مشاهدة النسخة كاملة : انتحار طالب ثانوية عامة رغم حصولة على 101%
fadybox 28-07-2008, 03:20 AM كلنا كنا بنسمع عن الثانوية العامة وحالات الانتحار واللى كان بعضنا مش بيصدقها قوى لكن اليومين دول فعلا كنت عايش اللحظة ومهيا انفذ الخطة بالله عليكم تسمعونى انا محتاجلكم قوى متعرفوش الظروف اللى بمر بيها وعشان ما اطولش حكى الحكاية انا طالب رياضة 3ثانوى معاى تفوق رياضى 4% لانى جايب 5بطولات جمهورية المهم ربنا كرمنى وجبت السنة دى 101% ومن وقتها وانا بقول يا ريتنى جبت 60% قدامى ادخل بترول وتعدين مستريح والحمد لله فوجئت اهلى عاوزينى ادخل كلية ب 60% لمجرد انها كلية شرطة بالله عليكم تشوروا عليا انا مش عارف اعمل ايه لدرجة انى قعدت والله يوم كامل فاقد النطق وكنت هقدم اول رغبة تجارة او حقوق انا واثق ان فى ناس بتحب الخير وهتقولى المفروض اعمل كذا مش احنا كلنا اخوات فى الاسلام؟؟؟؟؟؟؟؟؟؟ السلام عليكم ورحمة الله وبركاته وشكرا
KeMoZzAzZ 28-07-2008, 03:22 AM خش هندسة بترول وبلاش بهدلة الاختبارات وفي الاخر ممكن تخش او لأ
وايه اللي يدخلك مع الناس اللي جايبه 60؟ :)
انا شايف هندسة بترول وش ان شاء الله
!DreAmeR! 28-07-2008, 03:24 AM اعمل اللى فى نفسك ده مستقبلك وحدك
الاستاذ محمد سرور 28-07-2008, 03:25 AM شوف انت تروح تقعد فى قسم شرطة كام يوم لو الحال عجبك ادخل شرطة ...دة لو معاك فلوس للرشوة اللى حتتدفع لدخولها :d:d
لو الحال ما عجبكش الحال فى القسم خليك على موقفك وربنا يوفقك
dr \manoo 28-07-2008, 03:26 AM هقولك يافادى ممكن اكون قليلة الخبرة بس ممكن اسعدك
انت قدم زى مااهلك عايزين علشان رضاهم واكيد لو ربنا مش عايزلك شرطة واكيد هو شيفلك الاحسن مش هتنجح فى الامتحان
وساعتها لو منجحتش باذن الله اكتب هندسة او الى انت عايزة
بس المهم حاول ترضى والديك حتى ولو كان مظهريا انت لما تدخل امتحان الشرطة المقابلة جاوب وحش
وربنا معاك وفرفش ياعم ومبروك على المجموع واتمنى اكون ساعتك
منى ذكى 28-07-2008, 03:27 AM ادخل هندسة بترول طبعا ولو شددوا عليك فى موضوع الشرطة روح هناك ومتعملش الاختبارات وانت هتسقط بس.
