وداعا أيها المنتدى سأرحل ولن أعود......محترف الأدسنس [الأرشيف]

_GUIDE_

19-07-2008, 10:12 PM

السلام عليكم
بص ياحسام
مفيش مكان كامل ومفيش منتدى مفيش فيه مشاكل
انتا عارف ان كتر المشاكل دليل على كثرة النقاش والتحاور
انما لو مفيش مشاكل هتعرف ان اغلب الجمل والعبارات شكرا على الموضوع
وجزاكم الله خيرا
المدينة الفاضلة اللى فضل افلاطون يحلم بيها طول حياته مش هتتوجد ولا هيكون ليها وجود فى عالمنا
ترضه بالواقع وصدقنى لو لفيت المنتديات كلها لزم هتلقى مشاكل وصراعات ومشاحنات بين الاعضاء
فكر فى كلامى كويس
واعمل زى وبلاش تكون دونكى شوت اللى فضل يحارب طواحين الهواء وهو معتقد انه بيحارب الشر
وزى ما بيقوله انسه ياعمرو
والمنتدى ده احسن من غيره
ياريت تفكر تانى فى الكلام ده
فائق احترامى

محترف الأدسنس

19-07-2008, 10:21 PM

مش هقدر اعلق على أي رد مع احترامي وتقديري لكلامكم

محترف الأدسنس

19-07-2008, 10:23 PM

أنا عندي كلام كتير رد على كلامكم لكن أنا أخذت قرار

وشكرا جزيلا...

_GUIDE_

19-07-2008, 10:32 PM

مش هقولك غير ربنا يوفقك
ومدام مش مقتنع بكلامى
يبئا ملوش لزمة الجدال فى كلام لا هيقدم ولا هياخر
ربنا يوفقك مرة تانية
بس اكيد مرحب بيك فى اى وقت تفكر وتقرر ترجع تانى

..Just Stop

19-07-2008, 10:34 PM

فى ايه بس يا عم حسام

مين بس زعلك
وزى ما قال اسلام مفيش منتدى مفهوش مشاحنات
ولو كل واحد ساب المنتدى علشان المشاكل
يبقا مش هتلقى حد فى المنتدى
فين بس التحمل والعزيمة والارادة والتصدى و...,و.....

ولو خرجت من المنتدى هسمى دا استسلام منك
فكر مرة تانية

ولو عندك مشكلة مع اى حد فى المنتدى
ادخل على العام هتلاقى موضوع اسمه ( ما تيجو نحل مشاكلنا )

وان شاء الله حقك هيرجعلك

ودمتم

Travel

19-07-2008, 10:40 PM

والله بجد انا مش عارفة اقول ايه ؟؟؟؟؟؟؟؟
كل شوية عضو بقول انا همشى ويزعلنا معاه
ليه كده ؟؟؟؟؟:mad:
طاب ايه اللى بيحصل علشان تعملوا كده
لو السبب
المنتدى ؛؛؛؛
المنتدى هيطور
بس لما كلنا نساعد بعض
يعنى باذن الله هيبقى فى تنفيذ
وانت المفروض معانا يا حسام
لانك عضو تستحق الاحترام
وجدير بالمساعدة دى
بس بجد هيبقى حرااااااام عليك
انك تسيبنا
مش عارفة
هقول نفس الكلام اللى قلته لشمووخ وسعيد
احنا المفروض ان كلنا اخوات يا حسام
وربنا يعلم
ولما نقول هنطور المنتدى
وهنعمل وهنعمل
كلوا يخنفى !!!!!!!!:mad:
لو سمحت :)
متمشيش
انا مش هعرف اقولك غير كده
وفعلا
اى منتدى حتروحه هتلاقى فيه الحلو والوحش
وهتلاقى فيه مشاكل برضه
لان مفيش منتدى مفيهوش مشاكل خالص
فكر تانى

محترف الأدسنس

19-07-2008, 10:40 PM

مشكلتي مع جميع الاعضاء.....

محترف الأدسنس

19-07-2008, 10:42 PM

لن اذهب للمنتديات

هرجع لجوجل والتدوين وتصح المواقع اعلمية....

محترف الأدسنس

19-07-2008, 10:44 PM

عندي كلام كتير كان نفسي اقوله....لكن زهقت بصراحة من التجاهل والسخرية في كل مواضيعي

منى ذكى

19-07-2008, 10:45 PM

لو كل واحد عمل كدا المنتدى مش هيبقى فيه حد كويس .......... وربنا يوفقك ودى حرية شخصية.

molhm

19-07-2008, 10:46 PM

شكلك فااااضي من الطراز الأول ...!

ربنا يوفقك..

Travel

19-07-2008, 10:47 PM

مشكلتي مع جميع الاعضاء.....

ازاى يعنى ؟؟؟؟؟؟؟؟؟؟
دى وجهة نظرك انت:mad:
لاننا موجودين وعمالين نقولك خليك
وانت مش عاوز تقول فى ايه
يارييت توضح

..Just Stop

19-07-2008, 10:49 PM

اشرح لنا المشكلة
اكيد هنلاقى حل
واهدى شوية

محترف الأدسنس

19-07-2008, 10:50 PM

Travel

19-07-2008, 10:53 PM

كما إن حصيلتي العلمية بدأت تضعف من استخدامي للموقع
ولغتي اصيبت بنكسة وأصبحت اكتب بالعامية....
واصبحت في كل يوم اتنازل اكثر فأكثر...
وياليت ذلك بفائدة...

