مشاهدة النسخة كاملة : ايه اكنر حاجه بتحبها في رمضان؟؟! ( ادخل )
Rymonda 20-08-2008, 01:14 PM ازيكم يا جماعه وحشتوني بجد .. اصلي بقالي فتره بعييييده عن الملاعب ...
المهم انا جايه وجايبه معايا موضوع ياااارب يعجبكم ..
الموضوع او بمعنى اصح السؤال هو :ايه اكتر حاجه بتشدك وبتحبها في رمضان ؟؟؟ يا ترى المسلسلات ولا القطايف ولا الكنافه ولا الخشاف (سوري يا جماعه اصلي جعانة) المهم ولا المدفع ولا ولا ولا ايه...........
انا بجد اكتر حاجه بتمتعني في رمضان (طبعا غير الاكل) هي جو رمضان ياااااه... والله جميل بجد .. يا ترى بيعجبكم انتو كمان ؟؟؟!!! ياريت تردوا عليا ..وبتمنى ان كل اللي يدخل يشارك عشان اديلو قطايف وكنافه كمان يللا ....
بتحبوا ايييه في رمضان ؟؟!!
CoMMaNdo 20-08-2008, 01:24 PM والله رمضان بيبقى كل حاجه فيه حلوه
البيت بيبقى فيه خير وفرحه طول اليوم
والناس بتقرب من بعضها اكتر
وكله بيسال على قرايبه
وحاجات كتير جدا جدا
ياريتها تبقى موجوده طول السنه
بس احسن حاجه بقى ه انه بعديه على طول العيد : :D :D
وشكرا على الموضوع الجميل دا
ZAHIMR 20-08-2008, 04:34 PM رمضان احلى شهر انا بحبو الجو بتاعو بيبقى مختلف اوى كلو ايمان بجد
وكمان بيبقى بعدو العيد
بارك الله فيك على الموضوع
الضوء الشارد 20-08-2008, 06:20 PM اكتر حاجة بحبها اللمة على الفطار وصلاة التروايح والتمر هندى ههههههه والكنافة ههههههه
Shams AlhaQ 20-08-2008, 06:43 PM احسن حاجه بحبها غير جو رمضان طبعا
الراحه النفسيه بعد ما تصلي التراويح كده
الله
ميرسي اوي ع الموضوع ده بجد جميل
تقبلي مروري
ahmed2845 20-08-2008, 07:32 PM شهر رمضان كل حاجة فيه حلوة
بس احسن حاجه فيه (بعد الاكل طبعا ) على الاطلاق هو المسلسلات
بس للاسف مش ببقى فاضى عشان اتفرج عيهم لان بتبقى ورايا مذاكرة وصيام وصلاة وخروج مع صحابى (مش دايما)
ahmed2845 20-08-2008, 07:35 PM بس السنة دى هفضى شوية للمسلسلات
لان الدراسة هتبدا متاخر
سارة صابر فاوى 20-08-2008, 08:12 PM احلى حاجة فى رمضان وقت صلاة التراويح بتحس بالامان وسط الناس اللى طلعة من الصلاة ووقت السحور وسط عائلتك
دودو دلوعة اليكس 20-08-2008, 08:20 PM الله موضوعك حلو جداااااااااااااااااااااااااااااا وبصراحة رمضان كله على بعضه جميل كل حاجة فيه الصلاة والصوم وشور طبعا الاكل دى حاجة مش محتاجة كلام <عض قلبى ولا تعض رغيفى> وبعدين والله احلى شهر فى السنة هو رمضان وكفاية اللمة والاغنى الجميلة بتاعت رمضان <اهو جه يا ولاد اهو جه يا ولاد> وفى رواية اخرى <جبنا الفوانيس احمر واخضر> وكما قال الشاعر <رمضان جانا وفرحنا بو بعد غيابه وبقاله زمان غنو وقولوا شهر بطوله غنو وقولوا اهلا رمضان>ههههههههههههههههههههه طبعا انا بهزر بس رمضان اعظم شهر فى السنة كلها ..وكل سنة وانتم طيبين وع السفرة ملمومين
ymymym 20-08-2008, 09:05 PM هو جو جميل جدا وكفايه اللمه
Mohamed_AmeesH 20-08-2008, 09:22 PM ازيكم يا جماعه وحشتوني بجد .. اصلي بقالي فتره بعييييده عن الملاعب ...
المهم انا جايه وجايبه معايا موضوع ياااارب يعجبكم ..
