مشاهدة النسخة كاملة : طلباتك أوامر


سنيورينا ريهام محجوب
06-11-2014, 11:52 PM
السلام عليكم

ازيكوا اخباركو ايه ؟؟

طلباتكو اوووامر ..

أى حد عنده اى استفسار او اى سؤال ف اى جزئية شرح ف المنهج او مثلا اى سؤال واقف معاه يتفضل يكتب ف الموضوع وانا هجاوب عليكم


بالتوفيق لكل الطلاب و الطالبات


تحياتى : سنيورينا ريهام محجوب

fatfot65
14-11-2014, 07:56 PM
من فضلك عايزة اعرف هل الحضارة للصف الاول والثانى الثانوى لم يلغى منها شئ ام تدرس كما هى بخطة المنهج؟

Prof. Mohamed Mekhamer
30-11-2014, 01:39 AM
من فضلك عايزة اعرف هل الحضارة للصف الاول والثانى الثانوى لم يلغى منها شئ ام تدرس كما هى بخطة المنهج؟



بعد إذن صاحبة الموضوع أجيب على السؤال ....

سؤال الحضارة لغى فى صورة السابقة كسؤال و جواب ......

لكن الطالب مطالب بدراسته لأنه يأتى فى الإمتحان فى صور أخرى

فى المواقف مثلا ... أو فى سؤال الترتيب .

محمد فتخي 2
22-12-2014, 12:30 AM
يا جماعة مع كامل احترامي و تقديري لحضراتكم ، هو ليه دي المادة الوحيدة إللي لما بدخل عليه بحس إن الأساتذة ناقصة يعزموني على العشاء وهيدفعوا الحساب ، أو كأن مدرسيها طالعين زى عفريت العلبة ! ( شبيك لبيك ) !
أنا مش بتهكم على حد لكن أنا في أزمة حقيقية مفيش مذاكرة شاملة المنهج بشرح و مفردات وكل وحدة بطريقة متتالية ، يعني ادخل الامتحان اغش مثلا ولا استنى الوحي يسقط عليا يحل لي الامتحان !
أرجوكم يا جماعة إحنا بنعاني بجد دي اللغة الوحيدة إللي مش اخدة حقها زي الفرنسية أو الالمانية ولا حتى في كُتب متداولة في السوق نقدر نجيبها بسهولة .. أنا واحد لحد دلوقتي لا أفقه شيء في اللغة الايطالية ولا أعرف اصلا المنهج بيتكلم على إيه ! - فارجوكم بعد أذن حضراتكم وفروا لينا مذكرات نقدر على الأقل نلم منها أي شيء ... امال اللى مش قادر يشتري كتاب يعمل إيه ؟ !