هل تقبل الذهاب الى طبيب نفسى ؟؟؟؟؟؟؟ [الأرشيف] - بوابة الثانوية العامة المصرية

فجر الإسلام

05-09-2008, 04:59 PM

السلام عليكم ورحمة الله وبركاته
سوف ابدأ موضوعى بعدة تساؤلات
هل اذا شعرت بانك تحتاج لزيارة طبيب نفسى ستذهب فورا ام ستتردد او لم تفكر مطلقا فى هذا القرار ؟؟
وهل زيارتك لطبيب نفسى مقبوله اجتماعيا ام لا ؟؟
الحقيقه انا شايفه ان الموضوع اتحسن بدرجه كبيره عن زمان بس لسه نظرة المجتمع غريبه حبتين .. انا يمكن اعتراضى
على الطبيب النفسى فى نقطه ان لو الانسان قريب من ربنا أشد القرب فانه اذن ليس فى حاجه اليه اذن دور الطبيب النفسى
مهم فى زمن غابت فيه التقوى وقلت العبادات حتى وان كان ظاهرها لا يعكس باطنها
وجهة نظرى ان كلمه مرض نفسى تعنى ان النفس بها مرض ما وليس الجسد
طب ومين فينا فى هذا الزمن حيث اقتربت الساعه وانشق القمر ليس لدى نفسه مرض الملل مرض نفسى , التشاؤم مرض
نفسى , الاكتئاب مرض نفسى , الحقد مرض نفسى كل دى احاسيس اكيد مرت علينا
هو المريض النفسى اصبح مريض بين عشيه وضحاها؟؟؟ طبعا لا .. اكيد مر بعدة مراحل وفى اخرها تطورت حالته الى حد
مرضى اضطر ساعتها الذهاب الى الطبيب
لا يوجد انسان سوى مائه بالمائه
فلنفرض ان درجة العقلانيه (10) ودرجه الجنون (0)
هل جميع الناس عشره على عشره بالطبع لا لانه لا يوجدانسان كامل .. اذن تتفاوت الدرجات تبعا للضغوط المحيطه بالفرد
ده كان رايى يا ترى رايكوا انتوا ايه ؟؟
مع العلم انى لو شعرت انى مريضه نفسيا سوف الجأ للقران ولو لم استطع التغلب على مريض من المؤكد اننى سوف ازور
طبيب نفسى لكى لا اضر نفسى....
ربنا يبعد عننا جميعا اى مرض او اذى ....

http://i53.servimg.com/u/f53/12/43/96/04/4b0e2b10.gif (http://www.servimg.com/image_preview.php?i=168&u=12439604)
_________________
http://i53.servimg.com/u/f53/12/43/96/04/8524_110.gif (http://www.servimg.com/image_preview.php?i=169&u=12439604)

http://i53.servimg.com/u/f53/12/43/96/04/74c7ae10.gif (http://www.servimg.com/image_preview.php?i=170&u=12439604)

براءة

05-09-2008, 05:05 PM

انا نفسي اروح :d
عاوزة اجرب .. عندى فضول اشوف ايه ده :)

..Just Stop

05-09-2008, 05:17 PM

الحمد لله
ملناش تعامل مع الاطباء النفسيين
ومش عارف ليه الناس اول ما بتحس انها مخنوقة
يروحو جرى على الطبيب النفسى
مع ان ربنا بابه دايما مفتوح
يعنى لو الواحد قراله ايات من القران
ودعا ربنا انه يخفف عنه
اكيد هيحس بارتياح نفسى
انا مش بقلل من قيمة اطباء النفس
بس مش كل مشكلة نواجها نجرى عليهم
ربنا يبعدنا عنهم
عن جميع الاطباء يارب
شكرا على الموضوع
ودمتم فى رعاية الله

rainbow

05-09-2008, 05:29 PM

السلام عليكم
انا رايي المتواضع ان طبعا القران هو الحل لكن ساعات الانسان بيبقى مخنوق محتاج يكلم مع حد والدكتور النفسي من وجهة نظري هو الشخص اللي ممكن تكلم معاه بحرية وده بيساعد في تخفيف الضغط وكل عام وانتم الى الله اقرب وعلى طاعته ادوم

** MR.SmilE **

05-09-2008, 05:31 PM

معرفش بس ممكن
لو الواحد معرفش يتخلص من مشاكله

براءة

05-09-2008, 05:37 PM

مع العلم انى لو شعرت انى مريضه نفسيا سوف الجأ للقران ولو لم استطع التغلب على مريض من المؤكد اننى سوف ازور
طبيب نفسى لكى لا اضر نفسى....

