بسم الله الرحمن الرحيم

بصراحه انا مش عارف اقول الموضوع ازاي...في الواقع الللي حصل ان في امتحان الانجليزي في الدرس كان قاعد جمبي صاحبي الانتيم...و في الامتحان كان عايز يغش و انا عملت نفسي مش شايف...و فضل ينقل الديالوج و الميني ديالوج و سؤال الاختياري و القطعه الصغيره و الجرامر...لحد فجأه ما حسيت اني لازم اوقفه عند حده و انه ما ينفعش اضيع مجهودي و هوا ياخده على الجاهز...روحت مخبي منه الورقه و قولتله مش هغششك حاجه...قام سايب الامتحان و مشا و قابلته بعديها و طبعاً كان لازم يقول كلمتين من اللي يزعلوا الواحد

مبدأياً كده انا اصلاً ملاحظ عليه ان سلوكه اتغير من ساعة النتيجه ما طلعت في تانيه ثانوي لأنه جاب 85 في الميه...فبدأ يتعرف على اشكال الله اعلم بيهم...شوية ناس من بتوع الشوارع كده لا دخلوا تعليم و لا يعرفوا طريقه...بالاضافه لطريقة كلامهم و المطاوي اللي مش بتفارق جيوبهم

ده زائد انه بقا بيتهمني بإني مش صاحبه لأني مش باخرج معاه و اني لازم اكون معاه في خروجاته (رغم ان احنا في تالته ثانوي)

المهم...انا عايز اعرف تعليقكم اذا كنت غلطان لما ما غششتوش و لا اييييييييييه؟؟؟؟؟

لا طبعا انت مش غلطان

اللى مر بيه صحبك انا مريت بحاجة شبهه

بس بعد نتيجة تالتة ثانوى .. وجاتلى تجارة .. وانا اصلا كنت راسم على هندسة وكانت جايلى لولا قصة طوويلة اووى ملهاش لازمة

المهم .. وكنت ومازلت ضارب الدنيا صارمة ومش فارقة معايا .. كنت بخرج من البيت طول النهار وارجع الساعة 4 الفجر والله .. واحيانا كنت ببدأ يومى من 11 باليل .. طبعا الحمدلله ربنا كرمنى وعديت المرحلة دى .. بس برده لسة ضاربها صرمة

المهم .. بما انه انتيمك .. يعنى انت عارف مداخله .. حاول تقرب منه اكتر .. ولو ليك علاقة بأهله .. كلمهم ..

حاول تقولو تعالى نذاكر مع بعض ووكده .. وفهمه ان فى الاخر والله بعدما مادخلت الكلية (( انا لسة فى اولى .. يعنى لسة زميلكم برده )) .. بتحس والله بعالم تانى وبأهمية اللى انت بتدرسه .. وان كل حاجة تتدرس مهمة .. بس بلدنا هى اللى بايظة ومش عايز غير كام كلية يشتغلو

يعنى تقول ايه اانا اعرف ناس فى هندسة عادية وهندسة الكترونيات .. وسابوهم وراحو حربية وشرطة ..

وليا اصحاب فى علوم رياضة وحاسب (( قسم كويس على فكرة )) وراحو سياحة وفنادق ..

وواحد اعرفه حول من طب لعلوم قسم حيوان .. وواحد من طب لأعلام ..!

فى امثلة من دى بالكوم ..

يعنى فى الاخر .. اللى ربنا كاتبه هوه اللى هيكون

ويارب مكونش طولت عليك فى كلامى

لو هوه ولد كويس .. ربنا هيكرمه ان شاء الله

شكراً يا ميدو على المرور...بس على فكره احنا في تالته دلوقتي و ربنا يستر السنه دي

ربنا يسطر
وربنا يكرمك
واوعى تغشش حد
لانه الى بيغش ده خلى بالك ممكن يجيب اكتر منك
لانه بياخد معلومات من كذا واحد وممكن يكون غش حاجة انت مش عارفها ودى حصلة معايا
بس ربنا يسطر ويبعد عنا ولاد الحرام