منى ذكى 28-07-2008, 03:28 AM هقولك يافادى ممكن اكون قليلة الخبرة بس ممكن اسعدك
انت قدم زى مااهلك عايزين علشان رضاهم واكيد لو ربنا مش عايزلك شرطة واكيد هو شيفلك الاحسن مش هتنجح فى الامتحان
وساعتها لو منجحتش باذن الله اكتب هندسة او الى انت عايزة
بس المهم حاول ترضى والديك حتى ولو كان مظهريا انت لما تدخل امتحان الشرطة المقابلة جاوب وحش
وربنا معاك وفرفش ياعم ومبروك على المجموع واتمنى اكون ساعتك
بصرة يا مانوووووووووو
مس رانيا حسن 28-07-2008, 03:28 AM عليك بصلاه الاستخاره
ووفقك الله للخير
مندولييييين 28-07-2008, 03:30 AM ادخل الكلية اللى انت بتحبها وان شاء الله هاتتفوق فيها وربنا هايكرمك ان شاء الله
بالنسبة للى عندك فى البيت راضيهم وادخل الاختبارات بس من غير ما توصوا حد ولا تتذللوا ((((قصدى على الكوسة يعنى)))))))
وروح الاختبارات كأنك رايح النادى وصدقنى لو ربنا رايدها ليك هتدخلها بكل سهولة والله الموفق
hglehfv 28-07-2008, 03:31 AM هندسة بتروووووووووووووووووووووووووووووووووووووووووول بدون تفكيييييييييير
وحرام عليك تدخل أزبل كلية في التاريخ ( الشرطة )
فجر الإسلام 28-07-2008, 03:33 AM أنا رايي تصلي استخارة وربنا هيوفقك للأحسن ان شاء الله
الاستاذ محمد سرور 28-07-2008, 03:33 AM عليك بصلاه الاستخاره
ووفقك الله للخير
مس رانيا حضرتك دخول الشرطة الان 40000 جنية .......(رشوة)
او واسطة جامدة وبرده حيكون فيها هدايا ( بين قوسين رشوة )
المجموع دة ممكن يفرق معاه فى الجيش لكن شرطة لا اعتقد
أحمد2025 28-07-2008, 03:38 AM المشكلة فى الوالدين فقط
حاول تقعد معاهم وتجيب ناس تكلمهم وكده
بس لو انا مكانك
هندسة بترول
بس المشكلة فى دعاء الوالدين بعد كدة
والله أعلى وأعلم
فتاة طموحة 28-07-2008, 03:41 AM بص ربنا يكرمك
وادخل اللي يتماشى مع طموحك
بمعنى أصح بترول طبعا
على فكرة بترول كلية فعلا جميلة جدا جدابل روعة
وبمجهودك وبدون رشاوي
ودا رايي
في رعاية الله
ودمت بكل خير
fadybox 28-07-2008, 05:14 AM شكرا يا جماعة انا نفسى حد يشرحلى المميزات عشان اكون فعلا على اقتناع وعاوز اعرف فعلا هل ممكن يقتنعوا ولا هكون بضيع وقت
beautyblotyboy 28-07-2008, 05:23 AM كلنا كنا بنسمع عن الثانوية العامة وحالات الانتحار واللى كان بعضنا مش بيصدقها قوى لكن اليومين دول فعلا كنت عايش اللحظة ومهيا انفذ الخطة بالله عليكم تسمعونى انا محتاجلكم قوى متعرفوش الظروف اللى بمر بيها وعشان ما اطولش حكى الحكاية انا طالب رياضة 3ثانوى معاى تفوق رياضى 4% لانى جايب 5بطولات جمهورية المهم ربنا كرمنى وجبت السنة دى 101% ومن وقتها وانا بقول يا ريتنى جبت 60% قدامى ادخل بترول وتعدين مستريح والحمد لله فوجئت اهلى عاوزينى ادخل كلية ب 60% لمجرد انها كلية شرطة بالله عليكم تشوروا عليا انا مش عارف اعمل ايه لدرجة انى قعدت والله يوم كامل فاقد النطق وكنت هقدم اول رغبة تجارة او حقوق انا واثق ان فى ناس بتحب الخير وهتقولى المفروض اعمل كذا مش احنا كلنا اخوات فى الاسلام؟؟؟؟؟؟؟؟؟؟ السلام عليكم ورحمة الله وبركاته وشكرا
