مشاهدة النسخة كاملة : دعوة عامة ... الغداء اليوم كبدة بالبهارات والنعناع والطماطم
الاستاذ محمد سرور 01-07-2008, 12:08 PM السلام عليكم ورحمة الله
الواحد بعد ما خلص تدريس الرياضيات وقال انه حياخد راحة ....... ودة طبعا حلم
جت لى اوامر عليا بالتوجه الى المطبخ لاعداد الغداء
وطبعا لا بد من تنفيذ الاوامر والا ........................ المهم
فكرت فى اكلة كنت بعملها وانا طالب وعايز رأيكم فيها
المقادير :
1- كيلو كبده مقطعة عصافيرى ( قطع صغيرة جدا وليس مكعبات )
2- 1/4 كيلوا طماطم جامدة
3-عدد 2 قرن فلفل (حامى او بارد) حسب الاختيار
4-3/4 كوب زيت ( النوع متروك لك ) ويفضل زيت عباد الشمس
5- ملعقة ملح كبيرة ........1/2 ملعقة فلفل اسود صغيرة .......1/4 ملعقة كمون صغيرة .....1/2 ملعقة بهرات صغيرة .......1/2 ملعقة نعناع مطحون
6- ثلاث فصوص ثوم كبيرة مفرومة
الطريقة :
اولا قل بسم الله الرحمن الرحيم
ثانيا اجعل لسانك رطبا دائما بتلاوة القرآن او التسبيح او الاستغفار مع كل خطوة
ثانيا
يوضع الزيت فى الصينية على النار
ثم بعده الثوم ثم الفلفل بدون توابل لدقيقة
ثم الكبدة المقطعة ويتم التقليب المستمر حتى تصبح على وشك النضوج
ثم توضع التوابل جميعها مع التقليب المستمر
ثم يضاف اليها الطماطم بعد تقطيعها الى قطع صغيرة ويغطى الطعام وتخفف النار عليه لتكون هادئة لمدة من خمس الى عشر دقائق حسب رؤيتك لمدى النضج
وبالهنا والشفا
ادعولى يعدى النهاردة على خير
محمد كامل فوده 01-07-2008, 12:26 PM جميل والله استاذ محمد انا اول مره اعرف ان حضرتك كمان استاذ في الطبخ وكده ، طيب ها نيجي نتغدي فين ( المكان) والوقتي ساعهخ الغدا واحنا جوعنا جدااااااااااااااا
الأستاذة أم معتصم 01-07-2008, 12:30 PM ان شاء الله هيعدى اليوم على خير
ولن يكون اى اثار جانبية ضارة
انت بدأت بالبسملة يبقى كن واثق ان الله سيكون معك
بس على فكرة اكلة جميلة وخفيفة وتنفع على العشاء كمان مع بعض العيش الكيزر وتقطع بجانبها شرائح من الخيار والطماطم والجزر وبعضا من الخس
على فكرة استاذ محمد
هذه الطريقة اعمل بها نوع من الشاورما سواء الفراخ او اللحم
نفس الطريقة مع استبدال الكبده باللحم المقطع شرائح رفيعة او الدجاج المقع مكعبات صغيرة ومع اضافة شرائح من البصل وقليلا الجزر المشور ويمكن الاستغناء عن الثوم
يعنى ضمنت حضرتك 3 اكلات مش واحده بس
على الغداء والعشاءءءء
وبالهنا والشفااااااااااااااااااا
الاستاذ محمد سرور 01-07-2008, 02:10 PM ان شاء الله هيعدى اليوم على خير
ولن يكون اى اثار جانبية ضارة
انت بدأت بالبسملة يبقى كن واثق ان الله سيكون معك
هذا هو قصدى من الموضوع
دعوة الى كل من يعد الطعام ان يبدأ بالبسملة وان يستمر بالتسبيح والاستغفار
الاستاذ محمد سرور 01-07-2008, 02:14 PM جميل والله استاذ محمد انا اول مره اعرف ان حضرتك كمان استاذ في الطبخ وكده ، طيب ها نيجي نتغدي فين ( المكان) والوقتي ساعهخ الغدا واحنا جوعنا جدااااااااااااااا
حاجة غريبة فى مدرسين الرياضة
مرة واحد حبيبى طلبت منه يدخل معايا الغرف الصوتية قال لى ان البركة فيك وثبتنى بكلمتين حلوين وما جاش
ولما سمع عن الاكل بيطلب المكان والميعاد ......هههههههههه
طيب انا عند كلمتى
استاذ خليفة نزل القاهرة وزارنى مع انه من سفاجا على البحر الاحمر
اشوف بقى اهل دمياط امتى ينورنا فى القاهرة
mR . mOstafa Fathi 01-07-2008, 02:52 PM nice topic
مستر محمد
صوت الحق 01-07-2008, 07:23 PM محدش يصدق هذا الكلام