لا مش غلطان دة حقك
بس انت غلطان انك مصاحب الشخص دة
لازم تعرف ان الصاحب ساحب مهما كانت اخلاقك
الانسان بطبعته بيضعف قصاد اللحاجات دية
انت عليك انك تنصحه مرة والتانية والتالتة
قبل النصحية خير وبركة
مقبلهاش يبقى تشوفلك واحد تانى

ربنا يوفقك

صحبك اللى يضلك هو العدو المبين

انتبه لدراستك لتصل الى مكانه افضل فى المجتمع

والصديق هو من يدفعك للامام وليس من يسحبك الى الخلف

وموضوع الخروجات دى اعتقد انها لازم تكون مقننه وبمواعيد ثابته حتى لا تأخذ منك وقت انت فى حاجة اليه فى سنه فاصلة فى حياتك مثل 3 ث

بالطبع انت مغلطتش وعملت الصح
حاول قدر الامكان ان تبتعد عن زميلك تدريجيا
لان المرء على دين خليله فلينظر احدكم من يخالل
ومجرد صداقتك ليه ممكن تتورط معاه فى اى مشكله
فالاحرى والاحوط انك تبعد عنه وتنتبه لدروسك ومستقبلك
وبالتوفيق ان شاء الله

يا حبيب قلبي إنت مينفعش تكون غلطان
إنت عملت الصح و بعدين إنت لما قولتلوا مش هغششك
إنت كنت خايف عليه
عشان ده مش هينفعه
و بعدين هو خايف يجيب درجة وحشة في الدرس و مش خايف أخر السنة
و بعدين 85 مش وحشة
لو شد حيله و الله ممكن يخش اللي هو عايزه
و حاول تنصحه لو كان صاحبك الأنتيم بجد
:):):):)
و علي فكرة إسم عضويتك جميل جدا
:078111rg3::078111rg3::078111rg3::078111rg3:

لأ طبعا انت مش غلطان لان( الرسول (ص) قال من غشنا فليس منا ) وانت عملت الصح وربنا يوفقك ويوفقنا قول امين

شكراً يا اعزائي على نصائحكم الغاليه و بالذات نصيحه الاستاذ محمد سرور

و الحمد لله ان الاسم عجبك يا stranger هههههههههه

و شكراً على المرور

بص بصراحه انا وجهت نظرى تختلف شويه لان عندى الصداقه دى حاجه مقدسه مش هقدر اقولك اد ايه انا بحب صاحبتى بجد بعشقها ولو طلبت منى اديها عيونى هديها لها
صاحبك من خلال كلامك عنه بيمر بازمه مش تتخلى عنه هتقولى انا مردتش اغششه عشان يشوف مصلحته ويذاكر مش هو ده الحل مش تقوله مش هغششك نبهه قبلها باسلوب ظريف انك عاوز كل واحد يحل مع نفسه عشان تشوفوا مستواكم عامل ازاى لانه اكيد قالك قبل الامتحان انه مش مذاكر او بان عليه يعنى ممكن كنت تروح تمتحن فى مجموعه تانيه بس بصراحه كده انتا بتضيعه من ايدك ولو كنت باقى عليه غير من اسلوبك فى التعامل معه مع المحافظه على مبادئك زى ماقولتلك مش بتحب تغشش حد وخايف عليه قوله بطريقه متزعلوش تحسسه انك خايف عليه وانه لازم يذاكر

هو الي حصل دا حصلي كتير اوي بس موش مع صحبي ولا حاجة لاني اساسا معنديش اصحاب بس ساعات اكون في امتحان لاي مادة والاقي واحد بيغش مني عادي خالص نفضلة يعني موش بيهمني منه خالص انا مبيهمني اي امتحان غير اخر السنة هو دا المهم موش امتحانات الدروس ولا حتي المدرسة لو في حد بيروح بس للي انتا عملته تمام وصاحبيك دا موش تمام

