بسم الله الرحمن الرحيم

الأول ازيكم يا جماعه عاملين أيه واخباركم ايه وكل سنة وانتم طيبين
ثانيا معلش اتأخرت فى الموضوع التانى إذا كان حد مستنينى أصلا :p
ثالثا بقى نبدأ بسم الله

فى البداية عايز اقول إننا أن شاء الله هنبدأ نتعلم مع بعض لغة برمجة مهمة جدا جدا جدا وقوية جدا جدا جدا من أقوى اللغات لكنها لم تعد مستخدمة كثيراً فى السوق وهى ++C
طيب يا عم هتقرفنا بيها ليه لما هى مش مستخدمة ؟؟ :mad:
هقولكم أولا لأنها مهمة جداً لبناء أساسيات البرمجة وثانيا لأنها تعتبر أساس لكل لغات البرمجة التى تخص مايكروسوفت زى #c والـ visual c ثالثا أنا بدأت بيها وأنا بتعلم برمجة وبصراحه كانت مفيدة جدا اتفقنا ؟؟ ;)

نبدأ بقى ونقول إن لكل لغة برمجة ما يسمى بالـ compiler وهو ما يقوم بتحويل الكود المكتوب إلى لغة الكومبيوتر ده معناه الفلسفى والنظرى وأيضا هناك لكل لغة ما يسمى بالـ Editor وهو البيئة التى نكتب فيها الكود وإن كان هناك بعض اللغات ليس لها Editor حيث من الممكن أن تكتب الكود فى text file عادى .
بالنسبة للـ ++C فلها أكثر من Editor لكن انا بفضل نستخدم ++ Borland C ده اللينك بتاعه :

http://www.4shared.com/file/39716284/83d31cee/Borland_C_502.html?s=1 (http://www.4shared.com/file/39716284/83d31cee/Borland_C_502.html?s=1)

ننزله إن شاء الله ونسطبه ونبدأ مع بعض بإذن الله أول برنامج فى حياة أى مبرمج وهو برنامج Hello World


#include <iostream.h>
#include <conio.h>
void main()
{
cout<<"Hello World";
getch();
}


ده أسهل برنامج فى التاريخ ممكن تعمله وعلى الرغم من ذلك هو يحتوى على المكونات الأساسية لأى برنامج وهى بالترتيب :
1- تضمين المكتبات المستخدمة فى البرنامج
2- الدالة الأساسية فى البرنامج

طبعا محدش فاهم حاجه ؟؟
نوضح :

يعنى ايه مكتبات فى لغات البرمجة هى اسمها libraries ودى ترجمه حرفية ليها بس انا بصراحه مش بحب الترجمة فى البرمجة وعلشان كده هنتكلم عنها باسمها الحقيقى ان شاء الله .
الـ libraries هى ملفات تحمل الدوال الرئيسية المستخدمة فى لغة البرمجة وده مصطلح عام لكل لغات البرمجة مش بس الـ ++C طيب بردوه يعنى ايه ؟؟
من الأخر كل جمله بنكتبها فى البرنامج لازم تترجم للكومبيوتر وبيكون ليه الـ library بتاعته اللى بترجمه ده شرح مبسط ويمكن يكون مش واضح أوى بس هيوضح بعدين ومع التعامل هيوضح أكتر. ودلوقتى هنقول إن معظم الدوال اللى هنستخدمها هتكون فى الـ Liberary اللى اسمها iostream.h أو input output stream header ده هو اسم الـ liberary وما يسبقها فى الجمله include# هى expression بيفهم الكود ان البرنامج هيحتوى على دوال من الـ liberary ده . واضح كده الجزء الأول ؟؟

2- الدالة الأساسية للبرنامج :



void main()
{
}


أى برنامج أول ما بيبدأ بيدور على الدالة الأساسية بتاعته أو الـ main method وبيناديها أول حاجه وبينفذ الكود اللى جواها تمام كده ؟؟
ده باختصار شديد علشان مينفعش ادخلكم فى تفاصيل أكتر من كده بس بعدين هنلاقى details فى التفاصيل كتير :)
نيجى بقى للكود اللى جوه الـ main method :


cout<<"Hello World";



>>cout الدالة دى معناها اكتب على الشاشه وما يأتى بعدها بيكون بين double quotation وهو اللى بيظهر مكتوب على الشاشة "Hello World "



getch();


الدالة دى اسمها getch أو هى اختصار لـ get character ومعناها بتقول للبرنامج يستنى لغاية ما ياخد أى حرف من اليوزر طيب لو مش موجوده هيحصل ايه البرنامج هيعرض كلمة hello world ويقفل علطول لدرجة إننا مش هنشوفه فتح أصلا تمام كده ؟؟

وبكده نكون انتهينا من أول برنامج ليكم فى البرمجة بحمد لله
ملحوظة : كل كلمة وكل حرف فى الكود لها معنى ولها فايدة.

http://www10.0zz0.com/2008/09/11/10/355196504.jpg (http://www.0zz0.com)

وهنا بقى هنطلب من الناس اللى هتابع وتهتم عمل مثال بسيط يختبروا بيه نفسهم يشوفوا هل فهموا ولا لأ

السؤال :
أكتب برنامجاً يعرض أسمك على الشاشة؟

وفى النهاية عايز اقول بردوه يا جماعه أنا برتجل وبحاول ابسط ووأوضح بس ممكن أكون مش كويس بس لو فى حد عنده أى اسئلة أنا موجود بإذن الله
تمنياتى بالتوفيق ومستقبل باهر بإذن الله
محمد القبانى

اولا شكرا على الموضوع الرائع
و اكيد مستنيين اى موضوع رائع و مفيد زى ده
اما بالنسبة للسؤال فانا هاجرب و اعمله و يارب يطلع

شكرا لك على هذا الشرح المفيد ..

http://i34.tinypic.com/fyocu8.jpg

ممكن اعرف الخطأ فين ..

او ايه اللى اعمله بعد كتابة هذه الخطوات لكى يظهر الاسم

السلام عليكم

جزاك الله خيرا موضوع مفيد و شرح ممتع بس كالعادة في اساله :)

1 - الexpertion اللي بيبقى قبل كل library على طول هيبقى include#?????????

2 - احنا اختارنا الmain method على اساس ايه؟؟؟؟؟

3- انت قولت ان احنا مش هنستخدم غير 2 library اللي همة iostream.h او input output stream header بس في التطبيق كان اسم الlibrary التانية conio.h!!!!!

4-احنا في البرنامج ده استخدمنا main method واحدة يبقى المفروض تبقى في library واحدة بس احنا استخدمنا 2 library !!!!


و ده على حسب ماانا فهمت بس فعلا حسة ان في حاجة مبهمة في حكاية الlibraries و الmain method

وكان نفسي اعمل البرنامج بس البرنامج مش راضي ينزل :(

و في السؤال برة الموضوع

ازاي اصور صفحة الكمبيوتر؟؟؟؟؟


و بالمناسبة انا عرفت الخطأ بتاع ahmed abobakr

كان خطأ مطبعي في كلمة cout مش count :)

و شكرا

و بالمناسبة انا عرفت الخطأ بتاع ahmed abobakr

كان خطأ مطبعي في كلمة cout مش count :)



شكرا جدا على الملاحظة فى الخطأ .

انا هجاوب على سؤال واحد اللى انا متأكد منه .

تصوير سطح المكتب

نضغط على print screen sysrq قى لوحة المفاتيح .
نفتح برنامج paint .الرسام .ونعمل ctrl + v ونقص الصورة .

في كلمة cout مش count :)


غيرت الكلمة ولم يحدث شئ . لو فى اعدادات لازم نعملها فى البرنامج قولنا عليها عشان منوقعش فى المشكلة من اولها كده .

اولا شكرا على الموضوع الرائع
و اكيد مستنيين اى موضوع رائع و مفيد زى ده
اما بالنسبة للسؤال فانا هاجرب و اعمله و يارب يطلع

شكرا ليكى يا تويتى وأتمنى تكونى استفدتى

ومنتظر أجابتك للسؤال
.
.

شكرا لك على هذا الشرح المفيد ..



ممكن اعرف الخطأ فين ..

او ايه اللى اعمله بعد كتابة هذه الخطوات لكى يظهر الاسم

العفو يا احمد اتمنى بس يكون مفيد فعلا

الخطأ بالظبط مطبعى زى ما وضح ananoo وبتعديله يكون كده البرنامج تمام

مفروض تعمل ايه بعد كده
ما عليك غير إنك تضغط F9 وسيقوم الـ compliler ببناء البرنامج وتشغيله
وسيظهر الأسم
الكلام اللى بالأحمر هرجعله تانى للشرح والإستفاضه إن شاء الله

جرب كده وقولى

السلام عليكم

جزاك الله خيرا موضوع مفيد و شرح ممتع بس كالعادة في اساله :)

جزانا الله وإياكم
ويسعدنى أجاوب على أى اسئلة إن شاء الله

1 - الexpertion اللي بيبقى قبل كل library على طول هيبقى include#?????????

إن شاء الله علشان تعرف البرنامج إنك عايز تستخدم أى library ما علي إلا إنك تكتب include# وتكتب أسم الـ library بين <> ده بالنسبة للغة الـ ++C

2 - احنا اختارنا الmain method على اساس ايه؟؟؟؟؟

لو خدت بالك إنى فى شرحى قولت إن أى برنامج بيكون فى الـ main method كجزء أساسى لأن الكومبايلر أول حاجه بيدور عليها علشان يشغل البرنامج هى الـ main method إذن فهى جزء أساسى من أى برنامج

3- انت قولت ان احنا مش هنستخدم غير 2 library اللي همة iostream.h او input output stream header بس في التطبيق كان اسم الlibrary التانية conio.h!!!!!

بالظبط ده سهو بس بدليل إنى قلت هنستخدم اتنين وبعدين ذكرت واحده بس وهى iostream.h التانيه بقى كانت هى conio.h وهى الـ library التى تتضمن الدالة ()getch

4-احنا في البرنامج ده استخدمنا main method واحدة يبقى المفروض تبقى في library واحدة بس احنا استخدمنا 2 library !!!!

لا لا لا الـ main method هى داله واحده بس مينفعش تكون موجوده مرتين فى نفس البرنامج كمان الـ library ليس لها علاقة بالـ main method وإنما الـ libraries هى لدول الكود الموجودة بداخل الـ main method أو فى أى مكان فى البرنامج ولهذا فقد استخدمنا الـ iostream.h library لأنها تحتوى على الدالة >>cout واستخدمنا conio.h library لانها تحتوى على الداله ()getch فاهمنى ؟؟

و ده على حسب ماانا فهمت بس فعلا حسة ان في حاجة مبهمة في حكاية الlibraries و الmain method

وكان نفسي اعمل البرنامج بس البرنامج مش راضي ينزل :(

و في السؤال برة الموضوع

ازاي اصور صفحة الكمبيوتر؟؟؟؟؟

اجابة السؤال ده جاوب عليها أحمد


و بالمناسبة انا عرفت الخطأ بتاع ahmed abobakr

كان خطأ مطبعي في كلمة cout مش count :)

و شكرا

العفو وسعيد بأسئلتك واتمنى أكون وضحتها

شكرا جدا على الملاحظة فى الخطأ .

انا هجاوب على سؤال واحد اللى انا متأكد منه .

تصوير سطح المكتب

نضغط على print screen sysrq قى لوحة المفاتيح .
نفتح برنامج paint .الرسام .ونعمل ctrl + v ونقص الصورة .

غيرت الكلمة ولم يحدث شئ . لو فى اعدادات لازم نعملها فى البرنامج قولنا عليها عشان منوقعش فى المشكلة من اولها كده .

جاوبتك عليها فى الأول يا باشا
وزى ما قلت هرجع تانى بشرح واستفاضة إن شاء الله
.
.

جزاك الله خيراً يا مساميدو

كان ليا سؤالين كده بره الموضوع بعد إذنك

انا كنت سمعت ان خريج تجارة اللي واخد كورسات برمجة بتبقى فرصته احسن في الشغل من خريج حاسبات عشان بيكون دارس مواد إدارة وتجارة عموما ( مش عارف ايه فايدتها بس سمعت كده ) يا ترى الكلام ده صحيح ؟؟

سؤال تاني معلش .. قريت بردو في منتدى طالبة في حاسبات بتقول ان دكتور عندهم في الكلية قالهم لازم تدرسوا وتتعلموا حاجة غير البرمجة ( جرافيك مثلا ) عشان الإنسان بيوصل لسن ما ينفعش يشتغل فيه مبرمج .. يا ترى انت ايه رأيك في الكلام ده ؟؟

والف شكر يا باشا ع الموضوع لسه ما طبقتش بس اوعدك بإذن الله هاجرب

شكرا با باشمهندس ..
دى اجابة السؤال

http://i35.tinypic.com/9r6jxv.jpg

جزاك الله خيراً يا مساميدو

جزانا الله وإياكم

كان ليا سؤالين كده بره الموضوع بعد إذنك

طبعا فى أى وقت اتفضل

انا كنت سمعت ان خريج تجارة اللي واخد كورسات برمجة بتبقى فرصته احسن في الشغل من خريج حاسبات عشان بيكون دارس مواد إدارة وتجارة عموما ( مش عارف ايه فايدتها بس سمعت كده ) يا ترى الكلام ده صحيح ؟؟

لالا لا لا خالص مش صحيح الكلام ده طالب حاسبات ومعلومات فرصته أحسن وأفضل بكل المقاييس بس بردوه ممكن طالب التجارة اللى واخد كورسات برمجة يكون أحسن من بعض طلبة حاسبات الموضوع مش بيمشى كده الموضوع هو انت كويس ولا لأ ؟؟ سواء بقى أنت حاسبات أو تجارة بس صدقنى مستوى طالب الحاسبات أفضل دايما من مستوى طلبة التجارة
وعايز اقولك كمان بجد مجالنا مفتوح وفرص العمل فيه كتييييييييييييييييييره جدا فى مصر وبره مصر شد حيلك انت بس وخلص الكلية وما تقلقش من مين فرصته أحسن طلبة حاسبات ولا طلبة تجاره سوق العمل ممكن يستوعبنا كلنا

سؤال تاني معلش .. قريت بردو في منتدى طالبة في حاسبات بتقول ان دكتور عندهم في الكلية قالهم لازم تدرسوا وتتعلموا حاجة غير البرمجة ( جرافيك مثلا ) عشان الإنسان بيوصل لسن ما ينفعش يشتغل فيه مبرمج .. يا ترى انت ايه رأيك في الكلام ده ؟؟

بص هو أنا مينفعش أقولك ما تتعلمش جرافيك مثلا لأ هو لو اتعلمتها هيبقى ميزة ليك بس اللى عايز اقولهولك بقى إن 99% من دكاترة الجامعات ميعرفوش حاجه عن سوق العمل
اللى بيجصل إن إنت لما تكبر وتكون خلاص وصلت لسن مينفعش تكون فيه مبرمج _وابقى افكرنى اعلق على كلمة مبرمج دى _ بتكون وصلت فى مكانك لمناصب أكبر فى الشركة ممكن يعنى مثلا تبقى technical consultant يعنى مستشار فنى بتساعد المبرمجين بدون ما تكتب كود بنفسك أو مثلا development manager حاجه كده بسم الله ما شاء الله أو ربنا يكرمك كده وتكون عملت شركة خاصة بيك انت فاهمنى؟؟
ما تشغلش بالك بالكلام ده دلوقتى سيب كل حاجه تيجى فى وقتها ومتقلقش

والف شكر يا باشا ع الموضوع لسه ما طبقتش بس اوعدك بإذن الله هاجرب

العفو يا باشا اتمنى تكون استفدت من الموضوع واتمنى اشوف تجربتك أو تقولى عملت إيه ؟

شكرا با باشمهندس ..
دى اجابة السؤال

http://i35.tinypic.com/9r6jxv.jpg

العفو يا أبو حميد
ألف مبروك يا باشا اول برنامج فى تاريخ حياتك كمبرمج
دلوقتى بقى انت ممكن تكتب على الشاشة كل اللى أنت عايزه أنت عرفت الدالة اللى بتكتب إيه هى حاول بقى تكتب كده موضوع كبير قول فيه أى حاجه وأنا دلوقتى هديك أداتين مساعدتين فى الكتابة


cout<<"\n\t\t\t In the Name of Allah ";
cout<<"\n Ahmed Abobakr ";



جرب دول كده عندك فى البرنامج وشوف النتيجة هتجد إن \n معناها سطر جديد يعنى بتقول للبرنامج يكتب سطر جديد وهتلاقى إن \t معناها ياخد شوية مسافات كده قيمة الـ tab جرب وشوف واكتب ولو قابلك أى حاجه انا موجو د إن شاء الله أسال بس
.
.

تمام يا باشا

http://i36.tinypic.com/v30z6x.jpg

تمام كده يا أبو حميد
أحسنت الفهم والتطبيق
وإنتظرنى إن شاء الله فى الدرس القادم علشان نقدر نعمل حاجات تانية بإذن الله
.
.

السلام عليكم

الحمد لله انا كدة فهمت بس في حاجة عايزة اتاكد اني فهمتها صح

يعني هوة مفيش غير main method واحدة في برنامج ال++c
بس لو ده صح يبقى ايه لزمتها؟؟؟؟؟؟؟؟؟؟؟:confused:

معلش بس ياريت توضح اكتر^_^

و بحاولانزل البرنامج دلوقتي ان شاء الله لو عرفت انزله هبقى اطبق و اوريك النتائج :lol:

أولا شكرا جدا يا باشا ع الإجابة ريحتني نفسيا واديتني ثقة :)

----------------------------------

ثانيا بأه صورة التطبيق ..


http://img511.imageshack.us/img511/327/noname00vz2.png


ينفع النصب ده ؟ :d

اه معلش سؤال بالمناسبة .. ليه الصورة عندي سوده وعند ahmed abobakr زرقا ؟؟

----------------------------------

صحيح ماتنساش تعلق على كلمة مبرمج :d

السلام عليكم

الحمد لله انا كدة فهمت بس في حاجة عايزة اتاكد اني فهمتها صح

يعني هوة مفيش غير main method واحدة في برنامج ال++c
بس لو ده صح يبقى ايه لزمتها؟؟؟؟؟؟؟؟؟؟؟:confused:

معلش بس ياريت توضح اكتر^_^

و بحاولانزل البرنامج دلوقتي ان شاء الله لو عرفت انزله هبقى اطبق و اوريك النتائج :lol:

هو ده صح فعلا مفيش غير main method واحدة فى برنامج السى بلس بلس ليه بقى ؟
إحنا قولنا إن الـ compiler علشان يشغل البرنامج أول حاجه بيروح يدور عليها هى الـ main method وبيبدأ منها طيب لو ملقاش main method ولا هيعمل أى حاجه تمام كده ؟؟
يبقى لازم يكون فيه main
طيب ليه مفيش أكتر من main لأن زى ما قلنا الكومبايلر بيدور عليها ولو لقى أكتر من واحدة مش هيبقى عارف يشتغل من مين فيهم تمام كده ؟
بس فى الواقع أصلا مينفعش يكون فى اتنين method بنفس الأسم إلا بشروط معينة هتيجى فى ميعادها إن شاء الله.
أتمنى أكون كده وضحت أكتر

مستنى أشوف النتائج أو التطبيق على الأقل


أولا شكرا جدا يا باشا ع الإجابة ريحتني نفسيا واديتني ثقة :)


----------------------------------

العفو يا باشا

ثانيا بأه صورة التطبيق ..


http://img232.imageshack.us/img232/2361/noname0qk6.png


ينفع النصب ده ؟ :d

زى الفل عقبال ما يكون حقيقة بإذن الله :d

اه معلش سؤال بالمناسبة .. ليه الصورة عندي سوده وعند ahmed abobakr زرقا ؟؟

----------------------------------


مش عارف بس تقريباً أختلاف نسخة الويندوز وعلى فكرة أنت ممكن تغير لون الخلفية براحتك بس ده هيجى قدام بردوه شوية


صحيح ماتنساش تعلق على كلمة مبرمج :d


بالنسبة بقى لكلمة مبرمج
كلمة مبرمج يا جماعه بالنسبة للى بيشتغل فى مجالنا هى كلمة محددة أوى لكن إحنا مسمانا الصحيح أو العملى الموجود فى السوق Developer مش عارف بصراحه معناها إيه بالعربى ومش عايز اترجمها ترجمة حرفية لكن هى كلمة أشمل وأوسع وأوقع من مبرمج أو programmer مش هينفع أدخلك فى تفاصيل أكتر بخصوص دى علشان مش عايز اشتتك بس اللى عايز اقولهولك دلوقتى إن أنا مثلا المسمى الوظيفى بتاعى " web Developer " لتخصصى فى نوع من الـ developing هو الـ web وبردوه فى وقته إن شاء الله هشرحلكم ايه هى التخصصات المختلفة .

تمنياتى للجميع بالتوفيق إن شاء الله
.
.

انا عملت كل حاجه صح
وكله كان تمام التمام
وبعد ما عملت كوبى للصوره
وجيت اعمل باست هنا محدتش
ممكن تقولى ليه:(
تقريبا سؤالى غبى شويه:rolleyes:




اه معلش سؤال بالمناسبة .. ليه الصورة عندي سوده وعند ahmed abobakr زرقا ؟؟

انا كمان كانت سوده:(



----------------------------------

صحيح ماتنساش تعلق على كلمة مبرمج :d

انا عملت كل حاجه صح

وكله كان تمام التمام
وبعد ما عملت كوبى للصوره
وجيت اعمل باست هنا محدتش
ممكن تقولى ليه:(
تقريبا سؤالى غبى شويه:rolleyes:


فى المنتديات مينفعش ناخد الصورة كوبى وباست
لازم نرفع الصورة على أى موقع رفع وبعدين بنجيب لينك المنتديات نحطه هنا وهتظهر الصورة إن شاء الله

وعلى فكرة الطبيعى إنها تكون سودة لو لاحظتم فى الموضوع الأساسى إنها سودة اللى مش طبيعى إنها تكون زرقااااا
مستنى أشوف نتايجك واتمنى تكونى استفدتى
.
.

انا قولت سؤالى كان غبى شويه:rolleyes:http://www8.0zz0.com/2008/09/14/10/242545276.jpg

كدا تمام ولا

:mad:

انا قولت سؤالى كان غبى شويه:rolleyes:http://www8.0zz0.com/2008/09/14/10/242545276.jpg



كدا تمام ولا

:mad:





لألأ مش غبى ولا حاجه
الغباء مش إننا نسأل عن حاجه منعرفهاش
الغباء أننا منسألش علشان خايفين حد يفتكرنا أغبياء
طبيعى جدا لو متعرفيش تسألى واحنا موجودين علشان نجاوب على كل حاجه نعرفها

وكده تمام الله ينور
حاولى بقى تكتبى حاجات أكتر زى الشباب ما عملوا فوق
.
.

شكرا جدا على التوضيح


و كان نفسي اطبق بس مش عارفة انزل البرنامج
وصل لحد 94% و مش راضي يكمل :( :(

لو ينفع تكتب لينك تاني يبقى جزاك الله خيرا

شكرا جدا على التوضيح


و كان نفسي اطبق بس مش عارفة انزل البرنامج
وصل لحد 94% و مش راضي يكمل :( :(

لو ينفع تكتب لينك تاني يبقى جزاك الله خيرا

العفو واتمنى فعلا تكون الدنيا وضحت لغاية دلوقتى

علشان انا مستنى مش عايز انزل الدرس التانى غير لما تكون الدنيا وضحت للناس كلها بإذن الله

بالنسبة لحكاية اللينك أنا بصراحه مش لقيت على النت غير اللينك ده س هحاول ارفع النسخة اللى عندى وابعتلك اللينك بتاعها إن شاء الله

ايه يا ميدو دا دا الفيجوال اسهل يا جدع :d

ايه يا ميدو دا دا الفيجوال اسهل يا جدع :d

فيجوال إيه بالظبط ؟؟؟ ماهى الفيجوال كتييييير


أنا رفعتها على الـ 4shared يا ananoo وده اللينك بتاعها

Borland_C++_5.02.rar (http://www.4shared.com/file/63061428/aa6541c6/Borland_C_502.html)

جربى بقى وقوليلى إن شاء الله تنزل

انا اقصد الفيجوال بيزك

أنا عارف إنها أسهل بس صدقنى لازم تبدأ كده علشان تبقى عارف الدنيا ماشية إزاى

انت تعرف إن الويندوز نفسه مبنى بالـ ++c

مهم جداً للناس اللى أول مرة تعرف برمجة تبدأ باللغة دى لأنها هتقدر تحطلك كل الثوابت بتاعة أى لغة بعد كده تحب تستخدمها
.
.

اها
هيا فعلا مهمه ومعظم برامج الكمبيوتر من تصميم السى بلاس
شكرا يا ميدو على البرنامج انا بنزله اهو
جزاك الله كل خير

جزانا الله واياك

نزله بقى وجرب وقولى

إنت قرأت موضوع مقدمة البرمجة ؟

.

:( :( :( :(

مش راضي يفتح بيقول (the archive is either in unkown format ordamaged)

و هوة تقريبا مااخدش ولا ثانية في التنزبل
مش عرفة اعمل ايه؟؟؟!!!!!!!!!!

و شكرا جدا على اهتمامك

هوا فعلا انا لقيت مشاكل فى تحميل البرنامج برده كان دايما يوقف معايا عند 98 او 99 % . حملته المغرب ربنا كرمه وخلص .

وده من الموقع مش النت .
وانصحك بأستخدام برنامج internet download manager فهو افضل برنامج للتحميل .

:( :( :( :(

مش راضي يفتح بيقول (the archive is either in unkown format ordamaged)

و هوة تقريبا مااخدش ولا ثانية في التنزبل
مش عرفة اعمل ايه؟؟؟!!!!!!!!!!

و شكرا جدا على اهتمامك

حاولى تانى معاه أنا جربت حالا أبدأ انزله وبدأ تنزيل كويس وشغال جربى تانى معلش ولو كده هبقى ابعتلك اليوزر بتاعى على الـ 4shared تدخلى تنزليه من الفولدر بتاعى هناك

هوا فعلا انا لقيت مشاكل فى تحميل البرنامج برده كان دايما يوقف معايا عند 98 او 99 % . حملته المغرب ربنا كرمه وخلص .

وده من الموقع مش النت .
وانصحك بأستخدام برنامج internet download manager فهو افضل برنامج للتحميل .

هو دلوقتى موجود على 4shared هحاول ارفعه فى مكان تانى يمكن يكون الموقع فعلا

وربنا يكرم ان شاء الله
..
.

الافضل ان ترفع على .. filesend او mediafire او adrive .. دى افضل مواقع الابلود و الداونلود . وتدعم استكمال التحميل .

خلاص الحمد لله عرفت انزل البرنامج :lol:

بس التطبيق مش رادي يعمل مش عرفة ليه ؟؟ :confused:

لما بدوس f9 بتطلع صفحة مكتوب فيها حاجات كتير منها
status : success
وحجات تانية
مش عرفة اعمل ايه ؟؟!!!

الحمد لله إنك نزلتى البرنامج

ابعتيلى الكود علشان تقريبا فيه أخطاء ونشوفها سوا وكمان صورة من الصفحة اللى بتظهرلك بعد الضغط على f9

وإن شاء الله نحلها ونعرف ايه الأخطاء دى علشان منقعش فيها تانى بإذن الله

.
.

الافضل ان ترفع على .. filesend او mediafire او adrive .. دى افضل مواقع الابلود و الداونلود . وتدعم استكمال التحميل .


شكرا يا ابو حميد هضيف المواقع دى فى الـ favourites بتاعتى وأى حاجه بعد كده هرفعها عليها

بس لو حد لسه منزلش البرنامج يقول وأنا ارفعه تانى
.
.

بس التطبيق مش رادي يعمل مش عرفة ليه ؟؟ :confused:

لما بدوس f9 بتطلع صفحة مكتوب فيها حاجات كتير منها
status : success
وحجات تانية
مش عرفة اعمل ايه ؟؟!!!

