ليه القطر بيتقلب في العياط مخصوص ؟ [الأرشيف] - بوابة الثانوية العامة المصرية

محمد محمود بدر

08-09-2016, 08:10 PM

خلينا نعرف ان اخر احصائية لحوادث القطارات في مصر بتقول ان عددها في اخر ٥ سنين وصل ٣٩٩٦ حادثة نتج عنها ٣٥٨ قتيل و ٥٨٣ مصاب طبقا لهيئة السكة الحديد .. وقبل كده كان فيه حوادث اكبر .. ابرزهم على الاطلاق حادثة ( العياط ) في ٢٠٠٢ واللي اتوفى فيها ٣٥٠ شخص بالرقم الحكومي المعلن .. واللي اتكذب بعد كده وطلعت تقارير قالت انهم فوق الـ ١٠٠٠ شخص مابين حرق واصطدام وتكدس .. وفيه ناس ماتت من دهس الناس المزعورة عليها .

انفوجرافيك جريدة الاهرام للحوادث : http://goo.gl/jF1d5u

تقرير تاني ممتاز : http://goo.gl/PHwqF7

مرجع عدد الحوادث : http://goo.gl/UF2aNi

http://www.almorakib.com/wp-content/uploads/2016/02/gal.train_.egypt_.accident.jpg_-1_-1-Copy.jpg

على كلام الدكتور / سعد الجيوشي وزير النقل ان احنا في مصر عدينا - والحمد لله - المعدلات العالمية لحوادث القطارات بمعدل ١٤٠٠ حادث سنويا .. مشمولين طبعا بحوادث الدهس العادية .. زي واحد راكب حمارته ولقى المزلقان مفتوح قام معدي والقطر جاي فكله هو والحمار .

مرجع تصريح الوزير لجريدة التحرير : http://goo.gl/SQ3QU3

http://hawadeth.akhbarelyom.com/images/images/large/12201310144644.jpg

لكن وللامانة والانصاف مش احنا الاسوء في حجم كوارث القطارات العالمية .. احنا لسه مركزنا العاشر .. لكن ببركة السادة المسئولين ونفسهم معانا هنلعب قريب على مركز متقدم وهناخد الدوري .. وكفاية ان مصر كانت المركز التاني بعد بريطانيا على مستوى العالم في تطور السكك الحديدية في ايام الملكية .. ودلوقتي بقينا في المركز الـ 87 .

مرجع ترتيب مصر في كوارث القطارات : http://goo.gl/7wbKU1
(http://www.masrawy.com/News/News_Reports/details/2012/11/21/114381/%D8%A3%D9%81%D8%B8%D8%B9-10-%D8%AD%D9%88%D8%A7%D8%AF%D8%AB-%D9%82%D8%B7%D8%A7%D8%B1%D8%A7%D8%AA-%D9%81%D9%8A-%D8%A7%D9%84%D8%B9%D8%A7%D9%84%D9%85-%D9%88-%D8%A7%D9%84%D8%B9%D9%8A%D8%A7%D8%B7-%D8%A8%D8%A7%D9%84%D9%85%D8%B1%D8%AA%D8%A8%D8%A9-%D8%A7%D9%84%D8%A3%D8%AE%D9%8A%D8%B1%D8%A9-%D8%A7%D9%86%D9%81%D9%88%D8%AC%D8%B1%D8%A7%D9%81-)
مرجع ترتيب مصر ايام الملكية .. ( تقرير يبكي الحجر ) : http://goo.gl/Vx70mS
(http://www.al-jazirah.com/magazine/31012006/therd12.htm)

http://1.bp.blogspot.com/-l91Q7EcLb-Y/UKfwuyj8HVI/AAAAAAAAApc/EEuuW92Xdt0/s1600/%D9%82%D8%B7%D8%A7%D8%B13.jpg

نرجع لموضوعنا الاهم وهو محطة ( العياط ) واللي حصل فيها اسوأ ٥ حوادث قطارات في تاريخ مصر الحديث ..