لا أحد يحترمني أنا كالمجنون الذي لاقيمة لكلامه

ازاى بدات تضعف يعنى
ما انا بستخدمه كل يوم
مليون ساعة
ومش حاصل معايا كده ليه؟؟؟؟
ويارييت يا حساام توضح مشكلتك
بلاش الغاز
انا حاسة انى بحل كلمات متقاطعة والله
ممكن توضح
؟؟؟؟

محترف الأدسنس

19-07-2008, 10:53 PM

واحد يوصفني ويقول شاذ
والثاني يقول غريب
والثالث يقول ماشي شمال
وواحد يقول....وواحد يقول....

محترف الأدسنس

19-07-2008, 10:58 PM

منى ذكى

19-07-2008, 10:58 PM

كما إن حصيلتي العلمية بدأت تضعف من استخدامي للموقع
ولغتي اصيبت بنكسة وأصبحت اكتب بالعامية....
واصبحت في كل يوم اتنازل اكثر فأكثر...
وياليت ذلك بفائدة...

لا أحد يحترمني أنا كالمجنون الذي لاقيمة لكلامه

احنا كلنا بندخل وبنحافظ على كلامنا وثقافتنا وعلمنا الحمد لله والواحد هو اللى بيعمل ده بنفسه ولو فى حد مش بيحترمك لازم تجبرهم انهم يحترموك بوجودك وكلامك.

Travel

19-07-2008, 10:59 PM

واحد يوصفني ويقول شاذ
والثاني يقول غريب
والثالث يقول ماشي شمال
وواحد يقول....وواحد يقول....

بص يا حسام
انا اتعلمت حاجة
لو فضلت امشى ورا كلام ده وكلام ده
مش هتحرك من مكانى
مادام انا عارفة نفسى كويس
يبقى خلاص
انا اتقال عليا كلام مش ظريف
وكلنا اكيد اتعمل معانا كده
بس انا عن نفسى
مشفتش حاجة من اللى انت قلتها
والمنتدى فى اعضاء كتيير
فى اخوات بجد
وياريييت تشيل اللى فى دماغك (فكرة انك تسيب المنتدى)
كلنا اخوات
ولو كان غير كده
مكناش اهتمينا بموضوعك
يارييت تفكر تانى
يا حسام

منى ذكى

19-07-2008, 11:00 PM

لأني أعطي في المنتدى أكثر مما آخذ
أنفق من حصيلتي العلمية ولا آخذ شيئا في مقابلها
لا أجد ولو كلمة شكر واحدة
كنت قبل ما ادخل المنتدى استخدم الشبكة في جمع المعلومات
في معرفة كل شئ
كنت أقرأ الكثير من الكتب
كنت أتناقش مع نفسي
كنت...

اسفة انا مش متفقة معاك هو انت بتعمل علشان ربنا يجزيك خير ولا علشان تسمع كلمة شكرا ؟؟؟؟؟؟؟

محدش بيدى علشان ياخد ادى علشان ربنا يجزيك خير وشكرا.

محترف الأدسنس

19-07-2008, 11:01 PM

وداعا.....

ZAHIMR

19-07-2008, 11:02 PM

لالالالالالالالا ماتسبش المنتدى

احنا لو كنا مش مهتمين ماكناش دخلنا كولنا موضوعك بجد انت دايما بتشجعنى وبترد على مواضيعى

فعلا بجد احنا هانخسرك لو مشيت

وبعدين احنا فى اجازة فالى بيخرج وانا بقالى كتير مابخشش

فابجد سامحونى لو ماشوفتش موضوع اى حد

لالا تترك المنتدى لو سمحت يا كابتن حسااام

Travel

19-07-2008, 11:04 PM

لأني أعطي في المنتدى أكثر مما آخذ
أنفق من حصيلتي العلمية ولا آخذ شيئا في مقابلها
لا أجد ولو كلمة شكر واحدة
كنت قبل ما ادخل المنتدى استخدم الشبكة في جمع المعلومات
في معرفة كل شئ
كنت أقرأ الكثير من الكتب
كنت أتناقش مع نفسي
كنت...

احنا مش بنعمل حاجة هنا علشان مستنيين
كلمة شكر
احنا بنعمل كده علشان بنحب المنتدى ده
ولو كلنا فكرنا كده
يبقى لازم كلمة الشكر دى تتقال
لعبقرينو (صاحب المنتدى)
والاساتذة اللى تعبوا معانا
ومستر عصام (ربنا يشفيه)
شيل التفكير ده يا حسام
ويارييت تفكر فى التطويير بتاع المنتدى معانا

صوت الحق

19-07-2008, 11:05 PM

نعم سأرحل

سأترك المنتدى

مش هتركه لأني استسلمت

هتركه لأني هجد بديل في ناس تانية تسمعني

ناس تحترم الرأي حتى لو كان في نظرهم خطأ

ناس تعرف معنى المحافظة على شعور الآخر

لكن للآسف كل مافي المنتدى عكس ذلك

كنت أريد أن اكتب أكثر من ذلك في سلبيات المنتدى....

