كل ما تحب ان تعرفه عن ((كلية السياحة والفنادق)) [الأرشيف]

Eslam_Tourism

06-10-2008, 08:48 PM

التعريف بالكلية: هى كلية تدخل دراستها فى مجالات السياحة والفنادق و الارشاد السياحى .

أقسام الكلية: 1- الدراسات سياحية
2- الدراسات فندقية
3- الارشاد سياحى

شروط قبول الطالب بالكلية:1- ان يجتاز اختبار القدرات التى تعلن عنها الكلية بعد ظهور نتيجة التنسيق وترشيحة للكلية .

2-أن يكون الطالب حاصل على مجموع 70% (35 من 50 ) على الأقل فى اللغة الأجنبية الأولى .

3-يجوز قبول خريجى المدارس و المعاهد الفنية للسياحة والفنادق الذين يرغبون فى مواصلة دراستهم بكلية السياحة والفنادق بنسبة لا تزيد عن 10% من إجمالى عدد الطلاب المقبولين من حملة الثانوية العامة والمرشحين من قبل مكتب التنسيق فى نفس العام
ويشترط إجتيازهم إختبارات القدرات قبل التقدم لمكتب التنسيق مع مراعاة أن يكون الطالب حاصلاً فى الدبلوم المتخصص على مجموع 75% على الأقل، كما يشترط إجتياز الطالب إمتحان فى اللغات الأجنبية التى تعقدها الكلية حيث إن إجادة اللغات الأجنبية تعد شرطاً عاماً للقبول بالكلية .

نظام الدراسة:1- مدة الدراسة لنيل درجة البكالوريوس أربعة سنوات مقسمة إلى ثمانية فصول دراسية على أن تكون نتيجة السنة الدراسية وحدة واحدة تعلن فى نهاية العام.
2- يعتبر الطالب ناجحاً إذا حصل على 50% من مجموع درجات كل امتحان.
الطالب الذى يرسب فى أكثر من مقررين يبقى للإعادة .
3- فى بعض الجامعات زى جامعة الحلوان والمنصورة يكون التحصص فى القسم من السنة الاولى .

وفى البعض الاخر زى جامعة اسكندرية يكون التخصص فى القسم من السنة التانية على حسب تقديرات المواد .

مجموع الكلية: طبعا التنسيق بيختلف كل سنة ولكن كلية السياحة والفنادق عامة بتاخد :

- فى الادبى بتاخد من 86% لــ 90% تقريبا وممكن تزيد او تقل عن كدة حسب التنسيق .

- فى العلمى بتاخد من 88% لــ 91% تقريبا .
وممكن ترجعوا لموقع التنسيق عشان تتأكدوا اكتر .

نبذة عن الاقسام:1-الدراسات السياحية: هو قسم يقوم بدراسة علم السياحة و اعمال شركات السياحة وشركات الطيران وكل شىء يخص السياحة بجميع انواعها.

2-الدراسات الفندقية: تقوم الدراسة فيه على ثلاثة اشياء وهم :

الأول: إدارة الفنادق ويقوم الطلاب بتعلم كيفية إدارة المنتجعات السياحية - الأغذية والمشروبات - خدمة الغرف - المكاتب الأمامية.

ثانياً: الأغذية والمشروبات f&b يقوم الطلاب بدراسة قوائم الطعان وتقيمها - مراقبة الأغذية والمشروبات - كيفية الطهو الفندقى وأسسه.

ثالثاً: التسويق يقوم الطلاب بدراسة الإقتصاديات التسويقية لمختلفة المنشآت السياحية - عمل دراسة جدوى لإنشاء مشروع سياحى - دراسة النواجى المالية لإدارة المشاريع السياحية.

3-الارشاد السياحى:- تقوم الدراسة فى هذا القسم بتعريف الطلبة بجميع الحضارات المختلفة التى عاصرتها مصر كالحضارة الفرعونية والاسلامية .

- يقوم القسم بتعليم الطالب اللغة المصرية القديمة وطريقة كتابتها ومدى أهميتها فى شرح المعالم المصرية القديمة.

- يقوم القسم بإعداد رحلات دراسية تعليمية للطلبة لزيارة المواقع الأثرية المختلفة فى كافة أنحاء مصر (أسوان – الأقصر – القاهرة - ...) وتعليم الطلاب كيفية التعامل مع السائحين المصريين والأجانب كمرشدين سياحين وكيفية التواصل معهم فى الواقع العملى.

- ملحوظة : فى قسم الدراسات السياحية وقسم الدراسات الفندقية يتم تدريس لغتين طوال الاربع سنين يختارهم الطالب من بينهم اللغة الانجليزية اما فى قسم الارشاد السياحى فأغلب المواد باللغة الانجليزية بالاضافة الى اللغتين .

واضيف كمان ان اللغتين مبيدرسوش بعمق جامد اوى زى الكليات المتخصصة فى اللغات (زى كلية الالسن مثلا) ولكنها بتدرس اللغات كمقررات فرعية بجانب مقررات القسم اللى بتختاره وكمان انت لازم تعمق لغتك عن طريق الكورسات او اى حاجة تانية بقدر الامكان لانك لازم تتخرج من الكلية دى وانت معاك على الاقل انجلش .

التدريب الصيفى: - يقوم طلاب الكلية بالتدريب فى الصيف فى احدى شركات او مكاتب السياحة أو وكالات السفر او شركات الطيران بالنسبة لطلبة قسم الدراسات السياحية .

- وفى الفنادق او المطاعم او القرى السياحية بالنسبة لطلبة قسم الدراسات الفندقية .

- وزيارة الاماكن السياحية و الاثار المصرية والفرعونية بالنسبة لطلبة قسم الارشاد السياحى .

وعلى فكرة التدريب ده يعتبر فى كلية السياحة والفنادق مادة نجاح ورسوب ولكنها لا تضاف الى المجموع الكلى
عشان كده لازم تهتموا بالتدريب ده كويس وكمان بيديك خبرة عشان فرصتك فى التوظيف تكون اكتر لان معظم سوق العمل فى السياحة بيطلب الخبرة السابقة .

الجامعات التى تدخل فيها الكلية:- جامعة الاسكندرية - جامعة المنصورة - جامعة حلوان - جامعة المنيا - جامعة الفيوم - جامعة قناة السويس فرع الاسماعيلية - جامعة المنوفية (مدينة السادات) - جامعة جنوب الوادى فرع الاقصر .

مجالات عمل الخريجين: 1- خريجى قسم الدراسات السياحية: تتضمن : 1- شركات السياحة:
- قسم "Operation" تنفيذ البرامج السياحية.
- قسم السياحة الداخلية – قسم السياحة الدينية (الحج والعمرة).
- قسم السياحة الخارجية – قسم الحجز (برى– بحرى – طيران).
- قسم الطيران بالشركة او حجز تذاكر الطيران

2- شركات الطيران:
- حجز تذاكر الطيران.

3- في المطارات:
- الضيافة الجوية .

ويمكن ان يعملوا كمرشدين سياحيين اذا حصلوا على دبلومة ارشاد سياحى لمدة سنتين وممكن تبقى سنة واحدة زى دبلومة الارشاد اللى فى كلية سياحة وفنادق المنصورة
وعلى فكرة الدبلومة دى صعب ان حد ياخدها وكمان الحصول على رخصة الارشاد مش مضمونة اوى يعنى .

2- خريجى قسم الدراسات الفندقية: مطلوبين بشدة فى مصر و الدول العربية و بيترقوا بسرعة و مرتباتهم حلوة برضو و كل ما تثبت نفسك فى الفندق اللى انت بتشتغل فية بيعلى مرتبك وتحصل على منصب اكبر .
وعشان تتوظف بسرعة وبمرتب اكبر يفضل اللى معاهم خبرة سابقة ولغات وياريت تاخد الخبرات دى من وانت فى الكلية او فى التدريب الصيفى .

3- خريجى قسم الارشاد السياحى: بيشتغلوا مرشدين سياحين و ممكن يشتغلوا مدرسين فى اى لغة وخريجى هذا القسم بياخدوا رخصة الارشاد فور تخرجهم من الكلية وعلى فكرة الرخصة دى هى الاثبات الوحيد للمرشد السياحى انه مقيد فى نقابة المرشدين السياحيين .
اما بالنسبة لمرتباتهم فتبقى حسب اللغات اللى معاك وكل ما يبقى معاك لغة نادرة زى اليابانى او الصينى بتاخد فلوس اكتر وعالعموم مرتب المرشد السياحى بيتراوح ما بين (3000 الى 6000 جنية او اكتر ) وممكن تقل عن كدة لو معاكش لغة نادرة .

دبلوم الدراسات العليا : يمنح مجلس الجامعة بناء على إقتراح مجلس الكلية درجة دبلوم الدراسات العليا فى إحدى التخصصات الآتية:
1- السياحة
2- الفندقة
3- الإرشاد السياحى

شروط القيد بدبلوم الدراسات العليا : 1- أن يكون حاصلاً على مؤهل عال من إحدى جامعات جمهورية مصر العربية أو درجة معادلة من معهد عال معترف به.
2- يفضل من يعملون فى مجال السياحة والفندقة.
3- أن يجتاز بنجاح الإختبارات المقررة التى يقررها مجلس الكلية للتأكد من صلاحيته للدراسة.
4- مدة الدراسة لنيل أى دبلوم دراسات عليا سنتان جامعيتان فى أغلب الجامعات المصرية وقد تكون سنة واحدة فى جامعات اخرى
5- تقدم الطلبات في الموعد المحدد من كل عام.
__________________________________

ارجو انكم تكونوا عرفتوا كل حاجة عن الكلية .

Eslam_Tourism

07-10-2008, 07:24 PM

اه يا جماعة الموضوع معجبكوش ولا اية ؟؟؟؟؟

gygy_love 2008

08-10-2008, 05:45 PM

Eslam_Tourism

08-10-2008, 08:09 PM

لا والله الموضوع جامد جدا وانا فى سياحه انجلش حلوان
بصراحه الكليه حلوة اوى بس انا اتخنقت منها ومش طايقاها والله
معرفش حد فيها خالص وكمان مش هاهمه حاجه خالص من اللى بيتقال عشان كدة اتخنقت وبفكر احول منها

معقووووول هتحولى عشان مش عارفة حد فى الكلية ومش فاهمة من اللى بيتقال انتى اه اللى خلاكى تخشى انجلش اساسا مانا كنت عربى فى سنة اولى وجبت جيد جدا , هو الانجلش هيعملك اه يعنى ؟؟؟
و مادام بتقولى الكلية حلوة عايزة تحولى منها لية بقى ؟؟؟

ابراهيم كازنوفا

12-10-2008, 12:12 AM

مشكووووووووووووووور جدا جدا

Eslam_Tourism

12-10-2008, 12:16 AM

العفوووووووووو

Sherif Shoman

21-10-2008, 09:42 PM

تسلم يا اسلام
انا لسه فى السنه الاولى
وان شاء الله هاختار قسم درسات سياحيه لسنه الجايه

Eslam_Tourism

21-10-2008, 10:18 PM

ربنا يوفقك يا شريف وفعلا قسم دراسات سياحية قسم مميز لانة بيجمع بين التلات اقسام

Pussycat

12-11-2008, 10:34 PM

الموضوع جامد اوي شكرااااااا
انا لسه اولي ربنا يسطر

eslam_2009

19-11-2008, 08:44 AM

موضوع اكثــــــــــــــر من رائـــــــــــــع

RoOz:D

20-01-2009, 05:40 PM

اشكرك الموضوع مفيـــد جدا بجد
اكثـر من رائع بالفعل

Rien

14-06-2009, 09:03 PM

وفى البعض الاخر زى جامعة اسكندرية يكون التخصص فى القسم من السنة التانية على حسب تقديرات المواد .

اخيرا فيه كلية فكرت فيها موجودة ف اسكندرية
:d
شكرا لحضرتك
بس كنت عايزة افهم
التخصص على حسب تقديرات المواد ازاى ؟
وايه نظام الانترفيو ؟

Eslam_Tourism

15-06-2009, 01:20 AM

اخيرا فيه كلية فكرت فيها موجودة ف اسكندرية

:d
شكرا لحضرتك
بس كنت عايزة افهم
التخصص على حسب تقديرات المواد ازاى ؟
وايه نظام الانترفيو ؟

قسم الارشاد السياحى بياخد من تقديرات عالية فى مواد التاريخ واللغات
اما قسم الفنادق بياخد من تقديرات عالية فى اللغات
وقسم السياحة بتدخله بسهولة , المهم تعدى اول سنة من غير ما تسقط فى مادة يعنى بياخد من اى تقدير .

اما بالنسبة للانترفيو بيبقى سهل عامة بيحكى عن اسئلة عن الاثار والعواصم والسياحة وشوية اسئلة بالانجليزى عن نفسك .
بس انا مقدرش اقولك الاسئلة لانها بتختلف من جامعة لأخرى وعادة بتتغير حسب لجنة الانترفيو بس كله بيعدى منه .

Rien

16-06-2009, 01:26 AM

قسم الارشاد السياحى بياخد من تقديرات عالية فى مواد التاريخ واللغات
اما قسم الفنادق بياخد من تقديرات عالية فى اللغات
وقسم السياحة بتدخله بسهولة , المهم تعدى اول سنة من غير ما تسقط فى مادة يعنى بياخد من اى تقدير .

اما بالنسبة للانترفيو بيبقى سهل عامة بيحكى عن اسئلة عن الاثار والعواصم والسياحة وشوية اسئلة بالانجليزى عن نفسك .
بس انا مقدرش اقولك الاسئلة لانها بتختلف من جامعة لأخرى وعادة بتتغير حسب لجنة الانترفيو بس كله بيعدى منه .

مش عارفة ليه حاسة انى غيرت رأيى ف هذه اللحظة تحديدا ( Joking :d )
شكرا لحضرتك عالرد

mohamed franchy

16-06-2009, 10:26 PM

انا عاو اعرف اذا كان قسم الارشاد السياحى يدرس بالانجليزية فى جميع الجامعات وخاصة الفيوم ام لا وارجو الرد سريعا ؟

mir0o0o

18-06-2009, 02:25 PM

[quote=mohamed franchy;1318395]انا عاو اعرف اذا كان قسم الارشاد السياحى يدرس بالانجليزية فى جميع الجامعات وخاصة الفيوم ام لا وارجو الرد سريعا ؟[/quot السلام عليكم ازيكم عاملين ايه ؟؟ اللى انا عارفاه سياحه وفنادق جامعه حلوان عشان انا فيها فسم ارشاد بعض المواد بالانجلش مش كلها مثلا زى التاريخ بس مش عارفه النطام ايه فى جامعه الفيوم

Eslam_Tourism

18-06-2009, 08:55 PM

قسم الارشاد السياحى الدراسة فية باللغة الانجليزية بالاضافة الى اللغات .

واكيد فى جامعة الفيوم الدراسة بالانجليزى فى قسم الارشاد

simo99

02-07-2009, 02:41 PM

هو ممكن ادخل الكلية دى من علمى رياضة

simo99

02-07-2009, 02:45 PM

يعنى مش درست تاريخ

Eslam_Tourism

03-07-2009, 04:09 AM

اه طبعا ممكن تخش سياحة فنادق من علمى رياضة ومن علمى علوم كمان بس بشرط تجيب اعلى من 35 من 50 فى الانجليزى وتجيب مجموع الكلية فى التنسيق .