هوا كده اشتغل وكله تمام ونتيجة التطبيق هتلاقيها فى ال c .. bc5 .. bin .. ملف بيبدأ بحرف N

هو لو اشتغل تمام النتيجة المفروض تظهر قدامك الأول قبل ما تبقى موجود فى المسار اللى انت قولته عليه ده يا أحمد

هو لو اشتغل تمام النتيجة المفروض تظهر قدامك الأول قبل ما تبقى موجود فى المسار اللى انت قولته عليه ده يا أحمد

لا النتيجة مش بتظهر معايا وبلاقيها فى المسار اللى قولت عليه ده .

local disk c
BC5
BIN
NONAMEOO

لا النتيجة مش بتظهر معايا وبلاقيها فى المسار اللى قولت عليه ده .

local disk c
BC5
BIN
NONAMEOO

أيوه أنا عارف إنها بتروح فى المسار ده بعد التنفيذ بس مفروض تفتح قدامك الأول

طيب ممكن تجرب تكتب الكود ده وتقولى النتيجة



#include <iostream.h>

void main()
{
cout<<"Ahmed AboBakr";
int x =0;
cin<<c;
}


نفذ ده كده يا باشا عندك وقولى النتيجة ايه ؟
علشان عايز أعرف ايه اللى بيحصل
.
.

السلام عليكم
انا و صلت للمسار بس مش عرفة افتح الايكونة مش عرفة افتحها ببرنامج ايه :confused:

و بحاول ارفع الصورة بس مش راضي بيقول فشل رفع الملف

السلام عليكم
انا و صلت للمسار بس مش عرفة افتح الايكونة مش عرفة افتحها ببرنامج ايه :confused:

و بحاول ارفع الصورة بس مش راضي بيقول فشل رفع الملف

وعليكم السلام ورحمة الله وبركاته

هو مش محتاج أى برامج علشان تفتحيها بيه
أتأكدى بس أنك بتفتحى الملف الـ exe

او اقولك جربى من شاشة الـ run تكتبى الكلام ده c:\BC5\BIN\NONAME00.exe
وتقولى اوكى وشوفى النتيجة إن شاء الله

وبالنسبة للرفع جربى الموقع ده وبإذن الله الرفع يشتغل

www.0zz0.com (http://www.0zz0.com)

وحاولى تخلى الصور بامتداد jbg مش bmb

.
.

السلام عليكم

انا روحت للمسار و فعلا ظهرت النتيجة :d

#include <iostream.h>
#include <conio.h>
void main()
{
cout<<"ananoo";
getch();
}


و دلوقتي لما بدوس F9 مفيش حاجة بتحصل :mellow:

و هحاول ارفع الصورة تاني بس مش عرفة ازاي اخلي الامتدادjdg بدل من bmb

السلام عليكم

انا روحت للمسار و فعلا ظهرت النتيجة :d

الحمد لله كده تمام

#include <iostream.h>
#include <conio.h>
void main()
{
cout<<"ananoo";
getch();
}

الكود زى الفل


و دلوقتي لما بدوس F9 مفيش حاجة بتحصل :mellow:
جربى الكود ده وقوليلى النتيجة ايه


#include <iostream.h>

void main()
{
cout<<"Ahmed AboBakr";
int c =0;
cin<<c;
}




و هحاول ارفع الصورة تاني بس مش عرفة ازاي اخلي الامتدادjdg بدل من bmb

الرفع سهل وثلث وبسيط زى ما قولتلك الموقع اللى فوق وبالنسبة لتحويل الامتداد
افتحى الصورة ببرنامج الـ paint وأعملى save as واختارى نوع الفايل jbg زى الصورة دى كده

http://www4.0zz0.com/2008/09/19/00/722147545.jpg (http://www.0zz0.com)


.
.

السلام عليكم

الحمد لله عرفت ارفع الصور
دي الصورة الاولى


http://www9.0zz0.com/2008/09/19/22/479784803.jpg (http://www.0zz0.com)


و بالنسبة للكود التاني

ده اللي حصل

http://www10.0zz0.com/2008/09/19/23/674127363.jpg (http://www.0zz0.com)

الحمد لله إنك قدرتى ترفعى الصور
وبالنسبة للكود الأول هو كده تمام معناه إن مفيش أخطاء وكده الدنيا زى الفل وعلشان تشوفى النتيجة بلاش تضغطى F9 جربى تختارى من القايمة debug وبعدين run
وإن شاء الله النتيجة تظهر قدامك مش محتاجه تروحى للمسار اللى فى السى

أما بالنسبة للكود التانى معلش الغلط عندى أنا كتبته غلط هو الكود مفروض يبقى كده


#include <iostream.h>
void main()
{
cout<<"annanoo";
int x;
cin>>x;
}


جربى ده وبردوه النتيجة هتبقى واحده فى الحالتين

بس عايز اقولك ان فى الصورة التانية الخطأ اللى حصل ده يعملنا حاجه
إن لما نعمل build للبرنامج وده بيحصل لما نضغط F9 لو فى أخطاء فى الكود بيقولنا عدد الأخطاء زى ما ظهر فى الشاشة بتاعتك وبيقولك إن عندنا خطأ واحد
بالضغط على أوك بيظهر صفحة فيها الاخطاء اللى موجوده جمبها علامة حمرا ووصف للخطأ اللى موجود وبالضغط عليها مرتين بيودينا على السطر اللى فيه الخطأ علشان نقدر نصححه

دى معلومة إضافية قدرنا نضيفها النهادره
شكرا ليكى وأتمنى تكونى استفدتى لحين ما أنزل الموضوع التانى قريبا أن شاء الله
.
.

السلام عليكم

فعلا ظهرت النتيجة لما عملت run و اللي هية بتساوي ctrl+F9
و كمان عملت الكود التاني و ظهرت نفس النتيجة

و شكرا على المعلومات دي

و مستنين الموضوع التاني :)

جزاك الله خيرا

جزانا الله وإياكم كل خير وإن شاء الله قريبا

بس ألاقى وقت أنظم فيه دماغى وأبدأ اكتب الموضوع الجاى إن شاء الله

بسم الله الرحمن الرحيم

ازيكم يا جماعه معلش اتأخرت فى الموضوع التانى بس معلش أنا دماغى فيها مليون حاجه دلوقتى والشغل واخد معظم وقتى بس أنا إن شاء الله ناوى أكمل معاكم الكورس ده وبإذن الله هكمله
يلا نبدأ بقى الدرس التانى :mellow:

لاحظنا من الدرس الأول إننا كتبنا حوالى 4 أو 5 سطور لمجرد إننا عايزين نطبع على الشاشة كلمة Hello World يا سلام هى البرمجة معمولة علشان اقعد اكتب شوية كلام على الشاشة بالتأكيد لأ :mad: طيب إيه بقى الخطوة اللى بعد كده فين ؟؟
الخطوة اللى بعد كده هتكون إننا هنتكلم عن حاجه اسمها الـ variables أو بالعربى المتغيرات "يععع:eek: "
طيب إيه هى يا عمنا المثقف بتاع الإنجليزى المتغيرات قصدى الـ variables ؟ ;)

أقولك يا سيدى بص يا عم خلينى الأول اعقدك وأقولك التعريف العلمى للموضوع ايه
الـ variables هى أسماء تشير لأماكن فى الذاكرة تحمل قيم معينه فهمت حاجه ؟؟ :rolleyes: مش مهم شوف المثال ده.
لو أنا قولتلك حط فى دماغى رقم 5 وخليك حافظه وبعدين قولتلك حط كمان رقم 2 اشطه كده ؟
يبقى انت معاك دلوقتى رقمين فى دماغى 5 , 2 لما اجى بقى اقولك اجمعلى 1 على الرقم الأول هتكون النتيجة إنك هتجمع 1 على 5 وتبقى الناتج 6 ويكون فى دماغك دلوقتى الرقمين الجداد 6 , 2 دلوقتى بقى هقولك اطرحلى الرقم الثانى من الرقم الأول واحفظ الناتج هتكون النتيجة إيه إنك هجيب 6 وتنقص منها 2 وتخلى فى دماغك 4 يبقى انت معاك 3 أرقام دلوقتى الرقم الأول (6) والرقم الثانى (2) والناتج (4) شايفين بقى الكلام اللى بالأحمر ده ؟؟؟
هى دى المتغيرات فهمنا حاجه ؟؟
طيب ده فين بقى من البرمجة ومن الـ ++C اقولك
علشان تقول للبرنامج إنت عندك رقم 5 حطه فى الذاكره يبقى لازم تعرف variable وتديله أسم وتديله القيمة بتاعته اللى هى 5 وتعرف رقم تانى وتديله اسم وتديله القيمة بتاعته اللى هى 2 وهكذا
طيب نشوف فى الكود ؟؟ ;) ؟؟ نشوف يلا بينا :

#include <iostream.h>
#include <conio.h>
void main ()
{
int x=5;
int y=2;
x = x +1;
int z = x - y;
cout<<"The First No. : "<< x<<"\n";
cout<<"The Second No. : "<< y<<"\n";
cout<<"The Result : "<< z;
getch();
}



ده الكود طبعا أول سطور متكررين مش محتاجين نتكلم فيهم صح :mad:؟
طيب نيجى بقى من أول سطر كود داخل الـ main method وهو السطر ده :

int x=5;

أولا خلينا نقول إن ده السطر اللى بيعرف الـ variable ونقول إن أى variable عباره عن 3 حاجات :
1- أسم المتغير : واسم المتغير ده هو اللى بنادى على المتغير بيه لما نحب نستخدمه وهو هنا فى حالتنا هو xتمام كده .
2- القيمة التى يحملها المتغير وهى طبعا مش محتاجه تعريف وهى هنا فى حالتنا دى 5 طيب هو لازم كل ما اعرف variable أديله قيمه الإجابة لأأأ مش لازم بس مينفعش بعد كده تستخدمه من غير ما يكون فيه قيمة وإلا هتلاقى فيه قيمة غريبه وتبوظلك شغلك أوكشن حتى الأن ؟؟
3- نوع المتغير أو الـ variable Data tybe : طيب يا عم هو احنا خلصنا من variable لما تقولنا data type أقولك الـ data type هى ببساطه نوع الـ variable وهو اللى بيحدد نوع القيمةا اللى الـ variable ده بيشيلها
طيب يعنى ايه بردوه نوع القيمة يعنى هيشيل رقم زى حالتنا دى ونوع الرقم ده ايه رقم صحيح كده ولا رقم عشرى ولا هيشيل حروف ولا ايه بالظبط تمام كده ؟
فى حالتنا دى بقى هو int وهى اختصار لكلمة integer وهى معناها رقم صحيح يبقى مينفعش الـ variable اللى اسمه x يشيل مثلا رقم عشرى ولا حروف لأنه من نوع ايه ؟؟ int تماااااااااااام

يبقى أول سطر ده بقى بيقول إيه ؟؟
بيقول إن عندنا variable اسمه x من نوع int وبيحمل عدد صحيح قيمته 5 فل كده ؟؟
كذلك السطر التانى معناه ايه بقى ؟؟ مش قايل قولووا انتم

ولا اقولك يلا هقول انا وأمرى لله

int y=2;


بالمثل ده معناه إن الـ variable اللى اسمه y هو من نوع int أي يحمل رقم صحيح وقيمته 2
طيب أنت قولتلنا إن مش لازم أدي قيمة للمتغير وأنا بعرفه طيب الكلام ده يبقى إزاى ؟؟؟ الكلام ده يبقى كده يا جماعه.


int y;
y=2;


وفى الحالتين النتيجة واحدة طبعا نيجى بقى للسطر التالت


x = x+1;

طيب بالله عليكم أنا راضى ذمتكم ده سطر عايز شرح كلام فاضى يا جماعه بيقول للبرنامج اجمعلى واحد على المتغير اللى اسمه x وحط النتيجة فى x تانى
بس خلينى أقول حاجه مهمة فى النقطة دى :
عملية الجمع هنا تمت ازاى هو بيجيب المتغير اللى اسمه x ويجمع عليه 1 طيب والنتيجة هتروح فين فى المتغير x بردوه ده معناه إن خلاص القيمة القديمة للـ variable x خلاص كده شكرا ميعرفش عنها حاجه.

كذلك بقى وبكل بساطه يا جماعه السطر اللى بعده بيعرف متغير تالت اسمه z اللى هو كان الناتج بالأحمر فوق خالص وهو بردوه من نوع Int وبيشيل قيمة الناتج من عملية طرح الـ variable y من الـ variable x يعنى هيطرح 2 من 6 وتكون النتيجة أربعه نيجى بقى للسطر اللى بعد كده


cout<<"The Fisrt No. "<<x<<"\n";"


فى حاجه جديدة صح ؟؟؟
لغاية the first no. الكلام عادى ومفيش جديد هيطبع على الشاشه الكلامة ده لما نيجى بقى نحط العلامه دى تانى ونديله اسم المتغير يبقى هيكتب على الشاشه مش x لا ده هيكتب القيمة اللى بيحملها x يارب تكون واضحة النقطة دى
بعدين بقى نفس العلامة تانى وبين علامات تنصيص n\ علشان ينزل لسطر جديد
طيب كان ممكن نعملها ازاى تانى الحته الاخيرة بتاعة السطر الجديد دى ؟؟
ده أول سؤال للى متابع وهيطبق إن شاء الله

وكذلك السطر اللى بعده بالظبط بس بيطبع قيمة الـ y والسطر اللى بعده بردوه بيطبع قيمة الناتج z وبعدين السطر الأخيرر فى الكود وهو مشروح قبل كده وبكده يكون البرنامج ده خلص كده
حد فاهم حاجه ؟؟؟ :mellow:

طيب حد يقدر يتوقع كده وهو واقف هنا بلاش ينزل لتحت الناتج هيكون شكله عامل ازاى ؟؟؟ :cool:



























































الناتج هيكون كده ياجماعه إن شاء الله

http://www3.0zz0.com/2008/09/23/14/105325593.jpg (http://www.0zz0.com)

وبكده الحمد لله نكون خلصنا الدرس التانى هو درس بسيط بس مهم يا جماعه ولازم يتفهم كويس بإذن الله
ودلوقتى جه ميعاد الواجب بتاعكم بقى :rolleyes:
مطلوب منك برنامج يحمل قيمتين أى قيمتين ويعمل عليهم الأربع عمليات الأساسية وهو الجمع والطرح والضرب والقسمة (+, - , * , / ) ويطلع الناتج ويكون القيمة الأولى كذا والتانيه كذا ونتيجة الجمع كذا والطرح كذا والضرب كذا والقسمة كذا
وعايز الكود والناتج إن شاء الله
سهل صح ؟؟؟
انا عارف

وفى النهاية عايز أقول يارب يكون وفقنى وقدرت أوصل معلومة بشكل مبسط وأنا متوقع منكم أسئلة بعد الدرس ده مش شرط تكون أسئلة مش فاهمين حاجه أو كده لا متوقع كمان أسئلة عن حاجات عايزين تعرفوها
مستنيكم تقولوا فهمتم وكان الكلام سهل ولا لأ ومستنى الواجب بسرعه يلاااا لا تؤجل عمل الـ ++C للغد
استودعكم الله
.
.
حقوق الطبع محفوظة لصاحب الموضوع ولمنتدى الثانوية العامة

السلام عليكم

شغل راااااااااااائـــــــع :d

و الكلام مفهوم اخر حاجة لدرجة انه مفيش اسئلة و كمان الواجب اتحل ;)

http://www10.0zz0.com/2008/09/24/05/665797639.jpg (http://www.0zz0.com)


هاه صح كدة ولا ايــــــــــــــــه؟؟؟؟؟؟؟؟!!!!!!!!!!!!!

و بالنسبة لحكاية ازاي انزل سطر بالطريقة التانية اهو الكود و النتيجة كانت صح ^_^
cout<<"The first No. : "<< x;
cout<<"\n The second No.: "<< y;
cout<<"\n\n The result (1) (+) : "<< a;
cout<<"\n The result (2) (-) : "<< b;
cout<<"\n The result (3) (*) : "<< c;
cout<<"\n The result (4) (/) : "<< b;


وجزاك الله خيرا و جعله في ميزان حسانتك

السلام عليكم

وعليكم السلام ورحمة الله وبركاته

شغل راااااااااااائـــــــع :d

الحمد لله ومتشكر جدا لرأيك

و الكلام مفهوم اخر حاجة لدرجة انه مفيش اسئلة و كمان الواجب اتحل ;)

الحمد لله إن الكلام مفهوم ده شئ يخلينى أستمر بإذن الله
وحكاية الأسئلة أنا كنت متوقع أسئلة مش فى الدرس نفسه لأن الحمد لله الدرس اتفهم بس كنت متوقع إن الدرس يفتح مجال تفكير فى البرمجة يخلينا محتاجين نسأل فى حاجات عايزين نعرفها
بالنسبة للواجب نشوف بقى


http://www10.0zz0.com/2008/09/24/05/665797639.jpg (http://www.0zz0.com)


هاه صح كدة ولا ايــــــــــــــــه؟؟؟؟؟؟؟؟!!!!!!!!!!!!!

زى الفل الله ينور عليكى

و بالنسبة لحكاية ازاي انزل سطر بالطريقة التانية اهو الكود و النتيجة كانت صح ^_^
cout<<"the first no. : "<< x;
cout<<"\n the second no.: "<< y;
cout<<"\n\n the result (1) (+) : "<< a;
cout<<"\n the result (2) (-) : "<< b;
cout<<"\n the result (3) (*) : "<< c;
cout<<"\n the result (4) (/) : "<< b;

تمام أوى كده

وجزاك الله خيرا و جعله في ميزان حسانتك
جزانا الله وإياكم كل الخير وجعلنا ممن ينفع الناس بعلمهم

..

انا اسف ياباشا انى كنت غايب شوية عن المنتدى

انا غيرت الوندوز وجيت اسطب البرنامج تانى لقيته فى مشكلة
http://i35.tinypic.com/jg026q.jpg

ليها حل ولا احمل البرنامج تانى

أهلا بيك من تانى فى منتداك يا باشا
ومبروك الويندوز الجديد
بص هو بصراحه أنا مش عارف الـ error ده بس حاول تغير المسار بتاع الـ source وتحاول تانى ولو ظهرت اعمل retry بردوه مش مشكله وشوف كده وقولى
.
.

شكرا على الدرس والشرح الرائع
انا دمجت الدرسين مع بعض
وده التطبيق

بس انا كان عندى استفسار بسيط جدا جدا ..... ازاى اعمل اقواس المجموعة من الكيبورد .. انا كنت بعملها copy من الكود اللى حضرتك كاتبه .


http://i36.tinypic.com/2ypkmqb.jpg

السلام عليكم

بالنسبة للاسئلة فهو اكيد في دايمن اسئله خارج الموضوع :) بس بحب استنى لما يجي وقتها

و لكن بما ان حضرتك مستعد تجواب على اي اسئلة خارج الموضوع فانا بقى هسال براحتي :)

* هل ينفع اني اكتب بالعربي لاني كنت بحاول اغير الكتابة بس معرفتش؟؟؟

*هل ينفع اني اخلي الرقمين اللي انا دخلتوهم في الاول مش متحديدين بحيث اللي يفتح البرنامج يدخل الرقمين اللي هوة عاوزهم و تطلع بقى النتائج؟؟؟؟؟؟؟؟؟!!!!!!(و بكدة هحس اني عملت برنامج ليه فايدة في الحياة :) :) )

بس كدة و اول لما يجي في بالي اساله هسال على الطول ان شاء الله......

معلش بقى

انا بعمل كل اللى حضرتك عمله فوق

وبيطلعلى غلطات بالعبيط


تانى حاجه انا لما فتحت البرنامج لاقيت اسمى مكتوب فوق
معلش صايمه وكنت هتجنن على البرنامج بس مسكت نفسى بالعافيه

السلام عليكم

بالنسبة للاسئلة فهو اكيد في دايمن اسئله خارج الموضوع :) بس بحب استنى لما يجي وقتها

و لكن بما ان حضرتك مستعد تجواب على اي اسئلة خارج الموضوع فانا بقى هسال براحتي :)

إن شاء الله أنا مستعد أجاوب أى أسئلة بس كنت عايز أعرف من خلال أسئلتكم إن الموضوع فتج أفكار ومواضيع تانيه وتساؤلات فى البرمجة علشان أعرف إن كنت ماشى صح ولا غلط وإيه مدى استيعابكم للموضوع وطبعا اسألى برااحتك دايما :)

* هل ينفع اني اكتب بالعربي لاني كنت بحاول اغير الكتابة بس معرفتش؟؟؟


*هل ينفع اني اخلي الرقمين اللي انا دخلتوهم في الاول مش متحديدين بحيث اللي يفتح البرنامج يدخل الرقمين اللي هوة عاوزهم و تطلع بقى النتائج؟؟؟؟؟؟؟؟؟!!!!!!(و بكدة هحس اني عملت برنامج ليه فايدة في الحياة :) :) )

كلام جميل طبعا ينفع ودى أول حاجه هناخدها فى الدرس الجاى إن شاء الله
هنعرف أزاى نكلم اليوزر فى البرنامج بتاعنا يعنى مثلا نقوله دخل الرقم الأول والرقم التانى وهكذا إن شاء الله

بس كدة و اول لما يجي في بالي اساله هسال على الطول ان شاء الله......

منتظر أى اسئلة بإذن الله
انا عارف انى مش جاوبت حاجه بس أجابة سؤالك فى الدرس القادم بإذن الله وانا بحضره

شكرا على الدرس والشرح الرائع

العفو يا أبو حميد والحمد لله الدرس وصل تمام

انا دمجت الدرسين مع بعض
وده التطبيق

بس انا كان عندى استفسار بسيط جدا جدا ..... ازاى اعمل اقواس المجموعة من الكيبورد .. انا كنت بعملها copy من الكود اللى حضرتك كاتبه .

أقواس المجموعة هتبقى دى يا أبو حميد

بالضغط على shift + [ أو ] زى ما فى الصورة كده

http://www7.0zz0.com/2008/09/26/23/280259403.jpg (http://www.0zz0.com)




والتطبيق تمام وزى الفل وربنا يوفقك ان شاء الله

معلش بقى

انا بعمل كل اللى حضرتك عمله فوق

وبيطلعلى غلطات بالعبيط


طيب ليه أكيد فى حاجه عندك غلط ابعتيلى الكود وأنا أقولك الأخطاء فين

تانى حاجه انا لما فتحت البرنامج لاقيت اسمى مكتوب فوق

فوق فين

معلش صايمه وكنت هتجنن على البرنامج بس مسكت نفسى بالعافيه

تقبل الله منكم صيامكم


على فكره انت لسه ما شوفتيش حاجه فى البرمجة يعنى الجنان لسه بدرى عليه أوى أوى أوى
هاتى بس الكود وأنا اقولك اخطائك فين

جزاك الله خيرا يا باشمهندس


بجد شرح رائع ووافي


يكفي ان حضرتك بدات معانا وانا عارفة ان شغلكم بجد متعب جدا


جزاك الله خيرا على هذا الشرح

وانا بدات متأخر انا عارفة لان الدرس التاني نزل :lol:

بس نظرا لاني كان عندي ظروف

ودا تطبيقي لاول درس


http://www4.0zz0.com/2008/09/27/18/241185507.gif

#include <iostream.h>
void main()
{
cout<<"annanoo";
int x;
cin>>x;
}



.
.


انا عندي سؤال يا باشمهندس هو الكود دا يفرق ايه عن الكود التاني ؟؟:confused:

معلش انا هتعب حضرتك معايا وعارفة اني جاية متأخر بس انا ان شاء الله هدخل على الدرس التاني واتابع معاكم

اسفة للمرة الثانية

جزاك الله خيرا يا باشمهندس

جزانا الله وإياكم إن شاء الله


بجد شرح رائع ووافي


يكفي ان حضرتك بدات معانا وانا عارفة ان شغلكم بجد متعب جدا

الحمد لله إن الشرح كويس وأتمنى بس إن شاء الله نستفيد كلنا من الكورس
بالنسبة للشغل مش عايز أقولك قد ايه متعب بس فى نفس الوقت قد ايه ممتع

جزاك الله خيرا على هذا الشرح

وانا بدات متأخر انا عارفة لان الدرس التاني نزل :lol:

بس نظرا لاني كان عندي ظروف

أهلا بيكى معانا ونتمنى تكون الظروف خير إن شاء الله

ودا تطبيقي لاول درس

التطبيق لأول درس تمام




لو متابعة الردود بقى يا همس هتشوفى إنى طلبت من الناس تبدأ تكتب اكتر من سطر والناس عملت شغل كويس بسم الله ما شاء الله شوفيها كده

انا عندي سؤال يا باشمهندس هو الكود دا يفرق ايه عن الكود التاني ؟؟:confused:

هو طبعا الكود يفرق ومعناه يفرق لكن النتيجة واحده حتى الآن لكن الفرق هيوضح بإذن الله بعد الدرس التالت اللى هحاول أنزله حالاُ بإذن الله

معلش انا هتعب حضرتك معايا وعارفة اني جاية متأخر بس انا ان شاء الله هدخل على الدرس التاني واتابع معاكم

ولا تعب ولا حاجه يا همس أنا بإذن الله طول ما أنا موجود وعندى وقت على الأقل إنى ادخل المنتدى هتلاقينى بإذن الله وهجاوب على كل أسئلتكم إن شاء الله يلا تابعى معانا على ما انزل الدرس التالت

اسفة للمرة الثانية

مش عايز حكاية اسفه والكلام الفاضى ده :mad:
إحنا اخوات :)

بسم الله الرحمن الرحيم

النهارده إن شاء الله الدرس التالت وبإذن الله سينقسم إلى جزئين أساسين الجزء الأول ما يتعبرش جزء أوى يعنى بس خلينا نقول عليه جزء وهنتكلم فيه عن كيفية أستقبال data من اليوزر ؟
عارفين الأول يعنى إيه يوزر ؟؟؟
ومش قصدى طبعا اختبر قدرتكم اللغوية والاقى حد بيقولى يعنى مستخدم أنا قصدى اليوزر بتاعى كـ developer أنا كـ developer نتيجة شغلى بتكون مجازاً هنقول برنامج والبرنامج ده ليه مستخدمين هما دول الـ users اللى أنا قصدى عليهم
طبعا كلام عبيط اللى انا قولته ده !!!!
بس أنا قاصد اقوله علشان أقول إن أول حاجه وأهم حاجه لما أحب اعمل برنامج أعرف انا بعمله مين واليوزر اللى هيستخدمه مين وعايزه ازاى طبعا ده مش هيفرق معانا دلوقتى لأننا بنتمرن والبرامج اللى بنعملها كلها مجرد تعليم للبرمجة بس كده احنا اتفقنا على مفهوم اليوزر ووجوده فى البرنامج .
طيب نرجع بقى لكلامنا فى الجزء الأول وهو استقبال الـ data من الـ user
وده إجابة على سؤال ananno

*هل ينفع اني اخلي الرقمين اللي انا دخلتوهم في الاول مش متحديدين بحيث اللي يفتح البرنامج يدخل الرقمين اللي هوة عاوزهم و تطلع بقى النتائج؟؟؟؟؟؟؟؟؟!!!!!!