لكن من الأدب إني لو كنت مع شخص إني لا افضحه بعد أن اتركه......

حسام....
أنا معاك الان لو فيه اى مشكل تحل فورا قبل ان اغادر المنتدى الليلة
أما تترك المنتدى ده صعب علينا من أنسان الكل يحترمه ويقدرة
تفضل قل الاسباب وبإذن الله سوف تحل الان

اخرالعنقود1

19-07-2008, 11:14 PM

يلا قول مشكلتك لمستر عصام
وهو هيحلها ان شاء الله
بس انك تسيب المنتدى دى صعبه
يا ريت تشيل الفكره دى من دماغك

The_Relativistic200

19-07-2008, 11:17 PM

هى المواضيع دى لسه موجودة
كنت فاكرها خلصت من زمان...
شئ عجيب المنتدى ده:d

منى ذكى

19-07-2008, 11:19 PM

وداعا.....

مع السلامة.

dr.zomba

19-07-2008, 11:23 PM

خلاص يا جماعه الراجل واخد قراره

يبقي ندعيله ربنا يوفقه وخلاص عايز يفضل في المنتدي محدش هيمنعه عايز يمشي احنا برضو هنحترم رآيه

انما مش كل واحد كل يوم التاني ينشر موضوع يقولنا فيه انا ماشي وبتاع وبعد ما الاعضاء يتحايله عليه شويه نلاقيه رجع في كلامه والامثله علي كدا كتير

علي العموم ربنا يوفقك سواء كنت معانا او مش معانا

dr.saeed

19-07-2008, 11:53 PM

الموضوع خلص يا جماعة
بس عموما طالما حضرتك مش عاوز تقول الاسباب
انا عارفها
فمثلا
لما حضرتك تنقل فتوى عن (اتباع) ابى حنيفة بخصوص الصلاة وراء الحنابلة
ثم تنسبها لابى حنيفة
وحين يرد المجاهد عليك يبقى احنا كدة غلطنا؟
انا شفت كلام كتير غريب جدا من حضرتك
بصراحة ما بقيتشى اعرف ارد على مين ولا مين
انما مش كل واحد كل يوم التاني ينشر موضوع يقولنا فيه انا ماشي وبتاع وبعد ما الاعضاء يتحايله عليه شويه نلاقيه رجع في كلامه والامثله علي كدا كتير

حضرتك العشرة بتكون صعب مفارقتها
يمكن انا قولت هاسيب المنتدى
وناس دخلت كتير قولت لا بردة هاسيبه
انما رسالة واحدة من ميس رانيا نبهتنى لنقطة جامدة جدا ماكنتش منتبهلها
مش موضوع محايلة ابدا

فى امان الله

(للاسف الناس فكرة تكيف الدين مع الزمن بشكل مغلوط .لدرجة ان اصبحنا نريد تغييرات جوهرية فى الدين.ومن يعارضها فهو متشدد!!!)

محترف الأدسنس

20-07-2008, 12:10 AM

أقدركم جميعا واحترمكم .....ولكن.....

بكل أسى لن يكون لأسباب رحيلي حل يستطيع ان يقوم به احد

فأنا أريد أن أغير طريقة التفكير لدى البشر

أريد أن أصل بهم لقمة الشرف والسنا والعزة

لكن.... حاولت في هذا الطريق فوجدته مسدودا ومحاطا بالعثرات

فالبشر هم البشر لا يهذبهم مدنية ولا يعلمون شيئا إلا طباعهم الحيوانية....

فقررت أن أتركه لأبحث في غيره.....

لن أذهب للمجهول سأذهب إلى أهدافي الثابتة التي اؤمن بها

أعلم الآن شيئا واحدا هو هدفي إنها القمة.........

القمة هي الهدف التالي للوصول للتغيير ....

وكما أقول دائما:

معرفة الهدف نصف النجاح.....

dr.saeed

20-07-2008, 12:15 AM

dr.zomba

20-07-2008, 12:20 AM

فالبشر هم البشر لا يهذبهم مدنية ولا يعلمون شيئا إلا طباعهم الحيوانية....

فقررت أن أتركه لأبحث في غيره.....

هو حضرتك تنتمي لانهي نوع بالظبط؟

لن أذهب للمجهول سأذهب إلى أهدافي الثابتة التي اؤمن بها

طيب اشطه ابقي احجزلي شقه في الهدف الثابت اللي جنبك او المكان اللي انت ناوي تروحه اياكان بقي المكان دا

بلاش فلسفه بالله عليك

في امان الله :)

مريومه صغنتوته

20-07-2008, 12:21 AM

ليه هتمشى يا حسام؟؟؟؟؟؟؟؟؟؟
انت انسان محترم جدااااااااااااااااااااااااا
وفعلا انا معاك ان ليك افكار واراء ممكن تكون لاغلب الاعضاء غريبه شويه
بس ده مش معناه انك تسيب المنتدى
لا حاول انك توصل رايك ده لغيرك وتحاول انك تقنعه بيه ولو هو ما اقتنعش خلاص تشوف غيره
وبعدين اختلاف الراى لا يفسد للود قضيه
مش معنى ان بعض الاعضاء مش فهمينك تقوم تسيب المنتدى كله وتمشى
فكر تانى فى قرارك ده
ونتمنى انك ما تسبش المنتدى

ZAHIMR

20-07-2008, 12:26 AM

طيب اشطه ابقي احجزلي شقه في الهدف الثابت اللي جنبك او المكان اللي انت ناوي تروحه اياكان بقي المكان دا

بلاش فلسفه بالله عليك

في امان الله :)

لو سمحتهم جميعااااااااااااا

الكلام مش باشكل دة

والى عندو كلمة طيب يقولها بلاش نجرح

فى بعض

او نتريق على كلام بعض

ولك كل احترامى

محترف الأدسنس

20-07-2008, 12:26 AM

طيب اشطه ابقي احجزلي شقه في الهدف الثابت اللي جنبك او المكان اللي انت ناوي تروحه اياكان بقي المكان دا

بلاش فلسفه بالله عليك

في امان الله :)

أبسط مثال لأسباب رحيلي

الاستاذ محمد سرور

20-07-2008, 12:29 AM

ناس تحترم الرأي حتى لو كان في نظرهم خطأ

ناس تعرف معنى المحافظة على شعور الآخر

لكن للآسف كل مافي المنتدى عكس ذلك

..

حسام....

لا تعليق .............

dr.saeed

20-07-2008, 12:33 AM

لو سمحتهم جميعااااااااااااا

الكلام مش باشكل دة

والى عندو كلمة طيب يقولها بلاش نجرح

فى بعض

او نتريق على كلام بعض

ولك كل احترامى

أبسط مثال لأسباب رحيلي

الاخ او الاخت زهايمر
الم تسمعى قول الله تعالى عن نبيه صلى الله عليه وسلم
(قل انما انا بشر مثلكم)
فعندما يقول هذة الكلمة محترف الادسنس
عاوزانا نسقف حضرتك
حضرتك عاوز تسيب المنتدى
دى حاجى ترجعلك
بس طالما حضرتك بتصف البشر بكدة
قولنا بقى ايه نوعية حضرتك
مع العلم ان النبى ذات نفسه وصف بأنه بشر
ثانيا
لما نتكلم
يبقى نوصف غيرنا صح
مش نشتم الجميع
ولما حد يتكلم
نقوله
(شوفوا الرد)
وهكذا
دائما موضوعاتك وردودك محترف الادسنس
ولكنك لا تعقب الا ما تميل ان تستطيع ان تعقب عليه
فى امان الله
فالبشر هم البشر لا يهذبهم مدنية ولا يعلمون شيئا إلا طباعهم الحيوانية....

الاستاذ محمد سرور

20-07-2008, 12:34 AM

الموضوع خلص يا جماعة
بس عموما طالما حضرتك مش عاوز تقول الاسباب
انا عارفها
فمثلا
لما حضرتك تنقل فتوى عن (اتباع) ابى حنيفة بخصوص الصلاة وراء الحنابلة
ثم تنسبها لابى حنيفة
وحين يرد المجاهد عليك يبقى احنا كدة غلطنا؟
انا شفت كلام كتير غريب جدا من حضرتك
بصراحة ما بقيتشى اعرف ارد على مين ولا مين

حضرتك العشرة بتكون صعب مفارقتها
يمكن انا قولت هاسيب المنتدى
وناس دخلت كتير قولت لا بردة هاسيبه
انما رسالة واحدة من ميس رانيا نبهتنى لنقطة جامدة جدا ماكنتش منتبهلها
مش موضوع محايلة ابدا

فى امان الله

(للاسف الناس فكرة تكيف الدين مع الزمن بشكل مغلوط .لدرجة ان اصبحنا نريد تغييرات جوهرية فى الدين.ومن يعارضها فهو متشدد!!!)

معك
.............................

ZAHIMR

20-07-2008, 12:36 AM

لا تعليق .............

انا معاك

اوحش حاجة تضايق فى المنتدى

او من اغلبية الاعضاء

انو ممكن يحرح بكلاموا فى الرد على اى موضوع مش دة بالاخص

لو عايز تنقض انقض بس باسلوب الى عامل الموضوع يتقبلوا

ويكون ليك حق فى البداينة انك تنقضوا

وكل واحد له رائيوا بردوا فى البداية

dr.saeed

20-07-2008, 12:40 AM

انا معاك

اوحش حاجة تضايق فى المنتدى

او من اغلبية الاعضاء

انو ممكن يحرح بكلاموا فى الرد على اى موضوع مش دة بالاخص

لو عايز تنقض انقض بس باسلوب الى عامل الموضوع يتقبلوا

ويكون ليك حق فى البداينة انك تنقضوا

وكل واحد له رائيوا بردوا فى البداية

لو سمحت(ى)
ليس معنى ان لكل شخص رأيه
ان نغلط فيمن نريد ان نغلط
و نشتم ونقلل قدر من نريد
ثم نقول
هذا رأينا
اذن
فهل يحق لاحد منا
ان يقول رأى مخالف للقران
هناك اراء
وهناك نظريات
وهناك حقائق
فى امان الله

ZAHIMR

20-07-2008, 12:43 AM

لو سمحت(ى)
ليس معنى ان لكل شخص رأيه
ان نغلط فيمن نريد ان نغلط
و نشتم ونقلل قدر من نريد
ثم نقول
هذا رأينا
اذن
فهل يحق لاحد منا
ان يقول رأى مخالف للقران
هناك اراء
وهناك نظريات
وهناك حقائق
فى امان الله

