مشاهدة النسخة كاملة : مقارنة بين كلية الالسن و كلية السياحة والفنادق


Eslam_Tourism
09-11-2008, 06:32 PM
اولا كلية الالسن: 1- واخدة مكانة مرموقة بين الكليات الادبية وخاصة فى جامعة عين شمس وهى من كليات القمة .

2- بيدرسوا لغتين بيتخصصوا فيهم وطبعا بيطلعوا خبرة فى اللغتين يعنى بيتقنوهم جامد جداااااااااااا .

3- يعملوا فى جميع مجالات الترجمة وايضا مجال السياحة بس فى قطاع الترجمة فقط وممكن يعملوا مدرسين لغات او مترجمين فى قنوات الاذاعة وممكن مرشدين سياحيين .

4- الكلية صعبة شوية عند بعض الناس اللى مبيحبوش اللغات بس طبعا اللى بيحبوا اللغات تبقى مناسبة ليهم جدا .

5- الكلية منتشرة فى جامعتين فقط وهم جامعة عين شمس وجامعة المنيا .


ثانيا كلية السياحة والفنادق: 1- واخدة مكانة اقل من كلية الالسن بشوية بس هى من كليات القمة ايضا فى الكليات الادبية .

2- بياخدوا لغتين فى كل الاقسام سواء سياحة او فنادق او ارشاد سياحى بس لازم يكون فيهم الانجليزى وغير كده بياخدوا المواد الاساسية الخاصة بكل قسم يعنى مثلا قسم السياحة بياخد المواد اللى بتحكى عن عمل شركات السياحة و وكالات السفر و التسويق و الحاجات دى .

3- الكلية سهلة فى قسم السياحة و قسم الفنادق بس لان الدراسة بالعربى ماعدا اللغات اما فى قسم الارشاد بتبقى صعبة لان جميع المواد بالانجليزى وكمان التاريخ بالانجليزى ده غير اللغات .

4- الكلية منتشرة فى جامعات كثيرة زى الاسكندرية وحلوان والمنصورة والفيوم والمنوفية والمنيا وغيرها .

5- فى قسم السياحة يعملوا فى شركات السياحة والطيران ووكالات السفر والسياحة والمطارات
اما فى القنادق يعملوا فى المطاعم والفنادق والقرى السياحية وموظفين استقبال
اما فى قسم الارشاد يعملوا مرشدين سياحيين ومدرسين لغات ايضا .
______________________________________________

اى حد عايز يضيف حاجة يقول

Sharp Nails
15-11-2008, 11:17 PM
4- الكلية صعبة شوية عند بعض الناس اللى مبيحبوش اللغات بس طبعا اللى بيحبوا اللغات تبقى مناسبة ليهم جدا .


والله صعبة على الى بيحبوا اللغات والى بيكرههوها
انا عن نفسى طول عمرى فى مدرسة لغات
بس صدقنى انجلش الكلية متغير تماما عن انجلش المدرسة
لو تسمع عن الانجلش القديم
تحس وانت بتقرا النوفل انك مش عارف تفك الخط
بس يلا الى ادبس ادبس
بس والله كلية زى العسل

ايمان بهجت
23-11-2008, 07:25 PM
انا كرهت اللغات من كليه الالسن ومضايقه جدا ربنا يستر

MuHaMeD kHaLeD
10-07-2009, 04:35 AM
علي فكره انا بحب اللغات جدا
و المقاااارنه دي متميزه


الف شكر

Bent 3bdo
10-07-2009, 01:09 PM
طب انا عاوزه اسأل سؤال
هى كليه الالسن بتعتمد ع مجموع واللغات ولالأ ؟؟
ولو بتعتمد بتطلب مجموع اللغات كام؟؟

Eslam_Tourism
10-07-2009, 02:07 PM
اعتماد كلية الالسن الاول على درجات اللغات
يعنى انتى مثلا عايزة تخشى قسم المانى يشوفوا درجات الانجليزى وبرضو كدة فى بقية الاقسام
والدرجات اللى بتعوزها كلية الالسن للاقسام بتختلف كل سنة