وكمان هيوضح سؤال همس بخصوص الفرق بين الكود ده


#include <iostream.h>
void main()
{
cout<<"annanoo";
int x;
cin>>x;
}


والكود الموجود فى أول درس .... رغاااى أنا مش كده ؟؟؟:huh: يلا ما علينا

الأول هنقول إن زى ما فى جملة بتكتب على الشاشة وهى >>cout فى جملة بستقبل بيانات من الشاشة وهى <<cin .
طيب ازاى بقى نستعمل جملة <<cin دى ؟
أولا جملة <<cin دى معناها بتقول للـ compiler استنى استقبل داتا من اليوزر طبعا اليوزر بيتكب داتا وبيضغط انتر هنا بقى البرنامج بيبدأ يكمل كل ده كلام نظرى صح ؟؟
طيب يلا نشوف مثال عملى ونتكلم عليه زى ما اتعودنا
بس الاول قبل المثال خلينا نقول إن زى ما قلنا قبل كده إن كل syntax ليه الـ library بتاعته ... حد فاكر الكلام ده ولا إيه ؟؟؟
طيب الـ syntax اللى هو <<cin الـ library بتاعته إيه هى ؟؟
بردوه هى iostream.h يعنى مش هنحتاج نعمل include لأى library تانيه
نبدأ بقى فى المثال العملى


#include <iostream.h>
#include <conio.h>
void main()
{
cout<<"Enter The First no. : ";
int x;
cin>>x;
cout<<"Enter The Second no. : ";
int y;
cin>>y;
int z= x+y;
cout<<"The Sum. is : " << z;
getch();
}



نبتدى سطر بسطر زى ما اتعودنا طبعا فى حاجات كتير قولناها قبل كده بس نقول تانى والتكرار بيعلم
أول سطر زى ما قولنا قبل كده بنعرف الـ compiler إننا هنستخدم دوال من الـ library اللى اسمها iostream
طيب إيه بقى الدوال اللى استخدمناها فى البرنامج من الـ Library دى ؟؟؟
مش هقول علشان انا قولت قبل كده وده سؤال ومستنى اجابته :mad:
طيب والسطر التانى زى الأول بالظبط وبيقول إننا هنستخدم دوال من الـ library اللى اسمها conio.h والدالة اللى هنستخدمها من الـ library دى هى ()getch اوكش ؟؟
طبعا السطر التالت هو الـ Main method بتاعتنا وقولنا ان البرنامج هيدور عليها وتكون أول حاجه يبدأ يشغلها يدخل جواها بقى ونشوف اللى بعد كده أول حاجه بنقول لليوزر دخل الرقم الأول ودى جمله هتطبع على الشاشة زى ما احنا عارفين بما إننا كتبنا >>cout طيب وبعدين هيعمل ايه البرنامج هيعرف variable اسمه x من نوع int ومش هيديله قيمه .... فاكرين درس الـ variables طبعا وبعدين نيجى بقى لجملتنا الجديدة النهارده وهى :


cin>>x;


دى معناها بيقول للـ compiler استنى لما اليوزر يدخلك قيمة وتاخد القيمة دى تحطها فى الـ variable x وده معناه إن البرنامج هيقف هنا ومش هينفذ الكود اللى بعد كده يبقى النتيجة هتبقى ازاى لغاية دلوقتى ؟؟
هتبقى زى الصور دى

http://www9.0zz0.com/2008/09/28/14/512891916.jpg (http://www.0zz0.com)

وهنا بقى مفروض اليوزر يدخل قيمة ويضغط انتر يبدأ الcompiler يكمل شغل وياخد القيمة اللى دخلها اليوزر يحطها فى الـ variable x ويشوف السطر اللى بعده
عادى جدا بيطبع على الشاشة دخلى الرقم التانى والسطر اللى بعده عادى بردوه بيعرف variable اسمه y من نوع int وملهوش قيمة وكذلك السطر اللى بعده خلاص بقى قديم هو كمان بيقول للـ compiler استنى من اليوزر قيمة وحطها فى الـ variable y ويقف الـ compiler مستنى حضرة سعادة اليوزر وتبقى النتيجة كده لغاية دلوقتى
http://www10.0zz0.com/2008/09/28/14/219331298.jpg (http://www.0zz0.com)

وطبعا اليوزر يدخل القيمة التانيه ويضغط إنتر ويبدأ الكومبايلر يكمل شغل وياخد القيمة اللى اليوزر دخلها ويحطها فى الـ variable y ويشوف السطر اللى بعده وهوه بردوه سطر قديم بيعرف فيه variable جديد اسمه z من نوع int بردوه ويديله قيمة هى نتيجة جمع الـ x,y وينقل للسطر اللى بعده اللى بيقول اطبع على الشاشة نتيجة الجمع هى كذا والنتيجة النهائية هتكون كده
http://www2.0zz0.com/2008/09/28/14/745090724.jpg (http://www.0zz0.com)
والسطر اللى بعده بقى بيقول استنى من اليوزر أى حرف يدخل أو أى تكة زرار علشان تنهى البرنامج
أعتقد كده الفرق واضح يا همس ؟؟؟
ولا مش واضح ؟؟
لو مش واضح قوليلى بس !!!

وانتهى كده الجزء الأول من درس النهارده
موضوع سهل وثلث وبسيط جدا جدا جدا صح ؟؟

الواجب بقى
نفس بتاع الدرس السابق لكن نخلى اليوزر يدخل الأرقام بنفسه ونطلعله نتيجة الجمع والطرح والضرب والقسمة ؟؟

نيجى بقى للجزء التانى إن شاء الله

بصراحه الجزء التانى طويل شوية ودلوقتى أنا نازل علشان هفطر بره يلا معلش هبقى وقت تانى إن شاء الله بس لغاية كده اعتبروا الدرس ده هو الجزء الأول بس وعايز اشوف الواجب إن شاء الله
.
.

دا تطبيقي لواجب الدرس التاني يا باشمهندس محمد


وجزاك الله خيرا على المجهوود الرائع الي بتبذله معانا
http://www8.0zz0.com/2008/09/29/03/722261346.jpg

*هل ينفع اني اخلي الرقمين اللي انا دخلتوهم في الاول مش متحديدين بحيث اللي يفتح البرنامج يدخل الرقمين اللي هوة عاوزهم و تطلع بقى النتائج؟؟؟؟؟؟؟؟؟!!!!!!

وكمان هيوضح سؤال همس بخصوص الفرق بين الكود ده
ربنا يكرمك يا باشمهندس ... فهمت الحمد لله



أعتقد كده الفرق واضح يا همس ؟؟؟
تماااااام واضح... جزاك الله خيرا تعبتك معايا
ولا مش واضح ؟؟
لو مش واضح قوليلى بس !!!


وانتهى كده الجزء الأول من درس النهارده
موضوع سهل وثلث وبسيط جدا جدا جدا صح ؟؟

سهل الحمد لله .. وكمان كل ما بدأت امشي .. بدأت افهم أكتر .. البرمجة بجد لذيذة جدا .. والواحد خد مقلب في نفسه وحاسس انه بقى مهندس برمجيات بجد:lol:

الواجب بقى
نفس بتاع الدرس السابق لكن نخلى اليوزر يدخل الأرقام بنفسه ونطلعله نتيجة الجمع والطرح والضرب والقسمة ؟؟


.



ودااااااااا تطبيق الواااااااااجب بتاع الدرس الثالث

جزاك الله خيرا على الشرح الأكثر من رائع

http://www10.0zz0.com/2008/09/29/04/177975013.jpg

دا تطبيقي لواجب الدرس التاني يا باشمهندس محمد



وجزاك الله خيرا على المجهوود الرائع الي بتبذله معانا



التطبيق تمام يا همس وربنا يوفقك بإذن الله


ودااااااااا تطبيق الواااااااااجب بتاع الدرس الثالث


جزاك الله خيرا على الشرح الأكثر من رائع





وتطبيق الدرس التالت كمان تمام الحمد لله
ويا ستى براحتك خد مقلب زى ما انتى عايزه علشان بإذن الله فى يوم من الأيام هتبقى developer عظيمة بإذن الله بس فعلا بجد لازم تحبى البرمجة علشان تلاقى متعة فى شغلها لأنك لو معملتيش كده مش هتعرفى تعملى بيها أى حاجه .
طيب دلوقتى بقى يا همس ممكن توضحيلنا فهمتى الفرق بين الكودين إزاى يعنى تقوليلنا إيه اللى فهمتيه بالظبط علشان كلنا نستفيد وعلشان لو فى حاجه اضيفها بإذن الله.

السلام عليكم و رحمة الله و بركاته

ايوة هوة ده الكلام:dكدة اقدر اقول للناس انا عملت برنامج:cool:

و الفضل طبعا يرجع لحضرتك;)

اولا: الواجب



http://www10.0zz0.com/2008/09/29/19/693511474.jpg (http://www.0zz0.com)


:rolleyes:

ثانيا :برده الواجب :lol:

إيه بقى الدوال اللى استخدمناها فى البرنامج من الـ Library دى(اللي هية iostream) ؟؟؟


* الداله cout
* الداله cin


ثالثا: الفرق بين الكودين

انا بصراحة مش عرفة او بمعنى اصح مش فهمة الكود التاني يعني هة ايه علاقة int x باني اكتبananoo

بصراحة مش فهمة حاجة خااااالص


رابعا:
جزاك الله خيرا و جعله في ميزان حساناتك:)

السلام عليكم ورحمة الله وبركاته :-

اكيد كلنا بصراحة مش عارفين نشكرك ازاى على المجهود والتعب معانا وجزاك الله خيرا على ذلك .

آدى التطبيق اللى انا عملته
http://i36.tinypic.com/29q15zn.jpg
بالنسبة للى فهمته والفرق بين الكودين

الكود الاول مش مفيد فى اى حاجة غير التوضيح لينا بس يعنى مفيش اى يوزر ممكن يستخدمه .

اما الكود التانى فأعتقد انه جزء بسيط من مكونات الالة الحاسبة لانه بيعتمد على ارقام احنا بنختارها وبيعمل عليها عمليات حسابية برده احنا اللى بنختارها .(الجمع - الطرح - الضرب - القسمة ....الخ الخ )


وينفع استخدام اكتر من رقمين فى نفس الكود .

السلام عليكم و رحمة الله و بركاته

ايوة هوة ده الكلام:dكدة اقدر اقول للناس انا عملت برنامج:cool:

و الفضل طبعا يرجع لحضرتك;)

الفضل لله وحده يا ananoo والحمد لله أنك دلوقتى تقدرى تعملى برنامج :d

اولا: الواجب

أولا الواجب تماااااااااااااااااام الله ينور
بس إيه رأيك ناخد حته كده إحترافيه والكل يتعلمها معانا
أكيد موافقة طبعا !!!

بصى يا ستى إنتى فى الكود بتاعك عرفتى variable اسمه a وحطيتى فيه القيمة الأولى و variable تانى اسمه b وحطيتى فيه قيمة الرقم التانى لغاية هنا جميل أوى
وبعدين بقى بتعرفى variable لكل عملية بتم على الرقمين يعنى c للجمع و d للطرح و e للضرب و f للقسمة
ده بقى اللى مش حلو ؟؟
هو طبعا شغال وزى الفل وبيطلع نتايج وملهوش أى تأثير سلبى واضح دلوقتى
طيب إيه يا عم اللى مش حلو خنقتنا !!!؟؟
حاضر هقولك
أحنا قولنا لما بنعرف variable ده معناه إنه بيحجز جزء من الذاكرة أو الـ ram بيسميها بأسم الـ variable ده وتفضل محجوزة باسمه طول فترة تعريفه فى البرنامج علشان يفضل محتفظ بالقيمة اللى فيه طول فترة وجوده
طيب ايه بردوه المشلكة ؟؟!!
المشكلة مش هنا لأن ده برنامج بسيط و أربع أو خمس variables مش هياخدوا مساحه كبيرة أوى فى الـ ram يعنى لكن تعالوا بقى نتخيل برنامج كبييييييييييييييييييييييير وفيه آلالاف الـ variables لو كل واحد واخد جزء بسيط شوفوا البرنامج كله هيبقى حاجز مساحه قد أيه ؟؟
كتييير صح !!
للمحترفين بقى بنقول متستخدمش variables مختلفة إلا لما تكون محتاجها طيب إحنا هنا الحل إيه
الحل إننا نعرف variable واحد بس وليكن اسمه c مثلا وبعدين نقول c=a+b ونطبع النتيجة على الشاشة وبعدين نقول بردوه c= a-b ونطبعها بردوه على الشاشه وهكذا
كده يبقى معندناش غير variable واحد بس لناتج كل العمليات ووفرنا مساحه هياخدها 3 متغيرات وهنتعرف على المساحات اللى بياخدها كل نوع من أنواع الـ variables بس بعد ما أنزل درس تمهيدى إن شاء الله عن الموضوع ده .
حد فاهم حاجه ؟؟!!:huh:


http://www10.0zz0.com/2008/09/29/19/693511474.jpg (http://www.0zz0.com)


:rolleyes:

ثانيا :برده الواجب :lol:

إيه بقى الدوال اللى استخدمناها فى البرنامج من الـ library دى(اللي هية iostream) ؟؟؟


* الداله cout
* الداله cin

صح زى الفل الله ينور


ثالثا: الفرق بين الكودين

انا بصراحة مش عرفة او بمعنى اصح مش فهمة الكود التاني يعني هة ايه علاقة int x باني اكتبananoo

بصراحة مش فهمة حاجة خااااالص

ثالثا هجاوب عليها إن شاء الله بس مستنى همس تقول هى فهمت إيه وبعدين أنا أوضح النقطة دى لو مش وضحت إن شاء الله أوك ؟؟


رابعا:
جزاك الله خيرا و جعله في ميزان حساناتك:)

رابعا جزانا الله وإياكم كل خير
وبالتوفيق إن شاء الله

السلام عليكم ورحمة الله وبركاته :-

اكيد كلنا بصراحة مش عارفين نشكرك ازاى على المجهود والتعب معانا وجزاك الله خيرا على ذلك .

لا شكر على واجب يا أبو حميد وجزانا الله وإياكم كل خير بإذن الله

آدى التطبيق اللى انا عملته
http://i36.tinypic.com/29q15zn.jpg

تمام الله ينور يا باشا راجع بقى الملحوظة اللى عملتها على رد ananno _ الحته الاحترافيه_ :rolleyes:

بالنسبة للى فهمته والفرق بين الكودين

الكود الاول مش مفيد فى اى حاجة غير التوضيح لينا بس يعنى مفيش اى يوزر ممكن يستخدمه .

اما الكود التانى فأعتقد انه جزء بسيط من مكونات الالة الحاسبة لانه بيعتمد على ارقام احنا بنختارها وبيعمل عليها عمليات حسابية برده احنا اللى بنختارها .(الجمع - الطرح - الضرب - القسمة ....الخ الخ )


إنت فهمتنى غلط أنا قصدى الكودين اللى كانت بتسأل عليهم همس اللى هما دول


#include <iostream.h>
#include <conio.h>

void main()
{
cout<<"hello world";
getch();

}


وده


#include <iostream.h>

void main()
{
cout<<"hello world";
int a;
cin>>a;
}


يا ترى تعرف الفرق بينهم إيه ؟!!

وينفع استخدام اكتر من رقمين فى نفس الكود .




طبعا ينفع تستخدم أى عدد من الأرقام انت عايزه
وانتظررونا إن شاء الله فى الدرس القادم

:(حاضر ان شاء الله هقول الفرق بين الكودين الي حضرتك قصدك عليهم


بس حاليا النت عندي مبهدلني
والجهاز فجاة لفيته اتملى فيروسات بسبب حكاية الكاسبر دي والتحديث بتاعه :(


ومش عارفة اعمل ايه :(

والفيروسات عملت على النت عندي كت :(

انا حزينة اوي

انا حاليا بحاول اعمل فل فورمات للجهاز :(

واول ما اظبط الجهاز هدخل واقول الفرق علاطول

مش هتاخر ان شاء الله


دعواتكم معايا ارجوكم:(

الكاسبر ده برنامج عبيط ممكن ميكونش فى فيروسات ويقولك فى فيروسات ويبهدل الجهاز .دا قبل كده دمرلى الالعاب كلها .

النود 32 اعقل منه شوية . بس انا شغال بشوية برامج صغيرة وبتقوم بالواجب تمام .

ونصيحة منى قبل عمل الفورمات شيلى الكاسبر وشوفى الجهاز هيعمل ايه .وجربى النود هو كمان .

السلام عليكم

انا تقريبا عرفت الفرق بين الكودين :rolleyes:
الكود الاول اللي هوة

#include <iosteam.h>
#include <cono.h>
void main()
{
cout<<"ananoo";
getch();
}

استخدمنا فية لداله getch من الlibrary conio
و ده علشان البرامج ميقفلش غير لما اليوزر يدوس اي زرار من الكيبورد

في الكود التاني اللي هوة
#include <iostream.h>

void main()
{
cout<<"hello world";
int a;
cin>>a;
}

استخدمنا فيه variable و مش حددنا قيمتها وبعدن استخدمنا الداله cin و اللي معناها ان البرنامج يستنى اليوزر يدخل قيمة الvariable
و بالتالي استبدلنا الداله getch بالداله cin
و طبعا الدالة cin موجودة في الlibrary iostream عشان كدة مش هنحتاج نكتب الlibrary conio

و على فكرة البرنامج هيختلف في الحالتين
في الحالة الاولى مجرد تدوس اي زرار البرنامج يقفل
في الحالة التانية البرنامج مش هيقفل غير لما تكتب اي حاجة و بعدين تدوس enter

صح كدة؟؟؟؟؟!!!!!!!!

بس بقى اللي انا مش فهماه انا الvriable الي احنا كتبنا اللي هوة x نوعه int
يعني بيشيل رقم صحيح .........ازاي بقى لما نيجي ندخل قيمة x ممكن ندخل حروف

و كل عام و انتم بخير:)

السلام عليكم

انا تقريبا عرفت الفرق بين الكودين :rolleyes:
الكود الاول اللي هوة


#include <iostream.h>#include <conio.h> void main(){cout<<"hello world";getch(); }

استخدمنا فية لداله getch من الlibrary conio
و ده علشان البرامج ميقفلش غير لما اليوزر يدوس اي زرار من الكيبورد

في الكود التاني اللي هوة
#include <iostream.h>

void main()
{
cout<<"hello world";
int a;
cin>>a;
}

استخدمنا فيه variable و مش حددنا قيمتها وبعدن استخدمنا الداله cin و اللي معناها ان البرنامج يستنى اليوزر يدخل قيمة الvariable
و بالتالي استبدلنا الداله getch بالداله cin
و طبعا الدالة cin موجودة في الlibrary iostream عشان كدة مش هنحتاج نكتب الlibrary conio

و على فكرة البرنامج هيختلف في الحالتين
في الحالة الاولى مجرد تدوس اي زرار البرنامج يقفل
في الحالة التانية البرنامج مش هيقفل غير لما تكتب اي حاجة و بعدين تدوس enter

صح كدة؟؟؟؟؟!!!!!!!!

بس بقى اللي انا مش فهماه انا الvriable الي احنا كتبنا اللي هوة x نوعه int
يعني بيشيل رقم صحيح .........ازاي بقى لما نيجي ندخل قيمة x ممكن ندخل حروف

و كل عام و انتم بخير:)

سبقتيني :)

وانت طيبة يا باشمهندسة

سبقتيني :)

وانت طيبة يا باشمهندسة

يــــلا معلش المرة اللي جية ^_^ ................... برده هسبقك:p

صح كدة؟؟؟؟؟!!!!!!!!

الله ينور يا ananoo كده تمام :d

بس بقى اللي انا مش فهماه انا الvriable الي احنا كتبنا اللي هوة x نوعه int
يعني بيشيل رقم صحيح .........ازاي بقى لما نيجي ندخل قيمة x ممكن ندخل حروف

مش هيحصل إنه هياخد القيمة اللى هيحصل إنه هيحاول يحط القيمة دى فى الـ variable ده بس مش هينفع وهيقفل البرنامج حتى لو فى كود تانى بعد كده بس هو هنا مش وضحت علشان ده كده كده كان أخر البرنامج يعنى لو عدلنا الكود ده وضفنا بعد أى جمله نكتب بيها على الشاشة أى حاجه وبعدها getch الجمله دى كده كده مش هتتنفذ لأنه هيوقف البرنامج عند الخطأ اللى حصل ومش هينفذ
جربى كده وقوليلى كلامى صح ولا لأ ؟

و كل عام و انتم بخير:)
كل سنة وانتم طيبين
وربنا يوفقكم جميعا

..

سبقتيني :)



حمدا الله على السلامه يا باشمهندسة
يا ترى ظبطى الجهاز ؟؟
ومعلش بقى هى سبقتك لكن الفايدة للجميع بإذن الله

يــــلا معلش المرة اللي جية ^_^ ................... برده هسبقك:p

جميله الروح دى أنا كده هبدأ أرفع من مستوى الأسئلة بإذن الله
.
.

لو سمحت يابشمهندس هوا فى فرق بين الدالة getch و return 0

وبالنسبة للفرق بين الكودين
الكود الاول فيه 2 library
iostream.h
conio.h
وبيكون معد لغرض معين مثل عرض اسم على الشاشة ..

اما الكود الثانى
فيه iostream.h بس

انا كتبت conio.h كمان ونفس النتيجة طلعت .
وفيه int x بنعرفه ان المتغير x ده عدد صحيح .
والدالة cin>> x عشان يختار اليوزر قيمة المتغير X .
ولا يحتوى على الدالة getch لان الدالة cin تشمل نفس غرضها فلا داعى لكتابتها .

بس !!!!

حمدا الله على السلامه يا باشمهندسة
يا ترى ظبطى الجهاز ؟؟
ومعلش بقى هى سبقتك لكن الفايدة للجميع بإذن الله



جميله الروح دى أنا كده هبدأ أرفع من مستوى الأسئلة بإذن الله
.
.


لا مش اتظبط الحمد لله

بالعكس حالته بقت أسوأ


وصفحات النت بتفتح بعد ميت سنة

الله المستعان


.................................................. .

ارفعها يا باشمهندس .. احنا تحت امر حضرتك

وعموما الباشمهندسة الي جاوبت على سؤالي هي الي هتجاوب بعد كدا:)


عموما انا حبيت اوضح نقطة

ان المستر لما يوجه سؤال ليا وحد غيري يجاوب عليه بيكون احساس وحش بالنسبة ليا:)
على اد ما اعرف ان ممكن غيري يجاوب لما اقول اني مش عارفة الاجابة :)


لكن لو قال السؤال مطروح للكل بيبقى لكل واحد الاحقية انه يجاوبه

وانا الي كان مأخرني النت فعلا والي بيحصل في الجهاز مش اكتر

عموما كل سنة وانتوا طيبين :)

لو سمحت يابشمهندس هوا فى فرق بين الدالة getch و return 0

أيوه فى فرق بينهم الأتنين بس أنا مش هينفع أشرحلك دالة return دلوقتى علشان دى هتحتاج تمهيد ليها ودى هتبقى درس لوحدها هيجى فى معاده إن شاء الله مش عايز اسبق الأحداث بس علشان محدش يتوه
أما بالنسبة لـ getch هى method بتقول للـ compiler استنى اليوزر يضغط أى زرار وبعدين نفذ اللى بعد كده ولو مفيش بعد كده انهى البرنامج طيب الزرار اللى اليوزر ده ضغطه وضعه إيه ولا حاجه خلاص ضغطة وراحت لحالها تمام كده ؟؟؟
حتى الآن اعرف بس إن فى فرق بينهم وكده انت عرفت getch لحين ما يجى دور return

وبالنسبة للفرق بين الكودين
الكود الاول فيه 2 library
iostream.h
conio.h
وبيكون معد لغرض معين مثل عرض اسم على الشاشة ..

اما الكود الثانى
فيه iostream.h بس

انا كتبت conio.h كمان ونفس النتيجة طلعت .
وفيه int x بنعرفه ان المتغير x ده عدد صحيح .
والدالة cin>> x عشان يختار اليوزر قيمة المتغير X .
ولا يحتوى على الدالة getch لان الدالة cin تشمل نفس غرضها فلا داعى لكتابتها .

بس !!!!

لأ يا أبو حميد الأول بالنسبة لنقطة إنك كتبت conio.h فى الكود التانى والنتيجة كانت هى هى ده شئ طبيعى
خلينا نراجع سوا نقطه قلناها قبل كده
يعنى إيه library ؟؟ هى مكتبة يعرف فيها عدد من الدوال لا يمكن تنفيذ هذه الدوال بدون إخبار الـ compiler بمكان التعريف أى بإسم الـ library
وازاى نقول للـ compiler كده ؟؟
يجملة include# وبعدها اسم الـ library طيب لو قلت للـ compiler إنى هستخدم دوال من library معينه زى مثلا ما اقول #include <conio.h> وبعدين لم أستخدم منها أى دوال عادى جدا ولا هيحصل حاجه لكن العكس مينفعش يعنى لو حبيت استخدم الدالة getch بدون ما اقول للكومبايلر إنى عايز الlibrary conio.h هيدينى خطأ ومش هيشتغل
وضحت النقطة دى ؟؟؟
بالنسبة للفرق بين الكودين أنا بالظبط كنت أقصد اللى وضحته ananoo فى ردها الأخير ياريت ترجعله ولو مش واضح قولى
حاجه أخير الدالة cin لا تقوم بعم الدالة getch فهناك فرق بينهم وأنا وضحت getch فوق أما cin فهى داله تطلب من اليوزر أن يدخل قيمة لتضعها فى variable معين أى أن لها وظيفة أخرى تختلف عن getch

اتمنى تكون الدنيا وضحت يا أحمد
وعايز أقولك على حاجه كمان
ما تبصش للكود كله على بعضه على إنه بيعمل حاجه معينه
لأ بص لكل جزء فيه بيعمل إيه يعنى كل جمله لازمتها إيه




طلب أخير من كل الناس لو سمحتم يا جماعه نتابع كل الردود فى الموضوع لأنها بتحتوى فى بعض الأحيان على أسئلة وإجابات بتوضح نقط مش واضحه فى الدرس نفسه شكراااا



لا مش اتظبط الحمد لله

بالعكس حالته بقت أسوأ


وصفحات النت بتفتح بعد ميت سنة

الله المستعان

ربنا يهديه
بس أنا عايز أقولك ان أنا دايما ضد الفورمات الكامل للهارد لكن ممكن تعملى حاجه أفضل
تشوفى واحده صاحبتك يكون عندها أنتى فيروس محترم بأخر update ليه من ع النت وتاخدى الهارد بتاعك تعمليله سكان كله عندها وبكده الفيروسات أمرها انتهى زيادة الضمان بقى وزيادة التظبيط تعملى فورمات للـ drive c وتنزلى نسخة ويندوز على نضافه وإن شاء الله يبقى تمام



.................................................. .

ارفعها يا باشمهندس .. احنا تحت امر حضرتك

وعموما الباشمهندسة الي جاوبت على سؤالي هي الي هتجاوب بعد كدا:)


عموما انا حبيت اوضح نقطة

ان المستر لما يوجه سؤال ليا وحد غيري يجاوب عليه بيكون احساس وحش بالنسبة ليا:)
على اد ما اعرف ان ممكن غيري يجاوب لما اقول اني مش عارفة الاجابة :)


لكن لو قال السؤال مطروح للكل بيبقى لكل واحد الاحقية انه يجاوبه

وانا الي كان مأخرني النت فعلا والي بيحصل في الجهاز مش اكتر

عموما كل سنة وانتوا طيبين :)

لا لالا يا باشمهندسة همس
هى أكيد مش قصدها تدايقك هى بس كان عندها الإجابة وحبت تتأكد إنها صح فجاوبت ودى كل القصة
بلاش تاخدى الموضوع بالحساسية دى
كل سنة وإنتى طيبة يا همس وكل سنة وكلكم طيبين ;)

لا مش اتظبط الحمد لله

بالعكس حالته بقت أسوأ


وصفحات النت بتفتح بعد ميت سنة

الله المستعان


.................................................. .

ارفعها يا باشمهندس .. احنا تحت امر حضرتك

وعموما الباشمهندسة الي جاوبت على سؤالي هي الي هتجاوب بعد كدا:)


عموما انا حبيت اوضح نقطة

ان المستر لما يوجه سؤال ليا وحد غيري يجاوب عليه بيكون احساس وحش بالنسبة ليا:)
على اد ما اعرف ان ممكن غيري يجاوب لما اقول اني مش عارفة الاجابة :)


لكن لو قال السؤال مطروح للكل بيبقى لكل واحد الاحقية انه يجاوبه

وانا الي كان مأخرني النت فعلا والي بيحصل في الجهاز مش اكتر

عموما كل سنة وانتوا طيبين :)

:o:o:o

بجد يا همس انا مش كان قصدى ازعلك خاااااااااالص
و بجد مخدتش بالي ان السؤال كان موجهة ليكي انت بس
لانك لما سالت السؤال كنت انا برده مش عرفة اجابته و لما عرفت حبيت بس اتاكد
انا عرفة انها حاجة تضايق جدا بس والله مكنش قصدي ومش حتحصل تاني ان شاء الله

انا اســـــــــــــــــــفــــــــــــة جدا جدا جدا :wub:

شكرا ياباشمهندس على التوضيح وانا سألت فيه فرق ولا لا لأن استخدمت return وطلعت النتيجة .. لما ييجى دورها بقى يحلها ربنا . شكرا مرة تانية .

......................
لو السؤال موجه للباشمهندسة همس بس فأنا اسف على الاجابة فى دور غيرى .