اعمل استخارة ممكن تضيف ايميلي عايزك ضروري
بجد عايزك في موضوع مهم اوي
pinky_star 28-07-2008, 05:41 AM هندسه وبدووووووووووووون تفكييييييييييير
سورى يعنى ده مستقبلك مش مستقبل باباك ومامتك
انتا ممكن تعمل فكره مجنونه تدخل اختبارات الشرطه وتسقط
نفسك بالعافيه وبعدين تقدم هندسه
هندسه وبسسسسسسسسس
مش هتنجح غير فى الى انتا عاوزه
وانتحار ايه مش مستهله متفكرش فى كده اصلا
وفى الاخر كله نصيب
المغترب 28-07-2008, 07:18 AM اهللك مش قصدهم يقضوا عليك ولاحاجه
اهلك طلبوا كده علشان ده المجال الوحيد اللى واخد حقه فى الدوله
وهى دى الحاجه الوحيد
اللى هتخليك تضمن حقك فى دولتك
وبرده عمر ماكان حد بيعمل حاجه غصب عنه
بس انا بتهيالى شرطة لانى اهلك عايزين يضمنوا حقوقك
يعنى انت مش شايف اللى حواليك واللى بيحصل
انا اسف لو ردى تقيل او صعب شوايه
وبعدين مالهم اللى جايبين 60% ماهما الناس الوحيدين
اللى واخدين حقوقهم فى الدوله ومعمول ليهم قيمة
ربنا معاك ياريس
المغترب 28-07-2008, 07:21 AM هندسه وبدووووووووووووون تفكييييييييييير
سورى يعنى ده مستقبلك مش مستقبل باباك ومامتك
انتا ممكن تعمل فكره مجنونه تدخل اختبارات الشرطه وتسقط
نفسك بالعافيه وبعدين تقدم هندسه
هندسه وبسسسسسسسسس
مش هتنجح غير فى الى انتا عاوزه
وانتحار ايه مش مستهله متفكرش فى كده اصلا
وفى الاخر كله نصيب
بليز فى الرد
يسقط نفسه ايه
طالما الراجل ده دخل وقال عايزين يقدموا لى
يبقى فيه وسايط والنبى لو عمل ايه
هيدخل هيدخل
لو على اد يسقط نفسه مكنش عرض الموضوع وفكر هو اساسا
بليز انا ردى غبى شوايه
beautyblotyboy 28-07-2008, 07:22 AM انت فين يا فادي؟
lamis11 28-07-2008, 01:43 PM اخي في الله متحاولش تتقل على نفسك الحمل ربنا رزقك بمكانة كتير من الناس بيحلم بيها بس إوعى تخلي تفوقك يحدد مصير حياتك إعمل لنفسك تقييم من أول حياتك لو لقيت نفسك بتنجح في أي حاجة بتتمناها ادخل هندسة بترول ممدام غنت شايف إنك هتحقق فيها حاجة كمان لو لقيت إنك ممكن تحقق في كلية الشرطة نجاح أكبر ليك ولبلدك توكل على الله مع توفر الشروط اللازمة للكلية دي جسديا ومعنويا اما مسألة والديك والعائلة الكريمة فمن السهل حلها إنت برده رحت ولا جيت إبنهم ومجرد حبة رجاء وأنا آسف ياباب معلش ياماما هتتحل بإذن الله وقبل كل ده صلي صلاة استخارة بس لازم تفهم إن صلاة الاستخارة مش لما تحتار ولكن لما تبقى إنت عايز حاجة ومش عارف هي صح ولا غلط ولازم تبقى مؤمن بالله فأنت تريد وأنا أريد والله يفعل مايريد...........وفقكم الله لما يحب ويرضى
ibrahim_net 28-07-2008, 04:16 PM اسمعني ونصيحة من أخوك الكبير أنا كنت شاطر زيك وجايب 100% ودخلت طب ولله الحمد وعلى حسب رغبتي الخاصة
أحذرك تخش كلية أنت مش عايزها ولا ترغب بها لمجرد رغبة الأهل
ادخل ما تراه مناسب لك ولرغبتك ولا تنظر للماديات الآن .. كلها على الله
أتمنى لك التوفيق من كل قلبي ... وبما أنك رياضة خش هندسة أو بترول وتعدين ( كلية فيها تشغيل مخ )
وتوكل على الله ... وصلي صلاة الإستخارة .. معلش كلامي جاي متأخر ..