مهند سعيد عبد الصمد
23-07-2009, 09:40 PM
لو سمحت يااستاذ eslam_tourismهى اى شرو ط القبول بهذة الكلية (سياحة وفنادق)بالنسبة لمجموع اللغات (رجاء الرد سريعاااااااااااااااااااااااااااا) والحمد لله رب العالمين

Eslam_Tourism
24-07-2009, 12:22 AM
لو سمحت يااستاذ eslam_tourismهى اى شرو ط القبول بهذة الكلية (سياحة وفنادق)بالنسبة لمجموع اللغات (رجاء الرد سريعاااااااااااااااااااااااااااا) والحمد لله رب العالمين

شروط القبول : - لازم تجيب اكتر من 35 من 50 فى الانجليزى فى الثانوية العامة
- وتجتاز اختبار القدرات اللى بتعمله الكلية بعد نتيجة التنسيق وكل الطلبة اساسا بيقبلوا فيه , تافه جدا يعنى

bosy .. mostafa
25-07-2009, 05:46 PM
ليه الرعب ده
انا كنت ناويه على السن و انا لغات على فكره
و برضو بتقولوا لي صعبه
مهو مجموعي مايجيبش غيرها
ارمي نفسي من الشباك يعني
و بعدين ربنا يسهل
كله بأمره

نوران محسن
28-07-2009, 09:34 AM
هى كلية سياحة وفنادق بتقبل مرحلة تانية وبتقلل فى مجموع الغات ولا؟ ارجو الرد

جيجىالمصرى
02-09-2009, 01:02 AM
:av4056bb7jp3: انا احب كلية الالسن عشان اخويا فى كلية الالسن جامعة المنيا

هشام جوفانى
07-05-2010, 01:19 AM
بجد ياجماعه الدراسه فى الكليه صعبه بس لما تحس بعدين انها نفعتك فى شغلك بتهون عليك كل حاجه كانت صعبه ايام الكليه أنا شغال وانا فى سنه تانيه ألسن قسم أيطالى وكان المرتب خيالى والحمد لله بتكلم أيطالى دلوقتى أحسن من العربى وشغال تماموالقسم الايطالى قسم الكعب العالى......
على فكره أنا منت سياحه وفنادق أسماعيليه وحولت والالسن بتدى لغه جامده أحسن من السياحه يعنى لما تيجى تشتغل ماتخافش من الانترفيو ووالله كان معايا واحد زميلى شغال معايه خريج سياحه وفنادق وقسم أرشاد ومكنش يعرف كلام كتير.
وارجع أقول ممارسه اللغه أهم حاجه.
أى حد عايز أى أستفسار رقمى 0161074633

Guitarist
10-07-2010, 11:22 PM
هما الاتنين بياخدوا من كام.؟؟؟

Free Love
13-07-2010, 08:28 PM
ربنا يخليلنا مصر

Ruony
17-10-2010, 06:53 PM
Am in american diploma ...
??i want 2 know what is required score for faculty of alsun !!

ايمان كرش
30-10-2010, 02:26 PM
انا جايبة 95 هى السن بتقبل من مجموع كام

sleeping beauty
13-08-2011, 10:27 AM
طب لو سمحتم يا اساتذة,,,استاذ هشام جيوفانى و استاذ ESLAM_tourism انا عايزة اعرف اية اكتر اللغات المطلوبة فى مجال العمل,,انا لسة داخلة السن جديدة و محتارة اخش قسم اية؟؟؟ و اية هى شروط قسم الالمانى و الايطالى؟؟؟ وانا عايزة اعرف اكتر اللغات المطلوبة فى مجالات العمل كلها يعنى مثلا السياحة - الترجمة - الطيران - الاذاعة و التلفزيون,,,انا عارفة انه يصعب تحديد لغة معينة عشان المجالات دى مختلفة عن بعضها بس انا عايزة اى معلومات تساعدنى اخد قرار سليم ومش عايزة حد يقولى عن حاجة صعبة عشان انا مش ناقصة تشاؤم بليييز بس انا عايزة قسم غير اقسام الانجليزى و الفرنساوى و الصينى و اليابانى و الكورى ,,,ارجوووووووووووووووووو الاهتمام و شكرا لسيادتكم

بالعربي أحلى
25-07-2015, 07:47 PM
كل الكليات زي كده المهم الشاب يخلص ويجلس على دكة الاحتيطي لحد ما شعره يشييب