انا اخصائى تطوير فى المعمل جاء مفتش مالى ودخل المعمل وشاف الاجهزة غير صالح للاستخدام لانه منتهى صلاحية وكتب تقرير وطلب منى امضى على التقرير ياترى فى مشكله انا مضيت على التقرير وشكرا

لو فرضنا سلامة النيه
يبقى ناوى يكهن أو يصلح الجهاز

و لو فرضنا إنه غلس
يبقى ناوى يحاسبك على إنك مبلغتش

فى جميع الحالات تطلع منها زى الشعرة من العجينة
بس لو معرفتش ترد كويس عليه

حتطلع منها برضه زى الشعرة
من الطحينة

لو حضرتك مبلغ عنه مركز التطوير الادارة الى انت تابع ليها وعامل بلاغ اعطال بشكل دورى عنه يبقى مفيش مشكله بالنسبه ليك
بس مش فاهم يعنى ايه منتهى الصلاحية يعنى جهاز تم تكهينه ولا
جهاز لا يعمل نهائيا
لو مكهن يبقى مفيش مشاكل بس كان المفروض حضرتك تمشى فى اجراءات تكهينه وتسلمه للمخازن
أما لو عطلان فهى مسئوليتك وتنهى بالابلاغ عنه لتطوير الاداره