ايه رأيك تعمل عملية جراحية و تعيش طول حياتك بشرائح و مسامير ولا تعمل علاج
طبيعى و نقولك على الأوضاع الصحيحة ؟! و ترجع احسن من الأول ..


مفصل الركبة الى بيحصل فيه دائما مرض خشونة الى هو مرض خشونة المفاصل
Osteoarthitis ايه دا بقى !؟

المرض دا عبارة ان سطح الغضروف بتاع العضمتين بيدأ يحتك ببعضه و يبدأ يحصل تآكل فى الغضروف دا و كمان ممكن نسبة حمض اسمه حمض الهيالويورنيك Hyaluronic Acid بتقل و دا بيساعد فى لزوجة السائل الزلالى عشان كدا بيفضل فى احتكاك بين السطوح الغضروفية دى و يحصل تآكل و معاها الم و معاها التهاب حوالين مفصل الركبة

تعرف ازاى انه عنده المرض دا ؟!

1- الم فى المفصل و خاصة فرد و ثنى الركبة
2- بيبدا بعد كدا يحصل التهابات و الم حوالين المفصل و دا بيظهر
3- ممكن تسمع صوت زى الطقطة بعد كدا
4- بيظهر فى الاشعة نسبة التآكل دى اد ايه ..

فى الحالات المتقدمة ممكن بيتآكل الغضروف و يبدأ يحصل Osteoarthrosis دا بقى تآكل سطح العظام و المفصل بيبقى ضايع بنبدأ نوصل للعظام و دا محتاج عملية ..
انما فى المراحل الاولى

احنا ممكن نعمل ايه ؟!

1- نخفف الوزن عشان نقلل الحمل من على مفصل الركبة لانه من المفاصل الى بتشيل وزن الجسم
2- نعمل تمرينات تحافظ على مدى حركة المفصل ROM or Range Of Motion
3- نعمل تمرينات لتقوية العضلات الى بتشتغل على المفصل
4- استخدام اجهزة زى ال Ultrasound او استخدام الحرارة زى الكمادات الساخنة Hot Packs مثلا من 10 دقائق ل ربع ساعة حوالى 3 مرات فى اليوم و مدة الجلسة الواحدة ممكن تكون من 10 دقائق لربع ساعة عشان نعمل تليين للغضروف و تركيبات المفصل و بالتالى يقل التآكل و كمان التمرينات و الحرارة بتمشى السائل الزلالى و زى ما احنا عارفين ان الغضروف بيوصله تغذية من الانسجة التانية و من السائل الزلالى الى هو ال Synovial fluid فحركة السائل تغذى الغضروف دا و ممكن بنستعمل اجهزة كهربية كمان ..
5- و اخيرا من خلال معرفتنا بقوانين الحركة و الميكانيكا نقدر نقولك تمشى ازاى و تطلع سلم ازاى و ايه الى تعمله و ايه الى متعملوش عشان تحافظ على المفصل ...

..... ممكن فى المراحل الاولى يحصل حقن بحمض الهيالويورنيك دا او مضادات التهاب عشان الالتهابات الى بتكون حوالين المفصل و كمان عشان ترجع نسبة الحمض كويسة و بالتالى لزوجة السائل الزلالى تكون كويسة و يمنع التآكل دا

ملاحظة : الغضروف الى بيحصل فيه تآكل مش بيرجع تانى فالحق نفسك من بدرى و روح للدكتور و اعمل علاج طبيعى من بدرى لو فيه حاجة و صدقنى العلاج الطبيعى هو الاكثر فعالية فى المشاكل دى زى مشاكل العظام و العضلات و الاعصاب بس الحق نفسك من بدرى ..

#اعرف_عن_العلاج_الطبيعى