(لو سمحتى)
00000000000

انا ماقصدتش ان كل واحد لو رائيوا انو يغلط فى التانى

وانا كان رأى واضح فى البداية

وشكرا ليك دكتور سعيد

dr.fanakat

20-07-2008, 12:47 AM

ههههههههههههههههههه
بجملت
سلام يا سيدى وورينا جمال خطوتك
على فكره اان فعلا اكتشفت ان قدمى مش وحش على المنتدى ولا حاجه
دا الظاهر ان فيه ناس فعلا بتحب تعمل دعايه لنفسها بانها تقول انا همشى علشان الناس تنتبه وتقف على رجل
اننا بصراحه شفت ناس فعلا كتير بتقول انها هتمشى ومابتمشيش ولا حاجه وانا متأكدانولا واحد هيمشى
ارجو من الاعضاء انهم يرمو بالمواضيع دى عرض الحائط علشان ما نشجعش مواضيع جديده زى دى انها تظهر

dr.zomba

20-07-2008, 12:49 AM

أبسط مثال لأسباب رحيلي

دا شرف ليا يا باشا

يا جماعه الموضوع منتهي انا مش عارف الاخ حسام عمال يرد كتير ليه؟

خلاص يا عم الحج انت عايز تمشي يبقي تنفذ كلامك

وانا ملاحظ ان حضرتك بدأت تتنازل شويه بشويه يعني في الاول مش هقول اسباب وبعدين بدأت تقول اسباب

اوعي لتكون ناوي ترجع في كلامك بعد كل الحوارات دي :D

ربنا يوفقك في حياتك في هدفك الثابت الجديد بعيدا عن البشر ( مع اني مش عارف انت ناوي تعيش مع انهي نوع من المخلوقات ):D
سلامو عليكو

dr.saeed

20-07-2008, 12:50 AM

اننا بصراحه شفت ناس فعلا كتير بتقول انها هتمشى ومابتمشيش ولا حاجه وانا متأكدانولا واحد هيمشى
انا فعلا عملتها اكتر من مرة
بس مش عشان ابان ولا حاجة
لانى من غير ماعمل كدة
فالكل عارف عادى من غير دعاية
فلكل منا بصمة
تختلف عن الاخر
فى امان الله

dr.fanakat

20-07-2008, 12:53 AM

حتى انت يا دكتور سعيد
ازاى
انت بالذات المفروض ماتفكرش فى الحاجات دى خالص
انت مواضيعك مفيده للمنتدى كله
لالالالالا يا دكتور انا ماكنتش احب اعرف انك كنت عاوز تعمل كده

dr.saeed

20-07-2008, 12:55 AM

الاستاذ محترف الادسنس
اذا كنت تريد ترك الموقع
فهذا قرارك
وليس قرارنا
والاسباب
نحن نعلمها جيدا
مع العم
انها ليست من اخطائنا
فنحن نعلم جيدا ما نقول
مع العلم اننا (بشر)
(قل انما انا بشر مثلكم يوحى الى انما الهكم اله واحد)
فى امان الله

dr.saeed

20-07-2008, 12:56 AM

لالالالالا يا دكتور انا ماكنتش احب اعرف انك كنت عاوز تعمل كده
احيانا تضطرنا الظروف الى هذا
ولكن ليس خطئى هو الذى يضطرنى الى هذا
فى امان الله

mostafa1991

20-07-2008, 01:50 AM

لالا تعليق على سببك المقنع دة انك تسيب المنتدى

Last Fantasy

20-07-2008, 01:57 AM

بص يا حسام لو إنتا شايف إن فايدتك في إنك متدخلش المنتدي متدخلوش ومعتقدش إن حد حيعارضني لأننا كلنا متأكدين إنك مهما تلف مش حتعرف تستفاد أد منتا موجود معانا وفي أي مجال لكن كون إن فيه مشاكل شخصيه بينك إنتا وأعضاء معينين فالمفروض تأولنا عليها ونحاول نحلها مش تتقمص وتعمل فيها عم الزعلان لا كل شيء بالمناقشه

dr.saeed

20-07-2008, 02:13 AM

ربنا ييسر
ونحن موجودون دائما
لمن يحتاجنا
ونحن ايضا
نحتاج لمساعدة غيرنا
فى امان الله

Sharp Nails

20-07-2008, 02:25 AM

عندي كلام كتير كان نفسي اقوله....لكن زهقت بصراحة من التجاهل والسخرية في كل مواضيعي
مش يمكن دة مجرد احساس عندك
على فكره كلنا فى الاول مش بيبقى لموضيعنا اقبال
دة امر عادى

كما إن حصيلتي العلمية بدأت تضعف من استخدامي للموقع
ولغتي اصيبت بنكسة وأصبحت اكتب بالعامية....
واصبحت في كل يوم اتنازل اكثر فأكثر...
وياليت ذلك بفائدة...