ما هيا قالت الكلمتين اللى انتوا ماسكين فيها دى :huh:

biob

05-09-2008, 06:16 PM

ايوه يا فجر انا معنديش مانع اروح لو ده هيساعدنى فى مرضى مثلا
مع انى حاسس ان هما لا بيقدموا ولا بيأخروا
ياااااااااااه
طول عمرى كان نفسى اطل دكتور نفسى من غير ما ادخل كليه الطب

king mo7amed

05-09-2008, 11:32 PM

ايوه طبعا لان ده بيساعد كتير والوحيد اللي ممكن يساعدك بعد اهلك طبعا

زهرة البنفسج

06-09-2008, 01:56 AM

اة يا فجر انا ممكن اروح لدكتور نفسى عاوزة اجرب مع انى مقتنعه بكلامك ان القراءن هوة الحل وكدة وبابا ربنا زى ما الاعضاء قالوا
بس الطبيب النفسى نتيجة للضغوط اللى احنا عايشين فيها وانا عامة معنديش اى مانع انى اروح واللى عنده اى موقع للاطباء النفسيين ياريت يسيبه على قسم موقع اعجبنى وميرسي عالموضوع

Prof.Dr/A.T.M

06-09-2008, 01:59 AM

اقبل انى اروح لطبيب نفسى عادى
شكرا على الموضوع

هنا الفقي

06-09-2008, 09:27 AM

بداية انا امنية حياتي اكون دكتورة نفسية والفترة اللي فاتت كانت امنية حياتي اني اراجع دكتور نفسي لكن بابا كان رافض تماما
ذهابي لدكتور نفسي لا يعني ابدا اني عندي ذرة جنون انا مقتنعة بالدكتور النفسي اكتر من اي دكتور عادي تاني

موضوع الجنون ده كان زمان انما دلوقتي الصورة اتحسنت كتيييييييييييييييير عن الاول
الدكتور النفسي وبقى الدكتور النفسي ليه مكانته زي باقي الاطباء والناس بتروحله عادي جدا
شكرا

..حدوتة..

06-09-2008, 03:42 PM

:d:d:dطبعا هروح اصل انا هبقى دكتورة اسنان............................................. .....
نفسية:d:d:d

الشفق الباكي

08-09-2008, 10:52 PM

why not
انا شخصياا نفسى اروح لدكتور نفسى
نفسى اجرب الاحساس دا
حاجه حلوه خالص انى ابقى قاعده ادام دكتور نفسى ومستنيه كده اعرف انا مريضه ولا لاء
احساس رائع
ثانكس ياقمر على التوبيك

lover rose

08-09-2008, 11:26 PM

الاول ميرسى يا جميل على الموضوع
طبعا حلو اوى انك تستعينى بربنا اولا
بس انا نفسى اروح لدكتور نفسى

lamar

10-09-2008, 01:17 AM

اولا شكرا على الموضوع
بس اللى بيروح دكتور نفسى مش شرط بيبقى مجرد واحد مخنوق و متضايق حبتين من موضوع هو عارفه
لكن بيكون ليه تصرفات و سلوكيات غير مبررة
مقصدش طبعا الجنون لكن مثلا بيتعصب من حاجات مالاش لازمة و مش عارف ليه
او مش عارف يتعامل مع الناس و انطوائى او عنده تردد و خوف و قلق و ارق
و يكون كل ده بشكل زايد عن الحد و مش عارف له سبب
فساعتها اكيد الدكتور النفسى بيقدر يساعده انه يعرف سبب اللى هو فيه فيتعالج
اما عن نفسى اكيد لما هحتاجه هاروح

فجر الإسلام

10-09-2008, 05:20 PM

شكرا لمروركم
منى وريم و توتي

dr.fanakat

10-09-2008, 05:46 PM

اعوذ بالله
ربنا يكفينا شرهم
انا بحمد ربنا انى كويس بالنسبه للحكايه دى والحمد لله مش محتاجومش عاوز احتاج

happ_cat7

10-09-2008, 08:49 PM

اولا : اتمني ان تتقبلي مروري
ثانيا :اريد ان اضيف اضافة
انا كنت باتفرج عالتليفزيون برضه وفي برنامج ؟؟ لقيته برضه عارض نفس الحكاية وكان عامل تقرير
نزل احد المذيعين الي الشارع المصري ليتداولون هذه المناقشة
وكان نفسه هو السؤال ؟؟ هل لو شعرت بمرض نفسي ستذهب للطبيب النفسي
وكان فيه عدة آراء زي اللي شايفاها هنا ؟؟ ....
بجد موضوعك رائع
وشكرا علي الموضوع
بالنسبة ليا انا من رايك اللي قريب من ربنا علي طول عمره مايصاب بمرض نفسي ؟؟