بس انا اللى اعرفه ان السياحة والفنادق فى العلمى بتاخد من مجموع عالى فى اواخر التمانينات واوائل التسعينات

xXMOST_WANTEDXx

04-07-2009, 11:31 AM

السلام عليكم ورحمة الله وبركاته...
شكرا للافاده بس عندي استفسار .. بالنسبة لطلبة الدبلومات الفنية تخصص فندقة؟ بس تلات سنين.. ؟ من السهل اني ادخل سياحة وفنادق؟؟ لاني شايف التنسيقات مش مبشرة خالص لل 3 سنين بس لل 5 كويسة يا ريت حد يساعدني لاني بجد دورت كتير ومش لاقي.. اي نتيجة او حاجة تاكدلي اني ان شاء الله داخل سياحة وفنادق.. ؟ بالمناسبة انا جايب 77 في المية بجد الامتحانات والتصحيح السنادي كان وحش جدا.. نسبة النجاح بالدبلومات الفنية 87 في المية ..الاولى على سياحة وفنادق جايبة 87 في المية؟؟ يا ريت حد يساعدني واسف للاطالة

ويا ريت لو حد يعرف معاهد كويسة برضه للسياحة والفنادق كويسة جدا جدا ايا كانت المصاريف او المطلوب يبلغني لان اصحابي في خبر كان ***!!!!!!!!! ربنا معانا جميعا

شكرا جميعا

Eslam_Tourism

04-07-2009, 12:22 PM

ربنا يوفقك وتخش كلية سياحة

بس انا للاسف مش عارف حاجات كتير عن قبول حملة دبلوم السياحة والفنادق , بس هما بيدخلوا عادى كلية سياحة بس بأعداد محددة كل سنة مش عارف بقى السنة دى هتبقى قد ايه ؟

xXMOST_WANTEDXx

04-07-2009, 09:18 PM

يا رب تسلم اسلام... شكرا لردك ربنا يوفقنا جميعا

abdallah abo zekry

07-07-2009, 06:12 PM

طيب هى بتاخد من كااااااااااااااااااااام؟

Eslam_Tourism

08-07-2009, 04:04 PM

كلية السياحة والفنادق فى الادبى عمرها ما قلت عن 86% الا سنة 2005 خدت من 85.5%
اما فى العلمى فهى من 88% فيما فوق تقريبا .
بص عشان انا مش متاكد خد موقع التنسيق اهو : http://www.tansik.egypt.gov.eg وشوف الكلية خدت من كام السنين اللى فاتت فى العلمى والادبى

not lost

08-07-2009, 05:46 PM

Eslam_Tourism

09-07-2009, 12:16 AM

(( شكرا ليك يا مان على الموضوع الجامد ده بس انا عندى استفسار ضروروى جدا انا كنت السنه اللى فاتت فى تجاه انجليزى وحصلت ليا ظروف مدخلتش الامتحانات خالص فى الترمين وعايز احول كليه سياحه وفنادق المنصوره السنه دى ومجموعى هو 91.5 % ودرجتى بالانجليزى 46 ياتى ينفع ولا لا وايه المطلوب منى ولو ينفع اكلم الكليه ممكن تدينى النمره ؟

معلش الاسئله كتير بس انا بجد كانت حصلتلى ظروف السنه اللى فاتت :blush: ومستنى ردك يا مان علشان اعرف ان كان فى اوراق هسحبها دلوقتى ولا لا ؟ ))

ومشكور يا مان

انت مجموعك ودرجتك فى الانجليزى يعدوا اساسا شروط القبول بالكلية ما شاء الله يعنى .

ولما تحول لسياحة وفنادق المنصورة احتمال يعملوك انترفيو مع الطلبة الجديدة وهو سهل جدا .

اما بالنسبة للتنسيق فانت هتخش كلية سياحة وفنادق حسب مجموع الكلية السنة اللى انت خلصت فيها الثانوية .

وعشان تعرف معلومات اكتر ادخل هنا :
http://www.mans.edu.eg/facth/arabic/Default.HTM (http://www.mans.edu.eg/facth/arabic/Default.HTM)

واتصل بالكلية من هنا : http://www.mans.edu.eg/facth/arabic/CallUs.htm (http://www.mans.edu.eg/facth/arabic/CallUs.htm)

Eslam_Tourism

13-07-2009, 10:41 PM

على فكرة يا حماعة انا عايز اقول حاجة اللى ناوى يتخرج من الكلية دى ومش جامد فى اللغة وخاصة الانجلش يبقى احسن له ميدخلهاش وخصوصا قسم السياحة والارشاد لانة لازم تتخرج منهم وانت معالك لغة وخصوصا انجلش

mixawy

15-07-2009, 01:12 AM

انا لسه ادعيلى ادخلها وهى فى دماغى من زمان

انا مخلص 3 ثانوى وياريت يا اسلام تدينى اميلك ااتواصل معاك اكتر عشان مش عارف حاجة

hamadagoal

16-07-2009, 09:04 PM

ربنا يباركلك يا اسلام اولا ثانيا ارجو منك افادتي لو سمحت انا مخلص معهد سياحة وفنادق السنة دي في المطرية ونفسي ادخل الكلية انا جايب 77.5% بس مش عارف اعمل اية واروح فين علشان اقدم وكمان انا جبت درجة كويسة جدا في الانجليزي بس انا خايف من الاختبارات اوي اعمل اية

Eslam_Tourism

16-07-2009, 09:28 PM

يا mixway انا مش هعرف اقولك حاجة اكتر من اللى قولته فى الموضوع ولو عايز اى استفسار انا موجود , لان ايميلى مش هعرف اكتبهولك على المنتدى كده , وانت فعلا لو حابب مجال الكلية هتمشى فيها مية مية .

ويا hamadagoal عايز اقولك حاجة الاختبار سهل جدا بس للمذاكر انجليزى ومعلوماته ولو حتى محدوده عن الاماكن السياحية وكده وانا الصراحة مش هعرف اقولك انت ممكن تخش كلية سياحة ولا لأ ؟؟ لان دى بتبقى حاجة خاصة بالكلية وبياخدوا عدد معين كل سنة وانت مجموعك حلو مش وحش وبتقول بتفهم انجليزى يعنى جمد قلبك وروح كلية السياحة اللى فى بلدك واستفسر منهم هناك على نظامك هيبقى اه ؟؟

hamadagoal

17-07-2009, 12:03 AM

معلش يا اسلام لو تقدر توضحلي النقطة بتاعة المدارس الفنية والمعاهد السياحية وقوبلهم في الكلية اكتر من كدة اكون شاكر ليك جدا اسف مرة تانية علي الازعاج

Eslam_Tourism

17-07-2009, 08:15 AM

معلش يا اسلام لو تقدر توضحلي النقطة بتاعة المدارس الفنية والمعاهد السياحية وقوبلهم في الكلية اكتر من كدة اكون شاكر ليك جدا اسف مرة تانية علي الازعاج

هما يمكن بيشدوا شوية على خريجى المعاهد السياحية والدبلومات فى اختبار اللغات وده حسب اللى سمعته , يعنى ذاكر شوية جمل او كلمات او اجابات ليها علاقة بالسياحة والاسئلة اللى قولتلك عليها وممكن يسألك اسئلة تانية ودى ترجع بالدكتور نفسه اللى هيسألك .

وطبعا انت لازم تروح كلية السياحة والفنادق اللى عندك , انت بتقول المطرية يعنى جامعة حلوان , للاسف انا بسمع هناك الاختبارات بتبقى صعبة شوية عشان كده ابقى ذاكر انجليزى على قد ما تقدر قصدى يعنى الاسلة العامة عن نفسك وهواياتك ودخلت الكلية ليه وحاجات تانية معلومات كده يعنى انت بتعدى فيه بخبرتك السابقة فى الانجليزى , بعنى انا روحت الاختبار وانا معتمد على الانجليزى بتاع الثانوية العامة وحفظت شوية اسئلة كده وخلاص .

بس هو اختبار معظم الناس بتعدى فيه .

وابقى اتصل بالكلية وشوف اه النظام ؟؟

واخر حاجة اقولهالك لازم تكون واثق فى نفسك .

soha fouad

18-07-2009, 12:22 AM

طب يا اسلام انا لسة مرحتش الانترفيو ده عشان انا مكنتش اعرف

وانا مجموعي ممكن يدخلني

ده ممكن يسببلي مشكلة؟

sympathique

18-07-2009, 01:44 AM

طب يا اسلام انا لسة مرحتش الانترفيو ده عشان انا مكنتش اعرف

وانا مجموعي ممكن يدخلني

ده ممكن يسببلي مشكلة؟

موضوع الانتر فيو ده عادى
ممكن تعمليها عادى
وهى بتاخد86% :90%
وبالتوفيق
بس محدش يعرف السنة دى التنسيق مخبى ايه فى جعبته

hamadagoal

18-07-2009, 05:31 PM

لو سمحت يا اسلام انا بتاع معهد المطرية انا روحت مكتب التنسيق والحمد الله اتأكدت ان مجموعي يدخلني الكلية مستريح بس انا عايز اعرف الاختبارات دي قبل التقديم في التنسيق ولا بعد وكمان الالتحاق بيبقا تبع التوزيع الجغرافي ولا المجموع ولا اية الحكاية انا اسف مرة تالتة علي الازعاج وشكرا

زهراء الجبل

18-07-2009, 05:51 PM

انا عايزه اختبارات القدارات بتاعه كليه السياحه والفنادق

كانت قبل النتيجه ولا لسه لما يجي جواب الترشيح

انا مكنتش ان اعرف ان فيه اختباراات

وكده فاتني يعني ولا اصلا مفيش دلوقتي

ولا يجيلي الجواب ان شاء الله

Eslam_Tourism

18-07-2009, 06:55 PM

يا جماعة متخافوش الانترفيو او الاختبار بعد الترشيح للكلية وهما هيدوكوا معاد تروحوا فيه الانترفيو بس ابقوا روحوا قدموا للكلية علطول بعد نتيجة التنسيق عشان تعرف معاد الانترفيو .

السنة اللى فاتت الانترفيو فى سياحة وفنادق المنصورة كان فى شهر 8 متقلقوش

jeary

22-07-2009, 12:05 AM

Eslam_Tourism

22-07-2009, 01:24 AM

السلام عليكم
انا بجد يا جماعة محتارة جدا ومش عارفة اعمل اية
انا لسة مخلصة ثانوى وكنت عاوزة ادخل كلية اللسن بس لاسف مجموعى مش مساعد على كدة ومش قدامى غير كلية التربية وكلية السياحة والفنادق بس انا بكرة التربية ومش عاوزة ادخلها ولا ادخل اى كلية من التجارة او الاداب او الحقوق لانى بجد الكليات دى كنت مستبعداها خالص خصوصا انى كنت علمى وكنت متفوقة جدا بس حصلت مشاكل وكدة المهم مش عاوزة اطول انا بس عاوزة اعرف اذا كانت الكلية دى ليها مستقبل ولا لايعنى ممكن اشتغل علطول ولا اية؟ وكمان عاوزة اعرف اية احسن قسمفيها ؟ وعاوزة حد يقولى ادخل تربية ولا سياحة بجد مش عارفة :(وهبقى سعيدة جدا لو حد قالى ميرسى ليك يا اسلام واسفى ان كنت طولت عليك

اهلا بك يا jeary

هى كلية السياحة والفنادق حلوة للى حابب مجالها وموادها .

وكلية التربية لو عايزة تبقى مدرسة فى اى مادة ادخليها , لكن سياحة وفنادق مجالاتها كتير وسهله كمان الا فى قسم الارشاد السياحى صعبة الا اللى بيفهم انجليزى وبيحب اللغة .

واحسن فسم فيها يعتبر - من وجهة نظرى - قسم الدراسات السياحية لانه ممكن تشتغل منه فى شركات السياحة فى جميعا اعمالها وكمان بتتخرج معاك لغة على الاقل انجليزى , وانتى وشطارتك ممكن تشدى حيلك وتتخرجى معاكى لغتين جامدة فيهم , وكمان ممكن تشتغلى فى شركات الطيران بس بتبقى عايز وقت شوية فى الخبرات وكده شوية كورسات و ICDL و كمان اى وظيفة عايز لغة وكمبيوتر بتتوظفى فيها فهو قسم جميل من نظرى مجالاته كتير يعنى .

اما بقى لو عايز تشتغلى مرشدة سياحية ادخلى قسم الارشاد بس هو دراسته صعبة تاريخ بالانجليزى ولغة مصرية قديمة وكمان يا عالم شغلتك كمرشدة مضمونة ولا لأ ؟؟ اما قسم الفنادق فهو انسب اكتر للولاد .

المهم فى الاخر شوفى نفسك هتعرفى تمشى نفسك فى انهى كلية ؟؟ بس سياحة وفنادق حلوة وبتتخرجى معاكى لغة بس عايز اقولك حاجة فى ناس بتتخرج معاها انجليزى بالعافية بس انتى المفروض سواء كنتى بتذاكرى الانجليزى او اللغات بالعافية او الكلية مش مهتمة باللغات شوية وده نادر فانتى المفروض تتخرجى معاكى انجليزى على الاقل .

ولو اتخرجتى من قسم الدراسات السياحية ومعكيش على الاقل انجليزى مش هتلاقى وظائف خالص لكن ولو اتخرجتى معاكى لغتين - من الاخر - مش هتتعبى فى التدوير على الشغل خالص ان شاء الله .

وابقى قوليلنا عملتى اه ,,,,,,,,,,,, ؟؟؟

jeary

22-07-2009, 06:47 PM

ميرسى جدا يا اسلام بجد شكرا لحضرتك بس انا عندى سوال صغير انا اسفة
حضرتك بتقول ان لازم يكون معايا انجليزى على الاقل . طيب هى الكلية فيها انجليزى بس ولا اية؟يعنى اللغات التانية ادرسها برة الكلية فى كورسات ولا هى بردة فى الكلية؟ ودراسة اللغات فى الكلية كافية ولا لازم اكون باخد كورسات بردة؟شكرا ليك

Eslam_Tourism

22-07-2009, 07:04 PM

لا متخافيش الكلية هتاخدى فيها انجليزى ولغة تانية ( ايطالى مثلا او فرنسى او اسبانى ) .

والصراحة كلية السياحة والفنادق مش هتعلمك لغة جامد اوى زى الكليات المتخصصة فى اللغات فقط ( زى كلية الالسن مثلا ) بس انتى المفروض تاخدى كورس عشان تقوى لغتك وخاصة الانجليزى لان اللغة شرط اساسى لخريج السياحة والفنادق وبجانب ده هتدرسى مقررات القسم اللى هتخصصى فيه .