لا أحد يحترمني أنا كالمجنون الذي لاقيمة لكلامه
مين قال ان مفيش حد بيحترمك
بالعكس والله انا عن نفسى
بحترم ردودك اووووى
واكيد فى كتير اوى زيى مش انا بس

واحد يوصفني ويقول شاذ
والثاني يقول غريب
والثالث يقول ماشي شمال
وواحد يقول....وواحد يقول....
واية يعنى ؟؟؟
هو اى حد يقول حاجة يبقى كلامه صح
المهم انت شايف نفسك ازاى
والمهم انك تكون مقتنع بحالك وراضى عنه
وداعا.....

ممكن اطلب من حضرتك طلب
اظن دية اول مرة اطلب منك حاجة
وياريت متكسفنيش
ممكن تفكر تانى
بجد لما تفكر كويس وبعد ماشوفت قد اية متمسكين بيك
اكيد مش هتهون عليك العشرة
وفى الاول وفى الاخر القرار قرارك
واكيد كلنا هنفتكرك بالخير
سلام

nothing

20-07-2008, 02:32 AM

بجد المنتدى هايخسر كتير اوى لو انت سيبته
بس خلاص انت اخدت القرار مش هاينفع تغيره
على العموم ربنا يوفقك وياريت لو تقدر تغير رايك بجد المنتدى هايخسر حد فكره عالى اوى ومحترم جدا

Boy of alex

20-07-2008, 02:43 AM

مش ناقص الصراحه الا يبوسوه ايديك ايه يا عم عايز تمشى امشى المنتدى مش بيقف على واحد لانه لو وقف على واحد مش يبقا منتدى واحنا حنبقا ايدى بايد بيك او من غيرك انت مالك سارحل ولن اعود يا عم لو مش عايز المنتدى براحتك المنتدى مش بيمسك فى حد عايزه اهى وسهلا مش عايز اشرب من مية البحر

محترف الأدسنس

20-07-2008, 12:28 PM

بعد قراءة ردودكم وجدت إن اغلبها استهزاء وسخرية وتهكم إلا القليل

أنا بشر وانسان مثل كل انسان ولكن أحلم بعالم أكبر من عالمكم

عالم لا قوانين فيه ولكن كل شئ منظم من تلقاء نفسه

عالم متطور في كل شئ عقليا وفكريا أدبيا وماديا حسيا ومعنويا....

ليس عيبا أن نقول نحن نعيش حياة تافهه بلا معنى العيب أن نستمر في الخطأ

كلنا محبطون كلنا نتكلم بمنطق الواقع والواقع برئ منا

نقول التغيير المستحيل

مع اننا لو رجعنا لعقولنا لوجدناها تقول لنا لا شئ يستحيل تحقيقه

حقا إنها لعبة الحياة وسخرية الزمان منا .....

هل نعلم أن الزمان واحد؟؟

الزمان لا يتغير ولكن نحن من نتغير ويالسودة مهقها فنحن نسير في طريق خاطئ...

سأسير في هذا الطريق....

اعلم أني ربما لن احقق آمالي...

لكن كفاني فخرا أني أحس أني رجل من الرجال....

الآن فقط أصبحت مؤمنا إني اتخذت القرار الصائب

اعتبر هذا آخر رد وآخر كلمة اضيفها إلى هذا المنتدى....

..Just Stop

20-07-2008, 01:04 PM

سلام عليكم

الاعضاء عملو اللى يقدرو عليه
حاولو يقنعو حضرتك
بس انت مش مديلهم فرصة
مش عايز تشرح وجهة نظرك ومصمم تتكلم بالالغاز
فى الاول وفى الاخر القرار النهائى ليك

عموما لو حبيت تغير رايك ولو عندك مشكلة ادخل على الرابط دا

http://www.thanwya.com/vb/showthread.php?t=56174

وربنا يوفقك معانا او مش معانا يا حسام

ودمتم

احمد رضا

20-07-2008, 02:09 PM

اعتقد ان القرار الحق مبيكونش قبله اي حاجة .. انت بتقعد مع نفسك وتقيس نسبه الاستفاده ونسبه الضرر ( او عدم الاستفادة ) وبتشوف بناءا عليها بتقرر
يعني مثلا انا معملتش موضوع عشان يحذفوني من الاشراف الإداري والعادي
لاء انا دخلت وانا مقرر شئ وبجادل في نقطه معينه ألا وهي اني عايز امشي بكرامتي
وفعلا اتردتلي كرامتي الحمدلله
بس فكرة اني اعمل موضوع وكلام من ده
في غالب الأوقات ( ماعدا سعيد عشان كان معايا في الوقت ده وكنت عارف بيفكر ازاي )
بتكون معروف منها الغرض
واللي يمشي يمشي بهدوء
بدوء ما يعمل موضوع كانه ( اللي بيحبني يدخل هنا )
مع احترامي لشخصك
ولكن انا بكلمك بموضوعيه
خد قرارك ونفذه
ولا حياتك هتتهد بتركك المنتدي
ولا حياتنا هتتهد بتركك لينا
ولا حياتك هتتهد بتركنا ليك
يبقي خد قرارك
وتوكل علي الله
وحسبك وكفاك الله
وحاول تكون طبيعي وتعيش حياتك كما ينبغي
لاني كنت كدا
وعانيت فتره كبيره اوي من اني مش لاقي حد علي دماغي
ابدا
وبعدت عن كل الناس بما فيهم اهلي
وكنت علي وشك ..
لكن الحمدلله ربنا هداني لطريقه المستقيم
وهداني للطريق اللي اقدر احقق فيه كل احلامي
وانا في وسط الناس بردو
بدون ما اصطنع او ابالغ في اللي عندي
وافتكر اني رديت عليك في مشكلة انت كنت كاتبها قبل كدا
وقولتلك علي اللي مفروض يتم
وقولتلك انا اعرف واحد عنده 26 سنه
عقلية ذريه بكل المقاييس
وتقريبا هيدخل موسوعه جينس قريب في قدرة من القدرات بتاعته
لكنه بالرغم من ده
ماشاء الله عليه
عمره ما حسس انسان انه اعلم منه او انه شئ اصلا
وحتي كلامه مبسط جدا ماشاء الله
:)
خد قرارك وتوكل علي الله فالله يحب المتوكلين

