بسم الله الرحمن الرحيم
ازيكو يا جماعة كل سنة ونتو طيبين سنة سعيدة علينا ان شاء الله .. انا بدئت الدراسة ومش فاهم اى حاجة مادة المحاسبة مادة الاقتصادة ومادة الادارة ... الدكاترة بيتكلموة انجليش صرف مفيش عربى خالص خالص خالص خاصة ف مادة الاقتصاااااااد الدكتورة مش بتقول حتى صباح الخير . ونا كدة هتعب جامد الترم مش عارف اتعامل ازاااى اللى عنده طريقة يعالجنى بيها ينصحنى بالله عليكم

عادي جدا اكيد هتقابل صعوبه حتي لو كان مستواك حلو في الانجلش وده بيحصل في الاول في كل المواد خصوصا المواد اللي فيها مصطلحات صعبه كتير لان المشكله ان كل ماده هتلاقي اكيد مصطلحات اساسيه جديده عليك مجرد ما هتعرفها الموضوع هيبقي سهل عليك وهتتعود علي انك تسمع الانجلش وتفهمه بسهوله طبعا مش الانجلش عموما اقصد الانجلش بتاع مواد الكليه والله يا معلم انا كنت زيك كده في اول اسبوع ومعظم الناس بيبقو كده
الحل حاجه بسيطه جدا انك تجيب ورق الكورسات وتصور الاجزاء اللي بتاخدوها في الكتاب من المكتبه
وتبدا تترجم المصطلحات اللي هتقف معاك اكيد هيقف معاك مصطلحات ياما هترجمها بقاموس تجاري هتلاقي منه كتير علي النت وفي المنتدي هنا تقريبا ومتقلقش يا معلم كلنا ابتدينا كده بس المهم تذاكر اول باول وتختار دكاترة كويسين تحضرلهم
وبعد ماتتعود علي شرح الدكاترة ابقي اكتب المحاضرات بنفسك لانها هتبقي افيد بكتير من ورق الكورسات سعات الورق مبيبقاش شرحه كويس وممكن ينسو يكتبو حجات كمان

عادي جدا اكيد هتقابل صعوبه