والصراحة المعظم بياخد كورسات فى اللغات وخاصة الانجليزى

اما بقى لو عايزة تتخصصى فى اللغة فقط ادخلى تربية انجليزى .

soha fouad

23-07-2009, 12:01 AM

طيب يا اسلام ايه الكورسات التانية اللي ممكن اخدها جنب الانجلش ولغة تانية

Eslam_Tourism

23-07-2009, 06:49 PM

يا sosi خدى كورسات فى المواد اللى شايفاها صعبة والصراحة انا مش شايف اى مواد صعبة الا اللغة التانية وبعض مواد قسم الارشاد السياحى اما قسم الدراسات السياحية كل مواده معظمها سهل
وعموما المادة اللى مش فاهماها خدى فيها

nada nada nada

25-07-2009, 11:28 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعمل ايه
ياريت حد يرد عليا بسرعه

Eslam_Tourism

26-07-2009, 02:40 AM

بسيطة روحى المعهد او ادخلى على موقع المعهد ان كان ليه موقع او اتصلى بأصاحبك فى المعهد ............

فى طرق كتييير يعنى

nada nada nada

26-07-2009, 03:04 PM

ميرسى
انا اجبت النتيجه خلاص
والحمد لله نجحت
:d:D:D:D

riham_eg

27-07-2009, 07:35 PM

السلام عليكم
انا قبلت فى سياحه وفنادق الفيوم
وبس معرفش اى معلومات عن الانترفيو
عايزه اعرف هيبقى امتى ولو فى كورس فى الجامعه قبل الانترفيو زى الكليات الفنيه ولا لأ

Eslam_Tourism

28-07-2009, 01:24 AM

السلام عليكم
انا قبلت فى سياحه وفنادق الفيوم
وبس معرفش اى معلومات عن الانترفيو
عايزه اعرف هيبقى امتى ولو فى كورس فى الجامعه قبل الانترفيو زى الكليات الفنيه ولا لأ

اتصلى بالكلية هى مصدر المعلومات الصحيحة .

gmgmgamoly

28-07-2009, 02:23 AM

يا اسلام هو انا لو جايب 88%بس جايب فى الانجليزى 66% هل ممكن يفضلوا على طالب جايب 80% بس جايب 70% فى الانجليزى رجاء الرد السرييييييييييييييييييييييييييع

sendrlavig

28-07-2009, 03:11 AM

اسلام انا قبلت فى الكليه وجايبه فى الانجلش 43 انا حابة انى ابقا مرشده سياحيه قوللى هو قسم الارشاد صعب وكمان مضمون انى اشتغل على طول ولو فى قسم احسن وفرص شغله احسن قوللى وانا جامعة حلوان والانترفيو صعب ولا سهل وممكن مانجحش فيه ياريت توضحلى معلش

seco33

28-07-2009, 03:46 AM

انا جبت نتيجة التسيق النهاردة ودخلت كلية سياحة وفنادق جامعة حلوان وعايز اعرف اللغات اللى فيها فى قسم الارشاد ويا ترى فى روسى ولا لا ؟

وياريت حد يقولى عنوان الكلية لو يعرفه ضرورى

وانا جايب 45 فى الانجليزى و46 المانى

seco33

28-07-2009, 03:47 AM

من فضلكم حد يرد عليا ضرورى

seco33

28-07-2009, 06:27 AM

هو فى روسى فى جامعة حلوان لكلية سياحة وفنادق وعنوانها ايه

jeary

28-07-2009, 03:46 PM

soha fouad

28-07-2009, 10:59 PM

seco

هي في المنيل جمب جراند حياه ع طول
انزل السيدة زينب ناحية مستشفي ابو الريش وبعدين تاكسي لغاية جامع صلاح الدين وتاخد الشارع لغاية اخره
ادخل شئون الطلبة ع ايدك الشمال
بتدفع فلوس وبتاخد وصل عليه

اي خدمة

seco33

29-07-2009, 12:07 AM

soha fouad

29-07-2009, 12:15 AM

75 جنيه بتوع استمارة الانترفيو

الدكاترة يعني اللي هيجوا يختبرونا هيجوا عطف علينا
اكيد هايخدوا م المصاريف جانب

انت بس هتروح ببطاقة الترشيح والفلوس دي وهيدوك وصل ويقولك الميعاد وبس

seco33

29-07-2009, 01:54 AM

طيب يا sosiهى الكلية مش مفروض تبقى فى الحرم الجامعى بتاع حلوان

seco33

29-07-2009, 01:55 AM

طيب هو فى روسى

Eslam_Tourism

29-07-2009, 06:54 AM

ازيك يا اسلام انا الحمد للة جالى زى ما توقعت تربية وسياحة وفنادق وان شاء الله انا هدخل سياحة وفنادق (اى جامعة) المهم انى سمع ان اللى بيتخرجوا من معاهد السياحة والفنادق بيبقى فرصهم فى الشغل اكتر من الكليات دة صح ولا لا؟

اولا طلبة المعاهد بيدفعوا فلوس متقلش عن 4000 جنية وشوية وبعدين هما فعلا بيهتموا بيهم شوية من حيث المعامل وكده لانهم بيدفعوا فلوس كتير يعنى مثلا عنهم معمل اماديوس ده مش موجود فى الكليات
وكمان المعاهد فى سنتين وفى اربع سنين يعنى مبتعرفش انت هتتخرج وانت دراس اية ؟؟

بس فى التوظيف بتبقى الاولوية لخريجى الكليات لانهم بيبقوا الاكفأ وكمان بيبقوا خريجى جامعات حكومية مش خريجى معاهد خاصة ودى حاجة معترف بيها جامد

omar555

29-07-2009, 12:36 PM

انا عايز ادخل سياحه وفنادق المنصوره وعايز اعرف هى المصروفات كام بالضبط

omar555

29-07-2009, 12:37 PM

انا عايز ادخل سياحه وفنادق المنصوره وعايز اعرف هى المصروفات كام بالضبط

ارجو الرد بسرعه

sympathique

29-07-2009, 12:48 PM

انا عايز ادخل سياحه وفنادق المنصوره وعايز اعرف هى المصروفات كام بالضبط

ارجو الرد بسرعه

المصروفااااات عادية

مصاريف الجامعات الحكومية مش كتييييييييير

وانت كده كده هتعرف وانت بتقدم الاوراق

ياريت لو فيه حد فى المنصورة يقول له المصاريف كام

soha fouad

29-07-2009, 04:32 PM

الكلية اصلا اصلا مكانها في المنيل
لكن عملوا واحده جديده في عين حلوان وبيبقي فيها سنة اولي وهتلاقي برضه الكلام ده ع الورقه اللي هاتخدها

بس ياريت نبقي ع طول في المنيل الكلية ع النيل واخر روقان

روسي.............
ماعتقدشي بصراحة لان كل اللي قالولي قالولي الماني وفرنساوي واسباني وايطالي

لكن معرفشي ان كان في روسي ولا لا

ولو ملاقيتشي اوعي تاخد فرنساوي لان دراسته رخمة وصعبه
هم بيقولو الالماني حلو وسهل بس انا هاخد ايطالي ان شاء الله لانه جمييييييييييييل جدا وسهل جدا

sympathique

29-07-2009, 09:42 PM

على فكرة الفرنساوى لذيذ جدا وسهل اوى

بس انا ليا تعليق
ياريت تاخد اكتر من لغة
يعنى 2 و3 و4

وكله بينفع واللغة سهلة انكم انتوا تجيبوها

وياريت تعرفونى كل واحد دخل قسم ايه علشان نحدد لكم الحاجات المفروض عليكم تعملوها

sendrlavig

29-07-2009, 10:48 PM

هو ينفع اكتر من لغه؟؟؟؟ وياريت تقول انهى قسم احسن انا حابه الارشاد بس خايفه يكون صعب وايه احسن لغه والى مطلوبه اكتر فى الشغل

sympathique

30-07-2009, 12:41 AM

هما لغتين بس اللى بتدرسوهم فى الكلية

انا قصدى على الكورسات اللى انتوا هتاخدوها

وبعدين قسم ارشاد جميل اوى

وبعدين دلوقتى الجيست الموجود الروس الا يطاليين

بس كل ما يكون معاكم لغة بيكون احسن

ودلوقتى النمور الاسيوية ابتدت تغزو سوق السياحة

الصينى كويس برده وهو موجود عندنا فى الاسماعيلية

انا عن نفسى هاخد روسى وايطالى

sendrlavig

30-07-2009, 02:33 AM

يعنى اخد ايطالى انا اصلا كنت المانى وبحبه اختارة ولا ايطالى احسن؟؟؟؟

sympathique

30-07-2009, 02:41 AM

لا اختار المانى

وقضيها كورسات

omar555

30-07-2009, 03:32 PM

[quote=esraa_00;1453235]المصروفااااات عادية

مصاريف الجامعات الحكومية مش كتييييييييير

وانت كده كده هتعرف وانت بتقدم الاوراق

ياريت لو فيه حد فى المنصورة يقول له المصاريف كام
[/quo

ياريت حد من المنصوره يرد عليه بسرعه المصرفات كام بالضبط

seco33

30-07-2009, 10:41 PM

انا النهاردة روحت وقالوا اختبار الانترفيو يو 16/8/2009 والمصاريف للغات 3750 جنيهع فى السنة

seco33

30-07-2009, 10:44 PM

هو ده صحيح ولا لا

soha fouad

30-07-2009, 11:37 PM

ايوة انا كمان الاختبار بتاعي يوم 16/8
وانت لازم يعني تدخل انجليزي ما تدخل عربي وقضيها كورسات بره

seco33

31-07-2009, 12:16 AM

طيب هو فى ارشاد عربى

soha fouad

31-07-2009, 12:19 AM

لا مفيش كله بالانجلش

لان اصلا الشغل بعد كده 24 ساعه بتتكلم غالبا انجليزي

rodita

01-08-2009, 12:19 AM

هاي يا جماعة انا برضو في سياحة وفنادق في اولي وبصراحة انا خايفة مووووووت من الكلية ومكنتش عايزاها تبقي في المنيل انا كنت عايزاها تبقي في الجامعة علي طول مش اول سنة بس

soha fouad

01-08-2009, 01:06 AM

طب ليه
هي اللي في عين حلوان احسن من اللي في المنيل؟

rodita

01-08-2009, 03:09 PM

كفاية انها في الجامعة

jeary

01-08-2009, 05:32 PM

Eslam_Tourism

01-08-2009, 05:54 PM

السلام عليكم يا اسلام انا عندى سوال بسيط هى اية احسن جامعة ممكن ادخل فيها كلية السياحة والفنادق وهل فيها سكن داخلى للطلبة ولا لا؟ ثانبا هى الكلية اللى فى اسكندرية لو دخلتها هلاقى فيها مدينة جامعية وهى كويسة الكلية هناك ولا اية ؟ ومييييييييرسى

احسن كلية سياحة وفنادق من نظرى اللى فى جامعة حلوان لانها فيها فندق تعليمى وشركة سياحة للتدريب وكمان فى اهتمام جامد هناك بس عيبها انى باسمع انها صعبة شوية .

اما سياحة وفنادق اسكندرية اكيد طبعا فى مدينة جامعية فى اسكندرية وبتبقى جامدة بس الاوضة اللى هتعدى فيها هتبقى مش قد كده يلا استحملى ما انتى بتاكلى وبتشربى وساكنه بفلوس ضغيرة جدا وكمان بتبقى لزق فى الكلية وكل ده بـ 100 جنية تقريبا كل شهر .

وسياحة وفنادق اسكندرية انا مش فيها بس اسمع انها كويسة بس عيبها بقى ان ملهاش بوابة :blush: افهمك يعنى انتى عشان تخشى الكلية كل يوم لازم تخشى من بوابة كلية الحقوق :o لحد ما توصلى لكلية السياحة بس طبعا اسكندرية معظم الطلبة بيرحوها وبتبقى مليانة وكمان بتتفسحى هناك وكده والكلية امام مكتبة اسكندرية علطول والمستوى التعليمى هناك حلو وفى لعات كتير اوى هناك .

sendrlavig

01-08-2009, 09:36 PM

هو ارشاد صعب اوى ؟؟ وكمان بعد التخرج الشغل فيه مضمون؟؟؟ وقسم سياحه عربى كويس مجالات شغله كويسه ؟

هاجر)

03-08-2009, 03:04 AM

Eslam_Tourism

03-08-2009, 04:53 AM

السلام عليكم
انا يا استاذ اسلام دخلت كلية السياحة والفنادق فى اسكندرية بس عاوزة اعرف من حضرتك لو سمحت اية هو انسب قسم للبنات اللى ممكن يشتغلو بية علطول لمل يتخرجو ؟واية بردة القسم اللى الشغل بتاعو مش فى سفر انا عاوزة ادخل قسم يكون الشغل فى مكان مستقر من غير سفر.وازاى اقدر الاقى شغل علطول بالنسبة للبنات لانى سمعت ان فى كلية السياحة بيفضلو الولاد اكتر عن البنات فى الشغل.ممكن اعرف حضرتك مشرف فى اى جامعة بالظبط؟وميرسى اوى لحضرتك وياريت من فضلك تجاوبنى بسرعة على قد ما حضرتك تقدر

انسب قسم للبنات هو قسم دراسات سياحية لانه عادى شركات السياحة والطيران كتييييير فى البلد وممكن ارشاد كمان بس ده عايز سفر كتير اما فنادق فهو انسب اكتر للولاد بس اكتر وظيفة مناسبة للبنات الضيافة الجوية او فى شركات السياحة وده اللى اعرفه بصراحة .
والصراحة فى الفنادق بيفضلوا الولاد اكتر لانهم بيبقوا انسب لكن فى شركات السياحة وفى مجال الضيافة الجوية مفيش فرق

وانا فى كلية سياحة وفنادق المنصورة ومشرق هنا فى المنتدى

max pyne

03-08-2009, 12:35 PM

الف شكر يا صاحبى بس ايه نظام كلية سياحة وفنادق الاسماعيلية بس ياريت ترد عليل بلسرع وقت
:abdoog8:

max pyne

03-08-2009, 12:37 PM

ياريت حد يرد هليا باسرع وقت

treka_100

03-08-2009, 12:46 PM

هو شريف يقدر يفيدك لانه هناك
ممكن تستناه لما يجي

max pyne

03-08-2009, 12:49 PM

هو شريف هناك يا تريكة

treka_100

03-08-2009, 12:55 PM

هو اساسا طالب في سياحة اسماعيلية يعني هو اكتر واحد يفيدك

max pyne

03-08-2009, 12:55 PM

ايه نظام سياحة وفنادق الاسماعيلية يا اسلام

sympathique

03-08-2009, 03:43 PM

ايه نظام سياحة وفنادق الاسماعيلية يا اسلام

سياحة وفنادق الاسماعيلية هى مقر الاتحاد النوعى لكليات السياحة والفنادق فى الوطن العربى

3 اقسام طبعا
انسب قسم للاولاد قسم فنادق وهو اصعب قسم
انسب قسم للبنات هو دراسات سياحية وهو اسهل اقسم وايضا هو مناسب للاولاد
نظام الدراسة هناك سهل وممتع جدا
الدفعة ببكون عددها قليل
الدكاترة هناك لذاذ جدا
واقدر اقولك ان احنا مصاحبين الدكاترة مصاحبينهم بمعنى كلمة اصحاب ومعانا نمر تليفوناتهم كمان
وهما اصلا بيحبوا يخدموا الطلبة
والدراسة فى الاسماعيلية سهلة جدا وهتحبها اوى
التخصص من سنة اولى بتعرفوا بعد ماتعمل الانترفيو
التدريب الصيفى فى الاسماعيلية بيختلف من سنة لسنة بالنسبة لقسم دراسات سياحية وقسم فنادق
حيث ان الفرقة الاولى قسم فنادق بتقوم بالتدريب فى المركز التابع للكلية فى مدينة العريش
اما الفرقة التانية فيتم تدريبها فى مدينة شرم الشيخ تبع مركز تدريب جامعة قناة السويس
ودى بتختلف من سنة للتانية يعنى ممكن انتى بنفسك تروح المكان اللى انت عاوز تدرب فيه