طب ليه المحطة دي بالذات ؟

.. عشان نعرف لازم نفهم ان غالب التحويلات دلوقتي بتشتغل بنظام التحكم الاوتوماتيكي بدون تدخل من عامل التحويلة ولا السواق .. وده بتصريح رئيس السكة الحديد نفسه امبارح .. لكن المفجع بقى لما نعرف ان محطة العياط من المحطات القليلة جدا اللي النظام الاوتوماتيكي بايظ فيها من خمس سنين !!

مرجع التصريح : http://goo.gl/KFwoC2
(http://www.inst-news.com/egypt/1369288/%D8%B1%D8%A6%D9%8A%D8%B3-%D8%A7%D9%84%D8%B3%D9%83%D8%A9-%D8%A7%D9%84%D8%AD%D8%AF%D9%8A%D8%AF-%D8%AA%D8%AD%D9%88%D9%8A%D9%84%D8%A9-%D9%82%D8%B7%D8%A7%D8%B1-%D8%A7%D9%84%D8%B9%D9%8A%D8%A7%D8%B7-%D8%A5%D9%84%D9%83%D8%AA%D8%B1%D9%88%D9%86%D9%8A%D 8%A9--%D9%88%D9%85%D8%B5%D8%AF%D8%B1-%D9%8A%D8%B1%D8%AC%D8%AD-%D8%A7%D9%84%D8%AA%D9%84%D8%A7%D8%B9%D8%A8-%D8%A8%D8%A7%D9%84%D8%AA%D8%AD%D9%88%D9%8A%D9%84%D 8%A9.html)
مرجع عطل محطة العياط : http://goo.gl/1bdCw6
(http://www.youm7.com/story/2016/2/1/%D8%AA%D8%AD%D9%82%D9%8A%D9%82%D8%A7%D8%AA-%D8%AD%D8%A7%D8%AF%D8%AB-%D8%A7%D9%84%D8%B9%D9%8A%D8%A7%D8%B7-%D8%AA%D9%83%D8%B4%D9%81-%D8%B3%D8%A7%D8%A6%D9%82-%D8%A7%D9%84%D9%82%D8%B7%D8%A7%D8%B1-%D9%88%D8%AE%D9%81%D9%8A%D8%B1-%D8%A7%D9%84%D9%85%D8%B2%D9%84%D9%82%D8%A7%D9%86-%D9%8A%D8%AA%D8%AD%D9%85%D9%84%D8%A7%D9%86-%D8%A7%D9%84%D9%85%D8%B3%D8%A6%D9%88%D9%84%D9%8A%D 8%A9-/2565181)

في التصريحات الرسمية بيتقال ان الحادثة بتاعة امبارح تمت بنفس الخطأ المتكرر لعامل التحويلة واللي قام بتغيرها غلط بسلامته ولبس القطر في هيكل خرساني خلى الجرار ومعاه كذا عربية يخرجوا عن الخط ويتقلبوا .. وتكون النتيجة وفيات ومصابين .. ونضيف عليهم خساير في ( عربية طرود بريدية ) كانت رايحة الصعيد وعارفين طبعا الطرود اللي رايحه الصعيد بتبقى شكلها ازاي ومين اللي محتاجها .

مرجع الحادثة كاملة : http://goo.gl/IznRlD (http://www.parlmany.com/News/15/120683/%D9%83%D8%A7%D9%84%D8%B9%D8%A7%D8%AF%D8%A9-%D8%B9%D8%A7%D9%85%D9%84-%D8%A7%D9%84%D8%AA%D8%AD%D9%88%D9%8A%D9%84%D8%A9-5-%D9%85%D8%B4%D8%A7%D9%87%D8%AF-%D9%85%D9%86-%D8%AD%D8%A7%D8%AF%D8%AB-%D8%AA%D8%B5%D8%A7%D8%AF%D9%85-%D8%A7%D9%84%D9%82%D8%B7%D8%A7%D8%B1-80)

طلع فجأة تصريح من مسئول نشرته اكتر من صحيفة بيقول ان غير مستبعد الشبهة الجنائية في الموضوع .. .. يعني محطة العياط ممكن تكون هي محطة الطرمخة على حاجات في القطر من زمان .. زي مثلا الطرود البريدية ومكاتبتها ؟؟ واهو مجرد تفكير بصوت عالي .