اذا كان لينا كلنا فأنا مش اسف .

كل سنة وانتو طيبين ... ....سلام

شكرا ياباشمهندس على التوضيح وانا سألت فيه فرق ولا لا لأن استخدمت return وطلعت النتيجة .. لما ييجى دورها بقى يحلها ربنا . شكرا مرة تانية .

......................
لو السؤال موجه للباشمهندسة همس بس فأنا اسف على الاجابة فى دور غيرى .

اذا كان لينا كلنا فأنا مش اسف .

كل سنة وانتو طيبين ... ....سلام


حصل خير

وانت طيب يا باشمهندس


ولا اسف ولا حاجة

كلنا اخوات

كلام جميل يا جماعه

إنتظروا بقى إن شاء الله موضوعين قريب
موضوع بره البرمجة بس هيبقى ليه لازمه هنا
والدرس اللى عليه الدور
فين دمعة حزن ؟؟
لسه كل ده فى الدرسين اللى فاتوا
.
.

شكرا ليكى يانيدو




اوكى تقدروا تكملوا

معلش مش هقدر اكمل معاكم كفايه لغايه هنااا
لظروف الدراسه
وان شاء الله هتابع معاكم بس من بعيد لبعيد

ادعولى ربنا يوفقنى

على فكره انا مش بشمهندسه
بس اعولى ابقى بشمهندسه فى الكمبيوتر
دى امنيه حياتى


دا رد دمعة حزن في الموضوع الي نزلته عشان الدرس الثالث


كمل يا باشمهندس واحنا مع حضرتك

بالتوفيق ان شاء الله

وجزاك الله خيرا يا باشمهندس على مجهودك الرائع دا

بسم الله الرحمن الرحيم

ازيكم يا جماعه النهارده إن شاء الله هنبدأ الدرس الجديد أو هنقول الجزء التانى بتاع الدرس اللى فات يلا بينا نبدأ بإذن الله.
هنتكلم النهارده فى حاجه اسمها conditional statements أو الجمل الشرطية ... :slap1qk6:
فكك يا عم من الترجمة العربى دى ووضح يعنى إيه ؟
حاضر الـ conditional statements يعنى جمله بتتحكم فى مسار البرنامج بردوه يعنى إيه :stickjo4:؟؟
يعنى مثلا لما بنكتب برنامج إحنا قولنا إن البرنامج بيشوف فين الـ main method ويبدأ ينفذ الكود اللى جواها سطر ورا سطر بالترتيب صح ؟؟
الـ conditional statements دى بقى ممكن تخليك تقول للبرنامج لو شرط معين اتحقق تنفذ الكود ده ولو م اتحقق ميتنفذش أو ممكن كمان نقوله لو الشرط ده اتحقق اعمل كذا أو لو مش اتحقق اعمل حاجه تانيه أو كمان فى حاله بنقوله لو الـ variable ده مثلا قيمته كذا اعمل كذا ولو قيمته كذا اعمل حاجه تانيه أو ثالثه وهكذا حد فاهم حاجه ؟؟؟

طيب نبدأ نقول بقى عملى ؟؟ نبدأ نقول
الـ conditional statements أنواع وأول نوع وأبسط نوع منها هو if statement بتعمل ايه ست if دى ؟؟
من معناها واضح إنها بتقول لو الشرط اتحقق نفذ الكود اللى هقولك عليه ده

طيب شكلها بيبقى ازاى طنط if دى ؟؟
طنط if دى ليها شكلين شكل كده


if(condition)
{
// do some things
}



ودى بتقول لو الشرط ده اللى طبعا هيبقى حاجه موجودة مش كلمة condition كده اعمل حاجه
وليها شكل تانى بقى هو كده


if(condition)
{
// do some things
}
else
{
// do some thing else
}


ودى بتقول لو الشرط ده اتحقق اعمل حاجه ولو مش اتحقق اعمل حاجه تانيه

مثال يا عمنا وبطل رغى :angry2: ؟

ماشى شوفوا طيب الكود ده :


#include <iostream>

int main() // Most important part of the program!
{
int age;
cout<<"Please input your age: ";
cin>> age;
if ( age < 100 )
{
cout<<"You are pretty young!\n";
}
else
{
cout<<"You are old\n";
}
getch();
}



بيتهيألى الكود واضح ومش محتاج شرح صح ؟؟؟

طيب هو فى بس حاجه جديدة فى الكود فى السطر بتاع الـ main بعدها فى العلامتين دول // وشوية كلام بعدهم إيه ده يا عمنا ؟؟
العلامتين دول معناهم إن اللى جاى بعدها فى نفس السطر ده comment يعنى مش كود ده مجرد كلام توضيحى وكده يفهم البرنامج إنه مش محتاج يقرأ الكلام ده
طيب دى لازمتها ايه ولازمته ايه الرغى حتى فى وسط الكود
لاأ دى مش مجررد رغى دى شئ مهم جدا فى البرامج الكبيرة وفى الشركات انت مش هتبقى شغال لوحدك وحتى لو شغال لوحدك تخيل انت بتكتب برنامج عباره عن عشر ألاف سطر تفتكر بعد ما تخلص هتقدر تتذكر إنت كنت كاتب كل جزء من الكود ده ليه ؟؟
لا طبعا وهى دى وظيفة الجمل التوضيحية دى بتكتبها علشان تقول كل جزء فى الكود بيعمل ايه وكمان لان فى الشغل بعد كده هتبقى مش بتشتغل لوحدك انت معاك فريق عمل وممكن واحد تانى يكمل مكان شغلك وممكن تكمل مكان شغل حد تانى فتبقى فاهم الكود بتاعه من الجمل التوضيحيه دى اوك ؟؟؟

هوضح بقى كمان الجزء الجديد بتاع الـ if
السطر ده

if ( age < 100 )


بنقول if واللى بين القوسين ده هو الشرط أو الـ condition اللى لو اتحقق الكود اللى بين القوسين اللى بعد كده هيتنفذ
طيب يعنى ايه الشرط اتحقق ؟؟
يعنى كانت نتيجة ما بين القوسين true
طبعا لازم نقول على الـ operators أو معاملات المقارنه وهى كده


> greater than 5 > 4 is TRUE
< less than 4 < 5 is TRUE
>= greater than or equal 4 >= 4 is TRUE
<= less than or equal 3 <= 4 is TRUE
== equal to 5 == 5 is TRUE
!= not equal to 5 != 4 is TRUE



يارب تكون وضحت ؟؟

طيب لو الشرط كانت نتيجته false مش هيدخل فى الكود اللى بين القوسين اللى بعد طنط if وهيدخل فى الكود اللى بعد اختها else وينفذه

هيوضح الكلام ده اكتر لما تنفذوا الكود وتجربوه إن شاء الله

ده كده أول نوع ولسه فى تكمله بس مش هنقولها دلوقتى لما نقول باقى الأنواع إن شاء الله أو ممكن نكمل علطول الدرس الجاى ربنا يسهل
بس دلوقتى خلينا نكتفى كده علشان الفجر خلاص هيأذن
بالنسبة للواجب بصراحه مش عارف اديكم واجب دلوقتى يلا سماح المرة دى
بس ياريت تطبقوا وتتمرنوا عليها وتشوفوا النتايج

فى النهاية عايز أقول معلش ممكن يكون شرحى المرة دى مش مظبط بس علشان أنا فعلا نزلت الدرس ده بس علشان حسيت انى اتأخرت عليكم فيه لكن أنا دماغى مش مظبطه شويتين
يلاا بالتوفيق ولو فى أى اسئلة أنا بإذن الله موجود

.
.

جزاك الله خيرا يا باشمهندس

اخيرا الدرس نزل

ولا يهمك خد راحتك .. مش تخلي موضوع الكورس دا يجي على شغل حضرتك

بس انا كان عندي استفسار

دكتور نبيل هيبدألنا بالجافا علاطول

واختي خريجة المنوفية ومعيدة فيها

وقالت ليا ان دا مش في مصلحتنا .. والافضل انه يبدا بالسي بلس بلس

مش عارفة ليه هما بقوا يبداوا بالجافا علاطول ؟؟؟؟؟؟

جزاك الله خيرا يا باشمهندس

اخيرا الدرس نزل

ولا يهمك خد راحتك .. مش تخلي موضوع الكورس دا يجي على شغل حضرتك

بس انا كان عندي استفسار

دكتور نبيل هيبدألنا بالجافا علاطول

واختي خريجة المنوفية ومعيدة فيها

وقالت ليا ان دا مش في مصلحتنا .. والافضل انه يبدا بالسي بلس بلس

مش عارفة ليه هما بقوا يبداوا بالجافا علاطول ؟؟؟؟؟؟

جزانا الله واياكم كل الخير يا باشمهندسة همس

بالنسبة للجافا هو بصراحه أنا بفضل البداية بسى بلس بلس
لكن البداية بالجافا مفيهاش مشكلة الفكرة كلها فى أساسيات البرمجة ممكن تتبنى بالجافا من البداية وممكن تبتدى بالسى بلس بلس
لكن فى النهاية البرمجة واحده
بالنسبة للسوق بقى الجافا موجودة كتير والسى بلس بلس موجود بس مش كتير لكنها تعتبر تمهيد لتكنولوجيا الدوت نت اللى موجودة أكتر بكتير من الجافا
عموما دى سياسة الكلية " الله يرحم أيامك يا دكتور فوزى "
بس لو تابعتى معانا هنا بإذن الله هتبقى معاكى لغتين برمجة ++c وجافا بإذن الله
سؤال بقى مش عاررف يبقى شخصى ولا ايه ؟
اختك خريجة دفعة كام ؟؟
وبالنسبة للدرس طبقتى ولا؟؟؟
ويا ترى مفيش أسئلة ؟؟ الشرح واضح يعنى ؟
ولا هتبدأى تهتمى بالجافا وتسيبى السى بلس بلس...

جزانا الله واياكم كل الخير يا باشمهندسة همس

بالنسبة للجافا هو بصراحه أنا بفضل البداية بسى بلس بلس
لكن البداية بالجافا مفيهاش مشكلة الفكرة كلها فى أساسيات البرمجة ممكن تتبنى بالجافا من البداية وممكن تبتدى بالسى بلس بلس
لكن فى النهاية البرمجة واحده
بالنسبة للسوق بقى الجافا موجودة كتير والسى بلس بلس موجود بس مش كتير لكنها تعتبر تمهيد لتكنولوجيا الدوت نت اللى موجودة أكتر بكتير من الجافا
عموما دى سياسة الكلية " الله يرحم أيامك يا دكتور فوزى "
بس لو تابعتى معانا هنا بإذن الله هتبقى معاكى لغتين برمجة ++c وجافا بإذن الله
سؤال بقى مش عاررف يبقى شخصى ولا ايه ؟
اختك خريجة دفعة كام ؟؟
وبالنسبة للدرس طبقتى ولا؟؟؟
ويا ترى مفيش أسئلة ؟؟ الشرح واضح يعنى ؟
ولا هتبدأى تهتمى بالجافا وتسيبى السى بلس بلس...

جزاك الله خيراااااااا على التوضيح

اختي خريجة دفعة 2007


لا لا مش شخصي ولا حاجة تحت امرك اسال زي ما انت عاوز

الدرس لسا هطبقه ان شاء الله


الشرح تمام جداااااا وواضح

لا لا لا لا اسيب السي بلس بلس ايه ؟؟

مستحيل طبعا

مع حضرتك اكيد


جزاك الله خيرا بجد على تعبك معانا

السلام عليكم

جزاك الله كل خير على المجهود الرائع

انا طبقت الكود بس كان فيه خطأ
حضرتك كتبت الدالة getch بس مكتبتش الlibrary بتعتها اللي هية conio
الحمد لله انا عرفتها بسرعة قبل ما اتجنن :)

بس في سؤال
اية الفرق بين الvoid main و الint main????????????
خاصتا اني لما استخدمت الvoid main كانت نفس النتيجة!!!!!!!!!!!

و ربنا يبارك في وقتك

السلام عليكم

جزاك الله كل خير على المجهود الرائع

جزانا الله وإياكم كل الخير

انا طبقت الكود بس كان فيه خطأ
حضرتك كتبت الدالة getch بس مكتبتش الlibrary بتعتها اللي هية conio
الحمد لله انا عرفتها بسرعة قبل ما اتجنن :)

جميل أوى يا ananoo على فكرة الغلطة دى مقصودة وكنت عايز أعرف هتاخدوا بالكم منها وهتعرفوا تكتشفوا الخطأ فين ولا لأ
على فكره مفروض لما تعملى compile للكود يطلع إن فى خطأ وهو بيقول الخطأ ايه حاولى تقرأيه وتفهميه وهتعرفى الغلطة فين

بس في سؤال
اية الفرق بين الvoid main و الint main????????????
خاصتا اني لما استخدمت الvoid main كانت نفس النتيجة!!!!!!!!!!!

و ربنا يبارك في وقتك

وده بردوه سؤال كويس وده إن شاء الله احتمال تكون اجابته فى الدرس القاادم بعد الانتهاء من الـ conditional statements هنعرف يعنى ايه void وامته تتغير وايه فايدة التغيير

.
.

السلام عليكم ورحمة الله وبركاته

انا طبقت الدرس وكل حاجة تمام

انا فاهمة كل حاجة الحمد لله حضرتك قولتها:av4056bb7jp3:

يا ريتك معيد والله :(

الواحد محتاج الناس الكويسة الي بتفهم الي زي حضرتك:(

جزاك الله خيرا بجد

مش عارفة اقول لحضرتك ايه على الفرحة الي الواحد حاسس بيها ان ربنا وفقه انه يلاقي ناس تساعده زي حضرتك:)

ارجع واقوووووول وهفضل اقول

جزاك الله خيرا على مجهودك الرائع وتعبك معانا


اه حاجة كمان
شكرا ان مش في واجب :lol:

الواحد صراحة نفسيته مش تسمحله بواجبات خالص:(

لانه مش فاهم حاجة من الشرح في المحاضرات هييييييييه :av4056bb7jp3:

مع اني عارفة ان دا شئ طبيعي

بس الواحد متعود على نظام الثانوي بقى وان المستر مش هيتحرك من مكانه الا وانا فاهم

دا غير اسلوب المعاملة الي الدكاترة بيعاملونا بيه

وكأننا اتولدنا:006et4: ودخلنا حاسبات حدف :confused:

في رعاية الله :078111rg3:

السلام عليكم ورحمة الله وبركاته

انا طبقت الدرس وكل حاجة تمام

انا فاهمة كل حاجة الحمد لله حضرتك قولتها:av4056bb7jp3:

الحمد لله ربنا يوفقك يا همس بإذن الله

يا ريتك معيد والله :(

ليه بس كده حرام عليكى

الواحد محتاج الناس الكويسة الي بتفهم الي زي حضرتك:(

جزاك الله خيرا بجد

مش عارفة اقول لحضرتك ايه على الفرحة الي الواحد حاسس بيها ان ربنا وفقه انه يلاقي ناس تساعده زي حضرتك:)

ارجع واقوووووول وهفضل اقول

جزاك الله خيرا على مجهودك الرائع وتعبك معانا


جزانا الله وإياكم كل الخير دائما وجعله فى ميزان حسناتنا بإذن الله

اه حاجة كمان
شكرا ان مش في واجب :lol:

الواحد صراحة نفسيته مش تسمحله بواجبات خالص:(

لانه مش فاهم حاجة من الشرح في المحاضرات هييييييييه :av4056bb7jp3:

مع اني عارفة ان دا شئ طبيعي

بس الواحد متعود على نظام الثانوي بقى وان المستر مش هيتحرك من مكانه الا وانا فاهم

دا غير اسلوب المعاملة الي الدكاترة بيعاملونا بيه

وكأننا اتولدنا:006et4: ودخلنا حاسبات حدف :confused:

في رعاية الله :078111rg3:

معلش بالنسبة للكلية شوية وهتتعودى
كلنا كنا زيك كده مصدومين فى أول أيامنا وده طبيعى
حاولى بس تعدى مرحلة الثانوية دى بسرعه وتتكيفى مع الكلية
صحيح مين الدكاترة اللى معاكم السنة دى ؟؟

فى رعاية الله

معلش بالنسبة للكلية شوية وهتتعودى
كلنا كنا زيك كده مصدومين فى أول أيامنا وده طبيعى
حاولى بس تعدى مرحلة الثانوية دى بسرعه وتتكيفى مع الكلية
صحيح مين الدكاترة اللى معاكم السنة دى ؟؟

فى رعاية الله


ان شاء الله دعواتك

معانا في المقدمة .... دكتور نبيل

وفي الرياضة 1 .. دكتور وائل فتحي

وفي الرياضيات المنفصلة .. دكتور اسامة عبد الرؤوف

والانجليش بقى والعربي ناس من آداب لسا جداد تقريبا تاني دفعة يدرسوها احنا

ان شاء الله دعواتك

معانا في المقدمة .... دكتور نبيل

وفي الرياضة 1 .. دكتور وائل فتحي

وفي الرياضيات المنفصلة .. دكتور اسامة عبد الرؤوف

والانجليش بقى والعربي ناس من آداب لسا جداد تقريبا تاني دفعة يدرسوها احنا

طيب يا همس المقدمة بسيطة ولو إحتاجتى أى حاجه اسألى بس وبإذن الله اقولك

والرياضه بصراحه مجربتش وائل فتحى فى الرياضه بس على أى حال هو أفضل من شكرى ندا بتاع كلية علوم

والـ discrete mathmatics

أسامه عبد الرؤوف بقى دكتور ؟؟
كويس والله
وهو بجد حد مجتهد اوى ومحترم أوى والمادة مهمه حاولى تهتمى بيها

وربنا يوفقك بإذن الله

بسم الله الرحمن الرحيم

ازيكم يا جماعه بسم الله ما شاء الله يوم عن يوم عدد المتابعين بيقل بس ومالوواا بإذن الله أنا هكمل لو فى واحد بس متابع معايا.
المهم ندخل فى درسنا علطول النهارده هنقول مثال تانى فى الـ conditionl statement IF مثال بسيط هنكمل بيه المثال السابق
لو قلنا لليوزر دخل عمرك ودخل عمر واحد صاحبك وإحنا هنقولك من الكبير فيكم " كلام فاضى أنا عارف بس أنا بس بوضح إزاى نستخدم الـ IF STATEMENT " المهم هيكون الكود بالشكل ده



#include <iostream.h>
#include <conio.h>

void main()
{
cout<<"please Enter Your Age : ";
int x;
cin>>x;
cout<<"please Enter Your Friend Age : ";
int y;
cin>>y;
if(x>y)
{
cout<<" You Are Older than your firend";
}
else if(x>y)
{
cout<<"Your Friend is oder than you";
}
else if(x==y)
{
cout<<"you and your frind is the same age";
}
getch();
}



الكود محتاج شرح ؟؟؟
اعتقد لا إحنا كبرنا بقى على الكلام الفاضى ده صح ؟؟؟

ندخل بقى فى حاجه جديدة النهارده
هى بردوه conditional Statement بس مختلفة شوية وهى switch case بنسميها كده وهنشوف بنستخدمها إزاى وليه ؟
بنقول إن switch case دى تعتبر دى للـ long if ... يعنى ايه تعتبر بديل للبتاعه اللى قولتها دى ؟؟
يعنى لو عندنا احتمالات كتير باستخدام if هنعملها ازاى هنقعد نقول if مش عارف ايه else if مش عارف ايه تانى else if مش عارف إيه كمان وهكذا وهكذا صح ؟؟؟
طيب ازاى بقى switch case تحل محل الكلام ده ؟؟
نقول إن switch case معناها إننا بنعمل switch على varable معين وبنقول الـ variable ده فى الـ case الفلانيه أعمل كذا وفى الـ case الفلانيه أعمل كذا وهكذا وهكذا ... إلخ
طيب نشوف مثال زى ما اتعودنا ؟؟
اتعودنا نرغى الأول وبعدين نقول مثال صح ؟؟
المثال على نفس الحالات اللى ماشيين عليها هنقول لليوزر دخل رقمين ونقوله لو عايز نتيجة الجمع اضغط 1 لو عايز نتيجة الطرح دخل 2 لو عايز نتيجة الضرب دخل 3 لو عايز نتيجة القسمة دخل 4 اوك ؟؟؟
ونشوف هو طلب إيه وننفذ على اساسه العمليه اللى طلبها
قبل ما حد يتنرفز ويقول فين الكود يا عمنا الكود أهوه :



#include <iostream>
#include <conio.h>
void main()
{
int input;
int FrstNo;
int SecondNo;
int Result;

cout<<"Enter First No. : ";
cin>>FrstNo;
cout<<"\nEnter Second No. : ";
cin>>SecondNo;


cout<<"\n For Sum (+) Enter 1";
cout<<"\n For Sutract (-) Enter 2";
cout<<"\n For Multiply (*) Enter 3";
cout<<"\n For Division (/) Enter 4";
cout<<"Selection: ";
cin>> input;
switch ( input ) {
case 1: // Note the colon, not a semicolon
{
Result = FrstNo + SecondNo;
cout<<" The Result = "<<Result;
break;
}
case 2: // Note the colon, not a semicolon
{
Result = FrstNo - SecondNo;
cout<<" The Result = "<<Result;
break;
}


case 3: // Note the colon, not a semicolon
{
Result = FrstNo * SecondNo;
cout<<" The Result = "<<Result;
break;
}

case 4: // Note the colon, not a semicolon
{
Result = FrstNo / SecondNo;
cout<<" The Result = "<<Result;
break;
}
default: // Note the colon, not a semicolon
{
cout<<"Error, bad input";
break;
}
}
getch()
}




نبدأ شرح الكود
فى البداية libraries عادى جدا وبعدين الـ main metod واللى جواها أول حاجه بنعرف شوية variables هنستعملها بعد كده وبعدين بنطلب من اليوزر يدخل رقمين وبعدين بنشرحله لو عايز ايه يختار ايه وهكذا وبعدين بنطلب منه يدخل اختياره وبعدين بنستقبله ونحطه فى المتغير input لغاية هنا كلام عادى ومفيش جديد صح ؟؟؟
وبعدين بقى بنقول switch ونفتح قوسين () ونحط جواهم المتغير اللى عايززين نعرف حالات قيمته يعنى فى حالة إن القيمة كذا نعمل كذا وفى حاله إن القيمة كذا نعمل كذا إلخ وبعدين بنفتح اقواس مجموعه من دى {} وجواها بنحط الحالات بتاعتنا زى ما أول واحده أنا هشرحها بيقوله case 1: يعنى فى حالة إن الـ varible input يساوى 1 هنتنفذ الكود اللى جوه القوسين اللى بعدها وهو بيجمع قيمة الرقمين ويطلع النتيجة وبعدين يعمل break ودى معناها خلاص ما تدخلش فى الحالات اللى بعد كده لاننا خلصنا عرفنا الحاله هى ايه ودى مهمة جدا جدا جدا ودايما بتتنسى خدوا بالكم منها
وكذلك فى كل الـ cases اللى بعد كده 2 ,3 , 4 وفى الحالة الأخيرة اللى اسمها default دى أيضا بتعتبر حاله هى الاخرى ولكن هى دايما بنحطها فى النهاية ومعناها إن لو كان المتغير اللى احنا عاملين عليه switch مش بيساوى حالة من الـ cases بتاعتنا يبقى تنفذ الكود اللى جاى بعد كلمة default
وبكده تكون انتهت قصة طنط switch case ونتمنى يكون الشرح وافى ومفهوم وندخل بقى على الواجب والتطبيق
الكود السابق هو مثال لآله حاسبه صغيرة لكن زى ما قولنا هو بسيط أوى لدرجة إنه ممكن يكون فيه أخطاء زى مثلا لو كان الرقم التانى أكبر من الرقم الأول فى عمليه الطرح وكده زى ما قلنا فى مثال سابق
انا عايز بقى نطبق المثال الأخير ده ونتعامل فيه مع الغلطات اللى زى غلطة الطرح دى أكيد فى غلطات تانيه مش هقول عليها فكروا فيها وتعاملوا معاها وابعتولى نتايج وكود بس مش صور زى ما اتعودنا ياريت تعملوا save لملف البرنامج بتاعكم وتعملوله إرفاق وتبعتهولى أحسن ؟
يلا ربنا معاكم وربنا يوفقكم بإذن الله
...

كمل وانا معاك يا باشمهندس تأكد من كدا

انا قرأت اول كلمتين بس من الموضوع

وانا ان شاء الله هقرا الدرس واطبقه ان شاء الله

انا حاليا بطبق الدرس اهو ومشيت تمام لحد الكود الاول وطبقته

هو فيه غلطة بسيطة كدا
انا عملت التصحيح باللون الاحمر








#include <iostream.h>
#include <conio.h>

void main()
{
cout<<"please enter your age : ";
int x;
cin>>x;
cout<<"please enter your friend age : ";
int y;
cin>>y;
if(x>y)
{
cout<<" you are older than your firend";
}
else if(x<y)
حضرتك في الكود الاصلي كاتب else if (x>y)
{
cout<<"your friend is oder than you";
}
else if(x==y)
{
cout<<"you and your frind is the same age";
}
getch();
}









انا لحد هنا تمام .. جيت بقى ادخل على الجزء الجديد حسيت اني تايهة شوية :(:(

بس همشي للآخر .. ان شاء الله ربنا هيفتح عليا ...

شكرا ليك على المجهود الي بتبذله معانا

جزاك الله خيرا

السلام عليكم ....

اسيبكم يومين اجى الاقى القطر فاتنى كده .والله ظروف الدراسة والسفر هيا السبب بس ان شاء الله احاول اوصل فى اليومين دول .

كمل وانا معاك يا باشمهندس تأكد من كدا

انا قرأت اول كلمتين بس من الموضوع

وانا ان شاء الله هقرا الدرس واطبقه ان شاء الله

إن شاء الله أنا مكمل بإذن الله يا همس

السلام عليكم ....

اسيبكم يومين اجى الاقى القطر فاتنى كده .والله ظروف الدراسة والسفر هيا السبب بس ان شاء الله احاول اوصل فى اليومين دول .

حمدا الله على السلامه يا أبو حميد
تابع وأنا معاك إن شاء الله

انا حاليا بطبق الدرس اهو ومشيت تمام لحد الكود الاول وطبقته

هو فيه غلطة بسيطة كدا
انا عملت التصحيح باللون الاحمر


الله ينور يا همس معلش أنا بس بكتب كده من دماغى ومكنتش بطبق لأن الجهاز اللى أنا شغال عليه مفيش borland c
شكرا ليكى التصحيح

انا لحد هنا تمام .. جيت بقى ادخل على الجزء الجديد حسيت اني تايهة شوية :(:(

بس همشي للآخر .. ان شاء الله ربنا هيفتح عليا ...

شكرا ليك على المجهود الي بتبذله معانا

جزاك الله خيرا

خير بقى ايه اللى مش واضح ؟؟
وليه توهتى
قوليلى لو فى جزء مش واضح اقوله بشكل تانى
إن شاء الله
.
.

الحمد لله وصلت وفهمت والتطبيق تمام بس فاضل الجزء الاخير ده هحاول معاه تانى وان شاء الله هافهمه واطبقه تمام .

الحمد لله وصلت وفهمت والتطبيق تمام بس فاضل الجزء الاخير ده هحاول معاه تانى وان شاء الله هافهمه واطبقه تمام .


واضح إن أنا مشرحتوش بوضوح

طيب ياريت بس حد يقولى إيه اللى مش واضح علشان اوضحه

السلام عليكم

انا طبقت الكود الاول و كله تمام

و الكود تاني بقى الحمد لله فهمته بس في سؤال
يعني ايه الجملة ديه // Note the colon, not a semicolon

بالنسبة للواجب صعب اوي بصراحة في حكاية التغلب على مشكلة القسمة

هوة المفروض نستخدم حاجة غيرint تكون نافعة لكل الارقام مش الصحيحة بس
لو مش كدة يبقى مش نافع خالص

بس حكاية الطرح مش مشكلة لانه بيطلع بالسالب عادي و ممكن نكتب في الاول ان الرقم الاول لازم يكون اكبر من التاني

اما حكاية القسمة ديه بقى ملهاش حل (على حد علمي)
عموما انا بفكر فيها لو لقيت حاجة هبقى اقول ان شاء الله

بس يعني هوة اكيد الاجابة في اللي احنا اخدناه؟؟؟؟؟؟؟؟؟؟؟!!!!!!

