بسم الله الرحمن الرحيم

أعزائى طلبة و طالبات الصف الأول الإعدادى لغات ..

السلام عليكم و رحمة الله و بركاته ..

حرصاً منا على تقديم الجديد دائماً لكم كل عام من أجل تحقيق نتائج أفضل .. و تقديراً لرغبات طلابنا فى الحصول على كل ما هو مفيد دائماً ..

أقدم لكم اليوم مفاجأة 2013 - 2014 فى مادة العلوم لغات للصف الأول الإعدادى .. و التى أتمنى أن تكون بفضل الله تعالى هي الحل الأمثل لجميع الطلاب لفهم العلوم فهماً صحيحاً و ليس مجرد حفظ ما بداخل الكتب دون فهم أو إستيعاب ..

فبعد الأن لن تحتاج إلى Private أو Center علشان تحقق النتيجة اللى أنت محتاجها

لن أطيل عليك عزيزى الطالب فإليك الفكرة بإختصار شديد :

أولاً : سأقوم بشرح جميع دروس العلوم " المنهج الجديد " على شكل فيديوهات و سوف يتم تنزيلها على رابط الموقع الخاص بي و على الصفحة الرسمية للجروب على الفيسبوك لمشاهدتها أونلاين أو إن كنت ترغب فى تحميلها ومشاهدتها فى أى وقت فهذا الأمر يعود إليك .. :rolleyes:

ثانياً : حضرتك حيكون ليك جدول حتلتزم بيه معانا طول الترم فى الحضور للإستماع للدروس فى المواعيد اللى حبعتهالك على الإيميل " زى ال Private " بالظبط :stickjo4:

ثالثاً : حيكون ليك مذكرة خاصة بيك ومكتوب عليها إسمك مطبوعة بالألوان فى جميع دروس العلوم" نسخة مجانية " :022yb4:

رابعاً : أى أسئلة صعبة أو مسائل مش عارف تحلها إبعتهالى فى رسالة على المنتدى أو على الإيميل و حتوصلك الإجابة فى أقل من ساعة :cool:

نيجى بقى للنقطة المهمة : "" عجبتنى الفكرة جداً .. و عايز أشترك .. أعمل إيه ؟؟ "" :unsure:


*** ستعرض الدروس لمن يرغب بالإشتراك فقط
" والإشتراك مجانى " كل ما عليك هو :

إرسال ( الإسم + الإيميل ) فقط ... و بعد دقائق سأقوم بالرد عليك لتأكيد إشتراكك ..

يعنى مش حتحتاج تدور على كتب ولا تدور على مدرس كويس .. المدرس بتاعك السنادى
حيوصلك لحد بيتك " أخر دلع " :av4056bb7jp3:

أهم حاجة الإلتزام بالمواعيد اللى حقول عليها و المذاكرة الجيدة للدروس علشان حتلاقينى فى أيام معينة عاملك إمتحان مفاجىء وحيبقى عليه درجات " و مش حتعرف تغش على فكرة " ;)

حنبدأ تنزيل الدروس يوم (( 10-9-2013 ))

دى الصفحة الرسمية على الفيسبوك للجروب بتاعنا و حتنزل عليها الدروس و حتساعدنا نتناقش كل يوم فى أى أسئلة أو مسائل وحكون موجود معاكم فى مواعيد محددة حتنزل على الصفحة

Facebook page for "Science - prep 1 " : Click Here (https://www.facebook.com/pages/Science-for-prep-1/563466343718022?skip_nax_wizard=true#)

وده الموقع الرسمى للعلوم اللغات طلاب الصف الأول الإعدادى واللى حنزل عليه جميع الدروس بالفيديو صوت وصورة وحنستقبل عليه كل الأسئلة والمسائل الصعبة

Official website for "Science - prep 1 " : Click Here (http://ahmedghanem.weebly.com/index.html)

الإشتراك مجانى ... كل ما عليك إنك تبعت إسمك و إيميلك فى رسالة خاصة هنا أو فى الردود

أو تبعتلى رسالة على صفحة الفيسبوك ... أظن مفيش راحة بعد كده

و أى أسئلة تانية أو إستفسارات أنا فى إنتظار الردود

مع تمنياتى بالتوفيق والنجاح لكل الطلاب ..

مستر / أحمد ..

بجد الله يباركلك والله انا ابنى فى اولى اعدادى ومش مصدقه بجد ان فيه خير وعطاء كده ربنا يجعله فى ميزان حسناتك وبأذن الله حيشترك معاكم لانه اساسا مش بياخد درس وانا كنت بشرحله على ادى بمساعده النت فربنا يباركلك يارب وللاسف بقى انا لم اقرأ هذا العرض المغرى سوى اليوم فتأخرنا على الموعد المحدد لكن بأذن الله نعوض اللى فاته مع حضرتك على الفيش ومره اخرى الف الف شكر لك

الف شكر على مساعدتك الدروس السنادى زاد سعرها واصبحت تمثل ضغط كبير على الاسر المصرية وربنا يجعله فى ميزان حسناتك وسوف نشترك معك بأذن الله