مرجع التصريح : http://goo.gl/KmTCdI
(http://www.masralarabia.com/%D8%A7%D8%AE%D8%A8%D8%A7%D8%B1-%D9%85%D8%B5%D8%B1/1245802-%D8%B1%D8%A6%D9%8A%D8%B3-%D8%A7%D9%84%D8%B3%D9%83%D9%83-%D8%A7%D9%84%D8%AD%D8%AF%D9%8A%D8%AF-%D8%A7%D9%84%D8%B4%D8%A8%D9%87%D8%A7%D8%AA-%D8%A8%D8%AA%D8%AF%D8%A8%D9%8A%D8%B1-%D8%AD%D8%A7%D8%AF%D8%AB-%D9%82%D8%B7%D8%A7%D8%B1-%D8%A7%D9%84%D8%B9%D9%8A%D8%A7%D8%B7-%D9%88%D8%A7%D8%B1%D8%AF%D8%A9)

http://www.egynews.net/wp-content/uploads/2015/03/%D8%AA%D8%B5%D8%A7%D8%AF%D9%85-%D9%82%D8%B7%D8%A7%D8%B1-%D8%A8%D8%B3%D9%8A%D8%A7%D8%B1%D8%A9-%D8%A3%D8%B1%D8%B4%D9%8A%D9%81%D9%8A%D8%A9.jpg

الاعلام طبعا دلوقتي غير .. واي حادثة هتحصل بيتطبل للمسئول .. لكن كل طبلة بايقاع مختلف عشان تجيب مع كل الاذواق .. يعني مثلا ( الغيطي ) طلع قال مبارك المسئول ولو انه كان بيقول قبلها مرسي ايام مرسي .. وقال كمان دلوقتي ان لازم الجيش يتدخل .. ليه يعم هي حرب ؟؟ .. وكذا تصريح اعلامي من مذيع هنا وهناك لتلميع الحكومة وتنفيض الغبار عليها .. اعلاهم على روتانا مصرية لما جاب المذيع صورة الضحايا وقام مشغل السلام الوطني .. ووالله هتلاقوا نفسكم تلقائيا بتقولوا ( تحيا مصر ) .

مرجع : http://goo.gl/QRuhih
(http://www.masrawy.com/News/News-Videos/details/2016/9/7/936487/%D8%A7%D9%84%D8%BA%D9%8A%D8%B7%D9%8A-%D8%B9%D9%86-%D8%AD%D8%A7%D8%AF%D8%AB-%D9%82%D8%B7%D8%A7%D8%B1-%D8%A7%D9%84%D8%B9%D9%8A%D8%A7%D8%B7-%D9%85%D8%A8%D8%A7%D8%B1%D9%83-%D9%87%D9%88-%D8%A7%D9%84%D9%85%D8%B3%D8%A6%D9%88%D9%84-%D9%88%D8%A7%D9%84%D8%AC%D9%8A%D8%B4-%D9%84%D8%A7%D8%B2%D9%85-%D9%8A%D8%AA%D8%AF%D8%AE%D9%84-)

http://www.innfrad.com/images/Uploads/2016/2/2/91491-1384788777.jpg

في شهر 11 / 2015 السنة اللي فاتت وزيرة التعاون الدولي / سحر نصر اتفتحت لها ميزانية وعملت اجتماعات مع البنك الدولي لتطوير منظومة السكك الحديدية على نسق ( اوربا واستراليا وكندا ) وطبعا منعرفش اتصرف كام كالعادة .. لكن الوزيرة طلعت ساعتها وقالت المواطن هيرتاح اخر راحة في القطر .. واهو ارتاح الحمد لله .. فبعد الحادثة امبارح طلع تصريح من النائب البرلماني / ماجد طوبيا وطلب كشف حساب على ( المليارات ) اللي اندفعت في المنظومة دي .. وليه لازالت فاشلة ؟ ..

اه ليه بصحيح ؟! .