اما بالنسبة للفرقة الاولى قسم دراسات سياحية فليس لها تدريب صيفى
ولكن التدريب ده بيكون لك انت علشان تاخد الخبرة يعنى ملكش دعوة بالكلية انت بدور على اى فندق او اى شركة سياحية تدرب فيها

اما بالنسبة لقسم ارشاد فهو فى الاسماعيلية بدون مصاريف يعنى مجانا

وتقوم الكلية نفسها بتدريب الطلاب وعمل رحلات لهم الى عدة محافظات اثناء الدراسة لكى يتعرفوا عليها

قرر انت وشوف انت ناوى على قسم ايه وربنا يوفق الجميع

Eslam_Tourism

04-08-2009, 12:03 AM

بقولك اه يا esraa ما تبقى مشرف معايا لانى ساعات ما مبقدرش اشارك فى المنتدى

وكمان انا احتمال انى اسيب الاشراف لانى الايام الجاية كلها هسافر كتير اوى ومش هبقى فاضى

ها موافق ولا اية ؟؟؟

sympathique

04-08-2009, 12:32 AM

انا معاك يا اسلام
بس انا بكلمك من الصبح على الايميل ولا انت هنا

انا عاوزك علشان فيه ناس اصحابى شكلهم كده ناويين على سياحة المنصورة وعاوزين نظبطهم وانت ولا سائل

Eslam_Tourism

04-08-2009, 02:00 AM

اه يا جماعة براحة عليا شوية

مش بأيدى والله انا عندى الكمبيوتر بايظ وكمان انا هضطر انى اسيب الاشراف وان شاء الله الاخ esraa يكمل معاكو معلش اصل الحج ابويا عايزنى فى حوارات ومشاغل كتير كده مش عارف هتنهى امتى الصراحة وسامحونى يا جماعة مش يايدى

والصراحة انا شايف esraa جامد اوى الصراحة وهيقوم بالواجب وزيادة ان شاء الله وانا هابقى اقدم طلب عشان يسمك الاشراف بدلا منى لانى الصراحة الايام الجاية دى كلها هابقى فى مصالح كتير اوى

mbardeesy

04-08-2009, 04:55 PM

انا محمد من قنا ترشيحى سياحة وفنادق الاقصر بس مفيش قسم ارشاد عايز اعرف ابه رايكم فى قسم دراسات سياحية؟
وايه امتحان القدرات؟ ارجو الرد السريع

sympathique

04-08-2009, 07:26 PM

فعلا مفيش فى الاقصر قسم ارشاد لان الكلية لسا جديدة

اما بالنسبة لقسم دراسات سياحية فهو جميل جدا ومجال شغله واسع جدا

طبعا مش هنعيد ونزيد فى كل اللى فات بس ممكن تشتغل فى شركات سياحية وشركات طيراااااان

وامتحان القدرات ممكن تدخل على اى موضوع وتشوفه ( الانترفيو)

amir atef

05-08-2009, 02:11 PM

هاى يا جماعة انا امير تانية ارشاد حلوان اللى عايز اى حاجة انا فى الخدمة

abanoub sarwat

05-08-2009, 03:00 PM

يا جماعة ارجوكم عايز اعرف العملات و العواصم يتاعة كل بلد من دلوقتى علشان اطبعها و احاول احفظ اللى اقدر عليه علشان انا خايف من الانترفيو و سوال تانى هو لو لقدر الله سقطت فى الانترفيو حروح كلية تانى غير الاسكندرية ولا ايه النظام ؟ ارجة الرد با جماعة

jeary

05-08-2009, 05:28 PM

ازيك يا اسلام .ان شاء الله ربنا هيوفقك فى الى انت عاوز تعمله مع والدك بس لية هتسيب الاشراف على الاقل تبقى مع esraaانا عرفت انك لسة فى تانية سياحة المنصورة كنت كاتب كدة فى منتدى تانى وبصراحة مشرفة المنتدى هناك اية ظريفة جدااااا مقولكش بصراحة:blush:بصراحة انا متشكرة ليك جدا انا كنت حيرانة بجد انا لو مش كنت عرفت المعلومات دى منك عن الكلية كانت هتعدى السنة وانا لسة حيرانة بردو ميرسىىىىىىى ليك جدا وربنا يوفقك .واهلا بيك يا esraa
سلااااااااااااااااااام

hesham_love923

06-08-2009, 01:04 AM

انا هشام وجالى اثار الفيوم وناس كتير نصحونى احول سياحه وفنادق انتو ايه رايكم بليز ردو عليا

sympathique

06-08-2009, 01:09 AM

بص انا بصراحة معرفش حاجة عن اثار

بس نصحتى انك تسال الناس اللى فى اثار ويقولولك ايه نظام الكلية ودراستها ومتطلباتها وسوق العمل بعد كده هيكون ايه

وتسال عن سياحة وفنادق وتعرف الفرق وتقارن وتقرر بقى بعد كده وربنا يوفقك

eslam_2009

06-08-2009, 07:30 PM

كلية الاثار دى مالهاش لازمة ,,, هتطلع منها ايه يعنى ؟؟ ولا حاجة ولو فكرت تشتغل عايز واسطة وكمان اقسامها ملهاش شغل خالص لانها مجالاتها محدودة جدا فى مجال الاثار بس وده مجال ضيق اوى فى سوق العمل ,,,

يعنى مثلا اقسامها اثار اسلامية و اثار مصرية وترميم اثار والتلاتة دراستهم رخمة ومش هتطلع حاجة هتشتغل فى مجال تانى خالص وده لو لقيت اساسا

shahpoup

06-08-2009, 10:32 PM

مشكووووووووووووووووووور جداااااااااااااااااااااااااااا

eslam_2009

07-08-2009, 01:53 PM

على فكرة يا جماعة ميعاد الانترفيو لطلبة سياحة وفنادق المنصورة يوم السبت اللى هو بكرة وكمان فى مجموعة تانية هتمتحن يوم الاحد ومجموعة تالتة يوم الاتنين

همس العشاق

12-08-2009, 12:56 AM

هاي انا :bosyht9:عملت امتحان القدرات والحمد لله كان كويس بس عاوزه اعرف النتيجه امتي او في حدود امتي الرجاء الرد سريعا شكرا:confused:

طبيب عالمى قادم

12-08-2009, 12:51 PM

مشكوووووووووووووووور

مروان النجم

14-08-2009, 05:02 PM

انايا جماعة لسة هدخل كلية السياحة السنة دية ان شلء الله انا اية
بس خايفة من النترفيو
وكمان عايزة اعرف اكتر عن التدريب بتاع قسم دراسات وبالنسبة للتقديرات
هل سهل انى اجيب تقديرات ولا لاء

المهندس7000

22-08-2009, 11:29 AM

انا لسة لم اقدم حتى الان ومنتظر نتيجة التحويل

فى ضرر فى كده؟

ارجو الرد ضرورى

sympathique

22-08-2009, 12:31 PM

لا مفيش اى ضرر

black horse

25-08-2009, 07:13 PM

فى قسم ارشاد سياحى المواد باللغة الانجلزية لكل الجامعات ولا النظام ايه؟
انا فى جامعه المنصورة فهل فى قسم الارشاد السياحى فى جامعه المنصورة الدراسه بالانجليزية؟
وشكراااا

sympathique

27-08-2009, 12:49 AM

اولا انا مش فى المنصورة

بس طبعا لا المواد مش كلها باللغة الانجليزية

فى عربى وفى انجليزى

ميدو ابن حميدو

05-09-2009, 07:28 PM

ياجماعه انتم قلقنين من ايه بالظبط
تعالوا جماعه الفيوم الدراسة سهله جدا
والمصاريف قليلة
غير كده انه معترف بيها جدا
واى

ميدو ابن حميدو

05-09-2009, 07:38 PM

ياجماعه انتم قلقنين من ايه بالظبط
تعالوا كلية سياحة جامعه الفيوم الدراسة سهله جدا
والمصاريف قليلة جدا الفرقة الاولى مش بتزيد عن 275 جنيه
غير كده انه معترف بيها جدا وفى فنادق كتير بتطلب استفات من الكلية
وابسطط مثال هو الشيراتون وكان طالب من الكلية عدد تعيين او تدريب صيفي
وبعد كده التقديرات عندنا حلوة جدا المعظم مابين جيد وجيد جدا
والتخصص من تانية بس هو ان انت لو هتدخل ارشاد بتدفع 100 جنيه في المقابله و900جنيه مصاريف

واى استفسار اتفضلوا اسالوا وممكن كمان تدخلوا على موقع الكلية وتتاكدوا
..............
ميدو ابن حميدو

eslam_2009

05-09-2009, 09:09 PM

هو كل اللى هنا فى سياحة الفيوم !!!

mahomud

08-09-2009, 05:08 PM

هاااااااااااي انا اسمي محمود وانا جديد في المنتدي انا داخل اولي سياحه وفنادق حلوان قسم دراسات سياحيه عربي

haneen soudy

18-09-2009, 03:14 AM

يا جماعة الحقونى انا جتلى سياحة و فنادق المنيا بس لسة مقدمتش الورق اعمل اية

sympathique

18-09-2009, 03:26 AM

يا جماعة الحقونى انا جتلى سياحة و فنادق المنيا بس لسة مقدمتش الورق اعمل اية

طب اهدى بس كده ومتقلقيش من اى حاجة

ان شاء الله مفيش اى مشكلة

والف مبروك على الكلية

ممكن بكل بساطة تروحى تقدمى الورق وتعملى الانترفيو كمان
وتقدمى ورق للمدينة الجامعية كمان
مفيش اى مشاكل فى كده

وربنا يوفقك

haneen soudy

18-09-2009, 03:26 AM

momken trod fy asra3 wa2t lw sam7t

sympathique

18-09-2009, 03:28 AM

momken trod fy asra3 wa2t lw sam7t

فى انتظار جميع استفساراتك ان شاء الله

haneen soudy

18-09-2009, 03:39 AM

ok thx bgd asl l2et intrview w mesh 3arf eh tyb so2al tany m3lsh hya el msaref nzamha eh w el interview w kda ksm ershad sya7y nzamo eh?

sympathique

18-09-2009, 03:43 AM

احم

طب اولا المصاريف دى عادية جدا

مصاريف الجامعات الحكومية

اما بالنسبة للا نترفية فياريت متقلقيش منه خالص

الانترفيو ده روتينى وكله بينجح فيه مفيش فيه ادنى مشكلة خالص

اما بالنسبة لقسم ارشاد فهو جميل جدا ممكن تدخليه وممكن تدخل قسم دراسات سياحية

ثوانى اجيبلك روابط الانترفيو

sympathique

18-09-2009, 04:00 AM

http://www.thanwya.com/vb/showpost.php?p=1507624&postcount=85

sympathique

18-09-2009, 04:07 AM

اسئلة اختبار الانترفيو ( كلية سياحة وفنادق الاسماعيلية ) (http://www.thanwya.com/vb/showthread.php?t=130482) ‏(http://www.thanwya.com/vb/life/misc/multipage.gif 1 (http://www.thanwya.com/vb/showthread.php?t=130482) 2 (http://www.thanwya.com/vb/showthread.php?t=130482&page=2) 3 (http://www.thanwya.com/vb/showthread.php?t=130482&page=3) ... الصفحة الأخيرة (http://www.thanwya.com/vb/showthread.php?t=130482&page=5))

ومتقلقيش منه

كاه كلام فاضى وروتين

amiro4u

20-09-2009, 01:20 PM

انا عاوز اعرف حاجة بس
هو معهد ايجوث معترف بيه و معتمد ولا لآ؟؟؟
ارجو الرد لو سمحتو بس حد يرد عليا فى رسالة خاصة على شان مش هعرف اجيب الصفحة ديه تانى

زائر غير مسجل

25-11-2009, 12:41 PM

هي حكومة لطلبة السياحة والفنادق ولو خاصة المصاريف كام

sympathique

25-11-2009, 10:01 PM

هي حكومة لطلبة السياحة والفنادق ولو خاصة المصاريف كام

ممكن حضرتك توضح الكلام

زائر غير مسجل

10-12-2009, 08:17 PM

شكراااااااااااااااااا كتييير على الموضوع الجميل والمعلومات الهايلة.
انا فى سياحة اسكندرية
الفرقة الاولى

denae mohamed

23-01-2010, 03:34 AM

هاى ارشاد هو لغة عربى عايزة رادممكن

denae mohamed

23-01-2010, 03:48 AM

شكرا فىالتعاون والمشرف انا دينار

زائر غير مسجل

11-02-2010, 08:01 AM

انا عاو اعرف اذا كان قسم الارشاد السياحى يدرس بالانجليزية فى جميع الجامعات وخاصة الفيوم ام لا وارجو الرد سريعا ؟

كل المواد تدرس باللغة الانجيليزية في قسم الارشاد السياحي جامعة المنيا لكن معرفش النظام في جامعة الفيوم

طالب بالخارج

08-04-2010, 07:23 PM

طب انا عندي سؤال
هي ايه امتحان القدرات ده اللي لازم الطالب يعديه ؟!!
ممكن تقولي هو عبارة عن ايه :)

طالب بالخارج

25-04-2010, 08:46 PM

محدش رد ليه
القسم ده مش شغال كدا ليه
؟؟؟

طالبة سياحية

05-05-2010, 07:39 AM

ده مش امتحان قدرات
دي بتبقي مقابلة مع الكلية
دكاترة او معيدين بيقعدوا يسألوك انت عاوز تدخل قسم ايه وليه وتعرف ايه عنه
وشوية معلومات عامة وكلهم بينجحو
بس للأرشاد غالبا الاسئلة بتبقي بالانجلش عشان يحددو مستواه ف الانجلش وكده
لأن في زمايل ليا كانو ميح ف الانجلش وترفضوا ف الارشاد بس اتحولو اقسام فنادق وسياحة
والانترفيو ده سهل جدااااااااااا وبسيط

ولو عندك اي استفسار تاني اتفضل

طالب بالخارج

10-05-2010, 08:50 PM

شكرا ليكي بجد
طمنتيني لأني كدا كدا مش ناوي على قسم ارشاد ده
طب معلش كمآن سؤال
مين احسن السياحـة ولآ الفنآدق
من حيث الشعل والمطلوب في سوق العمل
وأكون شآكـر ليـكـي

البوب اللطيف

20-05-2010, 06:22 PM

انا لسه مشترك في المنتدى جديد لانه جامد جدا ومفيد لاي طالب عاوز يخش كلية سياحه وفنادق بس انا عندي استفسار مهم جدا ارجوك رد عليا بسرعه انا دلوقتي طالب في الفرقه الاولى من كلية تربيه عام قسم رياضه جامعة الزقازيق انا قسمي علمي رياضه وجايب 92% في الثانويه العامه وانا لسه في سنه اولى في الكليه بس ربنا موفقنيش فيها وعاوز احول سياحة وفنادق حلوان ياريت تقولي ينفع ولا لا ولو ينفع ايه الاجراءات وياريت تقولي ازاي اتواصل مع الجامعه يعني ارقام التليفونات او الايميلات ياريت ترد عليا بسرعه لان انا محتاج اللي يفيدني اوي وكمان اجراءات التحويل مفروض تبدأ في شهر 8 وشكرا جزيلا على مجهوداتك الرائعه

البوب اللطيف

20-05-2010, 07:12 PM

انا لسه مشترك في المنتدى جديد لانه جامد جدا ويفيد اي طالب عاوز يعرف معلومات عن كلية سياحه وفنادق بس انا ليا استفسار وياريت ترد عهليا ضروري انا طالب بكلية تربيه عام قسم رياضه جامعة الزقازيق انا لسه في سنه اولى وانا علمي رياضه وجايب 92% في الثانويه بس ربنا موفقنيش في الكليه وضاعت كده عليا سنه وعاوز احول لكلية سياحه وفنادق جامعة حلوان ياريت ترد عليا بسرعه وتقولي ينفع احول ولا لا ولو ينفع احول ياريت تقولي ايه الاجراءات وياريت تقولي ازاي اقدر اتواصل مع الكليه يعني لو ارقام تليفونات او ايميلات ياريت الرد بسرعه لان انا فعلاا محتاج لحد يفيدني ضروري وشكرا على مجهوداتك الرائعه

معروف احمد معروف

07-07-2010, 05:42 PM

هي الدراسة كلها بالانجليزي
وفيه كام لغة في الكلية دي؟؟؟؟
ارجو الرد بسرعة وشكراااااااااااااااا

eslam_2009

07-07-2010, 06:54 PM

الدراسة فى قسم ارشاد سياحى فقط هى اللى بالانجليزى ماعدا فى سياحة وفنادق المنصورة فمواد التاريخ والاثار كلها بالعربى لكن فى الجامعات التانية الدراسة بالانجليزى .

وبتاخدى لغتين من بينهم انجلش وانتى بتختارى اللغة التانية ماعدا فى سياحة وفنادق المنصورة فمفيش لغة تانية غير ايطالى

اماني خفاجه

17-07-2010, 10:35 PM

السلام عليكم .. شكرا على الموضوع الجميل ده .. كنت احب اعرف اكتر عن دبلومة ارشاد سياحي جامعة حلوان . انا ليسانس اداب قسم آثار كنت عايزه اعرف اقدم على الدبلومه فين بالظبط ؟ اروح اقدم في الجامعه ولا برج السياحه اللي في العباسيه ؟ ؟ وايه المطلوب ؟ عشان انا ساكنه بعيد وخايفه اروح عالفاضي

طالبة سياحية

18-07-2010, 10:48 AM

اهلا بيكي معانا....
انا سألتلك وقالولي ف كلية السياحة ف المنيل وتروحي شئون الطلبة تسألي هناك ومدتها تقريبا سنتين...
وربنا يوفقك

red_flower

23-07-2010, 12:17 AM

ازيكم يا جماعة
انا بس كنت عايزة اسال عن سياحة و فنادق اللى فى اسكندرية فيها لغات ايه -- و ايه احسن لغة هناك ؟
و يفضل انى اخد كام لغة فيها ؟؟
و قسم ارشاد فيها باخد المواد كلها بالانجليزى ولا لا (عشان تفرق معايا)

red_flower

23-07-2010, 12:19 AM

و هو اساسا فيه سياحة و فنادق عربى و واحدة انجليزى و لا ايه ؟
و لو فيه ايه الفرق بينهم ؟.

معلش سؤال متخلف :d
بس انا مش فاهمة معلش

Eslam_Tourism

23-07-2010, 11:06 AM

و هو اساسا فيه سياحة و فنادق عربى و واحدة انجليزى و لا ايه ؟
و لو فيه ايه الفرق بينهم ؟.

معلش سؤال متخلف :d
بس انا مش فاهمة معلش

اه طبعا فيه سياحة وفنادق انجليزى زى ما فى تجارة انجليزى بس سياحة وفنادق انجليزى موجودة فى جامعة حلوان بس وبمصاريف 3000 جنية تقريبا .

ومش بتفرق كتير فى سوق العمل لكن بتفرق فى ناحية الدراسة , يعنى مثلا خريج سياحة انجليزى بيبقى فاهم الدراسة كلها بالانجليزى وبالتالى مش هيحتاج كورسات فى الانجليزى لما يتخرج لكن سياحة عربى لو كان الانجلش بتاعه قليل اعتقد بنسبة كبيرة هيتخرج مش محترف فى الانجليزى تماما

يعنى من الاخر سياحة انجليزى هتخرجك حلو فى الانجليزى وكمان هتاخد فكرة او خلفية اساسية عن اللغة التانية , يعنى بتفرق فى اللعة وممكن تديلك اولوية شوية فى الشغل بعد التخرج وده من وجهة نظرى .

وياريت محدش ينسى ان مفيش حد بيشتغل فى كليتنا دى الا لما يكون معاه لغة كويسه وده لو انت عايزة وظيفة محترمة .

red_flower

23-07-2010, 04:39 PM

شكراااااااا على ردك

طيب هو هناك فيه لغات ايه ؟؟؟
و ايه اسهل لغة فى رأيك ؟

Eslam_Tourism

24-07-2010, 09:26 AM

شكراااااااا على ردك

طيب هو هناك فيه لغات ايه ؟؟؟
و ايه اسهل لغة فى رأيك ؟

لو قصدك سياحة وفنادق حلوان ففيها لغات كتير بالاضافة الى الانجليزى زى الفرنساوى والالمانى ولغات تانية ممكن تسألى هناك ومعظم كليات السياحة فى مصر فيها لغات كتير ماعدا المنصورة ففيها ايطالى بس .

اسهل لغة من رأيى هى الايطالى وبرضو الاسبانى خفيف شوية اما الالمانى فزى ما بيقولوا انها لغة خشنة صعبة شوبة عايزة ممارسة كتير , والفرنساوى صعب الى حد ما لان فى قواعد كتير وصعب تاخدية كلغة تكلمى بيها سياح اجانب

ونصيحة عن تجربة باريت متدرسيش الايطالى والفرنساوى مع بعض لان هيحصل تداخل جامد جدا بينهم يعنى لازم تختارى واحد من الاتنين اذا كنتى ناوية على واحدة منهم .

red_flower

25-07-2010, 04:32 PM

شكراااااااااااا جدا على اهتمامك

اماني خفاجه

25-07-2010, 10:28 PM

السلام عليكم .. كنت عايزه اعرف في لغات ايه تاني غير دول ؟ في برتغالي ؟؟

red_flower

31-07-2010, 01:33 PM

ايه ده ياخوانا
فى ناس كتير قالولى ان قسم ارشاد متعب للبنات و احسن انى اشوف قسم غيره :(
طب انا محتاسة -- ممكن تقولولى ايه افضل قسم هناك ؟؟؟

treka_100

31-07-2010, 05:31 PM

بوصي يا ريد فلاور
اللي بيقولوا قسم ارشاد متعب للبنات بيقولوا كده على اساس انه كله رحلات و شمس وحر وبهدلة والكلام ده
بس في بنات بتدخله بردو لو انتي حباه ادخليه
نيجي بقى للقسم الاحسن بالنسبالك لو مش هتدخلى ارشاد
في نظري انه سياحة لانه بتتجه ليه معظم البنات ( مع اني انا دخلته :d )
وده بياهلك لانك تشتغلي في مكاتب سياحية وشركات طيران مع اختلاف التدرج الوظيفي زي حجز تذاكر او اعمال ادارية او مضيفات حجات كتير يعني وكويسة جدا وطبعا شركات الطيران الكبيرة في مصر بتدفع فلوس كويسة قد تتعدى 1000 جنيه انما شركات السياحة بتبدا من 450 جنيه
اما قسم فنادق ده ابعدي عنه :d
اتمنى اكون افدتك

red_flower

31-07-2010, 06:36 PM

طيب سؤال غبى معلش
هو الارشاد ده مينفعش يكون فى مكان ثابت يعنى استقر فى بلد واحدة و اشتغل فى الحاجات اللى فيها
ولا هو دايما بكون انا اللى مسئولة عن فوج معين و بنظمله البرنامج بتاعه كله فى كذا مكان مش جزء منه ؟؟؟

معلش انا عارفة انه سؤال غبى بس انا مش فاهمة اوى !

treka_100

31-07-2010, 10:54 PM

بصي يا ستي بالنسبة لشغل ارشاد
انتي بتقدمي السي في بتاعك لكذا شركة مش بترتبطي بشركة واحدة
ولما شركة بتحتاجك بتتصل بيكي وهي اللي بتكون متحكمة في البرنامج بتاعك والاماكن اللي هتروحيها مع الفوج

red_flower

01-08-2010, 12:06 AM

اوك

طيب سؤال اخير بقى معل
هو حضرتك تعرف سياحة اسكندرية فيها لغات ايه ؟؟؟
و مثلا لو انا عايزة ادرس روسى
تفتكر الكورسات لوحدها ممكن تمكنى انى اتقن اللغة دى
يعنى مثلا ابقى زى اللى متخرجين من كليات متخصصة فى اللغات
طبعا مش بالظبط بس اقصد فى كورسات تخلينى انفع فى الارشاد كويس ؟؟

treka_100

01-08-2010, 12:13 AM

بصي كليات السياحة مش بتديكي لغة
انتي كده كده لازم تاخدي كورسات والكورسات لوحدها هي اللي هتخليكي متقنة للغة
اما بالنسبة للروسي الكورس بتاعه بعد ما تخلصيه بتاخدي لفل ارشاد وده بيمكنك تكوني مرشدة
ومن اللغات النادرة في الوقت ده تشيكي و بولاندي
وبالنسبة لموضوع اسكندرية لو امكن حضرتك كلميني على الايميل هديكي ايميلات ناس في سياحة اسكندرية
اي اسئلة تانية ؟

red_flower

01-08-2010, 12:20 AM

لا مش مشكلة خلاص انا حبقى اشوف الموضوع ده
انا كان اهم عندى انى اتطمن من موضوع الكورسات ده

شكراااااااااااااااااااا كتير لحضرتك طولت عليك

treka_100

01-08-2010, 12:31 AM

لا عادي ولا يهمك تحت امرك في اي وقت

prof.m

24-08-2010, 05:16 PM

تماااام جدا

مامووو

08-09-2010, 01:00 AM

انا معايا دبلوم تجاره من سنة2007وعايز اقدم سياحه وفنادق ارشاد سياحيى مش مشكله الفلوس بس ميكنش اكيد غالى اووى بس ارجو الرد فى الحال:bosyht9::bosyht9::bosyht9::bosyht9::bosyht9: :bosyht9::bosyht9::bosyht9::bosyht9::bosyht9::bosy ht9::bosyht9:

treka_100

08-09-2010, 01:17 AM

اول حاجة هتقدم على تنسيق السنة بتاعتك
ثانيا بقى عندك كزا جامعة فيها سياحة وفنادق شوف الاقرب ليك انما لو مش عايز حاجة غالية ابعد عن حلوان لانها 3000 في السنة
ثالثا ممكن تقدم دبلومة ارشاد وريح دماغك ;)

مامووو

08-09-2010, 03:57 PM

اقدم فين الدبلومه بتاعت الارشاد ارجو الرد مع مرعاة انى مخلص سنة 2007

مامووو

08-09-2010, 04:04 PM

وشكرااااااااا كتير ليك طارق

treka_100

08-09-2010, 08:35 PM

بص بالنسبة لسياحة وفنادق حلوان ده النظام

دبلوم الدراسات العليا فى أحد تخصصات الكلية·

شـــروط القيــد :

· أن يكون الطالب حاصلاً على مؤهل عال من إحدى جامعات جمهورية مصر العربية أو على درجة معادلة من معهد علمى أو معهد عالى آخر معترف به من الجامعة·

· يفضل من يعملون فى مجال السياحة والفندقة والإرشاد السياحى·

· أن يجتاز بنجاح الاختبارات المقررة التى تجريها الكلية للتأكد من صلاحيته لهذه الدراسة·

مــدة الدراسـة :

مدة الدراسة لنيل أى من دبلومات الدراسات العليا سنتان جامعيتان·

نظام الدراسة والامتحان :

· يكون الامتحان تحريرياً فى جميع المقررات عدا قاعة البحث·

· يشترط لدخول الطالب الامتحان المقرر أن يكون مستوفياً نسبة حضور لا تقل عن 80% وإلا حرم من دخول الامتحان·

· يخصص 30 % من الدرجة النهائية لأعمال السنة التى تتضمن بحوثاً واختبارات دولية واشتراكاً فى المناقشات·

· يقدر نجاح الطالب فى المقررات وفى التقدير العام بأحد التقديرات الآتية :

- ممتاز من 90 % فأكثر من مجموع الدرجات·

- جيد جداً من 85 % إلى أقل من 90 % من مجموع الدرجات

- جيد من 65 % إلى أقل من 85 % من مجموع الدرجات

- مقبول من 60 % إلى أقل من 65 % من مجموع الدرجات

أما رسوب الطالب فيقدر بأحد التقديرين الآتيين :

ضعيف من 35 % إلى أقل من 60 % من مجموع الدرجات

ضعيف جدا أقل من 35 % من مجموع الدرجات

يمنح الراسب فى أى مقرر فرصة واحدة لإعادة الامتحان فى جميع المقررات·

treka_100

08-09-2010, 08:36 PM

وده بالنسبة لجامعة الاسكندرية

دبلوم الدراسات العليا:
شروط قيد الطالب لدبلوم الدراسات العليا:
1- أن يكون حاصلاً على مؤهل عال من إحدى جامعات جمهورية مصر العربية أو درجة معادلة من معهد عال معترف به.
2- يفضل من يعملون فى مجال السياحة والفندقة.
3- أن يجتاز بنجاح الإختبارات المقررة التى يقررها مجلس الكلية للتأكد من صلاحيته للدراسة.
4- مدة الدراسة لنيل أى دبلوم دراسات عليا سنتان جامعيتان.
5- تقدم الطلبات في الموعد المحدد من كل عام.
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
الأوراق المطلوبة (الأصول من المستندات) (للطلاب المصريين):
1- الشهادات الجامعية التى تؤهله للإلتحاق بالدراسات طبقاً لقوانين جامعات مصر.
2- شهادة (إفادة) مدة الدراسة (بيان نجاح الأربع سنوات).
3- شهادة الميلاد أو مستخرج رسمي.
4- عدد (4) صور شخصية.
5- صورة البطاقة.

المصروفات المقررة لدبلوم الدراسات العليا:
50 جنيه للساعة طبقا لعدد الساعات المقررة لكل فصل
32.25 جنيه رسوم دراسية
750 جنيه رسوم تحصل لحساب صندوق الخدمة التعليمية بالجامعة.

treka_100

08-09-2010, 08:38 PM

والشكر لله يا صاحبي
وعلى فكرة انا اسمي محمود واسم الشهرة هنا تريكة واسم الشهرة في الكلية مامو :)

مامووو

09-09-2010, 02:33 AM

اوكى يا عم محمود ممكن ايميلك علشان انا فى حاجات اكتر عايز استفسر فيها ومعلش تقبل رخمتى بليزززززززززززززززززززززززززز انا اسف لتعبك بس فعلا محتاج معلومات كتير ولك جزيل اللشكر

treka_100

09-09-2010, 02:48 AM

هتلاقيه في معلومات الاتصال في صفحتي
http://www.thanwya.com/vb/member.php?u=58532

ميزو مان

09-09-2010, 03:02 PM

هو في تخصص في ادارة الفنادق اسمه خاص بالحفبلا والمؤتمرات وهل التخصص ده في الفنادق حلو وليه مرتبات عاليه وشغله حلو ولا اي كلام

ميزو مان

09-09-2010, 03:09 PM

ياريت حد يرد بسرعه

*~ToOoP~*

21-09-2010, 12:23 AM

على فكره انت حقتك تعملك كتاب
والله كلامك زى العسل
او تروح تمسك فندق اصلك فاهم كل حاجه ^_^ .,

على فكره انا فى مدرسه الأورمان الثانويه الفندقيه ونفسى اخش
كليه سياحه وفنادق وان شاء الله اجيب مجموعها اللى انا مش عارف هى من كام اصلا بس هجيبوا بإذن الله انا عندى الأنجليزى كويس
بس انا عايز اتعلمه اكتر وافهم اكتر
وشكرا على الموضوع الجميل ده تسمل ايدك
:039uw8:

treka_100

21-09-2010, 01:03 AM

ربنا معاك يا تووب وان شاء الله تنجح وتدخل كلية السياحة والفنادق اللي نفسك فيها
وظبط الانجلش بتاعك وشوف معاه لغة تانية وانت ان شاء الله تبقى توووب
بالتوفيق

سارة سعود

21-09-2010, 07:14 PM

السلام عليكم . استاذ اسلام بما انك مشرف القسم ممكن استفسر منك على حاجة . من خلال قراتى لمشاركاتك فهمت ان حضرتك فى جامعة المنصورة . هل حضرتك على اتصال باى طلبة من سياحة و فنادق خريجى 2009|2010 . ياريت ترد على بسرعة من فضلك.

Eslam_Tourism

22-09-2010, 12:30 AM

Eslam gamal hero

01-12-2010, 01:26 PM

انا عايز اعرف حاجة فى سياحة وفنادق خاص فى مصر ولا لا عشان انا مجموعى قليل جدا عن التنسيق ومش عارف اعمل ايه ياريت حد يجاوبننى بعد ازنكم انا تعبت ونفسى ادخل سياحة وفنادق بس محصلش نصيب انى اجيب المجموع بتاع التنسيق لكن عايز اعرف ينفع اقدم خاص ولا لا لو حد عرف ياريت يجاوبنى ويقولى المصاريف كم بعد ازنكم

treka_100

04-12-2010, 04:30 PM

شوف جامعة 6 اكتوبر و ان شاء الله تقبل

بحب ربنا

04-12-2010, 04:43 PM

شكرا لك جزيلا يجازيك خيرا

بحب ربنا

04-12-2010, 05:23 PM

جزاك الله خيرا

احمد نصر لدين

12-01-2011, 03:16 PM

شكررررررررررررررررا جزيرا استاذ اسلام انا فى تالتة ثانوى السنادى وعاوز موت اخش الكلية دى بس المشكلة انى جايب فى الأنجليزى السنة الى فاتت 10 من 25 ممك اخش ولا لأ بس المجاميع الى معايا كلها كده نادرا لما تلاقى حد جايب اعلى من كده ممكن تقبلنى ولا ايه

علاء ابو حاكم

20-02-2011, 06:39 PM

لو سمحت
الثانوية السياحية الفندقية تقبل من كام فى المية

khaled-ahmed

26-02-2011, 11:09 PM

شكرا على المعلومات الجميله دي بس انا عندي استفسار وهو ايه طبيعيه عمل الtour leader و ايه الفرق بينه و بين المرشد السياحي و هل في قسم معين بيدرس الشغلانه دي؟
وشكرا مره تانيه على الموضوع

Free Love

01-07-2011, 06:21 PM

شكرا لك علي المعلومات دي

ahmed mahmoud2012

10-07-2011, 04:34 PM

انا عايز اعرف ايه موضوع يوم السبت 16/7

بتاع بطاقات اختبار القدرات
يا ريت اللى عارف حاجة عن الموضوع ده يفهمنى وحدة وحدة

كينج اوف كينجس

12-07-2011, 02:32 PM

لسه يا جماعه الانترفيو مش دلوقتي لسه لما النتيجه تطلع والتنسيق يبان بتروح تعمل انتر فيو وتحدد القسم الليب انت عاوزه

Єlkatkota Єmy

12-07-2011, 02:43 PM

topic gameeeel

thanxxx

mega man166

19-07-2011, 05:00 AM

لسه يا جماعه الانترفيو مش دلوقتي لسه لما النتيجه تطلع والتنسيق يبان بتروح تعمل انتر فيو وتحدد القسم الليب انت عاوزه
ازاى؟
امال امتحان القدرات ده ايه الى من 16/7 الى 21/7
هوا فى امتحان دلوقتى وانترفيو بعدين
ارجو التوضيح

ايمان هارون

19-07-2011, 08:07 AM

شكرا على المعلومات الجميله دي بس انا عندي استفسار وهو ايه طبيعيه عمل الtour leader و ايه الفرق بينه و بين المرشد السياحي و هل في قسم معين بيدرس الشغلانه دي؟
وشكرا مره تانيه على الموضوع
تقريبا الدكتورة فى الكلية قالتلنا ان الشغانة دى فى قسم دراسات سياحة وربنا يوافقك ولم هتروح هناك هم هيوقولك التفاصيل وكل قسم بتشتغل منو اية

محمد طارق 1

20-07-2011, 04:49 PM

طيب يا جماعة يا ريت بما انكم فتحتوا الموضوع

انا خلاص عملت اختبار قدرات والحمد لله عملت كويس النهردة 20/7/2011 يا ريت اللي جه النهردة يقول

انا علمي رياضة جايب 88.5 مش عارف هل دة يدخلني

توقعاتكم ايه ؟

انا منتظر ردودكم بفارغ الصبر

M!DoO

22-07-2011, 01:39 AM

theking1985

22-07-2011, 03:25 PM

محمد طارق 1

22-07-2011, 03:27 PM

اعتقد خلاص كدة لان اخر يوم للانترفيو بكرة وانت كنت محتاج يوم تجيب فيه الاستمارة

theking1985

22-07-2011, 03:42 PM

اعتقد خلاص كدة لان اخر يوم للانترفيو بكرة وانت كنت محتاج يوم تجيب فيه الاستمارة
شكرا على ردك يا محمد بس ياريت تأكيد ولو حد يعرف اى وسيلة علشان الحق لو سمحتم

Eslam_Tourism

22-07-2011, 04:44 PM

انا عايز اعرف كلية السياحة والفنادق ليا مستقبل اليومين دول خاصة بعد 25 يناير مع العلم ان السياحة مضروبة اليومين دول علشان كدة انا خايف اكتب في التنسيق كلية السياحة و الفنادق.
ارجو الرد السريع لاني لازم اكتب الرغبات اليومين دول

الثورة مش هتبقى للأبد , يعنى على ما تكون اتخرجت يكون الرئيس اللى هيمسك السنة دى اتشال وواحد تانى جه مكانه ! , ففكر فى الموضوع كويس

وعايزك تعرف ان السياحة مجالاتها كتير : تذاكر طيران - نقل سياحى - ضيافة سواء ارضية فى الفنادق او جوية فى الطائرات - مؤتمرات - رحلات داخلية وخارجية وغيرها .

theking1985

22-07-2011, 04:57 PM

Eslam_Tourism

22-07-2011, 05:28 PM

السلام عليكم

انا اسمى مصطفى ومجموعى 91.58 ادبى ومجموع الإنجليزى 39.5
من مدينة ميت غمر دقهلية ومكنتش اعرف موضوع القدرات ده واللى اعرفه ان فى سياحة وفنادق فى المنصورة وسمعت ان فى بكره آخر يوم اختبار قدرات ومش عارف اعمل ايه واروح مكتب تنسيق ايه ولا اروح الكلية على طول علشان مفيش وقت وايه الخطوات وكده وهل ممكن اقدم فى حلوان وهل مجموع الانجليزى ممكن يبقى عائق ؟؟؟
ياريت تجاوبونى بسرعة لو سمحتم مفيش وقت وشكرا

فى سياحة وفنادق المنصورة اختبار القدات عشان تقبل فى الكلية بعد نتيجة التنسيق والقبول , يعنى تروح شئون الطلبة بعد ما نتيجة التنسيق تتطلع وتروج تقدم وهما هيحددوا ليك معاد لللانترفيو وبيبقى سهل اوى على فكرة فى المنصورة وكله بينجح بدون استئناء حتى لو سقطت بيعملولك اعادة .

واتصل بالكلية من الرقم ده : 2218138 ، 2217896 (050)

M!DoO

22-07-2011, 05:37 PM

الثورة مش هتبقى للأبد , يعنى على ما تكون اتخرجت يكون الرئيس اللى هيمسك السنة دى اتشال وواحد تانى جه مكانه ! , ففكر فى الموضوع كويس

وعايزك تعرف ان السياحة مجالاتها كتير : تذاكر طيران - نقل سياحى - ضيافة سواء ارضية فى الفنادق او جوية فى الطائرات - مؤتمرات - رحلات داخلية وخارجية وغيرها .
شكرا على الرد بس ممكن تؤلي انا لو متخرج من قسم ارشاد سياحي ممكن اشتغل في حاجة غير السياحة مترجم مثلا؟ وشكراااااا.

theking1985

22-07-2011, 06:09 PM

فى سياحة وفنادق المنصورة اختبار القدات عشان تقبل فى الكلية بعد نتيجة التنسيق والقبول , يعنى تروح شئون الطلبة بعد ما نتيجة التنسيق تتطلع وتروج تقدم وهما هيحددوا ليك معاد لللانترفيو وبيبقى سهل اوى على فكرة فى المنصورة وكله بينجح بدون استئناء حتى لو سقطت بيعملولك اعادة .

واتصل بالكلية من الرقم ده : 2218138 ، 2217896 (050)
ألف شكر لردك يا إسلام
بس كده بقى اروح بكره ولا لاء ؟؟؟ وهل الإنجليزى بتاعى 39.5 ممكن يعملى عائق ؟؟؟

ايمان هارون

22-07-2011, 08:59 PM

لالالالالالالالالا الانجليزى مش عائق لانك المفروض تجيب 35 من 50 يعنى مجموعك تمام الحمدلله

theking1985

23-07-2011, 02:17 AM

لالالالالالالالالا الانجليزى مش عائق لانك المفروض تجيب 35 من 50 يعنى مجموعك تمام الحمدلله
بجد شكرا جدا على ردك وإهتمامك يا إيمان واعذرينى ما عرفتش ارد على رسالتك لإن مشاركاتى لسه اقل من 50
اسمحيلى اسألك انت وإسلام وكل اللى يعرف .... انا هتصل بكره ان شاء الله زى ما إسلام قال على الكلية فى المنصورة واشوف ينفع اروح اعمل الاختبار ولا لاء تمام ؟؟؟ السؤال بقى ايه العمل لو قالوا ما ينفعش ؟؟؟ هل لو جالى ترشيح ممكن بعدها اعمل الاختبار والمقابلة ولا لاء كده راحت عليا ؟؟؟ ولو دخلت المنصورة ينفع احول لحلوان ؟؟ والف شكر ليكم يا احلى منتدى

ايمان هارون

23-07-2011, 09:06 AM

انا مش متمكنة لانى طالبة زيك وجوبت على حسب مااعرف بس انا اظن انهم هيختبروك ولو لا هيرشحوك عموما كان فى طلبة كتير مش عاملة الاختبار مش لوحدك دكتور اسلام يفيدك لانى مش عارفا وراحة اجب النتيجة بتاعت الانترفيو انهاردة ادعولى بقا

علاء محمد سليم

23-07-2011, 02:16 PM

سؤال بسيط

هو الاسئل بتاعت الهوايات وعواصم الدول و العملات عربى ولا انجلش

علاء محمد سليم

23-07-2011, 02:19 PM

يا ريت الرد بسرعه

ايمان هارون

23-07-2011, 04:42 PM

الهوايات انجلاش العواصم والعملات عربى

ايمان هارون

23-07-2011, 04:53 PM

Eslam_Tourism

23-07-2011, 05:03 PM

اسلام ممكن تفيدنى فى حاجة انتة قولتلى انك ممكن تخوشى حلوان فى حالة واحدة انك لو بتقدمى الرغبات مقلكيش خطاء التوزيع انا عملت فى الرغبات سياحة حلوان وبعدين اسماعلية وبعدين المنوفية لو جيبت بقا درجة حلوان هروحها ومش راحة المنوفية حسب التوزيع الجغرافى

اه طبعا ما دام برنامج التنسيق سمحلك انك تكتبى سياحة حلوان اول رغبة من غير مشاكل عادى فطبعا لو جايبه مجموعها هتدخليها ولو مجيبتهاش هيجيلك الرغبة التانية اللى انت كاتبها ( الاسماعيلية ) .

