مشاهدة النسخة كاملة : تقييم طموحك
** MR.SmilE ** 26-10-2008, 01:17 PM ارجو من الجميع التصويت ثم الرد
اذا كانت اجابتك الاختيار الاول ممكن تقولنا ليه و ايه هو طموحك
و لو التاني اتفضل قول لنا ليه المجتمع عمل كده... و ايه شعورك
و لو التالت او الرابع برضو حضراتكم ممكن تقولوا ليه.. و ايه اللي وصلتوا اليه
تقبلوا تحياتي
bosy .. mostafa 27-10-2008, 12:50 AM بحاول احقق طموحي و هو كلية الطب
و بشتغل له على اد ما بقدر .. حتى و انا صحتي تعبانه
و بحاول اني افيد امتي بشغلي و ربنا يقدرني
شكراً للموضوع
Hamset_Etab 27-10-2008, 08:19 AM بحاول احقق طموحى فى حياه سعيده هاديه انا اللى اختارها
وادخل الكليه الى ماما عاوزاها بما انى مش هقدر احقق حلم حلمته زمان يبقى احقق لماما حلمها
E/GOGO 28-10-2008, 10:54 PM بحاول احقق طموحىوهو انى ادخل الهندسة انشاء الله واتفوق فيها وافيد الناس بعلمى
بحاول احقق طموحى و احاول ادخل الكليه اللى انا عاوزاها
بعد كده بقى طموحااااااااااااااات كتير
يارب بس اقدر احقق نصهم
وميرسى على الموضوع
تسلم ايدك
** MR.SmilE ** 29-10-2008, 12:56 PM ربنا يقدرنا جميعا علي تحقيق
طموحنا
شكرا لمروركم
أمير الظلام 29-10-2008, 06:27 PM كنت ليا طموح زمان
بس الموت ***ه
عارف انى مش مفهوم بس يلا خليها عليكم
انا هقولكم انا كان عندى طموح انى اخش هندسة بس برده انا احلمى كلها ماتت بسبب ناس مش عندهم ضمير لغايت دلوقتى مش بحاول يكون عندى حلم معين عشان مش عايزه اتعب تانى كفايه كل يقدموا ربنا كويس
marwa.m 30-10-2008, 12:41 PM انا الحمد لله طموحة ونفسى احقق حلم بابا وحلمى وابقى دكتورة اطفال
** MR.SmilE ** 31-10-2008, 06:52 PM شكرا ع مروركم
توقيعك حلو اوي يا مروة علي فكرة
Erona 31-10-2008, 07:04 PM شكرا على الموضوع الجميل
وانا هفضل ورا طموحى لحد ما ابقى انا طموح طموحى
**Dina** 01-11-2008, 03:29 AM انا طموحة وان شاء الله بحاول احقق طموحى وادخل كلية هندسة قسم عمارة يااااااااااااااارب
يارب سامحنى 01-11-2008, 02:21 PM انا بقى نفسى فى حاجتين هما هندسة او اعلأم انا بحب الأتنين وبذاكر على قد ما اقدر
** MR.SmilE ** 02-11-2008, 01:17 PM ربنا يوفق الجميع يا رب
هتلر2006 03-11-2008, 07:04 PM انا لسه بأدرس وطموحي اكتر مناني اجيب كلية قمة لكن
طموحي ابعد من كده وانا الحمد لله معرفش اليأس
لا يأس مع الحياة ولا حياة مع اليأس
** MR.SmilE ** 05-11-2008, 09:53 PM شكرا ع مرورك
Thanwya Soldier 2009 08-11-2008, 07:46 PM انا الحمد لله عندي طموح و بحاول احققه...و هوا ان ربنا يوفقني و ادخل الهندسه باذن الله و اكون مهندس كبير اوييي زي هشام طلعت مصطفى او نجيب ساويرس بس ربنا يسهل بقا ههههههههههههههههه
ellama 20-11-2008, 10:21 PM زمان كان نفسي ادخل كلية صيدلة بس امتحان الفزيا دمرنى وفي الاخر دخلت علوم وانا حاليا محبطة وعايشة ومش عايشة بس فى الاول والاخر الحمد لله:)
محبة الجمال 25-11-2008, 10:51 PM انا نفسى ادخل علوم فيزياءبس انا مستوى يجيب طب ومش عارفة اختار اية العلوم هى اللى بتنفع البشرية اما الطب فهو مجرد تحقيق حلم بابا ارجو الافادة من حد خبرة
Marry Sam 31-08-2012, 11:37 PM اكون انسانة بجد .. و أنال رضا ربي .. و ارد جميل أمي ..
و اتفقه بالدين و احفظ القرآن ..
