بوابة الثانوية العامة المصرية - كواليس ما وراء الحلل

هاي
صباح الخير على عيونكم
اسمحولي احكيلكم مغامراتي العجيبة

بثوا يا جماعة صلوا على النبي اولا
ثانيا بقى
انا بحب الطبخ جداااااااااااااااااااااا (عشان بحب آكل وخلاص لازم يكون في طبيخ اكله وعشان مهما زهقت من الطبخ لية فمجبر اخاك لا بطل ) هههههههههههه
عموما نركز في ثانيا
انا من صغري فضولية هاموت واعرف امام بتلعب بالحلل بتعمل ايه
واحدة واحدة يا سبحان الله لقيتها بتسقط حبوب كدة طلعت في الآخر الرز اللي بناكله
لمسة سحرية صحيح ههههههههههه
طبعا انا معروفة للأسف في بيتنا بجملة واحدة (مكنش قصدي ) تكون الكوباية في امان الله لوحدها
وانا اروح موقعاها وبعدين ابص لماما بكل براءة وعنية تدمع واقولها مكنش قصدي (ثريحة ثريحة)
ههههههه
رغيت كتير وطولت ندخل في الاكلة
اول حاجة حبيت اعملها بيتسا
بعيد عنكم المقادير الى حد ما صح وكل حاجة كانت تمام دخلت الفرن بقى
طلعت اطرى من الاول للأسف طلعت معجنة واسرتي اكلتها بالإكراه هههههههه هما طبعا حرموا ياكلوا تاني اثلا
بس على مين؟ لازم اأكلهم

ندخل في تاني اكلة
دقة الملوخية تقريبا اسمها كدة
حطيت التوم بقشروه ومسكت ايد الهون ودقيت الاول على البلاط وبعدين على الطبق وعلى الرخامة
النتيجة........ دمار شامل في المطبخ وطبعا جرس الانذار ( اسمعوا صويتة ماما لمما لالقت المطبخ يعني بقى عامل زي علبة السردين ) حاجة تفتح النفس
ههههههه
والحمد لله على دة الحال لغاية مابقيت اعمل اكلات جديدة (بسكويت يعني
...تورتة مبتتاكلش ....بتيفور سايح (محدش يسألني ازاي) هههههههه) يعني كدة
بس الحمد لله لثة عاملة اول امبارح بيتزا وعجبتهم الحمد لله (ببركة دعا الوالدين)
وشكرا جدا وآسفة للرغي والاطالة انا قربت احس انه موضوع إنشا
شكرا
تحياتي