بوابة الثانوية العامة المصرية - إلى كل البشمهندسين الجدد

بوابة الثانوية العامة المصرية (https://www.thanwya.com/vb/index.php)

- كليات الهندسة (https://www.thanwya.com/vb/forumdisplay.php?f=160)

- - إلى كل البشمهندسين الجدد (https://www.thanwya.com/vb/showthread.php?t=140760)

اقتباس:

المشاركة الأصلية كتبت بواسطة deco_619 (المشاركة 1451696)

فيه كمياء وفيزيا وكل الي نفسك فيه

يـآ سـلآم لآ إنسح ــب :blush:

اقتباس:

المشاركة الأصلية كتبت بواسطة sooomaaa (المشاركة 1451715)

ايوة كده احنا لازم نستغل(قصدى يعنى نستفيد)من الباشمهندسين الى اكبر
امال فين كيمو
مش هيعقد البشمهندسين الصغيرين شويه:022yb4::022yb4:
ده شكله سايبلك المهمه:bosyht9::bosyht9::bosyht9:

لا لا اصلي حسيته ناوي يخلع
رحت فتحت عصابة جديدة مفهاش شراكة :d
بس جنجيبه برده
حو احنا نقدر نسيب الخبرات ده كده:d

اقتباس:

المشاركة الأصلية كتبت بواسطة banzer (المشاركة 1451758)

ربنا يعينك وتدخل كل البشر هندسه
بس يارب ما يدعوش عليكم

نسيت اسالك
ايه حقوق الانسان ديه
هى ايه علاقتها بهندسه
هى اى مواد والسلام

بالنسبة لهندسة اسيوط احنا كنا تالت دفعة ناخد حقوق الانسان ده

بس لاحظت إنها موجودة برده في باقي الهندسات

ده مادة لا تمت بصلة لهندسة

ولكنها اصلاً مادة بياخدوها في اولى حقوق
حتى أنا لما اخدت الكتاب اخدته من قريبي كان في حقوق بس خلص اولى يعني

بس اهه
يقولك للثقافة :d
عشان كل واحد يعرف حقوقه

بس بيحذفولكو نص الكتاب ويحددولكو الباقي وبيكون امتحان سهل يعني

ربنا يباركلك يا باشمهندس banzer

انا الحمد لله نجحت ودخلت عين شمس
وشكرا يا بشمهندس بنذر على الموضوع الجميل ده
(يلا ياعم مظبطك اهو ماتنساش ترشينى بكيس قصب ) :d

معلش اعلق على كام حاجه قولتها فى صفحتين ونص بس :d
ماتخفش انت عارفنى مش رغاى بتاتا :d

اولا الكتابه فى المحاضرات مهمـــــــــــــــــــــــــــــــــــــــــــــة جدا جدا ...واوعى تقول هنقلها من صديق السوء :d
ولا حتى تصورها ....لا فعلا الكتابه دى بتخليك تركز فى المحاضره ده اولا ...ثانيا انت بيبقى ليك ملاحظات ليك انت لازم انت اللى تكتبها مش حد تانى .....ثالثا انا كنت جايب الكشكول من الاخر شخبطه :d ماكنتش ببيض ولا محاضره :d
بس عموما مش فارقه لان انت اللى كاتب فيه فأكيد هتفهم انت كاتب ايه ;)
المهم تكتب اكنك بتشرح وساعتها مش هتحتاج حاجه تانيه
بالنسبه للورق اللى بنشتريه من بره ..هنحتاجه فى مواد كتير :d
من الاخر فى عين شمس فى مواد هتذاكر من المحاضرات والسكاشن و المجموعه و الورق اللى بره والشيتات وحل الشيتات .....الخ زى الفيزيا :d

المهم :d
حوار الكورسات فاكس جدا ياجدعاااان بجد
الكورس الوحيد اللى تاخده هو اللى تلاقى كل الكلية بتاخده (زى الوصفيه عندنا)
من الاخر موضوع الكورسات ده فاكس فى الكلية يابشمهندسين