السلام عليكم

انا طبقت الكود الاول و كله تمام

و الكود تاني بقى الحمد لله فهمته بس في سؤال
يعني ايه الجملة ديه // Note the colon, not a semicolon

بالنسبة للواجب صعب اوي بصراحة في حكاية التغلب على مشكلة القسمة

هوة المفروض نستخدم حاجة غيرint تكون نافعة لكل الارقام مش الصحيحة بس
لو مش كدة يبقى مش نافع خالص

بس حكاية الطرح مش مشكلة لانه بيطلع بالسالب عادي و ممكن نكتب في الاول ان الرقم الاول لازم يكون اكبر من التاني

اما حكاية القسمة ديه بقى ملهاش حل (على حد علمي)
عموما انا بفكر فيها لو لقيت حاجة هبقى اقول ان شاء الله

بس يعني هوة اكيد الاجابة في اللي احنا اخدناه؟؟؟؟؟؟؟؟؟؟؟!!!!!!

بالنسبة للكود الأول تمام

بالنسبة للكود التانى الحمد لله إنك فهمتيه
بالنسبة للجملة المذكورة أعلاه إنتى عارفه زى ما قلنا قبل كده إن اللى بيجى بعد العلامه دى // معناه إنه مجرد توضيح
والتوضيح المكتوب عايز يقول خد بالك إن بعد case 1 هى العلامه دى : واللى اسمها colone مش العلامه اللى اتعودنا ننهى بيها كل سطر واللى هى دى ; واللى اسمها semicolon

بالتسبة للواجب كلام جميل إنا كده ضمنت تطبيقك وضمنت تفكيرك بالشكل المطلوب متتعبيش نفسك بقى وتفكرى فى الحل لحين ما اقوله
إنتى بالفعل قولتيه وهو وهو إن يكون فى حاجه غير int تكون صالحة للأرقام غير الصحيحة
إنتظرينى مع الدرس القادم اللى هنتكلم فيه عن أكتر من data type بإذن الله

well done ananoo
.
.

ازيكم يا جماعه أنا مش عارف أبدأ درس جديد ولا فى حاجه فى الدرس اللى فات مش مفهومه ولا ايه بالظبط ؟؟
.
.

لا لا الله يكرمك استنى بس النهاردة كدا

نزله يوم الخميس هيكون كويس ان شاء الله

وجزاك الله خيرا

انا بجد تايهة جدا

وبلف حوالين نفسي اصلا

وبرجع متأخر

بس ان شاء الله يوم الخميس حضرتك تنزل الموضوع الجديد

جزاك الله خيرا

طيب يا همس ما تقوليلى بس انتى تايهه فى إيه وأنا أوضح أكتر
.
.

لا لا في الكلية يعني

والواحد تايه شوية

ويفهم دي ومش يفهم مليون غيرها

ووائل فتحي واجع اعصابنا

وبيقولنا خدوا كورس مات لاب قال

اختي قالتلي صعب عليكم دلوقتي ومش هتفهموه

وبعدين انا هلحق ايه ولا ايه

؟؟

مذاكرة ولا كورسات ؟؟

الله المستعان

ربنا يوفقك يا همس ومعلش فى البداية هى الكلية كده صعبة فى بدايتها بس لكن هتتعودى على نظامها والدنيا هتمشى إن شاء الله

بالنسبة للمات لاب لا لا لا لسه بدرى أوى عليه سيبك منه دلوقتى وإذا قررتى أصلا تاخدى track الـ programming فى حياتك بعد كده يبقى المات لاب مش ليه لازمه دلوقتى خالص واحتمال ولا بعدين

بالنسبة بقى للموضوع أنا بعلن إنه متوقف الآن وربما يكون للأبد هنا بس هو مش هيقف نهائى أنا هرجع أجمعه من الأول فى ملف وورد واكمله وإن شاء الله الاقيله مكان انزله فيه وهقولكم عليه بإذن الله
.
.

بالنسبة بقى للموضوع أنا بعلن إنه متوقف الآن وربما يكون للأبد هنا بس هو مش هيقف نهائى أنا هرجع أجمعه من الأول فى ملف وورد واكمله وإن شاء الله الاقيله مكان انزله فيه وهقولكم عليه بإذن الله
.
.

:eek::eek:


الموضوع هيوقف!!!!!!:(

طيب ليــــــــــــــــــــــــــــه؟؟؟؟؟؟؟!!!!!!! :confused:

كنت اتمنى ان احنا نكمل للاخر

و كان نفسي اعرف حل اخر واجب :huh:

:(:(:(

خلاص يا ananoo إن شاء الله هنكمل بإذن الله
إن شاء الله النهارده أو بكره هنزل الدرس الجديد
.
.

خلاص يا ananoo إن شاء الله هنكمل بإذن الله
إن شاء الله النهارده أو بكره هنزل الدرس الجديد
.
.

:022yb4::022yb4::av4056bb7jp3::av4056bb7jp3:


ربنا يكرمك :)

و مستنين الدرس الجديد ان شاء الله

على فكرة يا باشمهندس

انا كنت عاوزة استأذن من حضرتك بس

انا معايا صحباتي البنات في الكلية

في منهم بنات قاعدي في سكن وكدا ومش عندهم نت

بس معاهم الاجهزة بتاعتهم

فانا حكيت ليهم وكدا اني بدأت برمجة في السي بلس بلس

قالولي طيب ممكن تعملي كوبي لينا من الدروس وتنزليها على الفلاشة بتاعتنا ونتابع معاكم ؟؟

فانا هعمل ليهم كوبي في ملف وورد وهديها ليهم

بس قلت استأذن حضرتك الأول

ممكن ؟؟

ومستنين الدرس الجديد:)

طبعا ممكن يا همس
أنا عامل الموضوع ده لأى حد يحب يتعلم ++c وطبعا يا همس ممكن تعملى كده
وخدى بالك وانتى بتاخدى الموضوع فى ملفات وورد التوضيحات اللى اتعملت مع الأسئلة والإجابات مش بس فى الدروس
وياريت تبقى تدينى الفايل ده :)

وإن شاء الله بالنسبة للدرس القادم بحاول والله الاقى وقت وانزله بس أنا المشكله إنى الإسبوع كله فى الشغل واليومين دول شغلى كتييييييييييييييير أوى أوى أوى

السلام عليكم
ازيكم يا جماعه معلش على التأحير فى الدرس الجديد بس شغلى الأسبوع اللى فات مكنتش لاقى وقت خالص انزل الدرس الجديد بس اهوه يلا استعدوا
أخر كلام لينا كان على الـ conditional statement وختمنا درسنا بسؤال وكانت اجابته زى ما ananoo قالت إنه يكون فى نوع تانى غير الـ Int يسمح بالأرقام العشرية .. هو ده بقى موضوع درسنا النهارده الـ data tybes
البداية هنسأل إيه هى الـ data tybes??
الـ data tybe هو نوع المتغير الذى يحمل القيم وهو ما يحدد نوعية هذه القيمة سواء رقم أو حروف ونوع هذا الرقم وهكذا .. الـ data tybes دى بتختلف من لغة للغة ممكن تختلف اسما بس لكن فى معظم اللغات هى حاجات محددة طبعا فى data types كتير فى الـ ++C احنا مش عرفنا منه غيرر الـ int فى أنواع بتشيل قيم صغيره وبتستخدم ذاكره أقل وانواع بتشيل قيم أكبر وبتستخدم ذاكرة أكبر وعلشان كده فى مبدأ اسمه Adequate data type for adequate value وده معناه استخدم الـ data tybe المناسب للقيمة المناسبة بمعنى إن مفيش داعى لاستخدام data tybe كبير ونحط فيه قيم صغيرة لان المساحة المستخدمة فى ال memory هتبقى محجوزه على الفاضى وملهاش لازمه وده فى البرامج الكبيره هتحسوه لما تلاقوا البرنامج بيحمل فى وقت كبير وبيتقل الجهاز وكل الحاجات اللى مش ظريفة دى
نوضح شوية ونقول لو افترضنا مثلا اننا عندنا datatybe بياخد مساحه عشر حروف وعندى كلمه من خمس حروف بالشكل ده هيكون فى الmemory
http://www8.0zz0.com/2008/10/25/01/386187369.gif (http://www.0zz0.com)
الخمس حروف الفاضيين محجوزين ومش مستخدمين طيب ليه لو احنا متأكدين ان الـ variable ده مش هيتغير مثلا أو مش هيحتاج غير خمس حروف بس مش نديله datatybe خمس حروف ليه؟ ونوفر :slap1qk6:

دلوقتى بقى خلونا نشوف بعض الأنواع دى
فى data tybes رقميه زى الـ int اللى اتعرفنا عليه واستخدمناه قبل كده وقلنا أنه يحمل أرقام صحيحة دلوقتى هنعمل زى جدول صغير نوضح فيه اسم الـ data tybe وايه هو ومساحته فى الmemmory اد ايه والـ range بتاعه

http://www8.0zz0.com/2008/10/25/02/525024555.jpg (http://www.0zz0.com)

الارقام اللى فى العمود بتاع ال size وال range بتعتمد على الجهاز اللى بنشتغل عليه
بالنسبة للسؤال يا ananoo طبعا واضح ان الـ float وال double أنواع تنفع لحل المشكلة جربوا وقوليلى علشان مش عندى ++C دلوقتى
ومش هينفع اكمل دلوقتى اكتر من كده علشان الفجر خلاص هيأذن أنا بقول كفايه كده النهارده وربنا يسهل واكمل قريب ان شاء الله
.
.

السلام عليكم

بجد انا مش عرفة اشكرك ازاي على اجهد اللي حضرتك بذله لينا جعله الله في ميزان حسناتك

بالنسبة للدرس

بصراحة انا مش قدرة افهم كل الvariable يعني اه وظيفت كل واحدة بالضبط
و بالنسبة للعمود بتاع الrange ايه الفرق بين الsigned و اللunsigned؟؟؟؟؟؟؟

و حضرتك قلت ان الrange و الsize بيعتمد على اجهاز اللي بنشتغل عليه طيب ازاي؟

اخر حاجة بقى
انا جربت و غيرت الint و خلتها float و double بس مفيش حاجة اتغيرت نفس النظام
مشعرفة تقريبا انا غيرت غلط!!!! انا بدلت int بتاعت int result بس
لو في حاجة تانية المفروض تتغير ياريت حضرتك تقلها..

السلام عليكم

بجد انا مش عرفة اشكرك ازاي على اجهد اللي حضرتك بذله لينا جعله الله في ميزان حسناتك

العفو يا ananoo ربنا يجعلنا ممن يفيد الناس بعلمهم على قلته
بالنسبة للدرس

بصراحة انا مش قدرة افهم كل الvariable يعني اه وظيفت كل واحدة بالضبط

طيب أنا هعمل توضيح ليهم تانى إن شاء الله

و بالنسبة للعمود بتاع الrange ايه الفرق بين الsigned و اللunsigned؟؟؟؟؟؟؟

بالنسبة للفرق بين الـ signed والل unsigned إن الل unsigned مينفعش تحمل أرقام سالبه وإلا النتيجة هتتطلع مختلفة تماما عن المتوقع يعنى مثلا جربى الكود ده وتخيلى الناتج هيكون ايه وشوفى الناتج هيكون ايه ؟


#include <iostream.h>
#include <conio.h>
void main()
{
int x = 2;
int y = 1;
unsigned int h = y - x;
cout<<h;
getch();
}


وكمان فى فرق تانى إن الـ range فى signed بيتقسم على اتنين زى ما هو واضح بيكون نصه فى الإتجاه السالب ونصه فى الإتجاه الموجب لكن فى الـ unsigned بيكون فى الإتجاه الموجب بس فبياخد الrange كله
وعلى فكره لما نقول int بس كده ده معناه إنها signed

و حضرتك قلت ان الrange و الsize بيعتمد على اجهاز اللي بنشتغل عليه طيب ازاي؟

بصى هى فكرتها بتعتمد على hardware وحاجات advanced شويتين مش عايز اشغل دماغكم بيها دلوقتى اعتبريها نقطة هامشية مش هتفيدك كتير

اخر حاجة بقى
انا جربت و غيرت الint و خلتها float و double بس مفيش حاجة اتغيرت نفس النظام
مشعرفة تقريبا انا غيرت غلط!!!! انا بدلت int بتاعت int result بس
لو في حاجة تانية المفروض تتغير ياريت حضرتك تقلها..
وبالنسبة لأخر حاجه النتيجة بتعتمد على الأرقام نفسها يعنى لازم يكون فى واحد من الأرقام اللى داخله فى عمليه القسمة يكون double أو float علشان النتيجة تطلع double أو float
إنتظرينى إن شاء الله مع التوضيح
ربما يكون حالا إن شاء الله

السلام عليكم
إن شاء الله ده توضيح وتكملة للدرس اللى فات وهنتكلم فيه عن الـ data tybes اللى ذكرناها فى الجدول

http://www8.0zz0.com/2008/10/25/02/525024555.jpg (http://www.0zz0.com)

أول data tybe اللى هو char ده بيحمل charchters او حروف ومن الممكن أنه يشيل small int بس استخدامه دايما بيكون فى الحروف زى كده

char c= 's';

بالنسبة للـ size هو byte يعنى بيشيل حرف واحد بس عايز اسأل سؤال ؟
فى حد مش عارف يعنى ايه byte أو مش عارف التمثيل الـ binary للأرقام والحروف ؟؟
اعتمادا على إجابة السؤال ده هيكون فى درس للموضوع ده

ندخل لتانى نوع هو الـ short int وده بالظبط زى الـ int يعنى بيحمل أرقام صحيحة لكن الـ range بتاعه أقل والـ range يعنى الـ datatybe ده يقدر يشيل لغاية فييين وطبع الـ range واضح فى الجدول وبيختلف فى الـ signed عن الـ unsigned وهنقول ليه فى الدرس اللى ممكن يتعمل اعتمادا على إجابة السؤال السابق إن شاء الله

وطبعا الـ int بقى ده احنا عارفينه واستخدمناه والجديد علينا فيه بس هو إننا عرفنا الـ size والـ range بتاعه طيب امته نستخدم int وامته نستخدم short int وامته يكون signed وامته يكون unsigned ده زى ما قولنا فى الدرس نفسه بيعتمد على الـ values يعنى لو أنا متأكد ان الــ values بتاعتى مش هتكون أكبر من الـ range بتاع الـ short int يبقى ليه استخدم int ويكون فيه مساحه محجوزه على الفاضى

قياسا بقى هنقول الـ long int زى الـ int بس ليه range اكبر و size أكبر

نيجى على الـ bool وده معناه انه بيحمل سواء true أو false مش واضحه صح ؟؟
لو تفتكروا معانا الـ if statement إحنا قولنا نتيجة الـ condition اللى فيها بتكون ايه ؟؟ سواء true وعلى اساسها بينفذ اللى داخل جملة الـ if أو false ومش يبطبق الحاجات دى صح ؟
الـ true أو الـ false دى بقى هى bool data tybe طيب ممكن نستخدمها فى إيه ؟؟ متستعجلوش هييجى استخدامها بعدين بس احنا دلوقتى بنعرفها بس اوك ؟؟

الـ float والـ double بتحمل أرقام عشرية وزى ما واضح من التعريف إن الdouble ضعف الـ float فى الـ size وبالتالى الـ range

بالنسبة بقى لأخر نوع وهو نوع نادرا ما هنستخدمه لكنه بيعتبر unsigned short عموما هو مش واضح أوى ومش هتستخدومه تقريبا

يارب تكون الدنيا وضحت شوية
.
.

بعد اذنك يا باشمهندس

مش تنزل درس جديد

ممكن ؟؟

لاني متأخرة معلش

نظرا للظروف الي كنت بمر بيها ووفاة عمتي

ممكن حضرتك تستنى بس فترة بسيطة عشان الحق ابقى معاكم:(؟؟

أكيد يا همس ولو محتاجه أى مساعدة قولى بس
والبقاء الله
..
.

البقاء لله يا همس

انا لله و انا اليه راجعون

أكيد يا همس ولو محتاجه أى مساعدة قولى بس
والبقاء الله
..
.


جزاك الله خيرا يا باشمهندس محمد

ان شاء الله لو احتجت أي حاجة مش هتردد اني أسأل حضرتك

ونعم بالله ... جزاكم الله خيرا

البقاء لله يا همس

انا لله و انا اليه راجعون


ونعم بالله

جزاكم الله خيرا

السلام عليكم ..
ازيكم يا جماعة ..اتمنى ان كله يكون تمام .

بالنسبة لل byte و الbinary عارفهم و الحمدلله اخدنا انظمة العد كلها فى الكلية .

كنت عاوز اعرف ايه دخل الجهاز فى size و range ?

والدرس واضح والحمدلله بس محتاج تطبيق للتأكيد .

شكرا ليك يابشمهندس

السلام عليكم ..
ازيكم يا جماعة ..اتمنى ان كله يكون تمام .

بالنسبة لل byte و الbinary عارفهم و الحمدلله اخدنا انظمة العد كلها فى الكلية .

كنت عاوز اعرف ايه دخل الجهاز فى size و range ?

والدرس واضح والحمدلله بس محتاج تطبيق للتأكيد .

شكرا ليك يابشمهندس

ازيك يا أبو حميد

منور

بس أنا عايز أعرف يا جماعه هو انتوا ليه سيبتوا الدرس كله وأفشتووو فى الجملة دى والله الموضوع كبير ومش مكانه هنا ومش هتحتاجوه دلوقتى
انسو الجملة دى خالص

بالنسبة للتطبيق هيظهر إن شاء الله فى الدرس القادمة

.
.

السلام عليكم


معلش انا اتاخرت في الرد عن الدرس
المهم الحمد لله يعني العملية وضحت و ان شاء الله في التطبيق بعد كدة نفهم اكتر

بالنسبة للbyte و الbinary بصراحة مش متاكدة مية في المية اني فهمام
يعني ممكن اكون اخدتهم في الكلية بس مش اكيد

الحمد لله

الحمد لله

الحمد لله

اني فهمت الدرس بتاع اللآلة الحاسبة

وبتاع الـ data tybes

بس فاضل الدرس الأخير الي هو التفصيل بتاعهم

بس انا فهمت الدرس الي قبل الأخير الحمد لله

وطبقت كود الآلة

وفهمت الحمد لله


فاضل بس آخر درس يا باشمهندس

هخلصه ان شاء الله

ومش هيآخد مني وقت


يعني تقدر حضرتك تنزل الدرس الجديد وقت ما تحب

وربنا يكرمك يااااااارب

وانا سعيدة اوي اني بتعلم سي بلس بلس

بجانب الجافا الي بدأت فيها كورس برده

وأد اييييييه انا فلا استفدت من البداية الي بدأتها في السي مع حضرتك
في بداية كورس الجافا

جزاك الله خيرا

مش الـ binary دا الي هو وحدة التخزين الاساسية في الكمبيوتر ؟؟

الي هما الصفر والواحد ؟؟

والchar الوحدة الي يقدر ال user يفهمها

الي هي عبارة عن ارقام وحروف

يعني الinput في الكمبيوتر بيكون char ولما يحصل ليه encode بيتحول الى bits الي هي بتآخد مساحة في الميموري ... ؟؟

مش عارفة انا فاهمة ولا بقول كلام من عندي:(


بس انا فهمت ال data types الحمد لله

جزاك الله خيرا على مجهودك الي بتبذله معانا


دمت في رعاية الله وحفظه

السلام عليكم

ايه الاخبار يا جماعة ؟؟

والله انا متظرة زيك الدرس الجديد بقالي فترة طويلة جدا

ربنا يقدم الي فيه الخير

اكيد باشمهندس محمد مشغول

ربنا يعينه في شغله

السلام عليكم ازيكم يا جماعه
أنا بجد أسف إنى أتأخرت عليكم فى الدرس الجديد بس بجد كنت مشغول أوى فى الفترة اللى فاتت كانت عندى project محتاج يتسلم وكان فى شغل كتير بس أوعدكم قريبا جدا واحتمال يكون النهارده أنزل الدرس الجديد

بس أحاول اجمع أفكر وافضى دماغى شوية

شكرا لمتابعتك واسف لانتظاركم
.
.

السلام عليكم ورحمة الله وبركاته
ازيكم يا جماعه
أخباركم ايه وأخبار الكليات أيه والميد تيرمات وأخباركم ايه مع السى بلس بلس ؟؟
معلش أتأخرت كتير عليكم بس إن شاء الله نبدأ نكمل سوا ابتداءا من النهارده
كان فى كلامنا الأخير سألنا عن الـ byte والتمثيل الـ binary وإن شاء الله النهارده هنتكلم عن الموضوع ده ؟
وهنبدأ نقول يعنى ايه binary ؟
زمان واحنا فى ابتدائى أو فى كى جى one or two واحنا بنتعلم الأرقام والرياضيات كنا بنشوف الأعداد فى خانات يعنى لما نقول 123 ده معناه 3 فى خانة الأحاد و2 فى خانة العشرات وده معناه عشرين و1 فى خانة المئات وده معناه 100 صح وبتجميعهم مع بعض تبقى النتيجة مئة وثلاث وعشرون صح ؟؟
وبعد كده بدأنا نفهم إن خانة الأحاد دى فى النظام العشرى Decimal يعنى 10 أُس 0 وخانة العشرات يعنى 10 ُأس واحد وخانة المئات يعنى 10 أُس 2 وهكذا يعنى العدد 123 هو فى الحقيقة نتيجة : حاصل ضرب 3 فى (10 أس 0 ) + حاصل ضرب 2 فى (10 أس 1) + حاصل ضرب 1 فى (10 أس 3) ....
وطبعا النظام العشرى بيتعامل بالأرقام من 0 - 9 .. وجود كل رقم فى خانة سواء الأحاد أو العشرات أو المئات أو الألاف أو خلينا نقول بقى 10 أس 0 و 10 أس 1 و 10 أس 2 وهكذا معناه ان الرقم ده مضروب فى قيمة الخانه بتاعته دى.. صح الكلام ده ولا ايه ؟؟
بالظبط بقى النظام الـ binary هو نظام تمثيل الأعداد الثنائى اللى بيعتمد على الأرقام 0-1 فى خانات تحمل الأساس 2 بمعنى إن أول خانة فيه تمثل 2 أس 0 وتانى خانه تمثل 2 أس 1 وثالث خانة تمثل 2أس 2 وهكذااا
حد فاهم حاجه ؟؟
على فكرة بالمناسبة اللذيذة دى لما نقول كده من الشمال لليمين 0^2 ده معناه 2 أس 0 يعنى الرمز ده ^ بيمثل أس
يعنى الخانات بتاعة النظام الثنائى هتبقى كالأتى :

0^2 | 1^2 | 2^2 | 3^2 |

يعنى لما نقول 1111 ده معناه 1 × (0^2) + 1 × (1^2) +1× (2^2) + 1× (3^2) يعنى فى النظام العشرى يمثل :1+ 2 +4+ 8 يعنى بيمثل 15 وهكذاااا

طيب ده ازاى بنعرف الـ binary بيمثل كام فى النظام العشرى وعرفناه طيب لو عندنا رقم بالنظام العشرى وليكن مثلا 6 عايزين نمثله فى النظام الثنائى يبقى ازاى :
عندنا الخانات زى ما قلنا فوق الخانة الأولى بتمثل 1 عشرى أو 0^2 binary والخانة الثانية بتمثل 2 والخانة الثالثة بتمثل 4 طيب علشان نعمل 6 يبقى ازاى
يبقى نحط 1 فى خانة الأتنين و 1 فى خانة الأربعة وزيرو فى خانة الواحد ويبقى كده 110 أى 6 بالعشرى
يارب يكون الكلام واضح بس ...

ده مثال :
http://www10.0zz0.com/2008/11/12/18/953065541.jpg (http://www.0zz0.com)

النتيجة العشرية تبقى كام ؟؟؟

اعتقد كده معنى الـتمثيل الـ binary بقى واضح فى بقى العمليات الحسابية على الموضوع ده بس ده مش مجالنا لو حابين نعمل درس للموضوع ده نبقى نعمله درس لكن خارج نطاق منهجنا الأساسى وهو البرمجة باستخدام لغة السى بلس بلس

طيب إيه بقى قصة الـ byte ده ??
عمنا الأخ byte ده هو وحدة التخزين فى الكمبيوتر يعنى ايه بردوه ؟؟
يعنى مثلا الmemory بتاعتنا لما نقول مساحتها كام ؟ يعنى بنقول بتقدر تخزن كام بنقول كذا byte أو الهارد ديسك مساحته كام بنقول كذا byte طبعا مش بنقول byte لأن الـ byte ده وحده صغيرة جدا جدا جدا طيب إيه هى الوحدات دى بقى ؟؟
اصغر وحدة هى الـ bit ودى بتشيل يا إما 0 يا إما 1 بس (طبعا إحنا عارفين إن لغة الكمبيوتر هى الـ 0 والـ 1)
اللى أكبر منها شوية هو عمنا الـ byte واللى هو يعتبر 8bit
وأكبر منه شوية هو الـ kelo byte أو kb وده بيمثل 1024byte
وبعدين ييجى الـ mega byte أو MB وده بيمثل 1024kb
وبعدين الـ giga byte أو GB وده بيمثل 1024MB وفى بقى أخر حاجه توصلنا ليها وهى
الـ terra byte وده بيمثل 1024GB

وبكده تنتهى قصة سؤالنا فى الحلقات السابقة وبتنتهى حلقة النهاردة من برنامجكم المفضل .........

برنامج ايه ؟ ايه يا عم انت هتعيش
سورى قصدى خلصنا درس النهاردة ونلقاكم فى الدرس القادم بإذن الله
شكرا وإلى لقاء
.
.
.