تقبلي مروري ؟؟ ..... ""

ahmed2845

11-09-2008, 12:37 AM

اكيد طبعا اى حد شايف انه مريض نفسى لازم انو يعرض نفسى على طبيب نفسى
وانا لو شايف انى محتاج لدكتور نفسى اكيد هروح
لكن انا شايف ان حكاية الدكتور النفسى دى ملهاش لزمة لانها لا بتقدم ولا بتاخر
طبيبك النفسى هو نفسك
لانك لوحدك وبالارادة تقدر تتغلب على اى مرض نفسى
انما بقى لو معندكش ارادة وعزيمة وتحدى عمرك ما هتتعالج لوحدك ولا حتى ب 100 دكتور نفسى
وشكرااا على الموضوع

ENG:3assoma

11-09-2008, 07:52 AM

والله انا شايف ان كل طلبة الثانويه العامه عاوزين اطباء نفسيين ..
والموضوع عادي والله لو بجد

اوركيديا

10-08-2009, 02:25 AM

ههههههههه
جميل الموضوع ده
و اهو الواحد بدل ما يعمل جديد ينشط فى المواضيع القديمه
شوفى بقى
اولا مفهوم الطب النفسى للاسف منحصر فى حالتين عند الناس
لمجرد الضيق و الخنقه
لا الجنون
و طبعا ده فيه غلط كبير اوى
:d
فى الكتير من الامراض النفسيه المستعصيه اللى بتحتاج جلسات و جلسات من العلاج
يعنى زى
البارانويا ( عقده الشك )
الشيزوفرينيا ( الفصام )
الفوبيا (الخوف المرضى )
و ممكن ندخل بقى على
الذهان و الصرع و الخرف و الخزعبلات و التوهان
يعنى الموضوع مش مقصور على حاجه واحده
و لا هى كلها واحد بيفضفض لواحد تانى
الموضوع اكبر من كده فعلا
و كمان بيستخدموا فيه كتير العلاج بالادويه مع انها مش بتبقى مستحبه كتير
:romarioxp6:
عامه بقى
رايكوا ايه ؟؟
:d
فى رعايه الله

yomna1993

10-08-2009, 02:47 AM

موضوع جميل جزاكي الله خير
انا شايفة انه مش عيب خالص ان حد يروح يتعالك عند دكاتره نفسانيين (و بالذات ان تقريبا مصر كلها بقت محتاجة كده):blush:
و فعلا رد اوركيديا ما شاء الله جميل و موضح حاجات مهمة مش معنى اني رايحة لدكتور نفسي اني عندي اكتئاب او مجنون ...
ربنا يعفينا و يبعد عننا الاذى

JASSY

10-08-2009, 11:26 PM

ايه المانع اني اروح عند دكتور نفسي......

يا جماعة ده الم النفس اقوى الالام.....والمرض النفسي مرض زي اي مرض والدكتور النفسي زي اي دكتور ..عادي يعني..

و احب اضيف حاجة بس ان اللي قالوا ان اللي قريب من ربنا مش هيحتاج يروح لدكتور نفسي.... سوري يا جماعة انا معنديش

اعتراض بس فيه امراض بجد وحالات جامدة ده علم مش مجرد ان انا زهقانة وبس او عندي مشكلة فاروح لدكتور....

لا فيه حالات فعلا محتاجة دكتور نفسي بجد....يعنى مرضى نفسيين....

JASSY

10-08-2009, 11:43 PM

وايه المانع اني اروح عند دكتور نفسي....مش عيب ولا حرام....

واحب اقول حاجة بس مع احترامي ان الراي اللي بيقول ان اللي قريب من ربنا مش هيحتاج دكتور نفسي...احب اضيف حاجة بس

ان المرض النفسي ده زيه زي اي مرض لا واشد الامراض الما...يعنى فيه مرضى وحالات مرضية جامدة...