اقتباس:

المشاركة الأصلية كتبت بواسطة deco_619 (المشاركة 1451565)

هندسه بورسعيد للاسف

طب تخيل انك كنت جبت مجموع اقل ومادخلتش هندسه من اساسه كان هيبقى افضل؟؟
مش نقول الحمد لله يابشمهندس ولا ايه ؟
ده اكيد فيه خير ليك لو انت قولت الحمد لله ;)

اقتباس:

المشاركة الأصلية كتبت بواسطة sooomaaa (المشاركة 1451799)

نسيت اسالك
ايه حقوق الانسان ديه
هى ايه علاقتها بهندسه
هى اى مواد والسلام

حقوق الانسان عندنا هتنزلى اخر يوم كده تشترى ورق بخمسه جنيه بالظبط خمسين ورقه
هتذاكرى اول ورقتين وان شاء الله هيتكتبلك ناجح :d
من الاخر بتذاكريها يوم واحد:romarioxp6:
مفيهاش تقديرات الماده دى يأما ناجح ياراسب

اقتباس:

المشاركة الأصلية كتبت بواسطة banzer (المشاركة 1451727)

الفيزيا والرياضة دول حاجات اساسية مينفعش نستغنى عنهم :d

في بعد كده مواد بسيطة زي اللغة والحاسب ومادة الكيميا دول ترم واحد بس
في مواد ممتدة الترمين زي
الفيزيا والرياضة والميكانيكا

واهم حاجة المادة المميزة لبتوع هندسة (اللى بيشيلو فيها المثلثات والمسطرة التي)
هي مادة الرسم الهندسي
ومعاها مادة تاني اسمها الاسقاط الوصفي
والاتنين دول امتحانهم واحد

وفي مادة تاني اسمها تكنولوجيا الانتاج وده حتلاقيها اتقل مادة على قلبك (مش لصعوبتها لكن غلاستها)

ومواد فرعية مثل حقوق الانسان (الترم الاول)
ومادة تاريخ العلوم الهندسة (التيرم الثاني وتضاف للمجموع)

يارب مكنش نسيت حاجة

احنا عندنا الكيميا ترمين :(
ايه التفرقه العنصريه دى :(

وسؤال بيطرح نفسه كمان
انتوا بتمتحنوا بجد الرسم الهندسى والوصفيه فى نفس الامتحان!!!
يعنى بيبقى فيه الsteel و ال machine و الوصفيه فى نفس الامتحان !!:mellow:

اقتباس:

المشاركة الأصلية كتبت بواسطة sooomaaa (المشاركة 1451715)

لا ماتخفيش ما اكيد هسيب بصمتى يعنى :049gc0:
يعنى مثلا عندك السؤال اللى لسه سألهوله وانا مخضوض كده ياترى ليه؟؟
لانى فى امتحان الرسم الهندسى اللى هو 3 ساعات خرجت ومالحقتش اخلص حجات كتير جدا :d
ده غير الغلطات بسبب التسرع :d
وامتحان الوصفيه ده اللى هو 3 ساعات او ساعتين مش فاكر خلصته فى اخر فسوايه اللى هو يادوبك
فماتخفيش يعنى الكليه ساهله :lol:

بس عارفين بجد
احلى ايام هتعيشوها هى بتاعت الكلية (بغض النظر عن الناس بتوع الامتيازات اللى بكرههم دول:mad:)
:d

اقتباس:

المشاركة الأصلية كتبت بواسطة banzer (المشاركة 1450981)

http://abeermahmoud2006.jeeran.com/509-Bismellah.gif

أرحب بجميع الضيوف معنا هنا بالقسم الهندسي

وأحب أرحب كمان بكل اللى اتقبل تنسيقهم ودخلو هندسة
واقولكم

الف الف مبروووك يا بشمهندسين

وعقبال ما نشوفكو دكاترة ومعيدين ان شاء الله

طبعاً الخبراء هنا كتير :d
واي حد عنده اي استفسار يحط موضوع جديد ويسأل فيه واحنا في الخدمة ان شاء الله :d
حنكرهكو في الكلية
قصدي حنخليكو تعشقو الكلية :d