الموضوع او بمعنى اصح السؤال هو :ايه اكتر حاجه بتشدك وبتحبها في رمضان ؟؟؟ يا ترى المسلسلات ولا القطايف ولا الكنافه ولا الخشاف (سوري يا جماعه اصلي جعانة) المهم ولا المدفع ولا ولا ولا ايه...........
انا بجد اكتر حاجه بتمتعني في رمضان (طبعا غير الاكل) هي جو رمضان ياااااه... والله جميل بجد .. يا ترى بيعجبكم انتو كمان ؟؟؟!!! ياريت تردوا عليا ..وبتمنى ان كل اللي يدخل يشارك عشان اديلو قطايف وكنافه كمان يللا ....
بتحبوا ايييه في رمضان ؟؟!!
مفيش حاجه اسمها بتحبوا ايه فى رمضان
المفروض بتكرهوا ايه فى رمضان
لان شهر رمضان شهر مبارك
كل حاجه فيه حلو وقت الفطار وقت الصحور وقت المدفع
كل حاجه ممكن ان الانسان بتخيلها انها حلو تبقى فى شهر رمضان
دا كفايه اللمه اللى بتبقى وقت الفطار وكفايه كمان ان فى الشهر ده الانسان مبيتركشى فرض صلاه ابداااا
واكتر حاجه فعلا بحبها فى رمضان
بعد الفطار كده نخرج نصلى المغرب ونقرأ قرأن فى الجامع لغيت ما العشاء تأذن وبعدها نصليها ونصلى وراها
التروايح ياااااااااااااااااااااه الانسان فينا ومننا بيحس بأحساس رهيب جدااااااااا
مقدرش اوصفه خالص
وكفايه كمان الفرحه اللى بتبقى فى البيت الخير بيعم علينا جميعاااا والاسره بتستعد لهذا الشهر استعداد عظيم جداااااااااااا
كفايه كده اصل لو اتكلمت هتكلم كتير
بس الخلاصه دا موضوع مفتوح الحوار فيه ممكن لو هنتكلم من هنا لبكره موش هنبطل كلام
عن شهر رمضان لانه شهر جميل جداااااااا
بجد موضوع هايل
تقبلى مرورى
Rymonda 21-08-2008, 04:03 PM شكرا ليكم ع المرور وعلى الرد .. شكرا ياMCoMMaNdo وZAHIMR والضوء الشارد و دودو دلوعه اليكس وDeeN AlhaQ و ahmed2845 وساره صابر فاوي وymymym و love is life .......
بجد شكرا ليييكم كلكم ع المرور الجااااامد ...
ستروف 21-08-2008, 04:45 PM للسلام عليكم ورحمة الله وبركاته
انا بحب كل حاجه فى رمضان وبالذات بعد صلاة التراويح اسال الله ان يعيده علينا وعلى الامم العربية والاسلاميه بالخير واليمن والبركات وان تظل مصرنا الحبيبة وشعبها الاصيل بخير وصحة وسلامة
Rymonda 25-08-2008, 05:23 PM مش قادره اصدق ..ايه الاقبال الجامد ع الموضوع ده ؟؟!!!
طبعا بتريق ...فين الردود يا جماعة؟؟ فين المشاركات؟؟!!!!
Dr.Mai 25-08-2008, 05:30 PM اكتر حاجه بحبها في رمضان الجو الروحاني الجميل
ممكن تكوني بتعملي طاعات في كل الشهور
بس في رمضان كلنا بنبقي في نفس الجو
وكمان صلاة التراويح وصلاة التهجد
ياااااااااااااااااااااه
شعور رائع وانتي ماشيه بالليل ولاقيه كل الناس صاحيه ومقبله علي ربنا
جزاكِ الله خيراً
اللهم بلغنا رمضان وارقنا فيه طاعتك وتقبل منا صالح اعمالنا
http://www.kuwaitup.net/up/uploads/8358-9456-8911.gif
ZAHIMR 25-08-2008, 06:57 PM نسيت اقول حاجة
بحب المة الجميلة على الاكل
مش كل واحد ياكل فى حتة
وكمان بحب الحلويات بتاعت رمضان
موضوعك حلو جدااااااااااااااااااااا
والكلام فية مايخلصش
Ringer 27-08-2008, 11:56 AM شكرا يا دريمر بجد موضوع متميز جدا
و انا مش عارف ردي اللي فات راح فيين ؟؟
ما علينا
أنا أكتر حاجة بحبها في رمضان
التغيير
يعني الشوارع متغيرة
زينة في كل مكان
تلاقي الكل ماشي بيحاول يضحك
علي الاقل اللي بنشوفه في الشارع من شتم و خناق و خلافه بيقل كتير في رمضان
و أهم حاجة اجتماع العائلة
و العزومات مش عشان الاكل بس عشان اجتماع الناس كلها مع بعض
و في رمضان تحس ان كل حاجة مختلفة بجد
و أجمل حاجة أن الثواب مضاعف
فتبقي فرصة أن الواحد يصلح من نفسه
و منها ممكن اي حد يتعود علي قراءة القران او الاذكار كل يوم الصبح
و هتغير من حياته
بجد
في حاجات كتير جميلة اووي في رمضان
و شكرا يا دريمر
mR . mOstafa Fathi 27-08-2008, 12:36 PM اكيد وسط العيلة والجو الايمانى وكل حاجة
سواء قبل الفطار او بعد الفطار
Rymonda 28-08-2008, 12:13 AM ميرسي جدا يا رينجر ...