ده تاثير السهر فى الغرفة الصوتية
والارهاق من الشرح
فيه حد فى مصر بيأكل كبده
وكمان كيلو مرة واحده
ده افترى بقى
انا معاك كل دقيقة
كنت قول لى وكنت هسمعك احلى كلام
على العموم بالهناء والشفاء
وجارى التجربة على ضمنتك
والتكلفة عليك
الاستاذ محمد سرور 01-07-2008, 07:36 PM محدش يصدق هذا الكلام
ده تاثير السهر فى الغرفة الصوتية
والارهاق من الشرح
فيه حد فى مصر بيأكل كبده
وكمان كيلو مرة واحده
ده افترى بقى
انا معاك كل دقيقة
كنت قول لى وكنت هسمعك احلى كلام
على العموم بالهناء والشفاء
وجارى التجربة على ضمنتك
والتكلفة عليك
ما هو يا استاذنا الكيلو دة علشان الاعضاء يتفرجوا عليه ومحدش ينسى شكله
يعنى للعرض فقط
ممنوع الاقتراب او التصوير او اللمس
مسموح بالشم للاعضاء المتميزين فقط
هههههههههههه
kalefam 02-07-2008, 12:49 AM غاوزين ناكل .... هم ... هم .... هم
عاشقـــ الانمى ـــة 02-07-2008, 03:18 AM ههههههههههههه
ايه دا يا مستر
بصراحة انا كان نفسى اتعلم الطبخ
بس بعد النهاردة
حبيت اتعلمه من حضرتك
ربنا يستر:D
الاستاذ محمد سرور 02-07-2008, 06:21 AM غاوزين ناكل .... هم ... هم .... هم
ما كان امامك الكبدة والمخ وانت اللى ما وفقتش
على العموم ملحوقة
ابعت لك الاكل على الخاص
الاستاذ محمد سرور 02-07-2008, 06:24 AM ههههههههههههه
ايه دا يا مستر
بصراحة انا كان نفسى اتعلم الطبخ
بس بعد النهاردة
[
حبيت اتعلمه من حضرتك
ربنا يستر:D
احنا ممكن نكلم الادارة ونعمل حصص لتعلم الطبخ فى الغرف الصوتية
هههههههههه
ثانويه2008 08-07-2008, 09:30 AM ميرسي كتير على الوصفه وانا بعمل الكبده بنفس الطريقه ولكن من غير طماطم:)
الاستاذ محمد سرور 05-08-2008, 02:03 AM ميرسي كتير على الوصفه وانا بعمل الكبده بنفس الطريقه ولكن من غير طماطم:)
لا جربى الطماطم والنعناع
وشوفى الفرق
new vet 02-09-2008, 07:57 PM شكرا علي الوصفه يا استاذ محمد
الاستاذ محمد سرور 03-09-2008, 02:31 AM شكرا علي الوصفه يا استاذ محمد
الف هنا وشفا
الجويرية 03-09-2008, 02:43 AM نفع الله بك الفتيات المسلمات يا استاذ محمد
هتاخد فينا ثواب ان شاء الله
ربنا يهدينا ونعرف نعمل حاجة بقى
احسن حاجة ان يكون الزوج متعاون مع الزوجة فى اعمال المنزل
كدة تمام اوى
بس اكيد بتحصل حاجة فى المطبخ
جزاكم الله خيرا على الوصفة
هابقى اجرب فيهم ان شاء الله
***star*** 03-09-2008, 04:34 AM الأكله دي انا بعملها دايما وبموووووووووووت فيها كمان.........بس انسي...عمري مااكلها فيها طماطم ابداااااااااااااااااااااااا...دا انا عندي احط عليها حلاوه طحينيه أو اكل معاها خيار ولا اني احط عليها طماطم ......وتبقي جربها من غير طماطم.......
galal333 03-09-2008, 11:15 AM يسلم فمك على البسمله والاستغفار
وتسلم يدك على كتابه المقدار
ويسلم قلبك العطوف ليل نهار
الله ينور عليك يااستاذ محمد بس الاكلة دى وبالطريقة دى اسمها كبدة اسكندرانى وتاكلها بجد عند العربى فى الانفوشى بالاسكندرية وكل سنة وانت طيب
محمد كامل فوده 04-09-2008, 02:04 AM ياه الموضوع ده من زمــــــــــــــــــــان هل لسه باقي من الكبده شئ استاذ محمد ولا الاعضاء خلصوها لاني فعلا جعان الوقتي خـــــــــــــــــــــــالص ولا اقوم اسحر احسن
الاستاذ محمد سرور 18-06-2009, 03:13 AM للتنشيط
................
عاشقـــ الانمى ـــة 20-06-2009, 05:57 PM احنا ممكن نكلم الادارة ونعمل حصص لتعلم الطبخ فى الغرف الصوتية
هههههههههه
احنا فيها اهو يا مستر وانا مستعدة اتعلم على ايد حضرتك
|