بس مبدأياً عشان نكون متفقين
في حاجتين لازم تعرفهم

1- لو داخل كل هندسة عشانها كلية قمة فياريت تحول في اقرب وقت ممكن
لإنك لو مش داخل الكلية حاببها إنسى إنه نظام ثانوية عامة ينفعك

2- اوعى تاخد نصيحة حد في الكلية من جوه
لأنه حيعقدك في حياتك وحيحسسك الدنيا كلها عقد
بس برده لازم تعرف طرق تفكير الجميع وتخلي ليك فكرك الخاص
(بس متطبقش النظرية ده أوي يعني :d)

في حاجات بقى بسميها نصايح روتينية حقولكم عليها وعارف مش حتنفذوها
وهي كاللآتي

1- تذاكر من اول يوم>>>> معملنهاش في ثانوية عامة حنعملها هنا

2- حاول تكتب في المحاضرات في كشكول (كل المواد) وبعد ما تروح تنقل الحاجات ده في كشكول منظم وخاص
طبعاً الوقت مش حيسعفك في الحركة ده لإنك بتتطحن في الكتابة اثناء المحاضرة
انا اللى كتبته في المحاضرات اكتر من اللى ذاكرته !!!:d
وبرده حتلاقي اللى عايز تنقله كتير
فتحاول على الاقل وانت في المحاضرة يكون معاك قلمين بلونين مختلفين وقلم رصاص للرسم (في هندسة يبقى سنون نص ع الاقل)
وتحاول بقدر الامكان تنظم في المحاضرة نفسها وكل واحد حسب ما يشوف بقى

3-تذكر ان الدكتور هو المتحكم الاول والاخير فحاول ألا تستفزه
ففي يده درجات اعمال السنة
وفي يده درجات التيرم
وفي يده وضع الامتحانات
وفي يده يشرحلك او ميشرحلكش برده
من الآخر لو عايز يفرمك حيفرمك :d

4- إياك ثم إياك تنفيض المحاضرات عشان تاخد كورسات
اوعى تكرر نفس غلطة الثانوية العامة تاني
حتضيع يومك كله ومش حتعرف تعمل حاجة

ولو حتعتمد على قانون الثانوية العامة بتاع
"الدرس هو اللى بيخليني اذاكر ولوحدي مش بذاكر"
فاعلم أنك ضائع هذا العام

ليه؟
اللى بيديك الدرس ده بيكون راجل ذو خبرة في الامتحانات
لكن في الكورس بيديك معيد تحت ايد الدكتور
يبقى تسيب الدكتور اللى بيفهم المعيد وتروح للمعيد ؟؟

وكمان المعيد ده حسب الدماغ
يمكن الدرس كنت ملتزم بمواعيد
بس في الكورس الدكتور بيمشيك براحته
وياسلام ع الغلاسة بقى لو كان في مطش ولا حاجة ولغى الكورس وفرض عليكو معاد تاني فيه كورس تاني !!!

وعلى فكرة عشان في مقلب كل الناس بتقع فيه
المعيد مش بيقدر يخلصلك المادة كلها
لأنه الدكتور احياناً بيديك حاجات من عنده لازم تعرفها من المحاضرة مش في الكتاب

ياريت حتى يخلص المادة اللى في الكتاب
انا اخدت كورس رياضة التيرم التاني والله أخدنا حصتين ليلتين الامتحانات
حتقولي ما كويس مراجعة
اقولك
والله كنا بناخد فيهم حاجات جديدة !!!
حاخد حاجات جديدة يوم الامتحان .؟
واحلها امتى واخد عنها تمارين امتى ؟؟
بس حظي حلو إني كنت حاضر المحاضرة ده وفاهم الدرس ده ساعتها