مش مجرد اني زهقانة وعندي مشكلة فاروح لدكتور نفسي....

لا بيبقى الموضوع اكبر من كده بكتير....

ميرسي ليكي يا فجر على الموضوع لانه مهم ومش عارفة ليه في مصر مش بيقدروا قيمة الدكاترة النفسين... ده في مصر بس

طبعا...

who cares

11-08-2009, 08:13 AM

على فكره انا ممكن اروح لدكتور نفسى عاااااااااااااااااااادى جدا
انا شايفاها تجربه جديده ولذيذه
مع احترامى لكل طلب الطب فى المنتدى انا مش بستلطف الدكاتره خالص
ماعدا الدكتور النفسى والله مش مجنون ولا اللى بيروحله مجنون
هوا الواحد لازم يعد يكبت فى نفسه لحد ما ينفجر لازم يبقى فى تغيير
ويقول اللى جواه لاى حد يقدر يثق فيه

بس كده بس بجد الموضوع ما شاء الله جامد
ميرسى يا فجر

mohamadelhawary

12-08-2009, 01:54 AM

طبعاً
أروح
شكراً لموضوعك الجميل

برمجينو

12-08-2009, 11:40 PM

مفيش اى مشكلة انى اروح لدكتور نفسى

سـهيـلـة

13-08-2009, 08:30 PM

انا عن نفسى عادى ممكن انى لو حسيت نفسى تعبانة او مخنوقة اروح لدكتور نفسى
هو الواحد المفروض انه يلجا لربنا الاول ولكن برضه الانسان بيحتاج واحد يحكيله بمعنى اصح واحد ينصحه و يفهمه وده اكيد هيبقى ف الدكتور النفسى انا عن نفسى مش عندى مانع

شمس الدقهلية

13-08-2009, 08:49 PM

والله أنا شايفه الدكتور النفسى دكتور زى أى دكتور وله أهميته المحترمة طبعا وناس كتييييييييييير محتاجه له

متعاقده مخنوقه

05-09-2009, 02:17 AM

انا مش شايفه اى مشكله فى انى اروح لدكتور نفسى لو احتجت لدا

عادى جدا واى انسان متحضر فاهم ان فيه فرق

بين المرض النفسى والمرض العقلى

لكن المشكله بقى لو كان الدكتور دا عايز مساعده

:d:bosyht9::bosyht9::bosyht9:

*NODY*

05-09-2009, 03:02 AM

والله أنا نفسى أروح لطبيب نفسى
مش لأنى مش لاقيه حد أتكلم معاه...
بالعكس الأصدقاء كتير والحمد لله
بس إحساسك وإنتا قاعد قدامه ,ده إحساس تانى خالص
إنسان واعى ممكن تستريح لو اتكلمت معاه
على فكرة أنا فى يوم نمت وأنا متضايقه من موضوع كده
حلمت إنى كنت عند طبيب نفسى وقعدت طول الحلم أحكيله
أنا متضايقه من إيه...بس يا خسارة والدتى صحيتنى قبل ما أسمع رده

طبعي كدا

05-09-2009, 05:20 AM

هههههههههههههه

عارفين انا بضحك ليه

على التناقض بتاعكو في الاول قولتو الموضوع بقى عادي خلاص

المرض النفسي مش جنون وكل الناس تقريبا مرضى

سواء بالحقد لو الاكتئاب

وبعدين قلتو دي تجربة لذيذة هههه حلوة

مع احترامي للجميع

تجربة اية

ده مرض والمرض عايز دكتور

يعني المرض ده زي اي مرض

والقران زي مايشفى امراض الكلى والسكر وغيرها من الامراض

العضوية

بردو يشفى المرض النفسي

لكن الناس فهما غلط ان لما الواحد يقرا قران

يبقى كده عمل اللى عليى وربنا يشفيه

لا طبعا

امال الدكتور ده فايدته ايه

بسام الاحمدى

06-09-2009, 04:03 PM

والله انا نفسى اروووووووووووووووح
عادى حاعتبروا صديق واحكيله كل حاجة

فجر الإسلام

07-09-2009, 12:58 AM

شكرا لردودكم يا جماعه
نورتوا التوبيك
وربنا يعافينا من اي مرض نفسي

riham_eg

17-09-2009, 06:04 AM

انا اقبل اروح لدكتور نفسى عادى يعنى وده مش معناه ان عندى مرض نفسى فظيع او جنون بس اللى الناس مش فاهمه ان المرض النفسى ده اى حاجه تاذى نفسيتك واحنا فى مصر يعنى ده الطبيعى وفى البلاد الاوروبيه مش المجانين اللى بيروحوا لدكاتره نفسين وبيسموه الصديق المؤجر مش العفريت بصراحه انا قرات اراء غريبه بس اختلاف الراى لايفسد للود قضيه وربنا خلق الداء وخلق الدواء