بس صراحححة انا محبطة و مبحاولش كتير اننى احقق احلامى >q<
sameh mostafa 01-09-2012, 01:51 AM طموحى ان شاء الله كلية الهندسة_قسم تصمبم ميكانيكى
حاسس انى ممكن اعمل الثورة الصناعية التانية
sameh mostafa 01-09-2012, 01:54 AM انا نفسى ادخل علوم فيزياءبس انا مستوى يجيب طب ومش عارفة اختار اية العلوم هى اللى بتنفع البشرية اما الطب فهو مجرد تحقيق حلم بابا ارجو الافادة من حد خبرة
هقولها بصراحة كلية العلوم عندنا فى مصر مش واخدة حقها والطلاب بيصتدموا بالواقع مع ان كلية العلوم اصعب من الطب
اما الطب فى مصر واخدة حقها وهتبقى ارضيتى حلم الوالد وربنا يوفق
hobahoby 01-09-2012, 01:57 AM بحاول اوصل لهدفى كلية الهندسة
يااااااااااااااااااااااااااااااااااااااااااااااااا اااااااااااااااااا رب
و ابقى مهندسة كمبيوتر و انقل مصر نقلة علمية مذهلة فى الكمبيوتر ^_^
SUNLIGHT00097 01-09-2012, 09:34 AM انا بحقق طموحى وان شاء الله ربنا يساعدنى واكون doctor:bosyht9:
Dr.abdo salem 01-09-2012, 10:41 AM انا الحمد لله حققت طموحى انى أكون دكتور.. والحمد لله دحلت كلية طب أسنان جامعة المنصورة
لكن كل مرحلة وليها طموح تانى .. يعنى انا دلوقتى طموحى هوا انى أتعين فى الجامعة واكون حاجة مفيدة لبلدى ولدينى
~ Smile 4 Life ~ 08-09-2012, 11:26 PM أنا طموحي اني أحقق حلم ماما وبابا وأبقي دكتورة
وان شاء الله انا ناوية علي صيدلة وربنا يساعدني
سوسوكاتى 08-09-2012, 11:36 PM يا رب حققلى طمووحى انى ادخل كلية الطب وابقــى دكـتـــووووورة ياااااااااااااا رب
والسنادى بحاوووول جااااهدة ان شاااء الرحمن انى أطلع من الاوائل على محااافظـــتى
ادعووولى
وشـــ ـــكرا على المــوضوع الراااائـــع :) ^_^
asmaa232 09-09-2012, 12:24 AM انا نفسى أطلع يجى شخروميت حاجة ف بعض كدا
كريم388 09-09-2012, 05:13 PM طموحى ان ربنا يكون راضى عنى
د/نداء الجنة المصرية 10-09-2012, 01:51 AM للاسف ماقدرتش اختار ولااختيار من دول لانى ساعات بشوف انى طموحة وساعات بلاقى نفسى ماليش طموح بس المهم انى مش لاقية اجابة للسؤال ومش بقدر اقيس اذاكنت بحقق طموحى اولا وكمان زمان كنت محددة طموحات معينة ويوم ورايوم بييختلف فكرى وبتتقلب كل حاجة انا كطفلة عمرى ماقلت عاوزة اكون دكتورة وكنت حابة ادخل هندسة واكون رئيسة جامعة وبعدين وزيرة وفاكرة ان كل ده سهل لكن لماكبرت شوية فهمت ان ده مش حاجة سهلة وشوية ولقيت نفسى دخلت الثانوية ودخلت طب عشان الواقع اختار كده وحاليا شايفة انى حابة اكون جراحة من السنة اللى فاتت وشوية بشوية بتراجع تانى لان كل الناس قالوا صعب ان بنت تنجح كجراحة وخصوصا فى العالم العربى فعشان كده مش بقدر افهم اذاكنت طموحة اولا وطموحى لوموجودبيتحقق ولالا اوقات كتير كلامى مش بيكون مفهوم مش عارفة انتوافهمتواولالا:)
عبد المقصود مصطفى 06-07-2013, 06:49 PM انا الحمد لله طموحاتى مو لها حد يعنى الحمد لله وهحاول كل اللى بقدر اعمله لاحقق كل احلامى بس اكبر واول حلم هوا انى اكون طبيب واوصل علمى للناس كلها واساعد بلدى ان شاء الله
invincible 2012 08-07-2013, 10:56 PM طموحى انى ادخل كلية الطب ولما اتخرج اتخصص فى الطب النفسى وطول ما انا بدرس عاخد دورات فى التنمية البشرية لانها هتساعدنى كتير فى التخصص بتاعى بالاضافه الى انى بحب علم التنمية البشرية جدااا وقرات كتب كتير اونلاين وعندى عدد لا بأس به من كتب التنمية البشرية فى مكتبتى ونفسى اوى اتخصص فى العلم دا لانى شايفه انه بيخلى حياتنا ايجابيه اكتر ومفيده وانا بستفيد من اللى بقرأه جدا وبفيد اهلى وصحابى وبشوف اد ايه كلامى بيأثر فيهم عشان كدا نفسى افيد الناس كلها بالعلم دا ودا طموحى وهدفى فى حياتى
hamada fesal 15-07-2013, 03:28 PM طموحات حضراتكم كلها طب وصيدلة البلد كلها عاوزة تبقى دكاترة
انا طموحى ان احقق اهدافى
وخير الكلام ماقل ودل
|