السلام عليكم ورحمة الله وبركاته

رجعنا بسرعه أوى صح ؟؟ :)
معلش حسيت إن الدرس اللى فات صغير وانا كمان النهارده فايق شوية قلت استغل الموقف وانزل كمان درس كده ( بينى وبينكم موضوع إنى ابقى فايق ده بقى صعب أوى اليومين دول:()
نبدأ بقى نتكلم فى الدرس الجديد بسم الله
إحنا كنا اتكلمنا عن الـ conditional statements اللى هما أخوانا if وبنت خالتها switch case وكنا شرحنا فيهم مفهوم الـ true والـ false فى السى بلس بلس وإمته الـ condition يبقى true وامته يكون false والـ flow بتاع البرنامج فى الحالات إذا كان true أو false فاكرين ؟؟؟
درسنا النهارده بقى عن الـ loops ؟؟ عارفين لو لقيت حد مترجمهالى وبيقولى الحلقات الدوارة زى الكتب اللى بالعربى دى هعمل فيه إيه ؟؟؟ :slap1qk6:
طيب يعنى ايه loops بقى من غير رغى ؟؟
مفهوم الـ loops ده هو تكرار بعض العمليات أكتر من مرة بدون الإضطرار لكتابتها سوى مرة واحدة ... بردوه يعنى إيه ؟؟
يعنى تخيلوا مثلا إن أنا عايز أكتب اسمى 10 مرات تحت بعض على الشاشة اعمل إيه ؟؟
عادى يا عمنا انت يعنى جيت فى جمل ؟؟
هنعمل جملة cout ونكتبها عشر مرات تحت بعض ولو قصد سيادتك إنك هتكتب كتيير وكده طيب ما احنا ممكن نعملها copy و paste وتبقى خلصت ايه يعنى ؟؟؟
طيب لو انا عايز اكتبه 100000 مرة هتقعد تعملها copy و paste العدد ده من المرات ؟؟
طبعا مش منطق صح ؟؟
هنا بقى ييجى دور الـ loops وهى بنكتب جملة cout مرة واحدة بس ونحطها جوه الـloop ونحددله عدد المرات اللى احنا عايزينه يتكرر فيه وهو هيقوم بالواجب كله
شوفتو الموضوع سهل ازاى ؟؟؟
طيب عملنا مقدمة للموضوع وفهمنا يعنى ايه loops ؟؟؟ نتكلم بقى بشكل برمجاوى شوية ....
الـ loops فى الـ ++C ليها 3 أنواع النهاردة هنتكلم عن النوع الأول وهو while loop ?
شكله إيه بقى أخينا ده ؟؟
شكله بيبقى كالآتى :

while(condition)
{
// do something ....
}

وبيقول طول ما الـ condition اللى جوه ده متحقق أو نتيجته بـ true هيفضل يكرر نفسه ويعمل اللى جواه تانى وتانى وتانى لغاية ما نتيجة الـ condition ده تبقى false هيخلص ويشوف اللى بعد كده ...
نقول بمثال أحسن ؟؟
نقول بمثال :

#include <iostream.h>


#include <conio.h>
void main()
{
int i=0;
cout<<"Loop lesson \n";
while(i<10)
{
i++;
cout<<"\n Mohamed ElQpany";
}
cout<<"\n \n end of Loop";
getch();
}




بيقول ايه بقى الكود ده ؟؟
البدايات والكلام اللى قلناه كتير ده مش هنكرره لكن إحنا بنعرف variable اسمه i و بنعمل intialize بزيرو وبعدين بنقول while إن الـ variable i ده أقل من 10 اعمل ما بداخل القوسين اللى جايين ده وده كده بيمثل الـ loop جوه الـ loop بقى بنزود قيمة الـ i بواحد ودى جملة جديدة ما شوفنهاش قبل كده لما نقول لمتغير من نوع int أو float أو double ++ يعنى زود واحد على القيمة السابقة ليه يعنى كأننا بالظبط بنقول i=i+1 ودى بينفع للمتغيرات اللى بتمثل أرقام بس يعنى مثلا مش هينفع مع الdata tybe char اوك ؟؟
وبعدين نقوله اكتبلنا على الشاشه الجملة اللى عندك دى ...
يعنى طول ما ال i اقل من 10 نفذ فى أول مرة كان الـ i بصفر وطبعا اقل من 10 يعنى الـ condition ب true يدخل ينفذ يزود الـ i وتبقى قيمته 1 وبعدين يطبع الجملة ويرجع يشوف الـ condition تانى الـ i بواحد اقل من 10 يعنى الـ condition بـ true ينفذ تانى يزود الـ i تبقى 2 ويطبع الجمله ويرجع يشوف الـ condition وهكذا لغاية ما تبقى الـ i بعشرة يشوف الـ condition هل الـ i أقل من 10 لا هى بتساوى يبقى نتيجة الـ condition بـ false يروح ميدخلش بقى بين القوسين ويكمل بعد كده ويطبع الجملة end of loop وينهى البرنامج والنتيجة تكون كالآتى :
http://www7.0zz0.com/2008/11/12/19/904425947.jpg (http://www.0zz0.com)

إيه رأيكم بقى فى البرنامج ده ؟؟؟
حلوه الـ loops صح ؟؟
ومفيدة جدا مش كده ؟؟

طيب مش هنقول أكتر من كده ومش هندخل فى الأنواع التانيه النهارده وهنكتفى بكده إن شاء الله
سيبونى بقى افكرلكم فى واجب تعملوه



























يلا حاجه سهلة كده
اعملوا برنامج بيعد من 1 لـ 100 وبيطبعهم على الشاشة ؟؟
وورونى الكود طبعا والنتيجة ... سهل مش كده ؟؟

حاجه أخيرة بقى ؟؟
عايزين تعليق على أسلوبى فى الشرح ؟
يعنى هل هو كويس ولا فى انتقادات على الإسلوب ولا مستوى الكلام وأى تعليق تحبوا تقولوه هكون سعيد بيه ؟
شكراااااااااااا
.
.

السلام عليكم و رحمة الله و بركاته

و اخيــــــــــــــرا الدرس نزل :)

الدرس الاول مفهوم جدا و الحمد لله و اخدناه في الكلية هوة و النظام الثنائي و الثماني و السادس عشر كله اخدناه الحمد لله

الدرس التاني لذيذ جدا ومفهوم برده

و الواجب

http://www8.0zz0.com/2008/11/15/10/790168365.jpg (http://www.0zz0.com)

تمام كدة؟؟!!



و بالنسبة لاسلوب حضرتك في الشرح بجد ممتع جدا و مفيش بالنسبة ليا اي انتقادات
و بجد انا مش بجامل

جزاك الله خيرا و جعله في ميزان حسناتك

جزانا الله وإياكم كل الخير يا ananoo والحمد لله إن الدروس وصلت والـ homework تمام الله ينور
وإن شاء الله هحاول على قد ما أقدر مش هتأخر فى الدرس الجديد بإذن الله علشان نكمل درس الـ loops
وبالنسبة لشرحى وأسلوبى متشكر أوى على رأيك وأتمنى لو فى أى وقت حسيتى إن فى حاجه غلط تنبهينى علطول

شكرا ananoo وربنا يوفقك بإذن الله
.
.

ايه دا يا باشمهندس

حضرتك نزلت دا كله امتى ؟؟؟


دا انا عندي امتحانات ميد تيرم

وبالعافية بفتح المنتدى


كدا انا متأخرة جداااااااااااااا


انا قلت ان حضرتك هتستنى شوية لحد ما الكل يشوف الدرس الي قبل الاخير

ربنا عالم انا محتاسة أد ايه

والدكاترة ربنا يكرمهم بجد مش عارفة اقول ايه على الي بيعملوه فينا


:( :( :(

يعني من جميع النواحي :(

الاستاذ احمد ابو بكر عنده الغلطة انه سايب مسافات في السطر بتاع الانكلود يعني المفروض السطر
<include<iostream.h#
و كمان المفروض يبقى يدوس alt +f9 عشان يعمل كومبيلشن للبرنامج قبل ما يعمل رن

ايه دا يا باشمهندس

حضرتك نزلت دا كله امتى ؟؟؟

من كام يوم نزلتهم ورا بعض علطول علشان مش ضامن بصراحه أنزل درس جديد دلوقتى وكنت فاضى شوية ودماغى رايقة قلت استغل الموضوع وانزلهم

دا انا عندي امتحانات ميد تيرم

وبالعافية بفتح المنتدى


كدا انا متأخرة جداااااااااااااا

معلش شدى حيلك فى الإمتحانات ربنا معاكى وأنا منتظر إن شاء الله الفترة دى معتقدش إنى هعرف أنزل درس جديد شدى حيلك بس انتى وربنا معاكى ويوفقك بإذن الله فى الإمتحانات

انا قلت ان حضرتك هتستنى شوية لحد ما الكل يشوف الدرس الي قبل الاخير

ربنا عالم انا محتاسة أد ايه

والدكاترة ربنا يكرمهم بجد مش عارفة اقول ايه على الي بيعملوه فينا

معلش هتتعودى إن شاء الله هى سنة أولى دايما صعوبتها فى كده

:( :( :(

يعني من جميع النواحي :(

أنا مستنى على الدرس الجاى إن شاء الله ومش هنزل حاجه غير لما تتابعينا وتقولى إنك خلصتى اللى فات ومعانا بإذن الله ومستنى أشوف الhomework :)

الاستاذ احمد ابو بكر عنده الغلطة انه سايب مسافات في السطر بتاع الانكلود يعني المفروض السطر
<include<iostream.h#
و كمان المفروض يبقى يدوس alt +f9 عشان يعمل كومبيلشن للبرنامج قبل ما يعمل رن

أهلا بيك يا محمد منور بس أنت بتتكلم فين بالظبط
اعتقد إنك بتتكلم على مشاركات قديمة أوى
عموما بالنسبة لموضوع المسافات فى سطر الـinclude اعتقد مفيش أى مشاكل لو سبت مسافة بين الـ include# و <iostream.h>
وطبعا alt+f9 لعمل compilation كلامك مظبوط
مستنيك تعرفنا بنفسك إن شاء الله واهلا بيك معانا
.
.

متشكر و معلش انا ردي متأخر حبتين بس بكره عندي ميدترم في البرمجة فقلت اما اراجع حبه معاكم

على فكرة يا استاذ محمد القباني انت طريقتك اكتر من رائعة بجد والله من غير اي مجاملة لاني بصراحة كنت عايز اعمل مراجعة سريعة على اللي اخدته في الكلية عشان بكرة عندي ميدترم برمجة . بجد انت لازم تكون دكتور برمجة او على الاقل معيد
متشكر جدا جدا جدا و توقع اني هكون متابع دروسك اول بأول . انا كنت هحل الهومورك لكن الاخت انانوو سريعة جدا بسم الله ما شاء الله. سلامي لكم جميعا ........

متشكر و معلش انا ردي متأخر حبتين بس بكره عندي ميدترم في البرمجة فقلت اما اراجع حبه معاكم

منور يا محمد وأهلا بيك فى أى وقت

على فكرة يا استاذ محمد القباني انت طريقتك اكتر من رائعة بجد والله من غير اي مجاملة لاني بصراحة كنت عايز اعمل مراجعة سريعة على اللي اخدته في الكلية عشان بكرة عندي ميدترم برمجة . بجد انت لازم تكون دكتور برمجة او على الاقل معيد
متشكر جدا جدا جدا و توقع اني هكون متابع دروسك اول بأول . انا كنت هحل الهومورك لكن الاخت انانوو سريعة جدا بسم الله ما شاء الله. سلامي لكم جميعا ........

ربنا يخليك أتمنى بس يكون الشرح وافى ومفيد بإذن الله
مستنيك تتابع بإذن الله
وإن شاء الله بعد كده هنخلى الـ home work يبقى فى المرفقات علشان كل الناس تشتغل قبل ما تشوف الإجابات
ربنا يوفقك فى أمتحاناتك ويوفقكم جميعا بإذن الله
.
.

اعتقد كده معنى الـتمثيل الـ binary بقى واضح فى بقى العمليات الحسابية على الموضوع ده بس ده مش مجالنا لو حابين نعمل درس للموضوع ده نبقى نعمله درس لكن خارج نطاق منهجنا الأساسى وهو البرمجة باستخدام لغة السى بلس بلس


.
.

ااااااااااه ياريت يا باشمهندس وهكون شاكرة جداااااااااااااااااااااا لحضرتك


ياريت تنزل الدرس في موضوع منفصل في اقرب فرصة بالنسبة لحضرتك تكون فاضي فيها

وهكون شاكرة جدا لحضرتك


جزاك الله خيرااااااااا:)

حاجه أخيرة بقى ؟؟عايزين تعليق على أسلوبى فى الشرح ؟[/RIGHT]


يعنى هل هو كويس ولا فى انتقادات على الإسلوب ولا مستوى الكلام وأى تعليق تحبوا تقولوه هكون سعيد بيه ؟


شكراااااااااااا


.


.




طبعا لا تعليق على اسلوب حضرتك اكبر دليل الواجبات الي بنعملها

بجد اسلوب حضرتك شيق جدا وبيخلي الواحد نفسه يوصل للواجب عشان ينفذ الكلام الي حضرتك قلت عليه ... ومش بيحس بملل ابدا وهو بيقرأ الدرس


جزاك الله خيرا وجعله في ميزان حسانتك

ودا الـ H.W
http://www6.0zz0.com/2008/11/18/14/638193909.jpg

الله ينور يا همس الواجب تمام
والحمد لله إن شرحى بيوصل بشكل كويس
تمنياتى ليكم جميعا بالتوفيق بإذن الله
.
.

السلام عليكم

معلش ياباشمهندس انا كان عندي سؤال نفسي اعرف اجبته من زمان
هوة ايه الvisual studio؟!!!!!!!!
و ايه الفرق بينه و بين البرنامج اللي احنا بنشتغل عليه دلوقتي؟؟!!!!!!!

و جزاك الله كل خير

السلام عليكم

معلش ياباشمهندس انا كان عندي سؤال نفسي اعرف اجبته من زمان
هوة ايه الvisual studio؟!!!!!!!!
و ايه الفرق بينه و بين البرنامج اللي احنا بنشتغل عليه دلوقتي؟؟!!!!!!!

و جزاك الله كل خير

السلام عليكم
ازيك يا ananoo
سورى على التأخير فى الرد على سؤالك بس هو الشغل معلش

الـ visual studio هو بيئة تطوير تقدمها شركة مايكروسوفت يتيح التعامل بشكل visual مع العديد من لغات البرمجة منها ++Visual C و C sharp وأيضا Visual basic.Net وكذلك ASP للـ web Development .
ده تعريف مبسط جدا أنا متأكد إنه مش وافى لشرح يعنى أيه visual studio لكن خلينى أقولك إنه كأداة هو بالظبط مثل الـ borland c اللى بنستخدمه دلوقتى للتعامل مع ++C لكن بشكل متطور جدا وبيتعامل مع لغات مختلفة فيها نوع من الـ visualisation ...
فاهمه حاجه ؟؟؟

انا فهمت ان الvisual stodio زي كدة الoffice و الborland c++ زي مثلا الword
صح كدة و لا ايه؟

بس برده مش فهمة بشكل متطور ازاي
يعني اللي احنا اتعلمناه ده لو طبقناه على الvisual studio مش هيبقى نفس النتيجة ؟؟؟؟؟؟؟؟!!!!

و كمان معلش في سؤال كان في البرمجة:

مثلا في برنامج زي الالة الحاسبة
احنا بعد لما بندخل الارقام و تطلع النتيجة لو دسنا اي زرار البرنامج بينتهي......
طيب لو انا بقى عوزة البرنامج يفضل الشغال بعد كدة بحيث افضل احسب اي ارقام براحتي و بعدين انهي البرنامج
دي بقى تتعمل ازاي؟؟؟؟؟؟!!!

و جزاك الله كل خير

انا فهمت ان الvisual stodio زي كدة الoffice و الborland c++ زي مثلا الword
صح كدة و لا ايه؟

مش بالظبط كده يا ananoo بس عارفه لما تكتبى file فى notbad ولما تكتبى نفس الـ file فى الـ word عارفه الفرق عامل ازاى ؟؟
تقريبا الفرق كده بينهم بردوه طبعا ده مجرد مثال لكن الفرق مش بالظبط ...

بس برده مش فهمة بشكل متطور ازاي
يعني اللي احنا اتعلمناه ده لو طبقناه على الvisual studio مش هيبقى نفس النتيجة ؟؟؟؟؟؟؟؟!!!!

لا فى نوع من الـ applications اللى ممكن تعمليها باستخدام الـ visual studio اسمها conslole application هتكون فيه النتيجة زى هنا لكن الفرق بقى والشكل المتطور هو الإضافات الأخرى اللى موجود فى الـ visual studio فمثلا برنامج الآلة الحاسبة اللى هنتكلم عليه كمان شوية ده مش هيبقى فى شاشة الـ console زى ما بنعمل ونطلب من اليوزر يدخل أول ورقم وبعدين نسجله وكده وهكذا لاأأأ .. هيبقى فى حاجه اسمها form وفيها أماكن تكتبى فيها الأرقام وفيها أشكال زراير تضغطى عليها بالماوس تعمل الـ operation اللى انت عايزاها بالظبط زى شكل الـ calculator اللى فى الويندوز ... الشكل ده نقدر نعمل زيه من خلال visual studio .... كده وضحت ؟؟
مش عارف ليه حاسس إنى مقصر فى شرح الـ visual studio بس حاسس انى مينفعش اقول تفاصيل أكتر لأن الموضوع أكبر من إنه يتشرح كده...

و كمان معلش في سؤال كان في البرمجة:

مثلا في برنامج زي الالة الحاسبة
احنا بعد لما بندخل الارقام و تطلع النتيجة لو دسنا اي زرار البرنامج بينتهي......
طيب لو انا بقى عوزة البرنامج يفضل الشغال بعد كدة بحيث افضل احسب اي ارقام براحتي و بعدين انهي البرنامج
دي بقى تتعمل ازاي؟؟؟؟؟؟!!!

و جزاك الله كل خير

سؤال جميل جدا جدا يا ananoo ... بحب انا الناس اللى بتفكر دى :)

نبدأ نقول بقى ....
البرنامج علشان يفضل دايما كده شغال لازم يكون فيه كود بينفذه جوه وإلا هو دلوقتى خلص الكود طيب هيقف يعمل ايه ؟؟؟
طيب الحل يبقى إيه فى سؤالك ؟؟
اقولك يا ستى ...
احنا دلوقتى عايزين نطلب من اليوزر يدخل رقم وبعدين رقم وبعدين نسأله هو عايز يعمل فيهم إيه ونطلعله النتيجة ونسأله عايز تانى ولا لأ ... لو آه نكمل شغل ونجيب من الأول يدخل الأرقام وهكذا لا لأ نقفل على كده ؟؟

ايه رأيك فى الكلام اللى فات ده ؟؟
ينفع يتعمل بالحاجات اللى خدناها لغاية دلوقتى صح ؟؟؟
فكرى كده وقوليلى بالشكل ده ممكن يتعمل إزاى ؟ ولو معرفتيش قولى عروستى .... :)

السلام عليكم

اعتقد ان حاكية الvisual studio وصلت و الحمد لله
جزاك الله خيرا

بنسبة لحكاية ان البرنامج يفضل شغال فبجد عروووووووووووووووستي
انا قلت في الاول انها اكيد ليها علاقة بالloop بس معرفتش اطبقها
فجربت اعملهاا بif (بحيث يعيد نفسه مرة واحدة كمان) بس مش راضية تتطلع معاية نهائي:(

ارجو المساعدة :)

أوكى يا ananoo
انا عارف انها ممكن تبقى صعبة
بس انا كنت عايز استنى اشوف لو حد هيعرفها إنما لو محتاجاتها ضرورى انا هجاوبها دلوقتى قبل ما انزل
.
.والحمد لله إن قصة الـ visual studio وصلت :)

لالالالالالالا يا باشمهندس
انا مش محتاجها دلوقتي و لاحاجة
بس لو هية فعلا ممكن تيجي من اللي احنا خدناه
حضرتك بس استنى علينا شويه نفكر فيها و ان شاء الله حد فينا يجبها

إن شاء الله
هى ممكن تيجى من اللى أخدناه قبل كده

وبكره ان شاء الله لو محدش جاوب هجاوبها بإذن الله
بس بجد عجبنى التفكير يا ananoo
ربنا يوفقكم بإذن الله
.
.

السلام عليكم
:av4056bb7jp3:انا عملتها

#include <iostream.h>
#include <conio.h>
void main()
{
int complete;
cout<<"\n to stsrt press 0:";
cin>>complete;
while(complete==0)
{
int input;
int firstno;
int secondno;
int result;
cout<<"\n\t\t Enter the first NO:";
cin>>firstno;
cout<<"\n\t\t Enter the srcond No:";
cin>>secondno;

cout<<"\n\t\t\t\t for(+) Enter 1";
cout<<"\n\t\t\t\t for(-) Enter 2";
cout<<"\n\t\t\t\t for(*) Enter 3";
cout<<"\n\t\t\t\t for(\) Enter 4";
cout<<"\n seliction";
cin>>input;
switch (input) {
case 1: //Note the colon,not a semicolon
{
result=firstno+secondno;
cout<<"\n\t\t\t the result:"<<result;
break;
}
case 2: //Note the colon,not a semicolon
{
result=firstno-secondno;
cout<<"\n\t\t\t the result"<<result;
break;
}
case 3: //note the colon,not a semicolon
{
result=firstno*secondno;
cout<<"\n\t\t\t the result:"<<result;
break;
}
case 4: //note the colon,not a semicolon
{
result=firstno/secondno;
cout<<"\n\t\t\t the result:"<<result;
break;
}
default: //note the colon,not a semicolon
{
cout<<"\n\t\t\t error,bad input";
break;
}
}
cout<<"\n to complete press 0:";
cin>>complete;
}
}


و ديه النتيجة

http://www5.0zz0.com/2008/11/26/00/595047306.jpg
صح و لا في لخبطة ؟؟؟

انا لسا شايفة السؤال حالا


عموما هفكر فيها برده لو ليها طريقة تانية غير الي ananoo

بس اعذروني على تقصيري في دخول الموضوع

ومتابعته لاني بجد بالعااااااااااافية بفوق من الامتحانات الي مش راضية تخلص وكل شوية يطلع امتحان جديد ونعيد ونزيد في الامتحانات :(

هفكر ان شاء الله

لو سمحت يا باشمهندس لو ليها حل تاني مش تقوله لحد ما اقول لحضرتك اني مش عرفت

السلام عليكم
:av4056bb7jp3:انا عملتها

#include <iostream.h>
#include <conio.h>
void main()
{
int complete;
cout<<"\n to stsrt press 0:";
cin>>complete;
while(complete==0)
{
int input;
int firstno;
int secondno;
int result;
cout<<"\n\t\t Enter the first NO:";
cin>>firstno;
cout<<"\n\t\t Enter the srcond No:";
cin>>secondno;

cout<<"\n\t\t\t\t for(+) Enter 1";
cout<<"\n\t\t\t\t for(-) Enter 2";
cout<<"\n\t\t\t\t for(*) Enter 3";
cout<<"\n\t\t\t\t for(\) Enter 4";
cout<<"\n seliction";
cin>>input;
switch (input) {
case 1: //Note the colon,not a semicolon
{
result=firstno+secondno;
cout<<"\n\t\t\t the result:"<<result;
break;
}
case 2: //Note the colon,not a semicolon
{
result=firstno-secondno;
cout<<"\n\t\t\t the result"<<result;
break;
}
case 3: //note the colon,not a semicolon
{
result=firstno*secondno;
cout<<"\n\t\t\t the result:"<<result;
break;
}
case 4: //note the colon,not a semicolon
{
result=firstno/secondno;
cout<<"\n\t\t\t the result:"<<result;
break;
}
default: //note the colon,not a semicolon
{
cout<<"\n\t\t\t error,bad input";
break;
}
}
cout<<"\n to complete press 0:";
cin>>complete;
}
}


و ديه النتيجة

http://www5.0zz0.com/2008/11/26/00/595047306.jpg
صح و لا في لخبطة ؟؟؟

الله ينور يا ananoo بجد أنا سعيد بالمجهود ده وبالتفكير
http://www6.0zz0.com/2008/11/26/08/988377166.gif (http://www.0zz0.com)

بس ليا بقى سؤال ؟؟
إنتى ليه حاطه الـ comment da فى كل سطر .... جنب الـ case


//Note the colon not semicolon




انا لسا شايفة السؤال حالا


عموما هفكر فيها برده لو ليها طريقة تانية غير الي ananoo

بس اعذروني على تقصيري في دخول الموضوع

ومتابعته لاني بجد بالعااااااااااافية بفوق من الامتحانات الي مش راضية تخلص وكل شوية يطلع امتحان جديد ونعيد ونزيد في الامتحانات :(

هفكر ان شاء الله

لو سمحت يا باشمهندس لو ليها حل تاني مش تقوله لحد ما اقول لحضرتك اني مش عرفت

ربنا معاكى يا همس بجد وشدى حيلك وربنا يوفقك بإذن الله
أنا عارف إن امتحانات أول ميد تيرم دى بتبقى رخمة شويه ربنا معاكى
وانا مش هقول أى حاجه دلوقتى لغاية ما تيجى تانى

ربنا يوفقكم جميعا بإذن الله
.
.

انا عملتها يا باشمهندس بس بطريقة اخرى :)

انا عدلت على برنامج كان H.w علينا في مرة الي هو بتاع الآلة الحاسبة ..

والتغيرات الي عملتها هلونها باللون الاحمر وهقول انا عملتها ليه

دا الكود
#include<iostream.h>
#include<conio.h>
void main()
{
int input;
float FrstNo;
float SecondNo;
int Result;


do
{
cout<< "\nEnter Frist No:";
cin>>FrstNo;
cout<< "\nEnter second No:";
cin>>SecondNo;
cout<<"\n For Sum (+) Enter 1";
cout<<"\n For Sutract (-) Enter 2";
cout<<"\n For Multiply (*) Enter 3";
cout<<"\n For Division (/) Enter 4";
cout<<"\n For Exit Enter 0";
cout<< "\n selection:";

cin>>input;
switch(input){
case 1: //Note the colon not a semicolon
{
Result=FrstNo+ SecondNo;
cout<< "The Result="<<Result;
getch();
break;
}
case 2: //Note the colon not a semicolon
{
Result=FrstNo - SecondNo;
cout<<"The Result="<<Result;
getch();
break ;
}
case 3: //Note the colon not a semicolon
{
Result=FrstNo* SecondNo;
cout<<"The Result="<<Result;
getch();
break;
}
case 4: //Not the colon not a semicolon
{
Result=FrstNo / SecondNo;
cout<<"The Result="<<Result;
getch();
break;
}
default: //Not the colon not a semicolon
{
cout<<"Error,bad input";

break;
}
}
} while(input!=0);

}



اول حاجة عملت احد انواع الـ loop الي هي do while


دي انا اخدتها في الجافا وقلت اجربها في السي بلس بلس

ودي معناها اني بقوله يعمل الشرط الي الي بعد do لما تبقى while حاجة معينة


طبعا انا هنا قولتله do عمليات الطرح والقسمة والجمع والضرب .. الخ

while ان ال input بتاعي مش دخلته بصفر

عشان كدا انا قولتله في الجمل الي المفروض هيطبعها

cout<<"\n For Exit Enter 0";


يعني عشان تطلع من البرنامج اختار الـ selection بـ 0

طبعا دا مش معناه اني لو مثلا اختر ال frist num بـ 0 وضغطت انتر انه هيطلع


لاني قولتله

while(input!=0);

لما while ال input يكون بصفر

وسبق وعرفنا في اول الكود ال input

غير تعريف الFrist No
وتعريف الSecondNo

int input;

بعد كدا حطيت بعد كل break



getch();


ودا عشان لو مثلا نفذ الطرح او القسمة او الضرب او الجمع حسب العملية الي يوزر هيختارها يستنى شويةومش يعيد من الاول علاطول الا لما اضغط انتر مثلا او اي زرار تاني





وهكذا...

يفضل البرنامج يعيد نفسه لما يعمل احد العمليات حسب الي هختاره لحد ما اختار الـ selection بـ صفر

او اضغط علامة الـ x عشان اخرج من البرنامج

طبعا شرحي مش مرتب وكدا


بس انا مش بعرف اشرح اوي :)

ودا ال output بتاع البرنامج:

http://www9.0zz0.com/2008/11/26/14/328356283.jpg

كلام جميل يا همس الله ينور
وحل مظبوط وتمام بردوه

أنا كنت هشرح الـ do while loop بإذن الله فى الدرس الجاى
هنوضحه بردوه شوية إن شاء الله وبعدين نتكلم عن الـ for loop بإذن الله
.
.

معلش يا بشمهندس بس الدكتور بتاع السي اللي بيدرسلي في الكلية طلب مننا برنامج عجيب شوية
هو طالب برنامج اليوزر يكتب رقم يقوم البرنامج يكتب الرقم ده على انه كتابة مثلا 10=ten
انا بصراحة قعدت احاول اعمل اي حاجة في البرنامج ده بس فشلت جميع محاولاتي و كان عايز ان الرقم يبقى بين 1 و 199 . ممكن تساعدني في البرنامج ده يا بشمهندس لاني بصراحة مش عارف اعمل اي حاجة فيه.

السلام عليكم





بس ليا بقى سؤال ؟؟
إنتى ليه حاطه الـ comment da فى كل سطر .... جنب الـ case


//note the colon not semicolon





.
.

اصل انا بصراحة كنت فاكرة ان الكلام ده تبع الكود بتاع البرنامج:(

عموما جزاك الله خيرا

وفي انتظار الدرس الجديد عشان نفسي افهم الكود اللي همس كتبته

السلام عليكم

ازيكم يا جماعة؟؟؟؟؟؟

كل عام و انتم بخير
و عيد مبارك ................

السلام عليكم

معلش يا بشمهندس كان عندي كام سؤال كدة ياريت لو حضرتك فاضي ترد عليا.....