*ساسُّو*

05-10-2009, 03:03 PM

انا ناوية ان شاء الله انها تكون مهنتى المستقبلية
ومش اى حد بيروح لدكتور نفسي يبقي مجنون
ممكن يكون مخنوق او مكتئب او حصله حاجة غير مجرى حياته مش قادر يرجع حياته الطبيبعية تانى
بيبقي محتاج حد ياخد بايده
او محتاج اهتمام او محتاج حد يسمعله *كتير اوى من الناس عايزين حد يسمع ويهتم*
او حد عايز الصح ومليون بيمنعوه وعايز حد يأيده على الصح
يعنى لو مشكلة مثلا ممكن يبقي قدامه الحل وهو مش شايفها
احنا الحمد لله مسلمين يعنى ربنا اول حاجة عندنا
وممكن يكون حل مشكلته فى الاسلام*الاكتئاب مثلا* ممكن يكون مش يعرف وحد يقوله يرتاح
لو على كلام حضرتك اللى بيروح لدكتور عشان مجنون
يبقي كتير اوى اوى مجانين!!!
ربن يوفق حضرتك ومش تحتاجى ليه ابدا
مرسيي كتير لحضرتك على التوبيك جزاكى الله الجنة

طالبة حزينة

05-10-2009, 08:27 PM

انا متفقة مع راي ( طبعي كدا )

هانى الشرقاوى

06-10-2009, 12:32 PM

أقبل
لأنى ببساطة رحت أكتر من مرة لأكتر من دكتور ..... ربنا م يرجع الايام دى تانى ....

foxthegreatest

06-10-2009, 03:09 PM

الطبيب النفسى زية زى أى طبيب

فوزى مناع

23-03-2011, 05:30 PM

امي ذهبت الي المستشفي يوم 23/3/2011 م انا احبها كثير اكثر من الحياة مين الي هيصحيني ويبوسني ويفطرني قبل مروح المستشفي حد يرد عليا ومين الي هيذكلي ومين هحكيلوا علي همومي هيبقي العيال كلهم ريحين المدرسة وشيفين امهم وانا الوحيدة الي ما شفتش امي امي الحبيبة يا نور عيني هتوحشيني

mano 4 ever

24-03-2011, 11:47 AM

واروح ليه لدكتور نفسى ومامتى جنبى

صوت العقل

24-03-2011, 12:02 PM

انا شايفة الموضوع عادى ..
الطبيب النفسى زى اى طبيب تانى ..
واحيانا الالم النفسى اصعب من اى الم ..
شكراااااااااااااااااااااا على الموضوع ....

AMAR ELLYALY

24-03-2011, 01:08 PM

والله العظيم انا فى تالتة ثانوى وهموت واروح لدكتور نفسى لانى اللى بيحصل فينا دة كتير جدا

انا همووووووووووووووووووووووووووووووووت تعبت جدا بجد ربنا يرحمنا من اللى احنا فية

واكيد طبعا مش هتردد انى اروح لو لقيت فرصة

اصلا الموضوع دة مفيهوش مشكلة اصلا مين فينا مش عايز طبيب نفسى بعد اللى بيحصل دة

موضوع شيق

تقبلوا مرورى

http://up9.up-images.com/up//uploads/images/photos-3f365ec55d.gif (http://fashion.azyya.com). (http://uploadpics.a2a.cc). (http://www.a2a.cc)

yara attia

25-03-2011, 12:55 AM

يآريت آروح

بس لو هو بيحفظ آلسر

آنآ مش بثق في حد آليومين دول خآلص

وحآسة آني هنفجر لو مش فضفت كل آلي جوآيا

تقبل مروري

يــــــــــــــــآرآ عطية

Mr. Ali 1

25-03-2011, 01:04 AM

يآريت آروح

بس لو هو بيحفظ آلسر

آنآ مش بثق في حد آليومين دول خآلص

وحآسة آني هنفجر لو مش فضفت كل آلي جوآيا

تقبل مروري

يــــــــــــــــآرآ عطية

ليه كدا يا يارا ؟
انتي لسه في تانية اعدادي وهتنفجري ؟ :bosyht9:
امال لما تبقي في تانية جامعة , هتقولي ايه ؟ ;)

yara attia

25-03-2011, 01:08 AM

ليه كدا يا يارا ؟
انتي لسه في تانية اعدادي وهتنفجري ؟ :bosyht9:
امال لما تبقي في تانية جامعة , هتقولي ايه ؟ ;)

