انا سمعت عن قسم ف هندسه اسمه هندسه الحاسبات و النظم
انا عايز اعرف هو بكام و ايه الفرق بينه و بين حاسبات و معلومات ؟؟
يا ريت تقوللي عشان انا محتار اوي
و انا جايب 95.2 يعني ممكن اخش هندسه ف عايز اعرف لوسمحت

انا جبت في الثانوية العامة السنادي 93% و ربنا يستر في التنسيق بس انا كنت عايز اعرف الفرق بين الاقسام التالية
أ - قسم علوم الحاسب Computer Sciences Department = CS
أ - قسم تكنولوجيا المعلومات Information Technology Department = IT
ز - قسم هندسة البرمجيات Software Engineering Department = SE
ويريت اعرف مصاريف قسم SE الي في عين شمس وكمان هو دراسةهناك كلها ب الانجليزي و خاص في cs
شكرا و ارجوا الرد قبل التنسيق

انا جبت 78.5 وعايز اشوف ممكن ادخل ايه حاسبات ومعلومات فين وبكام

انا جبت 78.5 علمي رياضه

عايز اشوف هل حاسبات ومعلومات في العاشر تخدني ولا لا

وبتاخد من كام :d:d:d:d:d:d:d:d

ان شاء الله لما النقابه تخلص هيبقى حاصلين على لقب "مهندس برمجيات" ودى هيبقى نقابه خاصه ليهم

والنقابه دى كانت هتخلص فى مجلس الشعب قبل كده لولا انه اتحل وحاليا مفيش مجلس شعب :d

فيه امل ان شاء الله :)

صعب شوية .. تقدر تدخل خاص وربنا يوفقك

القسم دا لو خاص يبقا هتدخل هندسة خاص على حسب المعهد بس معظم المعاهد ب15 ألف فى السنة

الفرق بينه وبين حاسبات .. ان القسم دا بيدرس hardware يعني الاجزاء المادية للحاسب وتصنيعها وبرمجتها يعني تعريفها على الجهاز بس .. انما طالب حاسبات بيدرس برمجة البرامج العادية ونظم التشغيل للأجهزة زي الويندوز وزي الماك لاجهزة الapple وزي الاندوريد لاجهزة الموبايلات وهكذا وطالب حاسبات برده بيدرس شبكات يعني نظم التوصيل بين الاجهزة ومراقبة الاتصال دا وحماية المعلومات على الاجهزة وبيدرس برده الداتا بيز يعني قواعد البيانات لاي مؤسسة او شركة او مصنع بدل الدفاتر والنظم القديمة :)

قول يارب لانها ممكن تقفل على مجموعك بالظبط .. قسم علوم حاسب بيهتم بالبرمجة وتكولوجيا معلومات بيهتم بالشبكات وشغل الويب وهندسة البرمجيات بيهتم بالبرمجة ولكن بنسبة اقل من علوم الحاسب وباقي القسم بيركز على تحليل النظم ودراسة الجدوى وامكانية قبوله للمستخدم او لأ يعني اشمل من علوم الحاسب فى التعامل مع العميل انما علوم الحاسب بتخرج مبرمج شاطر فى البرمجة يعني بيكتب كود كويس

ايوة كلها انجلش والمصاريف 8 تقريبا وتقدر تتصل بيهم وتتأكد

ايوة هتاخدك بس انت قدم عليها ف التنسيق ولو لقدر الله مش خدتك يبقا هتحولها الترم التاني وبالنسبة للمصايف بتتراوح ما بين 5-7 فى السنة وربنا يوفقك :)

لو شهادة حضرتك والمواد اللى درستيها زي مواد علوم الحاسب الدولية يبقا معانا فى النقابة ان شاء الله على طول .. هيبقا المسمى مهندس برمجيات لان النقابة هيبقا اسمها نقابة مهندسي البرمجيات ان شاء الله .. بس ادعي تخلص على طول عشان طولت اوي اوي .. بس احنا املنا كبير ان شاء الله انها تخلص قريب وبالتوفيق :)

كل تخصص فى اي كلية تبع الحاسب بيخرج واحد شغال فى نفس المجال بس بيعرف يشتغل على الكمبيوتر يعني اقسام الحاسب فى تجارة بتخرج محاسب بيعرف يشتغل على الكمبيوتر واقسام الحاسب فى تربية بتخرج مدرس حاسب ومواد الحاسب فى الهندسة المعمارية او المدنية بتخرج مهندس مدني او معماري يعرف يشتغل على الكمبيوتر برده وقسم نظم معلومات جغرافية اللى فى اداب برده بتخرج حد يشتغل فى المجال كuser للبرامج يعني جغرافي شاطر عالكمبيوتر .. ال3 كليات اللى يعتبروا دراسة حاسب بجد هندسة حاسب وحاسبات وعلوم رياضة وحاسب .. غير كدا مش قد كدا :)

انا ازهريه ولما اعمل معادله مجموعى هيقل
ففكرت ادخل حاسبات السلاب بس قلقانه ومش عارفه
هل ادخل كليه من كليات الازهر واكمل وخلاص ولا ادخل حاسبات السلاب
هما بيقولوا اللى هيا معتمده وهتبقى احسن ليا
مش عارفه اعمل ايه والله

الحكايه دى على حسب رغبتك .. و حبك للمجال لو بتحبى المجال و نفسك تشتغلى فيه اتوكلى على الله ............