النهاردة بتصل بواحد من أصدقائى معايا فى الجامعة عشان أعيد عليه
هو من الهند من مومباى
وبعدين لقيته دخل فى سيرة المذكراة والامتحانات والسيرة الغم دى
فبقوله يا عمى هو فيه ايه
هو أنا هذاكر فى العيد هو أنا هندى ؟؟
وكان قصدى ان الهنود متقدمين يعنى وانهم بيستغلوا الفرص وكده

ببص لقيته بقولى تعرف ان الكلمة دى كانت بتتقال عندكم فى مصر فى الستينات والسبعينات استهزاء بالهنود بمعنى هو أنا غبى

وبعدين قالى فعلا الهندى كان كده فى الوقت ده لكن الحال اختلف يا صديقى فالمصرى الذى كان يعد من الرواد اختفى من الوجود

ما اهتمتش بالموضوع
وبعد شوية بتفرج على فليم كده رضا بتاع العفريت أحمد حلمى
فلاقيت صدفة بحته عن الموضوع ده
لاقيت أبو أحمد حلمى فى الفليم بقوله هو أنا هندى لما استغفله وحاول يضلله عن الحقيقة
فى النهاية
ربنا يرحم المصرى
ويجئ اليوم اللى يتقال فيه هو أنا مصرى