الاول :
انا هوري لحضرتك الكود كدة

int x;
cin>>x;
int y;
y==x;
cout<<y;

لما البرنامج بشتغل مش المفروض اني لو دخلت مثلا 5 يظهر بعد كدة على الشاشة 5 صح؟
المهم ده مش بيحصل و بيظهر بدل كدة zero :(

التاني:

كان عن الdata types
لو انا عوزة اعرف متغير عبارة عن اسم استخدم معاه wchar_t صح و لا ايه؟

في اخر واحد بقى ايه الفرق بين الstring , وwchar_t او ايه العلاقة بنهم؟؟



ياريت مكنش بتقل على حضرتك لان شكل حضرتك مشغووووووووول جدا في الشغل

و جزاك الله كل خير:078111rg3:

كل سنة وانتم طيبين و يا ريت البشمهندس يدينا العدية درس في السريع

معلش يا بشمهندس بس الدكتور بتاع السي اللي بيدرسلي في الكلية طلب مننا برنامج عجيب شوية
هو طالب برنامج اليوزر يكتب رقم يقوم البرنامج يكتب الرقم ده على انه كتابة مثلا 10=ten
انا بصراحة قعدت احاول اعمل اي حاجة في البرنامج ده بس فشلت جميع محاولاتي و كان عايز ان الرقم يبقى بين 1 و 199 . ممكن تساعدني في البرنامج ده يا بشمهندس لاني بصراحة مش عارف اعمل اي حاجة فيه.

ازيك يا محمود
سورى بجد مينفعش اساعدك بالشكل ده لان السؤال ده بجد مطروح علشان تشغل تفكيرك وتحاول توصل لحل وهو ده الهدف منه فلو ساعدتك وقولتلك الفكرة يبقى الهدف من السؤال ضاع
بس انا ممكن أساعدك بشكل تانى انت تقولى فكرتك ايه ونظبطها سوا ونوصل فى الأخر بإذن الله لنتيجة

سورى للتأخير فى الرد حاسس ان اصلا السؤال ده زمانه اتجاوب من زمان بس معلش الشغل بقى

السلام عليكم




اصل انا بصراحة كنت فاكرة ان الكلام ده تبع الكود بتاع البرنامج:(

عموما جزاك الله خيرا

وفي انتظار الدرس الجديد عشان نفسي افهم الكود اللي همس كتبته

طيب دلوقتى يا ananoo عرفتى هو موجود ليه ولا ؟؟؟

بالنسبة للدرس الجديد أنا دلوقتى فى أجازة العيد بس بجد دماغى مش رايقه خالص اروق بس شوية كده واكتب الدرس االجديد وانزله بإذن الله

السلام عليكم

ازيكم يا جماعة؟؟؟؟؟؟

كل عام و انتم بخير
و عيد مبارك ................

كل عام وانتم جميعا بخير وعيد مبارك لينا كلنا بإذن الله


السلام عليكم

معلش يا بشمهندس كان عندي كام سؤال كدة ياريت لو حضرتك فاضي ترد عليا.....

الاول :
انا هوري لحضرتك الكود كدة

int x;
cin>>x;
int y;
y==x;
cout<<y;



لما البرنامج بشتغل مش المفروض اني لو دخلت مثلا 5 يظهر بعد كدة على الشاشة 5 صح؟
المهم ده مش بيحصل و بيظهر بدل كدة zero :(

اسألى فى أى وقت يا ananoo وأى حد عنده اي اسئلة فى أى وقت يتفضل يسأل وانا بإذن الله فى أول فرصه هجاوب ان شاء الله

بالنسبة للسؤال ده أنا بس مش عندى c فى البيت دلوقتى بس بصى بالنسبة للكود ده
لما تحبى تساوى متغير بمتغير أخر بيبقى باستخدام علامة = واحدة مش اتنين لأن اتنين تستخدم فى الشرط ليس فى المساواة
جربى كده وقوليلى ؟؟


التاني:

كان عن الdata types
لو انا عوزة اعرف متغير عبارة عن اسم استخدم معاه wchar_t صح و لا ايه؟

استخدمى معاه []char وده معناه array of charachters وانا متكلمتش عنه علشان بس كنت لسه عايز اشرح يعنى ايه array

في اخر واحد بقى ايه الفرق بين الstring , وwchar_t او ايه العلاقة بنهم؟؟

بصى هو أصلا مفيش فى ال ++C الـ string data type هو موجود فى الـ #C & java ولغات تانية كتير لكن مش فى الـ ++C بالنسبة لل Wchar_t بصراحه انا ما استخدمتوش خالص علشان كده ناسيه مؤقتا ومحتاج بس يكون عندى borland c علشان احاول افتكره بإذن الله

بس فى النهاية عايز اقولك انتطرى بس للدروس القادمة بإذن الله وهنعرف مع بعض ازاى نعررف متغير يحمل اسم بإذن الله


ياريت مكنش بتقل على حضرتك لان شكل حضرتك مشغووووووووول جدا في الشغل

و جزاك الله كل خير:078111rg3:

معلش أنا فعلا بجد مشغول أوى فى الفترة اللى فاتت بس ربنا يسهل إن شاء الله والدرس الجديد يكون قريبا
جزانا الله واياكم كل الخير

كل سنة وانتم طيبين و يا ريت البشمهندس يدينا العدية درس في السريع
كل سنة وانت طيب يا محمود وكل سنة وكل الناس طيبين
وإن شاء الله هيكون فى درس ان شاء الله

ربنا يروق بالك عن قريب يا بشمهندس و بالنسبة لسؤالي السابق انا اقعدت افكر شوية وقلت اني هقسم الرقم اللي اليوزر هيكتبه الى 3 اجزاء : احاد و عشرات و مئات . بمعنى لو اليوزر كتب في خانة الاحاد6 البرنامج يكتب six بينما لو اليوزر كتب 6 في خانة العشرات البرنامج هيكتبها sixty كده يعني بس النظام ده مش هينفع في حالة الارقام من 11 الى 19 لانها اسمها غير مركب (حتة واحدة ) لذلك انا هكتب كل واحد منهم في سطر لوحدة . طبعا انا هستعمل switch في الرنامج ده و انا دلوقتي هبتدي اكتب الكود و لما اخلصه هكتبه . يا ريت تقولي رأيك يا بشمهندس في الفكرة . لاني اظن ان انا بلخبط .

الفكرة تمام يا محمود
توكل وربنا معاك
ولو فى أى حاجه وقفت معاك قولى
.
.

sorry but my name is mohamed not mahmmoud

sorry ya m7amad el3atab 3la elnazar

السلام عليكم

انا بعتذر جدا على التاخير

طيب دلوقتى يا ananoo عرفتى هو موجود ليه ولا ؟؟؟

انا عرفت ان اي كلام بيجي بعد العلامتين دول // يبقى عبارة عن تعليق و ملوش اي علاقة بالكود


لما تحبى تساوى متغير بمتغير أخر بيبقى باستخدام علامة = واحدة مش اتنين لأن اتنين تستخدم فى الشرط ليس فى المساواة
جربى كده وقوليلى ؟؟



فعلا يا بشمهندس كدة الامور مشيت الف شكر:078111rg3:

استخدمى معاه []char وده معناه array of charachters وانا متكلمتش عنه علشان بس كنت لسه عايز اشرح يعنى ايه array



لا دي بقى بصراحة مش عارفة اعملها خالص:(



بصى هو أصلا مفيش فى ال ++C الـ string data type هو موجود فى الـ #C & java ولغات تانية كتير لكن مش فى الـ ++C بالنسبة لل Wchar_t بصراحه انا ما استخدمتوش خالص علشان كده ناسيه مؤقتا ومحتاج بس يكون عندى borland c علشان احاول افتكره بإذن الله

غريبة اوي
اصل احنا اخدنا الstring في الكلية و احنا بندرس الc++ بس كنا بنطبق على الvisual studio و لما حاولت اعملها على الborland منفعش و لما استخدمت wchar_t برده منفعش :angry2:

بس فى النهاية عايز اقولك انتطرى بس للدروس القادمة بإذن الله وهنعرف مع بعض ازاى نعررف متغير يحمل اسم بإذن الله


في انتظار الدروس القادمة ان شاء الله:)


معلش يا بشمهندس انا كان عندي مشكله في برنامج كنت بحاول اعمله عبارة عن ان اليوزر بيدخل 5 ارقام و بعدين يطلع على الشاشة اكبر رقم......
انا كتبت الكود و البرنامج شغال بس مش بيطلع الناتج صح:slap1qk6:

هوري لحضرتك الكود
#include <iostream.h>
#include <conio.h>
void main() //brnamg 3bara 3n ad7'al 5 arkam then print elakbr
{
int x1;
int x2;
int x3;
int x4;
int x5;
int max;
cout<<"plz enter the 5 no. :";
cin>>x1;
cout<<endl;
cin>>x2;
cout<<endl;
cin>>x3;
cout<<endl;
cin>>x4;
cout<<endl;
cin>>x5;
max=x1;
if (x2>=max)
{
max=x2;
}
else if (x3>=max)
{
max=x3;
}
else if (x4>=max)
{
max=x4;
}
else if (x5>=max)
{
max=x5;
}
cout<<"\t\t\t the greatest nunber is:"<<max;
getch();
}


هوة الناتج ديما بيطلع اكبر رقم في اول رقمين بس
و مش عرفة المشكله فين:confused:


و جزاك الله كل خير

السلام عليكم .

كل عام وانتم بخير بمناسبة عيد الاضحى وعارف انها متأخرة بس اسف والله كنت مشغول جدا بسبب الدكاترة ربنا يخليهم لينا .
وربنا يسهل واعرف اجمع الدروس دى . لو مش نفع هجمعهم فى اجازة نصف السنة .ان شاء الله .




الاستاذ احمد ابو بكر عنده الغلطة انه سايب مسافات في السطر بتاع الانكلود يعني المفروض السطر
<include<iostream.h#
و كمان المفروض يبقى يدوس alt +f9 عشان يعمل كومبيلشن للبرنامج قبل ما يعمل رن

المسافات دى مش بتفرق يابشمهندس !:078111rg3:

السلام عليكم

انا بعتذر جدا على التاخير

ولا يهمك يا ananoo

انا عرفت ان اي كلام بيجي بعد العلامتين دول // يبقى عبارة عن تعليق و ملوش اي علاقة بالكود

بالظبط وبيستخدم فى التوضيح يعنى لو أنا بكتب برنامج طويل شوية بيفضل اكتب التعليقات دى بوضح بيها الجزء ده من الكود بيعمل ايه علشان لما احب ارجعله الاقى الدنيا واضحة وكمان علشان لو حد بيكمل بعدى فى البرنامج يبقى مش محتاج أنا أوضحله



لا دي بقى بصراحة مش عارفة اعملها خالص:(

بالنسبة لدى معلش هتستنى معانا للدروس الجاية إن شاء الله

غريبة اوي
اصل احنا اخدنا الstring في الكلية و احنا بندرس الc++ بس كنا بنطبق على الvisual studio و لما حاولت اعملها على الborland منفعش و لما استخدمت wchar_t برده منفعش :angry2:

ايوه الـ string موجود فى الـ visual studio لانه بيشتغل على framework تانى أو مجموعة من الـ libraries مختلفة لكن مش مهم على فكرة اسم الـ datatype ولا حتى النوع احنا هنا بنتكلم فى اساسيات تفكير البرمجة
وبالنسبة للـ wchar_t هتكلم عنه قريب أن شاء الله

في انتظار الدروس القادمة ان شاء الله:)

معلش بالنسبة للدروس الجديدة أنا عارف إنى مقصر شوية بس معلش إن شاء الله عسى أن يكون قريبا

معلش يا بشمهندس انا كان عندي مشكله في برنامج كنت بحاول اعمله عبارة عن ان اليوزر بيدخل 5 ارقام و بعدين يطلع على الشاشة اكبر رقم......
انا كتبت الكود و البرنامج شغال بس مش بيطلع الناتج صح:slap1qk6:

هوري لحضرتك الكود
#include <iostream.h>
#include <conio.h>
void main() //brnamg 3bara 3n ad7'al 5 arkam then print elakbr
{
int x1;
int x2;
int x3;
int x4;
int x5;
int max;
cout<<"plz enter the 5 no. :";
cin>>x1;
cout<<endl;
cin>>x2;
cout<<endl;
cin>>x3;
cout<<endl;
cin>>x4;
cout<<endl;
cin>>x5;
max=x1;
if (x2>=max)
{
max=x2;
}
else if (x3>=max)
{
max=x3;
}
else if (x4>=max)
{
max=x4;
}
else if (x5>=max)
{
max=x5;
}
cout<<"\t\t\t the greatest nunber is:"<<max;
getch();
}


هوة الناتج ديما بيطلع اكبر رقم في اول رقمين بس
و مش عرفة المشكله فين:confused:


و جزاك الله كل خير

أقولك أنا المشكلة فين

المشكلة إنك استخدمتى الـ condition statement if بشكلها الإبدالى if else ودى معنها إنه لو شرط أول if اتحقق مش هيدخل الباقى لأن الباقى بما إنه مسبوق بـ else يبقى معناه إنه بديل للتانى بس بما إنه دخل فى الأول يبقى مش هيدور على البديل فاهمه حاجه ؟؟

حاسس إنها مش واضحه
بصى إحنا قولنا إن if else معناها لو الشرط اتحقق يبقى تنفذ اللى جوه if لو مش متحقق يبقى تدور على اللى بعدها
بس فكرة الـ nested if else معناها إنه هيدور على أول شرط يدخله وبعدين مش هيكمل يعنى فى حالتك هيشوف لو x2 اكبر من max هيدخل هنا ومش هيكمل لو مش أكبر منه أو يساويه هيشوف اللى بعده لو دخل هينفذ اللى جواه وبردوه مش هيكمل لان اللى بعده كله يعتبر بديله وبما إنه لقى الاصل يبقى مش هيدور على البديل فهمتينى ؟؟

طيب الحل ايه بقى الحل إن فى حالتك بلاش تستخدمى else هى if بس يعنى تشوفى x2 هل هو أكبر من max ولا لاأ وتنفذى الكود وبعدين تشوفى x3 من غير else وبعدين x4 بردوه من غير else وهكذااااأ
أنا برغى كتيير ليه الفرق فى الكود هيبقى الجزا ده


max=x1;
if (x2>=max)
{
max=x2;
}
if (x3>=max)
{
max=x3;
}
if (x4>=max)
{
max=x4;
}
if (x5>=max)
{
max=x5;
}



جزانا الله واياكم كل الخير


السلام عليكم .

كل عام وانتم بخير بمناسبة عيد الاضحى وعارف انها متأخرة بس اسف والله كنت مشغول جدا بسبب الدكاترة ربنا يخليهم لينا .
وربنا يسهل واعرف اجمع الدروس دى . لو مش نفع هجمعهم فى اجازة نصف السنة .ان شاء الله .


!

كل سنة وانت طيب يا أحمد
وربنا معاك فى الكلية وفى تجميع الدروس ولو احتجت أى حاجه اسأل فى أى وقت

جزاك الله خيرا

كدة الامور وضحة تمام

وفي انتظار الدروس القادمة................

كل سنة وحضرتك طيب يا باشمهندس

وفي انتظار الدرس القادم ان شاء الله

جزاك الله خيرا

كدة الامور وضحة تمام

وفي انتظار الدروس القادمة................

الحمد لله
إن شاء الله قريبا

كل سنة وحضرتك طيب يا باشمهندس

وفي انتظار الدرس القادم ان شاء الله

كل سنة وانتى طيبة يا همس
وإن شاء الله ربنا يقدرنى وانزل الدرس الجديد قريبا

السلام عليكم ورحمة الله وبركاته
أنا عارف إنى إتأخرت كتير والناس ملت من الإنتظار بس بجد معلش ظروف شغلى مش مديانى أى وقت أكتب فيه الدرس الجديد ... عموما النهاردة نرجع بإذن الله بدرس جديد ويلا نبدأ
بسم الله
أخر كلامنا المرة اللى فاتت كان عن حاجه لذيذة كده وبنت حلال إسمها الـ loops واتكلمنا عن أحد أنواعها اللى هو while loop وقلنا إيه فايدته وشغال إزاى وقلنا كمان إن فى كمان نوعين مهمين جدا من الـ loops هنتكلم فيهم النهادرة بإذن الله ونبدأ بأولهم do while loop وده اللى استخدمته همس فى حل سؤال سابق ..
إحنا قولنا عن while loop إنه بيختبر شرط معين وبيشوف طول الشرط ما هو متحقق هو هيفضل شغال لغاية الشرط ما تكون نتيجته false والفرق بقى بينه ويبن do while loop إن do while loop بيقول نفذ الكود ده وبعدين شوف الشرط لو متحقق ارجع نفذ الكود تانى لغاية ما الشرط يكون مش متحقق ... حد فاهم حاجه ؟؟؟
طيب خلينا نشوف الأخ ده شغال ازاى ونقول مثال ونوضح أكتر
ده شكل الـ، do while loop

do{
// some code
}while(condition);

يعنى do معناها ده بداية الكود اللى عايزين ننفذه أكتر من مرة بناءا على الشرط اللى موجود فى النهاية وبعدين يبدأ ينفذ الكود اللى جوه ويوصل عند while يشوق الـ condition بتاعتها لو true يرجع ينفذ الكود تانى لو false يبقى خلاص ويكمل باقى البرنامج وده معناه إن الكود اللى جوه do while هيتنفذ مرة واحدة على الأقل حتى لو كان الـ condition نتيجته false من الأول خالص على عكس while loop لو الشرط فى البداية مش متحقق يبقى مش هينفذ الكود اللى جواه خالص ... يارب يكون حد فهم حاجه ؟
وخدوا بالكم من الـ semicolon اللى فى الآخر بعد الـ while(condition) بتتنسى علطول
نشوف مثال بردوه توضيحى

#include <iostream>
#include<conio.h>
int main()
{
int x;
x = 0;
do {
// "Hello, world!" is printed at least one time
// even though the condition is false
cout<<"Hello, world!\n";
} while ( x != 0 );
getch();


حد يقوللى نتيجة الكود ده إيه ؟؟؟
أنا هقولكم أنا
فى البداية بنعرف variable اسمه x وبنديله قيمة صفر وبعدين بنبدأ do while loop وبنطبع على الشاشة hello world وبعدين نشوف الشرط بتاع التكرار x!=0 أو x لا تساوى صفر هل الكلام ده صح لا طبعا نتيجة الشرط ده false لان x فعلا بتساوى صفر يبقى مش هيرجع ينفذ الكود ده تانى وكده ينهى البرنامج طيب فين التكرار بقى ؟
محصلش هنا أى تكرار لأن نتيجة الشرط كانت false لكن الكود اتنفذ مرة واحده على الأقل لكن لو استخدمنا while loop مع نفس المثال الكود مش هتينفذ خالص لأنه بيعتمد على الشرط فى البداية يعنى البرنامج بيشوف الـ condition الاول لو نتيجته false مش هينفذ الكود خالص .... تمام كده
راجعوا المثال اللى عملته همس قبل كده ولو مفيش حاجه فيه واضحه اسألوا بس إن شاء الله يكون واضح

وكده يكون انتهى الـ do while loop وييجى دور نوع أخر من أنواع loops وهو for loop ....

طيب نبدأ نقول بقى معنى الأخ for loop ايه بس خلونا الأول نقول شكله إيه

for ( variable initialization; condition; variable update ) {
Code to execute while the condition is true
}



بيبدأ الـ loop بكلمة for وبنفتح قوس وبنعرف variable ونديله قيمة ابتدائية ولازم يكون له قيمة ابتدائية وبعدين semicolon اللى هى دى (;) وبعدين نقول الشرط اللى طول ما هو متحقق يتنفذ الـ loop وبردوه بعده semicolon وبعدين على نفس الـ variable اللى اديناله قيمة ابتدائية فى الأول نقول الـ varaible ده هيتغير ازاى وعلى اساس التغير ده قيمة الشرط هتتغير سواء من true إلى false أو العكس وعلى اساسه هيتحدد يكرر تنفيذ الكود ولالأ وبعدين نفتح قوس { ونكتب الكود اللى عايزينه يتغير وبعدين نقفل القوس تانى} وتبقى دى نهاية الـ loop
طبعا مش واضح أوى الكلام صح ؟؟؟
طيب خلينا نقول مثال ونوضح عليه الكلام ده
هنقول مثال بسيط بنستخدمه دايما فى توضيح فكرة الـ loop ونقول بنستخدم الـ for loop علشان نستعمله ازاى وهناخد نفس المثال اللى خدناه من شوية وهو لو عايزين نكتب كلمة hello world عشر مرات على الشاشة نعمله ازاى ؟؟؟
طبعا عرفنا إزاى نعمله باستخدام while & do while loops وهنقول دلوقتى نعمله ازاى باستخدام for loop


for(int x=1; x<=10; x++)
{
cout<<x<<" - Hello World \n";
}


أنا مكتبتش البدايات بتاعة الكود ونهايته علشان طبعا انتوا عارفين شكلها ايه انا بس ركزت على الـ for loop
وخلينا نمشى معاه فى البداية قلنا for وفتحنا قوس من ده ( وبعدين عرفنا variable اسمه x واديناله قيمة ابتدائية اللى هى 1 و semicolon وبعدين قولناله الشرط اللى هو لو x <=10 إكس اقل من أو تساوى عشرة يعنى طول ما الشرط ده متحقق ادخل الكود ونفذ وبعدين قولناله ++x ودى معناها زود قيمة x بواحد وبعدين كتبنا جوه الأقواس اطبع على الشاشه قيمة x وجنبها كلمة hello world وانزل سطر جديد وقفلنا القوس
أنا ركزت أوى فى شكل الكتابه وشرحته واحده واحده علشان محدش يتلخبط فيه
نيجى بقى نقول البرنامج هيمشى فى الـ loop ده ازاى
الل هيحصل إن البرنامج هيعرف الـ variable x ويديلة القيمة الإبتدائية بتاعته واحد وبعدين يشوف الشرط لو نتيجته true يدخل ينفذ الكود لو false هيوقف ومش هينفذ الكود اللى جوه طبعا نتيجة الـشرط true لأن الواحد أقل من العشرة يبقى هيدخل ينفذ الكود وهو إنه يطبع على الشاشه 1- Hello World وينزل سطر جديد وبعدين هيروح ينفذ الـ variable update يعنى هيروح عل الجزء بتاع ++x ويزود x بواحد يعنى تبقى قيمة x اتنين ويروح يشوف الشرط تانى طبعا الإتنين اقل من العشرة يبقى النتيجة true يبقى هينفذ الكود تانى ويطبع 2- Hello World وينزل سطر جديد ويرجع للـ variable update ويزود x بواحد يعنى تبقى تلاته ويشوف الشرط وينفذ الكود وهكذا لغاية ما تبقى قيمة x بـ 11 وبكده تكون قيمة الشرط بـ false يوقف تنفيذ الكود ويخلص الـ loop ويشوف اللى بعده .......... واضح كده ؟؟؟
معلش أنا معنديش ++C هنا علشان كده مش عارف اوريكوا النتايج بس طبقوا انتوا بقى وورونى

بالنسبة للـ homework بصراحه مش قادر أفكر فى حاجه دلوقتى ده quiz صغير وسهل من على النت حلوه


1. What is the final value of x when the code int x; for(x=0; x<10; x++) {} is run?
A. 10
B. 9
C. 0
D. 1
2. When does the code block following while(x<100) execute?
A. When x is less than one hundred
B. When x is greater than one hundred
C. When x is equal to one hundred
D. While it wishes
3. Which is not a loop structure?
A. for
B. do while
C. while
D. repeat until
4. How many times is a do while loop guaranteed to loop?
A. 0
B. Infinitely
C. 1
D. Variable



وبكده ينتهى درسنا الـ loops يارب تكون واضحه وسهله ويارب اكون وفقت فى شرحها ولو فى أى اسئلة أو تعليقات منتظرها بإذن الله
شكرا ومتأسف مرة تانية على التأخير
.
.

السلام عليكم

بجد انا سعيدة جدا انا الدرس الجديد نزل لاني كنت فعلا قربت افقد الامل

الحمد لله الدرس مفهوم بالنسبة لية
و حليت الquiz
1-A
2-A
3-D
4-D
مش عرفة صح كدة و لا ايه؟؟؟؟؟؟؟؟

بس كان عندي سؤال برة الدرس ده

انا لما بكتب كود جديد بفتح البرنامج و اجيب من FILE --->NEW --->TEXT EDIT

و بعدين بعمل SAVE لما بخلص باي اسم المهم ان اللي بيحصل ان بيبقى موجود كذا FILE بنفس الاسم بس الاكستنشن مختلف
يعني بيبقى في واحد اخره EXE ده البرنامج نفسه و واحد اخره CPP ده بيبقى الكود في تانين بقى مش بعرف افتحهم اصلا و مش عرفة دول يبقوا ايه؟؟؟؟؟؟؟؟؟

انا مش عرفة هوة اللي انا بعمله صح و لا ايه؟

بس كدة و جزاك الله كله خير
و ربنا يوفقك في شغلك ان شاء الله

ياااااااااه اخيرا

بجد مش مسداة نفسي

ربنا يكون في عون حضرتك يا باشمهندس


بس هطلب من حضرتك طلب صغير اوي

ان حضرتك مش تنزل دروس تاني لحد ما نآخد الاجازة عشان نتابع وكدا

وتبقى فرصة حضرتك تستريح مننا شوية

هههههههههههه

انا عن نفسي اجازتي هآخدها يوم 24\1 ان شاء الرحمن

طبعا دا بعد ما الباشمهندسين الي متابعين الكورس معايا يوافقوا

ان شاء الله اطبق الدرس

وجزاك الله خيرا على المجهود الي حضرتك بتبذله معانا

السلام عليكم

بجد انا سعيدة جدا انا الدرس الجديد نزل لاني كنت فعلا قربت افقد الامل

معلش بقى أنا عارف إنى اتأخرت عليكم كتيير بس مش بإيدى معلش :(

الحمد لله الدرس مفهوم بالنسبة لية

الحمد لله

و حليت الquiz
1-a
2-a
3-d
4-d
مش عرفة صح كدة و لا ايه؟؟؟؟؟؟؟؟

مش هقول دلوقتى لما نشوف باقى الإجابات إن شاء الله :)

بس كان عندي سؤال برة الدرس ده

فى أى وقت تحبى تسألى اسألى مش لازم اكون نزلت درس جديد علشان تسألى

انا لما بكتب كود جديد بفتح البرنامج و اجيب من file --->new --->text edit

و بعدين بعمل save لما بخلص باي اسم المهم ان اللي بيحصل ان بيبقى موجود كذا file بنفس الاسم بس الاكستنشن مختلف
يعني بيبقى في واحد اخره exe ده البرنامج نفسه و واحد اخره cpp ده بيبقى الكود في تانين بقى مش بعرف افتحهم اصلا و مش عرفة دول يبقوا ايه؟؟؟؟؟؟؟؟؟

انا مش عرفة هوة اللي انا بعمله صح و لا ايه؟

صح وتمام الله ينور
بالنسبة للـ fiels دى هى عباره عن file تنفيذيه الـ compiler بيعملها اثناء التنفيذ وأهمها طبعا واللى إحنا عايزينه هو الـ file.cpp لأن ده اللى فيه الكود وبالنسبة للـ file.exe ده الـ file التنفيذى اللى لما تحبى تنفذى البرنامج من غير ما تفتحى الـ boralnd c تشغليه منه وباقى الملفات ممكن تحذفيها عادى

بس كدة و جزاك الله كله خير
و ربنا يوفقك في شغلك ان شاء الله
جزانا الله وإياكم كل الخير ويارب يوفقنا جميعا إن شاء الله
ياااااااااه اخيرا

بجد مش مسداة نفسي

صدقوا يا جماعه صدقوا الحمد لله أنا لسه حى أرزق :)

ربنا يكون في عون حضرتك يا باشمهندس


بس هطلب من حضرتك طلب صغير اوي

ان حضرتك مش تنزل دروس تاني لحد ما نآخد الاجازة عشان نتابع وكدا

وتبقى فرصة حضرتك تستريح مننا شوية

هههههههههههه

انا عن نفسي اجازتي هآخدها يوم 24\1 ان شاء الرحمن

طبعا دا بعد ما الباشمهندسين الي متابعين الكورس معايا يوافقوا

ان شاء الله اطبق الدرس

وجزاك الله خيرا على المجهود الي حضرتك بتبذله معانا

بالنسبة لموضوع تأجيل الدروس ده براحتكوا طبعا لو وافقتوا كلكم عليه أنا معنديش أى مانع وأنا لو لقيت نفسى فاضى شوية وفى وقت اكتب درس جديد هكتبه عندى لما تخلصوا وبعدين ننزله
جزانا الله وإياكم كل الخير يا همس

السلام عليكم وحمة الله وبركاتة


اولا :مش عارف اقول اية علي الشرح الجميل بجد دة اكني قاعد في سكشن البرمجة اية الجمال دة

ثانيا : نسيت اعرف نفسي محمد محمود كلية حاسبات ومعلومات ج عين شمش

ثالثا : انا قريت الشرح من اول درس لاخر درس وفهمت كل شئ شكرا علي الشرح الوافي

بس ياريت مش تتاخر في الدروس الجميلة دي

واسف انا مش موافق علي تاجيل الدروس

بس بعد اذنك عندنا امتحانات

يعني ايه مش موافق ؟؟؟

يعني نسيب المذاكرة ونتابع الكورس مثلا ؟؟

معلش يعني ياريت نفكر في غيرنا ومش نفكر في نفسنا وبس

الكورس هيقف وهيكمل مش هيقف للابد

بس لو كمل دلوقتي

هيفوت عليا جزء كبير جدا

ومش هقدر اطبقه كله مرة واحدة

عموما لو حضرتك مش موافق
فانا منسحبة من الكورس

واسفة اني بقول كدا

السلام عليكم
ماشاء الله عليكم مجهوود راائع
شكرا يا ياباش مهندس محمد
وياريت تكملوا المحاضرات بس بعد الراحه الا هتخدوها بس ما تتاخروش عن 24/1 لانه بجد كورس ممتع
وانا هنضم للكورس دا بعد اذنكم طبعا لانى برده باخد برمجه بلغه ++c فى جامعتى(النيلين :excl:)ودى جامعه فى السودان:blush: لانى لقيت اسلوب الشرح رائع ولغايت لما تخلص الاجازه اكون رجعت الا انتم اخدتوا :049gc0:ان شاء الله

السلام عليكم

انا بصراحة من رايي ان احنا ناجل شويه لحد الامتحانات تخلص
انا هخلص 28
ممكن تبدأوا بدري و ان شاء الله ممكن اقدر الحقكم

طيب لما تحبوا ابدأ حد بس يبعتل رساله علشان مش بدخل كتيير

ان شاء الله يا باشمندس تحت أمرك:)

السلام عليكم

ايه الاخبار يا جماعة؟؟؟؟؟؟؟
مستعدين عشان نكمل الدروس و لا ايه النظام؟؟؟؟؟؟؟

انا خيفة الاجازة تعدي من غير ما ناخد حاجة :(

السلام عليكم :
ازيكم يا جماعة يارب تكون الامتحانات تمام .