مرجع وزيرة التعاون : http://goo.gl/5WHVai
(http://alwafd.org/%D8%A7%D9%82%D8%AA%D8%B5%D8%A7%D8%AF/950770-%D9%88%D8%B2%D9%8A%D8%B1%D8%A9-%D8%A7%D9%84%D8%AA%D8%B9%D8%A7%D9%88%D9%86-%D8%A7%D9%84%D8%AF%D9%88%D9%84%D9%8A-%D8%AA%D8%A8%D8%AD%D8%AB-%D8%AA%D8%B7%D9%88%D9%8A%D8%B1-%D8%A7%D9%84%D8%B3%D9%83%D9%83-%D8%A7%D9%84%D8%AD%D8%AF%D9%8A%D8%AF%D9%8A%D8%A9) مرجع النائب : http://goo.gl/2rS8RQ
(http://www.elmwatin.com/80885)

كذا بيان من هنا ومن هنا برقم فلوس التعويض للمتوفي والمصاب .. وللانصاف اكبر رقم اتقال من مسئول هو ٢٠ الف واقل رقم ١٠ الاف .. مش خمسة زي ما غالب النشطاء بيقولوا .. بس اما نعرف ان التعويضات وصلت في السعودية ٢ مليون ريال بما يعادل 6 مليون جنيه عن القتـل الخطأ زي حادثة رافعة الحرم وتكدث الجمرات .. والقتـل العمد وصل لـ ٢٢ مليون ريال حسب قناة العربية .. وان الدية ملهاش حد في بعض الدول الاجنبية .. والدولة بيترفع عليها قواضي وبتدفع تعويضات عالضرر النفسي للمواطن !!! .. فلما نييجي نقارنهم بتعويضات الحكومة المصرية بالحاجات دي نقول ايه .. بلاش تعالوا نقارنها بسعر ايفون ٧ اللي تم الاعلان عنه في نفس يوم الحادثة بـ ١٢ الف جنيه ..

هنعرف اوي قيمة المصري لحكومته بقت قد ايه .

مرجع التعويضات الحادثة : http://goo.gl/ufbnAx
(http://onaeg.com/?p=2719057) مرجع الديات بالسعودية : https://goo.gl/info/Ic9vjO
(http://www.alarabiya.net/articles/2012/08/23/233707.html)

طب هل فيه تجارب نجحت لتطوير منظمة سكك حديد كانت فاشلة ومليانة حوادث وقدرت تتطور .. اه فيه وكتير كمان .. ابرزها الصين اللي دلوقتي من افضل دول العالم في تطبيق منظومة القطار فائق السرعة .. وقربت تعمل ابو 500 كم في الساعة .. بعد ما كنت الصين والهند هما الاسوأ على الاطلاق .. وكمان ماليزيا اللي ( مهاتير محمد ) كان عايز يربط اسيا باوربا بسكك حديد بسبب نجاح المنظومة عنده بعد سنين من فشلها .. وكلمة السر هي مكافحة الفساد .. ولما نعرف ان المعايير العالمية لتصنيف جودة القطارات من ( أمان - سرعة - مواعيد - ثبات دون اهتزاز – نظافة ) مش موجود عندنا ولا واحدة فيهم الا ما ندر .. يبقى اللي يروح يركب قطر يفكر الف مرة قبل ما يركبه أو ينصح قريب له بركوبه .

مرجع الصين : http://goo.gl/RdLTP6
(http://www.alarabiya.net/articles/2012/12/23/256626.html) مرجع ماليزيا : http://goo.gl/4wIjsR
(http://www.al-jazirah.com/magazine/07022006/therd42.htm)

http://marsadpress.net/wp-content/uploads/2016/09/%D9%82%D8%B7%D8%A7%D8%B1-%D8%A7%D9%84%D8%B9%D9%8A%D8%A7%D8%B7.jpg

اخيرا ...

السؤال الابدي السرمدي ..

هي مسئولية مين الحوادث دي كلها ؟

.. الاجابة : محدش يعرف ..

بس المسئولية مش بعيده ابدا عن مسئول جه ومحاولش يصلح اخطاء اللي سبقوه .. عشان اصلا محدش بيتحاسب .. غير انهم في النهاية يكيلوا الاتهامات على راس سواق القطر الغلبان اللي التحويلة هي اللي بتجيبه يمين وشمال ..
وييجوا يسألوا رئيس هيئة السكة الحديد امبارح عن السبب ..
يقولهم ((( نصيب ))) !!!