لا ططططططططططططططططططططبعا خش هندسة ازاى يعنى بعد تعب ده كلوا تخش شرطة دى حتى وحشة
Dr.Mai 28-07-2008, 09:45 PM السلام عليكم
انصحك بالآتي:
1-استخير ربنا اولا واخيرا
2-ماتزعلش ماما وبابا مهما حصل وجايز ماتتقبلش في الكليه
الله اعلم الخير فين
ربنا يهيئ لك الخير
pinky_star 29-07-2008, 05:32 PM بليز فى الرد
يسقط نفسه ايه
طالما الراجل ده دخل وقال عايزين يقدموا لى
يبقى فيه وسايط والنبى لو عمل ايه
هيدخل هيدخل
لو على اد يسقط نفسه مكنش عرض الموضوع وفكر هو اساسا
بليز انا ردى غبى شوايه
علشان انا من وجهه نظرى انه يدخل الكليه اللى هو عايزها
عشان مش هيعرف يحقق حاجه غير فيها انا مقولتش انه ميرضيش اهله
ووسايط ومش وسايط
وفى الاخر هنعد نتكلم كتتتتتتتيييير واللى ربنا عاوزه هو اللى هيحصل
ان شاء الله
سلاااااام
رنوه رنوه 29-07-2008, 05:41 PM يا عم ادخل هندسه دى احسلك دانا بسمع ان اللى بيتخرج منها بيشتغل على طول وحاول تفنع باباك ومامتك بالفكره لان ده فى النهايه مستقبلك ومتحولش تكون عنيد عشان تحاول تقنعهم بفكرتك وانشاء الله تدخل هندسه بترول وادعولى انى كمان ادخل هندسه حتى ولو اقاليم وربنا يوفق الجميع
bosy .. mostafa 29-07-2008, 08:43 PM على فكره شرطه لازم كوسه و واسطه و مش حلوه
ادخل بترول و حاول تقنع اهلك بالراحه
!!!دمعة حزن!!! 30-07-2008, 10:32 AM بص اول حاجه صلى صلاة استخاره
وصمم على رايك فى الهندسه
ومتحولش تدخل اى كليه انت مش عاوزه
انا واحده من الناس عشان ارضى اهلى دخلت كليه مش بحبها
والنتيجه كانت ايه انى هعيد السنه
عشان مصممتش على الكليه الى كنت عاوزه ادخلها
Nemo_92 30-07-2008, 06:09 PM بص يا بنى علشان متتعبش نفسك انت تدخل الكلية اللى اجتهدت سنتين مذاكرة وقرف علشان توصلها وربنا يوفقك فيها ان شاء الله وبعد ماتخلصها ممكن تتطوع فى الشرطة لو ينفع
ربنا معاك
***star*** 06-08-2008, 05:49 AM ادخل شرطه والا ممكن بنسبه كبيره بعد كدا تزعل اوي
eng_coach23 06-08-2008, 06:21 AM انا لو مكانك اكتب بترول من غير نقاش مع الوالدين
دي حياتك ومستقبلك اللي انت مفروض تقرره بنفسك
فاتح زلزال 07-08-2008, 07:39 AM انا من رايى ادخل كلية انت نفسك فيها حتى لو كانت ب40% اصل معلش يعنى اهلك مشهم ايلى عيشتغلوا لو دخلوك كلية انت فشلتا فيها وانت متعرفش ان الكلية مرتبطة بالشغل يعنى انت ممكن تعيش تعيس طول حياتك عشان الكلية ايلى انت دخلتها دى مسالة مش عاوزة مشاورة دى محسومة وقضى الامر ادخل الكلية ايلى انت حاسس انك حتبقى حلو فيها
Rymonda 07-08-2008, 01:12 PM انت شكلك مخك حلو انت ممكن تمشي في الهندسة على الرغم من انها كليه صعبه جدا والناجحين فيها يتعدوا ع الصوابع .. بس انا بحب وبحترم المهندسين عن الظباط .. بس خد باااالك الظباط هم اللي واخدين وضعهم النهارده في البلد .. اكيد المعنى وصل...
محمود خاطر 30-10-2008, 07:19 PM هندسة طبعا
amenelhoda 15-02-2010, 04:53 PM صلى صلاة استخارة وحاول تقنع الوالدين انك بتحب الكلية دى والقسم اللى انت عايزه
حاول تقنعهم وان شاء الله يوفقق الى ما يحبه ويرضاه
|