احمد رضا

20-07-2008, 02:12 PM

صحيح يا حسام
مش شرط الناس اللي هيدوك قدرك زي ما انت عايز يكونوا فعلا بيقدروك
لاء ممكن يكونوا عشان اقل منك او محتاجينك في المكان ده
لكن هنا بجد
اللي بيظهر
بيكون فعلا بيستحق الظهور بكل الاشكال
:)
يعني مثلا هقولك حاجة
خالد اللي فوق اللي رد عليك وقالك هيا المواضيع دي لسه منتهتش
ده انا بعتبره من افضل العقليات بالرغم من اختلافي معاه في بعض الحاجات
علومجي = اينشتاين
استاذ زيزو
بسام
وعادل و
فنكوشه
واسلام
وصلاح الدين
والناس اللي يمكن محضرتهومش دول
واللي ميعرفهوش اني قبل اشتراكي بست شهور
( كنت متابع الموقع بدون تسجيل )
:)
وناس غيرهم كتير والله بس عشان بكتب الرد بسرعه
اهي الناس دي فعلا كانت تستحق الظهور بكل المقاييس وغيرهم كتير
لكن صدقني العادي اللي زينا كدا
مش سهل يظهر هنا
فخلي بالك
المكان اللي هتكون فيه مش ظاهر
صدقني صدقني هو المكان السليم
اللي هيخليك تبذل كل جهدك
انك تبقي احسن واحسن
لكن اللي هتاخد فيه قدرك
مش هيبقي عندك نفس قوة الدافع عشان تتفوق وتكسب قدرك
انا حاولت بس اسهل عليك الكلام وابسطه
مع العلم ( ولا بلاش عشان منقولش غرور )
:)

عادل مجاهدمصطفى

20-07-2008, 02:26 PM

السلام عليكم ورحمة الله وبركاته
أنا أقول كلمه بسيطه
أنا أعتبر هذا المنتدى مثل بيتى تماما فمن الأفضل ان نحافظ على بيتنا ونسعى إلى تطويره وان نسعى إلى الإرتقاء به
وهذا ياتى بالعمل المستمر دون النظر إلى العائد الذى يأتى من حوله ودون النظر إلى كلمة شكر تأتى من هنا وهناك
فانا أقول للأخ العزيز اعمل ولاتنتظر الشكر من أحد
وجزاكم الله خيرا
وفى نهاية كلمتى أحب أن أوجه الشكر للأخ العزيز ( احمد رضا ) على مجهوده الكبير فى المنتدى ونشاطه المستمر
ولكن لى عتاب عليه بسيط
هو ( يجب توضيح السبب فى حذف المشاركات )
فأنا عضو جديد فى المنتدى ولا أعرف السبب فى حذف مشاركتى الأخيره ( هل تعلم )
استاذ / عادل مجاهد / مدرس أول رياضيات / الجماليه / دقهليه

عادل مجاهدمصطفى

20-07-2008, 02:43 PM

أرجو التوضيح من الأستاذ المشرف ( أحمد رضا )

dr.saeed

20-07-2008, 03:59 PM

صحيح يا حسام
مش شرط الناس اللي هيدوك قدرك زي ما انت عايز يكونوا فعلا بيقدروك
لاء ممكن يكونوا عشان اقل منك
لكن هنا بجد
اللي بيظهر
بيكون فعلا بيستحق الظهور بكل الاشكال
يعني مثلا هقولك حاجة
خالد اللي فوق اللي رد عليك وقالك هيا المواضيع دي لسه منتهتش
ده انا بعتبره من افضل العقليات بالرغم من اختلافي معاه في بعض الحاجات
علومجي = اينشتاين
استاذ زيزو
بسام
وعادل وفنكوشه
واسلام
وناس غيرهم كتير والله بس عشان بكتب الرد بسرعه
اهي الناس دي فعلا كانت تستحق الظهور بكل المقاييس وغيرهم كتير
لكن صدقني العادي اللي زينا كدا
مش سهل يظهر هنا
فخلي بالك
المكان اللي هتكون فيه مش ظاهر
صدقني صدقني هو المكان السليم
اللي هيخليك تبذل كل جهدك
انك تبقي احسن واحسن
لكن اللي هتاخد فيه قدرك
مش هيبقي عندك نفس قوة الدافع عشان تتفوق وتكسب قدرك
انا حاولت بس اسهل عليك الكلام وابسطه
مع العلم ( ولا بلاش عشان منقولش غرور )
:)

