مشاهدة النسخة كاملة : سؤال بخصوص التحويلات - ارجو المساعدة


AbanoubAziz
01-12-2008, 10:53 AM
السلام عليكم

يا جماعة
انا النهارده رايح احول فى المدرسة
من اقتصاد واحصاء لعلم نفس
وعلشان اكتب المستوى الرفيع انجليزى

الاستاذ اخد منى 11 جنيه على التحويل لعلم نفس
واخد 10 جنيه على كتابة المستوى الرفيع

وفى طالب قدامى هو يعرفه
اخد منه جنيه واحد بس
وحوله من احياء لرياضة 2


ولما جبت له استاذ تانى وواجهته قالى انا محولتهوش حاجة
واعد يقولى هو ده شغلك واتهرب وخلص الموضوع
والاستاذ التانى قالى التحويل بفلوس لو هو جامل الطالب ده
يبقى هيدفع له الفلوس من جيبه:angry2:

هل التحويل بفلوس فعلاً ؟

انا مش فارقة معايا الفلوس بس مش عاوز حد يضحك عليا يعنى انا اولى بالفلوس حتى لو جنيه واحد

--------------------------------------

تانى حاجة

انا اتفصلت وجالى جواب مكتوب فيه فصل نهائى

ماذا افعل ؟
هل كدا بتحول منازل علطول ؟ ولا لازم اخد اجراء او اى حاجة؟


ارجو المساعدة

Lost Dreamer
01-12-2008, 12:54 PM
تم النقل للقسم المناسب

وشكرا

بروف انس
01-12-2008, 02:04 PM
اولا ببا ركلك علي الفصل علشان انا عايز انفصل وباين علي الناس بتوع الغياب ناسيني بص ياعم اولا انا حولت مثلك من علمي علوم لعلمي رياضه بكام اسمع ياعم 10 جنيه للتحويل من شعبه علوم لشعبه رياضه +10جنيه لاختيار مستوي رفيع + 1 جنيه دعم تعليم " يا سلام علي الدعم" يبقي عندنا 21 جنيه بالتمام والكمال + الابله قالتلي حسن خطك علشان الورق رايح اسكندريه قال يعني بكتب هيرو غليفي

الموضوع التاني
الفصل:- بعد ما تفصلت ياعم قدامك 15 يوم مهله علشان تعيد قيدك والاحسن انك تغيب 13 وتروح تعيد قيدك في اليوم ال14 بعد طبعا ما تدفع مصاريف مقدارها 60 جنيه وتبرعات للمدرسه حوالي 15 جنيه" التبرع ده في مدرستنا بس" وكمان 16 جنيه لاعاده القيد ولك مره واحده فقط في اعاده القيد وبعدها تتحول منازل يا حلو حتي لو اتحولت منازل مش مهم عادي جدا ليك مدينه جامعيه وكل حاجه بس ملكش كليه حربيه وطبعا انت ممعكش فلوسولا وسطه تقيله"لواء شرطه- عميد " تدخل كليه حربيه " اذا كنت بتسأل علي جنيه"

وكده ياعم توته توته فرغت الحدوته
سلام

AbanoubAziz
14-01-2009, 09:32 PM
يا خبر
انا مرحتش دفعت فلوس لحد دلوقتى
انا افتكرتهم حولونى علطول لمنازل ؟
حد عنده فكره يا جماعة