ايمان هارون

23-07-2011, 05:58 PM

شكرا يااحلا مشرف قسم شوفت فى حياتى بس يارب اقبل بقا لانى بجد هموت من الرعب

علاء محمد سليم

24-07-2011, 01:04 PM

ممكن يا مستر اسلام

تكتب لنا تقديمه بلانجليزى بايدكالحلوه تكون مناسبه لكل الطلاب

treka_100

24-07-2011, 03:28 PM

بالنسبة لتقديم نفسك اتفضلوا دي وبتمنى انها تنال اعجابكم ... ولو في اي حاجة وقفت معاكوا في الترجمة انا تحت امركم :)

my name is Mahmoud, i am 19 years old
i'm from egypt, i live in Cairo the capital
my hobbies are a lot , i am crazy about drawing and surfing in net and i like english songs and making new friends
i have 1 brother and 1 sister
I am a quiet person
I love life
I do not disagree on a lot of people
This is me no less, no more
my logo in life
be or not to be

علاء محمد سليم

24-07-2011, 04:53 PM

شكرا يا احسن مستر

ايمان هارون

24-07-2011, 08:16 PM

جميل ياتريكا http://www.ahram.org.eg/Egypt/News/91221.aspx ودة للمحضرش القدرات

treka_100

24-07-2011, 08:49 PM

العفو ومعاكوا في اي حاجة تحتاجوها ان شاء الله :)

علاء محمد سليم

25-07-2011, 03:00 PM

هو الطول والوزن فيه شروط

علاء محمد سليم

25-07-2011, 03:08 PM

وهما بيسألونا فى العواصم والعملات

وايهههههههههههههه تانى

treka_100

26-07-2011, 12:00 AM

لا مافيش شروط للطول والوزن :)

علاء محمد سليم

26-07-2011, 05:27 AM

وهما بيسألونا فى العواصم والعملات

وايهههههههههههههه تانى

علاء محمد سليم

27-07-2011, 03:29 PM

رد لو سمحت

rimoz

03-08-2011, 02:56 AM

ممكن اعرف هل الطرحه بتعمل عائق بالنسبة للسياحة في الشغل وكده

treka_100

03-08-2011, 03:03 AM

لا حاليا الطرحه مش بتعمل عائق ... خاصة في مجال السياحة ومجال الإرشاد
إنما بالنسبة لمجال العمل في الفنادق فهي في بعض الأحيان بتشكل عائق

وأهلا بيكي معانا :)

maya2020

09-08-2011, 04:50 PM

ممكن بس ؤال هى كليه السياحه والفنادق فى اسكندريه بس كليه مش معهد بتاخد من كام وهى كانت متاحه اصلا فى المرحله التانيه ؟

اية ال

11-08-2011, 10:39 PM

مشكور جدا بس انا شايفة انكلية الاثار احسن من كلية السياحةوالفنادق ولا ايه

MezoEhab

20-08-2011, 09:18 AM

انا عايز اعرف حاجة انا لو اتخرجت من قسم ارشاد سياحي ولو السياحة مضروبة وانا معايا لغات اقدر اشتغ في اي مجال تاني ساعتها وانا داخل القسم ده لاني حابب ابق مرشد سياحي ومش عايز اي وظيفة تانية بس لو السياحة مضروبة اعمل اية ؟

MezoEhab

22-08-2011, 04:56 AM

انا عايز استفسر عن حاجة انا لو اتخرجت من قسم ارشاد سياحي ولو السياحة مضروبة وانا معايا لغات اقدر اشتغل في اي مجال تاني ساعتها واية المجلات اللي اقدر اشتغل فيها وانا داخل القسم ده لاني حابب ابقي مرشد سياحي ومش عايز اي وظيفة تانية بس لو السياحة مضروبة اعمل اية ؟ ارجو الرد

mony mohamd

23-08-2011, 04:32 PM

نتيجه القدرات ظهرت ولا لسه و نتيجه التنسيق ظهرت ولا لسه؟؟
للدبلومات السياحه وفنادق الخمس سنوات ممكن حد يرد عليا

bosy_boba

25-08-2011, 08:13 AM

طيب هي في الادبي ممكن تزيد عن 86 ولا ايه ؟ و كمان انا عايزة ادخل قسم ارشاد سياحي بس المشكلة اني مش بعرف حاجة تقريبا في التاريخ و مش بفهمة بسرعة بس جامدة اوى في اللغات فممكن اعرف يعني التاريخ ده هيكون مشكلة بالنسبالي ولا لا ؟ و كمان سؤال اخير معلش طولت عليكو هو انا لو دخلت قسم ارشاد و اتخرجت ومش لاقيت شغل مثلا للقسم ده ممكن اشتغل في مجال تاني ولا لا زى الشركات مثلا او خدمة العملاء او المطار و سوري علي الكلام الكتير ده

شهيره طارق

25-08-2011, 03:58 PM

موضوع راااائع.......جزاك الله خير

سياحة وسفر

10-09-2011, 06:58 PM

الله يعزك افدتني كتير

memo_2222

14-09-2011, 12:32 AM

انا مخلص دبلوم سياحه وفنادق 5 سنين ونسقت ولم احضر امتحانات القدرات ....؟
ايه الحل وانا نسقت اول حاجه كليه اسماعليه

محمد طارق 1

16-09-2011, 01:23 PM

للاسف لازم تعمل القدرات

memo_2222

16-09-2011, 07:19 PM

دلوقتى ...
ايه العمل ....؟
ومتى التنسيق يظهر ....؟

memo_2222

16-09-2011, 07:26 PM

دلوقتى ممكن اعمل امتحان قدرات ولا خلاص
ايه العمل ....؟
ومتى التنسيق يظهر ....؟

زكريا يحيى محمد العبد

22-09-2011, 09:14 PM

مشكووووووووووووووور

محمد طارق 1

26-09-2011, 07:28 AM

القدرات خلاص قفل

مى احمد ممدوح

18-01-2012, 02:06 PM

ع فكره انا لسه فى اولى ثانوى بس امنيه حياتى انى ادخل كليه سياحه وفنادق

شمس للحياه

03-04-2012, 02:38 PM

التعريف بالكلية: هى كلية تدخل دراستها فى مجالات السياحة والفنادق و الارشاد السياحى .

أقسام الكلية: 1- الدراسات سياحية
2- الدراسات فندقية
3- الارشاد سياحى

شروط قبول الطالب بالكلية:1- ان يجتاز اختبار القدرات التى تعلن عنها الكلية بعد ظهور نتيجة التنسيق وترشيحة للكلية .

2-أن يكون الطالب حاصل على مجموع 70% (35 من 50 ) على الأقل فى اللغة الأجنبية الأولى .

3-يجوز قبول خريجى المدارس و المعاهد الفنية للسياحة والفنادق الذين يرغبون فى مواصلة دراستهم بكلية السياحة والفنادق بنسبة لا تزيد عن 10% من إجمالى عدد الطلاب المقبولين من حملة الثانوية العامة والمرشحين من قبل مكتب التنسيق فى نفس العام
ويشترط إجتيازهم إختبارات القدرات قبل التقدم لمكتب التنسيق مع مراعاة أن يكون الطالب حاصلاً فى الدبلوم المتخصص على مجموع 75% على الأقل، كما يشترط إجتياز الطالب إمتحان فى اللغات الأجنبية التى تعقدها الكلية حيث إن إجادة اللغات الأجنبية تعد شرطاً عاماً للقبول بالكلية .

نظام الدراسة:1- مدة الدراسة لنيل درجة البكالوريوس أربعة سنوات مقسمة إلى ثمانية فصول دراسية على أن تكون نتيجة السنة الدراسية وحدة واحدة تعلن فى نهاية العام.
2- يعتبر الطالب ناجحاً إذا حصل على 50% من مجموع درجات كل امتحان.
الطالب الذى يرسب فى أكثر من مقررين يبقى للإعادة .
3- فى بعض الجامعات زى جامعة الحلوان والمنصورة يكون التحصص فى القسم من السنة الاولى .

وفى البعض الاخر زى جامعة اسكندرية يكون التخصص فى القسم من السنة التانية على حسب تقديرات المواد .

مجموع الكلية: طبعا التنسيق بيختلف كل سنة ولكن كلية السياحة والفنادق عامة بتاخد :

- فى الادبى بتاخد من 86% لــ 90% تقريبا وممكن تزيد او تقل عن كدة حسب التنسيق .

- فى العلمى بتاخد من 88% لــ 91% تقريبا .
وممكن ترجعوا لموقع التنسيق عشان تتأكدوا اكتر .

نبذة عن الاقسام:1-الدراسات السياحية: هو قسم يقوم بدراسة علم السياحة و اعمال شركات السياحة وشركات الطيران وكل شىء يخص السياحة بجميع انواعها.

2-الدراسات الفندقية: تقوم الدراسة فيه على ثلاثة اشياء وهم :

الأول: إدارة الفنادق ويقوم الطلاب بتعلم كيفية إدارة المنتجعات السياحية - الأغذية والمشروبات - خدمة الغرف - المكاتب الأمامية.

ثانياً: الأغذية والمشروبات f&b يقوم الطلاب بدراسة قوائم الطعان وتقيمها - مراقبة الأغذية والمشروبات - كيفية الطهو الفندقى وأسسه.

ثالثاً: التسويق يقوم الطلاب بدراسة الإقتصاديات التسويقية لمختلفة المنشآت السياحية - عمل دراسة جدوى لإنشاء مشروع سياحى - دراسة النواجى المالية لإدارة المشاريع السياحية.

3-الارشاد السياحى:- تقوم الدراسة فى هذا القسم بتعريف الطلبة بجميع الحضارات المختلفة التى عاصرتها مصر كالحضارة الفرعونية والاسلامية .

- يقوم القسم بتعليم الطالب اللغة المصرية القديمة وطريقة كتابتها ومدى أهميتها فى شرح المعالم المصرية القديمة.

- يقوم القسم بإعداد رحلات دراسية تعليمية للطلبة لزيارة المواقع الأثرية المختلفة فى كافة أنحاء مصر (أسوان – الأقصر – القاهرة - ...) وتعليم الطلاب كيفية التعامل مع السائحين المصريين والأجانب كمرشدين سياحين وكيفية التواصل معهم فى الواقع العملى.

- ملحوظة : فى قسم الدراسات السياحية وقسم الدراسات الفندقية يتم تدريس لغتين طوال الاربع سنين يختارهم الطالب من بينهم اللغة الانجليزية اما فى قسم الارشاد السياحى فكل المواد باللغة الانجليزية ويتم تدريس لغات ايضا .

واضيف كمان ان اللغتين مبيدرسوش بعمق جامد اوى زى الكليات المتخصصة فى اللغات (زى كلية الالسن مثلا) ولكنها بتدرس اللغات كمقررات فرعية بجانب مقررات القسم اللى بتختاره وكمان انت لازم تعمق لغتك عن طريق الكورسات او اى حاجة تانية بقدر الامكان لانك لازم تتخرج من الكلية دى وانت معاك على الاقل انجلش .

التدريب الصيفى: - يقوم طلاب الكلية بالتدريب فى الصيف فى احدى شركات او مكاتب السياحة أو وكالات السفر او شركات الطيران بالنسبة لطلبة قسم الدراسات السياحية .

- وفى الفنادق او المطاعم او القرى السياحية بالنسبة لطلبة قسم الدراسات الفندقية .

- وزيارة الاماكن السياحية و الاثار المصرية والفرعونية بالنسبة لطلبة قسم الارشاد السياحى .

وعلى فكرة التدريب ده يعتبر فى كلية السياحة والفنادق مادة نجاح ورسوب ولكنها لا تضاف الى المجموع الكلى
عشان كده لازم تهتموا بالتدريب ده كويس وكمان بيديك خبرة عشان فرصتك فى التوظيف تكون اكتر لان معظم سوق العمل فى السياحة بيطلب الخبرة السابقة .

الجامعات التى تدخل فيها الكلية:- جامعة الاسكندرية - جامعة المنصورة - جامعة حلوان - جامعة المنيا - جامعة الفيوم - جامعة قناة السويس فرع الاسماعيلية - جامعة المنوفية (مدينة السادات) - جامعة جنوب الوادى فرع الاقصر .

مجالات عمل الخريجين: 1- خريجى قسم الدراسات السياحية: تتضمن : 1- شركات السياحة:
- قسم "operation" تنفيذ البرامج السياحية.
- قسم السياحة الداخلية – قسم السياحة الدينية (الحج والعمرة).
- قسم السياحة الخارجية – قسم الحجز (البواخر – المراكب – النقل).
- قسم الطيران بالشركة او حجز تذاكر الطيران

2- شركات الطيران:
- حجز تذاكر الطيران.

3- في المطارات:
- الضيافة الجوية .
- العلاقات العامة بالمطار (بس الوظيفة دى صعب تتوظف فيها شوية)

4- وظائف عامة مختلفة :
- شركات التسويق والمبيعات
- شركات المحمول (أقسام التسويق - خدمة العملاء).

ويمكن ان يعملوا كمرشدين سياحيين اذا حصلوا على دبلومة ارشاد سياحى لمدة سنتين وممكن تبقى سنة واحدة زى دبلومة الارشاد اللى فى كلية سياحة وفنادق المنصورة
وعلى فكرة الدبلومة دى صعب ان حد ياخدها وكمان الحصول على رخصة الارشاد مش مضمونة اوى يعنى .

2- خريجى قسم الدراسات الفندقية: مطلوبين بشدة فى مصر و الدول العربية و بيترقوا بسرعة و مرتباتهم حلوة برضو و كل ما تثبت نفسك فى الفندق اللى انت بتشتغل فية بيعلى مرتبك وتحصل على منصب اكبر .
وعشان تتوظف بسرعة وبمرتب اكبر يفضل اللى معاهم خبرة سابقة وياريت تاخدها من وانت فى الكلية او فى التدريب الصيفى .

3- خريجى قسم الارشاد السياحى: بيشتغلوا مرشدين سياحين و ممكن يشتغلوا مدرسين فى اى لغة وخريجى هذا القسم بياخدوا رخصة الارشاد فور تخرجهم من الكلية وعلى فكرة الرخصة دى هى الاثبات الوحيد للمرشد السياحى انه مقيد فى نقابة المرشدين السياحيين .
اما بالنسبة لمرتباتهم فتبقى حسب اللغات اللى معاك وكل ما يبقى معاك لغة نادرة زى اليابانى او الصينى بتاخد فلوس اكتر وعالعموم مرتب المرشد السياحى بيتراوح ما بين (3000 الى 6000 جنية او اكتر ) وممكن تقل عن كدة لو معاكش لغة نادرة .

دبلوم الدراسات العليا : يمنح مجلس الجامعة بناء على إقتراح مجلس الكلية درجة دبلوم الدراسات العليا فى إحدى التخصصات الآتية:
1- السياحة
2- الفندقة
3- الإرشاد السياحى

شروط القيد بدبلوم الدراسات العليا : 1- أن يكون حاصلاً على مؤهل عال من إحدى جامعات جمهورية مصر العربية أو درجة معادلة من معهد عال معترف به.
2- يفضل من يعملون فى مجال السياحة والفندقة.
3- أن يجتاز بنجاح الإختبارات المقررة التى يقررها مجلس الكلية للتأكد من صلاحيته للدراسة.
4- مدة الدراسة لنيل أى دبلوم دراسات عليا سنتان جامعيتان.
5- تقدم الطلبات في الموعد المحدد من كل عام.
__________________________________

ارجو انكم تكونوا عرفتوا كل حاجة عن الكلية .
شكر بجد علي ده كله بس انا ليه سؤال ايه وضع الجامعات دي من الشهادات الخارجيه بمعني تاني الشهادات الي بتكون من السعوديه
ولو بتقبلها لو سمحت عوزه اعرف ايه هو المجموع بتعها
وهل لزم شهاده القدرات والتحصيلي ولا تكتفي بشهادة
المدرسه
رجاء الرد سريعا

المعلم الغلبان1

06-04-2012, 12:29 PM

شكراااااا بارك الله فيك

ملكه النوبه

26-04-2012, 08:44 PM

بجد شكرا ده موضوع جميله جدا انا بفكر ادخل قسم ارشاد سياحى

Ahmed Asko

15-07-2012, 02:28 AM

ياريت الناس تشرح الأقسام اكتر عشان الواحد محتار

ايمان هارون

15-07-2012, 03:57 AM

ياريت الناس تشرح الأقسام اكتر عشان الواحد محتار
انا شرحتلك قسم دراسات سياحية الشغل فيه بيبقا ازى انما الارشاد معروفة بتشتغل مرشد ملهاش شغلة تانية او لو مجتهد تبقا دكتور ف المستقبل وفنادق دى تشتغل ف فنادق كبيرة ومطاعم وتشتغل ف ادارة الفندق والمطاعم وتشتغل كمان مضيف ف الطيارة :022yb4:بس افضل قسمين من حيث المجال الاوسع ف الشغل فنادق ودراسات سياحية وفنادق فرصته ف الشغل للولاد اكتر من البنات وسياحة نفس النظام فرصتها للبنا ف الشغل اكتر من فنادق

