حاضر حبيبتي
تسلميلي

اختر
من اهم المكونات المعدنية لصخر الدايوريت
بلاجيوكليز وبيروكسين
ارثوكليز وبيروكسين
انا شايفة ان الاتنين صح

شغال فيه كويس والله حليت نصه كده

طب خليك فيه بدل ميرسي والكلام ده
أنا المسو مخلناش نجيب أي كتاب مراجعة
شغال معانا في الدليل بجانب ملازمه هو بقى بيفرغ الدليل بالبوكليتات اللي نزلت على امتحان السودان
مرة ملزمة مواقف فيها الحاجات دي + تجميعه هو بقى كتاب مدرسة على برافو وميرسي ...إلخ
ومرة الايميلات ومرة المواضيع ، وآخر مرة كانت شوازي ( choisis) جايبلنا بتاع 400 سؤال كده
وعمال يشتم في المستشارة وفي دماغها :D

هو بيقول من اهم اعتقد الاولى

ما الفكرة اني مش باخد درس فاما محلتش في ميرسي ضميري صحى فجأة وقولت كان لازم اخد وبتاع :d

هما الاتنين صح عشان هو فيه نسبه من الارثو
بس ممكن فعلا عشان الاهم ..يبقا بلاجيو

والله أنا ضميري صحي زيك من بفترة وبرافو كتابين مليانين أسئلة بافترا وأبيض يا ورد
فكبرت في دماغي أشتغلفيه على قد ما أقدر حليت وحدة كدة في الىرينج ده بعدين حاسس فرق حبتين بين الكلام ده ونماذجالدليل دي ومش مقتنع بصراحة
قمتجبتزي باسكت كبير شوية أو سلة كبيرة يعني ، وكومت فيها في كل المواد أي كتاب مشتتني أو مش معتمد عليه وصفيت الدنيا خالص
حطيت مثلا كتب الأضواء والامتحان عربي والرسالة قصة وكشكول الأول وحطيت كتب المعاصر رياضة اللي جيتها وسبت كتب المدرسة والملازم وكتاب ١٠٠٪ مع النماذج اللي بطبعها

عند وضع قلب من الحديد المطاوع داخل ملف حث متصل بمصدر تيار متردد فان زاوية الطور بين الجهو والتيار ....... ( تزداد _ تقل_تظل ثابتة)
حد يفهمهالي انا حسا ان دماغي وقف وهي اصلا سهلة
و معدتش فاهمه يعني ايه زاوية الطور اصلا

بسم الله الرحمن الرحيم
Tan¢=Xł/R
عند وضع قلب الحديد تزداد قيمة معامل النفاذية فيزاد معامل الحث للملف من قانون معامل الحث الذاتي لملف وبالتالي تزداد قيمة المفاعلة الحثيتة وبالتالي يزداد المقدار Xł/R فتزداد زاوية الطور اللي هي ¢ وزاوية الطور هي الزاوية بين متجه الجهد عبر الملف ومتجه الجهد عبر( المقاومة او متجه التيار)

مش فاهم عملت ايه ؟ تجنبت الكتب اللي مشتتاك يعني ؟

اه معلش ما كملتش الفكرة
بتلظبط شيلت الكتب اللي مشتتاني
شيلت برافو
وسبت الدليل بالبوكليتات بامتحان السودان مع الملازم وكتاب المدرسة في الفرنش
العربس سبت كتاب المدرسة وكتلب القصة + كتاب الرسالة بدون ملحق القصة + تطبيقات الرسالة + ورق نحو المدرس وكتاب فيه نماذج امتحانات مع اللي أنا طابعه من الخرائط الذهنيو بتاعت أ.أسامة عز الدين
الانجليزي كتاب مراجعة وملازم الحصص والمراجعة
كيمياء كتاب مدرسة ونماذج كتاب الامتحان وكشكول للحل ، وجمبهم كتابين شرح وكتاب دليل تقويم قديم وفيه نماذج امتحانات وامتحانات سابقة
الفيزياء كنت سايب كتاب المدرسة زكتاب الامتحان أسئلة وكتاب المثالي امتجانات والوسام مراجعة ودليل التقويم الجديد ، بس للأسف كنت رحت حصة فيزيا ودخلت المسجد بعد الحصة أصلي الظهر الشنطة اتسرقت كان فيها كتاب مدرسة وكتاب المثالي امتحانات ودليل التقويم الجديد وأقلام وآلة حاسبة وورقة الكود والرقم السري بتوع تسجيل الاستمارة كمان
وحسبي الله ونعم الوكيل
الرياضة كتب المدرسة وملازم الشرح والمراجعة والنماذج دليل تقويم وبوكليت وكتاب ١٠٠٪ عشان إجاباته ، وعاملها درجين مش درج

لا حول ولا قوة الا بالله
هي ازاي سهلة كدا وانا معرفتهاش
ساعات بحس ان دماغي معدش بيفهم
شكرا يا دكتر
جزاك الله خيرا

معلش الحمد لله قدر الله وما شاء فعل
ربنا يكرمك يا صاحبي ويحققلك الللي بتتمناه ان شاء الله

العفو
وجزاكم بمثله
بس ده عادي يعني بتحصل لينا كلنا خير بإذن الله