بعد الكلام ده متأكد برده إنه في ناس مش حتصدق
بس صدقوني افشل ناس هي اللى بتاخد كورسات
إلا لو واحد يقدر يتابع المحاضرات والكورسات كلها
وميفوتش محاضرة
يبقى كده انت عبقري وبتعرف من هنا وهنا

في النهاية احب اقولكم اهلاً بيكم في هندسة
وحب المادة عشان المادة تبقى اسهل
وارضى دكاترتك يرضوك في الامتحانات(يرضوك يعني امتحانات صعبة ينفخوك يعني امتحانات متتحلش :d)

وكل حاجة حتتوفق بإذن الله
كان في موضوع عملته عن المواد اللى اخدتها التيرم الاول في اعدادي
بس مش عارف راح فين
لو قدر البشمهندس بلال يتفضل علينا ويجيبهولنا يبقى كتر خيره

يلا عايز كل واحد يدخل يقول كلمته ويقولنا كمان قبل في هندسة ايه

:039uw8:

ايه كم النصايح الرهيب ده يا بشمهندس:bosyht9::bosyht9:
والله انا كده مش عارفه راسي من رجليه
كل الحاجات ديه حعملها
ربنا يستر:022yb4:
علي العموم انا دخلت هندسه اسيوط
انا كنت عايزه اسأل سؤال كده
هو صحيح يوم الجمعه مش اجازه؟؟؟؟؟:mad:

انا اللى اعرفه عندنا فى عين شمس ان عندنا يومين اجازه الجمعه ويوم كمان على حسب مجموعتك
بس طبعا هتلاقى ان فى مجاميع هتنزليلها يوم الجمعه :d
وكمان الامتحانات يوم الجمعه عشان مايضيعوش محاضرات :d ده بالنسبه لعين شمس الله اعلم عندكوا ايه

الله يكرمك يا كيمو عقدتني اكتر ما انا متعقد . يعني انا هفضل اكتب في المحاضرة طيب مافيش حاجة نذاكر منها بدل كل المحاضرات اللي بتتكتب دي هنحضر المحاضرات برده بس مفيش حاجة نذاكر منها

اقتباس:

المشاركة الأصلية كتبت بواسطة KeMoZzAzZ (المشاركة 1452904)

يعني مش اجازه:giljotiiniug3:
كويس
ربنا يطمنك بالخير يا بشمهندس:mad:
هو دخول الهندسه اصلا عمليه انتحاريه:giljotiiniug3::giljotiiniug3:
ربنا يستر:(

اقتباس:

يعني انا هفضل اكتب في المحاضرة طيب مافيش حاجة نذاكر منها بدل كل المحاضرات اللي بتتكتب دي هنحضر المحاضرات برده بس مفيش حاجة نذاكر منها

ف تلت مصادر ..مفيش غيرهم
كتاب
محاضرات
مذكرات

مش عايز تزاكر المحاضرات ..يبقى الكتاب احسنلك
مش عايز الاتنين يبقى المذكرات

بس نصيحه :: متوصلش نفسك لكده ..ومتعتمدش على المذكرات ..ممكن تسوحك

فخليك ف المحاضرات احسن حاجه وبالذات ف اعدادى

بسم الله .........

انا بهاء ودخلت هندسة أسيوط

اقتباس:

أولا أنا اتقبلت في هندسه بورسعيد
ثانيا سمعت ناس كتير بيقولوا ان لازم في اعدادي نأخذ درس رسم ودرس رياضه
لانهم أصعب مادتين
وبصراحه أنا اتنكدتش من الكلام ده لان أنا مسدأت اخلص من دروس الثانوي الرخمه
الكلام ده ايه من وجهه نظرك
بالمناسبه هما كام ماده في أول سنه:d