اعتقد ان القرار الحق مبيكونش قبله اي حاجة .. انت بتقعد مع نفسك وتقيس نسبه الاستفاده ونسبه الضرر ( او عدم الاستفادة ) وبتشوف بناءا عليها بتقرر
يعني مثلا انا معملتش موضوع عشان يحذفوني من الاشراف الإداري والعادي
لاء انا دخلت وانا مقرر شئ وبجادل في نقطه معينه ألا وهي اني عايز امشي بكرامتي
وفعلا اتردتلي كرامتي الحمدلله
بس فكرة اني اعمل موضوع وكلام من ده
في غالب الأوقات ( ماعدا سعيد عشان كان معايا في الوقت ده وكنت عارف بيفكر ازاي )
بتكون معروف منها الغرض
واللي يمشي يمشي بهدوء
بدوء ما يعمل موضوع كانه ( اللي بيحبني يدخل هنا )
مع احترامي لشخصك
ولكن انا بكلمك بموضوعيه
خد قرارك ونفذه
ولا حياتك هتتهد بتركك المنتدي
ولا حياتنا هتتهد بتركك لينا
ولا حياتك هتتهد بتركنا ليك
يبقي خد قرارك
وتوكل علي الله
وحسبك وكفاك الله
وحاول تكون طبيعي وتعيش حياتك كما ينبغي
لاني كنت كدا
وعانيت فتره كبيره اوي من اني مش لاقي حد علي دماغي
ابدا
وبعدت عن كل الناس بما فيهم اهلي
وكنت علي وشك ..
لكن الحمدلله ربنا هداني لطريقه المستقيم
وهداني للطريق اللي اقدر احقق فيه كل احلامي
وانا في وسط الناس بردو
بدون ما اصطنع او ابالغ في اللي عندي
وافتكر اني رديت عليك في مشكلة انت كنت كاتبها قبل كدا
وقولتلك علي اللي مفروض يتم
وقولتلك انا اعرف واحد عنده 26 سنه
عقلية ذريه بكل المقاييس
وتقريبا هيدخل موسوعه جينس قريب في قدرة من القدرات بتاعته
لكنه بالرغم من ده
ماشاء الله عليه
عمره ما حسس انسان انه اعلم منه او انه شئ اصلا
وحتي كلامه مبسط جدا ماشاء الله
:)
خد قرارك وتوكل علي الله فالله يحب المتوكلين

تمام كدة
100 %

♥έĻ-мΰšŧâρèdâ♥

21-07-2008, 06:07 AM

يا سلام يا سلام يعنى لولا انى داخلة بالصدفة وبلعب بالمواضيع كده لولا انى لقيت الموضوع الشؤم ده
طيب انا مدخلتش الاسبوعين اللى فاتوا دول علشان كنت عياانة بعيد عنك وعنا جميعاا رايحة جاية على العيادات اجى الاقيك طفشان
بص انت لو نويت تمشى وخلاص القرار ده قرارك ومقتنع فيه فده براحتك والامر لك بالامر والاخير
بس ابقى افتكرها لما انا جيت امشى لانى كنت زعلانة من كم عضو هنا استهزؤا بى واكيد انت عارف الموضوع افتكر انت قولتلى ايه اذا انت كنت نسيت انا لسه فاكراه
واذا كانت على افكارك وكلامك وان فى ناس مش متقبلاه فده طبيعى جدا لان ده منتدى لطلاب الثانوية يعنى يادوب واحد داخل يتعرف على واحده واحد داخل يهزر بكلمتين بايخين ناس داخلة للعب قليل لو لقيت ناس للعلم اللى بجد هنا مستعدية لتلقى بالذات لو للفيزياء للفلك هيقولك يا عم فكك كبر دماخك عيش حياتك يعنى ناس فايقة
اقرب مثال ان فى اعضاء بالموضوع دخلوا اتريقوا ويقولك " ياعم هنبوس ايديك علشان تقعد" و " اللى يقولك احجز لى مكان " ومع ذلك فى ناس ردودها ذى العسل ومقنع جدا
انا معرفش ايه اللى حصل معاك بالضبط خلاك تعمل كده بس هتعمل ايه ادى الله وادى حكمته
بس والله هازعل لو مشيت :(
انا طولت بالرد شويه بس ذى ما قولت لك القرار فى الاول و الاخير لك ولو خلاص هتفارقنا وتمشى سامحنى على اى كلمة بدرت منى ضايقتك او شالت من ناحيتى وربنا يديمها علينا بالمحبة والوفاق بيننا يارب

بندق__2007

21-07-2008, 06:56 AM

شوف يا حسام

القرار قرارك بس انا عاوز اقولك على حاجة

اه فيه سلبيات و اه فيه ناس هنا همها تتريق و تسخر من الاعضاء اللى تحس انهم هياكلوا منهم الجو

بالبلدى كدة و بصراحة و بلغة المصاطب

بس صدقنى يا جميل الانسحاب مش هيحل الموضوع

المفروض انك تتحدى الناس دى و تثبت لهم انك مش مجنون و لا كلامك مدعاة للسخرية و الاستهزاء

كمان إحقاقا للحق المنتدى ده اجمل منتدى شوفته و اكتر منتدى فيه قواعد و قوانين و احترام و أعضاء معظمهم بيفهموا