Ahmed Asko

15-07-2012, 04:10 AM

انا شرحتلك قسم دراسات سياحية الشغل فيه بيبقا ازى انما الارشاد معروفة بتشتغل مرشد ملهاش شغلة تانية او لو مجتهد تبقا دكتور ف المستقبل وفنادق دى تشتغل ف فنادق كبيرة ومطاعم وتشتغل ف ادارة الفندق والمطاعم وتشتغل كمان مضيف ف الطيارة :022yb4:بس افضل قسمين من حيث المجال الاوسع ف الشغل فنادق ودراسات سياحية وفنادق فرصته ف الشغل للولاد اكتر من البنات وسياحة نفس النظام فرصتها للبنا ف الشغل اكتر من فنادق

انتى دخلتى دراسات سياحية القسم سهل ؟
وكام عددكم عشان بسمع ان الاعداد يتبقى قليلة اوى ولو دخلت دراسات سياحية ادخلوا عربى ولا انجليش

ايمان هارون

15-07-2012, 04:21 AM

انتى دخلتى دراسات سياحية القسم سهل ؟
وكام عددكم عشان بسمع ان الاعداد يتبقى قليلة اوى ولو دخلت دراسات سياحية ادخلوا عربى ولا انجليش
لا احنا عددنا تقريبا 400 او 380 يعنى احنا كدة اكتر عدد احنا اكبر دقسم ف دفتنا المفروض كنا نتقسم ومتقسمناش لجروبين بس عموما يعنى دايما ارشاد وسياحة بيبقا الدفعة ف حدود 400 وبيتقسمو على جروبين كل جروب 200 او مش بيتقسمو بس عموما الاقسام الاقل انجليزى وفنادق فنادق ممكن يكونو على بعضهم يوم متقول دفعة كتير يبقو 70 واحد وفيهم تالت او اربع بنات والاقسام الانجلزى سياحة او فنادق بيبقو ف حدود 30 او 40 مش بتختلف عن عربى ف حاجة خالص بل على العكس انتة بتاخد مواد اصغر مننا مش بتستفاد زينا واحنا بناخد معلومات اكتر ومواد التخصص لها انجليزى يعنى العربى متساوى مع الانجليزى فيها فاهم يعنى الفرق بينك وبين بتاع انجليزى انو مكتوب ف شهادتة شعبة انجليزى وانتة عربى وكمان انتة عندك معلومات اكتر منة هو بياخد كورسات انجليزى عشان يدعم اللغة وانتة كمان بتاخد مفيش فرق بينك وبينه وناس كتير حولت من انجلش ل عربى :(بس قسمى سهل انا الى اعرف ان نصنا جاب امتياز ف الترم الاول بس قليلين الى جابو امتياز معدى ال90 ف المية ف الى جايب 86 فيما اقل من التسعين بس ف الترم االتانى نص الدفعه هتبقا جيد جدا والربع امتياز والربع مقبول وبالمعدل دة يبقا معناه ان القسم سهل جدا بس اهم حاجة انك تحضر وتعمل الابحاث لان دى الى بتظبط تقديرك اعمال السنة مهمه :bosyht9:

Ahmed Asko

15-07-2012, 05:37 AM

لا احنا عددنا تقريبا 400 او 380 يعنى احنا كدة اكتر عدد احنا اكبر دقسم ف دفتنا المفروض كنا نتقسم ومتقسمناش لجروبين بس عموما يعنى دايما ارشاد وسياحة بيبقا الدفعة ف حدود 400 وبيتقسمو على جروبين كل جروب 200 او مش بيتقسمو بس عموما الاقسام الاقل انجليزى وفنادق فنادق ممكن يكونو على بعضهم يوم متقول دفعة كتير يبقو 70 واحد وفيهم تالت او اربع بنات والاقسام الانجلزى سياحة او فنادق بيبقو ف حدود 30 او 40 مش بتختلف عن عربى ف حاجة خالص بل على العكس انتة بتاخد مواد اصغر مننا مش بتستفاد زينا واحنا بناخد معلومات اكتر ومواد التخصص لها انجليزى يعنى العربى متساوى مع الانجليزى فيها فاهم يعنى الفرق بينك وبين بتاع انجليزى انو مكتوب ف شهادتة شعبة انجليزى وانتة عربى وكمان انتة عندك معلومات اكتر منة هو بياخد كورسات انجليزى عشان يدعم اللغة وانتة كمان بتاخد مفيش فرق بينك وبينه وناس كتير حولت من انجلش ل عربى :(بس قسمى سهل انا الى اعرف ان نصنا جاب امتياز ف الترم الاول بس قليلين الى جابو امتياز معدى ال90 ف المية ف الى جايب 86 فيما اقل من التسعين بس ف الترم االتانى نص الدفعه هتبقا جيد جدا والربع امتياز والربع مقبول وبالمعدل دة يبقا معناه ان القسم سهل جدا بس اهم حاجة انك تحضر وتعمل الابحاث لان دى الى بتظبط تقديرك اعمال السنة مهمه :bosyht9:

شكرًا ليكى اصل الواحد فى الانترفيو كان ملاحظ ان الاعداد قليلة وان شاء الله هحول دراسات سياحية عربى
رغم أنى لسة بفكر فى إرشاد عشان بحب التاريخ بس شايف ان صعب ادرس الحاجات ده بالانجليش
والكلية حبتها جداً بس صغيرة جداً والواحد كان نفسه فى جامعة مفتوحة*

yasso cool

22-07-2012, 10:09 AM

التعريف بالكلية: هى كلية تدخل دراستها فى مجالات السياحة والفنادق و الارشاد السياحى .

أقسام الكلية: 1- الدراسات سياحية
2- الدراسات فندقية
3- الارشاد سياحى

شروط قبول الطالب بالكلية:1- ان يجتاز اختبار القدرات التى تعلن عنها الكلية بعد ظهور نتيجة التنسيق وترشيحة للكلية .

2-أن يكون الطالب حاصل على مجموع 70% (35 من 50 ) على الأقل فى اللغة الأجنبية الأولى .

3-يجوز قبول خريجى المدارس و المعاهد الفنية للسياحة والفنادق الذين يرغبون فى مواصلة دراستهم بكلية السياحة والفنادق بنسبة لا تزيد عن 10% من إجمالى عدد الطلاب المقبولين من حملة الثانوية العامة والمرشحين من قبل مكتب التنسيق فى نفس العام
ويشترط إجتيازهم إختبارات القدرات قبل التقدم لمكتب التنسيق مع مراعاة أن يكون الطالب حاصلاً فى الدبلوم المتخصص على مجموع 75% على الأقل، كما يشترط إجتياز الطالب إمتحان فى اللغات الأجنبية التى تعقدها الكلية حيث إن إجادة اللغات الأجنبية تعد شرطاً عاماً للقبول بالكلية .

نظام الدراسة:1- مدة الدراسة لنيل درجة البكالوريوس أربعة سنوات مقسمة إلى ثمانية فصول دراسية على أن تكون نتيجة السنة الدراسية وحدة واحدة تعلن فى نهاية العام.
2- يعتبر الطالب ناجحاً إذا حصل على 50% من مجموع درجات كل امتحان.
الطالب الذى يرسب فى أكثر من مقررين يبقى للإعادة .
3- فى بعض الجامعات زى جامعة الحلوان والمنصورة يكون التحصص فى القسم من السنة الاولى .

وفى البعض الاخر زى جامعة اسكندرية يكون التخصص فى القسم من السنة التانية على حسب تقديرات المواد .

مجموع الكلية: طبعا التنسيق بيختلف كل سنة ولكن كلية السياحة والفنادق عامة بتاخد :

- فى الادبى بتاخد من 86% لــ 90% تقريبا وممكن تزيد او تقل عن كدة حسب التنسيق .

- فى العلمى بتاخد من 88% لــ 91% تقريبا .
وممكن ترجعوا لموقع التنسيق عشان تتأكدوا اكتر .

نبذة عن الاقسام:1-الدراسات السياحية: هو قسم يقوم بدراسة علم السياحة و اعمال شركات السياحة وشركات الطيران وكل شىء يخص السياحة بجميع انواعها.

2-الدراسات الفندقية: تقوم الدراسة فيه على ثلاثة اشياء وهم :

الأول: إدارة الفنادق ويقوم الطلاب بتعلم كيفية إدارة المنتجعات السياحية - الأغذية والمشروبات - خدمة الغرف - المكاتب الأمامية.

ثانياً: الأغذية والمشروبات f&b يقوم الطلاب بدراسة قوائم الطعان وتقيمها - مراقبة الأغذية والمشروبات - كيفية الطهو الفندقى وأسسه.

ثالثاً: التسويق يقوم الطلاب بدراسة الإقتصاديات التسويقية لمختلفة المنشآت السياحية - عمل دراسة جدوى لإنشاء مشروع سياحى - دراسة النواجى المالية لإدارة المشاريع السياحية.

3-الارشاد السياحى:- تقوم الدراسة فى هذا القسم بتعريف الطلبة بجميع الحضارات المختلفة التى عاصرتها مصر كالحضارة الفرعونية والاسلامية .

- يقوم القسم بتعليم الطالب اللغة المصرية القديمة وطريقة كتابتها ومدى أهميتها فى شرح المعالم المصرية القديمة.

- يقوم القسم بإعداد رحلات دراسية تعليمية للطلبة لزيارة المواقع الأثرية المختلفة فى كافة أنحاء مصر (أسوان – الأقصر – القاهرة - ...) وتعليم الطلاب كيفية التعامل مع السائحين المصريين والأجانب كمرشدين سياحين وكيفية التواصل معهم فى الواقع العملى.

- ملحوظة : فى قسم الدراسات السياحية وقسم الدراسات الفندقية يتم تدريس لغتين طوال الاربع سنين يختارهم الطالب من بينهم اللغة الانجليزية اما فى قسم الارشاد السياحى فكل المواد باللغة الانجليزية ويتم تدريس لغات ايضا .

واضيف كمان ان اللغتين مبيدرسوش بعمق جامد اوى زى الكليات المتخصصة فى اللغات (زى كلية الالسن مثلا) ولكنها بتدرس اللغات كمقررات فرعية بجانب مقررات القسم اللى بتختاره وكمان انت لازم تعمق لغتك عن طريق الكورسات او اى حاجة تانية بقدر الامكان لانك لازم تتخرج من الكلية دى وانت معاك على الاقل انجلش .

التدريب الصيفى: - يقوم طلاب الكلية بالتدريب فى الصيف فى احدى شركات او مكاتب السياحة أو وكالات السفر او شركات الطيران بالنسبة لطلبة قسم الدراسات السياحية .

- وفى الفنادق او المطاعم او القرى السياحية بالنسبة لطلبة قسم الدراسات الفندقية .

- وزيارة الاماكن السياحية و الاثار المصرية والفرعونية بالنسبة لطلبة قسم الارشاد السياحى .

وعلى فكرة التدريب ده يعتبر فى كلية السياحة والفنادق مادة نجاح ورسوب ولكنها لا تضاف الى المجموع الكلى
عشان كده لازم تهتموا بالتدريب ده كويس وكمان بيديك خبرة عشان فرصتك فى التوظيف تكون اكتر لان معظم سوق العمل فى السياحة بيطلب الخبرة السابقة .

الجامعات التى تدخل فيها الكلية:- جامعة الاسكندرية - جامعة المنصورة - جامعة حلوان - جامعة المنيا - جامعة الفيوم - جامعة قناة السويس فرع الاسماعيلية - جامعة المنوفية (مدينة السادات) - جامعة جنوب الوادى فرع الاقصر .

مجالات عمل الخريجين: 1- خريجى قسم الدراسات السياحية: تتضمن : 1- شركات السياحة:
- قسم "operation" تنفيذ البرامج السياحية.
- قسم السياحة الداخلية – قسم السياحة الدينية (الحج والعمرة).
- قسم السياحة الخارجية – قسم الحجز (البواخر – المراكب – النقل).
- قسم الطيران بالشركة او حجز تذاكر الطيران

2- شركات الطيران:
- حجز تذاكر الطيران.

3- في المطارات:
- الضيافة الجوية .
- العلاقات العامة بالمطار (بس الوظيفة دى صعب تتوظف فيها شوية)

4- وظائف عامة مختلفة :
- شركات التسويق والمبيعات
- شركات المحمول (أقسام التسويق - خدمة العملاء).

ويمكن ان يعملوا كمرشدين سياحيين اذا حصلوا على دبلومة ارشاد سياحى لمدة سنتين وممكن تبقى سنة واحدة زى دبلومة الارشاد اللى فى كلية سياحة وفنادق المنصورة
وعلى فكرة الدبلومة دى صعب ان حد ياخدها وكمان الحصول على رخصة الارشاد مش مضمونة اوى يعنى .

2- خريجى قسم الدراسات الفندقية: مطلوبين بشدة فى مصر و الدول العربية و بيترقوا بسرعة و مرتباتهم حلوة برضو و كل ما تثبت نفسك فى الفندق اللى انت بتشتغل فية بيعلى مرتبك وتحصل على منصب اكبر .
وعشان تتوظف بسرعة وبمرتب اكبر يفضل اللى معاهم خبرة سابقة وياريت تاخدها من وانت فى الكلية او فى التدريب الصيفى .

3- خريجى قسم الارشاد السياحى: بيشتغلوا مرشدين سياحين و ممكن يشتغلوا مدرسين فى اى لغة وخريجى هذا القسم بياخدوا رخصة الارشاد فور تخرجهم من الكلية وعلى فكرة الرخصة دى هى الاثبات الوحيد للمرشد السياحى انه مقيد فى نقابة المرشدين السياحيين .
اما بالنسبة لمرتباتهم فتبقى حسب اللغات اللى معاك وكل ما يبقى معاك لغة نادرة زى اليابانى او الصينى بتاخد فلوس اكتر وعالعموم مرتب المرشد السياحى بيتراوح ما بين (3000 الى 6000 جنية او اكتر ) وممكن تقل عن كدة لو معاكش لغة نادرة .

دبلوم الدراسات العليا : يمنح مجلس الجامعة بناء على إقتراح مجلس الكلية درجة دبلوم الدراسات العليا فى إحدى التخصصات الآتية:
1- السياحة
2- الفندقة
3- الإرشاد السياحى

شروط القيد بدبلوم الدراسات العليا : 1- أن يكون حاصلاً على مؤهل عال من إحدى جامعات جمهورية مصر العربية أو درجة معادلة من معهد عال معترف به.
2- يفضل من يعملون فى مجال السياحة والفندقة.
3- أن يجتاز بنجاح الإختبارات المقررة التى يقررها مجلس الكلية للتأكد من صلاحيته للدراسة.
4- مدة الدراسة لنيل أى دبلوم دراسات عليا سنتان جامعيتان.
5- تقدم الطلبات في الموعد المحدد من كل عام.
__________________________________

ارجو انكم تكونوا عرفتوا كل حاجة عن الكلية .
طيب انا عايزة اعرف مصاريف الكليه كام ف جامعه اسكندريه ومكانها لو تعرف بليييييييييييييييييييز وتفتكرممكن الكليه تقبل من كام السنه دى مع العلم انا جبت87 علمى رياضه وايه حكايه الانترفيو دى وسهل نعدى منه ولا اعمل ايه بالظبط ؟