وشكرا ليك قوي يا مستر مصطفى ...
C A N D Y 28-08-2008, 01:07 AM اكيد بحب فى رمضان حاجات كتير
بس للاسف معظمها كان موجود زمان و اختفى
المهم ان اكتر حاجة بحبها
انه شهر الطاعة و الغفران
تغفر فيه الذنوب
و تغل الشياطين
و بتقرب فيه من ربنا اكتر من اى شهر تانى
دا كفاية ليلة القدر لوحدها
و فضلها
و كفاية ان اى دعوة فيها مستجابة
لو الواحد استثمر شهر رمضان كويس ممكن ياخد ثوابات تمحى ذنوب السنة كلها
و ما اكثر ذنوبنا
هى دى اكتر حاجة بحبها فى رمضان
و فى حاجات تانية كتير
و لكن لن تكفينى الصفحات للحديث عنها
ثانكس دريمر ع التوبيك :)
يوسف الشوري 28-08-2008, 02:29 AM أنا بحب كل حاجه في اي حاجه بس رمضان مختلف طبعا لان بيبقي في دوره رمضانيه بتفرج عليها ههههه
بس بجد الصيام جميل بس مش بحب أعمل حاجه في الصيام أي مجهود يعني واللمه ساعه الفطار بتبقي جميله دا غير الجو كله بصراحه شهر جميل:rolleyes::rolleyes:
earth 01-09-2008, 01:50 AM اكتر حاجة بحبها المسحراتى و هوه بينده على ولاد جيراننا و انا بطلع زى العيلة اقف اتفرج عليه
و كمان بحب اوى لما البيت يكون فيه عزومة عسسسل اوى
بحب جدا التمر هندى
بحب انام على رجل بابا و هوه بيقرا قران
بحب اساعد ماما فى الاكل و نضحك مع بعض
بحب اكلم اصحابى المفرهضين من العطش هههههههههه
بحب الزينة
بحب كل حاجة
انا زى الطفلة
M.TAHER 18-09-2008, 07:22 PM بحب كل حرف فى اسمه كل كلمه فى معانيه..
الراء : رحمه
الميم :مغفره
الضاد : ضمان للجنه
الالف :امان من النار
النون :نور من الله العزيز الغفار
-------------------------------------------------------------
رب أفرغ علينا صبرا 18-09-2008, 11:13 PM جو رمضان ده جميل جدا ويــــــــــــــا رب يدوم على طول
وبحب التمر هندى والسوبيا ويـــا ســلام على القطايف
وبحب تجمع الاسرة لختمة القران يعنى ممكن نتجمع 3 مرات على الاكثر عشان كل واحد يختم فى حضور الاسرة كلها
وبحب العزايم فى رمضان سواء إحنا نعزم أو نتعزم
Rymonda 19-09-2008, 05:13 PM بحب كل حرف فى اسمه كل كلمه فى معانيه..
الراء : رحمه
الميم :مغفره
الضاد : ضمان للجنه
الالف :امان من النار
النون :نور من الله العزيز الغفار
-------------------------------------------------------------
الله عليك !!!!
النوبة 19-09-2008, 09:06 PM بحب كل حرف فى اسمه كل كلمه فى معانيه..
الراء : رحمه
الميم :مغفره
الضاد : ضمان للجنه
الالف :امان من النار
النون :نور من الله العزيز الغفار
-------------------------------------------------------------
وانا كمان بحب كل حاجة فيةمن صلاة وراحة نفسية ولمة ومضاعفة الحسنات وحلوة جدا معانى حروفه وربنا يتقبل منا ومنكم وياريت يا جماعة ندعي لبعض ولاخونا المسلمين فى كل مكان لان الدعاء لاخيك بظهر الغيب مستجاب
|