى الاخر يابخت مدرسين الالمانى والايطالى(عصام سيد معلم خبير بالوادى الجديد)

يا استاذى هو اصلا امتى اللغة الفرنسية كمنهج قديم او حتى جديد كان فيه مصداقية والبرهان كتير
مثلا الثانوية الطالب طول السنة يدرس حاجات والامتحان يجيب حاجات فى ااول الالفينات مكنش فى اى جرامير وبعد كده فوجئنا بالجرامير وبقالنا سنتين نويين يبطلوه دون اى كلام من مسئول يقولك سهل فى الامتحان عشان اللغات التانية وتلاقى قبل الامتحان بايام قلائل الحق نظام الامتحان اتغير قول يارحمن يا رحيم على دى لغة وثق تماما ان خلا سنتين على الاقل الايطالية والالمانية فى الوادى الجديد
محمد جمال مدرس لغة فرنسية مدرسة القصر الثانوية الوادى الجديد

والله حرام اننا نمشى ورا الملخصات هو ده اللى ضيع اللغة وخلا اللغات التانية تكتسح
محمد جمال مدرس لغة فرنسية الوادى الجديد

ربنا يستر
بجد والله

سينزل كتاب جينيال الاسبوع القادم ةبالمنهج الجديد

منهج جديد ايه.............. فى الايام ديه طلبه تدرس من اولى اعدادى وطلبه تدرس من اولى ثانوى فين العدل عمار يامصر

ياجماعة فعلا المنهج فى مجموعة كلمات مجرية غبية جدا ومصطلحات زبالة ومش ماشى بتدريج منطقى مع الطالب زى المنهج القديم والله المنهج بالشكل ده فى اولى ثانوى امال فى تانية وتالتة هايبقى شكله ايه واضح ان الوزير اللى فات كان عاوز يدمر الماده خالص

واحب أوجه كلمة للقائمين على اللغة الفرنسية في مصر ...................... حسبي الله ونعم الوكيل

فعلا منهج ضخم وطويل على طالب فى اولى ثانوى . لابد من حزف اجزاء كثيرة من هذا المنهج حتى يتناسب مع طالب اولى ثانوى . مسيو / اشرف حسن احمد المنيا - مطاى - ابوان

الصف الثانى والثالث لا يوجد بهما أى تعديلات
وهذا واضح فى الكتب الخارجيه الطبعه الجديده

هل فعلا هناك منهج جديد هذا العام ام ان الوزير الجديد سوف يغير رايه و يبقى المنهج القديم وهذة اخر اشاعة سمعنها وحسبى الله ونعم الوكيل

لو سمحتو انا عايز اي كتب خارجية او مذكرات للصف الاول والثاني والثالث الثانوي مادة اللغة الفرنسية ضروري وجزاكم الله خيرا


وعاوز اعرف نظام الامتحان هيكون ازاي والمواقف

و الله انا حاسس انهم مش هيغيروا المنهج و لا حاجة و بيسبونا نشتغل نفسنا لما مستشارة المادة معندهاش الخبر اليقين امال نسأل و نعرف من مين مع العلم انة المفروض ان احنا اللى هندرس حاجة لا أخدوا راينا فيها ولا حتى ارسلوها علشان ندرسها و نستعد لتدريسها كلة شغل الامر الواقع شكلهم هيعملوها فينا و مش هيغيروا حاجة و الله يبقى احسن من المنهج المهبب اللى بنتكلم عنه

انا كنت مع موجهة الماده لدينا
وقالت لا يوجد أى شئ
واللى تعرفوا كله زى ما احنا بنسمع من خلال النت

اصدر مكتب المستشارة بيان بان الكتاب الجديد لم يطبع حتى الان وان الوزير الجديد لم يقرر بعد

هل فعلا هناك منهج جديد هذا العام ام ان الوزير الجديد سوف يغير رايه و يبقى المنهج القديم

المنهج القديم اسهل من الجديد بكتير ومع ذلك الطالب بيختار المانى أو اسبانى وحتى طلاب المدارس الإعدادية تجد أن الطالب بياخد فرنساوي فى اعدادي وفى ثانوي يختار ألمانى فما بالكم بتطبيق المنهج الجديد بصعوبة دون ادخال تعديلات علية يبقى المادة ممكن تندثر وتتلغى كمان ....
مسيو حامد فيصل مدرس اللغة الفرنسية بالمنيا

ياجماعة كل الكتب الخارجية نزلت بالمنهج الجديد وهما مش هايضحوا اكيد يعنى بكل طبعات الكتب ديه وهما مش متأكدين بس انصحكم كلكم بكتاب merci مع احترامى لبرافو وجينيال بس merci جامد جدا جدا جدا وتحفة اقسم بالله وهايكتسح كل الكتب الخارجية فى منهج اولى الجديد

ما معنى انه الى الان لا نعلم شيئا عن المنهج والله لو حكينا الكلام دا لواحد فى السودان ليضحك علينا لا المدرسين عارفين ولا المستشاره عاوزه ترد طيب نعما ايه كمدرسين والى الان لم ياتينا اى تدريبب او علامه على المنهج طيب الكتب الخارجيه عملت الكتب دى على اى اساس وانا واحد من الناس ال عملت مذكره ؟؟؟؟؟؟طيب اعمل ايه الوقتى

القصة ان الوزير السابق لم يشرك المستشارة فى اختيار المنهج وشكل لجنة من اساتذة الجامعة ثم جاء الوزير الحالى صاحب مقولة اى قرار اخده ابراهيم غنيم لازم يتغير علشان كده مش موافق على المنهج وعايز يختار اى منهج اخر

اعتمد بالفعل الوزير المنهج الجديد للصف الاول الثانوى quartier libre كما جاء فى جريدة المساء وان الكتاب الان فى مرحلة الطباعة

جريدة المسا قالت برده ان الوزير وافق على طباعة كتاب اولى اعدادى وطبعا هذا خطا لانه قرر عدم طباعة الكتاب والى الان مازالت المفاوضات جارية بشان منهج اولى ثانوى

- منتهى التخبط والارتجال فى القرارات يعنى اية لم يتم اختيار المنهج الذى يدرس فى الصف الاول الثانوى حتى الان ؟
- ماذا يفعل الوزير والخبراء والسادة المستشاريين الذين يكلفون الدولة المليارات كل شهر وهم عاجزون على تحديد منهج دراسى حتى الان ؟
- متى يتم اتخاذ القرار ؟
- متى يتم طبع الكتب ؟

هناك من يصر على افشال التعليم المصرى لاسف

الرجاء الرد فورا انا سمعت ان المنهج الجديد مش هيطبق وهنرجع للمنهج القديم تانى الكلام حقيقى ولا ايه

طيب ايه رايكم ان فى اجتماع ختامى اول سبتمبر لتحديد هل سيدرس المنهج الجديد من عدمه خاصه بعد علمنا ان المستشاره لم تكن تعرف شيئا عن المنهج الجديد وهذا الكلام من مصدر موثوق منه اذا من الممكن ان لا يكون هناك منهج جديد

السلام عليكم جميعا

بعد اذن حضراتكم

فيه اخبار جديدة ولااا؟؟

والمنهج الجديد اللي منزله كتاب جينيال هو ده فعلااا ولااا ايه؟؟؟

بعد اذنكو حد يوضحلنا الجديد لاني متلخبط لحد الوقتي ادرس ايه للطلبة

افيدونا وايلى عنده خبر اكيد يقوله

مازال السؤال قائم ... هل سيتم تغير المنهج فغلا ؟ واذا كان كذلك فاين هو؟