انا مستعد عشان نكمل . كده الاجازة هتخلص من غير حاجة .

السلام عليكم

ده ياباشمهندس واجب درس switch case انا مكونتش فاهمه ولكن الحمدلله فهمته وطبقت عليه تمام .

اولا : الكود
#include<iostream>
#include<conio>
int main()
{
cout<<"\n\nThis is a small calculator to perform the selected operation on choosed numbers";
int input;
int frst ;
cout<<"\n\nEnter First number : ";
cin>>frst;
int second;
int r;
cout<<"\n\n - For sum Enter 1";
cout<<"\n - For subtract Enter 2 ";
cout<<"\n - For multiply Enter 3 ";
cout<<"\n - For division Enter 4 ";
cout<<"\n\nselected operation to be performed : ";
cin>>input;
switch(input)
{
case 1:
{
cout<<"\nEnter second number : ";
cin>>second;
r= frst +second;
cout<<"\n\nThe result = " <<r;
break;
}
case 2 :
{
cout<<"\nEnter second number : ";
cin>>second;
r= frst - second;
cout<<"\n\nThe result = " <<r;
}
case 3 :
{
cout<<"\nEnter second number : ";
cin>>second;
r=frst*second;
cout<<"\n\nThe result = " <<r;
break;
}
case 4 :
{
cout<<"\nEnter second number : ";
cin>>second;
r=frst/second;
cout<<"\n\nThe result = " <<r;
break;
}
default:
{
cout<<"\n\nError, bad input";
break;
}
}
cout<<"\n\n\t\t\tBy *** AHMED ABOBAKR ***";
cout<<"\n\t\t\t*** FCI @ CAIRO UNIVERSITY *** ";
getch();
}

ثانيا : تحميل البرنامج (http://[URL]http://up1.m5zn.com/download-2009-2-5-11-g091uf11l.rar)

السلام عليكم

الاجازة كدة خلصت من غير منعمل حاجة :( :(

عاوزين بجد نكمل الدروس هتفرق معايا كتير في الدراسة

في انتظار اي تطورات :)

بسم الله الرحمن الرحيم
بداية أهلا ومرحبا بكم أعزائى واتمنى تكونوا انهيتم الترم الأول على خير الحمد لله وأهلا بكم فى النصف الثانى من العام الأول وإليكم الدرس الجديد ....
دلوقتى بعد ما كنا اتكلمنا عن الـ variables, conditional statements & loops بأنواع كل الحاجات دى مفروض دلوقتى هنتكلم عن درس جديد اسمه الـ functions وهنتكلم ازاى نعملها وازاى نستخدمها .. واحنا بالفعل استخدمنا نوع منها بيتمثل فى شكل الـ main واحنا قولنا قبل كده إن الـ main دى هى الـ function الرئيسية فى البرنامج اللى بيبدأ منها ... طيب إيه بقى function دى ؟؟؟
عامة بنعرف الـ functions على إنها block of code أو جزء كده من الكود على بعضه (هو يعنى إيه block بالعربى؟؟) عبارة عن مجموعة commands بتنفذ هدف معين. طيب شكلها إيه بقى طنط function دى ؟؟؟ أقولكم أنا شكلها إيه ؟؟ هى حلوة ولذيذة كده وبنت حلال وبتتكون من جزئين :
1- Prototype
2- Body
مصدقنا خلصنا من function يطلعلنا بـ prototype و body ؟؟؟
هنقول كل ده إن شاء الله حالاً .... بصوا بقى إحنا نمسك كل حاجه لوحدها أولا نشوف الـ prototype ده هو تعريف الـ function اللى الـ compiler هيبص عليه ويعرف الـ function دى بيه طيب عبارة عن إيه الـ prototype ده ولا يبقى ازاى ولا شكله إيه ؟؟
نقول بردوه .... هو عبارة عن 3 أجزاء ... أول جزء مهمته بيقول للـ compiler الـ function دى هترجع إيه ؟؟ أو إيه النوع اللى هترجعه أو إيه ال datatype اللى هترجعه . وده واحد من الـ datatypes اللى خدناها قبل كده ولو مش عايزينها ترجع حاجه بنقوله keyword اسمها void والأخت void دى معناها إن الـ function دى هتنفذ الكود اللى جواها بس مش هترجع حاجه تمام كده ؟؟؟
طيب هو يعنى ايه اصلا الـ function بترجع حاجه ؟؟
ده معناه إن الـ function دى هتنفذ كود وتكون نتيجة الـ function دى كلها variable من الـ data type اللى احنا قولناله انها هترجعه أو ممكن نقول بكل بساطه إن مجمل الـ function دى هيساوى قيمة المتغير اللى راجع ومن نوعه كمان. هنشوف كل ده بالتوضيح مع الأمثلة إن شاء الله.
الجزء التانى بقى .. هو إسم الـ function دى وبنسميها زى ما احنا عايزين بس يفضل يكون اسم معبر عنها يعنى اسم لما اقراه كده افهم هى عايزه ايه أو بتعمل ايه بس طبعا ليك مطلق الحرية تسميها زى ما انت عايز بس الإسم مفيش فيه مسافات بس ... حلو الجزء التانى مش كده ؟؟
طيب الجزء التالت بقى بيقول إيه ؟؟ بيقول ايه الـ arguments أو (مش عارف يعنى ايه بالعربى بردوه) المهم دى القيم اللى ممكن نباصيها للـ function دى أو نبعتهالها تنفذ عليها الكود بتاعها وترجعلنا نتيجة أو مترجعش هى حرة بقى حسب الجزء الأول ما قالها
تمام كده ؟؟ ده الـ prototype
أما بقى الـ Body فهو بنفتح قوسين مجموعة وبنكتب بينهم أى شوية code وكده تبقى خلصت الـ function كلام جميل ؟؟
طيب ناخد مثال بسيط جدا ونقول إننا عايزين نعمل function بتضرب رقمين صحيحين فى بعض وبترجع الناتج ونشوف شكلها هيبقى ازاى

#include <iostream.h>
#include <conio.h>
Int Multiply(int firstno, int secondno)
{
Int result = firstno * secondno;
Return result;
}
Void main(void)
{
Int x;
Cout<<”enter the first no. : “;
Cin<<x;
Int y;
Cout<<”enter the second no. : “;
Cin<<y;
Int z = Multiply(x,y);
Cout<<”the result is : “<<z;
Getch();
}

طيب تعالوا بقى نشوف الموضوع ده ايه ونتكلم واحده واحده, طبعاً أول سطرين احنا عارفين بتوع ايه ندخل فى اللى بعد كده وده هيبقى أول جزء فى الـ function بتاعتنا وهو الـ prototype وقلنا إن الـ prototype بيتكون من 3 اجزاء وهى أول حاجه الـ return datatype أو هى الـ function دى هترجع ايه ؟ وزى ما قلنا إننا عايزين نعمل function بتضرب رقمين صحيحين فى بعض فالنتيجة هتكون أيضا رقم صحيح ولذلك قلنا إن الـ function دى هترجع حاجه من نوع int أو إن الـ datatype اللى راجع هيبقى int . طيب ولو مش عايزين الـ function دى ترجع حاجه قولنا نعمل ايه ؟؟ نكتب مكان الـ int datatype كلمة void ودى معناها إن الـ function مش هترجع حاجه.
ده كان أول جزء فى الـ prototype طيب تانى جزء للـfunction ايه ؟؟ قلنا هو اسم الـ function وده اللى احنا هناديها بيه فى أى مكان واحنا هنا سميناها Multiply .... تمام ؟؟
طيب الجزء الثالث إيه هو بقى ؟؟
قلنا إنه ايه هى الـ arguments اللى هنباصيها للـ function دى أو إيه المتغيرات اللى محتاجاها الـ function دى , وبما إننا عايزينها ترجع لنا حاصل ضرب رقمين صحيحين يبقى لازم نباصيلها الرقمين الصحيحين دول وإلا هى هتجيبهم منين؟
وبنكتب الـ arguments دى بالشكل اللى شوفناه وهو بنفتح قوس بعد اسم الـ function ونكتب الـ datatype ومسافه واسم الـ variable وبعدين "," وهكذا الـ argument الثانى والثالث وأى عدد .... طيب لو مش عايزين نباصى للـ function دى حاجه نعمل ايه ؟؟؟ نفتح القوس ونقفله وخلاص وكده يبقى الـ prototype انتهى ... تمام؟؟
نيجى بقى للجزء الثانى من الـ function وهو الـ body .... وقلنا بنفتح قوسين مجموعة وبينهما الكود اللى عايزينه يتنفذ ... وهنا المثال واضح جدا بيعرف variable اسمه result وبيساويه بحاصل ضرب الأرقام اللى جاياله وبكون يكون عندنا حاصل ضرب الرقمين المطلوبين ... طيب نرجع النتيجة دى ازاى بقى ؟؟؟ هى دى الجملة الجديدة فى الموضوع وهى إننا بنقوله return وبعدها الـ variable اللى عايزين نرجعه... كويس كده ؟؟؟
وبعدين قوس المجموعة اتقفل وده معناه إن الـ function خلصت خلاص ..
ونكمل هنلاقى بعد كده الـ main بتاعتنا ودى بردوه زى ما قلنا هى اصلا عباره عن function ولو راجعناها زى اللى فاتت هنلاقى إنها بردوه بتتكون من prototype وهو عباره عن 3 اجزاء أول جزء هى مفروض ترجع ايه وقلنا إنها مش هترجع حاجه علشان كاتبين void وبعدين اسم الـ function وهو main وبعدين مش هنباصيلها arguments زى ما شايفين القوسين الفاضيين ... وبعدين الـ body والكلام اللى جواه عادى جدا مفيش جديد غير ازاى هننادى على الـ function بتاعتنا وده كان بالشكل ده ... Multiply(x,y) .... وساوينا النتيجة بالمتغير z اللى هو من نفس نوع الـ return type .... يعنى زى ما قلنا هنا الـfunction كلها على بعضها حلت محل قيمة للمتغير z ...
إذن احنا علشان ننادى الـ function بنكتب اسمها ونفتح قوسين وبينهم نباصى الـ arguments بتاعتها ولاحظوا إنها لازم تكون من نفس نوع الـ arguments اللى احنا معرفينها فى الـ function فوق ...
طيب السؤال دلوقتى بقى ؟؟؟ يا ترى خط سير البرنامج ده هيبقى ازاى ؟؟؟ أو ازاى الـ compiler هينفذ البرنامج ده ؟؟؟؟
إحنا قولنا قبل كده إن الـ compiler علشان ينفذ اي برنامج بيدور على الـ main function بتاعته ويبدأ ينفذ من عندها واللى هيحصل فى حالتنا إنه هيوصل للـ main ويعرف المتغير x ويطلبه من اليوزر وهكذا الـ y وبعدين يعرف z وينادى الـ multiply function بتاعتنا وهنا ينتقل للـ function ويبدأ ينفذ وياخد معاه قيمة الـ arguments اللى الـ function محتاجاها وهى قيمة x,y ويبدأ ينفذها فهياخد قيمة x يحطها فى الـ firstno وياخد قيمة y يحطها فى الـ secondno وبعدين يعرف result ويساويه بحاصل ضرب القيمتين ويرجع النتيجة وأول الـ compiler ما يقابل return ياخد علطول الناتج وينهى الـ function ويرجع من مكان ما جه وهو عند السطر اللى كان بينادى فيه عليها ويكون معاه النتيجة يساوى بيها المتغير z وينتقل للسطر اللى بعده , فيطبع z على الشاشه ويستنى امر علشان يقفل وكده انتهى البرنامج ..... حد فاهم حاجه ؟؟؟؟؟؟؟؟ يارب يكون حد فهم....
طيب بكده انا انتهيت من الكلام النهارده ومستنيكم تقولولى فهمتم حاجه ولا لأ علشان هنشوف بقى اشكال تانيه للـ function واختلافات اخرى وملاحظات وهكذا .. إلخ إلخ إلخ...
شكرا وإلى لقاء فى حلقة قادمة إن شاء الله....

السلام عليكم

الدرس جميل جدا ما شاء الله

الحمد لله انا فهمته كله بس في حاجة في الكود عاوزة اتأكد منها اللي هية:

void main (void)

حضرتك في الشرح بتقول ان مفيش حاجة جوة القوس بس هوة في :)
انا لما جيت اعمل البرنامج كان مفيش فرق سواء كنت كتبها او مش كتبها
بس هل هوة فعلا مفيش فرق؟؟؟

و جزاك الله كل خير

الحمد لله ان الدرس كان واضح واتفهم

وبالنسبة لسؤالك هو فعلا مفيش فرق لأن احنا قلنا اصلا ان كلمة void معناها ولا حاجه يعنى بقول انه الـ function دى مش هتاخد parameters يعنى بالظبط كأنى فتحت القوس وقفلته ان مفيش حاجه هنباصيها بردوه
وعلى فكرة نفس الكلام يمشى على void اللى فى بداية الـ prototype اللى هى بتقول ان الـ function دى مش هترجع حاجه ممكن منكتبهاش اصلا وهتدى نفس المعنى ومش هتفرق

جزانا الله واياكم كل الخير

السلام عليكم و رحمة الله و بركاته

هوة ايه اللي حصل ليه الدروس وقفت ؟؟!!!:confused:
انا كل يوم تقريبا بخش اشوف لو حد رد في الموضوع بس مفيش اي جديد (بقالي شهر على الحال ده)

نفسي نرجع بالنشاط اللي كنا علية في اول دروس :)

ايه يا جماعه مش هتكملوا الدروس ولا ايه ده انا مسجل مخصوص عشان البرمجه

السلام عليكم و رحمة الله و بركاته

هوة ايه اللي حصل ليه الدروس وقفت ؟؟!!!:confused:
انا كل يوم تقريبا بخش اشوف لو حد رد في الموضوع بس مفيش اي جديد (بقالي شهر على الحال ده)

نفسي نرجع بالنشاط اللي كنا علية في اول دروس :)

بس بعد اذنك عندنا امتحانات

يعني ايه مش موافق ؟؟؟

يعني نسيب المذاكرة ونتابع الكورس مثلا ؟؟

معلش يعني ياريت نفكر في غيرنا ومش نفكر في نفسنا وبس

الكورس هيقف وهيكمل مش هيقف للابد

بس لو كمل دلوقتي

هيفوت عليا جزء كبير جدا

ومش هقدر اطبقه كله مرة واحدة

عموما لو حضرتك مش موافق
فانا منسحبة من الكورس

واسفة اني بقول كدا
فى ايه يا بنتى اهدى شويه حصل خير :) :)

مشكور مشكور مشكور مشكور

:giljotiiniug3::giljotiiniug3::giljotiiniug3::039u w8: :040vk0:

مشكوووووووووور

دى عشان الموضوع يطلع فى الصفحة الاولى وطلاب سنة اولى يتفيدوا منه

بسم الله الرحمن الرحيم
السلام عليكم و رحمة الله و بركاته
أطلب إذن نقل الموضوع ده و معظم الردود خصوصاً بتاعة أستاذ msamido
و يا ترى هو من المسموح ولا لأ نقل أي موضوع مع كتابة اسم صاحب الموضوع و الرابط الأصلي للموضوع و منتدى بوابة الثانوية العامة؟
السلام عليكم و رحمة الله و بركاته

السلام عليكم

ياريت الموضوع الرائع ده يتثبت عشان الناس كلها تستفيد منه..
وياريت لو حد بيقرى الدروس وعنده اساله يسال واي حد ان شاء الله ممكن يجاوب عليه

السلام عليكم

ياريت الموضوع الرائع ده يتثبت عشان الناس كلها تستفيد منه..
وياريت لو حد بيقرى الدروس وعنده اساله يسال واي حد ان شاء الله ممكن يجاوب عليه


اؤيد بشدة تثبيت الموضوع دا لانه فرق معايا جدا فى سنة اولى

واتمنى ان كل الناس ال داخله سنة اولى تهتم بيه

نبدأ بقى ونقول إن لكل لغة برمجة ما يسمى بالـ compiler وهو ما يقوم بتحويل الكود المكتوب إلى لغة الكومبيوتر ده معناه الفلسفى والنظرى وأيضا هناك لكل لغة ما يسمى بالـ Editor وهو البيئة التى نكتب فيها الكود وإن كان هناك بعض اللغات ليس لها Editor حيث من الممكن أن تكتب الكود فى text file عادى .
بالنسبة للـ ++C فلها أكثر من Editor لكن انا بفضل نستخدم ++ Borland C ده اللينك بتاعه :

معلش أنا قديم شوية ولسه بادئ في الدرس الأول ،
أولاً اللينك اللي حضرتك كاتبه كل ما أضغط عليه يكتبولي في الموقع The file link that you requested is not valid. فهل ممكن لينك تاني أحمل منه ++Borland C ، لأني بحثت كتير ومش عارف أنزله ، وهل فيه Editor تاني غيره ممكن أستخدمه ، أرجو أن يتسع صدركم لأسئلتي ، مع جزيل الشكر وكل سنة وانتم طيبين

نبدأ بقى ونقول إن لكل لغة برمجة ما يسمى بالـ compiler وهو ما يقوم بتحويل الكود المكتوب إلى لغة الكومبيوتر ده معناه الفلسفى والنظرى وأيضا هناك لكل لغة ما يسمى بالـ Editor وهو البيئة التى نكتب فيها الكود وإن كان هناك بعض اللغات ليس لها Editor حيث من الممكن أن تكتب الكود فى text file عادى .
بالنسبة للـ ++C فلها أكثر من Editor لكن انا بفضل نستخدم ++ Borland C ده اللينك بتاعه :

معلش أنا قديم شوية ولسه بادئ في الدرس الأول ،
أولاً اللينك اللي حضرتك كاتبه كل ما أضغط عليه يكتبولي في الموقع The file link that you requested is not valid. فهل ممكن لينك تاني أحمل منه ++Borland C ، لأني بحثت كتير ومش عارف أنزله ، وهل فيه Editor تاني غيره ممكن أستخدمه ، أرجو أن يتسع صدركم لأسئلتي ، مع جزيل الشكر وكل سنة وانتم طيبين

ممكن تجرب اللينك ده
http://www.monova.org/details/1580844/BORLAND%20C%2B%2B%205.02%20FOR%20WINDOWS%09.html

بالتوفيق ان شاء الله:)

أنا في الدرس الثاني ومش عارف أعمل الواجب ، فيه مشكلة بتحصل معايا مش عارف إيه حلها
http://www10.0zz0.com/2011/08/14/15/701911786.png (http://www.0zz0.com)
يا ترى فين الغلط ? أرجو المساعدة ، مع جزيل الشكر

أنا في الدرس الثاني ومش عارف أعمل الواجب ، فيه مشكلة بتحصل معايا مش عارف إيه حلها
http://www10.0zz0.com/2011/08/14/15/701911786.png (http://www.0zz0.com)
يا ترى فين الغلط ? أرجو المساعدة ، مع جزيل الشكر


الكود كدة تمام ما شاء الله عليك
مش اقدرة الفهم الerror بالضبط
بس حاول تعمل new file وتنقل الكود ده فيه وان شاء الله الموضوع يتحل
لو جه في بالك اي سؤال حتى لو برة الدرس اسال هنا وان شاء الله اجوبك عليه

بالتوفيق ان شاء الله

أنا في الدرس الثاني ومش عارف أعمل الواجب ، فيه مشكلة بتحصل معايا مش عارف إيه حلها
http://www10.0zz0.com/2011/08/14/15/701911786.png (http://www.0zz0.com)
يا ترى فين الغلط ? أرجو المساعدة ، مع جزيل الشكر


السلام عليكم

حضرتك كاتب فى اول سطرين inclode ودى غلط المفروض include بال u

اعتقد ان دى سبب المشكلة عدلها وشوف ايه النظام

السلام عليكم ورحمة الله وبركاته


رجاء حد يقولي فين الغلط بتاعي

مش راضي يشتغل
http://www14.0zz0.com/2011/09/15/16/419320916.jpg

السلام عليكم ورحمة الله وبركاته


رجاء حد يقولي فين الغلط بتاعي

مش راضي يشتغل
http://www14.0zz0.com/2011/09/15/16/419320916.jpg



هوة كدة الكود تمام
لما بتعمل debug ايه اللي بيطلع؟؟

طيب لو سمحتي انا انا تمام كدة واشتغل معايا كويس علي برنامج borland c++


بس عاوز اعرف لية مش راضي يشتغل علي برنامج microsoft visual c++

السلام عليكم

اسمحلى اجاوبك على استفسارك

الكود دا مش هيشتغل على ال visual c++ هيحتاج شوية تعديل بسيط لان على حد علمى ان
------------

1-
conio.h
مش هتشتغل ف visual c++
انت بتكتبها عشان تستخدم منها getch --> get character اللى بتخلى الconole يستنى حرف من اليوزر غير كدا هيظهر الناتج ويقفل بسرعة

ودى مش هتحتاجها فى ال visual لان ال consol مش بيقفل

------------------
2- بالنسبة لل cin و cout دول هتجيبهم من using namespace std; دى مكتبة فيها functions كتيرة دول اهمها
----------------------
3- هتستخدم int main بدل void

----------------
4- دا الكود اللى هيشتغل على ال visual ان شاء الله


#include <iostream>
using namespace std;
int main()
{
cout<<"mohamed"<<endl;
return 0;
}



جرب كدا ولو فى مشكلة انا موجود

شكرا جدا لرد حضرتك
وكويس ان انت حضرتك رديت عليه علشان كنت عاوز حضرتك في استفسار حضرتك لما شوفت بداية الموضوع دة لقيت حضرتك عامل البرنامج بنظام جميل جدا وكاتب فيه معلوماتك بنظام
انا عاوز اعرف اعمل كدة ازاي
انا بكتب اي حاجة انا عاوزها بس بتكون في سطر واحد انا عاوز مثلا اعمل in the name of allah في المنتصف وبعد كدة في بداية سطر جديد اكتب المعلومات الشخصية مثلا اسمي وكليتي وكدة
يارب يكون السوال واضح

طيب لو سمحتي انا انا تمام كدة واشتغل معايا كويس علي برنامج borland c++


بس عاوز اعرف لية مش راضي يشتغل علي برنامج microsoft visual c++

السلام عليكم

اسمحلى اجاوبك على استفسارك

الكود دا مش هيشتغل على ال visual c++ هيحتاج شوية تعديل بسيط لان على حد علمى ان
------------

1-
conio.h
مش هتشتغل ف visual c++
انت بتكتبها عشان تستخدم منها getch --> get character اللى بتخلى الconole يستنى حرف من اليوزر غير كدا هيظهر الناتج ويقفل بسرعة

ودى مش هتحتاجها فى ال visual لان ال consol مش بيقفل

------------------
2- بالنسبة لل cin و cout دول هتجيبهم من using namespace std; دى مكتبة فيها functions كتيرة دول اهمها
----------------------
3- هتستخدم int main بدل void

----------------
4- دا الكود اللى هيشتغل على ال visual ان شاء الله


#include <iostream>
using namespace std;
int main()
{
cout<<"mohamed"<<endl;
return 0;
}



جرب كدا ولو فى مشكلة انا موجود


هوة conio.h موجودة في الvisual بس انت مش هتحتاجها لان الconsole مش بتقفل بس هترن عادي
اعتقد المشكلة هتبقى في <iostream.h > المفروض تشيل (.h)
وتزود السطر بتاع using namespase std
يعني الكود ده كدة هيرن ان شاء الله
#include <iostream>
#include <conio.h>
using namespace std;

void main ()
{
cout<<"mohmed";
getch();
}

السلام عليكم

سؤالك واضح يابشمهندس

استخدم \n و \t لتنسيق الكتابة

n\ بتنزل سطر واحد وممكن تكتب اكتر من واحدة عشان تنزل اكتر من سطر ويعادلها <<endl

\t بتاخد مسافة tab لو عاوز تكتب فى اى مكان هتستخدمهم


شوف الكود دا


#include<iostream>
using namespace std;
int main()
{
cout<<endl; // end of the line and start new line ***** to \n
cout<<"\t\t\t In the name of allah "<<endl;
cout<<"\n";
cout<<"\t Name : Mohamed "<<endl;
cout<<"\t faculty of computers and Information "<<endl;
cout<<"\t Phone : *********"<<endl;

return 0;
}

انا متشكر جد جدا علي الردود الجميلة دي
لو سمحت عاوز اعرف اية افضل محرر ممكن استخدمه
او مثلا اية المحرر الاساسي الي حضرتك بتشتغل بيه

ومتشكر جدا علي الرد

معلش انا عارف اني تاعب حضرتك

انا اشتغلت سى بلس بلس على borland w dev c++ w visual c++ l

بس الاساسى عندى دلوقت visual c++

و ال dev كويس برده وسهل التعامل معاه واسهل من borland حمله وجربه مساحته مش كبيرة

ولو عندك اى استفسار اتفضل ومفيش تعب ولا حاجة

اولا ازيك اية اخبارك يارب تكون بخير
بقولك انا هسالك سؤال مش عارف بقي سؤال غبي ولا اية
يعني اية دي <<endl;
واية دي "\t\t\t
واية دي "\n";




لو سمحت ممكن ايميلك الشخصي
لو مافيهاش ازعاج
ومتشكر جدا انا عارف اني تعبك معايا واسالتي ممكن تكون بايخة شوية

السلام عليكم

كلنا اتعرضنا للأسئلة دى قبل كدا ومش اسئلة غبية ولا حاجة

وعاوزك تعود نفسك على كدا مفيش حاجة تعدى قدام عنيك الا وتكون فاهمها كويس

endl ---> بتنهى السطر اللى انت فيه وتنزل سطر جديد end of line وزيها ال /n

/t --- > دى بتاخد مسافة ال tab او حاجة زى ال space كدا ولو عاوز اكتر من مسافة بتستخدم كتر من واحدة زى ال موجود فى الكود

up
مفيد جدا لطلبة سنة اولى .. ربنا معاكوا

بالتوفيق يا شباب