آعمل آيه

آنآ آنسآنة كتومة جدآآآآآآآآآ

وكتر آلكتم بيتعبني

بس ببين آني مفيش حآجة

مش عآرفة دي حآجة حلوة ولا وحشة ؟؟؟؟؟

شيماء20

25-03-2011, 01:25 AM

جزاك الله خير
ليه لا لو انا فعلا محتاجه لدكتور نفسى وكل الناس اللى حواليه اشتكوا منى
ايه المانع انى اروح عشان اتخلص من مشاكلى

love ur life

25-03-2011, 09:10 PM

ياما نفسي اخوض التجربه دي....

انا بحترم الدكاتره النفسيين جدا جدا ...

Mohamed.Helmy

25-03-2011, 09:14 PM

مش عارف و الله ..
بس ان شاء الله يعنى منحتاجش نروح ..

بس انا بحب أعالج نفسي بنفسي فى الموضوع ده ..

Heartbeat

25-03-2011, 09:34 PM

مش شايفه فيها مشكله
ساعات بنكون محتاجين حد نتكلم معاه
يعنى نخرج اللى جوانا من اول طفولتنا بما فيها من حلو ووحش
لغاية دلوقتى
بس من غيرعلاج نفسى
واكيد بعد كده هنحس براحة نفسية
وبطاقة هائلة
يعنى اعتقد ان كل انسان فى حاجة لطبيب نفسى
بس علشان يفضفض عن اللى جواه

هبقى افكر فى الموضوع ده;)

وردة امل

25-03-2011, 09:38 PM

انا نفسى فى مرة ازور دكتور نفسانى

اشوفه بيعمل ايه مع المريض:d

Dr. Hoda Ahmed

26-03-2011, 07:57 PM

انا شايفه حضرتك بتتناول الموضوع من جهه مشاكل نفسية وليست امراض نفسيه

هناك بعض الامراض النفسية التى تتخطى كل ذلك الانفصام الشخصى
االاكتئاب الشديد واقصد هنا المرض نفسه لا المشاكل النفسية لاننا من السهل نتعب نشعر بالحزن الم وحدة ويطلق الكثير عليها اكتئاب

لكن الدكتور النفسى ضرورى جدا فى كثير من الحالات
موضوع مقبول اجتماعيا اعتقد الان نعم وجميل جدا لما يكون المريض كمان مدرك لحالته وبيتعامل معها
على عكس لما يكون رافض العلاج لان المجتمع بينظر له مجنون

وانا والله قرات بعض تقارير فى منتدى لدكتور نفسى وازاى اعضاء داخله ووبتتكلم عن حالتهم وبلا اى خوف او خجل من الاتهام بالجنون ورد الدكتور النفسى كمان كل ده اثبت لى ان اكيد العلاج النفسى الان اصبح له مسار اخر غير زمان انا بحترم جدا المرضى النفسيين اللى بتحاول تعالج نفسها وتؤمن باهميه العلاج

اما ما يدعيه البعض اكتئاب ملل ضيق وحدة الم وغيرها فهذه لا سبيل لها سوى القرب من الله وقراءة القران واتباع سنة الحبيب المصطفى اكيد

بارك الله فيكم الموضوع جميل والاجمل فعلا اننا ندخل حياة المرضى النفسيين نفسهم ونحمد ربنا كتير على النعمة اللى انعمها علينا

لانى بجد لما قرات عنهم عرفت عظمة ربنا اكتر وقدرته

وابلاش حد يتمنى يروح لدكتور نفسى الموضوع مش هزار وشزلونج وتمدد واحكى اللى عندك الموضوع ما عدش بالشكل ده والا الدكتور مش هيخلص مش زى التلفزيون ابدا يا جماعة

لان العلاج النفسى اخطر حاجة بيؤثر على الجهاز العصبى جدا والتفكير والذكاء ممكن يحول انسان من حال لحال 360 درجة