بص بصراحه انا وجهت نظرى تختلف شويه لان عندى الصداقه دى حاجه مقدسه مش هقدر اقولك اد ايه انا بحب صاحبتى بجد بعشقها ولو طلبت منى اديها عيونى هديها لها
صاحبك من خلال كلامك عنه بيمر بازمه مش تتخلى عنه هتقولى انا مردتش اغششه عشان يشوف مصلحته ويذاكر مش هو ده الحل مش تقوله مش هغششك نبهه قبلها باسلوب ظريف انك عاوز كل واحد يحل مع نفسه عشان تشوفوا مستواكم عامل ازاى لانه اكيد قالك قبل الامتحان انه مش مذاكر او بان عليه يعنى ممكن كنت تروح تمتحن فى مجموعه تانيه بس بصراحه كده انتا بتضيعه من ايدك ولو كنت باقى عليه غير من اسلوبك فى التعامل معه مع المحافظه على مبادئك زى ماقولتلك مش بتحب تغشش حد وخايف عليه قوله بطريقه متزعلوش تحسسه انك خايف عليه وانه لازم يذاكر

بصراحه ردك جميل و مقنع...شكراً للافاده

هو الي حصل دا حصلي كتير اوي بس موش مع صحبي ولا حاجة لاني اساسا معنديش اصحاب بس ساعات اكون في امتحان لاي مادة والاقي واحد بيغش مني عادي خالص نفضلة يعني موش بيهمني منه خالص انا مبيهمني اي امتحان غير اخر السنة هو دا المهم موش امتحانات الدروس ولا حتي المدرسة لو في حد بيروح بس للي انتا عملته تمام وصاحبيك دا موش تمام

و الله كلامك حلو...بس برضه مهما كان صاحبي
انا و الله كلمته في الموضوع ده..وقاللي ان العيال دول مش اصحابه دول مجرد معرفه من اعدادي
ولما كلمته على الللي حصل في الامتحان قاللي انه مش بيحب الانجليزي عشان كده مش بيذاكره كويس لكنه بأمانه في باقي المواد بيجتهد و بيحاول يحسن درجته و الكلام ده ادامي و عمري ما هازعل لما صاحبي يكون احسن مني بس نقدر نقول بيبقا فيه غيره حلوه

انت مش غلطان
انت عندك حق تمنعه
وبصراحه مفيش صداقه في ثانويه عامه دا اانا في اوله بقول للعيال زميلي عاوز ورق فيزياء شوفت اشكال مفيش زيها وصحابي الي بحبهم يا لهوي امال في 2 ربنا معايا

بس بصراحه الواحد لو طلع من الدنيا ديه بصاحب اهم من اي حاجه بس يكون صاحب

بس بصراحه الواحد لو طلع من الدنيا ديه بصاحب اهم من اي حاجه بس يكون صاحب

هوا فعلاً صعب الواحد يطلع من الدنيا بصاحب بجد...شكراً للمشاركه

لأ طبعا انت مغلطش
بس حاول تقرب منه اكتر وتلحقه قبل ما يبقى زيهم
يمكن يكون فقد الأمل بعد مجموع ثانية بس شجعه
و ربنا يوفقنا جميعا

هو انت مش غلطان بس انا بصراحة لو مكانك مقدرش اقول لصاحبتى اللي بحبها اوى ماتغشيش منى ماقدرش
وانا حصلتلى مرة صاحبتى فتانية اعدادى غشت منى امتحان الانجليزى كلة وجابت 50 من 50 وخدت جايزة بسبي ومن مجهودى تصور هو انا اضايقت وحسيت انة مش من حقها الجايزة دى بس ما قدرتش اقولها كدة فوشها ولا حتى لاى حد هو فى المنتدى بس عشان اضربلك مثل

لا انت مش غلطان

السلام عليكم
اولا حضرتك غلطان
ليه؟!
لان حضرتك سمحت له انه يغش منك
دى حاجة
تانى حاجة
صاحبك دة مش وحش
هو بس اتأثر باللى حصل السنة اللى فاتت
و حضرتك لازم تقف جانبه
و تقول لاهله على الناس اللى مش كويسين اللى هو بيعرفهم
عشان يقدروا ينقذوا
(( ما يمكن انقاذه ))

انت مش غلطان بس يبقى اكبر غلط لو سبت صحبك يضيع مستقبله ارجوا ان تقف بجانبه وتحثه على التفوق
من الممكن ان يكون صحبك مضايق انه جاب مجموع مش كويس اوفقدالامل فى الكليه اللى كان عاوز يخشها معاك
فقرر انه يحسسك بانه مفيش منه امل بس لو انه صحبك الانتيم لازم توقف جبه وتساعده على المذاكره:078111rg3: